● డీఆర్డీవో విజయలక్ష్మిభైంసారూరల్‌: భైంసా డివిజన్‌ వ్యాప్తంగా స్వయం సహాయ సంఘాల మహిళలకు చిన్న పరిశ్రమల ఏర్పాటుపై అవగాహన కల్పించాలని డీఆర్డీవో విజ యలక్ష్మి సూచించారు. భైంసా మండల సమాఖ్య భవనంలో డివిజన్‌ పరిధిలోని ఏడు మండలాల ఐకేపీ ఏపీఎం, సీసీలతో గురువారం సమీక్ష నిర్వహించారు. ఇప్పటి వరకు మండలాలవారీగా సీ్త్రనిధి రుణాలు, బ్యాంకు లింకేజీలు, రుణాల రికవరీల వి వరాలను అడిగి తెలుసుకున్నారు. రుణాల రికవరీ లో నిర్లక్ష్యం చేయొద్దని సూచించారు. స్వయంసహా య సంఘాల మహిళల వద్దకు వెళ్లి స్థానికంగా వా రికి ఉపాధి ఇచ్చే చిన్న పరిశ్రమల ఏర్పాటుపై అవగాహన కల్పించాలన్నారు. రుణాలు ఇప్పించడం, రికవరీలో నిర్లక్ష్యం వహిస్తే చర్యలు తప్పవన్నారు. వచ్చే నెల 15 వరకు ఇంటిగ్రేటెడ్‌ ఫార్మింగ్‌ పనులు పూర్తి చేయాలని సూచించారు. మార్చి 31లోపు రు ణాలు రికవరీ చేయాలని ఆదేశించారు. అన్నిచోట్ల మహిళ శక్తి క్యాంటీన్లను ప్రారంభించేలా చర్యలు తీసుకోవాలన్నారు. డీపీఎం సాయిప్రసాద్‌, సీ్త్రనిధి ఆర్‌ఎం సరిత, ఏపీఎంలు, సీసీలు పాల్గొన్నారు.

● పీవోడబ్ల్యూ జిల్లా ప్రధాన కార్యదర్శి లక్ష్మినిర్మల్‌చైన్‌గేట్‌: జిల్లాలోని ప్రభుత్వ ఆస్పత్రులను బలోపేతం చేసి, ప్రైవేట్‌ కార్పొరేట్‌ ఆస్పత్రుల దోపిడీని అరికట్టాలని ప్రగతిశీల ప్రజాస్వామ్య మహిళా సంఘం జిల్లా కార్యదర్శి కట్ల లక్ష్మి డిమాండ్‌ చేశారు. ట్రేడ్‌ యూనియన్‌ సెంట్రల్‌ ఆఫ్‌ ఇండియా సంఘాల ఆధ్వర్యంలో కలెక్టరేట్‌ ఎదుట గురువారం ధర్నా నిర్వహించారు. డీఎంహెచ్‌వో డాక్టర్‌ రాజేందర్‌కు వినతిపత్రం అందజేశారు. అనంతరం లక్ష్మి మాట్లాడుతూ ప్రజల సంపూర్ణ ఆరోగ్య రక్షణ అనేది ప్రభుత్వాల నైతిక బాధ్యత అన్నారు. టీయూసీఐ రాష్ట్ర కార్యదర్శి కట్ల రాజన్న మాట్లాడుతూ ప్రభుత్వ ఆసుపత్రులను బలోపేతం చేయాల్సిన ప్రభుత్వాలు ప్రైవేట్‌ కార్పొరేట్‌ ఆసుపత్రులకు వత్తాసు పలుకుతున్నాయన్నారు. ప్రభుత్వ ఆసుపత్రులను బలోపేతం చేసి ప్రైవేట్‌, కార్పొరేట్‌ ఆసుపత్రుల మీద చర్యలు తీసుకుని వాటిని సరైన పద్ధతిలో పెట్టాల్సిన అవసరం ప్రభుత్వానిదేనన్నారు. కార్యక్రమంలో ప్రగతిశీల మహిళా సంఘం నాయకులు లక్ష్మి, విజయ, గంగామని, కవిత, కమల, టీయూసీఐ జిల్లా అధ్యక్షుడు బక్కన్న, నాయకులు గంగన్న, సాయన్న పాల్గొన్నారు.

● కలెక్టర్‌ అభిలాష అభినవ్‌నిర్మల్‌చైన్‌గేట్‌: జాతీయ రహదారిపై ప్రమాదాల నియంత్రణకు పటిష్ట చర్యలు చేపట్టాలని కలెక్టర్‌ అభిలాష అభినవ్‌ అధికారులను ఆదేశించారు. జాతీయ రహదారి విస్తరణలో భాగంగా సోన్‌ మండలం కడ్తాల్‌ గ్రామ సమీపంలో జాతీయ రహదారిపై ప్రమాదాల నియంత్రణ, వాహనదారులకు ఇబ్బందులు తలెత్తకుండా చేపట్టిన చర్యలపై సంబంధిత అధికారులు, గ్రామస్తులతో గురువారం సమావేశం నిర్వహించారు. వై జంక్షన్‌ సమస్య పరిష్కారంపై పవర్‌ పాయింట్‌ ప్రజెంటేషన్‌ ద్వారా వివరాలను తెలుసుకున్నారు. గ్రామస్తుల నుంచి సమస్య పరిష్కారానికి సూచనలను తీసుకున్నారు. అనంతరం కలెక్టర్‌ మాట్లాడుతూ కడ్తాల్‌ గ్రామ సమీపంలో నూతనంగా నిర్మించిన జాతీయ రహదారిపై ప్రమాదాల నియంత్రణకు పటిష్ట చర్యలు తీసుకోవాలన్నారు. సమస్య పరిష్కారానికి అధికారులతో ఇప్పటికే పలు దఫాలుగా సమావేశాలు నిర్వహించినట్లు తెలిపారు. ఆర్డీవో అధ్యక్షతన సంబంధిత అధికారులతో కమిటీ ఏర్పాటు చేశామన్నారు. ఈ కమిటీ ఇప్పటికే సమస్యాత్మక ప్రాంతాన్ని పరిశీలించిందని తెలిపారు. త్వరగా గ్రామస్తుల సమస్య పరిష్కరించాలన్నారు. కార్యక్రమంలో అదనపు కలెక్టర్‌ కిశోర్‌కుమార్‌, ఆర్డీవో రత్నకళ్యాణి, ఆర్‌అండ్‌బీ ఈఈ అశోక్‌కుమార్‌, జాతీయ రహదారుల అధికారి ప్రసన్న, ఆర్డీవో దుర్గాప్రసాద్‌, సోన్‌ తహసీల్దార్‌ మల్లేశ్‌, ఎంపీడీవో సురేశ్‌, కడ్తాల్‌ గ్రామస్తులు, అధికారులు పాల్గొన్నారు.

● డీఈవో రామారావు సోన్‌: తరగతిలో వెనుకబడిన విద్యార్థులపై ప్రత్యేక దృష్టి సారించాలని డీఈవో రామారావు ఉపాధ్యాయులకు సూచించారు. మండలంలోని సిద్దులకుంట సెకండరీ పాఠశాలను గురువారం తనిఖీ చేశా రు. ఈసందర్భంగా పదో తరగతి విద్యార్థుల ప్రత్యే క తరగతులను పరిశీలించారు. పలు ప్రశ్నలు అడిగి సమాధానాలు రాబట్టారు. ప్రత్యేక తరగతులను సద్వినియోగం చేసుకుని ఉత్తమ ఫలితాలు సాధించాలన్నారు. విద్యార్థుల ఎస్‌ఏ–1 రికార్డులు, స్లిప్‌ టెస్ట్‌ మార్కుల రికార్డులను పరిశీలించారు. ఉపాధ్యాయులు దత్తత తీసుకున్న విద్యార్థులు ప్రణాళిక పాటించేలా చూడాలన్నారు. మధ్యాహ్న భోజనం, సరుకుల గదిని పరిశీలించారు. ఫుడ్‌సేఫ్టీ కమిటీతో మధ్యాహ్న భోజనం నాణ్యత పరీక్షించాలని సూచించారు. అంతకుముందు లయన్స్‌ క్లబ్‌ ఆధ్వర్యంలో 50 మంది విద్యార్థులకు డిక్షనరీలు పంపిణీ చేశారు. కార్యక్రమంలో ఎంఈవో పరమేశ్వర్‌, ప్రధానోపాధ్యాయుడు హరీశ్‌రెడ్డి, లయన్స్‌ క్లబ్‌ అధ్యక్షుడు చంద్రమోహన్‌రెడ్డి, ప్రధాన కార్యదర్శి లక్ష్మీనారాయణగౌడ్‌, సభ్యులు చంద్రశేఖర్‌రెడ్డి పాల్గొన్నారు.

