సాక్షి ప్రతినిధి, మంచిర్యాల: ఉమ్మడి ఆదిలాబాద్‌ జిల్లాలో ఈ ఏడాది వన్యప్రాణులు అలజడి రేపాయి. ఏటా చలికాలంలో పులుల సంచారం ఉన్నప్పటికీ ఈ సంవత్సరం మరింత ఎక్కువగా కనిపించాయి. రెండేళ్ల తర్వాత గత నెలలో కాగజ్‌నగర్‌ మండలం గన్నారానికి చెందిన మోర్లే లక్ష్మిని పత్తి చేనులోనే దాడి చేసి చంపేయగా, సిర్పూర్‌(టి) పరిధి దుబ్బగూడలో రైతు సురేశ్‌పై దాడి చేసింది. అయితే ఆయన ప్రాణాలతో బయటపడ్డారు. ఇక రైతుల పశువులు, మేకల మందలపైనా దాడులు చేస్తున్నాయి. దీంతో అటవీ సమీప ప్రాంతాల్లోని గ్రామాల ప్రజలకు కునుకు లేకుండా పోతోంది. రోడ్లు దాటుతూ, జన సంచారం ఉన్న చోటు వరకు పులులు, చిరుతలు కనిపిస్తున్నాయి. గడిచిన ఏడాదిలోనూ మనుషులు, వన్యప్రాణులకు ఘర్షణ కొనసాగింది. వలస పులులతో భయం ఈ ఏడాది పొడవునా మహారాష్ట్ర నుంచి కవ్వాల్‌ టైగర్‌ రిజర్వులోకి పులులు రాకపోకలు సాగించాయి. ఇందులో ఆదిలాబాద్‌, నిర్మల్‌, మంచిర్యాల వరకు ఓ మగపులి, సిర్పూర్‌(టి) మీదుగా మరో పులి, ఆసిఫాబాద్‌ జిల్లాలో మరో పులి సంచరించింది. వీటిలో రెండు మగవి, కాగా ఒకటి ఆడపులి ఉంది. ప్రస్తుతం రెండు వలస పులులు సంచరిస్తున్నాయి. మరోవైపు ఇద్దరిపై దాడి చేసి పులి మహారాష్ట్ర, తెలంగాణ సరిహద్దుల్లో సంచరిస్తోంది. ఆదిలాబాద్‌ నుంచి మొదలై జన్నారం వరకు పులులు సంచరించాయి. దీంతో ఆయా చోట్ల ఉన్న స్థానికులు బెంబేలెత్తారు. రెండు పులుల మరణం మరోవైపు ఈ ఏడాదిలోనే రెండు పులులు మరణించాయి. ఐదారేళ్ల వయస్సున్న మగపులి(ఎస్‌ 9)ని విషమిచ్చి చంపారు. గత జనవరిలో కుమురంభీం ఆసిఫాబాద్‌ జిల్లా కాగజ్‌నగర్‌ డివిజన్‌ దరిగాం, సర్కెపల్లి మధ్య బూడిద మామిడి అడవుల్లో ఏడాదిన్నర ఆడపులి, అదే నెల 8న ఐదారేళ్ల మగ పులి కళేబరాలను గుర్తించారు. ఈ రెండింటిలో ఆడపులి మాత్రం మరోపులితో పోరులో చనిపోగా, మగపులి మాత్రం విషంతో చనిపోయినట్లు అధికారులు గుర్తించారు. ఈ రెండు పులలు మరణంతో అటు అటవీ అధికారులపై చర్యలు తీసుకోవడంతోపాటు పలువురు రైతులపైనా కేసులు నమోదయ్యాయి. అంతేకాక మరోసారి ఎవరూ పులులకు ముప్పు కలిగించకుండా, పశువులు, మనుషులపై దాడి చేస్తే నష్టపరిహారం పెంచడంతోపాటు 24గంటల్లోనే చెల్లించేలా ఏర్పాటు చేశారు. తొలిసారిగా ఏనుగు దాడిలో ఇద్దరి మృతి పులి దాడిలో మరొకరు.. రెండు పులులు కూడా మరణం ఈ ఏడాదిలోనూ వన్యప్రాణులు, మనుషులకు ఘర్షణతొలిసారిగా ఏనుగు రాక రాష్ట్ర చరిత్రలోనే తొలిసారిగా ఓ ఏనుగు ఉమ్మడి జిల్లాకు వచ్చింది. మూడు రోజులపాటు సంచరిస్తూ అలజడి రేపింది. ఇద్దరిపై దాడి చేసి చంపేసింది. గత ఏప్రిల్‌లో 25నుంచి 30ఏళ్ల వయస్సున్న మగ ఏనుగు చింతలమానేపల్లిలో మండలం బూరెపల్లిలో మిరపతోటలో రైతు శంకర్‌ను చంపేసింది. మరుసటి రోజే పెంచికల్‌పేట మండలం కొండపల్లి, కారు పోశన్నపై దాడి చేసి చంపేసింది. దీంతో స్థానికులు చేలల్లోకి వెళ్లాలంటే ఆందోళన చెందారు. చివరకు మరళిగూడ సమీపంలో ప్రాణహిత దాటి మహారాష్ట్ర వైపు వెళ్లిపోవడంతో స్థానికులు, అధికారులు ఊపిరి పీల్చుకున్నారు. మరోవైపు భవిష్యత్తులోనూ ఏనుగులు వచ్చే అవకాశం ఉన్నట్లు ముందస్తుగా చర్యలు తీసుకునేందుకు ప్రణాళికను సైతం అటవీ శాఖ సిద్ధం చేసుకుంది.

● కిరోసిన్‌ డబ్బాతో ప్రజావాణికి.. నిర్మల్‌చైన్‌గేట్‌: నిర్మల్‌ కలెక్టరేట్‌కు ఓ వ్యక్తి కిరోసిన్‌ బాటిల్‌తో రావడం కలకలం రేపింది. జిల్లాలోని సోన్‌ మండలం న్యూవెల్మల్‌ గ్రామానికి చెందిన మంగలి ముకేష్‌ సోమవారం కలెక్టరేట్‌లో నిర్వహించిన ప్రజావాణికి కిరోసిన్‌ డబ్బాతో వచ్చాడు. గేటు వద్ద కానిస్టేబుల్‌ తనిఖీ చేసి స్వాధీనం చేసుకున్నారు. మంగలి ముకేష్‌ మాట్లాడుతూ ‘‘మా అమ్మ మంగలి రాజవ్వది న్యూ వెల్మల్‌ గ్రామం. లక్ష్మణచాంద మండలం పొట్టపల్లి గ్రామంలో సర్వేనంబర్‌ 176/1లో సొంత భూమి ఉంది. ఈ భూమి సోన్‌ మండలం న్యూ వెల్మల్‌లో 306/1లో రిజిస్ట్రేషన్‌ అయింది. సోన్‌ తహసీల్దార్‌ సెత్వార్‌ జరుగుతున్న సందర్భంగా 306/1 సర్వేనంబర్‌ లక్ష్మణచాంద మండలం పాత పొట్టపల్లి(కె)లో ఉందని లేఖ రాశారు. ధరణి పోర్టల్‌లో ఆ భూమి న్యూవెల్మల్‌లో ఉంది. ఈ భూమి కోసం అధికారుల చుట్టూ చెప్పులు అరిగేలా తిరిగినా ఎవరూ పట్టించుకోవడం లేదు. సోన్‌ తహసీల్దార్‌ను కలిస్తే తమ పరిధిలో లేదని, లక్ష్మణచాంద తహసీల్దారు కూడా అదే చెబుతున్నారు. దిక్కుతోచక చావే శరణ్యమని కిరోసిన్‌ వెంట తెచ్చుకున్న..’’ అని తెలిపాడు. అధికారులు తన పేరిట ఉన్న భూమిని మార్చి కొత్త పట్టా పాస్‌బుక్‌ జారీ చేయాలని కోరాడు. ఈ మేరకు అదనపు కలెక్టర్‌ ఫైజాన్‌ అహ్మద్‌కు వినతిపత్రం ఇచ్చారు. స్పందించిన అదనపు కలెక్టర్‌ జనవరి 2లోపు సమస్య పరిష్కరిస్తామని తెలిపారు. సమస్య పరిష్కరించకపోతే కలెక్టరేట్‌ భవనం ఎక్కి ఆత్మహత్య చేసుకుంటానని బాధితుడు ఆవేదన వ్యక్తం చేశాడు.

● ఎస్పీ జానకీషర్మిల నిర్మల్‌టౌన్‌: జిల్లాలో శాంతి భద్రతలు భంగం లేకుండా అసాంఘిక శక్తులపై ఉక్కు పాదం మోపుతున్నట్లు ఎస్పీ జానకీషర్మిల తెలిపారు. జిల్లా కేంద్రంలోని పోలీస్‌ కార్యాలయంలో సోమవారం ఏర్పాటు చేసిన విలేకరుల సమావేశంలో 2024లో సాధించిన పురోగతి, వార్షిక నేర నివేదిక వివరాలు వెల్లడించారు. ఈ ఏడాది శాంతి భద్రతలు బాగున్నాయని, ఒకటి, రెండు ఘటనలు మినహా పూర్తి అదుపులో ఉన్నాయన్నారు. ఈ ఏడాది నేరాలు కాస్త పెరిగాయని తెలిపారు. 2023లో 2,967 కేసులు నమోదు కాగా.. ఈ ఏడాది 3,524 కేసులు నమోదైనట్లు పేర్కొన్నారు. ప్రజలు సైబర్‌ నేరాలపై అప్రమత్తంగా ఉండాలని సూచించారు. జిల్లాలో శ్రీరామనవమి, హనుమాన్‌ జయంతి, వినాయకచవితి, రంజాన్‌, దసరా ఉత్సవాలు ప్రశాతంగా జరిగేలా చర్యలు తీసుకున్నామన్నారు. బాసర ట్రిపుల్‌ ఐటీ ఘటనలను సామరస్యంగా పరిష్కరించామని తెలిపారు. బాసరలో జరిగిన మర్డర్‌ కేసులో నిందితులను వారం వ్యవధిలోనే పట్టుకున్నట్లు పేర్కొన్నారు. మంగళ్‌సింగ్‌ తండాలో గంజాయి సాగు చేస్తున్న ఆరుగురిని ఇటీవల అరెస్టు చేసి సుమారు రూ.70 లక్షల విలువైన గంజాయి మొక్కలు జప్తు చేశామన్నారు. దిలావర్‌పూర్‌ ఇథానల్‌ పరిశ్రమ సంబంధించిన ఘటనలో పోలీసులు సామరస్యంగా వ్యవహరించారన్నారు. సమావేశంలో బైంసా ఏఎస్పీ అవినాష్‌, అడిషనల్‌ ఎస్పీ ఉపేంద్రరెడ్డి, నిర్మల్‌ డీఎస్పీ గంగారెడ్డి, పట్టణ, రూరల్‌ సీఐలు ప్రవీణ్‌కుమార్‌, రామకృష్ణ, ఆర్‌ఎస్‌ఐలు రవికుమార్‌, రాజశేఖర్‌, రాంనిరంజన్‌ పాల్గొన్నారు.

