ఐదోసారి అండర్‌-19 ప్రపంచకప్‌ చాంపియన్స్‌గా భారత్‌

అండర్‌-19 ప్రపంచకప్‌ 2022 విజేతగా భారత్‌ నిలిచింది. ఇంగ్లండ్‌తో జరిగిన ఫైనల్లో 190 పరుగుల లక్ష్యాన్ని యంగ్‌ ఇండియా మరో 2 బంతులు మిగిలిఉండగా చేధించింది. అండర్-19 ప్రపంచకప్‌ను భారత్‌ గెలుచుకోవడం ఇది ఐదోసారి కావడం విశేషం. భారత్‌ బ్యాటింగ్‌లో నిషాంత్‌ సింధు 50 పరుగులతో నాటౌట్‌గా నిలిచి విజయంలో కీలకపాత్ర పోషించాడు. అంతకముందు వైస్‌ కెప్టెన్‌ షేక్‌ రషీద్‌ సరిగ్గా 50 పరుగులు చేసి ఔటయ్యాడు. రాజ్‌ బవా 35 పరుగులతో కీలక ఇన్నింగ్స్‌ ఆడాడు. ఇంగ్లండ్‌ బౌలర్లలో జేమ్స్‌ సేల్స్‌, బోయ్‌డెన్‌, అస్పిన్‌వాల్‌ తలా రెండు వికెట్లు తీశారు.

అంతకముందు టీమిండియా పేసర్లు రాజ్‌ బవా(5/31), రవికుమార్‌(4/34)ల ధాటికి ఇంగ్లండ్‌ జట్టు 44.5 ఓవర్లలో 189 పరుగులకు ఆలౌటైంది. టూ డౌన్‌ బ్యాటర్‌ జేమ్స్‌ రూ(116 బంతుల్లో 95; 12 ఫోర్లు) అద్భుతమైన పోరాటంతో ఇంగ్లండ్‌ను ఆదుకున్నాడు. టెయిలెండర్‌ జేమ్స్‌ సేల్స్‌(31)తో కలిసి ఎనిమిదో వికెట్‌కు 93 పరుగుల భాగస్వామ్యాన్ని నమోదు చేసిన రూ.. 5 పరుగుల తేడాతో సెంచరీ చేసే అవకాశాన్ని చేజార్చుకున్నాడు. 

విజయానికి చేరువవుతున్న క్రమంలో భారత్‌ ఐదో వికెట్‌ కోల్పోయింది. ధాటిగా ఆడుతున్న రాజ్‌ బవా(35) జోషువా బోయ్‌డెన్‌ బౌలింగ్‌లో టామ్‌ ప్రీస్ట్‌కు క్యాచ్‌ ఇచ్చి వెనుదిరిగాడు. ప్రస్తుతం భారత్‌ 44 ఓవర్లలో 5 వికెట్ల నష్టానికి 169 పరుగులు చేసింది. భారత్‌ విజయానికి 21 పరుగుల దూరంలో ఉంది.
 

190 పరుగుల  లక్ష్యంతో బరిలోకి దిగిన భారత్‌ విజయానికి 57 పరుగుల దూరంలో ఉంది. నిషాంత్‌ సింధు (22), రాజ్‌ బవా(16) పరుగులతో ఇన్నింగ్స్‌ను నడిపిస్తున్నారు. ఈ ఇద్దరి మధ్య 36 పరుగుల భాగస్వామ్యం ఏర్పడింది.ప్రస్తుతం భారత్‌ స్కోరు 37 ఓవర్లలో 4 వికెట్ల నష్టానికి 133 పరుగులుగా ఉంది.

కెప్టెన్‌ యష్‌ ధుల్‌(17) రూపంలో భారత్‌ బిగ్‌ వికెట్‌ కోల్పోయింది. జేమ్స్‌ సేల్స్‌ బౌలింగ్‌లో ధుల్‌ జార్జీ బెల్‌కు క్యాచ్‌ ఇచ్చి వెనుదిరిగాడు. జేమ్స్‌సేల్స్‌ తన వరుస ఓవర్లలో రెండు వికెట్లు తీసి భారత్‌ను ఒత్తిడిలోకి నెట్టాడు. భారత్‌ విజయానికి 93 పరుగులు దూరంలో ఉంది.

వైస్‌ కెప్టెన్‌ షేక్‌ రషీద్‌ అర్థసెంచరీ చేసిన వెంటనే ఔటవ్వడంతో భారత్‌ మూడో వికెట్‌ కోల్పోయింది. 50 పరుగులు చేసిన షేక్‌ రషీద్‌ జేమ్స్‌ సేల్స్‌ బౌలింగ్‌లో జేమ్స్‌ రూకు క్యాచ్‌ ఇచ్చి వెనుదిరిగాడు. ప్రస్తుతం యంగ్‌ ఇండియా 27 ఓవర్లలో 3 వికెట్ల నష్టానికి 95 పరుగులు చేసింది. యష్‌ ధుల్‌ 17, నిషాంత్‌ సింధు క్రీజులో ఉన్నారు. టీమిండియా విజయానికి ఇంకా 95 పరుగుల దూరంలో ఉంది.