● బీజేఎల్పీ నేత ఏలేటి మహేశ్వర్‌రెడ్డి నిర్మల్‌చైన్‌గేట్‌: ఎమ్మెల్సీ ఎన్నికల కోడ్‌ సాకుతో జనవరి 26న ప్రారంభించిన నాలుగు పథకాల అమలు నిలిపివేయవద్దని బీజేఎల్పీ నేత, నిర్మల్‌ ఎమ్మెల్యే ఏలేటి మహేశ్వర్‌రెడ్డి అన్నారు. జిల్లా కేంద్రంలోని తన క్యాంప్‌ కార్యాలయంలో గురువారం మాట్లాడా రు. అర్హులైన పేదలందరికీ సంక్షేమ పథకాలు అందించాలన్నారు. ఇందిరమ్మ ఇళ్లపై ప్రభుత్వం స్పష్ట త ఇవ్వాలన్నారు. సొంత స్థలం లేని పేదలకు ఇళ్లు ఎలా కేటాయిస్తారని ప్రశ్నించారు. ఎన్నికల్లో ఇచ్చిన 420 హామీలను అమలు పరచడంలో ప్రభుత్వం వి ఫలమైందన్నారు. జిల్లాలో ఇల్లు లేని పేదలు 1.90 లక్షల మంది ఉంటే.. నిర్మల్‌ నియోజకవర్గం నుంచే సుమారు 70 వేల దరఖాస్తులు అందాయని తెలి పారు. మొదటి విడతలో నియోజకవర్గానికి కేవలం 3,500 ఇళ్లు కేటాయించడం ఏంటని ప్రశ్నించారు. అర్హులను ఎలా గుర్తిస్తారు, దానికి సంబంధించిన పూర్తి ప్రణాళికను ప్రజలకు తెలియజేయాల్సిన అవసరం ఉందన్నారు. రేషన్‌ కార్డు జారీలపై కూడా స్పష్టత ఇవ్వాలని డిమాండ్‌ చేశారు. కార్యక్రమంలో బీజేపీ సీనియర్‌ నాయకులు రావుల రాంనాథ్‌, మెడిసమ్మె రాజు, నాయకులు పాల్గొన్నారు.

నిర్మల్‌ఖిల్లా: ఇప్పటికీ చరిత్ర పుటలకు ఎక్కని రాంజీ గోండు సహా వెయ్యిమంది అమరవీరుల(వెయ్యి ఉరుల మర్రి) చరిత్రను విశ్వవ్యాప్తం చేయాలన్న లక్ష్యంతో శుక్రవారం జిల్లాకేంద్రంలో ‘కవి సమ్మేళనం’ నిర్వహిస్తున్నట్లు రాంజీగోండు స్మారక సమితి నిర్వాహకులు తెలిపారు. జిల్లా కేంద్రంలోని స్థానిక పెన్షనర్స్‌ భవనంలో సాయంత్రం 5 గంటలకు ఈ కార్యక్రమం ఉంటుందని పేర్కొన్నారు. రాంజీగోండు సహా వెయ్యిమంది అమరుల ప్రాణత్యాగాలు, ఆనాటి చరిత్రపై కవులు, రచయితలు, ఔత్సాహిక చరిత్రకారులు తమ రచనలను కార్యక్రమంలో కవితాగానం, విశ్లేషణ ఉంటుందని వివరించారు. జిల్లా విశిష్టతలో రాంజీగోండు ప్రస్థానం, వేయి ఉరులమర్రి చారిత్రక నేపథ్యంపై ఆసక్తి ఉన్నవారంతా ఈ కార్యక్రమానికి హాజరుకావాలని నిర్వాహకులు కోరారు.

లక్ష్మణచాంద: వార్షిక పరీక్షలకు సమయం దగ్గర పడుతోంది. ఇంటర్‌, టెన్త్‌ పరీక్షల టైంటేబుల్‌ను ఇప్పటికే విద్యా శాఖ ప్రకటించింది. దీంతో ఉత్తమ ఫలితాల సాధనకు జిల్లా విద్యాశాఖ అధికారులు కసరత్తు చేస్తున్నారు. విద్యార్థులకు పునఃశ్చరణ తరగతులు నిర్వహిస్తున్నారు. సందేహాలు నివృత్తి చేస్తున్నారు. వెనుకబడిన విద్యార్థులపై ప్రత్యేక శ్రద్ధ కనబరుస్తున్నారు. అధికారులు నిత్యం పర్యవేక్షణ చేస్తున్నారు. ఈ క్రమంలో ఇంటర్‌ ప్రాక్టికల్‌ పరీక్షలు ఫిబ్రవరి 3వ తేదీ నుంచి ప్రారంభం కానున్నాయి. ఈమేరకు అధికారులు ఏర్పాట్లు చేస్తున్నారు. ఈ ఏడాది తొలిసారిగా ఇంటర్‌ ప్రాక్టికల్స్‌ను సీసీ కెమెరాల మధ్య నిర్వహించనున్నారు. ప్రాక్టికల్‌ కేంద్రాల్లో సీసీ కెమెరాలు ఏర్పాటు చేయాలని చాలాకాలంగా డిమాండ్‌ ఉంది. ఎట్టకేలకు ఇంటర్‌ బోర్డు ఈ ఏడాది నుంచి అమలు చేయాలని నిర్ణయించింది. దీంతో జిల్లాలోని అన్ని ప్రభుత్వ, ప్రైవేటు కళాశాలల్లో ప్రయోగ పరీక్షలు నిఘా నీడలో నిర్వహించేందుకు అధికారులు ఏర్పాట్లు చేస్తున్నారు. అక్రమాలకు చెక్‌ పెట్టేందుకు... ఇంటర్‌ ప్రయోగ పరీక్షలు అనగానే కొన్ని కళాశాలలు ప్రాక్టికల్‌కు వచ్చిన ఎగ్జామినర్లను మేనేజ్‌ చేసుకుని తాము అనుకున్నట్లుగానే తమ విద్యార్థులకు అధికంగా మార్కులు వేసుకుంటున్నాయన్న ఆరోపణలు ఉన్నాయి. ఈ నేపథ్యంలోనే అక్రమాలకు చెక్‌ పెట్టేందుకు రాష్ట్ర ప్రభుత్వం, ఇంటర్‌ బోర్డు అధికారులు ఈ సంవత్సరం నుంచి సీసీ కెమెరాల మధ్యన ఇంటర్‌ ప్రాక్టికల్‌ పరీక్షలు నిర్వహించాలని నిర్ణయించారు. ప్రతీ ల్యాబ్‌లో రెండు కెమెరాలు.. ఇంటర్‌ ప్రయోగ పరీక్షల కోసం జిల్లా వ్యాప్తంగా 46 పరీక్ష కేంద్రాలు ఏర్పాటు చేసినట్లు అధికారులు తెలిపారు. ఇందులో రెగ్యులర్‌ విద్యార్థుల కోసం 37 పరీక్ష కేంద్రాలు, ఒకేషనల్‌ విద్యార్థుల కోసం 9 పరీక్షా కేంద్రాలు ఏర్పాటు చేశారు. ప్రయోగ పరీక్షలు జరిగే ప్రతీ ల్యాబ్‌లో నాలుగు మెగాఫిక్సెల్‌ కలిగిన రెండు సీసీ కెమెరాలు ఏర్పాటు చేస్తున్నారు. ఈ కెమెరాలు వాయిస్‌ రికార్డింగ్‌, వీడియో రికార్డింగ్‌ సౌకర్యం కలిగి ఉంటాయి. జిల్లాలోని ప్రైవేటు కళాశాలల్లో సీసీ కెమెరాల ఏర్పాటు ఇప్పటికే పూర్తయింది. ప్రభుత్వ జూనియర్‌ కళాశాలల్లో కూడా యుద్ధప్రాతిపదికన ఏర్పాటు చేస్తున్నారు. 6,828 మంది విద్యార్థులు.. జిల్లాలో ఇంటర్‌ ప్రయోగ పరీక్షలకు 6,828 మంది హాజరుకానున్నారు. ఇందులో ఎంపీసీ విద్యార్థులు 2,159, బైపీసీ విద్యార్థులు 2,118, ఒకేషనల్‌ విద్యార్థులు 2,551 ప్రయోగ పరీక్షలకు హాజరుకానున్నారు. ఇక ఇంటర్‌ ప్రాక్టికల్స్‌ మూడు దఫాలలో నిర్వహించనున్నారు. మొదటి దఫా పరీక్షలు ఫిబ్రవరి 3 నుంచి 7 వరకు, రెండోదఫా ఫిబ్రవరి 8 నుంచి 12 వరకు, మూడోదఫా ఫిబ్రవరి 13 నుంచి 22 వరకు జరుగుతాయని అధికారులు తెలిపారు.బోర్డు నిర్ణయం మేరకుఇంటర్‌ బోర్డు నిర్ణ యం మేరకు ఉన్నతాధికారుల సూచన ల మేరకు జిల్లాలో ఇంటర్‌ ప్రయోగ పరీ క్షలు సీసీ కెమెరాల మధ్య నిర్వహించేందుకు ఏర్పాట్లు చేస్తున్నాం. ఇప్పటికే ప్రైవేటు కళాశాలల్లో సీసీ కె మెరాల ఏర్పాటు పూర్తయింది. ప్రభుత్వ కళాశాలల్లో కూడా సీసీ కెమెరాలు ఏర్పాటు చేస్తున్నాం. – పరశురామ్‌ నాయక్‌, డీఐఈవో