మంగళవారం శ్రీ 31 శ్రీ డిసెంబర్‌ శ్రీ 2024సివిల్‌ సప్లయ్‌ హమాలీల సమ్మె నోటీసు నిర్మల్‌చైన్‌గేట్‌: నిర్మల్‌ జిల్లా సివిల్‌ సప్లయ్‌ హమాలీలు జిల్లా మేనేజర్‌ సురేశ్‌కు సోమవారం సమ్మె నోటీసు అందించారు. పెరిగిన రేట్లకు అనుగుణంగా జీవో విడుదల చేయాలని లేని పక్షంలో జనవరి 1 నుంచి సమ్మె చేస్తామని పేర్కొన్నారు. నోటీసు ఇచ్చినవారిలో ఏఐటీయూసీ రాష్ట్ర కార్యదర్శి ఎస్‌.విలాస్‌, జిల్లా సివిల్‌ సప్లయ్‌ హమాలీ యూనియన్‌ ప్రధానకార్యదర్శి రాథోడ్‌ పుండలీక్‌, జిల్లా ఉపాధ్యక్షడు పిట్టల భీమేష్‌, ఘంచక్కర్‌ శివాజీ, భీమ్‌రావు ఉన్నారు.నిర్మల్‌: 2024.. జిల్లా పోలీసుడైరీలో గుర్తుండిపోయే ఏడాది. ఎందుకంటే.. హత్యలు, అత్యాచారాలు, దొంగతనాలు, కిడ్నాపులు పెరిగాయి. చైన్‌స్నాచింగ్‌లు కామన్‌ అయ్యాయి. ఇవి జరిగిన తర్వాత చేసే విచారణ సాధారణమే అయింది. ఆందోళనలు, నిరసనలు, ఉత్సవాల సమయంలోనే పోలీసుల పనితనం ప్రజలు నేరుగా గమనిస్తారు. ఈఏడాది గణేశ్‌ ఉత్సవాలు సాఫీగా ముగించడం, ఇథనాల్‌ ఫ్యాక్టరీపై పోరాటంలో శాంతిమంత్రం పఠించడం జిల్లా పోలీసులకు రాష్ట్రస్థాయిలో పేరు తెచ్చాయి. రాష్ట్రంలోనే సంచలనంగా మారిన ‘యూబిట్‌’ కాయిన్‌దందాను వెలికితీసి, ఎనిమిదిమందిని అరెస్టు చేశారు. బాసర ట్రిపుల్‌ఐటీని దత్తత తీసుకోవడం విశేషం. సోమవారం ఎస్పీ వెల్లడించిన వార్షిన నేర నివేదిక ప్రకారం గడిచిన రెండేళ్లతో పోలిస్తే.. ఈ ఏడాది నేరాల సంఖ్య పెరగడం గమనార్హం. ● 176 దొంగతనాలు, 34 కిడ్నాప్‌లు ● ఈ ఏడాది పెరిగిన క్రైం రేటు ● సవాల్‌గా తీసుకున్న పోలీసులు ● ‘యూబిట్‌’ దందా గుట్టువిప్పి.. ● ‘ఇథనాల్‌’ మంటను చల్లార్చి.. ● ఇదీ.. 2024 జిల్లా పోలీస్‌ డైరీపెరిగిన కేసులు.. జిల్లాలో గత రెండేళ్లతో పోలిస్తే ఈ ఏడాది కేసుల సంఖ్య పెరిగింది. 2022లో మొత్తం 3,120 కేసులు నమోదుకాగా, గత ఏడాది 2,967 కేసులయ్యాయి. ఈ ఏడాది 3,524 కేసులు నమోదయ్యాయి. జిల్లాలో మొత్తం 20 పోలీసుస్టేషన్‌లు ఉండగా, అందులో నిర్మల్‌టౌన్‌ స్టేషన్‌లో అత్యధికంగా 599 కేసులు నమోదుకాగా, అత్యల్పంగా పెంబి స్టేషన్‌లో 75 కేసులు నమోదయ్యాయి. హత్యలు.. అత్యాచారాలు.. జిల్లాలో నేరప్రవృత్తి పెరిగిందనే చెప్పొచ్చు. రెండేళ్ల క్రితం జిల్లాలో 13 హత్యలు కాగా, గతేడాది ఏడు మర్డర్లు జరిగాయి. ఇక ఈ ఏడాది 16 హత్యలు జరిగాయి. అత్యాచారాల సంఖ్య కూడా గణనీయంగా పెరిగింది. 2022లో 17కాగా, 2023లో 16 అయ్యాయి. ఈ ఏడాది ఏకంగా 39 లైంగికదాడులు నమోదు కావడం ఆందోళనకరం. ఈఏడాది దొంగతనాలూ కొనసాగాయి. రాత్రిపూట 142 చోరీలు కాగా, పగటిపూట దోపిడీకేసులు 24 నమోదయ్యాయి. ఇక సాధారణ దొంగతనం కేసులు 289, దోపిడీ తరహాలో 10 నమోదయ్యాయి. మొత్తం రూ.2,19,09,577 సొత్తు చోరీకాగా, రూ.63,70,398 సొత్తు రికవరీ చేశారు. ప్రాణాలు తీసిన ప్రమాదాలు.. రోడ్డు ప్రమాదాలూ ఈ ఏడాదిలో గణనీయంగా పెరిగాయి. 2022లో 260, 2023లో 214 రోడ్డుప్రమాదాలు చోటుచేసుకోగా, ఈ ఏడాదిలో ఏకంగా 390 యాక్సిడెంట్లు అయ్యాయి. ఇందులో 133 మంది చనిపోగా, 412 మంది క్షతగాత్రులయ్యారు. సైబర్‌ క్రైమ్‌... జిల్లాలో 2024లో 49 సైబర్‌క్రైమ్‌ కేసులు నమోదయ్యాయి. వివిధ రకాల మాయమాటలతో ఈ కేసు ల న్నింటినీ కలిపి ఏకంగా రూ.6,35,33,916 కొట్టేశారు. ఇందులో కేసులు నమోదైన తర్వాత పోలీసుశాఖ బ్యాంకర్ల సహకారంతో రూ.69,40,61,000 ఫ్రిజ్‌ చేయించారు. బాధితులకు రూ.13,14,737 తిరిగి ఇప్పించారు. మరో రూ.56,25,324 కోర్టు ఆదేశాలు రాగానే అందించనున్నారు. పేరుతెచ్చిన యూబిట్‌.. ఈ ఏడాది జిల్లా పోలీసుశాఖ పేరు రాష్ట్రవ్యాప్తంగా మార్మోగింది. ఇందులో ప్రధానంగా యూబిట్‌ క్రిప్టోకరెన్సీ కేసు ప్రధానమైంది. జిల్లాలో వేళ్లానుకుపోయిన కాయిన్‌దందాను ఎస్పీ జానకీషర్మిల సారథ్యంలో వెలికితీశారు. వందలాదిమంది బాధితులు ఆర్థికంగా ఇబ్బందులు పడకుండా చేశారు. స్టార్లుగా ఉన్న సార్లు, ఎకై ్సజ్‌ ఎస్సై, ఇతర ఉద్యోగులు, చివరకు తమ శాఖకు చెందిన కానిస్టేబుల్‌నూ అరెస్టు చేసి జైలుకు పంపారు. ఈ దెబ్బకు వేరే జిల్లాలోనూ ఈ దందా ఆగిపోయింది. న్యూస్‌రీల్‌ప్రాణాలు కాపాడిన డయల్‌ 100.. జూలై 21న తెల్లవారుజామున 2.15 గంటలకు సారంగపూర్‌ మండలం మహబూబ్‌ఘాట్‌పై కారు లోయలో పడినట్లు డయల్‌ 100కు సమాచారం అందింది. ఆ రాత్రి డీసీఆర్‌బీ ఇన్‌స్పెక్టర్‌ గోపీనాథ్‌, ఎస్సై శ్రీకాంత్‌, కానిస్టేబుల్‌ లింగారామ్‌, హోంగార్డు నవీన్‌ స్పందించి ఘటనాస్థలికి చేరుకున్నారు. లోయలో పడిపోయిన ముగ్గురిని క్షేమంగా బయటకు తీసుకువచ్చారు. ఇలా.. జిల్లాలో ఈ ఏడాది డయల్‌ 100 పదుల సంఖ్యలో ప్రాణాలు కాపాడింది. తప్పిపోయిన వారిని గంటలవ్యవధిలోనే వెది కిపెట్టింది. ఈ ఏడాది ఏకంగా 19,290 డయ ల్‌ 100 కాల్స్‌ అటెండ్‌ చేశారు. సీఈఐఆర్‌ ద్వారా పోగొట్టుకున్న, చోరీకి గురైన 1,081 సెల్‌ఫోన్లను బాధితులకు అందించారు. 2024లో నమోదైన కేసుల వివరాలు.. ఎస్సీ, ఎస్టీ కేసులు 40 డ్రంక్‌అండ్‌ డ్రైవ్‌ 3,606 హిస్టరీషీట్లు 29 రౌడీషీట్‌ 16 సస్పెక్ట్‌షీట్‌ 11 ఫింగర్‌ప్రింట్స్‌ 134 హ్యుమన్‌ట్రాఫికింగ్‌ 11 ఆపరేషన్‌స్మైల్‌ 136 లోక్‌అదాలత్‌లో పరిష్కారం 8,724 ఏర్పాటుచేసిన సీసీ కెమెరాలు 507 భరోసా సెంటర్‌ 52 ఈవ్‌టీజింగ్‌ 46 ‘ఇథనాల్‌’ పోరులో భేష్‌.. దిలావర్‌పూర్‌ మండలాన్ని కుదిపేసిన ఇథనాల్‌ ఫ్యాక్టరీ వ్యతిరేక పోరాటంలో పోలీసుల పాత్ర చాలాచోట్ల భేష్‌ అనిపించుకుంది. లాఠీచార్జీ చేయాల్సిన చోట ఎస్పీ తీసుకున్న శాంతియుత నిర్ణయం, సర్కారుతో మాట్లాడేందుకు తీసుకున్న చొరవ ఆ గ్రామాల మనసు గెలుచుకునేలా చేసింది. రాళ్లు విసిరిన చోటే చివరకు ఆ గ్రామాలు ‘ఎస్పీ జిందాబాద్‌’ అంటూ నినాదాలు చేయడం పోలీసుశాఖకు బూస్టులా పనిచేసింది.