ఓపెనర్‌ హర్నూర్‌ సింగ్‌(21) రూపంలో భారత​ జట్టు రెండో వికెట్‌ కోల్పోయింది. అస్పిన్‌వాల్‌ బౌలింగ్‌లో షాట్‌ ఆడే ప్రయత్నంలో కీపర్‌ అలెక్స్‌ హార్టన్‌కు క్యాచ్‌ ఇచ్చి వెనుదిరిగాడు. ప్రస్తుతం యంగ్‌ ఇండియా 20 ఓవర్లలో 2 వికెట్ల నష్టానికి 57 పరుగులు చేసింది. క్రీజులో షేక్‌ రషీద్‌(28), యష్‌ ధుల్‌(2) క్రీజులో ఉ‍న్నారు.

ఆరంభంలోనే వికెట్‌ కోల్పోయిన భారత్‌ ఇన్నింగ్స్‌ను ప్రస్తుతం ఓపెనర్‌ హర్నూర్‌ సింగ్‌, వన్‌డౌన్‌ షేక్‌ రషీద్‌లు నడిపిస్తు‍న్నారు. 10 ఓవర్లు ముగిసేసరికి వికెట్‌ నష్టానికి 33 పరుగులు చేసింది. అంతకముందు ఓపెనర్‌ రఘువంశీ పరుగులేమి చేయకుండా డకౌట్‌ వెనుదిరిగాడు

190 పరుగుల లక్ష్యంతో బరిలోకి దిగిన భారత్‌కు ఆదిలోని గట్టిషాక్‌ తగిలింది. తొలి ఓవర్‌ రెండో బంతికే ఓపెనర్‌ రఘువంశీ.. జోషువా బోయ్‌డెన్‌ బౌలింగ్‌లో డకౌట్‌గా వెనుదిరిగాడు. 

టీమిండియా పేసర్లు రాజ్‌ బవా(5/31), రవికుమార్‌(4/34)ల ధాటికి ఇంగ్లండ్‌ జట్టు 44.5 ఓవర్లలో 189 పరుగులకు ఆలౌటైంది. టూ డౌన్‌ బ్యాటర్‌ జేమ్స్‌ రూ(116 బంతుల్లో 95; 12 ఫోర్లు) అద్భుతమైన పోరాటంతో ఇంగ్లండ్‌ను ఆదుకున్నాడు. టెయిలెండర్‌ జేమ్స్‌ సేల్స్‌(31)తో కలిసి ఎనిమిదో వికెట్‌కు 93 పరుగుల భాగస్వామ్యాన్ని నమోదు చేసిన రూ.. 5 పరుగుల తేడాతో సెంచరీ చేసే అవకాశాన్ని చేజార్చుకున్నాడు. 

యంగ్‌ ఇండియా పేసర్‌ రవికుమార్‌.. ఇంగ్లండ్‌ను మరో దెబ్బ కొట్టాడు. 93 పరుగుల భారీ భాగస్వామ్యం అనంతరం ఒకే ఓవర్లో రెండు వికెట్లు పడగొట్టాడు. దినేశ్‌ బనాకు క్యాచ్‌ ఇచ్చి అస్పిన్‌వాల్‌(0) తొమ్మిదో వికెట్‌గా వెనుదిరిగాడు. 44 ఓవర్ల తర్వాత ఇంగ్లండ్‌ స్కోర్‌ 185/9గా ఉంది.

91 పరుగులకే 7 వికెట్లు కోల్పోయి, మ్యాచ్‌పై దాదాపుగా ఆశలు వదులుకున్న ఇంగ్లండ్‌ను టూ డౌన్‌ బ్యాటర్‌ జేమ్స్‌ రూ(116 బంతుల్లో 95; 12 ఫోర్లు) అద్భుతమైన పోరాటంతో ఆదుకున్నాడు. టెయిలెండర్‌ జేమ్స్‌ సేల్స్‌(31)తో కలిసి ఎనిమిదో వికెట్‌కు 93 పరుగుల భాగస్వామ్యాన్ని నమోదు చేసి సెంచరీ చేసే అవకాశాన్ని తృటిలో చేజార్చుకున్నాడు. 43.1వ ఓవర్లో రవికుమార్‌ బౌలింగ్‌లో కుశాల్‌ తాంబేకు క్యాచ్‌ ఇచ్చి రూ ఔటయ్యాడు. ఈ సమయానికి జట్టు స్కోర్‌ 184/8గా ఉంది. క్రీజ్‌లో జేమ్స్‌ సేల్స్‌, అస్పిన్‌వల్‌ ఉన్నారు.