● బాసరలో మొదలైన ఏర్పాట్లు ● పెద్ద సంఖ్యలో భక్తులు వచ్చే అవకాశం ● వాహనాల పార్కింగ్‌కు ప్రత్యేక స్థలంభైంసా: జ్ఞాన సరస్వతి అమ్మవారు కొలువై ఉన్న బాసర క్షేత్రం వసంత పంచమి వేడుకలకు ముస్తాబవుతోంది. అమ్మవారి జన్మదినం అయిన వసంత పంచమి రోజు ఏటా అమ్మవారి దర్శనానికి తెలంగాణ, ఆంధ్రప్రదేశ్‌తోపాటు, మహారాష్ట్ర, కర్ణాటక, జార్ఖండ్‌, ఛత్తీస్‌గఢ్‌ నుంచి కూడా భక్తులు తరలివస్తారు. వసంత పంచమి వేడుకలకు రావాలని స్థానిక ఎమ్మెల్యే రామారావుపటేల్‌ కేంద్ర మంత్రులు కిషన్‌రెడ్డి, బండి సంజయ్‌, రాష్ట్ర మంత్రులు సీతక్క, కొండా సురేఖతోపాటు పలువురు ప్రముఖులను స్వయంగా ఆహ్వానించారు. మరోవైపు ఏర్పాట్లపై ఇదివరకే సమీక్ష చేశారు. ఈ క్రమంలో జిల్లా ఇన్‌చార్జి మంత్రి సీతక్క బాసర సరస్వతి అమ్మవారిని దర్శించుకున్నారు. వసంత పంచమి ఉత్సవాలకు దేవాదాయశాఖ మంత్రి కొండా సురేఖతో కలిసిరానున్నట్లు వెల్లడించారు. అధికారుల దృష్టి... బాసర వసంత పంచమి ఉత్సవాల ఏర్పాట్లపై కలెక్టర్‌ అభిలాష అభినవ్‌ ప్రత్యేక దృష్టిసారించారు. భైంసా ఆర్డీవో కోమల్‌రెడ్డి ఇది వరకే బాసర వెళ్లి ఏర్పాట్లను పరిశీలించారు. ఎస్పీ జానకీషర్మిల, భైంసా ఏఎస్పీ అవినాష్‌కుమార్‌ కూడా బందోబస్తు ఏర్పాట్లను పర్యవేక్షిస్తున్నారు. నాలుగు రోజుల క్రితమే ఎస్పీ జానకీషర్మిల బాసర చేరుకుని ఆలయ పరిసరాలను పరిశీలించారు. భక్తులు వెళ్లే క్యూలైన్లు, అక్షరాభ్యాస మండపాలు, వాహనాలు నిలిపే స్థలం పరిశీలించారు. ఏటా ఉత్సవాలు.. మాగశుద్ధ పంచమి రోజున బాసరలో వసంత పంచమి నిర్వహిస్తారు. ఈ రోజున సరస్వతీ అమ్మవారి జన్మదినం జరుపుకుంటారు. వసంత పంచమి శుభదినాన బాసర భక్తులతో పోటెత్తుతుంది. ఈ ఏడాది ఫిబ్రవరి 1 నుంచి 3 వరకు వసంత పంచమి(శ్రీపంచమి) నిర్వహించనున్నారు. బాసర సరస్వతీ అమ్మవారి ఆలయ సమీపంలో ఉన్న గోదావరి నది వద్ద నిత్య హారతి ఘాట్‌లోనూ ఏర్పాట్లు చేశారు. దక్షిణ గంగ వేదనిత్యహారతి పేరిట వేద విద్యార్థులు గోదావరి నదికి ప్రతీరోజు హారతి ఇస్తున్నారు. కొద్ది దూరంలోనే సూర్యేశ్వరస్వామి ఆలయం వద్ద ఉన్న ఘాట్‌లో ఆలయ పూజారులు సైతం గోదావరికి హారతి ఇస్తున్నారు. రెండు ఘాట్‌లలోనూ భక్తులకు ఇక్కట్లు తలెత్తకుండా ఏర్పాట్లు చేశారు. పెరిగిన ప్రైవేటు అద్దెలు.. వసంత పంచమి నేపథ్యంలో బాసరలోని ప్రైవేటు లాడ్జీల గదుల అద్దెను యజమానులు అమాంతంగా పెంచేశారు. ఒక్కో గదికి వేల రూపాయల్లోనే అద్దె చెబుతున్నారు. ఇప్పటికే గదులన్నీ బుకింగ్‌ అయ్యాయని చెప్పడంతో వచ్చేవారు ఇబ్బందులు పడుతున్నారు. ఆర్యవైశ్య సత్రం, బ్రాహ్మణసత్రం, కమ్మ సంఘంలోని గదులు కూడా బయటవారికి ఇచ్చే పరిస్థితిలేదు. దీంతో ప్రైవేటు లాడ్జీలు చెప్పిన ధర చెల్లించాల్సిన పరిస్థితులు నెలకొన్నాయి. పార్కింగ్‌... ఏటా వసంత పంచమికి వేల సంఖ్యలో వచ్చే వాహనాలను కట్టడి చేసేందుకు పార్కింగ్‌ స్థలం కేటాయించారు. గోదావరి నది వద్ద, సరస్వతి ఆలయం వద్ద రెండు పార్కింగ్‌ స్థలాలు ఏర్పాటు చేయాలని భావిస్తున్నారు. పెద్ద సంఖ్యలో భక్తులు వచ్చినా ఇబ్బందులు తలెత్తకుండా ప్రాంగణంలో బారీకేడ్లను ఏర్పాటు చేస్తున్నారు. ఏర్పాట్లలో ఆర్టీసీ...వసంత పంచమి నేపథ్యంలో ఆర్టీసీ అధికారులు భైంసా, నిజామాబాద్‌ డిపోల నుంచి ప్రత్యేక బస్సులు నడుపనున్నారు. బస్టాండ్‌తోపాటు రైల్వేస్టేషన్‌లోనూ ఏర్పాట్లు చేశారు. బాసర ఆలయం, స్నానఘట్టాల వద్ద వచ్చే భక్తులకు సేవలు అందించేందుకు సత్యసాయి సేవాసమితి సభ్యులు, ట్రిపుల్‌ఐటీ విద్యార్థులు, మిషన్‌ బాసర సభ్యులు స్వచ్ఛందంగా సేవలు అందించనున్నారు.అక్షరాభ్యాసాల కోసం ...సరస్వతీ అమ్మవారి జన్మదినం రోజు చిన్నారులకు అక్షర శ్రీకార పూజలు జరిపించేందు కు ప్రతి ఒక్కరూ ఆసక్తి కనబరుస్తారు. దేశవ్యాప్తంగా పెద్ద సంఖ్యలో భక్తులు ఇదే రోజు వస్తుంటారు. వసంత పంచమి సందర్భంగా నూతనంగా ఆలయం పక్కన నిర్మించిన మండపంలో అక్షరశ్రీకార పూజలు జరిపించనున్నారు. ఇందు కోసం విశాలంగా నిర్మించి న హాల్‌లో బారికేడ్లు కట్టి ఏర్పాట్లు చేస్తున్నా రు. రూ.1000 టికెట్‌పై అమ్మవారి ఆలయ ప్రాంగణంలో ఉన్న మహా మండపంలో అక్షర శ్రీకార పూజలు జరిపించనున్నారు. పెద్ద సంఖ్యలో భక్తులు వచ్చిన రూ.100 టికెట్‌పై ఒకేసారి 500 మంది చిన్నారులకు అక్షరశ్రీకార పూజలు జరిపించేలా ఏర్పాట్లు చేస్తున్నారు. ఆలయాన్ని పూలతో సుందరంగా అలంకరిస్తున్నారు.

● డీఎంహెచ్‌వో డాక్టర్‌ రాజేందర్‌ నిర్మల్‌చైన్‌గేట్‌: కుష్ఠు వ్యాధి నిర్మూలనకు అందరూ అంకితభావంతో పనిచేసి నిర్మల్‌ను కుష్ఠు రహిత జిల్లాగా మారుద్దామని డీఎంహెచ్‌వో డాక్టర్‌ రాజేందర్‌ అన్నారు. జిల్లా వైద్య ఆరోగ్య శాఖ కార్యాలయం, మెడికల్‌ కళాశాలలో లెప్రసీ స్పర్శ అవగాహన కార్యక్రమాలు గురువారం నిర్వహించారు. ఈ సందర్భంగా డీఎంహెచ్‌వో మాట్లాడుతూ కుష్ఠు వ్యాధిని మొదటి దశలో గుర్తించి చికిత్స అందిస్తే వ్యాధి వ్యాప్తిని అరికట్టవచ్చన్నారు. వైకల్యం రాకుండా కాపాడవచ్చని తెలిపారు. కార్యక్రమంలో వైద్య కళాశాల వైస్‌ ప్రిన్సిపాల్‌ శ్రీనివాస్‌, ప్రొఫెసర్లు, డిప్యూటీ జిల్లా విస్తరణ, మీడియా అధికారి రవీందర్‌, డిప్యూటీ పీఎంవో రాజేశ్వర్‌, వైద్య విద్యార్థులు పాల్గొన్నారు.