నిర్మల్‌ఖిల్లా: జిల్లాకేంద్రానికి చెందిన ప్రముఖ పద్యకవి, సంస్కృతోపన్యాసకులు, తెలంగాణ రచయితల వేదిక జిల్లా ప్రధాన కార్యదర్శి బి.వెంకట్‌కు జాతీయ తెలుగు సాహిత్య విశిష్ట సేవా పురస్కారం లభించింది. ఆంధ్రప్రదేశ్‌ రాష్ట్రంలోని కర్నూలు జిల్లాకు చెందిన మల్లినాథసూరి కళాపీఠం ఏడుపాయల సంస్థాన్‌ జాతీయ అధ్యక్షుడు డాక్టర్‌ దృశ్యకవి అమరకుల చక్రవర్తి తదితరుల చేతుల మీదుగా కర్నూలు జిల్లా మంత్రాలయం రాఘవేంద్రస్వామి పుణ్యక్షేత్రంలో నిర్వహించిన కవి సమ్మేళన కార్యక్రమంలో ఈ పురస్కారం బి.వెంకట్‌ అందుకున్నారు. కర్నూలు జిల్లా కళాపీఠం కన్వీనర్‌ మాలేకర్‌ నాగజ్యోతి, కోకన్వీనర్‌ సువర్ణ జోషి, ప్రముఖ కవి అరటి నాగేశ్వరరావు తదితరులు వెంకట్‌ను పురస్కారంతోపాటు శాలువా, నూతన వస్త్రాలు, జ్ఞాపికలతో ఘనంగా సత్కరించారు. ఇదివరకే పద్య రచన, సాహితీ రంగంలో తన ప్రత్యేకతను చాటుకుంటున్న వెంకట్‌ తాజాగా సాహిత్య విశిష్ట సేవా పురస్కారాన్ని పొందడం పట్ల నిర్మల్‌ జిల్లాకు చెందిన కవులు, కళాకారులు,సాహితీవేత్తలు అభినందనలు తెలిపారు. పురస్కారం స్వీకరిస్తున్న వెంకట్‌

● పరిష్కారానికి నోచుకోని సమస్యలు ● గ్రీవెన్స్‌లో అధికారులకు ప్రజల మొర ● ప్రజావాణి వినతులపై దృష్టి సారించాలి ● అదనపు కలెక్టర్ల ఆదేశంనిర్మల్‌చైన్‌గేట్‌: అధికారుల నిర్లక్ష్యం కారణంగా రుణమాఫీ కాలేదని ఒకరు.. తన భూమి లాక్కోవాలని చూస్తున్నారని ఒకరు.. డబుల్‌ బెడ్‌రూంలో సౌకర్యాలు లేవని మరొకరు.. కలెక్టరేట్‌లో సోమవారం నిర్వహించిన ప్రజావాణికి వచ్చిన ప్రజలు అధికారులకు మొరపెట్టుకున్నారు. ఏళ్ల తరబడి తిరుగుతున్నా వినతులు తీసుకోవడంతోనే సరిపోతుంది.. సమస్యలు పరిష్కారం కావడంలేదని ఆవేదన వ్యక్తం చేశారు. వివిధ సమస్యలపై దాదాపు 45 అర్జీలు రాగా.. అదనపు కలెక్టర్లు కిశోర్‌కుమార్‌, ఫైజాన్‌అహ్మద్‌ స్వీకరించారు. ప్రజావాణిలో వివిధ సమస్యలపై వచ్చిన ఫిర్యాదులు వెంటనే పరిష్కరించాలన్నారు. శాఖల వారీగా ఇప్పటివరకు పెండింగ్‌లో ఉన్న దరఖాస్తులు, సీఎం ప్రజావాణి దరఖాస్తులను క్షేత్రస్థాయిలో పర్యవేక్షించి పరిష్కరించేలా చర్యలు తీసుకోవాలన్నారు. దరఖాస్తులను పరిష్కరించినప్పుడు వాటికి సంబంధించిన వివరాలను క్లుప్తంగా రిమార్కుల విభాగంలో పొందుపర్చాలని సూచించారు. దరఖాస్తుదారులకు పరిష్కారానికి సంబంధించిన వివరాలను అందజేయాలన్నారు. ఈ ప్రజావాణి కార్యక్రమంలో ఆర్డీవో రత్నకళ్యాణి, వివిధ శాఖల అధికారులు, సిబ్బంది పాల్గొన్నారు.

నిర్మల్‌చైన్‌గేట్‌: సమస్యలు పరిష్కరించాలని సీఐటీ యూ ఆధ్వర్యంలో మధ్యాహ్న భోజన కార్మికులు కలెక్టరేట్‌ ఎదుట సోమవారం ధర్నా నిర్వహించా రు. సీఐటీయూ జిల్లా కార్యదర్శి బొమ్మెన సురేశ్‌ ఆ ధ్వర్యంలో అదనపు కలెక్టర్‌ ఫైజాన్‌ అహ్మద్‌కు వినతిపత్రం అందించారు. ఈ సందర్భంగా సురేశ్‌ మా ట్లాడుతూ మధ్యాహ్న భోజన కార్మికుల 6 నెలల పెండింగ్‌ వేతనాలు, 5 నెలల పెండింగ్‌ బిల్లు విడుదల చేయాలన్నారు. జిల్లాలోని మధ్యాహ్న భోజన పథకం కార్మికులను గుర్తించి మెనూ చార్జీలు ఒక్కొ క్క విద్యార్థికి కనీసం రూ.20 ఇవ్వాలని, కోడిగుడ్లకు అదనంగా బడ్జెట్‌ కేటాయించాలన్నారు. వయసు పైబడి రిటైర్‌ అవుతున్న కార్మికులందరికీ రూ.3 ల క్షల రిటైర్మెంట్‌ బెనిఫిట్‌ ఇవ్వాలని సూచించారు. ఎ న్నికల మేనిఫెస్టోలో ప్రకటించిన ప్రకారం రూ.10 వేల వేతనం ఇవ్వాలని కోరారు. కార్యక్రమంలో మఽ ద్యాహ్న భోజన యూనియన్‌ జిల్లా అధ్యక్షుడు భారత్‌బాయ్‌, జిల్లా ప్రధాన కార్యదర్శి కె.రాధ, ఉపాధ్యక్షులు లక్ష్మి, గంగాధర్‌, సహాయ కార్యదర్శి విజయ, శంకరమ్మ, సతవ్వ, ఎస్‌కే.భాను, రాజమణి, మంగ, మండల సహాయ కార్యదర్శులు పద్మ, లింగవ్వ, మంజుల, దాంబాయ్‌ పాల్గొన్నారు.

నిర్మల్‌ రూరల్‌: ప్రభుత్వం తమ డిమాండ్లు నెరవేర్చాలని సమగ్ర శిక్ష ఉద్యోగులు చేస్తున్న సమ్మె సోమవారం 21వ రోజుకు చేరుకుంది. ఆర్డీవో కార్యాలయం ఎదుట దీక్ష శిబిరంలో హోమం నిర్వహించి తమ నిరసన వ్యక్తం చేశారు. వేద పండితులు ప్రశాంత్‌శర్మ ఆధ్వర్యంలో కార్యక్రమం నిర్వహించారు. అనంతరం నాయకులు మాట్లాడుతూ.. విద్యాశాఖ సమగ్ర శిక్షలో అంకితభావంతో పనిచేస్తున్న తమను రెగ్యులర్‌ చేయాలని డిమాండ్‌ చేశారు. వెట్టి చాకిరీ, శ్రమ దోపిడీ నుంచి ఉద్యోగులను విముక్తి కల్పించాలన్నారు. ఎన్నికల ముందు ఇచ్చిన హామీలను నెరవేర్చాలని కోరారు. వీరికి ఆదిలాబాద్‌, నిజామాబాద్‌, కరీంనగర్‌, మెదక్‌ జిల్లాల ఎమ్మెల్సీ అభ్యర్థి గంగాధర్‌ మద్దతు తెలిపారు. నాయకులు గంగాధర్‌, నరేశ్‌, గజేందర్‌, స్వప్న, నారాయణ, సాగర్‌, రాము, నవిత, ఆనంద్‌, వెంకట్‌ తదితరులు పాల్గొన్నారు.

