TV
లక్ష్మణ్‌ బాపూజీ సేవలు చిరస్మరణీయం
నిర్మల్‌చైన్‌గేట్‌/ఖానాపూర్‌: కొండా లక్ష్మణ్‌ బాపూజీ జయంతి వేడుకలు జిల్లాలో శనివారం ఘనంగా నిర్వహించారు. కలెక్టరేట్‌లో పలువురు అధికారులు కొండా లక్ష్మణ్‌బాపూజీ చిత్రపటానికి పూలమాలలు వేసి నివాళులు అర్పించారు. కొండా లక్ష్మణ్‌ బాపూజీ స్వాతంత్రోద్యమం, నిజాం వ్యతిరేక ఉద్యమం, తెలంగాణ ఉద్యమంలో కీలక పాత్ర పోషించారని తెలిపారు. నిర్మల్‌ పట్టణంలోని కొండా లక్ష్మణ్‌బాపూజీ విగ్రహానికి ఎమ్మెల్యే, బీజేఎల్పీ నేత ఏలేటి మహేశ్వర్‌ రెడ్డి పూలమాల వేసి నివాళులర్పించారు. కొండా లక్ష్మణ్‌ బాపూజీ బడుగు బలహీన వర్గాల కోసం పోరాడిన గొప్ప మహనీయుడని కొనియాడారు. ఖానాపూర్‌ పట్టణంలోని తిమ్మాపూర్‌ పద్మశాలి సంఘం ఆధ్వర్యంలో నిర్వహించిన కొండా లక్ష్మణ్‌బాపూజీ జయంతి వేడుకల్లో ఖానాపూర్‌ ఎమ్మెల్యే వెడ్మ బొజ్జు పాల్గొని నివాళులర్పించారు.
లక్ష్మణ్‌ బాపూజీ సేవలు చిరస్మరణీయం
లక్ష్మణ్‌ బాపూజీ సేవలు చిరస్మరణీయం