● మున్సిపల్‌ రీజినల్‌ డైరెక్టర్‌ షాహిద్‌ మసూద్‌ నిర్మల్‌టౌన్‌: నిర్మల్‌ మున్సిపాలిటీలో వంద శా తం పన్నులు వసూలు చేయాలని, పట్టణ అభివృద్ధికి ప్రత్యేక చర్యలు తీసుకోవాలని మున్సి పల్‌ వరంగల్‌ రీజినల్‌ డైరెక్టర్‌ షాహిద్‌ మసూద్‌ అన్నారు. జిల్లా కేంద్రంలోని మున్సిపల్‌ కార్యాలయాన్ని గురువారం ఆకస్మికంగా తనిఖీ చేశా రు. ప్రతీ డిపార్ట్‌మెంట్‌లోని రికార్డులను పరిశీ లించారు. పన్నుల వసూలు వివరాలు అడిగి తెలుసుకున్నారు. అనంతరం కార్యాలయ అధి కారులతో సమావేశం నిర్వహించారు. అధికా రులు, సిబ్బంది సమయపాలన పాటిస్తూ.. ప్ర జలకు సేవలు అందించాలని సూచించారు. మార్చి 31లోపు వంద శాతం పన్నులు వసూలు చేయాలని ఆదేశించారు. సమావేశంలో డీఈ హరిభువన్‌, ఆర్‌వో అనూప్‌, శానిటరీ ఇన్‌స్పెక్టర్‌ దేవీదాస్‌, మున్సిపల్‌ సిబ్బంది పాల్గొన్నారు.

● పదో తరగతి విద్యార్థుల ప్రేరణ, శిక్షణలో కలెక్టర్‌ నిర్మల్‌చైన్‌గేట్‌: విద్యార్థులు ఆత్మవిశ్వాసాన్ని పెంపొందించుకుని ప్రణాళికాబద్ధంగా పరీక్షలకు సిద్ధం కావాలని కలెక్టర్‌ అభిలాష అభినవ్‌ సూచించారు. పట్టణంలోని అంబేద్కర్‌ భవన్‌లో ఎస్సీ, బీసీ వసతి గృహాల్లో పదో తరగతి విద్యార్థులకు మంగళవారం నిర్వహించిన ప్రేరణ, శిక్షణ కార్యక్రమానికి హాజరై మాట్లాడారు. విద్యార్థులకు నిర్వహిస్తున్న ప్రత్యేక తరగతుల తీరును అధికారులు, ఉపాధ్యాయులను అడిగి తెలుసుకున్నారు. పలు సూచనలు చేశారు. పదో తరగతి విద్యార్థులు భయం వీడి ఆత్మవిశ్వాసం పెంపొందించుకోవాలన్నారు. పరీక్షలకు రానున్న రెండు నెలలు కీలకమని, సమయం వృథా చేయకుండా మీ కలలను నిజం చేసుకోవడానికి కష్టపడాలన్నారు. ఇప్పటికే సిలబస్‌ పూర్తయినందున ప్రత్యేక తరగతులకు వందశాతం విద్యార్థులు హాజరు కావాలన్నారు. సబ్జెక్టుల వారీగా విద్యార్థుల సందేహాలను సంబంధిత ఉపాధ్యాయులు నివృత్తి చేయాలని సూచించారు. పాత ప్రశ్న పత్రాలు ఎక్కువగా ప్రాక్టిస్‌ చేయాలని, వీలైనన్ని ఎక్కువ మోడల్‌ పరీక్షలు రాయాలని తెలిపారు. తల్లిదండ్రులు, ఉపాధ్యాయులు అండగా ఉంటారన్నారు. పదో తరగతిలో ఉత్తమ ఫలితాలు సాధించిన విద్యార్థులకు ప్రోత్సహకాలు అందిస్తామని తెలిపారు. కార్యక్రమంలో డీఈవో పి.రామారావు, ఎస్సీ, బీసీ సంక్షేమ శాఖల అధికారులు శ్రీనివాస్‌, రాజేశ్వర్‌గౌడ్‌, వార్డెన్లు, ఉపాధ్యాయులు పాల్గొన్నారు. పునరావాస గ్రామాల్లో వసతులు కల్పించాలి నిర్మల్‌చైన్‌గేట్‌: కడెం మండలం కొత్త మద్దిపడగ గ్రామంలో పునరావాసం కల్పించిన మైసంపేట్‌, రాంపూర్‌ గ్రామాల ప్రజలకు మౌలిక వసతులు కల్పించాలని కలెక్టర్‌ అభిలాష అభినవ్‌ అధికారులను ఆదేశించారు. కలెక్టరేట్‌ సమావేశ మందిరంలో పునరావాస గ్రామాల ప్రజలకు కల్పిస్తున్న వసతులపై అధికారులతో మంగళవారం సమీక్ష నిర్వహించారు. పనులకు సంబంధించిన సమాచారాన్ని శాఖల వారీగా సమీక్షించారు. పునరావాసం పొందిన ప్రజలకు కేటాయించిన వ్యవసాయ భూములను సాగుకు యోగ్యంగా మార్చాలన్నారు. గ్రామంలో రోడ్లు, డ్రైనేజీ సౌకర్యాలు కల్పించాలన్నారు. పంట భూములకు సంబంధించి రెవెన్యూ పట్టాల కోసం ఇప్పటికే ప్రభుత్వానికి ప్రతిపాదనలు పంపినట్లు తెలిపారు. మిగిలిన పనులన్నీ పూర్తిచేయాలని సూచించారు. సమావేశంలో అదనపు కలెక్టర్‌ కిశోర్‌కుమార్‌, జిల్లా అటవీ శాఖ అధికారి నాగిని భాను, ఆర్డీవో రత్నకళ్యాణి, రెవెన్యూ, అటవీ శాఖల అధికారులు పాల్గొన్నారు.

● వెనుకబడిన విద్యార్థులపై ప్రత్యేక శ్రద్ధ తీసుకోవాలి ● డీఈవో రామారావులక్ష్మణచాంద: పదో తరగతి వార్షిక పరీక్షల్లో వడ్యాల్‌ పాఠశాల విద్యార్థులు వంద శాతం ఉత్తీర్ణత సాధించాలని డీఈవో రామారావు అన్నా రు. ఈమేరకు ఉపాధ్యాయులు విద్యార్థులను సన్నద్ధం చేయాలని ఆదేశించారు. వెనుకబడిన విద్యార్థులపై ప్రత్యేక శ్రద్ధ కనబర్చాలని సూచించారు. పాఠశాలను మంగళవారం ఉదయం 8:30 గంటలకు సందర్శించారు. పదో తరగతి విద్యార్థులకు నిర్వహిస్తున్న ప్రత్యేక తరగతులను పరిశీలించారు. అనంతరం ప్రార్థనలో పాల్గొన్నారు. వార్షిక పరీక్షలు సమీపిస్తున్నందున ఉదయం, సాయంత్రం ప్రత్యేక తరగతులకు హాజరు కావాలన్నారు. ఉపాధ్యాయులు విద్యార్థుల సందేహాలు నివృత్తి చేస్తూ అందరూ ఉన్నత గ్రేడ్‌తో పాస్‌ అయ్యేలా చూడాలని తెలిపా రు. పాఠశాలకు గైర్హాజర్‌ అయ్యే పిల్లల విషయంలో తల్లిదండ్రులకు కౌన్సెలింగ్‌ ఇవ్వాలన్నారు. విద్యార్థులను ఉపాధ్యాయులు దత్తత తీసుకుని వారి వి ద్యాభివృద్ధిపై శ్రద్ధ పెట్టాలన్నారు. అనంతరం పాఠశాల ఆవరణంలోని కిచెన్‌ గార్డెన్‌ను పరిశీలించారు. ఆయన వెంట ఎంఈవో అశోక్‌వర్మ, జిల్లా సైన్స్‌ అధికారి వినోద్‌కుమార్‌, ఉపాధ్యాయులు ఉన్నారు.