సెలవంటూ వెళ్లిపోయారు..! సారంగపూర్‌ మండలం మలక్‌చించోలికి చెందిన పొద్దుటూరి నర్సారెడ్డి మూడుసార్లు ఎమ్మెల్యేగా, మంత్రిగా, ఎంపీగా, ఎమ్మెల్సీగా పని చేశారు. గత జనవరిలో తుదిశ్వాస విడిచారు. 8లోu సోమవారం శ్రీ 30 శ్రీ డిసెంబర్‌ శ్రీ 2024జాతీయస్థాయి పోటీల్లో సత్తా చాటిన విద్యార్థులు సోన్‌: మంచిర్యాల జిల్లా బెల్లంపల్లిలో ఆదివా రం నిర్వహించిన జాతీయస్థాయి యోగా, కరా టే పోటీల్లో మండల కేంద్రంలోని అభ్యాస గు రుకుల విద్యార్థులు సత్తా చాటారు. యోగాలో రెండు బంగారు, రెండు వెండి, ఒక కాంస్య పతకాలు సాధించినట్లు పాఠశాల ప్రధానోపాధ్యాయుడు ప్రదీప్‌కుమార్‌ తెలిపారు. కరాటే పోటీల్లో ఆరు బంగారు, ఎనిమిది వెండి, రెండు కాంస్య పతకాలు సాధించినట్లు పేర్కొన్నా రు. ఈ సందర్భంగా విద్యార్థులను యోగా, కరాటే మాస్టర్లు చరణ్‌, చిరంజీవి, నర్సయ్యను హెచ్‌ఎం, సిబ్బంది అభినందించారు. 2024.. చూస్తుండగానే కాలగమనంలో చివరిదశకు చేరింది. ఈ ఏడాది ప్రారంభమవుతూనే జిల్లాకు కొత్త ఎస్పీని తీసుకొచ్చింది. కొన్నినెలల్లోనే కలెక్టర్‌నూ మార్చేసింది. జిల్లాలో ఎన్నో మార్పులు, చేర్పులు చేసుకుంటూ, యూబిట్‌ దందా తదితర ఘటనలతో రాష్ట్రస్థాయిలోనూ చర్చనీయాంశమైంది. ఎక్కడో తిప్పేశ్వర్‌ అడవుల నుంచి ‘జానీ’ అనే పులి ఆడతోడు కోసం వాకింగ్‌ చేస్తూ జిల్లా అంతా చుట్టేసి వెళ్లింది. ఇలా ఎన్నో సంఘటనల సమాహారాన్ని 2024 మిగులుస్తూ.. వెళ్లిపోయేందుకు సిద్ధమవుతోంది. పలు ముఖ్యమైన అంశాలపై ‘ఇయర్‌ రౌండప్‌’.. – నిర్మల్‌● జిల్లాకు కొత్త ఎస్పీ, కలెక్టర్‌ ● ‘కడెం’.. ఎత్తిపోతలకు నిధులు ● ప్రాణం తీసిన ఫుడ్‌పాయిజన్‌ ● జిల్లాను చుట్టి వెళ్లిన ‘జానీ’వరుసగా ఘటనలు ఇలా.. ● ఎస్పీ సీహెచ్‌ ప్రవీణ్‌కుమార్‌ బదిలీ కాగా, కొత్త ఎస్పీగా జీ జానకీషర్మిల వచ్చారు. ● అయోధ్యలో రామాలయ ప్రాణప్రతిష్ఠ సందర్భంగా జిల్లాలో పండుగ వాతావరణం నెలకొంది. వాడవాడలా సీతారాముల కల్యాణాలు జరిపించారు. భోజనాలు ఏర్పాటు చేశారు. ● జిల్లా మీదుగా రైల్వేలైన్‌ తీసుకువస్తామని బాండ్‌పేపర్‌ రాసిచ్చినవాళ్లకే ఓటేస్తామని జిల్లాకేంద్రంలోని పెన్షనర్స్‌ భవన్‌లో వివిధ సంఘాల ప్రతినిధులు స్పష్టంచేశారు. ● మహిళా సమన్వయ వేదిక ఆధ్వర్యంలో నిర్మల్‌లోని రెడ్డి ఫంక్షన్‌హాల్‌లో నిర్వహించిన ‘నారీశక్తి’ సమ్మేళనానికి ఉమ్మడి జిల్లా వ్యాప్తంగా వందలాది మహిళలు హాజరయ్యారు. ● ఎన్నడూ లేనంతగా మార్చి 28వ తేదీన దస్తురాబాద్‌ మండలకేంద్రంలో అత్యధికంగా 43.1 సెల్సియస్‌ డిగ్రీల ఉష్ణోగ్రత నమోదైంది. ● నర్సాపూర్‌(జీ) కేజీబీవీలో జరిగిన ఫుడ్‌పాయిజన్‌ ఘటనలో దాదాపు 63మంది విద్యార్థినులు తీవ్ర ఇబ్బందులు ఎదుర్కొన్నారు. నిర్మల్‌ ఆస్పత్రిలో 39, నర్సాపూర్‌లో 23 మంది చికిత్స పొందారు. పరిస్థితి సీరియస్‌గా ఉండటంతో ఒకరిని నిజామాబాద్‌ తరలించారు. ● పార్లమెంట్‌ ఎన్నికలను జిల్లాలో ప్రశాంతంగా నిర్వహించారు. జిల్లాలో 71శాతం ఓటర్లు ఓటుహక్కు వినియోగించుకున్నారు. ● జిల్లాకేంద్రానికి చెందిన గైనకాలజిస్ట్‌ చంద్రిక మిసెస్‌ వరల్డ్‌ పోటీల్లో శాంతికిరీటాన్ని గెలుచుకున్నారు. గురుగావ్‌లో నిర్వహించిన పోటీల్లో ‘మిసెస్‌ వరల్డ్‌ పీస్‌’తో పాటు ‘మిసెస్‌ ఇంటలెక్చువల్‌’ సబ్‌టైటిల్‌ దక్కించుకున్నారు. ● మహారాష్ట్రలోని తిప్పేశ్వర్‌ అభయారణ్యం నుంచి ఆదిలాబాద్‌ జిల్లా బోథ్‌ మీదుగా సారంగపూర్‌ మండలంలో పెద్దపులి అడుగుపెట్టింది. ప్రజలను ఆందోళనకు గురి చేసింది. ● జిల్లా విద్యాశాఖాధికారి రవీందర్‌రెడ్డి బదిలీ అయ్యారు. నూతన డీఈవోగా నిజామాబాద్‌ విద్యాశాఖ కార్యాలయంలో ఏడీగా పనిచేస్తున్న నాగజ్యోతి నియమితులయ్యారు. ఆమె కూడా బాధ్యతలు చేపట్టలేదు. చివరకు రామారావును డీఈవోగా నియమించారు. ● ఆత్మహత్యలు లేని ట్రిపుల్‌ఐటీగా మార్చేందుకు ఆర్జీయూకేటీని దత్తత తీసుకుంటున్నట్లు ఎస్పీ జానకీషర్మిల ప్రకటించారు. ● తమ సమస్యలు పరిష్కరించడంతో పాటు తమకు ఇచ్చిన హామీలను నెరవేర్చాలంటూ సమగ్ర శిక్ష అభియాన్‌ ఉద్యోగులు, సిబ్బంది నిరవధిక సమ్మె ప్రారంభించారు. ప్రతిరోజూ తీరొక్క నిరసనలు చేపడుతున్నారు. న్యూస్‌రీల్‌ జానీ అనే పేరుగల ఈ పెద్దపులి సారంగపూర్‌, కుంటాల, కుభీర్‌, దిలావర్‌పూర్‌, నిర్మల్‌రూరల్‌, మామడ, ఖానాపూర్‌, పెంబి, కడెం మండలాల్లో సంచరిస్తూ పలు పశువులను చంపేసింది. నిర్మల్‌ మున్సిపాలిటీకి సంబంధించి నిలిచిపోయిన టీయూఎఫ్‌ఐడీసీ, ఎస్‌డీఎఫ్‌ నిధులు రూ.80కోట్లను విడుదల చేయాలని మున్సిపల్‌ చైర్మన్‌ ఈశ్వర్‌, డీసీసీ అధ్యక్షుడు శ్రీహరిరావు సీఎం రేవంత్‌రెడ్డిని కలిసి కోరారు. డీఆర్వో భుజంగరావు ఖమ్మం జిల్లాకు బదిలీ అయ్యారు. జిల్లాకేంద్రంలోని గ్రిల్‌–నైన్‌ హోటల్‌లో ఫుడ్‌పాయిజన్‌ అయ్యింది. ఇక్కడ భోజనం చేసిన వారిలో చాలామంది అస్వస్థతకు గురయ్యారు. ఆదిలాబాద్‌ జిల్లా బోథ్‌లో ఓ స్కూల్‌లో పనిచేస్తున్న మధ్యప్రదేశ్‌కు చెందిన ఫూల్‌కాలీబైగా అనే యువతి తీవ్ర అస్వస్థతకు గురై మృతిచెందడం సంచలనమైంది. కలెక్టర్‌ ఆశీష్‌సంగ్వాన్‌ కామారెడ్డి జిల్లాకు బదిలీ అయ్యారు. జిల్లా నూతన కలెక్టర్‌గా జీహెచ్‌ఎంసీ జోనల్‌ కమిషనర్‌ అభిలాష అభినవ్‌ నియమితులయ్యారు. కొత్త న్యాయ (భారత న్యాయసంహిత) చట్టాల అమలు ప్రారంభమైంది. లక్ష్మ ణచాంద మండలానికి చెందిన వ్యక్తి ప్రమాదవశాత్తు మృతిచెందడంతో తొలి కేసు నమోదు చేశారు. యూబిట్‌ కాయిన్‌దందాపై పోలీసుల చర్యలు ప్రారంభించారు. జిల్లాలో ఐదుగురిని అదుపులోకి తీసుకుని విచారణ ప్రారంభించారు. వర్షాలు, వరదల నేపథ్యంలో మంత్రి శ్రీధర్‌బాబు జిల్లాలో పర్యటించారు. బీజేఎల్పీ నేత మహేశ్వర్‌రెడ్డితో కలిసి జిల్లాకేంద్రంలోని జీఎన్‌ఆర్‌ ముంపుకాలనీని పరిశీలించారు. ప్రజల సమస్యల పరిష్కారానికి కృషిచేస్తామన్నారు. అనంతరం మంత్రి బీజేఎల్పీనేత ఇంట్లో భోజనం చేయడం చర్చనీయాంశమైంది.

● అమ్మ చెంత భక్తుల అవస్థలు ● బాసరలో రెస్క్యూటీం జాడేది? ● పెద్దాస్పత్రి లేక తప్పని ఇక్కట్లు ● కానరాని ఫైరింజన్‌ సౌకర్యం భైంసా: దేశంలోనే ప్రసిద్ధిగాంచిన బాసర సరస్వతీ అమ్మవారి ఆలయంలో అత్యవసర సేవలు కరువయ్యాయి. ఈ ఆలయానికి దేశ నలుమూలల నుంచి భక్తులు నిత్యం వేలాదిగా తరలివచ్చి అమ్మవారిని దర్శించుకుంటారు. చిన్నారులతో అక్షరాభ్యాసాలు చేయిస్తారు. గంగమ్మకు మొక్కు తీర్చుకుంటారు. నామకరణాలు, పుట్టుపంచలు, శుభకార్యాలెన్నో ఇక్కడ జరుపుకొంటారు. రాష్ట్రంలో ఏకై క ట్రిపుల్‌ ఐటీ ఇక్కడే ఉండటంతో తొమ్మిది వేల మంది విద్యార్థులు ఇక్కడి విద్యనభ్యసిస్తున్నారు. మండల కేంద్రం కావడంతో చుట్టు పక్కల పల్లె జనం బాసరకు వస్తారు. వేలాది మంది రాకపోకలు కొనసా గిస్తుండగా నిత్యం రద్దీగా ఉండే ఇక్కడ అత్యవసర సేవలు అంతంత మాత్రంగానే ఉన్నాయి. అగ్ని ప్రమాదాలు సంభవిస్తే.. బాసర మండలంలో అగ్నిమాపక కేంద్రం అందుబాటులో లేదు. ప్రమాదాలు సంభవిస్తే భైంసా నుంచే అగ్నిమాపక శకటం ఇక్కడికి పంపిస్తారు. ముఖ్య పర్వదినాల్లో భైంసా నుంచే శకటాన్ని తీసుకువచ్చి సేవలకు సిద్ధంగా ఉంచుతారు. ప్రతీసారి ఏదైన ప్రమాదం సంభవిస్తే క్షణాల్లో వచ్చే అగ్నిమాపక శకటం బాసరలో మాత్రం అందుబాటులో లేదు. ప్రమాదాలు సంభవించిన సమయంలో భైంసా నుంచి లేదంటే నిజామాబాద్‌ జిల్లాలోని నవీపేట్‌ నుంచి ఇక్కడికి పంపిస్తున్నారు. ప్రసిద్ధ ఆలయమున్న బాసరలో అగ్నిమాపక కేంద్రం ఏర్పాటు చేయాలని అంతా కోరుతున్నారు. 100 పడకల ఆస్పత్రి నిర్మించాలని.. భైంసా పట్టణంలోలాగే బాసరలోనూ 100 పడకల ఆస్పత్రి నిర్మించాలని ఎన్నో రోజులుగా ఈ ప్రాంతవాసులు విన్నవిస్తున్నారు. 100 పడకల ఆస్పత్రి ఉంటే ట్రిపుల్‌ఐటీ విద్యార్థులు, బాసర మండలవాసులు, ఆలయానికి వచ్చే భక్తులు, రైల్వే యాత్రికులకు నిరంతరం వైద్యసేవలు అందుతాయి. ఆపద సమయంలో అత్యవసర సేవలు అందితే ఎంతోమంది ప్రాణాలు కాపాడే పరిస్థితి ఉంటుంది. బాసర ఆలయ విశిష్టత పెరుగుతున్నా అత్యవసర సేవలపై దృష్టిపెట్టడంలేదన్న ఆరోపణలు నిత్యం వినిపిస్తున్నాయి. ఉమ్మడి ఆదిలాబాద్‌ జిల్లాలోనే బాసర ప్రముఖ పుణ్యక్షేత్రం. బాసరను కలుపుతూ ధర్మాబాద్‌ మీదుగా నాందేడ్‌ వరకు, బిలోలిని కలుపుతూ దెగ్లూర్‌ వరకు, భైంసా పట్టణం గుండా నిర్మల్‌–లక్సెట్టిపేటనూ కలుపుతూ హైవేలున్నాయి. ఇక బాసర మీదుగా నిజామాబాద్‌కు ప్రధానరోడ్డు మార్గం ఉంది. తాజాగా బోధన్‌ పట్టణం మీదుగా జహీరాబాద్‌, మెదక్‌ను కలుపుతూ హైదరాబాద్‌ వరకు మరో హైవే నిర్మాణంలో ఉంది. ఇన్ని ప్రధాన రహదారులను కలిపే బాసరలో అత్యవసర సేవలపై దృష్టి పెట్టాలని భక్తులు, స్థానికులు ప్రభుత్వాన్ని కోరుతున్నారు. వైద్యం, రక్షణ అంతంతే.. రోడ్డు ప్రమాదాలు జరిగినా.. పాముకాటుకు గురైనా.. స్నానఘట్టాలపై భక్తులు జారిపడ్డా.. రైల్వే ప్లాట్‌ఫాంపై కిందపడ్డా.. ఇక్కడ వైద్యసేవలు అందుబాటులో లేవు. బాసరలో ప్రాథమిక ఆరోగ్యకేంద్రం మాత్రమే ఉంది. దీని స్థాయిని పెంచడం లేదు. ట్రిపుల్‌ఐటీ విద్యార్థులు, బాసర మండల వాసులు, భక్తులకు ఈ ఆస్పత్రిలో పూర్తిస్థాయిలో సేవలు అందడంలేదు. ఇక్కడ జరిగే ప్రమాద ఘటనలపై ఎస్పీ జానకీషర్మిల స్పందించారు. ఇటీవలే భైంసా ఏఎస్పీ అనినాశ్‌కుమార్‌తో కలిసి ఇక్కడి పరిస్థితిని తెలుసుకున్నారు. గోదావరి నదికి ఇరువైపులా కంచె ఏర్పాటు చేయాలని నిర్ణయించారు. నిత్యం పోలీస్‌ సిబ్బంది అప్రమత్తంగా ఉండి ప్రమాదవశాత్తు గోదావరినదిలో పడ్డవారి ప్రాణాలు కాపాడే ప్రయత్నాలు ప్రారంభించారు. నిజామాబాద్‌ జిల్లావైపు నుంచి బాసరవైపు వచ్చే మార్గాన్ని సీసీ కెమెరాలతో పర్యవేక్షించాలని ఆదేశించారు. బాసరలో రెస్క్యూటీం అవసరమున్నా ఇప్పటికీ నియమించలేదు. ఇక్కడికి వచ్చే భక్తులకు ఎలాంటి అత్యవసర పరిస్థితి ఏర్పడినా ఒక్క అంబులెన్స్‌ కూడా అందుబాటులో లేదు. గతంలో బాసర యువకులు, గ్రామ పెద్దలు, ప్రజాప్రతినిధులు అప్పటి వైద్యారోగ్యశాఖ మంత్రి తన్నీరు హరీశ్‌రావును కలిసి సమస్య తెలిపితే అంబులెన్స్‌ మంజూరు చేయించారు. కానీ.. నాలుగు నెలలు తిరగకుండానే వైద్యాధికారులు ఆస్పత్రి నుంచి దానిని వేరే ప్రాంతానికి తీసుకువెళ్లారు. అత్యవసర సమయాల్లో 108కు సమాచారం ఇస్తే దూర ప్రాంతాల నుంచి బాసరకు అంబులెన్స్‌ సకాలంలో చేరుకునే పరిస్థితి లేదు.

