వికేంద్రీకరణను అడ్డుకుంటున్న విజ్ఞత లేని పార్టీలు

పొలిటికల్‌ జేఏసీ చైర్మన్‌ ప్రొఫెసర్‌ హనుమంతు లజిపతిరాయ్‌

సాక్షి, విశాఖపట్నం: రాష్ట్రంలో మూడు ప్రాంతాలు అభివృద్ధి చెందాలని సీఎం వైఎస్‌ జగన్‌ తీసుకున్న నిర్ణయాన్ని స్వాగతించకుండా కొన్ని విజ్ఞ­త లేని రాజకీయ పార్టీలు అడ్డుకుంటున్నాయని పరిపాలనా వికేంద్రీకరణ నాన్‌ పొలిటికల్‌ జేఏసీ చైర్మన్‌ ప్రొఫెసర్‌ హనుమంతు లజిపతిరాయ్‌ ఆవేదన వ్య­క్తం­చేశారు. ఆయన గురువారం విశాఖపట్నంలో మీ­­డి­యాతో మాట్లాడుతూ పరిపాలనా రాజధాని వి­షయంలో న్యాయపరమైన నిర్ణయం మరింత ఆ­ల­స్యం కావడంపై విచారం వ్యక్తంచేశారు.

ఏదో ఒకరకమైన సాంకేతిక అంశాలను లేవనెత్తి సుప్రీంకోర్టులో త్వరితగతిన తీర్పు రాకుండా విజ్ఞత లేని రా­జకీయ పార్టీలు అడ్డుకోవడాన్ని రాష్ట్ర ప్రజలు గమనిస్తున్నా­ర­ని పేర్కొన్నారు. రాష్ట్ర రాజధాని ఎక్కడ ఉండాలని నిర్ణయించే అధికారం ఆయా ముఖ్యమం­త్రులకు లే­ద­ని తెలిపే అధికరణ భారత రా­జ్యాంగంలో ఎక్కడా లేదని ఆయన స్పష్టంచేశారు. మారుతున్న అభివృద్ధి.. అవసరాల దృష్ట్యా పరిపాలనా వికేంద్రీకరణను ఇప్పటికే ప్రపంచంలో 14కు పైగా దేశాలు పాటిస్తు­న్నాయని చెప్పారు. మన దేశంలో కూడా అనేక రా­ష్ట్రా­ల్లో హైకోర్టు ఒకచోట ఉంటే శాసనసభ వ్యవహారాలు మరోచోట ఉన్న విషయాన్ని గుర్తుచేశారు.

ఇవి చ‌ద‌వండి: Fact Check: ‘మీటర్ల’ కొద్దీ అసత్యాలు అల్లేస్తున్నారు!