TV
రాయల్‌ ఛాలెంజర్స్‌ బెంగళూరు స్టార్‌ ఆటగాడు విరాట్‌ కోహ్లి అరుదైన ఘనత సాధించాడు. ఐపీఎల్‌ చరిత్రలో 10 సీజన్లలో 400 పైగా పరుగులు చేసిన చేసిన తొలి క్రికెటర్‌గా కోహ్లి రికార్డులకెక్కాడు. ఐపీఎల్‌-2024లో భాగంగా 400 రన్స్‌ను క్రాస్‌ చేసిన విరాట్‌.. ఈ అరుదైన ఘనతను తన పేరిట లిఖించుకున్నాడు.
2011, 2013, 2015,2016,2018,2019,2020,2021,2023, 2024 సీజన్లలో కోహ్లి 400 పైగా పరుగులు సాధించాడు. ఈ ఏడాది సీజన్‌లో ఇప్పటివరకు 9 మ్యాచ్‌లు ఆడిన కింగ్‌ కోహ్లి.. 430 పరుగులు సాధించాడు.
ఈ మెగా ఈవెంట్‌లో భాగంగా హైదరాబాద్‌ వేదికగా ఎస్‌ఆర్‌హెచ్‌తో మ్యాచ్‌లో కోహ్లి హాఫ్‌ సెంచరీతో మెరిశాడు. 43 బంతులు ఎదుర్కొన్న కోహ్లి.. 4 ఫోర్లు, 6 సిక్స్‌లతో 51 పరుగులు చేశాడు. అదే విధంగా ఐపీఎల్‌లో ఓపెనర్‌గానూ కోహ్లి 4000 పరుగుల మైలు రాయిని అందుకున్నాడు.
Comments
Please login to add a commentAdd a comment