భైంసాటౌన్‌: పట్టణంలోని పద్మావతి కాలనీలోగల వేంకటేశ్వరస్వామి ఆలయంలో ధనుర్మాసోత్సవాలు వైభవంగా నిర్వహిస్తున్నారు. ఆదివారం కూడారై మహోత్సవం కనుల పండువగా జరిగింది. ఉదయమే భక్తులు అధికసంఖ్యలో రాగా, అర్చకులు స్వామివారికి ప్రత్యేక పూజలు, అర్చనాది కార్యక్రమాలు నిర్వహించారు. అలాగే విష్ణు సహస్రనామ స్తోత్రం, తిరుప్పావై పారాయణం, లక్ష్మీవేంకటేశ్వర అష్టోత్తర శతనామార్చన, నివేదన, హారతి, మంగళ శాసనం కార్యక్రమాలు జరిపారు. అనంతరం అమ్మవార్ల సమేత స్వామివారి విగ్రహాన్ని ప్రత్యేక వాహనంలో స్థానిక ధనంజయ్‌ ఫ్యాక్టరీ వరకు పాటలు, నృత్యాల మధ్య తీసుకెళ్లారు. సాంస్కృతిక కార్యక్రమాలు నిర్వహించారు. భక్తులకు వనభోజనాలు ఏర్పాటు చేశారు. అలాగే పురాణాబజార్‌లో మార్వాడి సంఘం ఆధ్వర్యంలోనూ ధర్మశాలలో కూడారై ఉత్సవం ఘనంగా నిర్వహించారు.

జిల్లా కేంద్రంలో రోడ్డు డివైడర్‌ మధ్య పెట్టిన కోనో కార్పస్‌ చెట్లు ప్రజారోగ్యంపై దుష్ప్రభా వం చూపుతున్నాయి. దీంతో వీటిని తీసేయాలని పట్టణ ప్రజలు కోరుతున్నారు.ఆశ–నిరాశ.. 9లోu ● రెండేళ్లుగా భారీ వరదలతో దెబ్బతిన్న కడెం ప్రాజెక్టు మరమ్మతులకు ఈఏడాది రూ.9.26 కోట్లు వచ్చాయి. తాజాగా పూడికతీత కోసం రాష్ట్రవ్యాప్తంగా ఎంపిక చేసిన నాలుగు ప్రాజెక్టుల్లో జిల్లా నుంచి కడెం కూడా ఉండటం విశేషం. ● గతేడాది వర్షాలతో కొట్టుకుపోయిన సిరాల ప్రాజెక్టు మరమ్మతుల కోసం రూ.10కోట్లు మంజూరయ్యాయి. ● పిప్రి ఎత్తిపోతల పథకానికి రూ.10కోట్లు, కనకాపూర్‌ ఎత్తిపోతల మరమ్మతుకు రూ.కోటి 40లక్షలు ఇచ్చారు. నిర్మల్‌ పట్టణానికి అమృత్‌ పథకం కింద రూ.63కోట్లు మంజూరయ్యాయి. ● గతేడాది ఎన్నికలకు ముందు హడావుడిగా ప్రారంభించిన కాళేశ్వరం ప్రాజెక్టులోని 27ప్యాకేజీ నీటి ఎత్తిపోతలు ఆ ఒక్కరోజుకే పరిమితం కావడం శోచనీయం. 28వ ప్యాకేజీ కనీసం అడుగు కూడా ముందుకు పడలేదు. ● జిల్లాలో గ్రామీణాభివృద్ధిశాఖ ఆధ్వర్యంలో ఒకేరోజు 5,940 ఇంకుడుగుంతలను నిర్మించి లిమ్కాబుక్‌ ఆఫ్‌ రికార్డులో చోటు సాధించారు. ● సీ్త్రనిధి ద్వారా రుణాలు ఇవ్వడం, రికవరీ చేయడంలో వరుసగా మూడోసారి రాష్ట్రంలోనే జిల్లా ప్రథమస్థానంలో నిలిచి అవార్డు అందుకుంది. ● సమీకృత సాగు విధానాన్ని విజయవంతంగా అమలు చేసి చూపినందున పెప్సికో సంస్థ నుంచి జాతీయస్థాయిలో డీఆర్డీవో విజయలక్ష్మి, మహిళా సమాఖ్య కేంద్రమంత్రుల చేతుల మీదుగా ప్రథమ పురస్కారాన్ని అందుకున్నారు. ● ఉపాధిహామీ పథకాన్ని సద్వినియోగం చేసుకోవడంతో ఇటిక్యాల ఫీల్డ్‌ అసిస్టెంట్‌ వినాయక్‌, వెంకంపోచంపాడ్‌ ఉపాధి కూలీ చవాన్‌ మహేశ్‌ ఢిల్లీలో కేంద్రమంత్రి శివరాజ్‌సింగ్‌చౌహాన్‌ నిర్వహించిన మేధోమథన సదస్సులో పాల్గొన్నారు.

సారంగపూర్‌: అడెల్లి మహాపోచమ్మ ఆలయం ఆదివారం భక్తులతో కిటికిటలాడింది. ఉమ్మడి ఆదిలాబాద్‌ జిల్లాతోపాటు నిజామాబాద్‌, వ రంగల్‌, కరీంనగర్‌, హైదరాబాద్‌ తదితర ప్రాంతాలతో పాటు మహారాష్ట్ర నుంచి అధికసంఖ్యలో భక్తులు హాజరై అమ్మవారిని దర్శించుకున్నారు. ఈవో రమేశ్‌, ఎస్సై భక్తులకు తగి న ఏర్పాట్లు చేశారు. కాళేశ్వరం సీసీఎఫ్‌ ప్రభా కర్‌ కుటుంబ సమేతంగా దర్శించుకుని మొక్కులు చెల్లించుకున్నారు. ఆయనకు ప్రధాన అర్చకుడు శ్రీనివాసశర్మ ఆలయ మర్యాదలతో సత్కరించి తీర్థప్రసాదాలు, అమ్మవారి చిత్రపటాన్ని బహూకరించారు. ఆయన వెంట ఎఫ్‌ఆ ర్వో రామకృష్ణారావు, అనిత, నజీర్‌ఖాన్‌, స్వ ప్న, వెన్నెల తదితరులున్నారు.

భైంసాటౌన్‌: పట్టణంలోని బస్టాండ్‌ ప్రధాన రహదారి వెంబడి మున్సిపల్‌ ఆధ్వర్యంలో పెంచిన హరితహారం చెట్లు ఆదివారం నరికివేతకు గురయ్యాయి. స్థానిక ఐబీ ప్రాంతం, దర్శన్‌ లాడ్జి ఎదుట రోడ్డు వెంబడి కొన్నిచెట్లు నరికివేశారు. కొన్నింటికి కొమ్మలు తొలగించగా, మరికొన్నింటిని మొదళ్ల వరకు నరికేశారు. ఈ విషయమై మున్సిపల్‌ శానిటరీ ఇన్‌స్పెక్టర్‌ అనీస్‌ను వివరణ కోరగా, చెట్లు నరికివేసిన మాట వాస్తవమేనని తెలిపారు. కానీ, ఎవరు చేశారో తెలియదని పేర్కొన్నారు. విషయం కమిషనర్‌ దృష్టికి తీసుకెళ్లి ఆయన ఆదేశాల మేరకు తగిన చర్యలు తీసుకుంటామని తెలిపారు.

నిర్మల్‌ రూరల్‌: ప్రభుత్వం తమ న్యాయమైన డిమాండ్లు నెరవేర్చాలని కోరుతూ సమగ్ర శిక్షా అభియాన్‌ ఉద్యోగులు చేపట్టిన సమ్మె ఆది వారం 20వ రోజుకు చేరింది. ఆర్డీవో కార్యాల యం ఎదుట ఉద్యోగులు నోటికి నల్ల రిబ్బన్లు ధరించి నిరసన తెలిపారు. ఈ సందర్భంగా వారు మాట్లాడుతూ.. బడుగు, బలహీన వర్గాలు, పేద విద్యార్థులకు బోధిస్తున్న తమను ప్రభుత్వం చిన్నచూపు చూస్తోందని ఆరోపించారు. విద్యాశాఖలో అంకితభావంతో పనిచేస్తున్న తమకు ఉద్యోగ భద్రత కల్పించి ఆదుకోవాలని విజ్ఞప్తి చేశారు. 20 ఏళ్లుగా విద్యావ్యవస్థకు వెన్నెముకగా నిలిచామని తెలిపారు. ప్రభుత్వం వెంటనే తమను విద్యాశాఖలో విలీనం చేయాలని కోరారు. వెట్టి చాకిరీ, శ్రమ దోపిడీ నుంచి విముక్తి కల్పించాలని విజ్ఞప్తి చేశారు. లేని పక్షంలో సమ్మెను మరింత ఉధృతం చేస్తామని హెచ్చరించారు. డీటీఎఫ్‌ జిల్లా అధ్యక్షుడు మహేంద్రాచారి, టీపీటీఎఫ్‌ రాష్ట్ర నాయకుడు విజయకుమార్‌ దీక్షాశిబిరాన్ని సందర్శించి ఉద్యోగులకు మద్దతు తెలిపారు. నా యకులు గంగాధర్‌, నరేశ్‌, గజేందర్‌, వాణి, రాము, ప్రమోద్‌, తిరుమల, నవిత, ఆనంద్‌, గంగాధర్‌, అజయ్‌, రవీందర్‌, మతిన్‌, లతా దేవి, జ్యోతి, వీణ తదితరులు పాల్గొన్నారు. ఉపాధ్యాయుడికి ఘన సన్మానం సోన్‌: విజయవాడ కేంద్రంగా ఈ నెల 28, 29 తేదీల్లో నిర్వహించిన ఆరో ప్రపంచ తెలుగు రచయితల మహాసభల్లో మండలంలోని న్యూ వెల్మల్‌ బొప్పారం జెడ్పీ హైస్కూల్‌ తెలుగు ఉపాధ్యాయుడు, కవి, రచయిత కొండూరు పోతన్న పాల్గొన్నారు. కవి సమ్మేళనంలో తెలుగు భాష గొప్పతనాన్ని తెలిపే పద్యాలు ఆలపించారు. సాహితీ సదస్సులో తెలుగు భాష ఔన్నత్యాన్ని చాటి చెప్పి, పద్య రచన మెళకువలను యువకవులకు తెలిపారు. తెలు గు సాహిత్యాభివృద్ధికి పలు సూచనలు చేశారు. దీంతో పోతన్నను నిర్వాహకులు అభినందించారు. ప్రశంసాపత్రం, జ్ఞాపికతో ఆదివారం సత్కరించారు. ఈ సందర్భంగా పాఠశాల ప్రధానోపాధ్యాయుడు విద్యాసాగర్‌, ఉపాధ్యాయలు, గ్రామస్తులు, సాహితీ అభిమానులు పోతన్నకు అభినందనలు తెలిపారు.

