బిహార్‌కు ప్రత్యేక హోదా లేదా ప్యాకేజీ ఇవ్వాలి

న్యూఢిల్లీ: కేంద్రంలో ప్రధాని మోదీ సారథ్యంలో ప్రభుత్వం ఏర్పాటులో కీలకంగా ఉన్న జనతాదళ్‌(యునైటెడ్‌) ఎగ్జిక్యూటివ్‌ సమావేశం శనివారం జరిగింది. పార్టీ చీఫ్, బిహార్‌ సీఎం నితీశ్‌ ‡ అధ్యక్షతన ఢిల్లీలో జరిగిన ఈ భేటీలో ఆ పార్టీ కీలక తీర్మానాలు చేసింది. 

బిహార్‌కు ప్రత్యేక హోదా లేదా స్పెషల్‌ ప్యాకేజీ ఇచ్చే అంశాన్ని పరిశీలించాలని కేంద్ర ప్రభుత్వాన్ని కోరింది. పేపర్‌ లీకేజీ ఘటనల్లో బాధ్యులపై తీవ్ర చర్యలు తీసుకోవడం ద్వారా వీటిని పునరావృతం కాకుండా చేయవచ్చని పేర్కొంది. ఈ సమావేశం నితీశ్‌కి నమ్మకస్తుడిగా, బీజేపీతో మంచి  సంబంధాలున్న రాజ్యసభ ఎంపీ సంజయ్‌ ఝాను పార్టీ వర్కింగ్‌  ప్రెసిడెంట్‌గా ఎన్నుకుంది.