నిర్మల్‌చైన్‌గేట్‌: ఉమ్మడి ఆదిలాబాద్‌ జిల్లాలోని నిరుద్యోగ యువకులకు జిల్లా ఉపాధి కల్పన శాఖ ఆధ్వర్యంలో గురువారం ఉదయం 11 గంటలకు ప్రభుత్వ డిగ్రీ కళాశాల మైదానంలో జాబ్‌మేళా, ప్లేస్మెంట్‌ ఇంటర్వ్యూలు నిర్వహించనున్నట్లు ఇన్‌చార్జి ఉపాధి కల్పన శాఖ అధికారి ఐ.గోవిందు తెలిపారు. పేటీఎం సంస్థలో సేల్స్‌ ఎగ్జిక్యూటివ్‌ ఉద్యోగాలు నిర్మల్‌లో 15, భైంసాలో 15, బాసర, ముధోల్‌, సారంగాపూర్‌లో 5 చొప్పున, బోథ్‌, నేరడిగొండ, ఖానాపూర్‌, నర్సాపూర్‌, దిలావర్‌పూర్‌లో 2 చొప్పున, మామడ, లోకేశ్వరంలో ఒక్కో పోస్టు భర్తీ చేయనున్నట్లు వివరించారు. అభ్యర్థులు పదో తరగతి, అంతకన్నా ఎక్కువ చదివి.. 18 నుంచి 35 ఏళ్లలోపు వయసు ఉండాలని తెలిపారు. అర్హత, ఆసక్తి ఉన్నవారు విద్యార్హతల సర్టిఫికెట్‌ జిరాక్సులతో హాజరుకావాలని సూచించారు. మరింత సమాచారం కోసం 9441535253 నంబర్‌లో సంప్రదించాలని పేర్కొన్నారు.

● డీఏవో అంజిప్రసాద్‌సోన్‌: రైతులు పంటలకు యూరియా వాడకం తగ్గించాలని జిల్లా వ్యవసాయ అధికారి అంజి ప్రసాద్‌ సూచించారు. మండలంలోని సిద్దులకుంటలో తక్కువ యూరియా వినియోగంతో మొక్కజొన్న సాగుచేస్తున్న రైతు కనకపురం ముత్యంరెడ్డి వ్యవసాయ క్షేతాన్ని మంగళవారం సందర్శించారు. ఈ సందర్భంగా రైతు అనుభవాలు తెలుసుకున్నారు. ఎకరాకు కేవలం మూడు బ్యాగుల యూరియాను రెండు దఫాలుగా వేసినట్టు తెలిపాడు. మొక్కజొన్న బోదెల మధ్య దూరం 50 సె.మీ ఉంచడం, సాళ్ల మధ్య సూర్యరశ్మి మొక్కలపై పడటం కారణంగా దోమ, పురుగు ఉధృతి చాలా తక్కువగా ఉందని రైతు వివరించాడు. ఎకరాకు 45 క్వింటాళ్ల దిగుబడి ఆశిస్తున్నట్లు తెలిపాడు. అనంతరం అంజిప్రసాద్‌ మాట్లాడుతూ పర్యావరణ పరిరక్షణకు యూరియా వాడకం తగ్గించాలని సూచించారు. నేలలో సేంద్రియ కర్బనశాతం పెరగాలంటే జీవన ఎరువులు, సేంద్రియ ఎరువుల వినియోగం పెంచాలని తెలిపారు. దీనివల్ల మిత్ర పురుగులు పెరిగి నాణ్యమైన పంట దిగుబడి పొందవచ్చని పేర్కొన్నారు. ఆయన వెంట ఏవో వినోద్‌కుమార్‌, ఏఈవోలు అశోక్‌కుమార్‌, ప్రగతి, రైతులు ఉన్నారు.

నిర్మల్‌టౌన్‌: ఖానాపూర్‌ ఎమ్మెల్యే వెడ్మ బొజ్జు పటేల్‌పై తప్పుడు ప్రచారం చేస్తున్న నాయకులపై చర్య తీసుకోవాలని ఆదివాసీ నాయకులు ఎస్పీ జానకీ షర్మిలను కోరారు. జిల్లా కేంద్రంలోని పోలీస్‌ ప్రధాన కార్యాలయంలో ఎస్పీని మంగళవారం కలిసి వినతిపత్రం అందజేశా రు. ఈ సందర్భంగా వారు మాట్లాడుతూ.. ఎమ్మెల్యేను దుర్భాషలాడుతూ కొంతమంది సోషల్‌ మీడియాలో పోస్టులు పెడుతున్నారని, తప్పుడు ప్రచారం చేస్తున్నారని వివరించారు. వారిపై చట్టపరమైన చర్యలు తీసుకోవాలని కోరారు. వినతిపత్రం ఇచ్చినవారిలో అంకుశ్‌రావు, తిరుపతి, భూక్యా గోవింద్‌, గోడిస రమేశ్‌, సుంగు, సూర్యభన్‌ ఉన్నారు. ఉచిత కంటి వైద్య శిబిరం నిర్మల్‌టౌన్‌: జాతీయ రోడ్డు భద్రత మాసోత్సవాల్లో భాగంగా నిర్మల్‌ లయన్స్‌ క్లబ్‌, లక్ష్మీకావేరి చారిటబుల్‌ట్రస్ట్‌ ఆధ్వర్యంలో జిల్లా కేంద్రంలోని ఆర్టీసీ డిపోలో మంగళవారం ఉద్యోగులకు ఉచిత కంటి పరీక్షలు నిర్వహించారు. 81 మందికి కంటి పరీక్షలు చేసి అవసరమైన వారికి మందులు అందించారు. ఈ సందర్భంగా డాక్టర్లు రామకృష్ణ, రవికుమార్‌రెడ్డి మాట్లాడుతూ.. ఆర్టీసీ ఉద్యోగులు ఆరోగ్యంగా ఉంటేనే సంస్థ ఆరోగ్యంగా ఉంటుందన్నారు. డ్రైవర్ల కళ్లు బాగుంటేనే ఎదురుగా వస్తున్న వాహనాలు స్పష్టంగా కనబడతాయన్నారు. కార్యక్రమంలో ఆర్టీసీ అసిస్టెంట్‌ మేనేజర్లు రాజశేఖర్‌, నవీన్‌కుమార్‌, లయన్స్‌ క్లబ్‌ ప్రెసిడెంట్‌ చంద్రమోహన్‌, సెక్రెటరీ శ్రీనివాస్‌ యాదవ్‌, ఆర్టీసీ ఉద్యోగులు పాల్గొన్నారు.

సారంగపూర్‌: మండలంలోని చించోలి(బి) ఉన్నత పాఠశాలకు చెందిన ఆరుగురు విద్యార్థులు రాష్ట్రస్థాయి సాఫ్ట్‌బాల్‌ స్కూల్‌ గేమ్స్‌ ఫెడరేషన్‌కు ఎంపికై నట్లు ప్రధానోపాధ్యాయుడు రమేశ్‌ తెలిపారు. ఈ పోటీలకు పాఠశా ల నుంచి తబస్సుం, అశ్విత, హిమబిందు, సా యిగణేశ్‌, విశాల్‌, ఇషాక్‌ ఎంపికై నట్లు వెల ్లడించారు. వీరు జనవరి 29 నుంచి 31 వరకు జరగనున్న రాష్ట్రస్థాయి పోటీల్లో పాల్గొంటారని తెలిపారు. ఎంపికై న విద్యార్థులను ఎంఈవో మధుసూదన్‌, హెచ్‌ఎం రమేశ్‌, పాఠశాల ఉపాధ్యాయులు, గ్రామస్తులు అభినందించారు. ఎంపికై న విద్యార్థులతో ఉపాధ్యాయులు

