TV
భర్త పారుపల్లి కశ్యప్‌తో సైనా నెహ్వాల్‌ (PC: Saina Nehwal Insta)
Anant Ambani Radhika Pre Wedding: అంబానీల వారసుడు అనంత్‌- రాధికల ప్రీ వెడ్డింగ్‌ వేడుకలకు సెలబ్రిటీ లోకం తరలివెళ్లింది. క్రీడా, సినీ ప్రముఖులు గుజరాత్‌లో సందడి చేస్తూ అంబానీ కుటుంబ సంబరాల్లో పాలు పంచుకుంటున్నారు. హైదరాబాదీ బ్యాడ్మింటన్‌ స్టార్స్‌ సైనా నెహ్వాల్‌- పారుపల్లి కశ్యప్‌దంపతులు కూడా జామ్‌నగర్‌కు విచ్చేశారు.
ఈ నేపథ్యంలో సైనా.. ‘‘పర్‌ఫెక్ట్‌ అంబానీ వెడ్డింగ్‌’’ పేరిట తాము ఉండబోయే రాయల్‌ టెంట్‌ టూర్‌ వీడియో షేర్‌ చేసింది. ముందస్తు పెళ్లి వేడుకల కోసం వచ్చే అతిథుల కోసం దాదాపు అరవై దాకా ఈ టెంట్లు వేయించినట్లు తెలుస్తోంది.
పచ్చని మైదానంలో ఆహ్లాదకర వాతావరణంలో నిర్మించిన ఈ తాత్కాలిక నివాసాన్ని నాలుగు గదులుగా విభజించారు. ఇందులో లివింగ్‌ ఏరియా, మాస్టర్‌ బెడ్‌రూం హైలైట్‌గా నిలిచాయి. ఇండోర్‌ ప్లాంట్లను కూడా జతచేసి మనసుకు హాయి కలిగించేలా.. అన్ని రకాల సదుపాయాలతో వీటిని తీర్చిదిద్దారు.
సైనా నెహ్వాల్‌ షేర్‌ చేసిన ఈ వీడియో నెట్టింట వైరల్‌ అవుతోంది. ఇదిలా ఉంటే.. టాలీవుడ్‌ నుంచి రామ్‌చరణ్‌- ఉపాసన దంపతులు కూడా అంబానీ ముందస్తు పెళ్లి వేడుకల్లో పాల్గొనేందుకు జామ్‌నగర్‌కు వెళ్లారు.
చదవండి: ‘రాజు- రాణి వచ్చేశారు’.. అనంత్‌- రాధిక ప్రీ వెడ్డింగ్‌ వేడుకలకు కోహ్లి?! నిజం ఇదే
Comments
Please login to add a commentAdd a comment