నిర్మల్‌టౌన్‌: రాష్ట్రస్థాయి సీఎం కప్‌ పోటీల్లో జి ల్లా క్రీడాకారులు సత్తా చాటారని జిల్లా క్రీడలశాఖ అధికారి శ్రీకాంత్‌రెడ్డి ఓ ప్రకటనలో తెలి పారు. ఆదివారం హైదరాబాద్‌లో నిర్వహించిన అత్యపత్య అండర్‌–17 బాలికల ఫైనల్స్‌లో సంగారెడ్డి–నిర్మల్‌ జట్లు తలపడగా.. 18– 17 పాయింట్స్‌తో సంగారెడ్డి విజయం సాధించింది. నిర్మల్‌ జట్టు రెండో స్థానంలో నిలిచి సిల్వర్‌ మెడల్‌ కైవసం చేసుకుంది. అలాగే హై దరాబాద్‌లోని జీఎంసీబీ కాంప్లెక్స్‌లో ఈనెల 27 నుంచి 29వరకు నిర్వహించిన కిక్‌ బాక్సింగ్‌ పోటీల్లో జిల్లా క్రీడాకారులు ప్రతిభ కనబరిచారు. పీహెచ్‌ నక్షత్ర 55 కేజీల విభాగంలో వెండి పతకం, పీ సుగంధ 46 కేజీల విభాగంలో కాంస్య పతకం, జీ మౌనిక 65 కేజీల విభాగంలో కాంస్య పతకం సాధించారు. వీరిని జిల్లా క్రీడల అధికారి అభినందించారు.

నిర్మల్‌చైన్‌గేట్‌: భిక్షాటన నియంత్రణకు చర్యలు చేపట్టాలని కలెక్టర్‌ అభిలాష అభినవ్‌ అధికారులను ఆదేశించారు. పట్టణంలోని బాలల సంక్షేమ కమిటీ కార్యాలయాన్ని శనివారం సందర్శించారు. జిల్లాలో కమిటీ ఆధ్వర్యంలో చేపట్టిన కార్యక్రమాలు, బాల్య వివాహాల నియంత్రణ, అనాథ బాలల గుర్తింపు తదితర అంశాలపై సీడబ్ల్యూసీ సభ్యులు కలెక్టర్‌కు వివరించారు. ఈ సందర్భంగా కలెక్టర్‌ మాట్లాడుతూ జిల్లాలో జనవరి 1 నుంచి భిక్షాటన నియంత్రించేలా చర్యలు తీసుకోవాలని ఆదేశించారు. భిక్షాటన నిషేధ చట్టం కఠినంగా అమలు చేయాలని సూచించారు. పట్టణాలలోని ముఖ్య కూడళ్లలో భిక్షాటన చేస్తున్న వారిని గుర్తించి, పునరావాస కేంద్రాలను తరలించాలన్నారు. పునరావాస కేంద్రాలలో భిక్షగాళ్లకు ఆశ్రయం, ఆహారం, విద్య, స్వయం ఉపాధి, నైపుణ్యాభివృద్ధి శిక్షణలు అందించాలన్నారు. భిక్షాటన నియంత్రించేలా ప్రజలకు అవగాహన కల్పించాలని సూచించారు. భిక్షాటనను ప్రోత్సహించే వారిపై కఠిన చర్యలు తప్పవని హెచ్చరించారు. పోలీస్‌ శాఖ ఆధ్వర్యంలో ప్రత్యేక టీంలు ఏర్పాటు చేసి భిక్షాటన నియంత్రణకు చర్యలు తీసుకుంటామన్నారు. జిల్లాలో బాల్యవివాహాల నియంత్రణకు పటిష్ట చర్యలు తీసుకోవాలన్నారు. కార్యక్రమంలో అదనపు కలెక్టర్‌ పైజాన్‌ అహ్మద్‌, చైల్డ్‌ ప్రొటెక్షన్‌ అధికారి మురళి, సభ్యులు, అధికారులు పాల్గొన్నారు.

నిర్మల్‌ రూరల్‌: విద్యార్థుల ఇబ్బందులను దృష్టిలో పెట్టుకుని నిర్మల్‌ అర్బన్‌, జిల్లా కేంద్రంలోని యూఆర్‌ఎస్‌ అర్బన్‌ పాఠశాలల సమగ్ర శిక్ష నాన్‌ టీచింగ్‌ సిబ్బంది శనివారం సాయంత్రం విధుల్లో చేరుతున్నట్లు ప్రకటించారు. ఈ సందర్భంగా డీఈవో కార్యాలయంలో డీఈవో రామారావుకు జాయినింగ్‌ లెటర్‌ రాసి ఇచ్చారు. విద్యార్థులు తమవల్ల ఇబ్బందులకు గురికావొద్దని, వారి క్షేమం దష్ట్యా విధుల్లో చేరుతున్నామని స్పష్టం చేశారు. ఈ సందర్భంగా డీఈవో వారిని అభినందించారు. మిగతా కేజీబీవీలలోని సిబ్బంది కూడా విధుల్లో చేరాలని కోరారు. ఇందులో జిల్లా పరీక్షల సహాయ కమిషనర్‌ పద్మ, కేజీబీవీ జిల్లా ప్రత్యేక అధికారి సలోమి కరుణ, అధికారులు వెంకటరమణ, నరసయ్య, ప్రవీణ్‌ కుమార్‌, కృష్ణవేణి పాల్గొన్నారు.

నిర్మల్‌చైన్‌గేట్‌: జిల్లా కేంద్రంలో నిర్వహించే నుమాయిష్‌(ఎగ్జిబిషన్‌)కు పటిష్ట ఏర్పాట్లు చేయాలని కలెక్టర్‌ అభిలాష అభినవ్‌ అధికారులను ఆదేశించారు. కలెక్టరేట్‌ సమావేశ మందిరంలో నుమాయిష్‌ నిర్వహణపై అధికారులతో శనివారం సమావేశం నిర్వహించారు. జనవరి 5 నుంచి 7వ తేదీ వరకు మూడు రోజులు ‘నిర్మల్‌ ఉత్సవాలు’ పేరుతో స్థానిక ఎన్టీఆర్‌ మినీ స్టేడియంలో నుమాయిష్‌ నిర్వహించనున్నట్లు తెలిపారు. ఈ కార్యక్రమానికి సంబంధించి జిల్లా శాఖల ఆధ్వర్యంలో స్టాళ్లను ఏర్పాటు చేయాలని సూచించారు. వ్యవసాయం, గ్రామీణాభివృద్ధి, విద్య, పెయింటింగ్స్‌, హస్తకళలు, మహిళా స్వయం సంఘాల ఉత్పత్తుల స్టాళ్లను ఏర్పాటు చేయాలని వివరించారు. అధికారులంతా సమన్వయంతో పనిచేసి నుమాయిష్‌ విజయవంతం చేయాలన్నారు. కార్యక్రమం ప్రజలందరికీ తెలిసేలా హోర్డింగ్స్‌ ఏర్పాటు చేసి, కరపత్రాలు పంచాలన్నారు. జిల్లాలోని ప్రభుత్వ పాఠశాలల విద్యార్థులు, కళాకారులతో సాంస్కృతిక కార్యక్రమాలు నిర్వహించాలన్నారు. చరిత్రకారులతో జిల్లా చరిత్రను తెలిపే విధంగా కార్యక్రమాలు ఏర్పాటు చేయాలని సూచించారు. ఎగ్జిబిషన్‌ సందర్శనకు వచ్చే ప్రజలకు ఇబ్బందులు కలగకుండా చర్యలు చేపట్టాలన్నారు. పార్కింగ్‌ సమస్య తలెత్తకుండా ఏర్పాట్లను చేయాలన్నారు. ప్రజలను ఆకర్షించేలా నుమాయిష్‌ పరిసర ప్రాంతాలను అందమైన లైటింగ్‌తో ముస్తాబు చేయాలని తెలిపారు. ఆసక్తి ఉన్న ప్రజలు ప్రత్యేక ప్రాధాన్యత ఉన్న వస్తువులను ప్రదర్శించేందుకు అనుమతి కోసం https:// docs.google.com/forms/d/1h5XUPVatFSTOHi0&ZjzkFWMRMZIynqxPQ& wXk8 rcQog/ edit ఆన్‌లైన్‌ లింకు ద్వారా తమ పేరును నమోదు చేసుకోవాలని సూచించారు. ఇతర వివరాల కోసం జిల్లా యువజన క్రీడల శాఖ అధికారి శ్రీకాంత్‌రెడ్డిని 9849913071 నంబర్‌లో సంప్రదించవచ్చునని తెలిపారు. ఈ సమావేశంలో ఆర్డీవో రత్నకళ్యాణి, మున్సిపల్‌ కమిషనర్‌ ఖమర్‌ అహ్మద్‌, డీవైఎస్‌వో శ్రీకాంత్‌రెడ్డి, డీఈవో పి.రామారావు, డీఎస్‌వో కిరణ్‌కుమార్‌, ఈడీఎం నదీమ్‌, డీఎంహెచ్‌వో రాజేందర్‌ పాల్గొన్నారు.

● కేజీబీవీలకు మహిళా ఉపాధ్యాయులు ● ‘సమగ్ర’ ఉద్యోగుల సమ్మెతో ప్రభుత్వం నిర్ణయం ● మా టీచర్లు మాకే రావాలంటున్న విద్యార్థులు లక్ష్మణచాంద: జిల్లా వ్యాప్తంగా కేజీబీవీలు, కళాశాలల్లో పనిచేస్తున్న సీఆర్టీలు, పీజీ సీఆర్టీలు 20 రోజులుగా సమ్మె చేస్తున్నారు. పాఠశాలలకు హాజరు కావడం లేదు. విద్యార్థులు తీవ్రంగా నష్టపోతున్నారు. ఈ నేపథ్యంలో జిల్లా వ్యాప్తంగా ఉన్న 18 కేజీబీవీలు, కళాశాలల విద్యార్థులకు నష్టం జరగకుండా ప్రభుత్వం చర్యలు చేపట్టింది. మహిళా ఉపాధ్యాయులను కేజీబీవీలకు కేటాయించాలని ఆదేశించింది. దీంతో డీఈవో రామారావు ప్రభుత్వ పాఠశాలల్లో పనిచేస్తున్న మహిళా ఉపాధ్యాయులను కేజీబీవీల్లో సర్దుబాటు చేశారు. ఇందులో భాగంగా ఒక్కో కేజీబీవీలకు 6 నుంచి 12 మంది మహిళా ఉపాధ్యాయులను సర్దుబాటు చేశారు. విధుల్లోకి మహిళా ఉపాధ్యాయులు... ప్రభుత్వం సర్దుబాటు చేసిన మహిళా ఉపాధ్యాయులు శనివారం తమకు కేటాయించిన కేజీబీవీలకు వెళ్లి విధులు నిర్వహించారు. రోజుకు ముగ్గురు నుంచి నలుగురు చొప్పున మహిళా ఉపాధ్యాయులు విధులకు హాజరయ్యేలా ఆయా మండలాల ఎంఈవోలు ఉపాధ్యాయులను సర్దుబాటు చేశారు. రాత్రి మహిళా కానిస్టేబుళ్లు.. సమగ్ర శిక్ష అభియాన్‌ ఉద్యోగుల సమ్మె నేపథ్యంలో రాత్రివేళ విద్యార్థుల రక్షణ కోసం ఓ కానిస్టేబుల్‌కు విధులు కేటాయిస్తున్నారు. విద్యార్థుల భద్రతకు పటిష్ట చర్యలు తీసుకుంటున్నట్లు ఎంఈవోలు తెలిపారు. ఉన్నతాధికారుల ఆదేశాల మేరకు.. కేజీబీవీ సిబ్బంది సమ్మెలో ఉండటంతో రాష్ట్ర ప్రభుత్వం ఆదేశాల మేరకు జిల్లాలోని 18 కేజీబీవీలకు ఆయా మండల పరిధిలో పనిచేస్తున్న మహిళా ఉపాధ్యాయులను సర్దుబాటు చేశాం. విద్యార్థుల సంఖ్యకు అనుగుణంగా అందుబాటులో మహిళా ఉపాధ్యాయులను 6 నుంచి 12 మందిని కేటాయించాం. విద్యార్థులకు ఇబ్బందులు లేకుండా చర్యలు తీసుకుంటున్నాం. – రామారావు, డీఈవో, నిర్మల్‌వంటకు ఇబ్బంది.... కేజీబీవీలలోని విద్యార్థులకు వంట చేయడం ఇబ్బందిగా మారింది. ఇందులో పనిచేస్తున్న వంట సిబ్బంది కూడా సమ్మె బాట పట్టడంతో విద్యార్థులకు ఉదయం టిఫిన్‌, మధ్యాహ్నం, రాత్రి భోజనం చేయడం కష్టంగా మారిందని పలు మండలాలకు చెందిన ఎంఈవోలు అంటున్నారు. ఆయా మండలాల ఎంఈవోలు తమ క్లస్టర్ల పరిధిలోని ప్రభుత్వ ఉన్నత పాఠశాలలో వంట చేసే సిబ్బందిలో కొంత మందిని బతిమాలి కేజీవీబీలకు తరలించి వంట చేయిస్తున్నారు. కొన్నిచోట్ల ఇంటర్‌ విద్యార్థు లే వంట పాత్రలు శుభ్రం చేయడంతోపాటు వంట కూడా చేస్తున్నట్లు తెలిసింది. మా టీచర్లు మాకే కావాలి... తమకు ఇన్ని రోజులు విద్యను భోదించిన టీచర్లే కావాలని, కొత్త ఉపాధ్యాయులు వద్దని విద్యార్థినులు డిమాండ్‌ చేస్తున్నారు. శనివారం కొత్తగా వచ్చిన ఉపాధ్యాయులతో కనీసం మాట్లాడలేదని మహిళా ఉపాధ్యాయులు పేర్కొంటున్నారు. కొందరు భోజనం చేయమని మారాం చేశారు. దీంతో విద్యార్థులను బుజ్జగించి చివరకు తినేలాగా చేస్తున్నామని అంటున్నారు.

నిర్మల్‌ఆదివారం శ్రీ 29 శ్రీ డిసెంబర్‌ శ్రీ 2024శిశు మరణాలు నియంత్రించాలి ● డీఎంహెచ్‌వో రాజేందర్‌ నిర్మల్‌చైన్‌గేట్‌: జిల్లాలో శిశు మరణాలు నియంత్రించాలని డీఎంహెచ్‌వో డాక్టర్‌ రాజేందర్‌ వైద్యాధికారులకు సూచించారు. జిల్లా వై ద్యఆరోగ్య శాఖ అధికారి కార్యాలయంలో ‘పిల్లల మరణాల‘ పై శనివారం సమీక్ష నిర్వహించారు. ఈ సంవత్సరం జరిగిన పిల్లల మరణాలు, దానికి కారణాలను ప్రాథమిక ఆరోగ్య కేంద్రాల వారీగా సమీక్ష చేశారు. పిల్లల అధిక మరణాలకు కారణాలు తెలుసుకుని వాటిని నివారించడానికి చర్యలు చేపట్టాలని సూచించారు. కార్యక్రమ నిర్వహణ అధికారి డాక్టర్‌ నయనారెడ్డి, డాక్టర్‌ శ్రీనివాస్‌, చిన్నపిల్లల వైద్య నిపుణులు డాక్టర్‌ వాసు జిల్లాలోని వైద్యాధికారులు సిబ్బంది పాల్గొన్నారు. నిర్మల్‌: ఈఏడాది జిల్లా వ్యవసాయంలో పెద్దగా మార్పులేం లేవు. ప్రకృతి కొంత సహకరించడం, ప్రభుత్వం కొంత ఊరటనివ్వడం మినహా పెద్దగా ఫలితాలూ లేవు. గత ఏడాది ఇచ్చిన హామీ మేరకు రాష్ట్ర ప్రభుత్వం రైతు రుణమాఫీ చేసింది. కొందరికి ఇంకా అందలేదు. సన్నాలకు బోనస్‌ ఇవ్వడం పండించిన రైతులకు ఊరట కలిగించింది. రైతుబీమా యథావిధిగా కొనసాగింది. యాసంగిలో పెరిగిన సాగు.. గతేడాదితో పోలిస్తే ఈసారి యాసంగి సాగు గణనీయంగా పెరిగింది. గతేడాది సీజన్‌లో మొత్తం 2,73,818.23 ఎకరాల్లో పంటలు సాగు చేయగా, ఈఏడాది 3,05,471.01 ఎకరాల్లో సాగు చేశారు. అంటే ఈసారి 31వేల ఎకరాలకు పైగా సాగు పెరిగింది. ఇందులో గతేడాది వరి 1.07 లక్షల ఎకరాల్లో వేయగా, ఈసారి 1.14 లక్షల ఎకరాల్లో వేశారు. మక్క సాగు గణనీయంగా పెరిగింది. పోయినసారి 83,839 ఎకరాల్లో పండించగా, ఈ ఏడాది 1,06,907 ఎకరాల్లో సాగైంది. శనగ సాగు మాత్రం గతేడాది 67,635 ఎకరాల్లో సాగవ్వగా, ఈసారి 55,975 ఎకరాల్లోనే పండించారు. మొత్తం మీద ఈసారి యాసంగిలో పంటసాగు మాత్రం పెరగడం గమనార్హం. వానాకాలం పరవాలేదు.. జిల్లాలో గత రెండుమూడేళ్లతో పోలిస్తే ఈసారి వానాకాలం సాగుకు ప్రకృతి ఉపశమనం కలిపించింది. ఎందుకంటే.. మూడేళ్లుగా వానాకాలం సాగు ప్రారంభం కాగానే భారీ వర్షాలు, వరదలు వచ్చాయి. దీంతో భారీగా నష్టం జరిగింది. ఈసారి మాత్రం అలాంటిదేం లేదు. వర్షం, వాతావరణం పూర్తిగా పంటలకు అనుకూలించింది. గత వానాకాలం 4,33,361 ఎకరాల్లో సాగు కాగా, ఈసారి 4.30 లక్షల ఎకరాల్లో పంటలు సాగు చేశారు. వరి, మొక్కజొన్న, సోయా పంటలు మంచి దిగుబడి వచ్చాయి. పెరిగిన ధాన్యం.. గత ఏడాది వానాకాలంతో పోలిస్తే.. ఈసారి ధాన్యం దిగుబడి పెరిగింది. గత ఖరీఫ్‌లో 1,37,104 మెట్రిక్‌ టన్నుల ధాన్యాన్ని కొనుగోలు చేయగా, ఈసారి 203 కేంద్రాల ద్వారా 1,42,759 మెట్రిక్‌ టన్నులు కొనుగోలు చేయడం గమనార్హం. వానాకాలం కొనుగోలుకు సంబంధించి రూ.314కోట్లు చెల్లించారు. ఇందులో సన్నరకాలకు రూ.500 చొప్పున బోనస్‌ చెల్లించారు. నిర్మల్‌లో వివాహితపై లైంగికదాడి నిర్మల్‌ జిల్లా కేంద్రంలో వివాహితపై లైంగికదాడి జరిగింది. ఆమె నిస్సహాయతను ఆసరాగా చేసుకుని ఓ వ్యక్తి లాడ్జికి తీసుకెళ్లి అఘాయిత్యానికి పాల్పడ్డాడు.8లోuన్యూస్‌రీల్‌ జిల్లాలో పెరిగిన సాగు.. పలు పంటల్లో అధిక దిగుబడులు రూ.2 లక్షల రుణమాఫీతో రైతుకు ఊరట సన్నాలకు బోనస్‌ సంతోషం రుణమాఫీ.. సన్నాలకు బోనస్‌.. కాంగ్రెస్‌ ప్రభుత్వం ఎన్నికల్లో ఇచ్చిన హామీ మేరకు రూ.2 లక్షల వరకు రుణమాఫీ ప్రక్రియను ఈ ఏడాది చేపట్టింది. ఇందులో భాగంగా జిల్లాలోనూ నాలుగు విడతల్లో మాఫీ ప్రక్రియ కొనసాగింది. జిల్లాలో మొత్తం 71,565 మందికి రూ.658.61 కోట్ల రుణమాఫీ అయింది. అర్హత ఉండి రుణమాఫీ కానివారు ఇంకా ఉన్నారు. రూ.2 లక్షలపైన ఒక్క రూపాయి ఎక్కువగా ఉన్నా మాఫీకాకపోవడంతో అలా కూడా చాలామంది నిరాశకు గురయ్యారు. ఇక రాష్ట్రప్రభుత్వం సన్నరకం ధాన్యం సాగును ప్రోత్సహించడానికి బోనస్‌ ప్రకటించింది. ఈఏడాది సన్నాలకు క్వింటాల్‌కు రూ.500బోనస్‌గా అందించారు. ఈమేరకు జిల్లాలో 6,700 మంది రైతులకు రూ.69.75 కోట్లు బోనస్‌గా అందింది.

నిర్మల్‌చైన్‌గేట్‌: జిల్లా గ్రామీణాభివృద్ధి సంస్థ ఆధ్వర్యంలో దివ్యాంగులకు సంబంధించి వైకల్య ధ్రువీకరణ కోసం జనవరి నెలకు సంబంధించి సదరం క్యాంపుల తేదీలను డీఆర్డీవో విజయలక్ష్మి ప్రకటించారు. జనవరి 7, 23, 28న ఆర్థో, సీవీఏ, 3న వినికిడిలోపం, 9న మానసిక వైకల్యం, 16న నేత్ర సంబంధ వైకల్యం పరీక్షలు ఉంటాయని వివరించారు. అర్హులైన వారు తమ పరిధిలోని ప్రాథమిక ఆరోగ్య కేంద్రం వైద్యునితో ఓపీ స్లిప్‌ ద్వారా దివ్యాంగ కేటగిరీ నిర్ధారించుకునిని దాని ప్రకారం మీ సేవ కేంద్రాల్లో స్లాట్‌ బుక్‌ చేసుకోవాలని సూచించారు. స్లాట్‌ బుక్‌ అయినవారు మాత్రమే సదరం శిబిరానికి ఆయా తేదీల్లో ఉదయం 9 గంటలకు స్థానిక ప్రభుత్వ జనరల్‌ ఆసుపత్రికి రావాలని వివరించారు.