రాష్ట్ర పండుగగా గుర్తింపు పొందిన నాగోబా జాతర మంగళవారం అంగరంగ వైభవంగా ప్రారంభమైంది. ఆదివాసీ సంస్కృతి అద్దం పట్టేలా మెస్రం వంశీయులు సంప్రదాయ పూజలు నిర్వహించారు. ఉదయం కేస్లాపూర్‌లోని మురాడి నుంచి నాగోబా విగ్రహం, పూజ సామగ్రితో బయలుదేరారు. డోలు, తుడం, కాలీకోమ్‌, పెప్రే వాయిస్తూ పవిత్ర గంగాజలంతో నాగోబా ఆలయానికి చేరుకున్నారు. ముందుగా మైసమ్మ దేవతకు పూజలు చేసి ఆలయంలోనికి ప్రవేశించారు. నాగోబా దర్శనం అనంతరం సంప్రదాయ పూజలు షురూ చేశారు. 22 కితల వారీగా మహిళలు, ఆడపడుచులు వంశపెద్దల ఆశీర్వాదం తీసుకుని కుండలు అందుకున్నారు. అనంతరం వంశ అల్లుళ్లు, ఆడపడుచులు కొత్త కుండలతో మర్రిచెట్టు వద్ద ఉన్న కోనేరుకు చేరుకున్నారు. అక్కడి నుంచి సేకరించిన నీటితో ఆలయానికి వచ్చారు. పర్ధాన్‌ కితకు చెందిన వారు సంప్రదాయ వాయిద్యాలు వాయించగా ఆలయం పక్కన గల పాత మట్టి పుట్టలను అల్లుళ్లు తవ్వారు. ఆ మట్టితో ఆడపడుచులు తిరిగి కొత్త పుట్టలు తయారు చేశారు. సతీదేవత ఆలయం ఎదుట ఏడు వరుసలతో బౌలను తీర్చిదిద్దారు. దానిని గర్భగుడిలో పొందుపరిచి ప్రత్యేక పూజలు నిర్వహించారు. ఈ ప్రక్రియ సాయంత్రం వరకు కొనసాగింది. మహాపూజ సంప్రదాయ పూజల అనంతరం రాత్రి 9 నుంచి 11 గంటల వరకు పాదయాత్ర ద్వారా తీసుకొచ్చిన పవిత్ర గంగాజలంతో ఆలయాన్ని శుద్ధి చేశారు. నాగోబాను అభిషేకించి మహాపూజ తంతు నిర్వహించారు (ఈ సమయంలో మెస్రం వంశీయులు మినహా ఇతరులకు అనుమతి ఉండదు). జిల్లా ఉన్నతాధికారులు, ప్రజాప్రతినిధులు, భక్తులు పూజలు చేసి మొక్కులు షురూ చేశారు. జాతర ప్రారంభమైనట్లు వంశపెద్దలు ప్రకటించారు. కార్యక్రమంలో మెస్రం పటేల్‌ వెంకట్‌రావ్‌, కటోడ మెస్రం కోసు, వంశ పెద్దలు కోసేరావ్‌, బాదిరావ్‌, లింబారావ్‌, దాదారావ్‌, తిరుపతి, వంశ ఉద్యోగులు మనోహర్‌, దేవ్‌రావ్‌, సోనేరావ్‌, శేఖర్‌బాబు తదితరులున్నారు. భేటింగ్‌ అర్ధరాత్రి ఒంటి గంట నుంచి తెల్లవారుజాము 3గంటల వరకు భేటింగ్‌ నిర్వహించారు. వంశంలోని కొత్త కోడళ్లు సుమారు వంద మందికి పైగా ఇందులో పాల్గొన్నారు. సతీదేవత, నాగోబా ఆలయాల్లో ప్రత్యేక పూజల అనంతరం వారు పెద్దల ఆశీర్వా దం తీసుకున్నారు. ఈ కార్యక్రమంతో వారు పూర్తి గా మెస్రం వంశంలో చేరినట్లుగా భావిస్తారు. తరలివచ్చిన భక్తులు ఉమ్మడి ఆదిలాబాద్‌ జిల్లాతో పాటు మహారాష్ట్ర, చత్తీస్‌గఢ్‌ తదితర రాష్ట్రాల నుంచి మెస్రం వంశీ యులు, భక్తులు భారీగా తరలి వచ్చారు. ఆలయ ప్రాంగణం కిక్కిరిసిపోయింది. భక్తులకు ఇబ్బందులు తలెత్తకుండా జిల్లా యంత్రాంగం, ఐటీడీఏ ఆధ్వర్యంలో ఏర్పాట్లు చేశారు. అలాగే ఆర్టీసీ స్పెషల్‌ బస్సులను నడిపింది. నాగోబా.. వారి ఆరాధ్యదైవం. ఆచార, సంప్రదాయాలంటే ప్రాణం. నిండు మనసుతో ప్రత్యేక పూజలు చేసి కొలుస్తారు. పౌర్ణమికి శ్రీకారం చుట్టి అమావాస్యకి కీలక ఘట్టానికి చేరువవుతారు. తెల్లని వస్త్రాలతో స్వచ్ఛతకు ప్రతీకగా నిలుస్తారు. పవిత్ర గంగాజలం కోసం మైళ్ల దూరం సైతం లెక్కచేయరు. సామూహిక పాదయాత్రతో ముందడుగు వేస్తారు. ఆరాధ్య దైవాన్ని అభిషేకించి గిరిజన జాతరకు శ్రీకారం చుడుతారు. ఆడపడుచులు, అల్లుళ్లకు పెద్దపీట వేస్తూ ఆనవాయితీ తప్పని ఆ గిరిపుత్రులే మెస్రం వంశీయులు. ఏటా మాదిరిగానే ఈ ఏడాది కూడా తమ ఇలవేల్పును ఆరాధించారు. మహాపూజకు శ్రీకారం చుట్టారు. కేస్లాపూర్‌ను భక్తజన సందడిగా మార్చారు. – ఇంద్రవెల్లి

● ప్రజాశాంతి పార్టీ వ్యవస్థాపక అధ్యక్షుడు కేఏ.పాల్‌ ● తాజా మాజీ సర్పంచులతో సమావేశం నిర్మల్‌టౌన్‌: సర్పంచ్‌లుగా ప్రజాశాంతి పార్టీ తరఫున నిలబడి గెలిస్తే ఆ గ్రామాన్ని వంద రోజుల్లో అభివృద్ధి చేసి చూపిస్తానని పార్టీ వ్యవస్థాపకుడు డాక్టర్‌ కేఏ.పాల్‌ అన్నారు. జిల్లా కేంద్రంలోని బాలాజీ కన్వెన్షన్‌ హాల్‌లో తాజా మాజీ సర్పంచులతో సోమవారం సమావేశం నిర్వహించారు. వారికి రావాల్సిన బిల్లులపై చర్చించారు. పెండింగ్‌ బిల్లుల విడుదలకు కృషి చేస్తానన్నారు. అనంతరం మీడియాతో మాట్లాడారు. నిర్మల్‌ జిల్లాగా ఏర్పడినా గ్రామాలు, మండలాల అభివృద్ధి జరగలేదన్నారు. కాంగ్రెస్‌ ప్రభుత్వం చెప్పే మాటలను ప్రజలు నమ్మే పరిస్థితి లేదన్నారు. బీఆర్‌ఎస్‌ ప్రభుత్వ హయాంలో సర్పంచులు అప్పుల పాలయ్యారని తెలిపారు. బంగారు తెలంగాణ అన్న కేసీఆర్‌ తెలంగాణను దోచుకున్నారని ఆరోపించారు. ఎప్పుడూ రెడ్లు, రావులకే అధికారం ఇద్దామా అని ప్రశ్నించారు. బీసీలకు అధికారం వచ్చేలా ప్రజలు ఓట్లు వేయాలని సూచించారు. కేటీఆర్‌, రేవంత్‌ కొట్టుకోవడం.. తిట్టుకోవడం తప్ప ప్రజలకు చేసిన మేలు ఏమీ లేదన్నారు. అనంతరం ప్రజాశాంతి పార్టీలో చేరిన వారికి కండువాలు కప్పి ఆహ్వానించారు.

ఖానా‘పురము’లో.. ఐదేళ్లక్రితం కొత్త మున్సిపాలిటీగా ఏర్పడిన ఖానా పూర్‌ పట్టణంలో ఎక్కడి సమస్యలు అక్కడే అన్నట్లుగా ఉన్నాయి. రూ.15 కోట్లతో చేపట్టిన రోడ్డు విస్తరణ పనులు మధ్యలోనే నిలిచిపోయాయి. దీంతో నిత్యం ట్రాఫిక్‌ సమస్య వెంటాడుతోంది. రెండు కోట్లతో చేపట్టిన డివైడర్‌ పనులూ అసంపూర్తిగానే ఉన్నాయి. ఐదేళ్లయినా మున్సిపాలిటీకి సొంత భవ నం లేకపోవడంతో శిథిలావస్థలో ఉన్న ఇరుకు గదుల్లో కొనసాగుతోంది. రూ.3 కోట్లతో చేపట్టిన సమీ కృత మార్కెట్‌ పనులు మధ్యలోనే నిలిచిపోయా యి. మిషన్‌ భగీరథ కారణంగా పట్టణంలోని రోడ్లన్నీ ధ్వంసమయ్యాయి. ఐదేళ్ల మున్సిపల్‌ పాలనలో ఒకటి రెండు చోట్ల మినహా ఎక్కడ కూడా సీసీ రోడ్లు, డ్రైనేజీలు నిర్మించిన దాఖలాలు లేవు. వారసంతలో సరైన స్థలం, సౌకర్యాలు లేక వ్యాపారులు, రైతులు, ప్రజలు తీవ్ర ఇబ్బందులు పడుతున్నారు. ఎమ్మెల్యే రూ.4.80 కోట్లతో సీసీరోడ్లు, డ్రైనేజీ నిర్మాణాలకు భూమి పూజ చేసినా పనులు ముందుకు సాగడం లేదు. రూ.50 లక్షలకు పైగా వెచ్చించి గోదావరిలో నిర్మిస్తున్న వైకుంఠధామం ఏటా వరదకు కొట్టుకుపోతూనే ఉంది.

నిర్మల్‌చైన్‌గేట్‌: స్వర్ణ జలాశయం నుంచి సాగు నీటిని విడుదల చేయాలని నిర్మల్‌ రూరల్‌ మండలం వెంగవాపేట్‌, తల్వేద, చిట్యాల్‌ గ్రామా ల రైతులు కాంగ్రెస్‌ జిల్లా అధ్యక్షుడు కూచాడి శ్రీహరిరావును కోరారు. ఈమేరకు ఆయన క్యాంపు కార్యాలయంలో సోమవారం వినతిపత్రం అందజేశారు. జలాశయం నుంచి సాగునీటిని విడుదల చేస్తే యాసంగి పంటలు వేసుకుంటామని తెలిపారు. స్పందించిన డీసీసీ అధ్యక్షుడు వెంటనే ఇరిగేషన్‌ ఏఈతో మాట్లాడి సాగునీటిని విడుదల చేయాలని సూచించారు. రైతులు శ్రీహరిరావుకు కృతజ్ఞతలు తెలిపారు. కార్యక్రమంలో పీసీసీ సభ్యులు సాధ సుదర్శన్‌, కాంగ్రెస్‌ మండల అధ్యక్షుడు కుంట వేణుగోపాల్‌, కుదారపు రాకేశ్‌ పాల్గొన్నారు.

నిర్మల్‌చైన్‌గేట్‌: ప్రజల సమస్యలపై అధికారులు సత్వరం స్పందించాలని, ప్రజావాణి అర్జీల పరిష్కారంలో జాప్యం చేయొద్దని కలెక్టర్‌ అభిలాష అభినవ్‌ అధికారులను ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణిలో జిల్లాలోని వివిధ ప్రాంతాల నుంచి వచ్చిన ప్రజల నుంచి అర్జీలు స్వీకరించారు. రుణమాఫీ, విద్య, వైద్యం, వ్యవసాయం, పింఛన్లు, ధరణి, భూసమస్యలు, డబుల్‌ బెడ్రూం ఇళ్లు, తదితర సమస్యలపై పలువురు అర్జీలు సమర్పించారు. కలెక్టర్‌ కూడా సమస్యను ఓపికగా విని పరిష్కారానికి హామీ ఇచ్చారు. ప్రజావాణి కార్యక్రమం అనంతరం కలెక్టర్‌ మాట్లాడుతూ ప్రజావాణి దరఖాస్తులను నిర్ణీత గడువులోగా పరిష్కరించాలని అధికారులను ఆదేశించారు. శాఖల వారీగా వచ్చిన దరఖాస్తులను పరిష్కరించినప్పుడు వాటికి సంబంధించిన వివరాలను క్లుప్తంగా రిమార్కుల విభాగంలో పొందుపర్చాలని సూచించారు. ప్రభుత్వ పాఠశాలలను సందర్శించాలి.. పదో తరగతి పరీక్షలు సమీపిస్తున్నందున ప్రత్యేక అధికారులంతా ప్రభుత్వ పాఠశాలలను సందర్శిస్తూ విద్యార్థుల సామర్థ్యాలను పరీక్షించాలన్నారు. విద్యార్థులకు నిర్వహించిన పరీక్ష ఫలితాల వివరాలు అందజేయాలని తెలిపారు. కలెక్టరేట్‌ కార్యాలయ అధికారులు, సిబ్బంది సమయపాలన పాటిస్తూ విధులు సమర్థవంతంగా నిర్వహించాలన్నారు. ప్రతీ మండల కేంద్రంలో తహసీల్దార్‌ కార్యాలయంలో సోమవారం ప్రజావాణి నిర్వహించాలని తెలిపారు. ప్రభుత్వ కార్యాలయాల్లో ఉద్యోగులు, సిబ్బంది శనివారం శ్రమదానం నిర్వహించాలని సూచించారు. పీహెచ్‌సీలు, సబ్‌ సెంటర్ల నిర్మాణానికి స్థలాలను గుర్తించాలని తహసీల్దార్లు ఆదేశించారు. కార్యక్రమంలో అదనపు కలెక్టర్లు ఫైజాన్‌అహ్మద్‌, కిశోర్‌కుమార్‌, వివిధ శాఖల అధికారులు, సిబ్బంది పాల్గొన్నారు. అర్జీల పరిష్కారంలో జాప్యం చేయొద్దు ప్రజావాణిలో కలెక్టర్‌ అభిలాష అభినవ్‌ఆసుపత్రిలో పోస్టులు భర్తీ చేయాలి.. జిల్లా జనరల్‌ ఆసుపత్రిలో పడకలకు అనుగుణంగా సిబ్బందిని నియమించక పోవడంతో ప్రస్తుతం ఉన్నటువంటి కాంట్రాక్ట్‌ ఔట్‌సోర్సింగ్‌ సిబ్బందిపై పనిభారం పెరిగి ఇబ్బందులు పడుతున్నారు. నిర్మల్‌ జిల్లా ఏర్పడిన తర్వాత ఆసుపత్రిలో ఓపీ సంఖ్య పెరిగింది. దానికి అనుగుణంగా ఇప్పటివరకు శానిటేషన్‌, పేషంట్‌ కేర్‌, సెక్యూరిటీ గార్డ్‌ సిబ్బందిని నియమించలేదు. – సిర్ర దేవేందర్‌, ఏఐటీయూసీ తెలంగాణ మెడికల్‌ కాంట్రాక్ట్‌ వర్కర్స్‌ యూనియన్‌ మా భూమిని విడిపించాలి.. నాకు ముజ్గి గ్రామంలో 205ఆ, 205ఆ/1 లో 2.37 గుంటల భూమి ఉంది. ఇందులో నుండి కోల్కొండ శారద 1.05 గుంటల భూమిని కబ్జా చేశారు. ఎన్నిసార్లు ఫిర్యాదు చేసినా ఎవరూ పట్టించుకోవడం లేదు. సర్వేయర్‌తో సర్వే చేయించి పంచనామా తీసుకున్నా మమ్మల్ని ఇబ్బంది పెడుతున్నారు. అధికారులు స్పందించి మా భూమిని మాకు ఇప్పించండి. – భూమన్న, ముజ్గి

నిర్మల్‌చైన్‌గేట్‌/భైంసాటౌన్‌/ఖానాపూర్‌: జిల్లాలోని నిర్మల్‌, భైంసా, ఖానాపూర్‌ మున్సిపాలిటీల ప్రత్యేక అధికారిగా నియమితులైన స్థానిక సంస్థల అదనపు కలెక్టర్‌ ఫైజాన్‌ అహ్మద్‌ సోమవారం బాధ్యతలు స్వీకరించారు. వరుసగా నిర్మల్‌, భైంసా, ఖానాపూర్‌ మున్సిపల్‌ కార్యాలయాలకు వెళ్లి ప్రత్యేక అధికారిగా బాధ్యతలు స్వీకరించారు. కార్యాలయాలకు వచ్చిన ప్రత్యేక అధికారికి కార్యాలయ అధికారులు, ఉద్యోగులు పుష్పగుచ్ఛం అందించి స్వాగతం పలికారు. అనంతరం ఫైజాన్‌ అహ్మద్‌ సిబ్బందితో మాట్లాడారు. సమయానికి పనులు చేయాలని సూచించారు. విధి నిర్వహణలో ఇబ్బందులు ఎదురైతే తన దృష్టికి తీసుకురావాలన్నారు. పారిశుద్ధ్య నిర్వహణ నిరంతరం కొనసాగాలని ఆదేశించారు. ఖానాపూర్‌ మున్సిపల్‌ అధికారులతో సమీక్ష నిర్వహించారు. ప్రగతికి సంబందించిన నివేదికలు ఎప్పటికప్పుడు తనకు అందజేయాలని సూచించారు. వారానికి రెండు రోజులు ఖానాపూర్‌ ప్రజలకు అందుబాటులో ఉంటానని తెలిపారు. పట్టణంలోని డబుల్‌ బెడ్‌రూం ఇళ్లలో అనర్హుల తొలగింపు కోసం నిర్మల్‌ ఆర్డీవో రత్నకళ్యాణి ఆధ్వర్యంలో సర్వే పూర్తయిందని కలెక్టర్‌ సంతకం కాగానే తదుపరి చర్యలు తీసుకుంటామన్నారు. అనంతరం మున్సిపల్‌ మాజీ చైర్మన్‌ చిన్నం సత్యం అడిషనల్‌ కలెక్టర్‌ను మర్యాదపూర్వకంగా కలిసి సన్మానించారు. కార్యక్రమాల్లో నిర్మల్‌ ఇన్‌చార్జి మున్సిపల్‌ కమిషనర్‌ హరిభువణ్‌, పట్టణ ప్రణాళిక అధికారి హరీశ్‌, ఆర్వో అనూఫ్‌, మెప్మా పీడీ సుభాష్‌, భైంసా మున్సిపాలిటీ కమిషనర్‌ రాజేశ్‌కుమార్‌, ఖనాపూర్‌ మున్సిపల్‌ కమిషనర్‌ మనోహర్‌ తదితరులు పాల్గొన్నారు.

