ఆస్ట్రేలియా జట్టులో ముగ్గురు భారత మూలాలున్న క్రికెటర్లు

ఆస్ట్రేలియా మహిళల అండర్‌-19 జట్టుకు ముగ్గురు భారత మూలాలున్న క్రికెటర్లు (రిబ్యా స్యాన్‌, సమారా దుల్విన్‌, హస్రత్‌ గిల్‌) ఎంపికయ్యారు. ఈ ముగ్గురు న్యూజిలాండ్‌, శ్రీలంక అండర్‌-19 జట్లతో జరిగే ముక్కోణపు సిరీస్‌లో పాల్గొననున్నారు. 

టీ20, వన్డే ఫార్మాట్‌లో జరిగే ఈ టోర్నీలు సెప్టెంబర్‌ 19 నుంచి ప్రారంభమవుతాయి. బ్రిస్బేన్‌, గోల్డ్‌ కోస్ట్‌ వేదికగా ఈ మ్యాచ్‌లు జరుగుతాయి. 14 రోజుల పాటు జరిగే ఈ టోర్నీల్లో మూడు జట్లు నాలుగు టీ20లు, రెండు వన్డేలు ఆడతాయి. ఈ టోర్నీల కోసం​ 15 మంది సభ్యుల రెండు వేర్వేరు జట్లను ఆస్ట్రేలియా యూత్‌ సెలెక్షన్‌ ప్యానెల్‌ ఎంపిక చేసింది. ఈ జట్లకు ఆసీస్‌ మాజీ ప్లేయర్‌ క్రిస్టెన్‌ బీమ్స్‌ హెడ్‌ కోచ్‌గా ఎంపికయ్యాడు.

రిబ్యా స్యాన్‌- బౌలింగ్‌ ఆల్‌రౌండర్‌ 
సమారా దుల్విన్‌- బ్యాటర్‌
హస్రత్‌ గిల్‌- బౌలర్‌