ఎన్నికల ప్రచారంలో విషాదం.. అనసూయ మృతి

చెన్నై: ఎన్నికల ప‍్రచారంలో విషాదం నెలకొంది. పోటీలో ఉ‍న్న మహిళా అభ్యర్థి గుండెపోటుతో మృతి చెందింది. ఈ ఘటన తమిళనాడులో చోటుచేసుకుంది. వివరాల ప్రకారం.. తమిళనాడు పట్టణ స్థానిక సంస్థల ఎన్నికలు ఫిబ్రవరి 19వ తేదీన జరుగనున్నాయి. ఈ ఎన్నికల్లో తంజావూరులో అయ్యంపేటై 9వ వార్డుకు అధికార డీఎంకే పార్టీ తరఫున అభ్యర్థిగా డీఎం అనసూయ బరిలో నిలిచారు.

ఇదిలా ఉండగా గురువారం అనసూయ తంజావూరులో ఎన్నికల ప్రచారంలో పాల్గొన్నారు. ఈ క్రమంలో ఆమెకు గుండెపోటు రావడంతో హుటాహుటిన ఆసుపత్రికి తరలించారు. అయితే, ఆమె అప్పటికే మృతి చెందినట్టు వైద్యులు నిర్ధారించారు. దీంతో డీఎంకే నేతలు ఒక్కసారిగా దిగ్భ్రాంతికి లోనయ్యారు. ఎన్నికల ప‍్రచారానికి గురువారం చివరి రోజు కాగా.. ఫిబ్రవరి 22న ఫలితాలు వెలువడనున్నాయి.