సారంగపూర్‌: పదో తరగతితోపాటు ఇతర తరగతుల్లో చదువులో వెనుకబడిన విద్యార్థులపై ఉపాధ్యాయులు ప్రత్యేక దృష్టి సారించి వారిని ప్రోత్సహించాలని డీఈవో రామారావు సూచించారు. మండలంలోని చించోలి(బి) గ్రామంలో జెడ్పీ ఉన్నత పాఠశాలలో పదో తరగతి విద్యార్థులకు నిర్వహిస్తున్న ప్రత్యేక తరగతులను సోమవారం పరిశీలించారు. పదో విద్యార్థులను వివిధ సబ్జెక్టుల నుంచి ప్రశ్నలు సంధించి సమాధానాలు రాబట్టారు. మధ్యాహ్న భోజనం సమయంలో ఉపాధ్యాయులు సైతం విద్యార్థులతో కలిసి భోజనం చేయాలని తెలిపారు. పదో తరగతి విద్యార్థుల ఎస్‌ఏ–1 పరీక్షల మార్కులను డిస్‌ప్లే చేసి వాటి ఆధారంగా వెనుకబడిన విద్యార్థులపై ప్రత్యేక శ్రద్ధ కనబర్చాలన్నారు. సీ–గ్రేడ్‌ విద్యార్థులను గుర్తించి వారిని త్వరలో నే బి–గ్రేడ్‌కు తీసుకురావడానికి కృషిచేయాలన్నారు. అభ్యాస దీపికలు విద్యార్థులు పూర్తి చేసేలా ప్రోత్సహించాలన్నారు. సందేహాలు నివృత్తి చేస్తూ పరీక్షలకు సిద్ధం చేయాలని తెలిపారు. ఫలితాల్లో పాఠశాలను నంబర్‌ వన్‌ గా నిలపాలన్నారు. అనంతరం ఉపాధ్యాయులతో సమావేశమై సూచనలు చేశారు.

‘ఉపాధి’లో పొలంబాట ఉపాధిహామీ పథకంలో పొలాల బాటలను అభివృద్ధి చేసేందుకు గ్రామీణాభివృద్ధిశాఖ ప్రత్యేక చర్యలు చేపట్టింది. దీంతో రైతులు ఇబ్బందులు తీరనున్నాయి. మంగళవారం శ్రీ 28 శ్రీ జనవరి శ్రీ 20258లోu నిర్మల్‌: మున్సిపాలిటీలలో పాలకవర్గాల పాలన ముగిసింది. సోమవారం నుంచి ప్రత్యేక అధికారుల పాలన మొదలైంది. జిల్లాలోని నిర్మల్‌, భైంసా, ఖానాపూర్‌ మూడు మున్సిపాలిటీలకు కలిపి స్థానిక సంస్థల అడిషనల్‌ కలెక్టర్‌ ఫైజాన్‌ అహ్మద్‌కు ప్రభుత్వం బాధ్యతలు అప్పగించింది. సోమవారం ఆయన ఆయా మున్సిపాలిటీల్లో బాధ్యతలు చేపట్టారు. పెండింగ్‌లో ఉన్న పనులు, అడుగడుగునా సమస్యలు, తీర్చేందుకు నిధులు లేక కొట్టుమిట్టాడుతున్న బల్దియాలను ఆయన ఒక్కరే ఎలా సమన్వయం చేస్తారు.. సమస్యలను ఎలా పరిష్కరిస్తారనేది సవాల్‌గా మారింది. మరోవైపు సవాలక్ష రాజకీయాలతో ఐదేళ్లు తమ సమస్యలను ఎవరూ పట్టించుకోలేదని, స్పెషల్‌ ఆఫీసర్‌ అయినా పరిష్కరించాలని ప్రజలు కోరుతున్నారు. జిల్లాకు మెడల్స్‌ తీసుకురావాలి ● ఎస్పీ జానకీషర్మిల నిర్మల్‌టౌన్‌: స్టేట్‌ పోలీస్‌ స్పోర్ట్స్‌ మీట్‌లో ప్రతిభ కనబర్చి జిల్లాకు మెడల్స్‌ తీసుకురావాలని ఎస్పీ జానకీషర్మిల సూచించారు. కరీంనగర్‌లో ఈనెల 28 నుంచి ఫిబ్రవరి 1 వరకు నిర్వహించే పోలీస్‌ స్టేట్‌మీట్‌ స్పోర్ట్స్‌లో పాల్గొనేందుకు వెళ్తున్న జిల్లా క్రీడాకారులను సోమవారం తన కార్యాలయంలో అభినందించారు. స్పోర్ట్స్‌ మీట్‌కు 16 మంది క్రీడాకారులు వెళ్తున్నారు. వీరు జిల్లాలో నిర్వహించిన క్రీడల్లో అత్యుత్తమ ప్రతిభకనబర్చి స్టేట్‌ మీట్‌కు ఎంపికయ్యారు. కార్యక్రమంలో ఏఎస్పీలు ఉపేంద్రారెడ్డి, రాజేశ్‌మీనా తదితరులు పాల్గొన్నారు. నిర్మల్‌లో కోట్లుపెట్టి నిర్మించిన ఫుట్‌పాత్‌ దుస్థితి నిర్మల్‌ మున్సిపాలిటీలో.. న్యూస్‌రీల్‌

నిర్మల్‌చైన్‌గేట్‌: తెలంగాణ ప్రభుత్వం రైతుల ఖతాల్లో రైతుభరోసా నిధులు జమ చేస్తోంది. చెప్పిన విధంగానే రిపబ్లిక్‌ రోజున సీఎం రేవంత్‌ నాలుగు సంక్షేమ పథకాలు ప్రారంభించారు. ఎకరాకు రూ.12 వేల చొప్పున రైతు భరోసా ఇస్తామని పేర్కొన్నారు. ప్రారంభం రోజు ఆదివారం కావడంతో రైతు భరోసా డబ్బులు జమకాలేదు. సోమవారం మధ్యాహ్నం నుంచి రైతుల ఖాతాల్లో నిధుల జమ మొదలైంది. ప్రభుత్వం ఖరారు చేసిన మార్గదర్శకాల మేరకు అర్హులైన రైతులకు నిధులు అందనున్నాయి. అయితే, గతంలో అమలు చేసిన విధంగానే విడతల వారీగా నిధులు జమ అవుతాయని అధికారులు వెల్లడించారు. నిధులు విడుదల.. రేవంత్‌ ప్రభుత్వం రైతు భరోసా నిధులు విడుదల చేసింది. ఇప్పటికే బ్యాంకుల్లో నిధుల జమ అయ్యాయి. గత ప్రభుత్వం అమలు చేసిన విధానంలో కొన్ని మార్పులు చేశారు. సాగు చేసే భూములకే భరోసా ఇవ్వాలని నిర్ణయించారు. ఈ మేరకు ఇప్పటికే స్పష్టమైన మార్గదర్శకాలను ప్రభుత్వం విడుదల చేసింది. తొలిరోజు 18 రెవెన్యూ గ్రామాల రైతులకు.. రైతు భరోసా నిధులు మండలానికి ఒక గ్రామం చొప్పున మొదటి వివత జమ చేసినట్లు తెలిసింది. జిల్లాలో 18 మండలాల పరిధిలోని 18 రెవెన్యూ గ్రామాలకు చెందిన 6,710 మంది రైతుల ఖాతాల్లో తొలిరోజు రైతు భరోసా డబ్బులు జమయ్యాయి. ఖాతాల్లో జమ అవుతున్న నగదు ఎకరాకు రూ.6 వేల చొప్పున చెల్లింపు లబ్ధిదారుల ఫోన్లకు మెస్సేజ్‌లుజిల్లాలోని మొత్తం రైతులు 2,01,326 రైతు భరోసాకు కావాల్సిన సొమ్మురూ.283,11,85,496సోమవారం సాయంత్రం నాటికి బ్యాంక్‌ డీటెయిల్స్‌ అప్డేట్‌ అయినవారు 1,83,954మండలాల వారీగా సోమవారం రైతు భరోసా జమ అయిన రైతులు.. మండలం రెవెన్యూవిలేజ్‌ రైతుల సంఖ్య బాసర లబ్ది 369 భైంసా ఖడ్గమ్‌ 240 దస్తురాబాద్‌ దేవునిగూడెం 230 దిలావర్పూర్‌ సాంగ్వి 258 కడెం నర్సాపూర్‌ 841 ఖానాపూర్‌ అడవిసారంగాపూర్‌ 127 కుభీర్‌ అంతర్ని 305 కుంటాల విట్టాపూర్‌ 314 లక్ష్మణచాంద వడ్యాల్‌ 1,185 లోకేశ్వరం బాగాపూర్‌ 573 మామడ వాస్తాపూర్‌ 108 ముధోల్‌ వెంకటాపూర్‌ 201 నర్సాపూర్‌(జి) నందన్‌ 332 నిర్మల్‌ రూరల్‌ తాంశా 632 పెంబి పస్పుల 327 సారంగాపూర్‌ పెండల్‌దరి 97 సోన్‌ సంఘంపేట్‌ 351 తానూర్‌ సింగన్‌గాం 220