● కలెక్టర్‌ అభిలాష అభినవ్‌నిర్మల్‌చైన్‌గేట్‌: డంపింగ్‌ యార్డ్‌ను సమర్థవంతంగా నిర్వహించాలని కలెక్టర్‌ అభిలాష అభినవ్‌ అధికారులను ఆదేశించారు. నిర్మల్‌ పట్టణంలోని డంపింగ్‌ యార్డ్‌ను శనివారం తనిఖీ చేశారు. రోజువారీగా డంపింగ్‌ యార్డ్‌కు వస్తున్న చెత్త, నిర్వహణ, సెగ్రిగేషన్‌ తదితర వివరాలు అధికారులను అడిగి తెలు సుకున్నారు. ఈ సందర్భంగా కలెక్టర్‌ మాట్లాడుతూ నిర్మల్‌ పట్టణంలోని ప్రతీ ఇంటి నుంచి తడి, పొడి చెత్తను ఏరోజుకారోజు వేర్వేరుగా సేకరించి డంపింగ్‌ యార్డ్‌కు తరలించాలన్నారు. సెగ్రిగేషన్‌ ప్రదేశంలో ప్లాస్టిక్‌ కవర్లు, ప్లాస్టిక్‌ డబ్బాలు, పేపర్‌, తుక్కు, గాజు సీసా, అట్ట పెట్టెలను వేరుగా విభజించాలన్నారు. పునఃవినియోగానికి వీలున్న చెత్తను వేరుచేసి ఉంచాలని పేర్కొన్నారు. డంపింగ్‌ యార్డ్‌ ఆవరణలో తక్షణమే సీసీ కెమెరాలు ఏర్పాటు చేయాలని తెలిపారు. అగ్ని ప్రమాద నివారణ చర్యలు చేపట్టాలన్నారు. కార్యక్రమంలో మున్సిపల్‌ కమిషనర్‌ ఖమర్‌ అహ్మద్‌, పశుసంవర్ధక శాఖ అధికారి బాలీడ్‌ అహ్మద్‌, నిర్మల్‌ గ్రామీణ తహసీల్దార్‌ సంతోష్‌, అధికారులు, సిబ్బంది పాల్గొన్నారు. ఇసుక అక్రమ రవాణాపై కఠిన చర్యలు నిర్మల్‌చైన్‌గేట్‌: ఇసుక అక్రమ రవాణా చేసే వారిపై కఠిన చర్యలు తీసుకోవాలని కలెక్టర్‌ అభిలాష అభినవ్‌ అధికారులను ఆదేశించారు. కలెక్టరేట్‌లోని తన చాంబర్‌లో ఇసుక అక్రమ రవాణా నియంత్రణకు చేపట్టాల్సిన చర్యలపై సంబంధిత శాఖల అధికారులతో శనివారం సమీక్ష నిర్వహించారు. వివిధ ప్రభుత్వ శాఖల ఆధ్వర్యంలో జరుగుతున్న నిర్మాణాల వివరాలు అధికారులను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ ఇసుక అక్రమ తవ్వకాలను గుర్తించి, పూర్తిస్థాయిలో నిర్మూలించాలన్నారు. నిర్మాణాలకు అవసరమయ్యే ఇసుకను కేవలం నిబంధనల మేరకు మాత్రమే సేకరించాలన్నారు. ఇందుకు అనుగుణంగా ఆ నిర్మాణాల గుత్తేదారులకు తగు ఆదేశాలు జారీ చేయాలన్నారు. ఆయా నిర్మాణాలకు అవసరమయ్యే ఇసుక వివరాల నివేదికలను అందజేయాలని సూచించారు. నివేదికల ప్రకారమే ఆయా శాఖలో జరుగుతున్న నిర్మాణాలకు ఇసుక సరఫరా జరుగుతుందన్నారు. కాంట్రాక్టర్లు నిబంధనలకు విరుద్ధంగా అక్రమంగా ఇసుకను కొనుగోలు చేయరాదన్నారు. అధికారులు ఎప్పటికప్పుడు తనిఖీలు నిర్వహిస్తూ ఇసుక అక్రమ తవ్వకాలను, రవాణాను అరికట్టాలన్నారు. సమావేశంలో మైన్స్‌ ఏడీ రవీందర్‌, ఇంజినీరింగ్‌ శాఖల అధికారులు శంకరయ్య, అశోక్‌కుమార్‌, సందీప్‌, అధికారులు పాల్గొన్నారు.

టీచర్ల సమ్మెబాట.. సారంగపూర్‌/దిలావర్‌పూర్‌: డిమాండ్లు నెరవేర్చాలని సమగ్ర శిక్ష ఉపాధ్యాయులు, ఉద్యోగులు సమ్మెబాటపట్టారు. 19 రోజులుగా బోధన సిబ్బంది పాఠశాలలకు రావడం లేదు. దీంతో విద్యాబోధన చేసేవారు లేక పాఠాలు నష్టపోతున్నారు. భోజనంపై పర్యవేక్షణ కరువవడంతో విద్యార్థులు ఇబ్బంది పడుతున్నారు. బోధన ఆగిపోవడం, భోజనం నాసిరకంగా మారడంతో విద్యార్థులు ఇంటిబాట పడుతున్నారు. సారంగాపూర్‌ మండలం జామ్‌, దిలావర్‌పూర్‌ గ్రామంలోని కేజీబీవీల విద్యార్థులు శనివారం ఇంటిబాట పట్టారు. చదువులు సాగడం లేదని, భోజనం సరిగా ఉండడం లేదని, పురుగుల అన్నం పెడుతున్నారని పిల్లలు తల్లిదండ్రులకు సమాచారం ఇవ్వడంతో వారు పాఠశాలల వద్దకు చేరుకున్నారు. ఎంఈవోలు మధుసూదన్‌, శంకర్‌తో మాట్లాడారు. విద్యార్థులకు ఇబ్బందులు తలెత్తకుండా ఉపాధ్యాయులను సర్దుబాటు చేశామని, వంట మనుషులను సైతం ఏర్పాటు చేసి భోజనం తయారు చేయిస్తున్నామని పేర్కొన్నారు. అయితే భోజనం రుచిగా ఉండడం లేదని ఎంఈవోలతో వాగ్వాదానికి దిగారు. తమ పిల్లలకు ఏమైనా జరిగితే బాధ్యత తీసుకుంటారా అని నిలదీశారు. దిలావర్‌పూర్‌ తహసీల్దార్‌ స్వాతి చేరుకుని విద్యార్థినులతో మాట్లాడారు. ఎస్సై సందీప్‌ పరిస్థితిపై ఆరా తీశారు. అన్నంలో పురుగులు వచ్చాయనీ, ఒక బొద్దింక కూడా వచ్చిందంటూ విద్యార్థినులు తెలిపారు. దీంతో చేసేది లేక ఎంఈవో మధుసూదన్‌ పిల్లలను తీసుకెళ్లేందుకు ముందుకు వచ్చినవారితో సెలవు చీటీలు రాయించుకుని వారికి పిల్లలను అప్పగించారు. ఈవిషయమై ఎంఈవోను వివరణ కోరగా తమ తీసుకెళ్లడానికి సుముఖంగా ఉన్న తల్లిదండ్రులతో పిల్లలను పంపించామన్నారు. విద్యార్థులు ఆందోళన చెందొద్దుకేజీబీవీ విద్యార్థులు ఆందోళన చెందొద్దని కష్టపడి చదివి మంచి మార్కులు సాధించాలని డీఈవో రామారావు అన్నారు. జామ్‌ గ్రామంలోని కేజీబీవీని శనివారం రాత్రి సందర్శించారు. విద్యార్థులతో మాట్లాడి సమస్యలు తెలుసుకున్నారు. టీచింగ్‌, నాన్‌టీచింగ్‌ స్టాఫ్‌ సమ్మెకారణంగా ఎదుర్కొన్న సమస్యలను గురించి ఆరా తీశారు. అనంతరం బయటకు వచ్చిన డీఈవో మీడియాతో మాట్లాడారు. సమ్మెలో ఉన్న నాన్‌టిచింగ్‌ స్టాఫ్‌ కుక్‌, అసిస్టెంట్‌కుక్‌, డేఅండ్‌ నైట్‌ వాచ్‌ఉమెన్‌లు, ఏఎన్‌ఎం సహా ఇతర సిబ్బంది మొత్తం 10 మంది విధులకు హాజరైనట్లు వెల్లడించారు. త్వరలోనే టీచింగ్‌స్టాఫ్‌ కూడా సమ్మె విరమించి విధుల్లోకి చేరే అవకాశం ఉందని తెలిపారు. చదువులు సాగక నష్టపోతున్నామంటున్న విద్యార్థులు భోజనం సరిగా లేక పస్తులుంటున్న వైనం.. తల్లిదండ్రుల ఆందోళనతో ఇళ్లకు పంపుతున్న అధికారులు

నిర్మల్‌చైన్‌గేట్‌: భిక్షాటన నియంత్రణకు చర్యలు చేపట్టాలని కలెక్టర్‌ అభిలాష అభినవ్‌ అధికారులను ఆదేశించారు. పట్టణంలోని బాలల సంక్షేమ కమిటీ కార్యాలయాన్ని శనివారం సందర్శించారు. జిల్లాలో కమిటీ ఆధ్వర్యంలో చేపట్టిన కార్యక్రమాలు, బాల్య వివాహాల నియంత్రణ, అనాథ బాలల గుర్తింపు తదితర అంశాలపై సీడబ్ల్యూసీ సభ్యులు కలెక్టర్‌కు వివరించారు. ఈ సందర్భంగా కలెక్టర్‌ మాట్లాడుతూ జిల్లాలో జనవరి 1 నుంచి భిక్షాటన నియంత్రించేలా చర్యలు తీసుకోవాలని ఆదేశించారు. భిక్షాటన నిషేధ చట్టం కఠినంగా అమలు చేయాలని సూచించారు. పట్టణాలలోని ముఖ్య కూడళ్లలో భిక్షాటన చేస్తున్న వారిని గుర్తించి, పునరావాస కేంద్రాలను తరలించాలన్నారు. పునరావాస కేంద్రాలలో భిక్షగాళ్లకు ఆశ్రయం, ఆహారం, విద్య, స్వయం ఉపాధి, నైపుణ్యాభివృద్ధి శిక్షణలు అందించాలన్నారు. భిక్షాటన నియంత్రించేలా ప్రజలకు అవగాహన కల్పించాలని సూచించారు. భిక్షాటనను ప్రోత్సహించే వారిపై కఠిన చర్యలు తప్పవని హెచ్చరించారు. పోలీస్‌ శాఖ ఆధ్వర్యంలో ప్రత్యేక టీంలు ఏర్పాటు చేసి భిక్షాటన నియంత్రణకు చర్యలు తీసుకుంటామన్నారు. జిల్లాలో బాల్యవివాహాల నియంత్రణకు పటిష్ట చర్యలు తీసుకోవాలన్నారు. కార్యక్రమంలో అదనపు కలెక్టర్‌ పైజాన్‌ అహ్మద్‌, చైల్డ్‌ ప్రొటెక్షన్‌ అధికారి మురళి, సభ్యులు, అధికారులు పాల్గొన్నారు.