25వ ఓవర్లో 91 పరుగుల వద్ద ఇంగ్లండ్‌ ఏడో వికెట్‌ కోల్పోయింది. ఆఫ్‌ స్పిన్నర్‌ కుశాల్‌ తాంబే బౌలింగ్‌లో యశ్‌ ధుల్‌కు క్యాచ్‌ ఇచ్చి అలెక్స్‌ హార్టన్‌(21 బంతుల్లో 10; 2 ఫోర్లు) ఔటయ్యాడు. క్రీజ్‌లో జేమ్స్‌ రూ(37), జేమ్స్‌ సేల్స్‌ ఉన్నారు.  

Wicket No. 4⃣ for Raj Bawa 👏 👏

6⃣th success with the ball for India U19 in the Final 👌 👌

Follow the match ▶️ https://t.co/p6jf1AXpsy#U19CWC #BoysInBlue #INDvENG pic.twitter.com/j6d6EfziIX

— BCCI (@BCCI) February 5, 2022

రైట్‌ ఆర్మ్‌ మీడియం పేసర్‌ రాజ్‌ బవా(4/14) ధాటికి ఇంగ్లండ్‌ జట్టు చిగురుటాకులా వణికిపోతుంది. 61 పరుగులకే 6 కీలక వికెట్లు కోల్పోయి పీకల్లోతు కష్టాల్లో కూరుకుపోయింది. కుశాల్‌ తాంబే క్యాచ్‌ పట్టడంతో రెహాన్‌ అహ్మద్‌(12 బంతుల్లో 10; ఫోర్‌) వెనుదిరిగాడు. క్రీజ్‌లో జేమ్స్‌ రూ(17), అలెక్స్‌ హార్టన్‌ ఉన్నారు.

యంగ్‌ ఇండియా పేసర్లు రవికుమార్‌(2/11), రాజ్‌ బవా(3/9)ల ధాటికి ఇంగ్లండ్‌ టాపార్డర్‌ పేక మేడాలా కూలింది. 47 పరుగులకే సగం వికెట్లు కోల్పోయి పీకల్లోతు కష్టాల్లో కూరుకుపోయింది. 13వ ఓవర్‌లో విశ్వరూపం ప్రదర్శించిన రాజ్‌ బవా.. వరుస బంతుల్లో వికెట్లు తీసి ప్రత్యర్ధిని కోలుకోలేని దెబ్బ తీశాడు. దినేశ్‌ బనా చేతికి చిక్కి లక్స్టన్‌(8 బంతుల్లో 4) పెవిలియన్‌కు చేరగా.. సెమీస్‌లో ప్లేయర్‌ ఆఫ్‌ ద మ్యాచ్‌గా నిలిచిన జార్జ్‌ బెల్‌ గోల్డన్‌ డక్‌గా వెనుదిరిగాడు. అంతకుముందు 10.1వ ఓవర్‌లో ఓపెనర్‌ జార్జ్‌ థామస్‌(30 బంతుల్లో 27; 4 ఫోర్లు, సిక్స్‌)ను కూడా రాజ్‌ బవానే పెవిలియన్‌కు పంపాడు. 37 పరుగుల వద్ద థామస్‌.. కెప్టెన్‌ యశ్‌ ధుల్‌కు క్యాచ్‌ ఇచ్చి మూడో వికెట్‌గా ఔటయ్యాడు. క్రీజ్‌లో జేమ్స్‌ రూ(13), రెహాన్‌ అహ్మద్‌ ఉన్నారు. 

ఇన్నింగ్స్‌ రెండో ఓవర్‌లోనే తొలి వికెట్‌ కోల్పోయిన ఇంగ్లండ్‌కు.. నాలుగో ఓవర్‌లో మరో షాక్‌ తగిలింది. ఆ జట్టు కెప్టెన్‌ టామ్‌ ప్రెస్ట్‌.. రవికుమార్‌ బౌలింగ్‌లో క్లీన్‌ బౌల్డయ్యాడు. ఫలితంగా ఇంగ్లండ్‌ 18 పరుగుల వద్ద రెండో వికెట్‌ కోల్పోయింది. క్రీజ్‌లో జార్జ్‌ థామస్‌(16), జేమ్స్‌ రూ ఉన్నారు.   

టాస్‌ గెలిచి బ్యాటింగ్‌ ఎంచుకున్న ఇంగ్లండ్‌ జట్టుకు ఆదిలోనే షాక్‌ తగిలింది. ఓపెనర్‌ బెతెల్‌(5 బంతుల్లో 2)ను రవికుమార్‌ ఎల్బీడబ్ల్యూగా వెనక్కు పంపాడు. ఫలితంగా ఇంగ్లండ్‌ 4 పరుగుల వద్దే తొలి వికెట్‌ కోల్పోయింది. 2 ఓవర్ల తర్వాత ఇంగ్లండ్‌ స్కోర్‌ 4/1గా ఉంది. క్రీజ్‌లో జార్జ్‌ థామస్‌(2), టామ్‌ ప్రెస్ట్‌ ఉన్నారు. 

అండర్‌-19 ప్రపంచకప్‌ 2022లో భాగంగా ఇవాళ జరుగుతున్న మెగా ఫైనల్లో భారత్‌-ఇంగ్లండ్‌ జట్లు తలపడుతున్నాయి. ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది.