చిన్న‌స్వామి స్టేడియం వ‌ద్ద జరిగిన తొక్కిసలాట ఘ‌ట‌న విచార‌ణ‌లో బెంగ‌ళూరు పోలీసులు మ‌రో అడుగు ముందుకు వేశారు. సీఎం సిద్ద‌రామ‌య్య ఆదేశాల మెర‌కు రాయ‌ల్ ఛాలెంజ‌ర్స్ బెంగ‌ళూరు ఫ్రాంచైజీ మెనెజ్‌మెంట్‌పై చ‌ర్య‌లకు ఉపక్ర‌మించారు. ఈ క్ర‌మంలో ఆర్సీబీ మార్కెటింగ్ హెడ్ నిఖిల్ సోసాలేను శుక్ర‌వారం అరెస్టు చేశారు.ముంబైకి వెళ్తుండ‌గా బెంగళూరు ఎయిర్‌పోర్టులో అత‌డిని అదుపులోకి తీసుకున్న‌ట్లు సమాచారం. అదేవిధంగా ఈ ఈవెంట్‌ నిర్వాహక సంస్థ డీఎన్ఎ ఎంటర్‌టైన్‌మెంట్ నెట్‌వర్క్స్ ప్రైవేట్ లిమిటెడ్‌కు చెందిన ముగ్గురు సిబ్బందిని కూడా పోలీసులు అరెస్ట్ చేశారు.నిఖిల్ సోసాలేను పోలీసులు ప్రస్తుతం రహస్య ప్రదేశంలో విచారిస్తున్నట్లు తెలుస్తోంది. అయితే అతడి అరెస్ట్‌పై ఆర్సీబీ యాజమాన్యం ఇప్పటివరకు ఇంకా స్పందించలేదు. కాగా బుధ‌వారం (జూన్ 4) జరిగిన తొక్కిసలాటలో 11మంది మృతిచెందారు. దాదాపు 50 మందికి పైగా గాయపడ్డారు.ఇక ఈ ఘటనపై గురువారం విచారణ చేపట్టిన కర్ణాటక హైకోర్టు ప్రభుత్వంపై తీవ్ర ఆగ్రహం వ్యక్తం చేసింది. కనీస ఏర్పాట్లు లేకుండా ఈవెంట్‌ ఎలా నిర్వహిస్తారని చీఫ్ జస్టిస్‌తో కూడిన ధర్మాసనం మండిపడింది. ఈ ఘటన వెనుక కారణాలను తేల్చాలని సిద్దరామయ్య సర్కార్‌ను హైకోర్టు ఆదేశించింది. దీంతో కర్ణాటక ప్రభుత్వం సీఐడీ పోలీసులతో ప్రత్యేక దర్యాప్తు బృందాన్ని (సిట్‌) ఏర్పాటు చేసింది. 15 రోజుల్లోగా నివేదిక ఇవ్వాలని ఆదేశించింది. కాగా ఇప్ప‌టికే బెంగళూరు న‌గ‌ర పోలీస్‌ కమిషనర్‌ బి.దయానంద్, డీసీపీ శేఖర్, ఇన్‌స్పెక్టర్‌ గిరీశ్‌లపై ప్ర‌భుత్వం సస్పెన్ష‌న్ వేటు వేసిందిచదవండి: IND vs ENG: ఇంగ్లండ్-భారత్ టెస్టు సిరీస్‌కు కొత్త పేరు ఖరారు

తొలి ఐపీఎల్ ట్రోఫీని ముద్దాడాల‌ని కలలు కన్న పంజాబ్ కింగ్స్‌కు మరోసారి నిరాశే ఎదురైంది. ఐపీఎల్‌-2025 సీజన్‌లో ఆఖరి మొట్టుపై పంజాబ్ బోల్తా పడింది. మంగళవారం అహ్మదాబాద్‌​ వేదికగా రాయల్ ఛాలెంజర్స్ బెంగళూరుతో జరిగిన ఫైనల్ పోరులో 6 పరుగుల తేడాతో పంజాబ్ ఓటమి పాలైంది.ఆర్సీబీ నిర్ధేశించిన 191 పరుగుల లక్ష్యాన్ని శ్రేయస్ సేన చేధించలేకపోయింది. లక్ష్య చేధనలో పంజాబ్ నిర్ణీత 20 ఓవర్లలో 7 వికెట్లు కోల్పోయి 184 పరుగులకే పరిమితమైంది. పంజాబ్ బ్యాటర్లలో శశాంక్ సింగ్‌(61), జోష్ ఇంగ్లిష్‌​(39) మినహా మిగితా అందరూ తీవ్ర నిరాశపరిచారు.ఆర్సీబీ బౌలర్లలో ప్లేయర్ ఆఫ్ ది మ్యాచ్ కృనాల్ పాండ్యా, భువనేశ్వర్‌​ కుమార్ తలా రెండు వికెట్లు పడగొట్టారు. ఇక ఈ హార్ట్‌బ్రేకింగ్ ఓటమిపై మ్యాచ్ అనంతరం పంజాబ్ కెప్టెన్ శ్రేయస్ అయ్యర్ స్పందించాడు. ఫైన‌ల్లో ఓట‌మి పాలైన‌ప్ప‌టికి.. ఈ టోర్నీ ఆసాంతం త‌మ కుర్రాళ్లు అద్బుత‌మైన ప్ర‌ద‌ర్శ‌న క‌న‌బ‌రిచార‌ని అయ్య‌ర్ కొనియాడాడు."ఈ మ్యాచ్‌లో ఓట‌మి మ‌మ్మ‌ల్ని తీవ్ర నిరాశ‌ప‌రిచింది. ఫైనల్లో ఓడినా మా కుర్రాళ్ళు ఆ సందర్భానికి త‌గ్గ‌ట్టు ఆడారు. ఈ మ్యాచ్‌లో ఆశించిన ఫ‌లితం మాకు ద‌క్క‌లేదు. కానీ మాకు మ‌ద్ద‌తుగా నిలిచిన సపోర్ట్ స్టాఫ్, టీమ్ మేనేజ్‌మెంట్‌, ప్ర‌తీ ఒక్క‌రికి క్రెడిట్ ఇవ్వాలి.మా యాజ‌మాన్యం కూడా చాలా స‌పోర్ట్ చేశారు. మా గ‌త మ్యాచ్ దృష్ట్యా 200 పరుగుల లక్ష్యం సులువు అనుకున్నాం. కానీ ఈ మ్యాచ్‌లో ఆర్సీబీ బౌల‌ర్లు అద్బుతంగా బౌలింగ్‌ చేశారు. ముఖ్యంగా కృనాల్ తన బౌలింగ్‌తో మ్యాచ్ స్వరూపాన్నే మార్చేశాడు. అతడికి చాలా అనుభవం ఉంది.తన ఎక్స్‌పీరియన్స్‌ను మరోసారి చూపించాడు. జట్టులోని ప్రతీ ఒక్కరూ బాగా రాణించారు. వారి ప్రదర్శన పట్ల చాలా గర్వంగా ఉంది. మా జట్టులోని చాలా మంది కుర్రాళ్లకు ఇదే తొలి సీజన్‌. అయిప్పటికి వారు ఫియర్‌లెస్ క్రికెట్ ఆడారు. వారందరికి అభినందనలు. వారు లేకపోయింటే మేము ఇక్కడివరకు వచ్చేవాళ్లం కాదు. మా పని ఇంకా పూర్తి కాలేదు. వచ్చే ఏడాది ట్రోఫీ గెలవడమే మా లక్ష్యం. ఈ టోర్నీలో మాకు చాలా సానుకూల అంశాలు ఉన్నాయి. యువ ఆటగాళ్లు ఈ సీజన్ నుంచి చాలా అనుభవాన్ని పొందారు. వచ్చే ఏడాది మరింత మెరుగైన ప్రదర్శన చేస్తారని అశిస్తున్నాను. కొత్త వ్యూహాలు, ప్రణాళికలతో మళ్లీ తిరిగివస్తామని" పోస్ట్ మ్యాచ్ ప్రెజెంటేషన్‌లో అయ్యర్ పేర్కొన్నాడు. కాగా ఈ మ్యాచ్‌లో అయ్యర్‌ కేవలం ఒక్క పరుగు మాత్రమే చేసి ఔటయ్యాడు.చదవండి: IPL 2025: చరిత్ర సృష్టించిన కృనాల్ పాండ్యా.. 18 ఏళ్లలో ఒకే ఒక్కడు

ఇండియన్ ప్రీమియ‌ర్ లీగ్‌(IPL) చ‌రిత్ర‌లో సరికొత్త ఛాంపియ‌న్ అవ‌త‌రించింది. ఐపీఎల్‌-2025 సీజ‌న్ విజేత‌గా రాయ‌ల్ ఛాలెంజ‌ర్స్ బెంగ‌ళూరు (RCB) నిలిచింది. అహ్మదాబాద్ వేదిక‌గా జ‌రిగిన ఫైన‌ల్‌లో ఆరు పరుగుల తేడాతో పంజాబ్ కింగ్స్‌ను ఓడించిన ఆర్సీబీ.. త‌మ 18 ఏళ్ల నిరీక్ష‌ణ‌కు తెర‌దించింది.ఈ తుది పోరులో తొలుత బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 9 వికెట్ల న‌ష్టానికి 190 ప‌రుగులు చేసింది. ఆర్సీబీ బ్యాట‌ర్ల‌లో విరాట్ కోహ్లి(43) టాప్ స్కోర‌ర్‌గా నిలవ‌గా.. పాటిదార్‌(26), జితేష్ శ‌ర్మ‌(24), లివింగ్ స్టోన్‌(25) రాణించారు. పంజాబ్ బౌల‌ర్ల‌లో అర్ష్‌దీప్‌, జామీస‌న్ త‌లా మూడు వికెట్లు ప‌డ‌గొట్టారు.తిప్పేసిన కృనాల్‌..అనంతరం లక్ష్య చేధనలో పంజాబ్ కింగ్స్ నిర్ణీత ఓవర్లలో 7 వికెట్లు కోల్పోయి 184 పరుగులు చేయగల్గింది. శశాంక్ సింగ్‌(61) ఆఖరి వరకు పోరాడినప్పటికి తన జట్టును మాత్రం విజయతీరాలకు చేర్చాడు. ఆర్సీబీ బౌలర్లలో కృనాల్ పాండ్యా అద్బుతమైన ప్రదర్శన కనబరిచాడు.తన స్పిన్ మయాజాలంతో ప్రత్యర్ధి బ్యాటర్లను ముప్పుతిప్పలు పెట్టాడు. పాండ్యా తన నాలుగు ఓవర్ల కోటాలో కేవలం 17 పరుగుల మాత్రమే ఇచ్చి రెండు కీలక వికెట్లను పడగొట్టాడు. పాండ్యా ఆసాధరణ ప్రదర్శనకు గాను ప్లేయర్‌ ఆఫ్‌ది మ్యాచ్‌​ అవార్డు దక్కింది.తద్వారా కృనాల్‌​ ఓ అరుదైన రికార్డును తన పేరిట లిఖించుకున్నాడు. ఐపీఎల్‌ ఫైనల్లో రెండుసార్లు ‘ప్లేయర్‌ ఆఫ్‌ ద మ్యాచ్‌’గా నిలిచిన తొలి ఆటగాడిగా కృనాల్‌ పాండ్యా రికార్డుల్లోకెక్కాడు. 2017లో రైజింగ్‌ పుణే సూపర్‌ జెయింట్స్‌పై ముంబై ఇండియన్స్‌ విజయం సాధించిన సందర్భంలోనూ కృనాల్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది.చదవండి: Virat Kohli On RCB Win: ఈ రోజు వస్తుందని అనుకోలేదు.. ప్రశాంతంగా నిద్రపోతా

విరాట్ కోహ్లి.. త‌న 18 ఏళ్ల కెరీర్‌లో ఎన్నో ఘ‌న‌త‌లు సాధించాడు. వన్డే, టీ20 వరల్డ్‌కప్‌లు, ఛాంపియన్స్ ట్రోఫీలు వంటి ఐసీసీ టైటిల్స్‌ను సైతం విరాట్ సొంతం చేసుకున్నాడు. కానీ కింగ్‌ కెరీర్‌లో ఐపీఎల్ ట్రోఫీ ఒక్కటే వెలితిగా ఉండేది. ఇప్పుడు ఎట్టకేలకు కోహ్లి ఖాతాలో ఐపీఎల్ టైటిల్ కూడా చేరింది.కోహ్లి 18 ఏళ్ల నిరీక్షణ ఫలించింది. ప్రతీ సీజన్‌లో బ్యాటర్​గా, ఫీల్డర్​గా, కెప్టెన్​గా ఆర్సీబీని భుజాల మీద మోసిన కోహ్లి.. తొలి ఐపీఎల్ ట్రోఫీని ముద్దాడాడు. ఐపీఎల్‌-2025 విజేతగా రాయల్ ఛాలెంజర్స్ బెంగళూరు నిలిచింది. దీంతో ఏన్నో ఏళ్ల నుంచి అంద‌ని ద్రాక్షగా ఊరించిన క‌ల‌ల‌ క‌ప్పు కింగ్ సొంత‌మైంది.ఫైన‌ల్లో ఆర్సీబీ విజయం ఖరారైన వెంటనే మైదానంలోనే కన్నీటిపర్యంతమయ్యాడు. ఆ త‌ర్వాత ట్రోఫీని అందుకుని మైదానం చుట్టూ తిరిగుతూ సంద‌డి చేశాడు. ఈ క్ర‌మంలో మ్యాచ్ అనంత‌రం మాట్లాడిన కోహ్లి తీవ్ర భావోద్వేగానికి లోన‌య్యాడు. ఈ రోజు వస్తుందని అస్సలు అనుకోలేదని కోహ్లి తెలిపాడు.పసి పాపలా ప్రశాంతంగా నిద్రపోతా"18 ఏళ్ల సుదీర్ఘ నిరీక్షణ ముగిసింది. ఈ విజయం జట్టు సభ్యులది మాత్రమే కాదు అభిమానులది కూడా. నేను యువకుడిగా, ఆ తర్వాత కెరీర్‌ అత్యుత్తమ దశలో, ఇప్పుడు అనుభవజ్ఞుడిలా ఈ టీమ్‌తో ఉన్నాను. ప్రతీ సీజన్‌లోనూ ఇదే తరహాలో విజయం కోసం తీవ్రంగా శ్రమించాను. నేను చేయగలిగిందంతా చేశాను. చివరకు ఇప్పుడు దక్కిన భావన గొప్పగా ఉంది. ఈ రోజు వస్తుందని అనుకోలేదు. ఆఖరి బంతి తర్వాత భావోద్వేగాలను నియంత్రించుకున్నాను. ఏం జరిగినా ఇదే జట్టుతో ఉన్నాను. టీమ్‌ మేనేజ్‌మెంట్‌ కూడా నాతో నిలబడింది. ఇదే జట్టుతో టైటిల్‌ గెలవాలని కలగన్నాను. మరో టీమ్‌తో గెలిచి ఉంటే ఇంత ఆనందం దక్కకపోయేదేమో. నా హృదయం, ఆత్మ బెంగళూరుతోనే ఉన్నాయి.గతంలో చెప్పినట్లుగా నేను ఐపీఎల్‌ ఆడినంత వరకు ఇదే జట్టుతో ఉంటా. ఎంతో పోటీ, తీవ్రత ఉండే ఈ టోర్నీలో టైటిల్‌ విజయాన్ని ఎంతో ప్రాధాన్యత ఉంది. నేను ఇలాంటి పెద్ద టోరీ్నలను గెలవాలని, చిరస్మరణీయ క్షణాలను కోరుకుంటా. కెరీర్‌లో అత్యుత్తమ విజయాల్లో ఇదొకటి. ఈ రోజు నేను ప్రశాంతంగా పసిపాపలా నిద్రపోతా. వేలంలో మా ఎంపికను చాలా మంది ప్రశ్నించారు. కానీ వాటిని తప్పని నిరూపించామని కోహ్లి పేర్కొన్నాడు.చదవండి: Virat Kohli Emotional Video: 18 ఏళ్ల నిరీక్ష‌ణ‌కు తెర‌.. వెక్కి వెక్కి ఏడ్చిన కోహ్లి! వీడియో వైర‌ల్‌

రాయ‌ల్ ఛాలెంజ‌ర్స్ బెంగ‌ళూరు సుదీర్ఘ నిరీక్షణ ముగిసింది. గ‌త 17 ఏళ్ల నుంచి ఊరిస్తున్న ఐపీఎల్ క‌ప్ ఎట్ట‌కేల‌కు ఆర్సీబీ సొంతమైంది. ఐపీఎల్‌-2025 విజేత‌గా ఆర్సీబీ అవతరించింది. మంగ‌ళవారం అహ్మదాబాద్ వేదిక‌గా జ‌రిగిన ఫైన‌ల్లో 7 వికెట్ల తేడాతో పంజాబ్ కింగ్స్‌ను ఓడించిన బెంగ‌ళూరు జ‌ట్టు.. తమ క‌ల‌ల ట్రోఫీని ముద్దాడింది. ఆర్సీబీ గెలుపుతో అభిమానుల సంబ‌రాలు అంబ‌రాన్ని అంటాయి. ‘‘ఈసాలా కప్‌ నమ్‌దు’’ నినాదాలతో స్టేడియం హోరెత్తి పోయింది. ఈ క్ర‌మంలో విజేత‌గా నిలిచిన ఆర్సీబీ ఎంత ప్రైజ్‌మనీని గెల్చుకుంది, రన్నరప్‌గా నిలిచిన పంజాబ్ కింగ్స్‌ టీమ్‌ ఎంత మొత్తం దక్కించుకుంది అనే వివరాలను తెలుసుకుందాం.విజేత‌కు ఎన్ని కోట్లంటే?👉ఛాంపియ‌న్స్‌గా నిలిచిన ఆర్సీబీకి ప్రైజ్‌మనీ రూపంలో రూ.20 కోట్లు ల‌భించాయి. అదేవిధంగా ర‌న్న‌ర‌ప్‌తో స‌రిపెట్టుకున్న పంజాబ్‌కు రూ.12.5 కోట్లు ప్రైజ్‌మనీ ద‌క్కింది. ఇక క్వాలిఫ‌య‌ర్‌-2లో ఓట‌మి పాలైన ముంబై ఇండియ‌న్స్‌కు రూ.7 కోట్లు, ఎలిమినేటర్‌లో టోర్నీ నుంచి ఇంటిముఖం ప‌ట్టిన‌ గుజరాత్ టైటాన్స్ జట్టుకు రూ.6.5 కోట్లు లభించాయి.👉ఆరెంజ్ క్యాప్ హోల్డ‌ర్‌గా నిలిచిన సాయిసుద‌ర్శన్‌కు రూ.15లక్ష‌ల న‌గ‌దు బ‌హుమతి ల‌భించింది. ఈ ఏడాది సీజ‌న్‌లో 15 మ్యాచ్‌లు ఆడిన సుద‌ర్శ‌న్‌.. 54.21 స‌గ‌టుతో 759 ప‌రుగులు చేశాడు.👉పర్పుల్ క్యాప్ విజేతగా నిలిచిన ప్ర‌సిద్ద్ కృష్ణకు రూ.15లక్ష‌ల న‌గ‌దు బ‌హుమతి ల‌భించింది. ఈ ఏడాది సీజ‌న్‌లో 15 మ్యాచ్‌లు ఆడిన ప్ర‌సిద్ద్.. 25 వికెట్లు ప‌డ‌గొట్టాడు.👉జితేశ్‌ శర్మ (సూపర్‌ స్ట్రయికర్‌ ఆఫ్‌ ది మ్యాచ్‌) రూ.లక్ష ప్రైజ్‌మనీ👉శశాంక్‌ సింగ్‌ (ఫాంటసీ కింగ్ ఆఫ్ ది మ్యాచ్) రూ.లక్ష ప్రైజ్‌మనీ👉శశాంక్‌ సింగ్‌ (సూపర్ సిక్సర్స్‌ ఆఫ్ ది మ్యాచ్‌) రూ.లక్ష ప్రైజ్‌మనీ👉ప్రియాన్ష్‌ ఆర్యా (మ్యాచ్‌లో అత్యధిక ఫోర్లు) రూ.లక్ష ప్రైజ్‌మనీ👉కృనాల్‌ పాండ్యా (గ్రీన్‌ డాట్‌ బాల్స్‌ ఆఫ్‌ ది మ్యాచ్‌) రూ.లక్ష ప్రైజ్‌మనీ👉కృనాల్‌ పాండ్యా (మ్యాన్‌ ఆఫ్‌ది మ్యాచ్‌) రూ.5లక్షల ప్రైజ్‌మనీ👉సాయి సుదర్శన్‌ (ఎమర్జింగ్ ప్లేయర్ ఆఫ్ ది సీజన్) రూ. 10 లక్షల ప్రైజ్‌మనీ👉వైభవ్‌ సూర్యవంశి (సూపర్ స్ట్రయికర్‌ ఆఫ్ ది సీజన్) టాటా కర్వ్ కారు విజేత👉సాయి సుదర్శన్‌ ( ఫాంటసీ కింగ్ ఆఫ్ ది సీజన్) రూ.10 లక్షల ప్రైజ్‌మనీ👉నికోలస్‌ పూర్‌ (సూపర్ సిక్సెస్‌ ఆఫ్‌ ది సీజన్) రూ.10 లక్షల ప్రైజ్‌మనీ👉సాయి సుదర్శన్‌ (ది గో ఫోర్స్‌ ఆఫ్ ది సీజన్) రూ.10 లక్షల ప్రైజ్‌మనీ👉మొహ్మద్‌ సిరాజ్‌ (గ్రీన్ డాట్ బాల్స్ ఆఫ్ ది సీజన్) రూ. 10 లక్షల ప్రైజ్‌మనీ👉కమిండు మెండిస్‌ (క్యాచ్ ఆఫ్ ది సీజన్) రూ. 10 లక్షల క్యాష్‌ ప్రైజ్‌👉ఫెయిర్‌ ప్లే అవార్డు (చెన్నై సూపర్‌ కింగ్స్‌) రూ.10లక్షల ప్రైజ్‌మనీ👉ప్రసిద్ధ్‌ కృష్ణ (పర్పుల్‌ క్యాప్‌) రూ.10లక్షల ప్రైజ్‌మనీ👉సాయి సుదర్శన్‌ (ఆరెంజ్ క్యాప్) రూ.10లక్ష ప్రైజ్‌మనీ👉సూర్యకుమార్‌ యాదవ్‌ (మోస్ట్‌ వాల్యుబుల్‌ ప్లేయర్‌ ఆఫ్‌ ది సీజన్‌) రూ.15లక్షల ప్రైజ్‌మనీ👉డీడీసీఏ (పిచ్‌ అండ్‌ గ్రౌండ్‌) రూ.50లక్షల ప్రైజ్‌మనీThis wasn’t luck. This was loyalty paying rent after 18 years. 🤌pic.twitter.com/kOfZ7aX7RF— Royal Challengers Bengaluru (@RCBTweets) June 3, 2025

రాయ‌ల్ ఛాలెంజ‌ర్స్ బెంగ‌ళూరు 18 ఏళ్ల క‌ల ఎట్ట‌కేల‌కు నెరవేరింది. ఐపీఎల్‌-2025 ఛాంపియ‌న్స్‌గా ఆర్సీబీ నిలిచింది. మంగ‌ళ‌వారం అహ్మ‌దాబాద్ వేదిక‌గా జ‌రిగిన ఫైన‌ల్ పోరులో 6 ప‌రుగుల తేడాతో పంజాబ్ కింగ్స్‌ను ఓడించిన ఆర్సీబీ.. తొలి ఐపీఎల్ టైటిల్‌ను ముద్దాడింది.ఈ విజ‌యనంత‌రం ఆర్సీబీ స్టార్ విరాట్ కోహ్లి భావోద్వేగానికి గురయ్యాడు. ఎన్నో ఏళ్ల‌గా అంద‌ని ద్రాక్ష‌గా ఊరిస్తున్న ఐపీఎల్ ట్రోఫీ.. ఎట్ట‌కేల‌కు త‌న సొంత‌మైనందుకు విరాట్ క‌న్నీటి ప‌ర్యంత‌మ‌య్యాడు. ఆఖ‌రి ఓవ‌ర్ అవుతున్న‌ప్ప‌టికి ఆర్సీబీ విజ‌యం లాంఛ‌నం కావ‌డంతో బౌండ‌రీ లైన్ వ‌ద్ద ఫీల్డింగ్ చేస్తున్న కింగ్.. చిన్న పిల్లాడిలా వెక్కి వెక్కి ఏడ్చాడు. ఉబికి వస్తున్న కన్నీళ్లను ఆపుకోలేకపోయాడు. చివరి బంతి పడగానే మోకాళ్లపై కూర్చుని చేతులతో ముఖాన్ని దాచుకున్నాడు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. తొలి సీజ‌న్ నుం​చి బెంగ‌ళూరుకే ఆడుతున్న విరాట్ కోహ్లి.. మూడు ఫైనల్స్(2009, 2011, 2016) తర్వాత తన కలను సాకారం చేసుకున్నాడు. ప్ర‌తీ ఎడిష‌న్‌లోనూ సత్తా చాటే కోహ్లి.. ఈ ఏడాది సీజ‌న్‌లోకూడా దుమ్మ‌లేపాడు. ఈ ఏడాది సీజ‌న్‌లో 15 మ్యాచ్‌లు ఆడిన కోహ్లి.. 54.75 స‌గ‌టుతో 657 ప‌రుగులు చేశాడు. ఫైన‌ల్ మ్యాచ్‌లో కూడా కోహ్లి కీల‌క ఇన్నింగ్స్ ఆడాడు. 35 బంతుల్లో 3 ఫోర్ల సాయంతో 43 పరుగులు చేశాడు.The tears say it all 🥹An 1️⃣8️⃣-year wait comes to an end 👏Updates ▶ https://t.co/U5zvVhcvdo#TATAIPL | #RCBvPBKS | #Final | #TheLastMile | @imVkohli pic.twitter.com/X15Xdmxb0k— IndianPremierLeague (@IPL) June 3, 2025ప్ర‌తీ ఎడిష‌న్‌లోనూ సత్తా చాటే కోహ్లి.. ఈ ఏడాది సీజ‌న్‌లోకూడా దుమ్మ‌లేపాడు. ఈ ఏడాది సీజ‌న్‌లో 15 మ్యాచ్‌లు ఆడిన కోహ్లి.. 54.75 స‌గ‌టుతో 657 ప‌రుగులు చేశాడు. ఫైన‌ల్ మ్యాచ్‌లో కూడా కోహ్లి కీల‌క ఇన్నింగ్స్ ఆడాడు. 35 బంతుల్లో 3 ఫోర్ల సాయంతో 43 పరుగులు చేశాడు.

రాయ‌ల్ ఛాలెంజ‌ర్స్ బెంగ‌ళూరు త‌మ 18 ఏళ్ల ఐపీఎల్ ట్రోఫీ క‌ల‌ను నేర‌వేర్చుకునేందుకు అడుగు దూరంలో ఉంది. ఐపీఎల్‌-2025 ఫైన‌ల్‌లో మంగ‌ళ‌వారం అహ్మ‌దాబాద్ వేదిక‌గా పంజాబ్ కింగ్స్‌తో ఆర్సీమీ తాడోపేడో తెల్చుకోనుంది. తొలి ఐపీఎల్ టైటిల్‌ను ముద్దాడాల‌ని భావిస్తున్న బెంగ‌ళూరు జ‌ట్టుకు గ‌ట్టి ఎదురు దెబ్బ త‌గిలిన‌ట్లు తెలుస్తోంది. ఆ జ‌ట్టు విధ్వంస‌క‌ర ఓపెన‌ర్ ఫిల్ సాల్ట్ ఫైన‌ల్ మ్యాచ్‌కు దూరం కానున్న‌ట్లు వార్త‌లు వినిపిస్తున్నాయి. అత‌డి భార్య మొద‌టి బిడ్డ‌కు జ‌న్మ‌నివ్వ‌నుంది. ఈ క్ర‌మంలో సాల్ట్ త‌న ఫ్యామిలీతో ఉండాల‌ని నిర్ణ‌యించుకున్న‌ట్లు స‌మాచారం. ఫైన‌ల్‌కు ముందు రోజు ఆర్‌సీబీ నిర్వ‌హించిన ప్రాక్టీస్ సెష‌న్‌లో అత‌డు పాల్గొన‌లేదు. దీంతో అత‌డు ఆఖ‌రి మ్యాచ్‌లో ఆడేది అనుమానంగా మారింది."పంజాబ్‌తో మ్యాచ్ కోసం ఫిల్ సాల్ట్‌ ఆర్సీబీ జ‌ట్టుతో పాటు అహ్మ‌దాబాద్‌కు చేరుకోలేదు. త‌న‌ భార్య మొద‌టి బిడ్డ‌కు జ‌న్మ‌నివ్వ‌నుండ‌డంతో ఇంగ్లండ్‌కు వెళ్లాల‌ని సాల్ట్ ప్లాన్ చేసుకున్నాడు. ఈ విష‌యాన్ని ఇదివ‌ర‌కే ఆర్సీబీ మెనెజ్‌మెంట్‌కు తెలియ‌జేశాడు" అని ఈఎస్సీఎన్ క్రిక్ ఇన్ ఫో త‌మ క‌థ‌నంలో పేర్కొంది.అయితే ప్రీ మ్యాచ్ కాన్ఫ‌రెన్స్‌లో ఈ విషయంపై కెప్టెన్ ర‌జ‌త్ పాటిదార్, ప్ర‌ధాన కోచ్ అండీ ఫ్ల‌వ‌ర్ కనీసం స్పందించ‌లేదు. కీల‌క మ్యాచ్‌కు ముందు ఈ విష‌యాన్ని ర‌హ‌స్యంగా ఉంచాల‌ని కోరుకుంటున్న‌ట్లు ప‌లు రిపోర్ట్‌లు పేర్కొంటున్నాయి. ఒక‌వేళ తుది పోరుకు సాల్ట్ దూర‌మైతే ఆర్సీబీకి నిజంగా అది గ‌ట్టి ఎదురు దెబ్బే అవుతోంది. ఎందుకంటే ఈ ఏడాది సీజ‌న్‌లో సాల్ట్ త‌న విధ్వంస‌క‌ర బ్యాటింగ్‌తో ఆర్సీబీకి ఆదిరిపోయే ఆరంభాల‌ను అందిస్తున్నాడు. . ఈ సీజ‌న్‌లో ఇప్ప‌టి వ‌ర‌కు 12 మ్యాచ్‌ల్లో 175.90 స్ట్రైక్‌రేటుతో 35.18 స‌గ‌టుతో 387 ప‌రుగులు చేశాడు. సాల్ట్ అందుబాటులో లేక‌పోతే అత‌డి స్ధానంలో కివీస్ ఆట‌గాడు టిమ్ సీఫర్ట్ తుది జ‌ట్టులోకి వ‌చ్చే అవ‌కాశ‌ముంది.

ఐపీఎల్‌-2025 సీజ‌న్ తుది అంకానికి చేరుకుంది. రెండు నెల‌ల పాటు అభిమానులను అల‌రించిన ఈ మెగా టోర్నీ.. మంగ‌ళ‌వారంతో ముగియ‌నుంది. అహ్మ‌దాబాద్ వేదిక‌గా జ‌ర‌గ‌నున్న ఫైన‌ల్ పోరులో రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ జ‌ట్లు త‌ల‌ప‌డ‌నున్నాయి.ఐపీఎల్‌‌‌‌‌‌‌‌‌‌‌‌‌‌‌‌లో ఆరంభం నుంచి బరిలో నిలిచినా ఒక్కసారి కూడా ఈ రెండు జ‌ట్లు టైటిల్‌ను ముద్దాడాలేక‌పోయాయి. దీంతో ఇరు జ‌ట్లు కూడా త‌మ 18 ఏళ్ల నిరీక్ష‌ణ‌కు తెర‌దించాల‌ని ప‌ట్టుద‌ల‌తో ఉన్నాయి. ఇరు జ‌ట్లు స‌మ‌వుజ్జీల‌గా ఉండ‌డంతో ఫైన‌ల్ పోరు ఉత్కంఠ భ‌రితంగా సాగ‌డం ఖాయం. ఈ క్ర‌మంలో టీమిండియా మాజీ ఓపెన‌ర్ వీరేంద్ర సెహ్వాగ్ అంచ‌నా వేశాడు. ఈ ఏడాది ఐపీఎల్ ట్రోఫీని ఆర్సీబీ సొంతం చేసుకుంటుంద‌ని సెహ్వాగ్ జోస్యం చెప్పాడు."ఫైన‌ల్ మ్యాచ్‌లో ఆర్సీబీ విజ‌యం సాధిస్తుంద‌ని నేను అనుకుంటున్నాను. అయితే సాధ‌ర‌ణంగా గ‌త కొన్ని మ్యాచ్‌ల‌గా నేను స‌పోర్ట్ చేసే జ‌ట్టు ఓడిపోతోంది. క్వాలిఫ‌య‌ర్‌-1లో ఆర్సీబీపై పంజాబ్ విజ‌యం సాధిస్తుంద‌ని అంచ‌నా వేశాను. కానీ ఆ మ్యాచ్‌లో పంజాబ్ చిత్తు అయింది.అదేవిధంగా ఎలిమినేట‌ర్‌లో ముంబైపై గుజ‌రాత్ గెలుస్తుంద‌ని చెప్పా. కానీ గుజ‌రాత్ కూడా ఓడిపోయింది. ఆ త‌ర్వాత క్వాలిఫ‌య‌ర్‌-2లో ముంబై ఇండియ‌న్స్‌కు స‌పోర్ట్ చేశా. అక్క‌డ కూడా ముంబై ప‌రాజ‌యం పాలైంది. టీమిండియా విష‌యంలో కూడా ఇదే జ‌రుగుతోంది. నేను గెలుస్తుంద‌ని చెప్పినా ప్ర‌తీసారి భార‌త్ ఓడిపోయింద‌ని" క్రిక్‌బ‌జ్ లైవ్‌షోలో సెహ్వాగ్ పేర్కొన్నాడు.తుది జట్ల వివరాలు (అంచనా) బెంగళూరు: రజత్‌ పాటీదార్‌ (కెప్టెన్‌), కోహ్లి, సాల్ట్, మయాంక్‌ అగర్వాల్, లివింగ్‌స్టోన్, జితేశ్‌ శర్మ, షెఫర్డ్, భువనేశ్వర్, కృనాల్‌ పాండ్యా, యశ్‌ దయాళ్, హాజల్‌వుడ్‌.పంజాబ్‌: శ్రేయస్‌ అయ్యర్‌ (కెపె్టన్‌), ప్రియాన్ష్ఆర్య, ప్రభ్‌సిమ్రన్, ఇన్‌గ్లిస్, నేహల్‌ వధేరా, స్టొయినిస్, శశాంక్‌ సింగ్, అజ్మతుల్లా, చహల్, జేమీసన్, అర్ష్‌దీప్‌ సింగ్‌.

ఐపీఎల్‌-2025 సీజ‌న్‌ తుది పోరుకు మ‌రి కొన్ని గంట‌ల్లో తెర‌లేవ‌నుంది. ఈ మెగా టోర్నీ ఫైన‌ల్లో ఆహ్మ‌దాబాద్ వేదిక‌గా రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ త‌ల‌ప‌డ‌నున్నాయి. తుది పోరులో గెలిచి 18 ఏళ్ల క‌ల‌ను నేర‌వేర్చుకోవాల‌ని ఇరు జ‌ట్లు భావిస్తున్నాయి.ఐపీఎల్ ప్రారంభం నుంచి ఆడుతున్న‌ప్ప‌టికి పంజాబ్‌, ఆర్సీబీ ఒక్క‌సారి కూడా టైటిల్‌ను సొంతం చేసుకోలేక‌పోయాయి. ఈసారి ఎవ‌రు గెలిచినా అదే చ‌రిత్రే అవుతోంది. అయితే ఈ మ్యాచ్‌కు ముందు ఆర్సీబీకి గ‌ట్టి ఎదురు దెబ్బ‌త‌గిలింది. తొడ కండ‌రాల గాయంతో బాధ‌ప‌డుతున్న ప‌వ‌ర్ హిట్ట‌ర్ టిమ్ డేవిడ్ ఫైన‌ల్ స‌మ‌యానికి కోలుకుంటాడ‌ని ఆర్సీబీ మెనెజ్‌మెంట్ ఆశించింది.కానీ డేవిడ్ ఇంకా పూర్తి ఫిట్‌నెస్ సాధించ‌న‌ట్లు తెలుస్తోంది. ఈ క్ర‌మంలో ఫైన‌ల్ మ్యాచ్‌కు కూడా డేవిడ్ దూరం కానున్న‌ట్లు స‌మాచారం. ఈ మెగా టోర్నీలో భాగంగా ఎస్ఆర్‌హెచ్‌తో జ‌రిగిన లీగ్ మ్యాచ్‌లో ఫీల్డింగ్ చేస్తుండ‌గా డేవిడ్ తొడ కండ‌రాలు ప‌ట్టేశాయి. దీంతో ఆ త‌ర్వాత రెండు మ్యాచ్‌ల‌కు డేవిడ్ దూర‌మ‌య్యాడు. ఈ ఆస్ట్రేలియా స్టార్ గాయం తీవ్ర‌త‌పై ఆర్సీబీ కెప్టెన్ ర‌జత్ పాటిదార్ సైతం క్లారిటీ ఇవ్వ‌లేదు."టిమ్ డేవిడ్ గాయం తీవ్ర‌త‌పై నాకు ఇంకా ఎటువంటి అప్‌డేట్ రాలేదు. అతడు ప్ర‌స్తుతం మా వైద్య బృందం ప‌ర్య‌వేక్ష‌ణ‌లో ఉన్నాడు. ఈ సాయంత్రం లోపు నాకు ఓ క్లారిటీ వ‌స్తుంద‌ని" సోమ‌వారం ప్రీ మ్యాచ్ ప్రెస్ కాన్ఫ‌రెన్స్‌లో పాటిదార్ పేర్కొన్నాడు.ఆర్సీబీ ప్లెయింగ్ ఎలెవన్‌(అంచనా)విరాట్ కోహ్లి, ఫిల్ సాల్ట్, మయాంక్ అగర్వాల్, రజత్ పాటిదార్ (సి), లియామ్ లివింగ్‌స్టోన్, జితేష్ శర్మ (వికెట్ కీపర్‌), రొమారియో షెపర్డ్, కృనాల్ పాండ్యా, భువనేశ్వర్ కుమార్, యష్ దయాల్, జోష్ హేజిల్‌వుడ్, సుయాష్ శర్మ (ఇంపాక్ట్ సబ్-ఆప్షన్)

ఐపీఎల్‌-2025 తుది స‌మ‌రానికి స‌మ‌యం అస‌న్న‌మైంది. మంగ‌ళ‌వారం అహ్మ‌దాబాద్ వేదిక‌గా జ‌ర‌గ‌నున్న ఫైన‌ల్ మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ అమీతుమీ తెల్చుకోవ‌డానికి సిద్ద‌మయ్యాయి. ఈ తుది పోరులో ఎలాగైనా గెలిచి తొలి ఐపీఎల్ టైటిల్‌ను ముద్దాడాల‌ని ఇరు జ‌ట్లు ఉవ్విళ్లూరుతోన్నాయి.ఇరు జ‌ట్లు స‌మవుజ్జీల‌గా ఉండ‌డంతో విజేత ఎవ‌రన్న‌ది క్రికెట్ నిపుణులు అంచ‌నా వేయ‌లేక‌పోతున్నారు. ఈ ఆఖ‌రి పోరు కోసం అభిమానులు ఎంతో ఆతృతగా ఎదురుచూస్తున్నారు. కాగా క్వాలిఫయర్‌-2 లానే ఫైనల్‌కు కూడా వరుణుడు ఆటంకం కలిగించే అవకాశముంది. ఆదివారం ముంబై ఇండియన్స్‌, పంజాబ్ కింగ్స్ మధ్య జరిగిన సెకెండ్ క్వాలిఫయర్ మ్యాచ్ వర్షం కారణంగా దాదాపు రెండు గంటల ఆలస్యంగా ప్రారంభమైంది.ఇప్పుడు ఆక్యూవెధర్ రిపోర్ట్ ప్రకారం.. మంగళవారం కూడా ఆహ్మదాబాద్‌లో తేలికపాటి వర్షం కురిసే ఛాన్స్ ఉంది. ఈ క్రమంలో వర్షం వల్ల కానీ మరీ ఏ ఇతర కారణాల చేత ఫైనల్ మ్యాచ్ రద్దు అయితే ఏంటి పరిస్థితి అని అభిమానుల తెగ చర్చించుకుంటున్నారు.మ్యాచ్ రద్దయితే..?ఫైన‌ల్‌కు వ‌ర్షం ఆటంకం క‌లిగిస్తే.. మిగిలిన నాకౌట్ మ్యాచ్‌ల మాదిరిగానే ఈ మ్యాచ్‌కు కూడా 120 నిమిషాల అదనపు సమయం ఇవ్వబడుతుంది. అయితే ఐపీఎల్‌ ఫైనల్‌ మ్యాచ్‌కు మాత్రం బీసీసీఐ రిజర్వ్‌ డే కేటాయించింది. మంగ‌ళ‌వారం(జూన్ 3) నాడు వర్షం కారణంగా పూర్తిగా మ్యాచ్‌ మొదులు కాకపోతే రిజర్వ్‌ డే అయిన బుధ‌వారం మ్యాచ్‌ను నిర్వ‌హిస్తారు. ఒకవేళ మ్యాచ్‌ ప్రారంభమై ఆగిపోతే.. ఆదివారం ఎక్క‌డైతే మ్యాచ్ ఆగిందో అక్క‌డి నుంచే ఆటను కొన‌సాగిస్తారు.ఒక‌వేళ బుధ‌వారం(జూన్ 4) కూడా మ్యాచ్‌ను నిర్వ‌హించేందుకు అవ‌కాశం లేకుంటే.. పాయింట్ల పట్టికలో టాపర్‌గా ఉన్న పంజాబ్ కింగ్స్‌ను విజేతగా ప్రకటిస్తారు. కాగా కనీసం సూపర్‌ ఓవర్‌ నిర్వహించేందుకు భారత కాలమానం ప్రకారం రాత్రి 1:20 వరకు సమయం ఉంటుంది. కాగా ఐపీఎల్‌-2023 సీజన్‌ ఫైనల్ మ్యాచ్ ఫలితం రిజర్వ్ డే రోజునే తేలింది.చదవండి: మొదటి ట్రోఫీని ముద్దాడేందుకు...

ఐపీఎల్‌-2025లో గురువారం ముల్లాన్​పుర్ వేదికగా ఆర్సీబీతో జ‌రిగిన‌ క్వాలిఫయర్‌ 1లో పంజాబ్ కింగ్స్ దారుణ ప్ర‌ద‌ర్శ‌న క‌న‌బ‌రిచింది. బ్యాటింగ్‌, బౌలింగ్‌లో విఫ‌ల‌మైన పంజాబ్‌.. 8 వికెట్ల తేడాతో ఘోర ఓట‌మి చ‌విచూసింది. దీంతో ఫైన‌ల్ చేరేందుకు ఇప్పుడు క్వాలిఫ‌య‌ర్‌-2లో త‌ల‌ప‌డాల్సి వ‌చ్చింది. ఈ మ్యాచ్‌లో మొద‌ట బ్యాటింగ్ పంజాబ్ కింగ్స్.. ఆర్సీబీ బౌల‌ర్ల ధాటికి 14.1 ఓవ‌ర్ల‌లోనే కేవ‌లం 101 ప‌రుగుల‌కే కుప్ప‌కూలింది.స్టోయినిష్‌(26) టాప్ స్కోర‌ర్‌గా నిల‌వ‌గా.. మిగితా ప్లేయ‌ర్లంతా దారుణంగా విఫ‌ల‌మ‌య్యారు. ఈ ఘోర ఓట‌మిపై మ్యాచ్ అనంత‌రం పంజాబ్ కెప్టెన్ శ్రేయ‌స్ అయ్య‌ర్ స్పందించాడు. బ్యాటింగ్ వైఫ‌ల్యం కార‌ణంగానే ఓట‌మిపాలైమ‌ని అయ్య‌ర్ అంగీక‌రించాడు. ఈ ఓట‌మిపై మ్యాచ్ అనంత‌రం పంజాబ్ కెప్టెన్ శ్రేయ‌స్ అయ్య‌ర్ స్పందించాడు."ఈ రోజును అంత‌వేగంగా మ‌ర్చిపోలేము. డ్రెస్సింగ్ రూమ్‌కు తిరిగి వెళ్లి త‌ప్పు ఎక్క‌డ జ‌రిగిందో చ‌ర్చిస్తాము. ఏదేమైనప్పటికీ ఒక బ్యాటింగ్ యూనిట్‌గా తీవ్ర నిరాశ‌ప‌రిచాము. వ‌రుస క్ర‌మంలో వికెట్లు కోల్పోయాయు. అయితే కెప్టెన్‌గా నేను తీసుకున్న నిర్ణ‌యాల‌పై నాకు ఎటువంటి సందేహం లేదు. మైదానంలో గానీ, మైదానం వెలుప‌ల గానీ మేము అన్ని ఆలోచించాకే ఏ నిర్ణ‌య‌మైనా తీసుకుంటాము. ఈ మ్యాచ్‌లో మాత్రం మా ప్ర‌ణాళిక‌ల‌ను స‌రిగ్గా అమ‌లు చేయ‌లేక‌పోయాము. అలా అని బౌలర్లను కూడా త‌ప్పుబ‌ట్ట‌లేము. ఎందుకంటే మా బౌల‌ర్లు డిఫెండ్ చేసుకోవడానికి ఈ టోట‌ల్ సరిపోదు. ముల్లాన్‌పూర్ పిచ్‌ను మేము స‌రిగ్గా అంచ‌నా వేయ‌లేక‌పోయాము. ఈ వికెట్‌పై బ్యాటింగ్ ప‌రంగా మ‌రింత ప్రాక్టీస్ చేసి ఉంటే బాగుండేది. ఈ మైదానంలో మేము ఆడిన మూడు మ్యాచ్‌ల‌లోనూ బౌన్స్ ఎక్కువ‌గా ఉంది. అయితే మేము ప్రొఫెషనల్ క్రికెట‌ర్లు కాబట్టి, ఇటువంటి సాకులు చెప్పాల‌ని అనుకోవ‌డం లేదు. ప‌రిస్థితులు ఎలా ఉన్న అందుకు త‌గ్గ‌ట్టు బ్యాటింగ్ చేయాలి. ఇది చిన్న ఓట‌మి మాత్ర‌మే.. యుద్దం ఇంకా పూర్తిగా ముగియ‌లేదు" అని పోస్ట్ మ్యాచ్ ప్రెజెంటేష‌న్‌లో అయ్య‌ర్ పేర్కొన్నాడు.చదవండి: IPL 2025: ఏంటి కోహ్లి ఇది.. నీ స్దాయికి ఇది త‌గునా? ఫ్యాన్స్ కౌంట‌ర్‌

ఐపీఎల్‌-2025లో భాగంగా గురువారం పంజాబ్ కింగ్స్‌తో జ‌రిగిన తొలి క్వాలిఫ‌య‌ర్‌లో 8 వికెట్ల తేడాతో ఆర్సీబీ ఘ‌న విజ‌యం సాధించిన సంగ‌తి తెలిసిందే. అయితే ఈ మ్యాచ్‌లో అరంగేట్ర ఆట‌గాడు ముషీర్ ఖాన్ పట్ల ఆర్సీబీ సూప‌ర్ స్టార్ విరాట్ కోహ్లి ప్ర‌వర్తించిన తీరు వివాద‌స్ప‌దమైంది. సోష‌ల్ మీడియా వేదిక‌గా కోహ్లిపై విమ‌ర్శ‌ల వ‌ర్షం కురుస్తోంది.అసలేమి జ‌రిగిదంటే?టాస్ ఓడి తొలుత బ్యాటింగ్‌కు దిగిన పంజాబ్ కింగ్స్‌.. ఆర్సీబీ బౌల‌ర్ల దాటికి 8.2 ఓవ‌ర్ల‌లో కేవ‌లం 60 ప‌రుగుల‌కే 6 వికెట్లు కోల్పోయి క‌ష్టాల్లో ప‌డింది. ఈ క్ర‌మంలో పంజాబ్ మెనెజ్‌మెంట్ యువ బ్యాట‌ర్ ముషీర్‌ను ఇంపాక్ట్ ప్లేయ‌ర్‌గా బ్యాటింగ్‌కు పంపింది. అత‌డికి ఇదే తొలి ఐపీఎల్ మ్యాచ్ కావడం గ‌మ‌నార్హం. అయితే క్రీజులోకి వ‌చ్చిన ముషీర్ తొలి బంతిని ఎదుర్కొనేందుకు గార్డ్ తీసుకుంటుండ‌గా.. స్లిప్‌లో ఉన్న కోహ్లి వాట‌ర్ బాయ్‌ను బ్యాటింగ్‌కు పంపారు అన్న‌ట్లు నవ్వుతూ సైగ చేశాడు. అయితే వాయిస్‌ అంత క్లారిటీగా స్టంప్స్‌ మైక్‌లో రికార్డు కాలేద.Kohli saying "yeh paani pilata hai" while pointing towards debutant Musheer Khan.Shameful. https://t.co/XgqQXzeAWK— Dhillon (@sehajdhillon_) May 29, 2025 ఇందుకు సంబంధించిన వీడియో సోష‌ల్ మీడియాలో వైర‌లవుతోంది. ఇది చూసిన నెటిజ‌న్లు జూనియ‌ర్ల ప‌ట్ల ఇలానే ప్ర‌వ‌ర్తిస్తావా? నీ స్దాయికి ఇది త‌గునా అంటూ కామెంట్లు చేస్తున్నారు. మ‌రోవైపు కోహ్లి అభిమానులు అత‌డికి స‌పోర్ట్‌గా నిలుస్తున్నారు. "ఇదే మ్యాచ్‌లో కొన్ని ఓవ‌ర్ల క్రితం మ‌షీర్ డ్రింక్స్ తీసుకొచ్చ‌డాని, అంత‌లోనే ఇప్పుడు బ్యాటింగ్‌కు రావ‌ల్సి వ‌చ్చింద‌ని కోహ్లి చెబుతున్నాడు. కావాల‌నే కోహ్లిని త‌ప్పుబ‌ట్టి ట్రోలు చేస్తున్నారని" ఓ యూజ‌ర్ తన ఎక్స్ ఖాతాలో పోస్ట్ చేశాడుFew overs ago, Musheer brought drinks in timeout.So Kohli was saying that just few minutes ago he was bringing water and now he had to come to bat. You people are so blind in your hate for Kohli that you make up things in your mind. https://t.co/JQYLlY299X— nitin (@Nitin__10) May 29, 2025. కాగా ఇంపాక్ట్‌ ప్లేయర్‌గా వచ్చిన ముషీర్‌ ఏ మాత్రం ప్రభావం చూపలేకపోయాడు. మూడు బంతులు ఎదుర్కొని సుయాష్‌ శర్మ బౌలింగ్‌లో ఖాతా తెరవకుండానే పెవిలియన్‌కు చేరాడు. అయితే ఈ మ్యాచ్‌కు ముందు వరకు ముషీర్‌ కేవలం డ్రింక్స్‌ అందించిడానికే పరిమితమయ్యాడు.Virat Kohli pointing at the debutant and saying mockingly "ye paani pilaata hai"This Guy is so shameless shame on you kohli.pic.twitter.com/k1SMhEkEJJ— 𝐉𝐨𝐝 𝐈𝐧𝐬𝐚𝐧𝐞 (@jod_insane) May 30, 2025

తొలి ఐపీఎల్ టైటిల్‌ను ముద్దాడేందుకు రాయల్ ఛాలెంజ‌ర్స్ బెంగ‌ళూరు అడుగు దూరంలో నిలిచింది. ఐపీఎల్‌-2025లో ఫైన‌ల్ బెర్త్‌ను ఆర్సీబీ ఖారారు చేసుకుంది. గురువారం ముల్లాన్‌పూర్ వేదిక‌గా జ‌రిగిన తొలి క్వాలిఫయ‌ర్‌లో పంజాబ్ కింగ్స్‌ను 8 వికెట్ల తేడాతో చిత్తు చేసిన ఆర్సీబీ.. నాలుగోసారి ఈ క్యాష్‌రిచ్ లీగ్ ఫైన‌ల్లో అడుగుపెట్టింది. ఈ మ్యాచ్‌లో బౌలింగ్‌, బ్యాటింగ్‌లో అద్బుతంగా రాణించింది. టాస్ ఓడి తొలుత బ్యాటింగ్ చేసిన పంజాబ్‌.. ఆర్సీబీ బౌల‌ర్లు చెల‌రేగ‌డంతో కేవలం 14.1 ఓవర్లలో 101 పరుగులకే కుప్పకూలింది. పంజాబ్ ఇన్నింగ్స్‌లో మార్కస్ స్టోయినిస్ (17 బంతుల్లో 26 పరుగులు; 2 ఫోర్లు, 2 సిక్సర్లు) టాప్ స్కోరర్‌గా నిల‌వ‌గా.. మిగితా ప్లేయ‌ర్లంతా దారుణంగా విఫ‌ల‌మ‌య్యారు. అనంత‌రం 102 ప‌రుగుల ల‌క్ష్యాన్ని ఆర్సీబీ కేవ‌లం రెండు వికెట్లు మాత్ర‌మే కోల్పోయి చేధించింది. ఇక ఈ మ్యాచ్‌లో అద్బుత విజ‌యం సాధించిన బెంగ‌ళూరు టీమ్ పలు అరుదైన రికార్డులను త‌మ ఖాతాలో వేసుకుంది.ఆర్సీబీ సాధించిన రికార్డులు ఇవే..👉ఐపీఎల్ ప్లే ఆఫ్స్ చరిత్రలో ప్రత్యర్ధిని 15 ఓవర్లలోపే ఆలౌట్ చేసిన తొలి జట్టుగా ఆర్సీబీ రికార్డులెక్కింది. ఇప్పటివరకు ఏ జట్టు కూడా ఈ ఫీట్ సాధించలేదు.👉అదేవిధంగా ఐపీఎల్ ప్లే ఆఫ్ మ్యాచ్‌(20 ఓవర్ల ఫుల్ గేమ్‌)లో బంతులపరంగా అతిపెద్ద విజయాన్ని సాధించిన జట్టుగా బెంగళూరు నిలిచింది. ఈ మ్యాచ్‌ను ఆర్సీబీ 60 బంతులు మిగిలూండ‌గానే ముగించింది. ఇంతకుముందు ఈ రికార్డు కోల్‌కతా నైట్‌రైడర్స్ పేరిట ఉండేది. ఐపీఎల్‌-2024 ఫైనల్లో ఎస్‌ఆర్‌హెచ్‌పై 57 బంతులు మిగిలూండగానే కేకేఆర్‌ విజయం సాధించింది. తాజా మ్యాచ్‌తో కేకేఆర్‌ నైట్‌రైడర్స్ రికార్డును ఆర్సీబీ బ్రేక్ చేసింది.👉అయితే 2017 సీజ‌న్‌లో ఎలిమినేట‌ర్‌లో స‌న్‌రైజ‌ర్స్ హైద‌రాబాద్‌పై కేకేఆర్‌ కేవ‌లం 5.3 ఓవర్లలోనే లక్ష్యాన్ని ఛేదించింది. కానీ ఆ మ్యాచ్‌ను వర్షం కారణంగా ఆరు ఓవర్లకు కుదించారు.

ఐపీఎల్‌-2025 ఫైన‌ల్లో రాయ‌ల్ ఛాలెంజ‌ర్స్ బెంగ‌ళూరు అడుగుపెట్టింది. గురువారం ముల్లాన్‌పూర్ వేదిక‌గా పంజాబ్ కింగ్స్‌తో జ‌రిగిన తొలి క్వాలిఫ‌య‌ర్‌లో 8 వికెట్ల తేడాతో ఘన విజయం సాధించిన ఆర్సీబీ.. తొమ్మిదేళ్ల తర్వాత ఈ క్యాష్ రిచ్ లీగ్ ఫైనల్ బెర్త్‌ను ఖారారు చేసుకుంది. ఈ మ్యాచ్‌లో మొదట బ్యాటింగ్ చేసిన పంజాబ్ కింగ్స్‌.. ఆర్సీబీ బౌలర్ల ధాటికి 101 పరుగులకే ఆలౌటైంది.బెంగళూరు బౌలర్లలో సుయాష్ శర్మ, హాజిల్‌వుడ్ తలా మూడు వికెట్లు పడగొట్టి పంజాబ్ పతనాన్ని శాసించగా.. యశ్‌దయాల్ రెండు, షెఫర్డ్‌, భువనేశ్వర్ కుమార్ తలా వికెట్ సాధించారు. పంజాబ్ బ్యాటర్లలో స్టోయినిష్‌(26) టాప్ స్కోరర్‌గా నిలిచాడు. అనంతరం 102 పరుగుల స్వల్ప లక్ష్యాన్ని ఆర్సీబీ కేవలం రెండు వికెట్లు మాత్రమే కోల్పోయి చేధించింది.ఆర్సీబీ బ్యాటర్లలో ఫిల్‌ సాల్ట్‌ (27 బంతుల్లో 56 నాటౌట్‌; 6 ఫోర్లు, 3 సిక్స్‌లు) మెరుపు హాఫ్ సెంచరీతో చెలరేగగా..మయాంక్‌(19), కోహ్లి(12) పర్వాలేదన్పించారు. ఇక ఈ విజయంపై మ్యాచ్ అనంతరం బెంగళూరు కెప్టెన్ రజత్ పాటిదార్‌​ స్పందించాడు. ప్లేయర్‌ ఆఫ్‌ ద మ్యాచ్‌’ సుయాష్ శర్మపై రజత్ ప్రశంసల వర్షం కురిపించాడు."ఈ మ్యాచ్‌లో స్పష్టమైన బౌలింగ్‌ ప్రణాళికలతో బరిలోకి దిగాము. మా ఫాస్ట్ బౌలర్లు పిచ్ కండీషన్స్‌ను బాగా ఉపయోగించుకున్నారు. ఇక సుయాష్ శర్మ గురుంచి ఎంత చెప్పుకున్న తక్కువే. అతడు బౌలింగ్ చేసిన విధానం ఒక అద్బుతం. చక్కటి లైన్ అండ్ లెంగ్త్‌లతో బౌలింగ్ చేసి ప్రత్యర్ధి బ్యాటర్లను కట్టడి చేశాడు. కెప్టెన్‌గా అతడి బౌలింగ్‌పై నాకు ఒక క్లారిటీ ఉంది. స్టంప్స్ లక్ష్యంగా చేసుకుని బౌలింగ్ చేయడమే అతడి బలం. సూయూష్ బౌలింగ్‌ను ఆర్దం చేసుకోవడం బ్యాటర్లకు చాలా కష్టం. నేనెప్పుడూ అతడిని కన్ఫ్యూజ్ చేయలేదు. ప్రతీ మ్యాచ్‌లోనూ అతడికి సపోర్ట్‌గా ఉన్నాము. ఈ క్రమంలో అతను కొన్ని పరుగులు ఇచ్చినా నాకు ఎటువంటి అభ్యంతరం లేదు. ఈ టోర్నీ అసాంతం మేము చాలా మేము చాలా ప్రాక్టీస్ సెషన్స్‌లో పాల్గోన్నాము. కాబట్టి ఒక రోజు ప్రాక్టీస్ చేయకపోవడం వల్ల ఎలాంటి నష్టం లేదు. ఇక ఫిల్ సాల్ట్ ప్రతీ మ్యాచ్‌లోనూ మాకు అద్బుతమైన ఆరంభాలను అందించాడు. ఈ మ్యాచ్‌లో మరోసారి తనదైన శైలిలో బ్యాటింగ్ చేశాడు. అతడికి నేను పెద్ద అభిమానిని. డగౌట్ నుంచి అతడి ఆటను చూసేందుకు రెండు కళ్లు సరిపోవు. చిన్నస్వామిలోనే కాదు మేము ఎక్కడికి వెళ్లినా మాకు సపోర్ట్‌గా నిలుస్తున్న ఆర్సీబీ అభిమానులకు ధన్యవాదాలు. మిమ్మల్ని మేము ప్రేమిస్తునే ఉంటాము, మీరు కూడా మాకు మద్దతు ఇస్తూ ఉండండి. మరో మ్యాచ్ మిగిలి ఉంది. ఆ తర్వాత కలిసి సెలబ్రేట్ చేసుకుందాం" అని పోస్ట్ మ్యాచ్ ప్రేజెంటేషన్‌లో పాటిదార్ పేర్కొన్నాడు.చదవండి: తొమ్మిదేళ్ల తర్వాత తుది పోరుకు...

ఐపీఎల్‌-2025 సీజన్ తొలి క్వాలిఫ‌య‌ర్‌లో గురువారం ముల్లాన్‌పూర్ వేదిక‌గా పంజాబ్ కింగ్స్, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డనున్నాయి. స‌మ ఉజ్జీల‌గా ఉన్న‌ ఈ రెండు జట్ల మధ్య పోరు మ‌రోసారి ర‌స‌వ‌త్త‌రంగా సాగే అవకాశం ఉంది. ఇప్ప‌టికే లీగ్ స్టేజిలో ఇరు జ‌ట్ల మ‌ధ్య జ‌రిగిన రెండు మ్యాచ్‌లు కూడా అభిమానుల‌ను మునివేళ్ల‌పై నిల‌బెట్టాయి. ఈ మ్యాచ్‌లో గెలిచిన జ‌ట్టు నేరుగా ఫైన‌ల్‌కు ఆర్హ‌త సాధిస్తోంది. ఇక హైవోల్టేజ్ మ్యాచ్‌కు ముందు ఆర్సీబీ స్టార్ బ్యాట‌ర్ విరాట్ కోహ్లిని ప‌లు అరుదైన రికార్డులు ఊరిస్తున్నాయి.చ‌రిత్ర‌కు అడుగు దూరంలో..ఈ మ్యాచ్‌లో కోహ్లి మ‌రో 30 ప‌రుగులు చేస్తే పంజాబ్ కింగ్స్‌పై అత్య‌ధిక ర‌న్స్‌ చేసిన ఆట‌గాడిగా రికార్డుల‌కెక్కుతాడు. ఇప్ప‌టివ‌ర‌కు పంజాబ్‌పై కోహ్లి 1104 ప‌రుగులు చేశాడు. ప్ర‌స్తుతం ఈ రికార్డు ఆస్ట్రేలియా మాజీ ఓపెన‌ర్ డేవిడ్ వార్న‌ర్ పేరిట ఉంది. వార్న‌ర్ పంజాబ్ కింగ్స్‌పై 1034 ప‌రుగులు చేశాడు.ఒకే ఒక ఫిప్టీ..ఒక ఐపీఎల్ సీజ‌న్‌లో అత్య‌ధిక ఆర్ధ‌శ‌త‌కాలు న‌మోదు చేసిన డేవిడ్ వార్న‌ర్ రికార్డును సమం చేసేందుకు కోహ్లి అడుగుదూరంలో నిలిచాడు. ఈ మ్యాచ్‌లో విరాట్ హాఫ్ సెంచరీ సాధిస్తే వార్న‌ర్ స‌ర‌స‌న చేరుతాడు. కోహ్లి ఈ ఏడాది సీజ‌న్‌లో ఇప్ప‌టివ‌ర‌కు ఎనిమిది ఆర్ధ శ‌త‌కాలు న‌మోదు చేశాడు. 2016 ఐపీఎల్ సీజ‌న్‌లో వార్న‌ర్ 9 ఫిప్టీలు సాధించాడు. కాగా ఈ ఏడాది సీజ‌న్‌లో విరాట్ సూప‌ర్ ఫామ్‌లో ఉన్నాడు. త‌న అద్బుత ఇన్నింగ్స్‌ల‌తో ఆర్సీబీ విజ‌యాల్లో కీల‌క పాత్ర పోషిస్తున్నాడు. కింగ్‌ కోహ్లి ఇప్పటివరకు 13 మ్యాచ్‌లు ఆడి 602 ప‌రుగులు చేశాడు.పంజాబ్‌తో మ్యాచ్‌కు ఆర్సీబీ తుది జట్టు(అంచనా)ఫిల్ సాల్ట్‌, విరాట్ కోహ్లి, మ‌యాంక్ అగ‌ర్వాల్‌, ర‌జిత్ పాటిదార్‌(కెప్టెన్‌), లివింగ్‌స్టోన్‌, జితేష్ శ‌ర్మ‌(వికెట్ కీప‌ర్‌), కృనాల్ పాండ్యా, యశ్ దయాల్‌, జోష్ హాజిల్‌వుడ్‌, భువనేశ్వర్ కుమార్‌, నువాన్ తుషారాచదవండి: ENG vs IND: 'శ్రేయ‌స్ ఏమి త‌ప్పు చేశాడు.. కావాల‌నే ఎంపిక చేయ‌లేదు'

ఐపీఎల్‌-2025 క్వాలిఫ‌య‌ర్‌-1కు స‌ర్వ‌సిద్ద‌మైంది. చంఢీగ‌డ్‌లోని ముల్లాన్ వేదిక‌గా జ‌ర‌గ‌నున్న ఈ మ్యాచ్‌లో పంజాబ్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు అమీతుమీ తెల్చుకోనున్నాయి. ఈ మ్యాచ్‌లో గెలిచి ఫైన‌ల్లో అడుగుపెట్టాల‌ని ఇరు జ‌ట్లు ఉవ్విళ్లూరుతున్నాయి. ఇరు జ‌ట్లు స‌మ ఉజ్జీల‌గా ఉండ‌డంతో గెలుపు ఎవ‌రిదో క్రికెట్ నిపుణులు సైతం అంచ‌నా వేయ‌లేక‌పోతున్నారు. ఈ మ్యాచ్‌కు ముందు ఆర్సీబీకి గుడ్‌న్యూస్ అందినట్లు తెలుస్తోంది.హాజిల్ వుడ్ రీ ఎంట్రీ?గాయం కార‌ణంగా గ‌త కొన్ని మ్యాచ్‌ల‌కు దూరంగా ఉన్న జోష్ హాజిల్‌వుడ్ తిరిగి ఆర్సీబీ తుది జ‌ట్టులోకి రావ‌డం దాదాపు ఖాయ‌మైంది. భుజం నొప్పితో బాధ‌ప‌డుతున్న ఈ ఆసీస్ స్పీడ్ స్టార్ ఇప్పుడు పూర్తి ఫిట్‌నెస్ సాధించాడు. రొమిరియో షెఫ‌ర్డ్ స్దానంలో ప్లేయింగ్ ఎలెవ‌న్‌లోకి హాజిల్‌వుడ్ రానున్న‌ట్లు ఆర్సీబీ వ‌ర్గాలు వెల్ల‌డించాయి.హాజిల్‌వుడ్ తిరిగొస్తే బెంగ‌ళూరు బౌలింగ్ విభాగం మ‌రింత ప‌టిష్టం కానుంది. ఇప్ప‌టికే భువ‌నేశ్వ‌ర్ కుమార్‌, నువాన్ తుషారా వంటి స్పీడ్ స్టార్లు ఆర్సీబీ జ‌ట్టులో ఉన్నారు. మ‌రోవైపు గ‌త రెండు మ్యాచ్‌ల‌లో ఇంప్టాక్ ప్లేయ‌ర్‌గా బ‌రిలోకి దిగిన ఆర్సీబీ కెప్టెన్ ర‌జిత్ పాటిదార్ సైతం ఈ మ్యాచ్‌కు పూర్తి స్థాయిలో అందుబాటులో ఉన్నాడు. అయితే విధ్వంస‌క‌ర ఆట‌గాడు టిమ్ డేవిడ్ మాత్రం ఈ మ్యాచ్‌లో కూడా ఆడేది అనుమాన‌మే. డేవిడ్ ప్ర‌స్తుతం తొడ కండ‌రాల గాయంతో బాధ‌ప‌డుతున్నాడు. అత‌డు కోలుకోవడానికి మ‌రి కొంత స‌మయం ప‌డుతోంది.పంజాబ్‌తో మ్యాచ్‌కు ఆర్సీబీ తుది జట్టు(అంచనా)ఫిల్ సాల్ట్‌, విరాట్ కోహ్లి, మ‌యాంక్ అగ‌ర్వాల్‌, ర‌జిత్ పాటిదార్‌(కెప్టెన్‌), లివింగ్‌స్టోన్‌, జితేష్ శ‌ర్మ‌(వికెట్ కీప‌ర్‌), కృనాల్ పాండ్యా, యశ్ దయాల్‌, జోష్ హాజిల్‌వుడ్‌, భువనేశ్వర్ కుమార్‌, నువాన్ తుషారాచదవండి: ENG vs IND: 'శ్రేయ‌స్ ఏమి త‌ప్పు చేశాడు.. కావాల‌నే ఎంపిక చేయ‌లేదు'

ఐపీఎల్‌-2025లో లీగ్ ద‌శ మ్యాచ్‌లు సోమ‌వారం(మే 27)తో ముగిశాయి. ఈ మెగా టోర్నీ ఆఖ‌రి లీగ్ మ్యాచ్‌లో ల‌క్నో సూప‌ర్ జెయింట్స్‌పై రాయ‌ల్ ఛాలెంజ‌ర్స్ బెంగ‌ళూరు 6 వికెట్ల తేడాతో ఘ‌న విజ‌యం సాధించింది. దీంతో ఆర్సీబీ క్వాలిఫియ‌ర్‌-1కు ఆర్హ‌త సాధించింది. ఈ క్ర‌మంలో ప్లే ఆఫ్స్‌లో ఏ జ‌ట్టు ఎవ‌రితో త‌ల‌ప‌డుతుందో ఓ లుక్కేద్దాం. ఈ ఏడాది సీజ‌న్ పాయింట్ల ప‌ట్టిక‌లో అగ్ర‌స్దానంలో పంజాబ్ కింగ్స్‌(18) నిల‌వ‌గా.. ఆర్సీబీ(18) రెండో స్ధానంలో నిలిచింది. పాయింట్ల ప‌రంగా ఇరు జ‌ట్లు స‌మంగా ఉన్న‌ప్ప‌టికి బెంగ‌ళూరు కంటే పంజాబ్ ర‌న్‌రేట్ మెరుగ్గా ఉండ‌డంతో టాప్ ప్లేస్‌ను సుస్థిరం చేసుకుంది.క్వాలిఫ‌య‌ర్‌-1లో పంజాబ్‌, ఆర్సీబీ ఢీ..టాప్‌-2లో నిలిచిన పంజాబ్, ఆర్సీబీ మే 29న చంఢీగ‌డ్ వేదిక‌గా క్వాలిఫ‌య‌ర్‌-1లో తాడోపేడో తెల్చుకోనున్నాయి. ఈ మ్యాచ్‌లో గెలిచిన జ‌ట్టు నేరుగా ఫైన‌ల్‌కు ఆర్హ‌త సాధిస్తోంది. అయితే ఇక్క‌డ ఓడిన జ‌ట్టుకు కూడా ఫైన‌ల్ చేరేందుకు మ‌రో ఛాన్స్ ఉంటుంది. ఓట‌మి చెందిన జ‌ట్టు జూన్ 1న క్వాలిఫ‌య‌ర్‌-2లో ముంబై ఇండియ‌న్స్ లేదా గుజ‌రాత్ టైటాన్స్ ఆడాల్సి ఉంటుంది. అక్క‌డ గెలిస్తే ఫైన‌ల్‌కు చేరుకోవ‌చ్చు. ఇక పాయింట్ల ప‌ట్టిక‌లో మూడు, నాలుగు స్ధానాల్లో నిలిచిన గుజ‌రాత్ టైటాన్స్‌, మంబై ఇండియ‌న్స్ మే 30న ఎలిమినేట‌ర్ మ్యాచ్‌లో త‌ల‌ప‌డ‌నున్నాయి. ఇక్క‌డ గెలిచిన జ‌ట్టు ఫైన‌ల్ బెర్త్ కోసం క్వాలిఫ‌య‌ర్‌-2లో క్వాలిఫ‌య‌ర్‌-1లో ఓడిన టీమ్‌తో త‌ల‌ప‌డాల్సి ఉంటుంది. ఇక చివ‌ర‌గా ఫైన‌ల్ జూన్ 3న అహ్మ‌దాబాద్ వేదిక‌గా జ‌ర‌గ‌నుంది.IPL 2025 ప్లేఆఫ్స్ షెడ్యూల్:క్వాలిఫయర్ 1: పంజాబ్ కింగ్స్ vs రాయల్ ఛాలెంజర్స్ బెంగళూరు - మే 29, చండీగఢ్ఎలిమినేటర్: గుజరాత్ టైటాన్స్ vs ముంబై ఇండియన్స్ - మే 30, చండీగఢ్క్వాలిఫయర్ 2: క్వాలిఫయర్ 1లో ఓడిపోయిన జట్టు vs ఎలిమినేటర్ విజేత - జూన్ 1, అహ్మదాబాద్ఫైనల్: క్వాలిఫయర్ 1 విజేత vs క్వాలిఫయర్ 2 విజేత - జూన్ 3, అహ్మదాబాద్

ఐపీఎల్-2025 సీజ‌న్ త‌మ ఆఖ‌రి లీగ్ మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు ఆసాధ‌ర‌ణ ప్ర‌ద‌ర్శ‌న క‌న‌బ‌రిచింది. సోమ‌వారం ఏకానా స్టేడియం వేదిక‌గా లక్నో సూప‌ర్ జెయింట్స్‌తో జ‌రిగిన మ్యాచ్‌లో 6 వికెట్ల తేడాతో ఆర్సీబీ ఘ‌న విజ‌యం సాధించింది. ఈ విజయంతో ఆర్సీబీ క్వాలిఫయర్‌-1కు ఆర్హత సాధించింది. ల‌క్నో నిర్ధేశించిన 228 ప‌రుగుల భారీ ల‌క్ష్యాన్ని బెంగ‌ళూరు కేవ‌లం నాలుగు వికెట్లు మాత్ర‌మే కోల్పోయి ఊదిప‌డేసింది.ఆర్సీబీ బ్యాటర్లలో స్టాండ్‌ ఇన్ కెప్టెన్ జితేష్ శ‌ర్మ‌(33 బంతుల్లో 8 ఫోర్లు, 6 సిక్స్‌ల‌తో 85 నాటౌట్‌) విధ్వంసం సృష్టించగా.. విరాట్ కోహ్లి(30 బంతుల్లో 10 ఫోర్లతో 54), మయాంక్ అగర్వాల్‌(23 బంతుల్లో 41 నాటౌట్‌), సాల్ట్(30) కీలక ఇన్నింగ్స్‌లు ఆడారు. లక్నో బౌలర్లలో విలియం​ ఓ రూర్క్ రెండు వికెట్లు పడగొట్టగా.. ఆకాష్‌, అవేష్ ఖాన్ తలా వికెట్ సాధించారు. అంతకుముం‍దు బ్యాటింగ్ చేసిన లక్నో నిర్ణీత 20 ఓవర్లలో 3 వికెట్ల నష్టానికి 227 పరుగుల భారీ స్కోరు చేసింది. కెప్టెన్ రిషభ్‌ పంత్‌ (61 బంతుల్లో 118 నాటౌట్‌; 11 ఫోర్లు, 8 సిక్స్‌లు) సీజన్‌లో తొలి సెంచరీతో చెల‌రేగ‌గా, మిచెల్‌ మార్ష్ (37 బంతుల్లో 67; 4 ఫోర్లు, 5 సిక్స్‌లు) హాఫ్ సెంచ‌రీతో మెరిశాడు.ఆర్సీబీ స‌రికొత్త చ‌రిత్ర‌..ఇక ఈ మ్యాచ్‌లో అద్బుత విజయం సాధించిన రాయ‌ల్ ఛాలెంజ‌ర్స్ బెంగ‌ళూరు అరుదైన రికార్డును త‌మ ఖాతాలో వేసుకుంది. ఒక ఐపీఎల్ సీజ‌న్‌లో ప్ర‌త్య‌ర్ధి జ‌ట్ల‌తో వాటి హోం గ్రౌండ్స్‌లో జ‌రిగిన అన్నీ మ్యాచ్‌ల‌లోనూ గెలుపొందిన తొలి టీమ్‌గా ఆర్సీబీ చ‌రిత్ర సృష్టించింది.ఈ ఏడాది సీజన్ తొలి మ్యాచ్‌లో ఈడెన్ గార్డెన్స్‌లో డిఫెండింగ్ ఛాంపియన్స్ కేకేఆర్‌ను ఓడించిన ఆర్సీబీ.. ఆ తర్వాత సీఎస్‌కే, ముంబై ఇండియన్స్‌, రాజస్తాన్ రాయల్స్‌, పంజాబ్ కింగ్స్‌, ఢిల్లీ క్యాపిటల్స్‌, లక్నో సూపర్ జెయింట్స్‌ను వారి సొంత మైదానాల్లోనే చిత్తు చేసింది.చదవండి: IND vs ENG: బీసీసీఐ కీల‌క నిర్ణ‌యం.. దిలీప్‌కు మ‌ళ్లీ పిలుపు

రాయల్ ఛాలెంజర్స్ బెంగళూరుకు ఉన్న ఫ్యాన్ ఫాలోయింగ్ గురుంచి ప్రత్యేకంగా చెప్పాల్సిన అవసరం లేదు. ఇప్పటివరకు ఒక్కసారి కూడా టైటిల్‌ను సొంతం చేసుకోపోయినప్పటికి.. ఆర్సీబీని అభిమానించే వాళ్లు కోట్ల సంఖ్యలో ఉన్నారు. ఈ క్రమంలో బెంగళూరు ఓ డిజిటల్ మైలురాయిని అందుకుంది. ఇన్‌స్టాగ్రామ్‌లో 2 కోట్ల మంది ఫాలోవర్లను దాటిన తొలి ఐపీఎల్ ఫ్రాంచైజీగా బెంగళూరు అవతరించింది.ఈ ఏడాది ఏప్రిల్ ఆరంభంలో ఆర్సీబీ ఇన్‌స్టా ఫాలోవర్ల సంఖ్య 18 మిలియన్లగా ఉండేది. ఇప్పుడు కేవలం నెల రోజుల వ్యవధిలోనే ఆ సంఖ్య 20 మిలియన్లకు చేరింది. ఈ క్ర‌మంలో చెన్నై సూప‌ర్ కింగ్స్ (18.6 మిలియ‌న్లు), ముంబై ఇండియ‌న్స్ (18 మిలియ‌న్లు)ల‌ను బెంగ‌ళూరు ఫ్రాంచైజీ దాటిసేంది.ఇక ఈ ఏడాది సీజ‌న్‌లో ఆర్సీబీ అద్బుత‌మైన ప్ర‌ద‌ర్శ‌న క‌న‌బ‌రుస్తోంది. ఇప్ప‌టికే ప్లే ఆఫ్స్‌కు ఆర్హ‌త సాధించిన రాయల్ ఛాలెంజర్స్ బెంగళూరు.. టాప్‌-2 స్ధానం కోసం ప్ర‌య‌త్నిస్తోంది. ఆర్సీబీకి ఇంకా ఒక మ్యాచ్ మిగిలి ఉంది. మే 27న ఏకానా స్టేడియం వేదిక‌గా ల‌క్నో సూప‌ర్ జెయింట్స్‌తో బెంగ‌ళూరు త‌ల‌ప‌డ‌నుంది.ఈ మ్యాచ్‌లో ఆర్సీబీ విజ‌యం సాధిస్తే పాయింట్ల ప‌ట్ట‌కలో టాప్‌-2 స్ధానానికి చేరుకుంటుంది. ఇప్ప‌టివ‌ర‌కు 13 మ్యాచ్‌లు ఆడిన రాయ‌ల్ ఛాలెంజ‌ర్స్‌.. ఎనిమిదింట విజ‌యాలో పాయింట్ల ప‌ట్టిక‌లో మూడో స్ధానంలో కొన‌సాగుతోంది.ఇన్‌స్టాగ్రామ్‌లో అత్యధికంగా ఫాలో అవుతున్న ఐపీఎల్ జట్లు ఇవే:రాయల్ ఛాలెంజర్స్ బెంగళూరు (RCB) - 20 మిలియన్లుచెన్నై సూపర్ కింగ్స్ (CSK)- 18.6 మిలియన్లుముంబై ఇండియన్స్ (MI)- 18 మిలియన్లుకోల్‌కతా నైట్ రైడర్స్ (KKR)- 7.5 మిలియన్లుసన్‌రైజర్స్ హైదరాబాద్ (SRH)- 5.4 మిలియన్లు

టీమిండియా స్టార్ బ్యాట‌ర్‌, రాయల్ ఛాలెంజర్స్ బెంగళూరు లెజెండ్ విరాట్ కోహ్లి అరుదైన ఘ‌న‌త సాధించాడు. టీ20 క్రికెట్‌లో ఒకే జ‌ట్టు త‌ర‌పున 800 ఫోర్లు కొట్టిన తొలి ఆటగాడిగా విరాట్ వరల్డ్ రికార్డు సృష్టించాడు. ఐపీఎల్ 2025 లో భాగంగా శుక్ర‌వారం ల‌క్నో వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో కోహ్లి ఈ ఘ‌న‌త అందుకున్నాడు. కోహ్లి ఇప్పటివరకు ఆర్సీబీ తరపున 801 ఫోర్లు బాదాడు. ఈ మ్యాచ్‌లో కోహ్లి 25 బంతులు ఎదుర్కొని ఏడు ఫోర్లు, ఓ సిక్స‌ర్ సాయంతో 43 ప‌రుగులు చేశాడు. ఇక ఈ రేర్ ఫీట్ సాధించిన జాబితాలో ఇం‍గ్లండ్ ఆటగాడు జేమ్స్ విన్స్‌(694) రెండో స్ధానంలో కొనసాగుతున్నాడు. విన్స్ హాంప్‌షైర్ క్రికెట్ క్లబ్ తరపున ఆడి ఈ ఫీట్ నమోదు చేశాడు.టీ20ల్లో ఒకే జ‌ట్టు త‌రుపున అత్య‌ధిక ఫోర్లు కొట్టిన ఆట‌గాళ్లు వీరే..విరాట్ కోహ్లి (రాయ‌ల్ ఛాలెంజ‌ర్స్ బెంగ‌ళూరు) – 801 ఫోర్లుజేమ్స్ విన్స్ (హాంప్‌షైర్‌) – 694 ఫోర్లుఅలెక్స్ హేల్స్ (నాటింగ్‌హామ్‌షైర్) – 563 ఫోర్లురోహిత్ శ‌ర్మ (ముంబై ఇండియ‌న్స్‌) – 550 ఫోర్లుల్యూక్ రైట్ (స‌స్సెక్స్) – 529 ఫోర్లుఇక ఈ మ్యాచ్‌ విషయానికి వస్తే.. ఆర్సీబీకి సన్‌రైజర్స్‌ ఝులక్‌ ఇచ్చింది. బెంగళూరుపై 45 పరుగుల తేడాతో సన్‌రైజర్స్‌ హైదరాబాద్‌ ఘన విజయం సాధించింది. తొలుత బ్యాటింగ్ చేసిన స‌న్‌రైజ‌ర్స్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 231 ప‌రుగులు సాధించింది. ఇషాన్ కిష‌న్ (94 నాటౌట్; 48 బంతుల్లో 7 ఫోర్లు, 5 సిక్స‌ర్లు) టాప్ స్కోరర్‌గా నిలవగా..అభిషేక్ శ‌ర్మ (34; 17 బంతుల్లో 3 ఫోర్లు, 3 సిక్స‌ర్లు), అనికేత్ వ‌ర్మ‌(26; 9 బంతుల్లో 1 ఫోర్‌, 3 సిక్స‌ర్లు), క్లాసెన్‌(24) కీలక ఇన్నింగ్స్‌లు ఆడారు. అనంతరం లక్ష్య చేధనలో ఆర్సీబీ 19.5 ఓవ‌ర్ల‌లో 189 ప‌రుగుల‌కే ఆలౌటైంది.చదవండి: IPL 2025: ఆర్సీబీ కెప్టెన్‌కు భారీ షాక్‌.. రూ. 24 లక్షల జరిమానా

ఐపీఎల్‌-2025లో భాగంగా శుక్రవారం లక్నో వేదికగా సన్‌రైజర్స్ హైదరాబాద్‌తో జరిగిన మ్యాచ్‌లో 42 ప‌రుగుల తేడాతో రాయల్ ఛాలెంజ‌ర్స్ బెంగ‌ళూరు ఓట‌మి పాలైంది. అయితే ఓటమి బాధలో ఉన్న ఆర్సీబీ కెప్టెన్ ర‌జిత్ పాటిదార్‌కు భారీ షాక్ త‌గిలింది. స‌న్‌రైజ‌ర్స్‌తో మ్యాచ్‌లో స్లో ఓవర్‌ రేట్‌ మెయింటైన్‌ చేసినందుకు గానూ పాటిదార్‌కు రూ. 24 ల‌క్ష‌ల భారీ జ‌రిమానా ఐపీఎల్ అడ్వైజరీ కమిటీ విధించింది. అలాగే జ‌ట్టులో ఇంపాక్ట్ ప్లేయ‌ర్ స‌హా అంద‌రూ రూ. 6 ల‌క్ష‌లు లేదా మ్యాచ్ ఫీజులో 25 శాతం జ‌రిమానాగా చెల్లించాల‌ని ఆదేశించింది.ఈ సీజ‌న్‌లో ఆర్సీబీ జ‌ట్టు స్లో ఓవ‌ర్ రేట్‌ను న‌మోదు చేయ‌డం ఇది రెండో సారి. అందుకే అంత భారీ మొత్తంలో జ‌రిమానా విధించారు. కాగా ఈ మ్యాచ్‌లో బెంగ‌ళూరు సార‌ధిగా జితేష్ శ‌ర్మ‌ వ్య‌వ‌హ‌రించిన‌ప్ప‌టికి.. రూల్స్ ప్ర‌కారం ఎవరైతే ఫుల్ టైమ్ కెప్టెన్‌గా ఉంటారో వారే ఫైన్‌ను భ‌రించాల్సి ఉంటుంది. ఈ క్ర‌మంలోనే పాటిదార్‌పై జ‌రిమానా ప‌డింది. మ‌రోవైపు సన్‌రైజర్స్ హైదరాబాద్ కెప్టెన్ పాట్ కమిన్స్ కు కూడా స్లో ఓవర్ రేట్ (Slow over rate) కారణంగా జరిమానా విధించారు. ఐపీఎల్ ప్రవర్తనా నియమావళి ప్రకారం కమిన్స్ కు తొలిసారి స్లో ఓవర్ రేట్ కారణంగా రూ. 12 లక్షలు జరిమానా పడింది.చదవండి: ENG vs ZIM: 22 ఏళ్ల తర్వాత ఇంగ్లండ్‌తో టెస్టు.. ఓట‌మి దిశ‌గా జింబాబ్వే

ఐపీఎల్‌-2025లో రాయల్ ఛాలెంజర్స్ బెంగళూరు కు సన్‌రైజర్స్ హైదరాబాద్ బిగ్ షాకిచ్చింది. లక్నో వేదికగా జరిగిన మ్యాచ్‌లో ఆర్సీబీపై 42 పరుగుల తేడాతో ఎస్‌ఆర్‌హెచ్ విజయం సాధించింది. 232 పరుగుల భారీ లక్ష్యంతో బరిలోకి దిగిన ఆర్సీబీ 19.5 ఓవర్లలో 189 పరుగులకు ఆలౌటైందిఆర్సీబీ బ్యాటర్లలో ఫిల్ సాల్ట్‌(62), విరాట్ కోహ్లి(43) అద్బుత ఇన్నింగ్స్‌లు ఆడినప్పటికి మిడిలార్డర్ విఫలం కావడంతో ఆర్సీబీ ఓటమి చవిచూడాల్సి వచ్చింది. ఎస్‌ఆర్‌హెచ్ బౌలర్లలో ప్యాట్ కమ్మిన్స్ మూడు వికెట్లు పడగొట్టగా.. ఇషాన్ మలింగ రెండు, ఉనద్కట్‌, దూబే, నితీష్ కుమార్ రెడ్డి, హర్షల్‌ పటేల్‌ తలా వికెట్ సాధించారు. ఈ ఓటమితో పాయింట్ల పట్టికలో ఆర్సీబీ మూడో స్దానానికి పడిపోయింది. టాప్‌-2లో గుజరాత్‌,పంజాబ్‌ కొనసాగుతున్నాయి. ఇషాన్ సూపర్ ఇన్నింగ్స్‌..అంతకుముందు బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 231 పరుగుల భారీ స్కోర్ సాధించింది. ఎస్‌ఆర్‌హెచ్ బ్యాటర్లలో ఇషాన్ కిషన్ అద్బుతమైన ఇన్నింగ్స్ ఆడాడు. కేవలం 48 బంతుల్లో 7 ఫోర్లు, 5 సిక్సర్ల సాయంతో కిషన్ 94 పరుగులు చేసి ఆజేయంగా నిలిచాడు.అతడితో పాటు అభిషేక్ శర్మ(17 బంతుల్లో 34), క్లాసెన్‌(24), హెడ్‌(17), అనికేత్ వర్మ(9 బంతుల్లో 26) మెరుపు ఇన్నింగ్స్‌లు ఆడారు. ఆర్సీబీ బౌలర్లలో రొమారియో షెపర్డ్ రెండు వికెట్లు పడగొట్టగా.. సుయాష్‌, ఎంగిడీ,భువనేశ్వర్‌, పాం‍డ్యా తలా వికెట్ సాధించారు.చదవండి: WI vs IRE: వెస్టిండీస్ వీరుడి విధ్వంసం.. వన్డేల్లో ఫాస్టెస్ట్ హాఫ్ సెంచరీ!

IPL 2025 RCB vs SRH Live Updates: ఆర్సీబీని చిత్తు చేసిన ఎస్‌ఆర్‌హెచ్‌..ఐపీఎల్‌-2025లో రాయల్ ఛాలెంజర్స్ బెంగళూరుకు సన్‌రైజర్స్ హైదరాబాద్ బిగ్ షాకిచ్చింది. లక్నో వేదికగా జరిగిన మ్యాచ్‌లో ఆర్సీబీపై 42 పరుగుల తేడాతో ఎస్‌ఆర్‌హెచ్ విజయం సాధించింది. 232 పరుగుల భారీ లక్ష్యంతో బరిలోకి దిగిన ఆర్సీబీ 19.5 ఓవర్లలో 189 పరుగులకు ఆలౌటైందిఆర్సీబీ బ్యాటర్లలో ఫిల్ సాల్ట్‌(62), విరాట్ కోహ్లి(43) అద్బుత ఇన్నింగ్స్‌లు ఆడినప్పటికి మిడిలార్డర్ విఫలం కావడంతో ఆర్సీబీ ఓటమి చవిచూడాల్సి వచ్చింది. ఎస్‌ఆర్‌హెచ్ బౌలర్లలో ప్యాట్ కమ్మిన్స్ మూడు వికెట్లు పడగొట్టగా.. ఇషాన్ మలింగ రెండు, ఉనద్కట్‌, దూబే, నితీష్ కుమార్ రెడ్డి, హర్షల్‌ పటేల్‌ తలా వికెట్ సాధించారు.ఒ‍కే ఓవర్‌లో రెండు వికెట్లు ఒకే ఓవ‌ర్‌లో ఆర్సీబీ రెండు వికెట్లు కోల్పోయింది. 16 ఓవ‌ర్ వేసిన ఇషాన్ మ‌లింగ బౌలింగ్‌లో తొలుత ర‌జిత్ పాటిదార్(18) రనౌట్ కాగా.. ఆ త‌ర్వాత షెఫ‌ర్డ్‌(0) ఔట‌య్యాడు. ఆర్సీబీ విజ‌యానికి 24 బంతుల్లో 58 ప‌రుగులు కావాలి.ఆర్సీబీ మూడో వికెట్ డౌన్‌129 ప‌రుగుల వ‌ద్ద ఆర్సీబీ మూడో వికెట్ కోల్పోయింది. 62 ప‌రుగులు చేసిన సాల్ట్‌.. క‌మ్మిన్స్ బౌలింగ్‌లో ఔట‌య్యాడు. 12 ఓవ‌ర్లు ముగిసే స‌రికి ఆర్సీబీ 3 వికెట్ల న‌ష్టానికి 138 ప‌రుగులు చేసింది.ఆర్సీబీ రెండో వికెట్ డౌన్‌..మ‌యాంక్ అగ‌ర్వాల్ రూపంలో ఆర్సీబీ రెండో వికెట్ కోల్పోయింది. 11 ప‌రుగులు చేసిన మ‌యాంక్ అగ‌ర్వాల్‌.. నితీష్ కుమార్ రెడ్డి బౌలింగ్‌లో ఔట‌య్యాడు.ఫిల్ సాల్ట్ ఫిప్టీ..స‌న్‌రైజ‌ర్స్ హైద‌రాబాద్‌తో జ‌రుగుతున్న మ్యాచ్‌లో ఆర్సీబీ వికెట్ కీప‌ర్ బ్యాట‌ర్ ఫిల్ సాల్ట్ హాఫ్ సెంచ‌రీ సాధించాడు. 27 బంతుల్లో సాల్ట్ త‌న హాఫ్ సెంచ‌రీ మార్క్‌ను అందుకున్నాడు. 10 ఓవ‌ర్ల‌కు ఆర్సీబీ వికెట్ న‌ష్టానికి 118 ప‌రుగులు చేసింది.ఆర్సీబీ తొలి వికెట్ డౌన్‌..విరాట్ కోహ్లి రూపంలో ఆర్సీబీ తొలి వికెట్ కోల్పోయింది. 43 ప‌రుగులు చేసిన కోహ్లి.. హ‌ర్ష్ దూబే బౌలింగ్‌లో ఔట‌య్యాడు. 8 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 96 ప‌రుగులు చేసింది. క్రీజులో ఫిల్ సాల్ట్‌(38), మయాంక్ అగ‌ర్వాల్‌(5) ఉన్నారు.6 ఓవర్లకు ఆర్సీబీ స్కోర్‌: 72/06 ఓవ‌ర్లు ముగిసే స‌రికి ఆర్సీబీ వికెట్ న‌ష్ట‌పోకుండా 72 ప‌రుగులు చేసింది. క్రీజులో విరాట్ కోహ్లి(42), ఫిల్ సాల్ట్‌(20) ఉన్నారు.దూకుడుగా ఆడుతున్న విరాట్‌..2 ఓవ‌ర్లు ముగిసే స‌రికి ఆర్సీబీ వికెట్ న‌ష్ట‌పోకుండా 19 ప‌రుగులు చేసింది. క్రీజులో విరాట్ కోహ్లి(11), ఫిల్ సాల్ట్‌(2) ఉన్నారు. ఇషాన్‌ కిషన్‌ విధ్వంసం.. ఆర్సీబీ ముందు భారీ టార్గెట్‌లక్నో వేదికగా రాయల్ ఛాలెంజర్స్ బెంగళూరుతో జరుగుతున్న మ్యాచ్‌లో సన్‌రైజర్స్ హైదరాబాద్ బ్యాటర్లు దుమ్ములేపారు. టాస్ ఓడి బ్యాటింగ్‌కు దిగిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 231 పరుగుల భారీ స్కోర్ సాధించింది. ఎస్‌ఆర్‌హెచ్ బ్యాటర్లలో ఇషాన్ కిషన్ అద్బుతమైన ఇన్నింగ్స్ ఆడాడు. కేవలం 48 బంతుల్లో 7 ఫోర్లు, 5 సిక్సర్ల సాయంతో కిషన్ 94 పరుగులు చేసి ఆజేయంగా నిలిచాడు. అతడితో పాటు అభిషేక్ శర్మ(17 బంతుల్లో 34), క్లాసెన్‌(24), హెడ్‌(17), అనికేత్ వర్మ(9 బంతుల్లో 26) మెరుపు ఇన్నింగ్స్‌లు ఆడారు. ఆర్సీబీ బౌలర్లలో రొమారియో షెపర్డ్ రెండు వికెట్లు పడగొట్టగా.. సుయాష్‌, ఎంగిడీ,భువనేశ్వర్‌, పాం‍డ్యా తలా వికెట్ సాధించారు.ఎస్ఆర్‌హెచ్ ఐదో వికెట్ డౌన్‌నితీష్ కుమార్ రెడ్డి రూపంలో ఎస్ఆర్‌హెచ్ ఐదో వికెట్ కోల్పోయింది. కేవ‌లం 4 ప‌రుగులు మాత్ర‌మే చేసిన నితీష్‌.. రొమోరియా షెఫ‌ర్డ్ బౌలింగ్‌లో ఔట‌య్యాడు. 15 ఓవ‌ర్లు ముగిసే స‌రికి ఎస్ఆర్‌హెచ్ 5 వికెట్ల న‌ష్టానికి 168 ప‌రుగులు చేసింది.ఎస్ఆర్‌హెచ్ నాలుగో వికెట్ అనికేత్ వ‌ర్మ రూపంలో ఎస్ఆర్‌హెచ్ నాలుగో వికెట్ కోల్పోయింది. 26 ప‌రుగులు చేసిన అనికేత్ శ‌ర్మ‌.. కృనాల్ పాండ్యా బౌలింగ్‌లో ఔటయ్యాడు. 13 ఓవర్లు ముగిసే సరికి ఎస్‌ఆర్‌హెచ్ 4 వికెట్ల నష్టానికి 156 పరుగులు చేసింది. క్రీజులో ఇషాన్ కిషన్‌(48), నితీష్ కుమార్‌రెడ్డి(3) ఉన్నారు.క్లాసెన్ ఔట్‌..హెన్రిచ్ క్లాసెన్ రూపంలో ఎస్ఆర్‌హెచ్ మూడో వికెట్ కోల్పోయింది. 24 ప‌రుగులు చేసిన క్లాసెన్‌.. సుయాష్ శ‌ర్మ బౌలింగ్‌లో పెవిలియ‌న్‌కు చేరాడు. 8.5 ఓవ‌ర్ల‌కు ఎస్ఆర్‌హెచ్ మూడు వికెట్ల న‌ష్టానికి 102 ప‌రుగులు చేసింది.7 ఓవర్లకు ఎస్‌ఆర్‌హెచ్‌ స్కోర్‌: 84/27 ఓవ‌ర్లు ముగిసే స‌రికి ఎస్ఆర్‌హెచ్ రెండు వికెట్ల న‌ష్టానికి 84 ప‌రుగులు చేసింది. క్రీజులో క్లాసెన్‌(18), ఇషాన్ కిష‌న్‌(11) ప‌రుగుల‌తో ఉన్నారు.ఎస్ఆర్‌హెచ్ రెండో వికెట్ డౌన్‌ట్రావిస్ హెడ్ రూపంలో ఎస్ఆర్‌హెచ్ రెండో వికెట్ కోల్పోయింది. 17 ప‌రుగులు చేసిన హెడ్‌.. భువ‌నేశ్వ‌ర్ కుమార్ బౌలింగ్‌లో ఔట‌య్యాడు.ఎస్‌ఆర్‌హెచ్ తొలి వికెట్ డౌన్‌..అభిషేక్ శర్మ రూపంలో ఎస్‌ఆర్‌హెచ్ తొలి వికెట్ కోల్పోయింది. 34 పరుగులు చేసిన అభిషేక్‌..ఎంగిడీ బౌలింగ్‌లో ఔటయ్యాడు. 4 ఓవర్లు ముగిసే సరికి సన్‌రైజర్స్ వికెట్ నష్టానికి 54 పరుగులు చేసింది.దూకుడుగా ఆడుతున్న అభిషేక్‌, హెడ్‌..టాస్ ఓడి బ్యాటింగ్‌కు దిగిన ఎస్‌ఆర్‌హెచ్ దూకుడుగా ఆడుతోంది. 3 ఓవర్లు ముగిసే సరికి సన్‌రైజర్స్‌ వికెట్‌ నష్టపోకుండా 39 పరుగులు చేసింది. క్రీజులో అభిషేక్‌ శర్మ(24), హెడ్‌(12) పరుగులతో ఉన్నారు.ఐపీఎల్‌-2025లో భాగంగా ఎకానా స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, స‌న్‌రైజ‌ర్స్ హైద‌రాబాద్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌కు ఆర్సీబీ కెప్టెన్‌ రజిత్‌ పాటిదార్‌ గాయం కారణంగా దూరమయ్యాడు. అతడి స్ధానంలో జితేష్‌ శర్మ బెంగళూరు కెప్టెన్‌గా వ్యవహరిస్తున్నాడు.తుది జ‌ట్లురాయల్ ఛాలెంజర్స్ బెంగళూరు (ప్లేయింగ్ XI): ఫిలిప్ సాల్ట్, విరాట్ కోహ్లీ, మయాంక్ అగర్వాల్, జితేష్ శర్మ(కెప్టెన్‌), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, యశ్ దయాల్, లుంగి ఎన్గిడి, సుయాష్ శర్మసన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ట్రావిస్ హెడ్, ఇషాన్ కిషన్(వికెట్ కీప‌ర్‌), నితీష్ కుమార్ రెడ్డి, హెన్రిచ్ క్లాసెన్, అనికేత్ వర్మ, అభినవ్ మనోహర్, పాట్ కమిన్స్(కెప్టెన్‌), హర్షల్ పటేల్, జయదేవ్ ఉనద్కత్, ఎషాన్ మలింగ

ఐపీఎల్‌-2025 పున ప్రారంభానికి వ‌రుణుడు ఆటంకం క‌లిగించాడు. ఈ మెగా టోర్నీలో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, కోల్‌క‌తా నైట్‌రైడ‌ర్స్ మ‌ధ్య జ‌రగాల్సిన మ్యాచ్ వ‌ర్షం కార‌ణంగా ర‌ద్దు అయింది. బెంగ‌ళూరులోని చిన్న‌స్వామి స్టేడియం వ‌ద్ద ఎడతెరిపి లేకుండా వ‌ర్షం కురువ‌డంతో టాస్ ప‌డ‌కుండానే మ్యాచ్‌ను అంపైర్‌లు ర‌ద్దు చేశారు. ఇరు జ‌ట్ల‌కు చెరో పాయింట్ ల‌భించింది. దీంతో కేకేఆర్ ప్లే ఆఫ్స్ ఆశ‌లు ఆవిరయ్యాయి. ప్లే ఆఫ్స్ రేసులో కేకేఆర్ నిల‌వాలంటే ఆర్సీబీపై క‌చ్చితంగా గెల‌వాల్సి ఉండేది. కానీ ఇప్పుడు ఏకంగా మ్యాచ్ ర‌ద్దు కావ‌డంతో ప్లే ఆఫ్స్ రేసు నుంచి కోల్‌క‌తా నిష్క్ర‌మించింది. ఈ టోర్నీలో ఇప్పటివరకు 13 మ్యాచ్‌లు ఆడిన కేకేఆర్ 12 పాయింట్లతో టోర్నీ నుంచి ఇంటిముఖం పట్టింది. మ‌రోవైపు ఆర్సీబీ ఖాతాలో ఒక్క పాయింట్ చేరింది. ఆర్సీబీ 17 పాయింట్ల‌తో అగ్ర‌స్ధానానికి దూసుకెళ్లింది. ఈ క్రమంలో ప్లే ఆఫ్స్ చెరేందుకు బెంగ‌ళూరు జ‌ట్టు అడుగు దూరంలో నిలిచింది. చివరి రెండు మ్యాచ్‌ల్లో ఆర్సీబీ ఒక దాంట్లో గెలిచినా చాలు ప్లే ఆఫ్స్‌కు ఆర్హ‌త సాధిస్తోంది. ఒక‌వేళ ఓడినా కూడా ఆర్సీబీకి ప్లే ఆఫ్స్‌కు చేరే అవ‌కాశ‌ముంటుంది. అయితే ఇత‌ర జ‌ట్ల ఫ‌లితాల‌పై ఆధారపడాల్సి ఉంటుంది.

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు అద్బుత‌మైన ప్ర‌ద‌ర్శన క‌న‌బ‌రుస్తోంది. గ‌త రెండు మూడు సీజ‌న్‌ల‌తో పోలిస్తే ఈ ఏడాది మాత్రం ఆర్సీబీ అంద‌రి అంచ‌నాల‌కు భిన్నంగా వ‌రుస విజ‌యాల‌తో దూసుకుపోతుంది. బ్యాటింగ్‌, బౌలింగ్‌లో పాటిదార్ సేన దుమ్ములేపుతోంది.బ్యాటింగ్‌లో విరాట్ కోహ్లి, ఫిల్ సాల్ట్‌, టిమ్ డేవిడ్‌, పాటిదార్ చెల‌రేగుతుంటే.. బౌలింగ్‌లో జోష్ హాజిల్‌వుడ్, కృనాల్ పాండ్యా,భువనేశ్వర్ కుమార్ వంటి వారు అద‌ర‌గొడుతున్నారు. ఈ క్ర‌మంలో బెంగ‌ళూరు జ‌ట్టు ఫ్లే ఆఫ్స్‌కు చేరేందుకు అడుగు దూరంలో నిలిచింది. ఈ ఏడాది సీజ‌న్‌లో ఆర్సీబీకి ఇంకా మూడు మ్యాచ్‌లు మిగిలి ఉన్నాయి. ఇందులో ఒక మ్యాచ్‌లో గెలిచినా చాలు ఆర్సీబీ ప్లే ఆఫ్స్‌కు ఆర్హ‌త సాధిస్తోంది. ఈ నేప‌థ్యంలో ద‌క్షిణాఫ్రికా మాజీ కెప్టెన్‌, ఆర్సీబీ దిగ్గ‌జం ఏబీ డివిలియ‌ర్స్ ఆస‌క్తిక‌ర ప్ర‌క‌ట‌న చేశాడు. ఈ ఏడాది సీజ‌న్‌లో ఆర్సీబీ ఫైన‌ల్స్‌కు చేరుకుంటే త‌ను ఆ మ్యాచ్‌ను ప్ర‌త్య‌క్షంగా చూసేందుకు భార‌త్‌కు వ‌స్తాన‌ని డివిలియ‌ర్స్ వాగ్ధానం చేశాడు."ఆర్సీబీ ఫైన‌ల్‌కు చేరుకుంటే, నేను ఆ స్టేడియంలో క‌చ్చితంగా ఉంటాను. విరాట్ కోహ్లితో క‌లిసి ఐపీఎల్ ట్రోఫీని అందుకోవ‌డం కంటే నాకు గొప్ప అనుభూతి అంటూ మ‌రొకటి ఉండ‌దు. ఆర్సీబీ చాలా ఏళ్లుగా ఐపీఎల్ టైటిల్ కోసం ప్ర‌య‌త్నిస్తోంది" అంటూ డివిలియ‌ర్స్ ఓ వీడియో రిలీజ్ చేశాడు.కాగా ఢిల్లీ క్యాపిట‌ల్స్ త‌రపున ఐపీఎల్ అరంగేట్రం చేసిన ఏబీ డివిలియ‌ర్స్‌.. 2011లో ఏబీ డివిలియర్స్ ఆర్‌సీబీ జట్టులో చేరాడు. ఆ త‌ర్వాత రిటైర్ అయ్యే వరకు 11 సీజన్ల పాటు ఈ ఫ్రాంచైజీకి ప్రాతినిధ్యం వహించాడు. విరాట్ కోహ్లికి, ఏబీడీకి మంచి స్నేహ బంధం ఉంది.చదవండి: టీమిండియా త‌దుప‌రి టెస్టు కెప్టెన్ అత‌డే: సునీల్ గవాస్కర్

IPL 2025 RCB vs KKR Live Updates: ఆగని వర్షం.. ఆర్సీబీ-కేకేఆర్ మ్యాచ్ రద్దుఐపీఎల్‌-2025 పున:ప్రారంభంలో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, కోల్‌క‌తా నైట్‌రైడ‌ర్స్ మ‌ధ్య జ‌రగాల్సిన మ్యాచ్ వ‌ర్షం కార‌ణంగా ర‌ద్దు అయింది. బెంగ‌ళూరులోని చిన్న‌స్వామి స్టేడియం వ‌ద్ద ఎడతెరిపి లేకుండా వ‌ర్షం కురువ‌డంతో టాస్ ప‌డ‌కుండానే మ్యాచ్‌ను అంపైర్‌లు ర‌ద్దు చేశారు. ఇరు జ‌ట్ల‌కు చెరో పాయింట్ ల‌భించింది. ఈ మ్యాచ్‌ రద్దు కావడంతో కేకేఆర్‌ ప్లే ఆఫ్స్‌ రేసు నుంచి నిష్క్రమించింది.👉బెంగ‌ళూరు వ‌ర్షం ఇంకా కురుస్తోంది. ఇరు జ‌ట్ల ఆట‌గాళ్లు డ్రెసింగ్ రూమ్‌కే ప‌రిమిత‌మ‌య్యారు. ప్ర‌స్తుత ప‌రిస్థితుల‌ను చూస్తుంటే ఆట సాధ్య‌ప‌డేలా లేదు.👉బెంగ‌ళూరులోని చిన్న‌స్వామి స్టేడియం వ‌ద్ద వ‌ర్షం ఇంకా కురుస్తోంది. దీంతో టాస్ మ‌రింత ఆల‌స్యం కానుంది.👉ఐపీఎల్‌-2025 పున:ప్రారంభానికి వరుణడు ఆడ్డంకిగా నిలిచాడు. శనివారం చిన్నస్వామి స్టేడియం వేదికగా రాయల్ ఛాలెంజర్స్ బెంగళూరు, కోల్‌కతా నైట్‌రైడర్స్ జట్లు త‌ల‌పడాల్సి ఉంది. అయితే ప్ర‌స్తుతం బెంగ‌ళూరులో భారీ వ‌ర్షం కురుస్తోంది. మైదానం మొత్తాన్ని క‌వ‌ర్ల‌తో సిబ్బంది క‌ప్పి ఉంచారు. దీంతో ఈ మ్యాచ్ టాస్ ఆలస్యం కానుంది. కాగా చిన్న‌స్వామి స్టేడియంలో అద్బుత‌మైన డ్రైన‌జీ వ్య‌వ‌స్ద ఉండంతో వ‌ర్షం త‌గ్గిన వెంట‌నే మైదానాన్ని సిద్దం చేసే అవ‌కాశ‌ముంది.

ఐపీఎల్ 2025 పునఃప్రారంభానికి బీసీసీఐ ప్రణాళికలు మొద‌లు పెట్టింది. భార‌త్‌-పాకిస్తాన్ మ‌ధ్య నెల‌కొన్న ఉద్రిక్త‌లు కాస్త త‌గ్గుముఖం ప‌ట్ట‌డంతో ఐపీఎల్‌ను తిరిగి ప్రారంభించేందుకు భార‌త క్రికెట్ బోర్డు సిద్ద‌మ‌వుతోంది. కేంద్ర ప్రభుత్వం నుంచి అనుమతి వచ్చిన వెంటనే మే 15 లేదా మే 16న ఐపీఎల్ మ్యాచ్‌లు మ‌ళ్లీ మొద‌ల‌య్యే అవ‌కాశ‌ముంది.అయితే ఈ క్యాష్ రిచ్ లీగ్ పునఃప్రారంభమవుతున్న వేళ రాయ‌ల్ ఛాలెంజ‌ర్స్ బెంగ‌ళూరుకు భారీ షాక్ త‌గిలే సూచ‌న‌లు క‌న్పిస్తున్నాయి. ఆ జ‌ట్టు ఫాస్ట్ బౌల‌ర్‌, ఆస్ట్రేలియా స్టార్ పేస‌ర్‌ జోష్ హాజిల్ వుడ్ గాయం కార‌ణంగా ఐపీఎల్‌లో మిగిలిన మ్యాచ్‌ల‌కు దూరం కానున్న‌ట్లు తెలుస్తోంది. హాజిల్ వుడ్ ప్ర‌స్తుతం భుజం నొప్పితో బాధ‌ప‌డుతున్నాడు. ఈ క్ర‌మంలోనే మే 3న సీఎస్‌కేతో జ‌రిగిన మ్యాచ్‌కు అత‌డు దూర‌మ‌య్యాడు. అయితే అత‌డు జ‌ట్టుతో పాటు ఉండ‌డంతో త‌ర్వాతి మ్యాచ్‌ల‌కు అందుబాటులో ఉంటాడ‌ని ఫ్యాన్స్ భావించారు. కానీ అంత‌లోనే బీసీసీఐ ఐపీఎల్‌ను వారం రోజుల పాటు తాత్కాలికంగా వాయిదా వేసింది. దీంతో హాజిల్‌వుడ్ త‌న స్వ‌దేశానికి వెళ్లిపోయాడు.ఈ క్ర‌మంలో అత‌డు తిరిగి భార‌త్‌కు వ‌చ్చే సూచ‌న‌లు క‌న్పించ‌డం లేదు. జూన్‌లో డ‌బ్ల్యూటీసీ ఫైన‌ల్ మ్యాచ్ ఉన్నందున ముందు జాగ్ర‌త్త‌గా అత‌డిని తిరిగి పంప‌కూడ‌ద‌ని క్రికెట్ ఆస్ట్రేలియా నిర్ణ‌యించుకున్న‌ట్లు స‌మాచారం. ఒక‌వేళ ఇదే జ‌రిగితే ఆర్సీబీకి గ‌ట్టి ఎదురు దెబ్బే అనే చెప్పాలి. ఈ ఏడాది సీజ‌న్‌లో హాజిల్‌వుడ్ 10 మ్యాచ్‌ల్లో 18 వికెట్లు పడగొట్టాడు. టోర్నీ నిలిచే సమయానికి అత్యధిక వికెట్లు తీసిన మూడవ బౌలర్‌గా ఉన్నాడు. మ‌రోవైపు సన్‌రైజ‌ర్స్ హైద‌రాబాద్ కెప్టెన్ ప్యాట్ క‌మ్మిన్స్‌, స్టార్ ప్లేయ‌ర్ ట్రావిస్ హెడ్ కూడా తిరిగి వ‌చ్చేది అనుమాన‌మే. కాగా ఈ ఏడాది సీజ‌న్‌లో ఆర్సీబీ దుమ్ములేపుతోంది. 11 మ్యాచులలో 8 విజయాలు సాధించి.. 16 పాయింట్లతో ప్లేఆఫ్స్‌కు అడుగు దూరంలో నిలిచింది.చ‌ద‌వండి: #Virat Kohli: మ‌న‌సు మార్చుకోని కోహ్లి.. త్వ‌ర‌లోనే రిటైర్మెంట్‌?

భార‌త్‌-పాకిస్తాన్ మ‌ధ్య ఉద్రిక్త‌ల కార‌ణంగా ఐపీఎల్‌-2025ను బీసీసీఐ వారం రోజుల పాటు తాత్కాలికంగా వాయిదా వేసిన సంగ‌తి తెలిసిందే. అయితే ప‌రిస్థితులు కాస్త‌ చ‌ల్లార‌డంతో ఈ ఏడాది ఐపీఎల్ సీజ‌న్‌ను తిరిగి ప్రారంభించాల‌ని బీసీసీఐ భావిస్తోంది. మే 15 నుంచి ఐపీఎల్ రీ స్టార్ట్ కానున్న‌ట్లు ప‌లు రిపోర్ట్‌లు పేర్కొంటున్నాయి. మంగళవారం (మే 13) నాటికి ఆటగాళ్లందరినీ జట్టుతో చేరేలా చూసుకోవాలని ఫ్రాంఛైజీలకు ఐపీఎల్ గ‌వ‌ర్నింగ్ కౌన్సిల్‌ ఆదేశాలు జారీ చేసినట్లు స‌మాచారం. డబుల్‌ హెడర్‌ (ఒకే రోజు రెండు) మ్యాచ్‌లు నిర్వహించి, ముందుగా నిర్ణయించిన షెడ్యూల్‌ ప్రకారమే మే 25న ఈ ఏడాది సీజ‌న్‌కు ముగింపు ప‌ల‌కాల‌ని బీసీసీఐ యోచిస్తోంది.ఆర్సీబీ కెప్టెన్‌గా జితేష్ శ‌ర్మ‌..ఇక ఇది ఇలా ఉండ‌గా.. రాయ‌ల్ ఛాలెంజ‌ర్స్ బెంగ‌ళూరు కెప్టెన్ ర‌జత్ పాటిదార్ గాయం కార‌ణంగా క‌నీసం ఒక మ్యాచ్‌కైనా దూరమ‌య్యే అవ‌కాశ‌ముంది. మే 3న చెన్నై సూపర్ కింగ్స్‌తో జరిగిన మ్యాచ్‌లో ఫీల్డింగ్ చేస్తున్నప్పుడు పాటిదార్ చేతి వేలికి గాయమైంది. దీంతో అత‌డికి రెండు వారాల పాటు విశ్రాంతి అవ‌స‌ర‌మ‌ని వైద్యులు సూచించారు. ఈ క్ర‌మంలో అత‌డు కనీసం రెండు మ్యాచ్‌ల‌కైనా దూర‌మ‌వుతాడ‌ని అంతా భావించారు.కానీ ఐపీఎల్‌-2025లో మ‌ధ్య‌లోనే ఆగిపోవ‌డంతో ఆర్సీబీకి క‌లిసొచ్చింది. అత‌డు చేతి వేలి గాయం నుంచి కోలుకుంటున్నాడు. ఒక‌వేళ ఐపీఎల్‌-2025 మే 15 నుంచి తిరిగి ప్రారంభ‌మైతే.. ల‌క్నో సూప‌ర్ జెయింట్స్‌తో మ్యాచ్‌కు పాటిదార్‌ కానున్నాడు. పాటిదార్ గైర్హ‌జ‌రీలో వికెట్ కీప‌ర్ బ్యాట‌ర్ జితేష్ శ‌ర్మ ఆర్సీబీ జ‌ట్టును న‌డిపించ‌నున్నాడు. ఇప్ప‌టికే ఈ విష‌యాన్ని జితేష్ శ‌ర్మ ధ్రువీక‌రించాడు."ల‌క్నో సూప‌ర్ జెయింట్స్‌తో మ్యాచ్‌కు పాటిదార్ దూర‌మ‌య్యాడు. అత‌డి స్ధానంలో కెప్టెన్‌గా నాకు అవ‌కాశ‌మిచ్చినందుకు ధ‌న్య‌వాదాలు తెల‌పాల‌నుకుంటున్నాను. ఇది నాకు, నా కుటుంబానికి చాలా గొప్ప విష‌యం. దేవదత్ ప‌డిక్క‌ల్‌, ర‌జిత్ పాటిదార్ ఇద్ద‌రూ అందుబాటులో లేనందున, వారిస్ధానాల‌ను ఎవ‌రితో భ‌ర్తీ చేయాల‌ని నేను ఆలోచిస్తున్నాను. నాకు నిజంగా ఇది చాలా పెద్ద బాధ్య‌త" అని ఐపీఎల్ స‌స్పెన్ష‌న్‌కు ముందు జితేష్ శ‌ర్మ ఆర్సీబీ బోల్డ్ డైరీస్‌లో పేర్కొన్నాడు. ఒకవేళ మే 15న ఐపీఎల్ తిరిగి ప్రారంభం కాక‌పోతే కెప్టెన్సీ అవకాశాన్ని జితేష్ కోల్పోయే ఛాన్స్ ఉంది.చ‌ద‌వండి: ENG vs IND: రోహిత్ శర్మ స్థానంలో యువ సంచ‌ల‌నం..? ఇక భార‌త్‌కు తిరుగులేదు?

ఐపీఎల్‌-2025లో చెన్నై సూప‌ర్ కింగ్స్ ఓటముల ప‌రంప‌ర కొన‌సాగుతోంది. చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన ఉత్కంఠ‌పోరులో 2 ప‌రుగుల తేడాతో సీఎస్‌కే ఓట‌మి పాలైంది. 214 ప‌రుగుల భారీ ల‌క్ష్యంతో బ‌రిలోకి దిగిన చెన్నై 5 వికెట్లు కోల్పోయి 211 ప‌రుగులు చేయ‌గ‌ల్గింది. ఆఖ‌రి ఓవ‌ర్‌లో సీఎస్‌కే విజ‌యానికి 15 ప‌రుగులు అవ‌స‌ర‌మ‌య్యాయి. అయితే 20 ఓవ‌ర్ వేసిన య‌శ్ ద‌యాల్ అద్బుతంగా బౌలింగ్ చేశాడు. తొలి రెండు బంతుల సింగిల్స్ ఇచ్చిన ద‌యాల్‌.. మూడో బంతికి ధోనిని ఔట్ చేశాడు. ఆ త‌ర్వాత నాలుగో బంతికి ద‌యాల్ సిక్స్ ఇచ్చాడు. అంత‌కు తోడు ఆ బంతి నో బాల్ కావ‌డంతో మ్యాచ్ సీఎస్‌కే వైపు మ‌లుపు తిరిగింది. చివ‌రి మూడు బంతుల్లో సీఎస్‌కే విజ‌యానికి కేవ‌లం 6 ప‌రుగులు మాత్ర‌మే అవస‌ర‌మ‌య్యాయి. ఈ స‌మ‌యంలో ద‌యాల్ అద్బుత‌మైన క‌మ్‌బ్యాక్ ఇచ్చాడు. మూడు బంతుల్లో కేవ‌లం మూడు ప‌రుగులు మాత్ర‌మే ఇచ్చాడు. సీఎస్‌కే బ్యాట‌ర్ల‌లో యువ ఆట‌గాడు అయూష్ మాత్రే(48 బంతుల్లో 9 ఫోర్లు, 5 సిక్స్‌ల‌తో 94) తుపాన్ ఇన్నింగ్స్ ఆడాడు.అత‌డితో పాటు ర‌వీంద్ర జ‌డేజా(77 నాటౌట్‌) రాణించాడు. సీఎస్‌కే ఓడిపోవ‌డంతో వీరిద్ద‌రి ఇన్నింగ్స్ వృథా అయిపోయాయి. ఆర్సీబీ బౌలర్లలో ఎంగిడీ మూడు వికెట్లు పడగొట్టగా.. దయాల్, పాండ్యా తలా వికెట్ సాధించారు.కోహ్లి, షెపెర్డ్ మెరుపు ఇన్నింగ్స్‌లు..ఇక ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఆర్సీబీ నిర్ణీత 20 ఓవర్లలో 5 వికెట్ల నష్టానికి 213 పరుగులు చేసింది. ఆర్సీబీ బ్యాటర్లలో విరాట్ కోహ్లి(62) టాప్ స్కోరర్‌గా నిలవగా.. జాకబ్ బెతల్‌(55), రొమారియో షెపర్డ్(53) హాఫ్ సెంచరీలతో చెలరేగారు. షెపర్డ్ కేవలం 14 బంతుల్లోనే హాఫ్ సెంచరీ మార్క్‌ను అందుకున్నాడు. అతడి ఇన్నింగ్స్‌లో 4 ఫోర్లు, 6 సిక్స్‌లు ఉన్నాయి. సీఎస్‌కే బౌలర్లలో పతిరాన మూడు వికెట్లు పడగొట్టగా.. కుర్రాన్‌, నూర్ అహ్మద్ తలా వికెట్ సాధించారు. ఈ విజ‌యంతో ఆర్సీబీ పాయింట్ల ప‌ట్టిక‌లో అగ్ర‌స్దానానికి చేరుకుంది.

ఐపీఎల్‌-2025లో టీమిండియా స్టార్‌, రాయ‌ల్ ఛాలెంజ‌ర్స్ బెంగ‌ళూరు మాజీ కెప్టెన్ విరాట్ కోహ్లి ప‌రుగుల వ‌ర‌ద పారిస్తున్నాడు. ఈ ఏడాది సీజ‌న్‌లో మ‌రో హాఫ్ సెంచ‌రీని కోహ్లి త‌న ఖాతాలో వేసుకున్నాడు. చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో జ‌రుగుతున్న మ్యాచ్‌లో కోహ్లి అద్బుత ఇన్నింగ్స్ ఆడాడు. క్రీజులో ఉన్నంత‌సేపు కింగ్ కోహ్లి బౌండ‌రీల వ‌ర్షం కురిపించాడు. కేవ‌లం 33 బంతుల్లోనే 5 ఫోర్లు, 5 సిక్స్‌ల‌తో 62 ప‌రుగులు చేశాడు. ఈ క్ర‌మంలో కోహ్లి ప‌లు అరుదైన రికార్డుల‌ను త‌న పేరిట లిఖించుకున్నాడు.కోహ్లి సాధించిన రికార్డులు ఇవే..👉ఐపీఎల్‌లో ఒక జ‌ట్టుపై అత్య‌ధిక ప‌రుగులు చేసిన ఆట‌గాడిగా కోహ్లి రికార్డుల‌కెక్కాడు. కోహ్లి ఇప్ప‌టివ‌ర‌కు సీఎస్‌కేపై 1146 ప‌రుగ‌లు చేశాడు. ఇంతకుముందు ఈ రికార్డు ఆస్ట్రేలియా దిగ్గ‌జం డేవిడ్ వార్న‌ర్ పేరిట ఉండేది. వార్న‌ర్ పంజాబ్ కింగ్స్‌పై 1134 ప‌రుగులు చేశాడు. తాజా మ్యాచ్‌తో వార్న‌ర్ రికార్డును కోహ్లి బ్రేక్ చేశాడు.👉అదేవిధంగా సీఎస్‌కేపై అత్య‌ధిక ఫిప్టీ ప్ల‌స్ స్కోర్లు సాధించిన ప్లేయ‌ర్‌గా కోహ్లి నిలిచాడు. కోహ్లి ఇప్ప‌టివ‌ర‌కు సీఎస్‌కేపై 10 సార్లు ఏభైకి పైగా ప‌రుగులు సాధించాడు. ఇంత‌కుముందు ఈ రికార్డు శిఖ‌ర్ ధావ‌న్ పేరిట ఉండేది. ధావ‌న్ సీఎస్‌కేపై 9 సార్లు ఫిప్టీ ప్ల‌స్ ప‌రుగులు న‌మోదు చేశాడు.👉వరల్డ్ ఫ్రాంచైజీ క్రికెట్‌లో ఒకే జట్టు తరపున 300 సిక్సర్లు కొట్టిన ఏకైక ప్లేయర్‌గా విరాట్ నిలిచాడు. ఐపీఎల్‌లో ఆర్సీబీ తరపున కోహ్లి 300 సిక్స్‌లు బాదాడు. కోహ్లి తర్వాతి స్దానంలో క్రిస్ గేల్‌(263) ఉన్నాడు.👉టీ20 క్రికెట్‌లో ఒకే వేదిక‌లో అత్యధిక సిక్సర్లు బాదిన ఆటగాడిగా కోహ్లి నిలిచాడు. బెంగ‌ళూరు చిన్న‌స్వామి స్టేడియంలో కోహ్లి 154 సిక్స్‌లు బాదాడు. ఇంత‌కుముందు ఈ రికార్డు యూనివర్స్ బాస్ క్రిస్ గేల్ పేరిట ఉండేది. గేల్ కూడా చిన్న‌స్వామి స్టేడియంలో 151 కొట్టాడు.👉ఐపీఎల్‌లో 8500 ప‌రుగుల మైలు రాయిని అందుకున్న తొలి ప్లేయ‌ర్‌గా కోహ్లి రికార్డులెక్కాడు.చ‌ద‌వండి: #Kagiso Rabada: కగిసో ర‌బాడపై సస్పెన్షన్ వేటు.. ఐపీఎల్‌కు దూరం?

IPL 2025 RCB vs CSK Live Updates: ఉత్కంపోరులో సీఎస్‌కే ఓట‌మి..ఐపీఎల్‌-2025లో చెన్నై సూప‌ర్ కింగ్స్ ఓటముల ప‌రంప‌ర కొన‌సాగుతోంది. చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన ఉత్కంఠ‌పోరులో 2 ప‌రుగుల తేడాతో సీఎస్‌కే ఓట‌మి పాలైంది. 214 ప‌రుగుల భారీ ల‌క్ష్యంతో బ‌రిలోకి దిగిన చెన్నై 5 వికెట్లు కోల్పోయి 211 ప‌రుగులు చేయ‌గ‌ల్గింది. ఆఖ‌రి ఓవ‌ర్‌లో సీఎస్‌కే విజ‌యానికి 15 ప‌రుగులు అవ‌స‌ర‌మ‌య్యాయి. అయితే 20 ఓవ‌ర్ వేసిన య‌శ్ ద‌యాల్ అద్బుతంగా బౌలింగ్ చేశాడు. తొలి రెండు బంతుల సింగిల్స్ ఇచ్చిన ద‌యాల్‌.. మూడో బంతికి ధోనిని ఔట్ చేశాడు. ఆ త‌ర్వాత నాలుగో బంతికి ద‌యాల్ సిక్స్ ఇచ్చాడు. అంత‌కు తోడు ఆ బంతి నో బాల్ కావ‌డంతో మ్యాచ్ సీఎస్‌కే వైపు మ‌లుపు తిరిగింది. చివ‌రి మూడు బంతుల్లో సీఎస్‌కే విజ‌యానికి కేవ‌లం 6 ప‌రుగులు మాత్ర‌మే అవస‌ర‌మ‌య్యాయి. ఈ స‌మ‌యంలో ద‌యాల్ అద్బుత‌మైన క‌మ్‌బ్యాక్ ఇచ్చాడు. మూడు బంతుల్లో కేవ‌లం మూడు ప‌రుగులు మాత్ర‌మే ఇచ్చాడు. సీఎస్‌కే బ్యాట‌ర్ల‌లో యువ ఆట‌గాడు అయూష్ మాత్రే(48 బంతుల్లో 9 ఫోర్లు, 5 సిక్స్‌ల‌తో 94) తుపాన్ ఇన్నింగ్స్ ఆడాడు. అత‌డితో పాటు ర‌వీంద్ర జ‌డేజా(77 నాటౌట్‌) రాణించాడు. సీఎస్‌కే ఓడిపోవ‌డంతో వీరిద్ద‌రి ఇన్నింగ్స్ వృథా అయిపోయాయి. ఆర్సీబీ బౌలర్లలో ఎంగిడీ మూడు వికెట్లు పడగొట్టగా.. దయాల్, పాండ్యా తలా వికెట్ సాధించారు. విజ‌యానికి చేరువ‌లో సీఎస్‌కే..సీఎస్‌కే విజ‌యానికి ఆఖ‌రి ఓవ‌ర్‌లో 15 ప‌రుగులు కావాలి. క్రీజులో జ‌డేజా(75), ధోని(11) ఉన్నారు.సీఎస్‌కే మూడో వికెట్ డౌన్‌..ఆయూష్ మాత్రే రూపంలో సీఎస్‌కే మూడో వికెట్ కోల్పోయింది. 94 ప‌రుగుల‌తో అద్బ‌త‌మైన ఇన్నింగ్స్ ఆడిన మాత్రే.. లుంగీ ఎంగిడీ బౌలింగ్‌లో ఔట‌య్యాడు. సీఎస్‌కే విజ‌యానికి 22 బంతుల్లో 42 ప‌రుగులు కావాలి. క్రీజులో జ‌డేజా(59) ఉన్నాడు.దంచి కొడుతున్న సీఎస్‌కే బ్యాట‌ర్లు..భారీ ల‌క్ష్య చేధ‌న‌లో సీఎస్‌కే అద‌ర‌గొడుతోంది. 15 ఓవ‌ర్లు ముగిసే స‌రికి సీఎస్‌కే రెండు వికెట్ల న‌ష్టానికి 160 ప‌రుగులు చేసింది. క్రీజులో మాత్రే(91), జ‌డేజా(50) ప‌రుగుల‌తో ఉన్నారు.సీఎస్‌కే రెండో వికెట్ డౌన్..సామ్ కుర్రాన్ రూపంలో సీఎస్‌కే రెండో వికెట్ కోల్పోయింది. 5 ప‌రుగులు చేసిన కుర్రాన్‌.. లుంగీ ఎంగిడీ బౌలింగ్‌లో ఔట‌య్యాడు. 8 ఓవ‌ర్లు ముగిసే స‌రికి సీఎస్‌కే రెండు వికెట్ల న‌ష్టానికి 79 ప‌రుగులు చేసింది.దూకుడుగా ఆడుతున్న అయూష్‌..సీఎస్‌కే యువ ఓపెన‌ర్ అయూష్ మాత్రే దూకుడుగా ఆడుతున్నాడు. 4 ఓవ‌ర్ వేసిన భువ‌నేశ్వ‌ర్ కుమార్ బౌలింగ్‌లో మాత్రే.. 5 ఫోర్లు, ఒక సిక్స‌ర్‌తో 26 ప‌రుగులు రాబాట్టాడు. మాత్రే 47 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. సీఎస్‌కే తొలి వికెట్ డౌన్‌214 ప‌రుగుల ల‌క్ష్యంతో బ‌రిలోకి దిగిన సీఎస్‌కే తొలి వికెట్ కోల్పోయింది. 14 ప‌రుగులు చేసిన షేక్ రషీద్‌.. కృనాల్ పాండ్యా బౌలింగ్‌లో ఔటయ్యాడు. 5 ఓవర్లకు సీఎస్‌కే స్కోర్‌:57/1కోహ్లి, షెఫర్డ్ మెరుపులు.. సీఎస్‌కే ముందు భారీ టార్గెట్‌చిన్నస్వామి స్టేడియం వేదికగా చెన్నై సూపర్ కింగ్స్‌తో జరుగుతున్న మ్యాచ్‌లో రాయల్ ఛాలెంజర్స్ బెంగళూరు బ్యాటర్లు విధ్వంసం సృష్టించారు. టాస్ ఓడి తొలుత బ్యాటింగ్‌కు దిగిన ఆర్సీబీ నిర్ణీత 20 ఓవర్లలో 5 వికెట్ల నష్టానికి 213 పరుగులు చేసింది.ఆర్సీబీ బ్యాటర్లలో విరాట్ కోహ్లి(62) టాప్ స్కోరర్‌గా నిలవగా.. జాకబ్ బెతల్‌(55), రొమారియో షెపర్డ్(53) హాఫ్ సెంచరీలతో చెలరేగారు. షెపర్డ్ కేవలం 14 బంతుల్లోనే హాఫ్ సెంచరీ మార్క్‌ను అందుకున్నాడు. అతడి ఇన్నింగ్స్‌లో 4 ఫోర్లు, 6 సిక్స్‌లు ఉన్నాయి. సీఎస్‌కే బౌలర్లలో పతిరాన మూడు వికెట్లు పడగొట్టగా.. కుర్రాన్‌, నూర్ అహ్మద్ తలా వికెట్ సాధించారు.షెఫ‌ర్డ్ విధ్వంసం..19 ఓవ‌ర్ వేసిన ఖాలీల్ అహ్మ‌ద్ బౌలింగ్‌లో ఆర్సీబీ బ్యాట‌ర్ షెఫ‌ర్డ్ విధ్వంసం సృష్టించాడు. నాలుగు సిక్స్‌లు, రెండు ఫోర్లతో ఏకంగా 33 పరుగులు రాబాట్టాడు. 19 ఓవర్లు ముగిసే ఆర్సీబీ 5 వికెట్ల నష్టానికి 192 పరుగులు చేసింది.రెండు వికెట్లు డౌన్‌..ఆర్సీబీ వ‌రుస క్ర‌మంలో రెండు వికెట్లు కోల్పోయింది. జితేష్ శ‌ర్మ‌(7) నూర్ అహ్మ‌ద్ బౌలింగ్‌లో ఔట్ కాగా.. పాటిదార్‌(11) ప‌తిరాన బౌలింగ్‌లో పెవిలియ‌న్‌కు చేరాడు. 18 ఓవ‌ర్ల‌కు ఆర్సీబీ 5 వికెట్ల న‌ష్టానికి 159 ప‌రుగులు చేసింది.ఆర్సీబీ రెండో వికెట్ డౌన్..విరాట్ కోహ్లి రూపంలో ఆర్సీబీ రెండో వికెట్ కోల్పోయింది. 62 ప‌రుగులు చేసిన కోహ్లి.. సామ్ కుర్రాన్ బౌలింగ్‌లో ఔట‌య్యాడు. 14 ఓవ‌ర్లు ముగిసే స‌రికి ఆర్సీబీ రెండు వికెట్ల న‌ష్టానికి 140 ప‌రుగులు చేసింది. క్రీజులో ప‌డిక్క‌ల్‌(150, పాటిదార్‌(7) ఉన్నారు.విరాట్ కోహ్లి హాఫ్ సెంచరీ..సీఎస్‌కేతో జరుగుతున్న మ్యాచ్‌లో ఆర్సీబీ స్టార్ విరాట్ కోహ్లి హాఫ్ సెంచరీ సాధించాడు. కోహ్లి 62 పరుగులతో తన బ్యాటింగ్‌ను కొనసాగిస్తున్నాడు.ఆర్సీబీ తొలి వికెట్ డౌన్‌..జాకబ్ బెతల్ రూపంలో ఆర్సీబీ తొలి వికెట్ కోల్పోయింది. 55 పరుగులు చేసిన బెతల్‌.. పతిరాన బౌలింగ్‌లో ఔటయ్యాడు. 11 ఓవర్లు ముగిసే సరికి వికెట్ నష్టానికి 114 పరుగులు చేసింది.జాక‌బ్ బెత‌ల్ హాఫ్ సెంచరీ..ఆర్సీబీ యువ ఆట‌గాడు జాక‌బ్ బెత‌ల్ తొలి ఐపీఎల్ హాఫ్ సెంచ‌రీ మార్క్‌ను అందుకున్నాడు. కేవ‌లం 28 బంతుల్లో బెత‌ల్ హాఫ్ సెంచ‌రీ సాధించాడు. 9 ఓవ‌ర్ల‌కు ఆర్సీబీ వికెట్ న‌ష్ట‌పోకుండా 94 ప‌రుగులు చేసింది. క్రీజులో బెత‌ల్‌(54), కోహ్లి(40) ఉన్నారు.దూకుడుగా ఆడుతున్న ఆర్సీబీటాస్ ఓడి బ్యాటింగ్‌కు దిగిన ఆర్సీబీ వికెట్ న‌ష్ట‌పోకుండా 46 ప‌రుగులు చేసింది. ఆర్సీబీ ఓపెన‌ర్లు జాక‌బ్ బెత‌ల్‌(28) , విరాట్ కోహ్లి(18) ఉన్నారు.ఐపీఎల్‌-2025లో ఆస‌క్తిక‌ర‌పోరుకు తెరలేచింది. చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, చెన్నై సూప‌ర్ కింగ్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన సీఎస్‌కే తొలుత బౌలింగ్ ఎంచుకుంది. ఇప్ప‌టికే సీఎస్‌కే ప్లే ఆఫ్స్ రేసు నుంచి నిష్క్ర‌మించ‌గా.. ఆర్సీబీ మాత్రం ఈ మ్యాచ్‌లో గెలిచి త‌మ ప్లే ఆఫ్ బెర్త్‌ను ఖారారు చేసుకోవాల‌ని ప‌ట్టుద‌ల‌తో ఉంది. ఈ మ్యాచ్‌కు ఆర్సీబీ స్టార్ బౌల‌ర్ జోష్ హాజిల్‌వుడ్ దూర‌మ‌య్యాడు. అత‌డి స్ధానంలో లుంగీ ఎంగిడీ జ‌ట్టులో వ‌చ్చాడు. సీఎస్‌కే మాత్రం ఎటువంటి మార్పులు చేయ‌లేదు.తుది జ‌ట్లురాయల్ ఛాలెంజర్స్ బెంగళూరు (ప్లేయింగ్ XI): జాకబ్ బెథెల్, విరాట్ కోహ్లీ, దేవదత్ పడిక్కల్, రజత్ పాటిదార్(కెప్టెన్‌), జితేష్ శర్మ(వికెట్ కీప‌ర్‌), టిమ్ డేవిడ్, కృనాల్ పాండ్యా, రొమారియో షెపర్డ్, భువనేశ్వర్ కుమార్, లుంగీ ఎన్గిడి, యశ్ దయాల్చెన్నై సూపర్ కింగ్స్ (ప్లేయింగ్ XI): షేక్ రషీద్, ఆయుష్ మ్హత్రే, సామ్ కుర్రాన్, రవీంద్ర జడేజా, డెవాల్డ్ బ్రెవిస్, దీపక్ హుడా, ఎంఎస్ ధోని(కెప్టెన్‌), నూర్ అహ్మద్, ఖలీల్ అహ్మద్, అన్షుల్ కాంబోజ్, మతీషా పతిరానా

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు వ‌రుస విజ‌యాల‌తో దూసుకుపోతున్న సంగ‌తి తెలిసిందే. ఇప్ప‌టివ‌ర‌కు 10 మ్యాచ్‌లు ఆడి 7 విజ‌యాల‌తో పాయింట్ల ప‌ట్టిక‌లో మూడో స్ధానంలో కొన‌సాగుతోంది. ప్లే ఆఫ్స్‌కు ఆర్హ‌త సాధించేందుకు బెంగ‌ళూరు జ‌ట్టు కేవ‌లం అడుగు దూరంలో నిలిచింది. అయితే ఆర్సీబీ జైత్ర యాత్ర‌లో ఆల్‌రౌండ‌ర్‌ కృనాల్ పాండ్యాది కీల‌క పాత్ర‌. బ్యాటింగ్, బౌలింగ్‌లో కృనాల్ దుమ్ములేపుతున్నాడు. ఈ క్రమంలో పాండ్యాపై భారత మాజీ కెప్టెన్ సునీల్ గవాస్కర్ ప్ర‌శంస‌ల వ‌ర్షం కురిపిస్తున్నాడు. కృనాల్ పాండ్యా ఆర్సీబీ కెప్టెన్సీకి అర్హుడు అని గ‌వాస్క‌ర్ కొనియాడాడు."కృనాల్ పాండ్యా అద్భుత‌మైన క్రికెట‌ర్‌. బ్యాటింగ్‌, బౌలింగ్‌, ఫీల్డింగ్ మూడు విభాగాల్లో అద‌రగొడుతున్నాడు. ఎవ‌రూ అత‌డిని కెప్టెన్సీ రోల్‌కి ప‌రిగ‌ణ‌లోకి తీసుకోరు. కానీ నా వ‌ర‌కు అయితే కృనాల్ కెప్టెన్సీ పాత్ర‌కు స‌రిగ్గా సరిపోతాడు. ఎందుకంటే అత‌డికి అద్బుత‌మైన నాయ‌క‌త్వ ల‌క్ష‌ణాలు ఉన్నాయి. మైదానంలో వ్యూహాత్మ‌క నిర్ణ‌యాలు తీసుకోగ‌ల‌డు" అని ఓ ఛాన‌ల్‌కు ఇచ్చిన ఇంట‌ర్వ్యూలో స‌న్నీ పేర్కొన్నాడు. కాగా ల‌క్నో సూపర్ జెయింట్స్ జట్టు తరఫున మూడు సీజన్లు ఆడిన పాండ్యాను.. స‌ద‌రు ఫ్రాంచైజీ ఐపీఎల్ 2025 మెగా వేలానికి ముందు విడుద‌ల చేసింది. ఈ క్ర‌మంలో మెగా వేలంలో ఆర్సీబీ రూ.5.75 కోట్లకు కొనుగోలు చేసింది. ఈ ఏడాది సీజ‌న్‌లో పాండ్యా త‌న ధ‌ర‌కు త‌గ్గ న్యాయం చేస్తున్నాడు. బౌలింగ్‌లో 13 వికెట్లు పడగొట్టడంతో పాటు బ్యాటింగ్ లో 97పరుగులు చేశాడు. ఢిల్లీ క్యాపిటల్స్‌తో జరిగిన మ్యాచ్‌లో 73 పరుగులతో పాండ్యా కీల‌క ఇన్నింగ్స్ ఆడాడు. కాగా గ‌త సీజ‌న్‌లో కొన్ని మ్యాచ్‌ల‌కు కేఎల్ రాహుల్ గైర్హ‌జ‌రీలో ల‌క్నో జ‌ట్టు సార‌థిగా కృనాల్ పాండ్యా వ్య‌వ‌హ‌రించాడు.

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు జోరు కొన‌సాగుతున్న సంగ‌తి తెలిసిందే. ఇప్ప‌టివ‌ర‌కు 10 మ్యాచ్‌లు ఆడిన ఆర్సీబీ.. 7 విజ‌యాల‌తో పాయింట్ల ప‌ట్టిక‌లో అగ్ర‌స్ధానంలో కొన‌సాగుతోంది. ఆర్సీబీ త‌మ తదుప‌రి మ్యాచ్‌లో మే 3న చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో త‌ల‌ప‌డ‌నుంది. ఈ మ్యాచ్‌కు ఇంకా మూడు రోజుల స‌మ‌యం ఉండ‌డంతో ఆర్సీబీ కెప్టెన్ ర‌జిత్ పాటిదార్ తిరుమల శ్రీవారిని ద‌ర్శించుకున్నారు. బుధ‌వారం వీఐపీ ప్రారంభ విరామ దర్శన సమయంలో పాటిదార్ త‌న స‌హ‌చ‌ర ఆట‌గాడు జితేష్ శ‌ర్మ, టీమిండియా మ‌హిళా క్రికెట‌ర్ శ్రేయంకా పాటిల్‌తో క‌లిసి స్వామివారి సేవలో పాల్గొన్నారు. దర్శనం అనంతరం రంగనాయకుల మండపంలో పండితులు ఈ క్రికెట‌ర్ల‌ను ఆశీర్వదించి స్వామివారి తీర్థప్రసాదాలు అందజేశారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. కాగా ఆర్సీబీ కెప్టెన్‌గా తొలిసారి బాధ్య‌త‌లు చేప‌ట్టిన పాటిదార్ జ‌ట్టును అద్బుతంగా న‌డిపిస్తున్నాడు.బ్యాటింగ్‌, కెప్టెన్సీతో ఆక‌ట్టుకుంటున్నాడు పాటిదార్‌. అత‌డితో పాటు స్టార్ బ్యాట‌ర్ విరాట్ కోహ్లి సైతం అద‌ర‌గొడుతున్నాడు. వ‌రుస హాఫ్ సెంచరీల‌తో ఆర్సీబీ విజ‌యాల్లో కీల‌క పాత్ర పోషిస్తున్నాడు. బెంగ‌ళూరు మ‌రో రెండు మ్యాచ్‌ల్లో గెలిస్తే త‌మ ప్లే ఆఫ్ బెర్త్‌ను ఖారారు చేసుకుంటుంది.సీఎస్‌కేతో మ్యాచ్‌కు ఆర్సీబీ తుది జ‌ట్టు(అంచ‌నా)విరాట్ కోహ్లీ, జాకబ్ బెథెల్, రజత్ పాటిదార్ (కెప్టెన్‌), జితేష్ శర్మ (వికెట్ కీప‌ర్‌), టిమ్ డేవిడ్, కృనాల్ పాండ్యా, రొమారియో షెపర్డ్, భువనేశ్వర్ కుమార్, సుయాష్ శర్మ, జోష్ హేజిల్‌వుడ్, యశ్ దయాల్ Rajat Patidar, Jitesh Sharma & Shreyanka Patil offered prayers at the Tirumala temple. ♥️ 🙏 pic.twitter.com/UQNFWpsMcq— Johns. (@CricCrazyJohns) April 30, 2025

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు స్టార్ బ్యాట‌ర్ విరాట్ కోహ్లి త‌న సూప‌ర్ ఫామ్‌ను కొన‌సాగిస్తున్నాడు. ఆదివారం అరుణ్ జైట్లీ స్టేడియం వేదిక‌గా ఢిల్లీ క్యాపిటల్స్‌తో జ‌రిగిన మ్యాచ్‌లో కోహ్లి కీల‌క ఇన్నింగ్స్ ఆడాడు. 47 బంతులు ఎదుర్కొన్న కోహ్లి.. 108.51 స్ట్రైక్ రేట్‌తో 51 ప‌రుగులు చేశాడు. 163 ప‌రుగుల ల‌క్ష్య చేధ‌న‌లో 26 ర‌న్స్‌కే 3 వికెట్లు కోల్పోయి ఆర్సీబీ క‌ష్టాల్లో ప‌డింది.ఈ స‌మ‌యంలో కోహ్లి ఆచితూచి ఆడుతూ కృనాల్ పాండ్యాతో క‌లిసి ఇన్నింగ్స్‌ను చ‌క్క‌దిద్దాడు. స్ట్రైక్ రేట్ త‌క్కువ‌గా ఉన్న‌ప్ప‌టికి కోహ్లి ఆడిన ఇన్నింగ్స్ ఎంతో విలువైన‌ది. ఈ క్ర‌మంలో త‌న స్ట్రైక్ రేట్‌పై విమ‌ర్శ‌ల చేస్తున్న‌వారికి కోహ్లి మ‌రోసారి కౌంట‌రిచ్చాడు.టీ20 క్రికెట్‌లో దూకుడు ఒక్క‌టే ముఖ్యం కాదని, ప‌రిస్థితులకు త‌గ్గ‌ట్టు బ్యాటింగ్ చేయ‌డం అవ‌స‌ర‌మ‌ని కోహ్లి అన్నాడు. "టీ20, వ‌న్డే, టెస్టు.. ఫార్మాట్ ఏదైనా మ‌న‌కంటూ ఒక ప్ర‌ణాళిక ఉండాలి. స్కోర్ బోర్డులో ఎంత మొత్తం ఉంచాలి,?మ‌నం చేధించాల్సిన టార్గెట్ ఎంత‌? పిచ్ పరిస్థితులు ఎలా ఉన్నాయి? ఏ బౌల‌ర్‌ను ఎటాక్ చేయాలి? ఏ బౌల‌ర్‌ను ఎటాక్ చేయ‌కూడ‌దు? ఇవ‌న్నీ ఆలోచించి వ్యూహత్మ‌కంగా ముందుకు వెళ్లాలి. ముఖ్యంగా ఛేజింగ్‌లో ఎప్పుడూ నాకంటూ ఓ ప్లానింగ్ ఉంటుంది. ఎక్కువ‌గా సింగిల్స్‌, డ‌బుల్స్‌పై దృష్టిపెడతాను. ఏదో విధంగా పరుగులు రాబట్టమే నా లక్ష్యం. వీలు చిక్కినప్పుడల్లా బంతిని బౌండరీకి తరలించేందుకు ప్రయత్నిస్తాను. స్ట్రైక్స్ రొటేటింగ్, సింగిల్స్, డబుల్స్ తీయడమే నా గేమ్ ప్లాన్‌. అయితే టీ20 క్రికెట్‌లో భాగస్వామ్యం నెలకొల్పడం, గేమ్‌ను క్లోజ్‌గా తీసుకెళ్లడం ఎంత ముఖ్యమో విమర్శకులు మర్చిపోతున్నారు అనుకుంటా. ఈ ఏడాది సీజన్‌లో ఏ బ్యాటర్ కూడా తొలి బంతి నుంచే బౌలర్‌ను ఎటాక్ చేయడం లేదు. పిచ్ పరిస్థితిని ఆర్ధం చేసుకోని, బౌలర్లపై ఆధిపత్యం చెలాయించాలంటే మనంటూ ప్రొఫిషనలిజం ఉండాలి. స్లో పిచ్‌లపై స్ట్రైక్ రోటేట్ చేయడం అంత తేలిక కాదు. దానికంటూ ప్రత్యేక స్కిల్స్ ఉండాలి. నేను పిచ్ కండీషన్స్‌, మ్యాచ్ పరిస్థితులకు తగ్గట్టు ఆడేందుకు ప్రయత్నిస్తాను. స్ట్రైక్ రోటేట్ చేస్తూ స్కోర్ బోర్డును ముందుకు నడిపించేందుకు నాకు చాలా స్కిల్స్ ఉన్నాయి" అని పోస్ట్ మ్యాచ్ కాన్ఫరెన్స్‌లో విరాట్ పేర్కొన్నాడు.కాగా గతేడాది సీజన్‌లో కోహ్లి స్ట్రైక్ రేట్‌పై భారత మాజీ కెప్టెన్ సునీల్ గవాస్కర్ విమ‌ర్శ‌లు చేశార‌. సింగిల్స్ తీస్తూ కోహ్లి చాలా నిదానమైన ఇన్నింగ్స్ ఆడాడని, ఆర్సీబీ ఇలాంటి ప్రదర్శను ఆశించట్లేదని గ‌వాస్క‌ర్ మండిప‌డ్డారు. అదేవిధంగా ఆర్సీబీ జట్టులో బిగ్ హిట్ట‌ర్లు ఉన్న‌ప్ప‌టికి కోహ్లి ఎట‌వంటి రిస్క్ తీసుకోకుండా స్లోగా ఆడాడ‌ని ఆయ‌న అన్నారు. ఆ త‌ర్వాత గ‌వాస్క‌ర్‌కు కోహ్లి కౌంట‌రిచ్చాడు. "చాలా మంది వ్యక్తులు నా స్ట్రైక్‌రేటు గురించి, స్పిన్‌లో సరిగా ఆడట్లేదని మాట్లాడుతున్నారు. జ‌ట్టుకు విజ‌యం అందించ‌డ‌మే నా ల‌క్ష్యం. మీరు పరిస్థితులను ఎదుర్కోకుండా కామెంటరీ బాక్స్‌లో కూర్చొని మాట్లాడటం సరికాదు" అని కోహ్లి పేర్కొన్నాడు.ఆ త‌ర్వాత గ‌వాస్క‌ర్ కూడా కోహ్లి వ్యాఖ్య‌ల‌కు బ‌దులిచ్చారు. కోహ్లి స్ట్రైక్ రేట్‌పైన మాత్ర‌మే కామెంటేట‌ర్‌లు మాట్లాడారు. అంతే త‌ప్ప ఆటగాళ్లను వ్య‌క్తిగ‌తంగా టార్గెట్ చేయాల‌నే ఆలోచ‌న ఏ వ్యాఖ్య‌త‌కు లేదు. ఓపెనర్‌గా వచ్చి.. 14-15 ఓవర్ వరుకు క్రీజులో ఉండి, 118 స్ట్రైక్‌రేటుతో బ్యాటింగ్ చేస్తే పొగడ్తలు ఉండవు అని గ‌వాస్క‌ర్ రిప్లే ఇచ్చాడు. ఇప్పుడు మ‌రోసారి కోహ్లి వ్యాఖ్య‌లు చూస్తే గ‌వాస్క‌ర్‌కే కౌంటిరిచ్చిన‌ట్లు అన్పిస్తోంది.

ఐపీఎల్‌-2025లో రాయల్ ఛాలెంజ‌ర్స్ బెంగ‌ళూరు మ‌రో అద్బుత విజ‌యాన్ని అందుకుంది. ఈ మెగా టోర్నీలో బాగంగా అరుణ్ జైట్లీ స్టేడియం వేదికగా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 6 వికెట్ల తేడాతో ఆర్సీబీ గెలుపొందింది. 163 ప‌రుగుల ల‌క్ష్యాన్ని ఆర్సీబీ కేవ‌లం నాలుగు వికెట్లు మాత్ర‌మే కోల్పోయి 18.3 ఓవ‌ర్ల‌లో చేధించింది.26 ప‌రుగుల‌కే మూడు వికెట్లు కోల్పోయిన ఆర్సీబీని కృనాల్ పాండ్యా, విరాట్ కోహ్లి తమ అద్బుత ఇన్నింగ్స్‌లతో విజయతీరాలకు చేర్చారు. కృనాల్ 46 బంతుల్లో 5 ఫోర్లు, 4 సిక్స్‌లతో 73 పరుగులు చేయగా.. విరాట్ 46 బంతుల్లో 4 ఫోర్ల సాయంతో 51 పరుగులు చేశాడు.ఆఖ‌రిలో టిమ్ డేవిడ్(5 బంతుల్లో 19) మెరుపులు మెరిపించాడు. ఈ విజ‌యంతో చిన్న‌స్వామి స్టేడియంలో ఢిల్లీ చేతిలో ఎదురైన ప‌రాభావానికి ఆర్సీబీ బ‌దులు తీర్చుకుంది. ఢిల్లీ బౌల‌ర్ల‌లో అక్ష‌ర్ ప‌టేల్ రెండు వికెట్లు ప‌డ‌గొట్ట‌గా.. చ‌మీరా ఓ వికెట్ సాధించాడు. మ‌రో వికెట్ ర‌నౌట్ రూపంలో ల‌భించింది.ఇక ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఢిల్లీ 8 వికెట్ల న‌ష్టానికి 162 ప‌రుగులు చేసింది. ఢిల్లీ బ్యాట‌ర్ల‌లో కేఎల్ రాహుల్‌(41) టాప్ స్కోర‌ర్‌గా నిల‌వ‌గా.. స్ట‌బ్స్(34),ఫాఫ్ డుప్లెసిస్‌(22), అభిషేక్ పోరెల్‌(28) కీల‌క ఇన్నింగ్స్‌లు ఆడారు. ఆర్సీబీ బౌల‌ర్ల‌లో భువ‌నేశ్వ‌ర్ కుమార్ మూడు వికెట్లు ప‌డ‌గొట్ట‌గా.. హాజిల్‌వుడ్ రెండు, ద‌యాల్‌, పాండ్యా తలా వికెట్ సాధించారు. ఈ విజ‌యంతో ఆర్సీబీ పాయింట్ల ప‌ట్టిక‌లో అగ్ర‌స్దానికి చేరుకుంది.

IPL 2025 RCB vs DC Live Updates: ఢిల్లీని చిత్తు చేసిన ఆర్సీబీ..ఐపీఎల్‌-2025లో రాయల్ ఛాలెంజ‌ర్స్ బెంగ‌ళూరు మ‌రో అద్బుత విజ‌యాన్ని అందుకుంది. ఈ మెగా టోర్నీలో బాగంగా అరుణ్ జైట్లీ స్టేడియం వేదికగా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 6 వికెట్ల తేడాతో ఆర్సీబీ గెలుపొందింది. 163 ప‌రుగుల ల‌క్ష్యాన్ని ఆర్సీబీ కేవ‌లం నాలుగు వికెట్లు మాత్ర‌మే కోల్పోయి 18.3 ఓవ‌ర్ల‌లో చేధించింది.26 ప‌రుగుల‌కే మూడు వికెట్లు కోల్పోయిన ఆర్సీబీని కృనాల్ పాండ్యా, విరాట్ కోహ్లి తమ అద్బుత ఇన్నింగ్స్‌లతో విజయతీరాలకు చేర్చారు. కృనాల్ 46 బంతుల్లో 5 ఫోర్లు, 4 సిక్స్‌లతో 73 పరుగులు చేయగా.. విరాట్ 46 బంతుల్లో 4 ఫోర్ల సాయంతో 51 పరుగులు చేశాడు.ఆఖ‌రిలో టిమ్ డేవిడ్(5 బంతుల్లో 19) మెరుపులు మెరిపించాడు. విరాట్ కోహ్లి ఔట్‌..విరాట్ కోహ్లి(51) రూపంలో ఆర్సీబీ నాలుగో వికెట్ కోల్పోయింది. చమీరా బౌలింగ్‌లో కోహ్లి ఔటయ్యాడు. ఆర్సీబీ విజయానికి 12 బంతుల్లో 17 పరుగులు కావాలి.విజయం దిశగా ఆర్సీబీ..16 ఓవ‌ర్లు ముగిసే స‌రికి ఆర్సీబీ మూడు వికెట్ల న‌ష్టానికి 125 ప‌రుగులు చేసింది. ఆర్సీబీ విజ‌యానికి 24 బంతుల్లో 38 ప‌రుగులు కావాలి. క్రీజులో కోహ్లి(49), కృనాల్ పాండ్యా(56) ఉన్నారు.తిరిగి పుంజుకున్న ఆర్సీబీ..ఆరంభంలోనే మూడు వికెట్లు కోల్పోయిన ఆర్సీబీ తిరిగి పుంజుకుంది. విరాట్ కోహ్లి(28), కృనాల్ పాండ్యా(17) ఆర్సీబీ ఇన్నింగ్స్‌ను చక్కదిద్దారు. 11 ఓవర్లు ముగిసే సరికి ఆర్సీబీ మూడు వికెట్ల నష్టానికి 73 పరుగులు చేసింది.అక్ష‌ర్ ఆన్ ఫైర్‌.. ఒకే ఓవ‌ర్‌లో రెండు వికెట్లు163 ప‌రుగుల ల‌క్ష్యంతో బ‌రిలోకి దిగిన ఆర్సీబీ రెండు వికెట్లు కోల్పోయింది. ఆర్సీబీ ఇన్నింగ్స్ మూడో ఓవ‌ర్ వేసిన అక్ష‌ర్ ప‌టేల్ బౌలింగ్‌లో జాక‌బ్ బెత‌ల్‌(12), ప‌డిక్క‌ల్(0) ఔట‌య్యాడు. 3 ఓవ‌ర్లు ముగిసే స‌రికి ఆర్సీబీ రెండు వికెట్ల న‌ష్టానికి 26 ప‌రుగులు చేసింది. క్రీజులో విరాట్ కోహ్లి(8), పాటిదార్‌(1) ఉన్నారు.రాణించిన ఢిల్లీ బ్యాట‌ర్లు.. ఆర్సీబీ టార్గెట్ ఎంతంటే?అరుణ్ జైట్లీ స్టేడియం వేదిక‌గా ఆర్సీబీతో జ‌రుగుతున్న‌మ్యాచ్‌లో ఢిల్లీ క్యాపిట‌ల్స్ బ్యాట‌ర్లు కాస్త త‌డ‌బ‌డ్డారు. టాస్ ఓడి తొలుత బ్యాటింగ్‌కు దిగిన ఢిల్లీ 8 వికెట్ల న‌ష్టానికి 162 ప‌రుగులు చేసింది. ఢిల్లీ బ్యాట‌ర్ల‌లో కేఎల్ రాహుల్‌(41) టాప్ స్కోర‌ర్‌గా నిల‌వ‌గా.. స్ట‌బ్స్(34),ఫాఫ్ డుప్లెసిస్‌(22), అభిషేక్ పోరెల్‌(28) కీల‌క ఇన్నింగ్స్‌లు ఆడారు. ఆర్సీబీ బౌల‌ర్ల‌లో భువ‌నేశ్వ‌ర్ కుమార్ మూడు వికెట్లు ప‌డ‌గొట్ట‌గా.. హాజిల్‌వుడ్ రెండు, ద‌యాల్‌, పాండ్యా తలా వికెట్ సాధించారు.ఢిల్లీ నాలుగో వికెట్ డౌన్‌..ఢిల్లీ క్యాపిట‌ల్స్ నాలుగో వికెట్ కోల్పోయింది. 15 ప‌రుగులు చేసిన అక్ష‌ర్ ప‌టేల్‌.. జోష్ హాజిల్‌వుడ్ బౌలింగ్‌లో క్లీన్ బౌల్డ‌య్యాడు. 15 ఓవ‌ర్లు ముగిసే స‌రికి ఢిల్లీ 4 వికెట్ల న‌ష్టానికి 108 ప‌రుగులు చేసింది. క్రీజులో కేఎల్ రాహుల్‌(34), స్ట‌బ్స్‌(3) ఉన్నారు.ఢిల్లీ మూడో వికెట్ డౌన్‌..ఫాఫ్ డుప్లెసిస్ రూపంలో ఢిల్లీ మూడో వికెట్ కోల్పోయింది. 22 ప‌రుగులు చేసిన డుప్లెసిస్‌.. కృనాల్ పాండ్యా బౌలింగ్‌లో ఔటయ్యాడు. 13 ఓవర్లు ముగిసే సరికి ఢిల్లీ మూడు వికెట్ల నష్టానికి 97 పరుగులు చేసింది. క్రీజులో కేఎల్ రాహుల్‌(26), అక్షర్ పటేల్‌(15) ఉన్నారు.9 ఓవ‌ర్ల‌కు ఢిల్లీ స్కోర్‌: 69/29 ఓవ‌ర్లు ముగిసే స‌రికి ఢిల్లీ క్యాపిటల్స్ రెండు వికెట్ల న‌ష్టానికి 69 ప‌రుగులు చేసింది. క్రీజులో డుప్లెసిస్‌(21), కేఎల్ రాహుల్‌(14) ఉన్నారు.ఢిల్లీ రెండో వికెట్ డౌన్‌..45 ప‌రుగుల వ‌ద్ద ఢిల్లీ క్యాపిట‌ల్స్ రెండో వికెట్ కోల్పోయింది. 4 ప‌రుగులు చేసిన క‌రుణ్ నాయ‌ర్‌.. య‌శ్‌ద‌యాల్ బౌలింగ్‌లో పెవిలియ‌న్‌కు చేరాడు.ఢిల్లీ తొలి వికెట్ డౌన్‌..అభిషేక్ పోరెల్ రూపంలో ఢిల్లీ క్యాపిట‌ల్స్ తొలి వికెట్ కోల్పోయింది. 28 ప‌రుగులు చేసిన పోరెల్‌.. జోష్ హాజిల్‌వుడ్ బౌలింగ్‌లో పెవిలియ‌న్‌కు చేరాడు. 4 ఓవ‌ర్లు ముగిసే స‌రికి ఢిల్లీ క్యాపిట‌ల్స్ వికెట్ న‌ష్టానికి 45 ప‌రుగులు చేసింది. దూకుడుగా ఆడుతున్న ఢిల్లీ..టాస్ ఓడి బ్యాటింగ్‌కు దిగిన ఢిల్లీ క్యాపిట‌ల్స్ దూకుడుగా ఆడుతోంది. మూడు ఓవ‌ర్లు ముగిసే స‌రికి ఢిల్లీ వికెట్ న‌ష్ట‌పోకుండా 32 ప‌రుగులు చేసింది. క్రీజులో అభిషేక్ పోరెల్‌(28), ఫాఫ్ డుప్లెసిస్‌(4) ఉన్నారు.ఐపీఎల్‌-2025లో కీల‌క పోరుకు రంగం సిద్ద‌మైంది. అరుణ్ జైట్లీ స్టేడియం వేదిక‌గా ఢిల్లీ క్యాపిట‌ల్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌కు ఆర్సీబీ స్టార్ ప్లేయ‌ర్ ఫిల్ సాల్ట్ గాయం కార‌ణంగా దూర‌మ‌య్యాడు. అత‌డి స్ధానంలో జాకబ్ బెత‌ల్ జ‌ట్టులోకి వ‌చ్చాడు. మ‌రోవైపు ఢిల్లీ క్యాపిట‌ల్స్‌లోకి ఫాఫ్ డుప్లెసిస్ తిరిగొచ్చాడు.తుది జ‌ట్లుఢిల్లీ క్యాపిటల్స్ (ప్లేయింగ్ XI): ఫాఫ్ డు ప్లెసిస్, అభిషేక్ పోరెల్, కరుణ్ నాయర్, కేఎల్‌ రాహుల్(వికెట్ కీప‌ర్‌), అక్షర్ పటేల్(కెప్టెన్‌), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, దుష్మంత చమీరా, కుల్దీప్ యాదవ్, ముఖేష్ కుమార్రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, జాకబ్ బెథెల్, రజత్ పాటిదార్(కెప్టెన్), జితేష్ శర్మ(వికెట్ కీప‌ర్‌), టిమ్ డేవిడ్, కృనాల్ పాండ్యా, రొమారియో షెపర్డ్, భువనేశ్వర్ కుమార్, సుయాష్ శర్మ, జోష్ హేజిల్‌వుడ్, యశ్ దయాల్

ఐపీఎల్‌-2025లో ఢిల్లీ క్యాపిట‌ల్స్ (DC) ఆదివారం అరుణ్ జైట్లీ స్టేడియం వేదిక‌గా రాయల్ ఛాలెంజర్స్ బెంగళూరు (RCB)తో త‌ల‌ప‌డ‌నుంది. ఈ మ్యాచ్‌లో గెలిచి పాయింట్ల ప‌ట్టిక‌లో అగ్ర‌స్దానానికి దూసుకు వెళ్లాల‌ని ఢిల్లీ భావిస్తోంది. ఈ కీల‌క మ్యాచ్‌కు ముందు ఢిల్లీ క్యాపిట‌ల్స్ గుడ్ న్యూస్ అందింది. ఆ జ‌ట్టు స్టార్ ఓపెన‌ర్, ద‌క్షిణాఫ్రికా మాజీ కెప్టెన్ ఫాఫ్‌ డుప్లెసిస్ పూర్తి ఫిట్‌నెస్ సాధించాడు. ఫాఫ్ గాయం కార‌ణంగా వ‌రుస‌గా నాలుగు మ్యాచ్‌ల‌కు దూర‌మ‌య్యాడు. ఇప్పుడు ఫుల్ ఫిట్‌నెస్ సాధించ‌డంతో ఆర్సీబీతో మ్యాచ్‌లో డుప్లెసిస్ ఆడ‌నున్నాడు.ఈ విష‌యాన్ని ఢిల్లీ క్యాపిట‌ల్స్ యువ ఓపెన‌ర్ జాక్ ఫ్రెజ‌ర్ మెక్‌గ‌ర్క్ ధ్రువీక‌రించాడు. ఆర్సీబీతో మ్యాచ్‌కు ఫాఫ్ డుప్లెసిస్ అందుబాటులో ఉండ‌నున్నాడు. నెట్స్‌లో కూడా ప్రాక్టీస్ చేస్తున్నాడ‌ని మెక్‌గ‌ర్క్ ప్రీ-మ్యాచ్ ప్రెస్ కాన్ఫరెన్స్‌లో పేర్కొన్నాడు. శ‌నివారం అరుణ్ జైట్లీ స్టేడియం నెట్స్‌లో డుప్లెసిస్ తీవ్రంగా శ్ర‌మించాడు. దీంతో అత‌డు తిరిగి రావ‌డం దాదాపు ఖాయ‌మైంది. డుప్లెసిస్ తిరిగి వస్తే కరుణ్ నాయర్‌పై వేటు పడే అవకాశముంది.ఢిల్లీ క్యాపిటల్స్ ప్లేయింగ్ ఎలెవ‌న్‌(అంచ‌నా): అభిషేక్ పోరెల్, ఫాఫ్ డు ప్లెసిస్, కరుణ్ నాయర్, కేఎల్ రాహుల్ (వికెట్ కీప‌ర్‌), అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, విప్రజ్ నిగమ్, మిచెల్ స్టార్క్, కుల్దీప్ యాదవ్, దుష్మంత చమీర, ముఖేష్ కుమార్

ఐపీఎల్‌-2025లో టీమిండియా స్టార్‌, రాయ‌ల్ ఛాలెంజ‌ర్స్ బెంగ‌ళూరు ఓపెన‌ర్ విరాట్ కోహ్లి త‌న సూప‌ర్ ఫామ్‌ను కొన‌సాగిస్తున్నాడు. ఈ మెగా టోర్నీలో భాగంగా చిన్న‌స్వామి స్టేడియం వేదిక‌గా రాజ‌స్తాన్ రాయ‌ల్స్‌తో మ్యాచ్‌లో కింగ్ కోహ్లి హాఫ్ సెంచ‌రీతో చెల‌రేగాడు. రాజ‌స్తాన్ బౌల‌ర్ల‌ను విరాట్‌ ఊతికారేశాడు. ఫిల్ సాల్ట్‌, ప‌డిక్క‌ల్‌తో క‌లిసి కీల‌క భాగ‌స్వామ్యాల‌ను నెలకొల్పాడు. విరాట్‌ 42 బంతుల్లో 8 ఫోర్లు, 2 సిక్సర్లతో 70 పరుగులు చేసి ఔటయ్యాడు. ఇక ఈ మ్యాచ్‌లో హాఫ్ సెంచ‌రీల‌తో చెల‌రేగిన విరాట్ కోహ్లి ప‌లు అరుదైన రికార్డుల‌ను త‌న పేరిట లిఖించుకున్నాడు.కోహ్లి సాధించిన రికార్డులు ఇవే..👉టీ20 క్రికెట్‌లో ఒకే వేదిక‌పై 3500 పరుగులు చేసిన తొలి ఆట‌గాడిగా విరాట్ చ‌రిత్ర సృష్టించాడు. బెంగళూరులోని ఎం చిన్నస్వామి స్టేడియంలో 105 టీ20 ఇన్నింగ్స్‌లలో కోహ్లి 3500 పరుగులు చేశాడు.టీ20ల్లో ఒకే స్టేడియంలో అత్యధిక పరుగులు చేసిన ఆటగాళ్లు వీరే..3500 - బెంగళూరులోని ఎం చిన్నస్వామి స్టేడియంలో విరాట్ కోహ్లీ(భారత్‌)3373 - షేర్-ఎ-బంగ్లా స్టేడియం, మీర్పూర్‌లో ముష్ఫికర్ రహీమ్(బంగ్లాదేశ్‌)3253 - రోజ్ బౌల్, సౌతాంప్టన్‌లో జేమ్స్ విన్స్ (ఇంగ్లండ్‌)3241 - ట్రెంట్ బ్రిడ్జ్, నాటింగ్‌హామ్‌లో అలెక్స్ హేల్స్ (ఇంగ్లండ్‌)3238 - షేర్-ఎ-బంగ్లా స్టేడియం, మీర్పూర్‌లో తమీమ్ ఇక్బాల్ (బంగ్లాదేశ్‌)👉అదేవిధంగా టీ20 క్రికెట్‌లో మొదట బ్యాటింగ్ చేసిన సందర్బాల్లో అత్యధిక ఫిప్టీ ప్లస్ స్కోర్లు సాధించిన ప్లేయర్‌గా విరాట్ రి​కార్డులకెక్కాడు. ఇప్పటివరకు కోహ్లి తొలుత బ్యాటింగ్ చేసినప్పుడు 62 సార్లు ఏభై పైగా పరుగులు సాధించాడు. ఇంతకుముందు ఈ రికార్డు పాకిస్తాన్ స్టార్‌​ బాబర్‌(61) పేరిట ఉండేది. తాజా మ్యాచ్‌తో బాబర్ రికార్డును కింగ్ బ్రేక్ చేశాడు.👉ఈ ఏడాది సీజ‌న్‌లో ఇప్ప‌టివ‌ర‌కు 9 మ్యాచ్‌లు ఆడిన కోహ్లి.. 392 ప‌రుగుల‌తో ఆరెంజ్ క్యాప్ రేసులో రెండో స్ధానంలో కొన‌సాగుతున్నాడు.టీ20ల్లో తొలుత బ్యాటింగ్ చేసినప్పుడు అత్యధిక ఫిప్టీ ప్లస్ స్కోర్లు చేసిన ఆటగాళ్లు వీరే..62 - విరాట్ కోహ్లీ*61 - బాబర్ అజామ్57 - క్రిస్ గేల్55 - డేవిడ్ వార్నర్52 - జోస్ బట్లర్52 - ఫాఫ్ డు ప్లెసిస్

RCB vs RR Live Updates:రాజస్తాన్‌పై ఆర్సీబీ విజయం..చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన మ్యాచ్‌లో 11 ప‌రుగుల తేడాతో రాజ‌స్తాన్ రాయ‌ల్స్‌ ఓట‌మి పాలైంది. ఓ ద‌శలో సున‌యాసంగా గెలిచేలా క‌న్పించిన రాజ‌స్తాన్.. ఆఖ‌రిలో వ‌రుస క్ర‌మంలో వికెట్లు కోల్పోవ‌డంతో ప‌రాజ‌యం చ‌విచూడాల్సి వ‌చ్చింది. 207 ప‌రుగుల భారీ ల‌క్ష్యంతో బ‌రిలోకి దిగిన రాజ‌స్తాన్ నిర్ణీత 20 ఓవ‌ర్ల‌లో 9 వికెట్లు కోల్పోయి 194 ప‌రుగులు చేయ‌గ‌ల్గింది.రాయ‌ల్స్ బ్యాట‌ర్ల‌లో య‌శ‌స్వి జైశ్వాల్‌(19 బంతుల్లో 7 ఫోర్లు, 3 సిక్స్‌ల‌తో 49), ధ్రువ్ జురెల్‌(34 బంతుల్లో 3 ఫోర్లు, 3 సిక్స‌ర్ల‌తో 47) అద్భుత ఇన్నింగ్స్‌లు ఆడిన‌ప్ప‌టికి జ‌ట్టును గెలిపించ‌లేక‌పోయారు. బెంగ‌ళూరు బౌల‌ర్ల‌లో జోష్ హాజిల్‌వుడ్ నాలుగు వికెట్లు ప‌డ‌గొట్ట‌గా.. కృనాల్ పాండ్యా రెండు, భువనేశ్వర్‌, యశ్ దయాల్ తలా వికెట్ సాధించారు.అంత‌క‌ముందు టాస్ ఓడి తొలుత బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 5 వికెట్ల న‌ష్టానికి 205 ప‌రుగులు చేసింది. ఆర్సీబీ బ్యాట‌ర్ల‌లో విరాట్ కోహ్లి(70), ప‌డిక్క‌ల్(50) హాఫ్ సెంచ‌రీల‌తో మెర‌వ‌గా.. డేవిడ్‌(23),జితేష్ శ‌ర్మ‌(20) కీల‌క ఇన్నింగ్స్‌లు ఆడారు. రాజ‌స్తాన్ బౌల‌ర్ల‌లో సందీప్ శ‌ర్మ రెండు వికెట్లు ప‌డ‌గొట్ట‌గా.. హ‌స‌రంగ, ఆర్చ‌ర్ త‌లా వికెట్ సాధించారు.16 ఓవ‌ర్ల‌కు రాజ‌స్తాన్ స్కోర్‌: 160/416 ఓవ‌ర్లు ముగిసే స‌రికి రాజ‌స్తాన్ రాయ‌ల్స్ 4 వికెట్ల న‌ష్టానికి 160 ప‌రుగులు చేసింది. క్రీజులో షిమ్రాన్ హెట్‌మైర్‌(11), ధ్రువ్ జురెల్‌(31) ఉన్నారు.రాజ‌స్తాన్ రెండో వికెట్ డౌన్‌.. దూకుడుగా ఆడుతున్న య‌శ‌స్వి జైశ్వాల్ రూపంలో రాజ‌స్తాన్ రెండో వికెట్ కోల్పోయింది. 49 ప‌రుగులు చేసిన జైశ్వాల్‌.. జోష్ హాజిల్ వుడ్ బౌలింగ్‌లో ఔట‌య్యాడు. 6 ఓవ‌ర్లు ముగిసే స‌రికి రాజ‌స్తాన్ రెండు వికెట్ల న‌ష్టానికి 72 ప‌రుగులు చేసింది.రాజ‌స్తాన్ తొలి వికెట్ డౌన్‌..వైభవ్ సూర్య‌వంశీ రూపంలో రాజ‌స్తాన్ తొలి వికెట్ కోల్పోయింది. 16 ప‌రుగులు చేసిన సూర్య‌వంశీ.. భువ‌నేశ్వ‌ర్ కుమార్ బౌలింగ్‌లో ఔట‌య్యాడు.5 ఓవ‌ర్లు ముగిసే స‌రికి రాజ‌స్తాన్ వికెట్ న‌ష్టానికి 58 ప‌రుగులు చేసింది. క్రీజులో జైశ్వాల్‌(35), రాణా(6) ఉన్నారు.దూకుడుగా ఆడుతున్న రాజ‌స్తాన్‌..206 ప‌రుగుల భారీ ల‌క్ష్యంతో బ‌రిలోకి దిగిన రాజ‌స్తాన్ రాయ‌ల్స్ వికెట్ న‌ష్ట‌పోకుండా 46 ప‌రుగులు చేసింది. క్రీజులో య‌శ‌స్వి జైశ్వాల్‌(35),సూర్య‌వంశీ(10) ఉన్నారు.చెలరేగిన విరాట్‌, ప‌డిక్క‌ల్.. రాజ‌స్తాన్ ముందు భారీ టార్గెట్‌చిన్న‌స్వామి స్టేడియం వేదిక‌గా రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు బ్యాట‌ర్లు చెల‌రేగారు. టాస్ ఓడి తొలుత బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 5 వికెట్ల న‌ష్టానికి 205 ప‌రుగులు చేసింది. ఆర్సీబీ బ్యాట‌ర్ల‌లో విరాట్ కోహ్లి(70), ప‌డిక్క‌ల్(50) హాఫ్ సెంచ‌రీల‌తో మెర‌వ‌గా.. డేవిడ్‌(23),జితేష్ శ‌ర్మ‌(20) కీల‌క ఇన్నింగ్స్‌లు ఆడారు. రాజ‌స్తాన్ బౌల‌ర్ల‌లో సందీప్ శ‌ర్మ రెండు వికెట్లు ప‌డ‌గొట్ట‌గా.. హ‌స‌రంగ, ఆర్చ‌ర్ త‌లా వికెట్ సాధించారు.ఒకే ఓవ‌ర్‌లో రెండు వికెట్లు..17వ ఓవ‌ర్ వేసిన సందీప్ శ‌ర్మ బౌలింగ్‌లో ఆర్సీబీ వ‌రుస క్ర‌మంలో రెండు వికెట్లు కోల్పోయింది. దేవ్‌ద‌త్త్ ప‌డిక్క‌ల్‌(50), పాటిదార్‌(1) ఔట‌య్యారు. 18 ఓవ‌ర్ల‌కు ఆర్సీబీ నాలుగు వికెట్ల న‌ష్టానికి 181 ప‌రుగులు చేసింది. క్రీజులో జితేష్ శ‌ర్మ‌(9), టిమ్ డేవిడ్‌(14) ఉన్నారు.ఆర్సీబీ రెండో వికెట్ డౌన్‌.. కోహ్లి ఔట్‌విరాట్ కోహ్లి రూపంలో ఆర్సీబీ రెండో వికెట్ కోల్పోయింది. 70 ప‌రుగులు చేసిన కోహ్లి.. జోఫ్రా అర్చ‌ర్ బౌలింగ్‌లో పెవిలియ‌న్‌కు చేరాడు. 15.1 ఓవ‌ర్ల‌కు ఆర్సీబీ రెండు వికెట్ల న‌ష్టానికి 156 ప‌రుగులు చేసింది. క్రీజులో ప‌డిక్క‌ల్‌(50), టిమ్ డేవిడ్‌(0) ఉన్నారు.విరాట్ కోహ్లి హాఫ్ సెంచ‌రీ..రాజ‌స్తాన్‌తో జ‌రుగుతున్న మ్యాచ్‌లో విరాట్ కోహ్లి హాఫ్ సెంచ‌రీతో మెరిశాడు. కోహ్లి 56 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. 13 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 119 ప‌రుగులు చేసింది. క్రీజులో కోహ్లితో పాటు ప‌డిక్క‌ల్‌(29) ఉన్నాడు.ఆర్సీబీ తొలి వికెట్ డౌన్‌..61 ప‌రుగుల వ‌ద్ద ఆర్సీబీ తొలి వికెట్ కోల్పోయింది. 26 ప‌రుగులు చేసిన ఫిల్ సాల్ట్‌.. హ‌స‌రంగా బౌలింగ్‌లో ఔట‌య్యాడు. 7 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 62 ప‌రుగులు చేసింది. క్రీజులో విరాట్ కోహ్లి(28), ప‌డిక్క‌ల్(1) ఉన్నారు.2 ఓవ‌ర్లకు ఆర్సీబీ స్కోర్‌: 18/02 ఓవ‌ర్లు ముగిసే స‌రికి ఆర్సీబీ వికెట్ న‌ష్ట‌పోకుండా 18 ప‌రుగులు చేసింది. క్రీజులో విరాట్ కోహ్లి(5), సాల్ట్‌(6) ఉన్నారు.ఐపీఎల్‌-2025లో చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, రాజ‌స్తాన్ రాయ‌ల్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన రాజ‌స్తాన్ తొలుత బౌలింగ్ ఎంచుకుంది. ఈ మ్యాచ్‌కు కూడా రాజ‌స్తాన్ కెప్టెన్ సంజూ శాంస‌న్ దూర‌మ‌య్యాడు. అత‌డి స్ధానంలో ప‌రాగ్ కెప్టెన్‌గా వ్య‌వ‌హ‌రిస్తున్నాడు. ఈ మ్యాచ్‌లో రాజ‌స్తాన్ ఓ మార్పుతో బ‌రిలోకి దిగ‌గా.. ఆర్సీబీ ఎటువంటి మార్పులు చేయ‌లేదు.తుది జ‌ట్లుఆర్సీబీ ఫిలిప్ సాల్ట్, విరాట్ కోహ్లి, దేవదత్ పడిక్కల్, రజత్ పాటిదార్ (కెప్టెన్‌), జితేష్ శర్మ (వికెట్ కీప‌ర్‌), టిమ్ డేవిడ్, కృనాల్ పాండ్యా, రొమారియో షెపర్డ్, భువనేశ్వర్ కుమార్, జోష్ హేజిల్‌వుడ్, యశ్ దయాల్రాజ‌స్తాన్ యశస్వి జైస్వాల్, శుభమ్ దూబే, నితీష్ రాణా, రియాన్ పరాగ్ (కెప్టెన్‌), ధ్రువ్ జురెల్ (వికెట్ కీప‌ర్‌), షిమ్రాన్ హెట్మెయర్, వనిందు హసరంగా, జోఫ్రా ఆర్చర్, ఫజల్‌హాక్ ఫరూకీ, సందీప్ శర్మ, తుషార్ దేశ్‌పాండే

భారత స్టార్‌ ఆటగాళ్లు విరాట్‌ కోహ్లి, రోహిత్‌ శర్మ విజృంభించారు. భారీ షాట్లతో అలరిస్తూ ఆదివారం అభిమానులకు డబుల్‌ ధమాకా అందించారు. పంజాబ్‌ కింగ్స్‌తో పోరులో కోహ్లి క్లాసిక్‌ ఇన్నింగ్స్‌తో కదంతొక్కగా... చెన్నైతో మ్యాచ్‌లో రోహిత్‌ శర్మ ఊర మాస్‌ షాట్లతో చెలరేగిపోయాడు. ఫలితంగా పంజాబ్‌పై బెంగళూరు బదులు తీర్చుకోగా... చెన్నైపై ముంబై ఇండియన్స్‌ భారీ విజయం నమోదు చేసుకుంది. ఈ సీజన్‌లో ఇప్పటి వరకు ఓ మాదిరి ప్రదర్శనతో సరిపెట్టుకున్న రోహిత్‌... తనను ‘హిట్‌మ్యాన్‌’ ఎందుకు అంటారో వాంఖడేలో నిరూపించాడు. విరాట్‌ దూకుడుతో బెంగళూరు పాయింట్ల పట్టికలో మూడో స్థానానికి దూసుకెళ్లగా... రోహిత్‌ మెరుపులతో ముంబై నాలుగో విజయం ఖాతాలో వేసుకుంది. ఓపెనర్లుగా తొలి ఓవర్‌లోనే క్రీజులో అడుగుపెట్టిన ఈ ఇద్దరూ చివరి వరకు అజేయంగా నిలిచి తమ జట్లను గెలిపించడం కొసమెరుపు.ముంబై: సిక్స్‌... ఫోర్‌... ముంబై ఇన్నింగ్స్‌ మొత్తం ఇదే తీరు! బంతి పడటమే ఆలస్యం బౌండరీ వెళ్లెందుకు ఓసారి, సిక్స్‌ అయ్యేందుకు మరోసారి బంతి అదేపనిగా ముచ్చట పడిందనిపించింది. ‘హిట్‌మ్యాన్‌’ రోహిత్‌ శర్మ, టి20 స్పెషలిస్ట్‌ సూర్యకుమార్‌ల ఆట మ్యాచ్‌లో హైలైట్స్‌ను చూపించలేదు. హైలైట్సే మ్యాచ్‌గా మార్చేసింది. దీంతో ముంబై 177 పరుగుల లక్ష్యాన్ని 15.4 ఓవర్లలోనే ఛేదించింది. చెన్నైపై 9 వికెట్ల తేడాతో జయభేరి మోగించింది.ముందుగా చెన్నై సూపర్‌కింగ్స్‌ నిర్ణీత 20 ఓవర్లలో 5 వికెట్లు కోల్పోయి 176 పరుగులు చేసింది. జడేజా (35 బంతుల్లో 53 నాటౌట్‌; 4 ఫోర్లు, 2 సిక్స్‌లు), శివమ్‌ దూబే (32 బంతుల్లో 50; 2 ఫోర్లు, 4 సిక్స్‌లు) రాణించారు. అనంతరం ముంబై 15.4 ఓవర్లలో 1 వికెట్‌ మాత్రమే కోల్పోయి 177 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ రోహిత్‌ (45 బంతుల్లో 76 నాటౌట్‌; 4 ఫోర్లు, 6 సిక్స్‌లు), సూర్య (30 బంతుల్లో 68 నాటౌట్‌; 6 ఫోర్లు, 5 సిక్స్‌లు) హోరెత్తించారు. దంచేసిన జడేజా, దూబే ఆంధ్ర కుర్రాడు షేక్‌ రషీద్‌ (20 బంతుల్లో 19; 1 ఫోర్‌)కు ఓపెనింగ్‌లో అవకాశమిస్తున్న ధోనిని నిరుత్సాహపరిచాడు. పవర్‌ప్లేలో 20 బంతులాడి కూడా ఒకే ఒక్క బౌండరీ బాదాడు. రచిన్‌ రవీంద్ర (5) విఫలమవగా, 17 ఏళ్ల ‘లోకల్‌ బాయ్‌’ ఆయుశ్‌ మాత్రే (15 బంతుల్లో 32; 4 ఫోర్లు, 2 సిక్స్‌లు) ఉన్నది కాసేపే అయినా ఫోర్లు, సిక్స్‌లతో అలరించాడు. తర్వాత వచ్చిన జడేజా, దూబే భారీషాట్లు బాదడంతో చెన్నై పుంజుకుంది. ఇద్దరు నాలుగో వికెట్‌కు 79 పరుగులు జోడించారు. సిక్స్‌లు బాదిన దూబే 30 బంతుల్లో, జడేజా 34 బంతుల్లో అర్ధసెంచరీలు పూర్తి చేసుకున్నారు. ధోని (4)ని బుమ్రా ఎంతో సేపు నిలువనీయలేదు. బాదుడే... బాదుడు రోహిత్‌ శర్మకు జతగా ఓపెనింగ్‌ చేసిన రికెల్టన్‌ తొలి ఓవర్లోనే బౌండరీలతో తమ ఉద్దేశం చాటగా, రెండో ఓవర్‌ నుంచి రోహిత్‌ విరుచుకుపడటంతో చెన్నై బౌలర్లకు కష్టాలు తప్పలేదు. మూడో ఓవర్లో సిక్స్, రెండు ఫోర్లు బాదాడు. జేమీ ఓవర్టన్‌ ఓవర్‌న్నర (9 బంతులు) వేసిన ఐదో ఓవర్లో రికెల్టన్, రోహిత్‌ చెరో సిక్స్‌ కొట్టడంతో 18 పరుగులు వచ్చాయి. దీంతో పవర్‌ప్లేలో 62 పరుగులు చేసిన ముంబై తర్వాతి ఓవర్లోనే రికెల్టన్‌ (19 బంతుల్లో 24; 3 ఫోర్లు, 1 సిక్స్‌) వికెట్‌ను కోల్పోయింది. సూర్యకుమార్‌ రావడం... రోహిత్‌తో కలిసి ధనాధన్‌ షోను డబుల్‌ చేసింది. ఇద్దరు బౌండరీలు, సిక్సర్లు కొట్టేందుకు పోటీపడటంతో స్టేడియం హోరెత్తింది. ముందుగా ‘హిట్‌మ్యాన్‌’ 33 బంతుల్లో ఫిఫ్టీ పూర్తి చేసుకోగా... సూర్య 26 బంతుల్లో అర్ధసెంచరీ అధిగమించాడు. ఇద్దరు బంతిని అదేపనిగా బౌండరీలైన్‌ను దాటిస్తూనే ఉండటంతో లక్ష్యం ముంబై వైపు నడిచివచ్చింది.స్కోరు వివరాలు చెన్నై సూపర్‌కింగ్స్‌ ఇన్నింగ్స్‌: షేక్‌ రషీద్‌ (స్టంప్డ్‌) రికెల్టన్‌ (బి) సాంట్నర్‌ 19; రచిన్‌ (సి) రికెల్టన్‌ (బి) అశ్వని 5; ఆయుశ్‌ (సి) సాంట్నర్‌ (బి) దీపక్‌ చహర్‌ 32; జడేజా (నాటౌట్‌) 53; దూబే (సి) జాక్స్‌ (బి) బుమ్రా 50; ధోని (సి) తిలక్‌ (బి) బుమ్రా 4; జేమీ ఓవర్టన్‌ (నాటౌట్‌) 4; ఎక్స్‌ట్రాలు 9; మొత్తం (20 ఓవర్లలో 5 వికెట్లకు) 176. వికెట్ల పతనం: 1–16, 2–57, 3–63, 4–142, 5–156. బౌలింగ్‌: చహర్‌ 4–0–32–1, బౌల్ట్‌ 4–0–43–0, అశ్వని 2–0–42 –1, సాంట్నర్‌ 3–0–14–1, బుమ్రా 4–0–25–2, విల్‌ జాక్స్‌ 1–0–4–0, హార్దిక్‌ 2–0–13–0. ముంబై ఇండియన్స్‌ ఇన్నింగ్స్‌: రికెల్టన్‌ (సి) ఆయుశ్‌ (బి) జడేజా 24; రోహిత్‌ (నాటౌట్‌) 76; సూర్యకుమార్‌ (నాటౌట్‌) 68; ఎక్స్‌ట్రాలు 9; మొత్తం (15.4 ఓవర్లలో వికెట్‌ నష్టానికి) 177. వికెట్ల పతనం: 1–63. బౌలింగ్‌: ఖలీల్‌ 2–0–24–0, ఓవర్టన్‌ 2–0– 29–0, అశ్విన్‌ 4–0–25–0, జడేజా 3–0–28–1, నూర్‌ 3–0–36–0, పతిరణ 1.4–0–34–0. ముల్లాన్‌పూర్‌: ముందు బౌలర్లు, తర్వాత బ్యాటర్లు రాణించడంతో రాయల్‌ చాలెంజర్స్‌ బెంగళూరు (ఆర్‌సీబీ) జట్టు తమ సొంతగడ్డపై పొగొట్టుకున్న ఫలితాన్ని పంజాబ్‌కు వెళ్లి రాబట్టుకుంది. ఐపీఎల్‌ 18వ సీజన్‌లో భాగంగా ఆదివారం జరిగిన ఈ మ్యాచ్‌లో బెంగళూరు 7 వికెట్ల తేడాతో పంజాబ్‌ కింగ్స్‌పై ఘనవిజయం సాధించింది. ముందుగా పంజాబ్‌ నిర్ణీత 20 ఓవర్లలో 6 వికెట్ల నష్టానికి 157 పరుగులు చేసింది. జోష్‌ ఇన్‌గ్లిస్‌ (17 బంతుల్లో 29; 2 ఫోర్లు, 1 సిక్స్‌), శశాంక్‌ సింగ్‌ (33 బంతుల్లో 31; 1 ఫోర్‌) మెరుగ్గా ఆడారు. కృనాల్, సుయశ్‌లకు రెండేసి వికెట్లు దక్కాయి. తర్వాత బెంగళూరు 18.5 ఓవర్లలో 3 వికెట్ల నష్టానికి 159 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ కోహ్లి (54 బంతుల్లో 73 నాటౌట్‌; 7 ఫోర్లు, 1 సిక్స్‌) అదరగొట్టాడు. దేవదత్‌ పడిక్కల్‌ (35 బంతుల్లో 61; 5 ఫోర్లు, 4 సిక్స్‌లు) మెరిపించాడు. కోహ్లి ఆఖరిదాకా... పెద్ద లక్ష్యం కాకపోయినా... బెంగళూరు జట్టు తమ ఓపెనర్‌ ఫిల్‌ సాల్ట్‌ (1) వికెట్‌ను తొలి ఓవర్లోనే కోల్పోయింది. పంజాబ్‌కు దక్కింది ఈ ఆరంభ సంబరమే! అటు తర్వాత కథంతా కింగ్‌ కోహ్లి, పడిక్కల్‌ నడిపించారు. వన్‌డౌన్‌ బ్యాటర్‌ పడిక్కల్‌ భారీ సిక్సర్లతో విరుచుకుపడగా... కోహ్లి క్లాసిక్స్‌ షాట్‌లతో ముల్లాన్‌పూర్‌ ప్రేక్షకుల్ని గెలిచాడు. ఇద్దరు రెండో వికెట్‌కు 103 పరుగులు జోడించారు. పడిక్కల్‌ అవుటైనా... ఆఖరిదాకా క్రీజులో నిలబడిన కోహ్లి జట్టును గెలిపించాడు. స్కోరు వివరాలు పంజాబ్‌ కింగ్స్‌ ఇన్నింగ్స్‌: ప్రియాన్ష్ (సి) డేవిడ్‌ (బి) కృనాల్‌ 22; ప్రభ్‌సిమ్రాన్‌ (సి) డేవిడ్‌ (బి) కృనాల్‌ 33; అయ్యర్‌ (సి) కృనాల్‌ (బి) షెఫర్డ్‌ 6; ఇన్‌గ్లిస్‌ (బి) సుయశ్‌ 29; నేహల్‌ (రనౌట్‌) 5; శశాంక్‌ (నాటౌట్‌) 31; స్టొయినిస్‌ (బి) సుయశ్‌ 1; యాన్సెన్‌ (నాటౌట్‌) 25; ఎక్స్‌ట్రాలు 5; మొత్తం (20 ఓవర్లలో 6 వికెట్లకు) 157. వికెట్ల పతనం: 1–42, 2–62, 3–68, 4–76, 5–112, 6–114. బౌలింగ్‌: భువనేశ్వర్‌ 4–0–26–0, యశ్‌ దయాళ్‌ 2–0–22–0, హాజల్‌వుడ్‌ 4–0–39–0, కృనాల్‌ పాండ్యా 4–0–25–2, షెఫర్డ్‌ 2–0–18–1, సుయశ్‌ 4–0–26–2. రాయల్‌ చాలెంజర్స్‌ బెంగళూరు ఇన్నింగ్స్‌: సాల్ట్‌ (సి) ఇన్‌గ్లిస్‌ (బి) అర్ష్ దీప్ 1; కోహ్లి (నాటౌట్‌) 73; పడిక్కల్‌ (సి) నేహల్‌ (బి) హర్‌ప్రీత్‌ 61; పాటీదార్‌ (సి) యాన్సెన్‌ (బి) చహల్‌ 12; జితేశ్‌ శర్మ (నాటౌట్‌) 11; ఎక్స్‌ట్రాలు 1; మొత్తం (18.5 ఓవర్లలో 3 వికెట్లకు) 159. వికెట్ల పతనం: 1–6, 2–109, 3–143. బౌలింగ్‌: అర్ష్ దీప్ 3–0–26–1, జేవియర్‌ 3–0–28–1, హర్‌ప్రీత్‌ బ్రార్‌ 4–0–27–1, యాన్సెన్‌ 3–0–20–0, చహల్‌ 4–0–36–1, స్టొయినిస్‌ 1–0–13–0, నేహల్‌ 0.5–0–9–0. ఐపీఎల్‌లో నేడుకోల్‌కతా X గుజరాత్‌ వేదిక: కోల్‌కతారాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో రాయల్ ఛాలెంజ‌ర్స్ బెంగ‌ళూరు తిరిగి మ‌ళ్లీ విన్నింగ్ ట్రాక్‌లోకి వ‌చ్చింది. ఈ మెగా ఈవెంట్‌లో భాగంగా జైపూర్ వేదిక‌గా రాజ‌స్తాన్ రాయ‌ల్స్‌తో జ‌రిగిన మ్యాచ్‌లో 9 వికెట్ల తేడాతో ఆర్సీబీ ఘ‌న విజ‌యం సాధించింది. 174 ప‌రుగుల లక్ష్యాన్ని ఆర్సీబీ కేవ‌లం ఒక్క వికెట్ మాత్రమే కోల్పోయి చేధించింది.ఆర్సీబీ బ్యాట‌ర్ల‌లో ఫిల్ సాల్ట్‌( 33 బంతుల్లో 5 ఫోర్లు, 6 సిక్స్‌ల‌తో 65) టాప్ స్కోర‌ర్‌గా నిల‌వ‌గా.. విరాట్ కోహ్లి(62), ప‌డిక్క‌ల్‌(40) ఆజేయంగా నిలిచి మ్యాచ్ ఫినిష్ చేశారు. అంత‌కుముందు బ్యాటింగ్ చేసిన రాజ‌స్తాన్ నిర్ణీత 20 ఓవ‌ర్ల‌లో 4 వికెట్ల న‌ష్టానికి 173 ప‌రుగులు చేసింది. రాజ‌స్తాన్ బ్యాట‌ర్ల‌లో య‌శ‌స్వి జైశ్వాల్‌(75) టాప్ స్కోర‌ర్‌గా నిలిచాడు."ఇక ఈ విజ‌యంపై మ్యాచ్ అనంత‌రం ఆర్సీబీ కెప్టెన్ ర‌జిత్ పాటిదార్ స్పందించాడు. జ‌ట్టు ఆల్‌రౌండ్ ప్ర‌ద‌ర్శ‌న ప‌ట్ల పాటిదార్ సంతోషం వ్య‌క్తం చేశాడు. తిరిగి మ‌ళ్లీ గెలుపు బాట ప‌ట్ట‌డం చాలా సంతోషంగా ఉంది. ఈ మ్యాచ్‌లో మా బౌల‌ర్లు అద్భుతంగా త‌మ ప్ర‌ణాళిక‌ల‌ను అమ‌లు చేశారు. పవర్‌ప్లేలో అత్యుత్త‌మంగా బౌలింగ్ చేసి ప్ర‌త్య‌ర్ది బ్యాట‌ర్ల‌ను క‌ట్ట‌డి చేశారు. అదేవిధంగా ఈ పిచ్‌పై బ్యాటింగ్ చేయ‌డం అంత సులువు కాదు. ముందుగానే మేము 150-170 లక్ష్యాన్ని నిర్దేశించుకున్నాము. నా న‌మ్మ‌కం త‌గ్గ‌ట్టుగానే మా బౌల‌ర్లు బౌలింగ్ చేశారు. మా బౌల‌ర్లు ఎటువంటి వికెట‌పైనైనా బౌలింగ్ చేయ‌డానికి సిద్దంగా ఉన్నారు. వారు నాకు పూర్తి న‌మ్మ‌కాన్ని క‌లిగిస్తున్నారు. సాల్ట్ గురుంచి ప్ర‌త్యేకంగా చెప్పాల్సిన అవ‌స‌రం లేదు. డ‌గౌట్‌లో కూర్చుని అత‌డి బ్యాటింగ్‌ను ఎంజాయ్ చేశాను. అత‌డితో పాటు విరాట్ ఇన్నింగ్స్ కూడా మాకు ఎంతో ప్ర‌త్యేకమ‌ని" పోస్ట్ మ్యాచ్ ప్రేజెంటేష‌న్‌లో పాటిదార్ పేర్కొన్నాడు.

టీమిండియా వెట‌ర‌న్‌, రాయ‌ల్ ఛాలెంజ‌ర్స్ బెంగ‌ళూరు స్టార్ పేస‌ర్ భువ‌నేశ్వ‌ర్ కుమార్ అరుదైన ఘ‌న‌త సాధించాడు. 300 టీ20 మ్యాచ్‌లు ఆడిన తొలి భార‌త్ పేస‌ర్‌గా భువ‌నేశ్వ‌ర్ చ‌రిత్ర సృష్టించాడు. ఐపీఎల్‌-2025లో ఆదివారం రాజస్తాన్ రాయల్స్‌తో మ్యాచ్‌​ సందర్బంగా భువీ ఈ ఫీట్‌ను అందుకున్నాడు.భువనేశ్వర్ 2009 ఛాంపియన్స్ లీగ్‌లో ఆర్‌సీబీ తరపునే టీ20 అరంగేట్రం చేశాడు. ఆ తర్వాత 2011లో పూణే వారియర్స్ తరపున ఐపీఎల్ డెబ్యూ చేశాడు. ఆ తర్వాత ఈ యూపీ ఫాస్ట్ బౌలర్ 2014లో సన్‌రైజర్స్ హైదరాబాద్‌లో చేరాడు. పదేళ్లపాటు ఎస్‌ఆర్‌హెచ్‌కు అతడు ప్రాతినిథ్యం వహించాడు.ఐపీఎల్‌-2025 మెగా వేలానికి ముందు సన్‌రైజర్స్ భువనేశ్వర్‌ను విడిచిపెట్టడంతో ఆర్సీబీలో చేరాడు. రూ. 10.75 కోట్ల భారీ ధరకు అతడిని ఆర్సీబీ కొనుగోలు చేసింది. ఈ ఏడాది సీజన్‌లో భువనేశ్వర్ ఫర్వాలేదన్పిస్తున్నాడు. ఇప్పటివరకు 300 టీ20లు ఆడిన భువనేశ్వర్.. తన ఖాతాలో 316 వికెట్లు ఉన్నాయి. ఇక ఈ అరుదైన ఘనత సాధించిన జాబితాలో భువనేశ్వర్‌ తర్వాత హార్దిక్ పాండ్యా(291) ఉన్నాడు.అత్యధిక టీ20లు ఆడిన భారత పేసర్లు వీరే..భువనేశ్వర్ కుమార్- 300హార్దిక్ పాండ్యా- 291జస్ప్రీత్ బుమ్రా- 234హర్షల్ పటేల్- 204సందీప్ శర్మ- 201

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు(RCB) మ‌రోసారి త‌మ హోం గ్రౌండ్‌లో చ‌తిక‌ల‌ప‌డింది. ఈ మెగా టోర్నీలో భాంగా చిన్న‌స్వామి స్టేడియం వేదిక‌గా ఢిల్లీ క్యాపిట‌ల్స్‌తో జ‌రిగిన మ్యాచ్‌లో 6 వికెట్ల తేడాతో ఆర్సీబీ ఓట‌మి పాలైంది. బ్యాటింగ్, బౌలింగ్‌లో రెండు విభాగాల్లోనూ బెంగ‌ళూరు నిరాశ‌ప‌రిచింది. తొలుత బ్యాటింగ్ చేసిన ఆర్సీబీ నిర్ణీత‌ 20 ఓవ‌ర్ల‌లో 7 వికెట్ల న‌ష్టానికి 163 ప‌రుగులు చేసింది.ఆర్సీబీ ప‌వ‌ర్ ప్లేలో మెరుపు ఆరంభం ల‌భించిన‌ప్ప‌టికీ, ఆ త‌ర్వాత వ‌రుస క్ర‌మంలో వికెట్లు కోల్పోయి మోస్తారు స్కోర్‌కే ప‌రిమితమైంది. ఆర్సీబీ బ్యాట‌ర్ల‌లో ఫిల్ సాల్ట్‌(37) ప‌రుగులతో మెరుపు ఆరంభం ఇవ్వ‌గా..టిమ్ డేవిడ్‌(18 బంతుల్లో 32, 2 ఫోర్లు, 4 సిక్స్‌లు) ఆఖ‌రిలో మెరుపులు మెరిపించాడు.అనంత‌రం 164 ప‌రుగుల టార్గెట్‌ను ఢిల్లీ 4 వికెట్లు కోల్పోయి 18 ఓవ‌ర్ల‌లో చేధించింది. ఢిల్లీ బ్యాట‌ర్ల‌లో కేఎల్ రాహుల్ మ‌రోసారి త‌న క్లాస్‌ను చూపించాడు. త‌న సొంత‌మైదానంలో ఆకాశ‌మే హ‌ద్దుగా చెల‌రేగిపోయాడు. తొలుత కాస్త నెమ్మ‌దిగా ఆడిన‌ప్ప‌టికి మిడిల్ ఓవ‌ర్ల‌లో మాత్రం ప్ర‌త్య‌ర్ధి బౌల‌ర్ల‌కు చుక్క‌లు చూపించాడు. 53 బంతులు ఎదుర్కొన్న రాహుల్‌..7 ఫోర్లు, 6 సిక్స్‌ల‌తో 93 ప‌రుగులు చేసి ఆజేయంగా నిలిచాడు. రాహుల్‌తో పాటు స్ట‌బ్స్‌(38 నాటౌట్‌) కీల‌క ఇన్నింగ్స్ ఆడాడు. ఆర్సీబీకి బౌలింగ్‌లో అద్బుత‌మైన ఆరంభం ల‌భించింది. 60 ప‌రుగుల‌కే ఢిల్లీ నాలుగు వికెట్లు కోల్పోయి క‌ష్టాల్లో ప‌డింది. కానీ మిడిల్ ఓవ‌ర్ల‌లో ఆర్సీబీ బౌల‌ర్లు తేలిపోయారు. ఆర్సీబీ బౌల‌ర్ల‌లో భువ‌నేశ్వ‌ర్ కుమార్ రెండు, య‌శ్‌ద‌యాల్‌, సుయాష్ శ‌ర్మ త‌లా వికెట్ సాధించారు.ఆర్సీబీ చెత్త రికార్డు..ఈ మ్యాచ్‌లో ఓట‌మి చ‌విచూసిన ఆర్సీబీ.. అత్యంత చెత్త రికార్డును మూట‌క‌ట్టుకుంది. ఐపీఎల్‌లో ఒకే వేదిక‌లో అత్య‌ధిక ఎదుర్కొన్న జ‌ట్టుగా చెత్త రికార్డును నెల‌కొల్పింది. చిన్న‌స్వామి స్టేడియంలో ఆర్సీబీకి ఇది 45వ ఓట‌మి. తద్వారా ఈ రికార్డును త‌మ పేరిట లిఖించుకుంది. ఇప్ప‌టివ‌ర‌కు ఈ రికార్డు ఢిల్లీ క్యాపిట‌ల్స్ పేరిట ఉండేది. ఢిల్లీ జ‌ట్టు అరుణ్ జైట్లీ స్టేడియంలో 44 మ్యాచ్‌ల్లో ప‌రాజ‌యం పాలైంది. తాజా ఓట‌మితో ఢిల్లీని బెంగ‌ళూరు జ‌ట్టు అధిగ‌మించింది.

టీమిండియా స్టార్ ప్లేయర్‌, రాయల్ ఛాలెంజర్స్ బెంగళూరు మాజీ కెప్టెన్ విరాట్ కోహ్లి తన రికార్డుల వేటను కొనసాగిస్తున్నాడు. ఇండియన్ ప్రీమియర్ లీగ్ (IPL) చరిత్రలో 1,000 ఫోర్లు బౌండరీలు బాదిన తొలి ప్లేయర్‌గా విరాట్ రికార్డులకెక్కాడు. ఐపీఎల్‌-2025లో భాగంగా చిన్నస్వామి స్టేడియం వేదికగా ఢిల్లీ క్యాపిటల్స్‌తో జరిగిన మ్యాచ్‌లో కింగ్ కోహ్లి ఈ రేర్ ఫీట్‌ను సాధించాడు.కోహ్లి ఇప్పటివరకు ఐపీఎల్‌లో 249 మ్యాచ్‌లు ఆడి 1001 బౌండరీలు బాదాడు. అందులో 721 ఫోర్లు, 280 సిక్స‌ర్లు ఉన్నాయి. కోహ్లి తర్వాతి స్ధానంలో టీమిండియా మాజీ ఓపెనర్ శిఖర్ ధావన్‌(920) ఉన్నాడు. ఇక ఈ మ్యాచ్‌లో కోహ్లి ఫర్వాలేదన్పించాడు. 14 బంతుల్లో 1 ఫోర్లు, 2 సిక్స్‌లతో 22 పరుగులు చేశాడు.అదే విధంగా ఐపీఎల్‌లో అత్యధిక సిక్సర్లు బాదిన భారత ఆటగాడిగా రికార్డు సృష్టించేందుకు కోహ్లి కేవలం మూడు సిక్సర్ల దూరంలో ఉన్నాడు. కోహ్లి ఇప్పటివరకు 249 ఇన్నింగ్స్‌ల్లో 280 సిక్సర్ల బాదాడు. మరో మూడు సిక్సర్లు కొడితే భారత కెప్టెన్ రోహిత్ శర్మను కోహ్లి అధిగమిస్తాడు. రోహిత్‌ ఐపీఎల్‌లో 256 ఇన్నింగ్స్‌ల్లో 282 సిక్సర్లు బాదాడు.ఐపీఎల్‌లో అత్యధిక బౌండరీలు బాదిన టాప్‌-5 ఆటగాళ్లు..1001* – విరాట్ కోహ్లీ920 – శిఖర్ ధావన్899 – డేవిడ్ వార్నర్885 – రోహిత్ శర్మ761 – క్రిస్ గేల్ఐపీఎల్‌లో అత్యధిక సిక్సర్లు బాదిన టాప్‌-5 ఆటగాళ్లు..క్రిస్‌ గేల్‌- 357రోహిత్‌ శర్మ- 282విరాట్‌ కోహ్లి- 278ఎంఎస్‌ ధోని- 259ఏబీ డివిలియర్స్‌- 251చ‌ద‌వండి: సంచ‌ల‌నం.. 64 ఏళ్ల వ‌య‌స్సులో అంత‌ర్జాతీయ అరంగేట్రం

IPL 2025 DC vs RCB Live Updates: ఢిల్లీ క్యాపిట‌ల్స్ ఘ‌న విజ‌యంఐపీఎల్‌-2025లో ఢిల్లీ క్యాపిట‌ల్స్ త‌మ జైత్రయాత్రను కొన‌సాగిస్తోంది. ఈ మెగా ఈవెంట్‌లో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రుగుతున్న మ్యాచ్‌లో 6 వికెట్ల తేడాతో ఢిల్లీ క్యాపిట‌ల్స్ ఘ‌న విజ‌యం సాధించింది. 164 ప‌రుగుల టార్గెట్‌ను ఢిల్లీ 4 వికెట్లు కోల్పోయి 18 ఓవ‌ర్ల‌లో చేధించింది. ఢిల్లీ బ్యాట‌ర్ల‌లో కేఎల్ రాహుల్ అద్బుత ఇన్నింగ్స్ ఆడాడు. 53 బంతులు ఎదుర్కొన్న రాహుల్‌..7 ఫోర్లు, 6 సిక్స్‌ల‌తో 93 ప‌రుగులు చేసి ఆజేయంగా నిలిచాడు. రాహుల్‌తో పాటు స్ట‌బ్స్‌(38 నాటౌట్‌) కీల‌క ఇన్నింగ్స్ ఆడాడు. ఆర్సీబీ బౌల‌ర్ల‌లో భువ‌నేశ్వ‌ర్ కుమార్ రెండు, య‌శ్‌ద‌యాల్‌, సుయాష్ శ‌ర్మ త‌లా వికెట్ సాధించారు.కేఎల్ రాహుల్ ఫిప్టీ..ఢిల్లీ క్యాపిట‌ల్స్ స్టార్ ప్లేయ‌ర్ కేఎల్ రాహుల్ హాఫ్ సెంచ‌రీని అందుకున్నాడు. 73 ప‌రుగులతో రాహుల్ త‌న బ్యాటింగ్‌ను కొన‌సాగిస్తున్నాడు. 15 ఓవ‌ర్ల‌కు ఢిల్లీ 4 వికెట్ల న‌ష్టానికి 121 ప‌రుగులు చేసింది. క్రీజులో రాహుల్‌తో పాటు స్ట‌బ్స్‌(15) ఉన్నారు.ఢిల్లీ నాలుగో వికెట్ డౌన్‌..అక్ష‌ర్ ప‌టేల్ రూపంలో ఢిల్లీ క్యాపిట‌ల్స్ నాలుగో వికెట్ కోల్పోయింది. 15 ప‌రుగులు చేసిన అక్ష‌ర్ ప‌టేల్‌.. సుయాష్ శ‌ర్మ బౌలింగ్‌లో ఔట‌య్యాడు. ఢిల్లీ విజ‌యానికి 68 బంతుల్లో 106 ప‌రుగులు కావాలి.8 ఓవర్లకు ఢిల్లీ స్కోర్‌: 52/38 ఓవర్లు ముగిసే సరికి ఢిల్లీ క్యాపిటల్స్ మూడు వికెట్ల నష్టానికి 52 పరుగులు చేసింది. క్రీజులో కేఎల్ రాహుల్‌(25), అక్షర్ పటేల్‌(9) ఉన్నారు.ఢిల్లీకి ఆదిలోనే భారీ షాక్‌..164 ప‌రుగుల ల‌క్ష్యంతో బ‌రిలోకి దిగిన ఢిల్లీ క్యాపిట‌ల్స్‌కు ఆదిలోనే భారీ షాక్ త‌గిలింది. ఓపెన‌ర్లు ఫాఫ్ డుప్లెసిస్‌(2), మెక్‌గ‌ర్క్‌(7) వికెట్లను ఢిల్లీ కోల్పోయింది. డుప్లెసిస్‌ను య‌శ్‌ద‌యాల్ ఔట్ చేయ‌గా.. మెక్‌గ‌ర్క్‌ను భువ‌నేశ్వ‌ర్ కుమార్ పెవిలియ‌న్‌కు పంపాడు.టిమ్ డేవిడ్ మెరుపులు.. ఢిల్లీ టార్గెట్ ఎంతంటే?చిన్న‌స్వామి స్టేడియం వేదిక‌గా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో ఆర్సీబీ బ్యాట‌ర్లు త‌డ‌బ‌డ్డారు. తొలుత దూకుడుగా ఆడిన ఆర్సీబీ బ్యాట‌ర్లు.. మిడిల్ ఓవ‌ర్లలో చెతులేత్తేశారు. టాస్ ఓడి బ్యాటింగ్‌కు దిగిన బెంగ‌ళూరు నిర్ణీత 20 ఓవ‌ర్ల‌లో 7 వికెట్ల న‌ష్టానికి 163 ప‌రుగులు చేసింది. ఆర్సీబీ బ్యాట‌ర్ల‌లో ఫిల్ సాల్ట్‌(37) ప‌రుగులతో మెరుపు ఆరంభం ఇవ్వ‌గా..టిమ్ డేవిడ్‌(18 బంతుల్లో 32, 2 ఫోర్లు, 4 సిక్స్‌లు) ఆఖ‌రిలో మెరుపు మెరిపించాడు. వీరిద్ద‌రితో పాటు పాటిదార్(25), కోహ్లి(22) ప‌ర్వాలేద‌న్పించారు. ఢిల్లీ బౌల‌ర్ల‌లో విప్ర‌జ్ నిగ‌మ్‌, కుల్దీప్ యాద‌వ్ త‌లా రెండు వికెట్లు సాధించారు. వీరితో పాటు ముఖేష్ కుమార్‌, మోహిత్ శ‌ర్మ త‌లా వికెట్ సాధించారు.16 ఓవర్లకు ఆర్సీబీ స్కోర్‌: 121/6ఆర్సీబీ బ్యాటర్లు తడబడుతున్నారు. వరుస క్రమంలో వికెట్లు కోల్పోతుంది. ఐదో వికెట్‌గా జితేష్ శర్మ(3), రజిత్ పాటిదార్‌(25) ఆరో వికెట్‌గా వెనుదిరిగాడు. ఈ రెండు వికెట్లు కూడా కుల్దీప్ యాదవ్ తీశాడు. 16 ఓవర్లకు ఆర్సీబీ స్కోర్‌: 121/6నాలుగో వికెట్ కోల్పోయిన ఆర్సీబీ..లివింగ్ స్టోన్ రూపంలో ఆర్సీబీ నాలుగో వికెట్ కోల్పోయింది. 4 ప‌రుగులు చేసిన లివింగ్‌స్టోన్‌.. మోహిత్ శ‌ర్మ బౌలింగ్‌లో ఔట‌య్యాడు. 10 ఓవ‌ర్లు ముగిసే స‌రికి ఆర్సీబీ నాలుగు వికెట్ల న‌ష్టానికి 91 ప‌రుగులు చేసింది.ఆర్సీబీ మూడో వికెట్ డౌన్‌..విరాట్ కోహ్లి రూపంలో ఆర్సీబీ మూడో వికెట్ కోల్పోయింది. 22 ప‌రుగులు చేసిన కోహ్లి.. విప్ర‌జ్ నిగ‌మ్ బౌలింగ్‌లో ఔట‌య్యాడు. క్రీజులోకి లివింగ్ స్టోన్ వ‌చ్చాడు. 8 ఓవ‌ర్ల‌కు ఆర్సీబీ స్కోర్‌: 83/3ఆర్సీబీ రెండో వికెట్ డౌన్‌..దేవ్‌ద‌త్త్ ప‌డిక్క‌ల్ రూపంలో ఆర్సీబీ రెండో వికెట్ కోల్పోయింది. కేవ‌లం ఒక్క ప‌రుగు మాత్ర‌మే చేసిన ప‌డిక్క‌ల్‌.. ముఖేష్ కుమార్ బౌలింగ్‌లో ఔట‌య్యాడు.ఆర్సీబీ తొలి వికెట్ డౌన్‌..ఫిల్ సాల్ట్ రూపంలో ఆర్సీబీ తొలి వికెట్ కోల్పోయింది. 17 బంతుల్లో 37 ప‌రుగులు చేసిన సాల్ట్‌.. ర‌నౌట్ రూపంలో పెవిలియ‌న్‌కు చేరాడు. 5 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 64 ప‌రుగులు చేసింది. క్రీజులో విరాట్ కోహ్లి(14), ప‌డిక్క‌ల్‌(1) ఉన్నారు.దూకుడుగా ఆడుతున్న ఫిల్ సాల్ట్‌..టాస్ ఓడి బ్యాటింగ్‌కు దిగిన ఆర్సీబీ ఓపెన‌ర్లు దూకుడుగా ఆడుతున్నారు. 3 ఓవ‌ర్లు ముగిసే స‌రికి బెంగ‌ళూరు వికెట్ న‌ష్ట‌పోకుండా 53 ప‌రుగులు చేసింది. క్రీజులో ఫిల్ సాల్ట్‌(36), విరాట్ కోహ్లి(6) ఉన్నారు.ఐపీఎల్‌-2025లో ర‌స‌వ‌త్త‌ర పోరుకు రంగం సిద్ద‌మైంది. ఈ మెగా టోర్నీలో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, ఢిల్లీ క్యాపిట‌ల్స్ త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన ఢిల్లీ క్యాపిట‌ల్స్ తొలుత బౌలింగ్ ఎంచుకుంది. ఢిల్లీ క్యాపిట‌ల్స్ స్టార్ ఓపెన‌ర్ ఫాఫ్ డుప్లెసిస్ తిరిగొచ్చాడు. మ‌రోవైపు ఆర్సీబీ మాత్రం ఎటువంటి మార్పులు లేకుండా బ‌రిలోకి దిగింది. తుది జ‌ట్లుఢిల్లీ క్యాపిటల్స్ ప్లేయింగ్ XI: ఫాఫ్ డు ప్లెసిస్, జేక్ ఫ్రేజర్-మెక్‌గర్క్, కేఎల్ రాహుల్ (వికెట్ కీప‌ర్‌), అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, విప్రజ్ నిగమ్, మిచెల్ స్టార్క్, కుల్దీప్ యాదవ్, ముఖేష్ కుమార్, మోహిత్ శర్మరాయల్ ఛాలెంజర్స్ బెంగళూరు ప్లేయింగ్ XI: విరాట్ కోహ్లి, ఫిలిప్ సాల్ట్, దేవదత్ పడిక్కల్, రజత్ పాటిదార్ (కెప్టెన్‌), లియామ్ లివింగ్‌స్టోన్, జితేష్ శర్మ (వికెట్ కీప‌ర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, యశ్ దయాల్

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు తిరిగి గెలుపు బాట ప‌ట్టింది. వాఖండే వేదిక‌గా ముంబై ఇండియ‌న్స్‌తో జ‌రిగిన హైస్కోరింగ్ థ్రిల్ల‌ర్‌లో 12 ప‌రుగుల తేడాతో ఆర్సీబీ విజ‌యం సాధించింది. 222 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్‌ నిర్ణీత 20 ఓవ‌ర్ల‌లో 5 వికెట్లు కోల్పోయి 209 ప‌రుగులు చేయ‌గ‌ల్గింది.ముంబై బ్యాట‌ర్లు ఆఖ‌రి వ‌ర‌కు పోరాడిన‌ప్ప‌టికి కొండంత ల‌క్ష్యాన్ని క‌రిగించ‌లేక‌పోయారు. ముంబై విజయానికి చివరి ఓవర్‌లో 19 పరుగులు అవసరమయ్యాయి. ఆర్సీబీ స్పిన్నర్ కృనాల్ పాండ్యా అద్బతంగా బౌలింగ్ చేసి కేవలం 6 పరుగులు మాత్రమే ఇచ్చాడు. ముంబై బ్యాట‌ర్ల‌లో తిల‌క్ వ‌ర్మ‌(29 బంతుల్లో 4 ఫోర్లు, 6 సిక్స్‌ల‌తో 56) టాప్ స్కోర‌ర్‌గా నిల‌వ‌గా.. హార్దిక్ పాండ్యా(15 బంతుల్లో 4 ఫోర్లు, 4 సిక్స్‌ల‌తో 42)క్రీజులో ఉన్నంత సేపు మెరుపులు మెరిపించాడు.ఆర్సీబీ బౌల‌ర్ల‌లో కృనాల్ పాండ్యా నాలుగు వికెట్లు పడగొట్టగా.. హాజిల్ వుడ్, దయాల్ తలా రెండు వికెట్లు సాధించారు. వాంఖడేలో ముంబై ఇండియన్స్‌పై ఆర్సీబీ విజయం సాధించడం 10 ఏళ్ల తర్వాత ఇదే తొలిసారి కావడం గమనార్హం.కోహ్లి, పాటిదార్ హాఫ్ సెంచరీలుఈ మ్యాచ్‌లో ఓడి తొలుత బ్యాటింగ్‌కు దిగిన ఆర్సీబీ 5 వికెట్ల న‌ష్టానికి 221 ప‌రుగుల భారీ స్కోర్ సాధించింది. ఆర్సీబీ బ్యాట‌ర్ల‌లో విరాట్ కోహ్లి(67), ర‌జిత్ పాటిదార్‌(64) హాఫ్ సెంచ‌రీలు సాధించ‌గా.. ప‌డిక్క‌ల్‌(37), జితేష్ శ‌ర్మ‌(40) మెరుపు ఇన్నింగ్స్ ఆడారు. ముంబై బౌల‌ర్ల‌లో బౌల్ట్‌, హార్దిక్ పాండ్యా త‌లా రెండు వికెట్లు సాధించ‌గా.. విఘ్నేష్ ఒక్క వికెట్ ప‌డ‌గొట్టారు.

టీమిండియా స్టార్ ప్లేయర్ విరాట్ కోహ్లి అరుదైన ఘనత సాధించాడు. టీ20ల్లో 13,000 పరుగులు మైలు రాయిని అందుకున్న తొలి భారత ప్లేయర్‌గా రికార్డులెక్కాడు. ఐపీఎల్‌-2025లో వాంఖడే వేదికగా ముంబై ఇండియన్స్‌తో జరుగుతున్న మ్యాచ్‌లో 17 పరుగుల వ్యక్తిగత స్కోర్ వద్ద విరాట్ ఈ ఫీట్‌ను అందుకున్నాడు.386 ఇన్నింగ్స్‌లలో కోహ్లి ఈ రేర్ ఫీట్‌ను నమోదు చేశాడు. ఓవరాల్‌గా ఐదో క్రికెటర్‌గా విరాట్ నిలిచాడు. ఈ అరుదైన ఫీట్ సాధించిన జాబితాలో కోహ్లి కంటే ముందు క్రిస్‌ గేల్‌ (455 ఇన్నింగ్స్‌ల్లో 14562 పరుగులు), అలెక్స్‌ హేల్స్‌ (490 ఇన్నింగ్స్‌ల్లో 13610), షోయబ్‌ మాలిక్‌ (514 ఇన్నింగ్స్‌ల్లో 13557), కీరన్‌ పోలార్డ్‌ (617 ఇన్నింగ్స్‌ల్లో 13537) ఉన్నారు. అయితే ఇన్నింగ్స్‌ల ప‌రంగా ఈ ఫీట్ సాధించిన రెండో క్రికెట‌ర్ మాత్రం కోహ్లినే కావ‌డం గ‌మ‌నార్హం.కాగా ఐపీఎల్‌-2025లో విరాట్ త‌న సూప‌ర్ ఫామ్‌ను కొన‌సాగిస్తున్నాడు. ఈ మ్యాచ్‌లో కూడా కోహ్లి హాఫ్ సెంచ‌రీ సాధించాడు. 60 ప‌రుగుల‌తో కోహ్లి త‌న బ్యాటింగ్‌ను కొన‌సాగిస్తున్నాడు. అంత‌కుముందు కేకేఆర్‌తో జ‌రిగిన తొలి మ్యాచ్‌లో కూడా విరాట్‌(59) హాఫ్ సెంచ‌రీతో రాణించాడు.తుది జ‌ట్లురాయల్ ఛాలెంజర్స్ బెంగళూరు ప్లేయింగ్ XI: విరాట్ కోహ్లి, ఫిలిప్ సాల్ట్, దేవదత్ పడిక్కల్, రజత్ పాటిదార్ (కెప్టెన్‌), లియామ్ లివింగ్‌స్టోన్, జితేష్ శర్మ (వికెట్ కీప‌ర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, యశ్ దయాల్ముంబై ఇండియన్స్ ప్లేయింగ్ XI: ర్యాన్ రికెల్టన్ (వికెట్ కీప‌ర్‌), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, విఘ్నేష్ పుత్తూర్, జస్ప్రీత్ బుమ్రాచ‌ద‌వండి: కోహ్లి, రోహిత్ కాదు.. వారితోనే ఆడాల‌ని ఉంది: ఎంఎస్ ధోని

Rcb vs MI Live Updates:ఉత్కంఠ‌పోరులో ఆర్సీబీ విజయంవాంఖడే వేదిక‌గా ఆఖరి వరకు ఉత్కంఠ భరితంగా సాగిన మ్యాచ్‌లో ముంబై ఇండియన్స్‌పై 12 పరుగుల తేడాతో ఆర్సీబీ విజయం సాధించింది. 222 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్‌ నిర్ణీత 20 ఓవ‌ర్ల‌లో 5 వికెట్లు కోల్పోయి 209 ప‌రుగులు చేయ‌గ‌ల్గింది. ముంబై బ్యాట‌ర్ల‌లో తిల‌క్ వ‌ర్మ‌(29 బంతుల్లో 4 ఫోర్లు, 6 సిక్స్‌ల‌తో 56) టాప్ స్కోర‌ర్‌గా నిల‌వ‌గా.. హార్దిక్ పాండ్యా(15 బంతుల్లో 4 ఫోర్లు, 4 సిక్స్‌ల‌తో 42)క్రీజులో ఉన్నంత సేపు మెరుపులు మెరిపించాడు. ఆర్సీబీ బౌల‌ర్ల‌లో కృనాల్ పాండ్యా నాలుగు వికెట్లు పడగొట్టగా.. హాజిల్ వుడ్, దయాల్ తలా రెండు వికెట్లు సాధించారు. హార్దిక్ ఔట్‌..తిల‌క్ వ‌ర్మ‌(56), హార్దిక్ పాండ్య(35) వికెట్లను ముంబై ఇండియ‌న్స్ వ‌రుస క్ర‌మంలో కోల్పోయింది. ముంబై విజ‌యానికి 11 బంతుల్లో 28 ప‌రుగులు కావాలి.దూకుడుగా ఆడుతున్న తిల‌క్‌, పాండ్యా16 ఓవ‌ర్లు ముగిసే స‌రికి ముంబై ఇండియ‌న్స్ 4 వికెట్ల న‌ష్టానికి 170 ప‌రుగులు చేసింది. తిల‌క్ వ‌ర్మ‌(46), హార్దిక్ పాండ్యా(34) దూకుడుగా ఆడుతున్నారు. ముంబై విజ‌యానికి 24 బంతుల్లో 52 ప‌రుగులు కావాలి.ముంబై నాలుగో వికెట్ డౌన్‌సూర్య‌కుమార్ యాద‌వ్ రూపంలో ముంబై ఇండియ‌న్స్ నాలుగో వికెట్ కోల్పోయింది. 28 ప‌రుగులు చేసిన సూర్య‌కుమార్‌.. య‌శ్‌ద‌యాల్ బౌలింగ్‌లో ఔట‌య్యాడు. 13 ఓవ‌ర్లు ముగిసే స‌రికి ముంబై ఇండియ‌న్స్ 4 వికెట్ల న‌ష్టానికి 116 ప‌రుగులు చేసింది. క్రీజులో తిల‌క్ వ‌ర్మ‌(30), హార్దిక్ పాండ్యా(0) ఉన్నారు.ముంబై ఇండియన్స్ మూడో వికెట్ డౌన్‌..విల్ జాక్స్ రూపంలో ముంబై ఇండియ‌న్స్ మూడో వికెట్ కోల్పోయింది. 22 ప‌రుగులు చేసిన విల్ జాక్స్.. కృనాల్ పాండ్యా బౌలింగ్‌లో ఔటయ్యాడు. క్రీజులోకి తిలక్ వర్మ వచ్చాడు. 10 ఓవర్లు ముగిసే సరికి ముంబై ఇండియన్స్ 3 వికెట్ల నష్టానికి 84 పరుగులు చేసింది.5 ఓవ‌ర్ల‌కు ఆర్సీబీ స్కోర్‌: 52/25 ఓవ‌ర్లు ముగిసే సరికి ముంబై ఇండియ‌న్స్ రెండు వికెట్ల న‌ష్టానికి 52 ప‌రుగులు చేసింది. క్రీజులో విల్ జాక్స్‌(13), సూర్య‌కుమార్ యాద‌వ్‌(5) ఉన్నారు.ముంబై రెండో వికెట్ డౌన్‌..ర్యాన్ రికెల్ట‌న్ రూపంలో ముంబై రెండో వికెట్ కోల్పోయింది. 17 ప‌రుగులు చేసిన రికెల్ట‌న్‌.. జోష్ హాజిల్ వుడ్ బౌలింగ్‌లో ఔట‌య్యాడు.తొలి వికెట్ కోల్పోయిన ముంబై..222 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్‌కు భారీ షాక్ త‌గిలింది. 17 ప‌రుగులు చేసిన రోహిత్ శ‌ర్మ‌.. య‌శ్‌ద‌యాల్ బౌలింగ్‌లో ఔట‌య్యాడు. 2 ఓవ‌ర్లు ముగిసే స‌రికి ముంబై ఇండియ‌న్స్ వికెట్ న‌ష్టానికి 25 ప‌రుగులు చేసింది.ముంబై ముందు భారీ టార్గెట్‌వాంఖ‌డే వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు బ్యాట‌ర్లు ఆకాశమే హ‌ద్దుగా చెల‌రేగారు. టాస్ ఓడి తొలుత బ్యాటింగ్‌కు దిగిన ఆర్సీబీ 5 వికెట్ల న‌ష్టానికి 221 ప‌రుగుల భారీ స్కోర్ సాధించింది. ఆర్సీబీ బ్యాట‌ర్ల‌లో విరాట్ కోహ్లి(67), ర‌జిత్ పాటిదార్‌(64) హాఫ్ సెంచ‌రీలు సాధించ‌గా.. ప‌డిక్క‌ల్‌(37), జితేష్ శ‌ర్మ‌(40) మెరుపు ఇన్నింగ్స్ ఆడారు. ముంబై బౌల‌ర్ల‌లో బౌల్ట్‌, హార్దిక్ పాండ్యా త‌లా రెండు వికెట్లు సాధించ‌గా.. విఘ్నేష్ ఒక్క వికెట్ ప‌డ‌గొట్టారు.ఆర్సీబీ నాలుగో వికెట్ డౌన్‌..లివింగ్ స్టోన్ రూపంలో ఆర్సీబీ నాలుగో వికెట్ కోల్పోయింది. హార్దిక్ పాండ్యా బౌలింగ్‌లో ఖాతా తెర‌వ‌కుండానే లివింగ్ స్టోన్ పెవిలియ‌న్‌కు చేరాడు. 15 ఓవ‌ర్లు ముగిసేస‌రికి ఆర్సీబీ 4 వికెట్ల న‌ష్టానికి 162 ప‌రుగులు చేసింది.ఆర్సీబీ మూడో వికెట్ డౌన్‌.. కోహ్లి ఔట్‌విరాట్ కోహ్లి రూపంలో ఆర్సీబీ మూడో వికెట్ కోల్పోయింది. 67 ప‌రుగులు చేసిన విరాట్ కోహ్లి.. హార్దిక్ పాండ్యా బౌలింగ్‌లో ఔట‌య్యాడు. నిల‌క‌డ‌గా ఆడుతున్న విరాట్‌, పాటిదార్‌13 ఓవ‌ర్లు ముగిసే స‌రికి ఆర్సీబీ రెండు వికెట్ల న‌ష్టానికి 123 ప‌రుగులు చేసింది. క్రీజులో విరాట్ కోహ్లి(60), పాటిదార్‌(19) ఉన్నారు.ఆర్సీబీ రెండో వికెట్ డౌన్‌..దేవ్‌ద‌త్త్ ప‌డిక్క‌ల్ రూపంలో ఆర్సీబీ రెండో వికెట్ కోల్పోయింది. 37 ప‌రుగులు చేసిన ప‌డిక్క‌ల్‌.. విఘ్నేష్ పుత్తార్ బౌలింగ్‌లో ఔట‌య్యాడు. 9 ఓవ‌ర్లు ముగిసే స‌రికి ఆర్సీబీ రెండు వికెట్ల న‌ష్టానికి 95 ప‌రుగులు చేసింది. విరాట్ కోహ్లి త‌న హాఫ్ సెంచ‌రీ మార్క్‌ను పూర్తి చేసుకున్నాడు. 53 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు.దూకుడుగా ఆడుతున్న కోహ్లి..విరాట్ కోహ్లి దూకుడుగా ఆడుతున్నాడు. 25 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. 4 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 43 ప‌రుగులు చేసింది. క్రీజులో కోహ్లితో పాటు ప‌డిక్క‌ల్‌(13) ఉన్నారు.ఆర్సీబీకి భారీ షాక్‌.. సాల్ట్ ఔట్‌టాస్ ఓడి తొలుత బ్యాటింగ్‌కు ఆర్సీబీకి ఆదిలోనే భారీ షాక్ త‌గిలింది. 4 ప‌రుగులు చేసిన ఫిల్ సాల్ట్‌.. ట్రెంట్ బౌల్ట్ బౌలింగ్‌లో క్లీన్ బౌల్డ‌య్యాడు. 2 ఓవ‌ర్లు ముగిసే స‌రికి ఆర్సీబీ వికెట్ న‌ష్టానికి 17 ప‌రుగులు చేసింది. క్రీజులో విరాట్ కోహ్లి(9), ప‌డిక్క‌ల్‌(4) ఉన్నారు.ఐపీఎల్‌-2025లో వాంఖ‌డే స్టేడియం వేదిక‌గా ముంబై ఇండియ‌న్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన ముంబై ఇండియ‌న్స్‌ తొలుత బౌలింగ్ ఎంచుకుంది. ఈ మ్యాచ్‌లో ముంబై ఇండియ‌న్స్ రెండు మార్పుల‌తో బ‌రిలోకి దిగింది. స్టార్ పేస‌ర్ జ‌స్ప్రీత్ బుమ్రా, రోహిత్ శ‌ర్మ తిరిగి తుది జ‌ట్టులోకి వ‌చ్చారు.తుది జ‌ట్లురాయల్ ఛాలెంజర్స్ బెంగళూరు ప్లేయింగ్ XI: విరాట్ కోహ్లి, ఫిలిప్ సాల్ట్, దేవదత్ పడిక్కల్, రజత్ పాటిదార్ (కెప్టెన్‌), లియామ్ లివింగ్‌స్టోన్, జితేష్ శర్మ (వికెట్ కీప‌ర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, యశ్ దయాల్ముంబై ఇండియన్స్ ప్లేయింగ్ XI: ర్యాన్ రికెల్టన్ (వికెట్ కీప‌ర్‌), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, విఘ్నేష్ పుత్తూర్, జస్ప్రీత్ బుమ్రా

ఐపీఎల్ ఫ్రాంచైజీ రాయ‌ల్ ఛాలెంజ‌ర్స్ బెంగ‌ళూరుకు ఉన్న ఫ్యాన్ బేస్ గురుంచి ప్ర‌త్యేకంగా చెప్పాల్సిన అవ‌స‌రం లేదు. ఐపీఎల్ మొద‌లైదంటే ఈ సారి క‌ప్ న‌మ్‌దే అంటూ అభిమానులు చేసే హంగామా ఎంత అంత కాదు. క‌నీసం 18వ సీజ‌న్‌లోనైనా త‌మ ఆరాధ్య జ‌ట్టు కొట్టాల‌ని ఫ్యాన్స్ కోరుకుంటున్నారు. ఈ క్ర‌మంలో బెంగ‌ళూరుకు చెందిన ఓ ఆటోడ్రైవ‌ర్ ఆర్సీబీ త‌న అభిమానాన్ని ప్ర‌త్యేకంగా చాటుకున్నాడు.అజ్మల్ సుల్తాన్ అనే ఆటో డ్రైవ‌ర్ ఆర్సీబీ జెర్సీ ధ‌రించిన వారికి ఉచిత ప్ర‌యాణం క‌ల్పిస్తానని ప్ర‌క‌టించాడు. ఆర్సీబీ జెర్సీ ధ‌రించి ఉంటే రైడ్ ఫ్రీ అని త‌న ఆటో వెన‌క అజ్మల్ రాసుకొచ్చాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. అభిమానం అంటే ఇదే నీదేనే అన్నా అని నెటిజ‌న్లు కామెంట్లు చేస్తున్నారు.ఇక ఐపీఎల్-2025 సీజ‌న్‌లో ఆర్సీబీ అద్బుత‌మైన ప్ర‌ద‌ర్శ‌న క‌న‌బ‌రుస్తోంది. త‌మ తొలి రెండు మ్యాచ్‌ల్లో ఘ‌న విజ‌యాలు అందుకున్న బెంగ‌ళూరు జట్టు.. బుధవారం త‌మ సొంత‌మైదానంలో గుజ‌రాత్ టైటాన్స్‌తో జ‌రిగిన మ్యాచ్‌లో మాత్రం ఓట‌మి పాలైంది. తొలుత బ్యాటింగ్ చేసిన ఆర్సీబీ 8 వికెట్ల న‌ష్టానికి 169 ప‌రుగులు చేసింది. ఆర్సీబీ బ్యాట‌ర్ల‌లో లివింగ్ స్టోన్‌(54) టాప్ స్కోర‌ర్‌గా నిల‌వ‌గా.. జితేష్ శ‌ర్మ‌(33), టిమ్ డేవిడ్‌(32) రాణించారు.గుజ‌రాత్ బౌల‌ర్ల‌లో సిరాజ్ మూడు వికెట్ల‌తో స‌త్తాచాటాడు. అత‌డితో పాటు సాయికిషోర్ రెండు, అర్ష‌ద్‌, ప్ర‌సిద్ద్‌, ఇషాంత్ త‌లా వికెట్ సాధించారు. అనంత‌రం 170 ప‌రుగుల ల‌క్ష్యాన్ని గుజ‌రాత్ కేవ‌లం రెండు వికెట్లు మాత్ర‌మే కోల్పోయి 17.5 ఓవ‌ర్ల‌లో చేధించింది. జోస్ బ‌ట్ల‌ర్‌(73) ఆజేయ హాఫ్ సెంచ‌రీతో చెల‌రేగ‌గా.. సాయిసుద‌ర్శ‌న్‌(49) అద్భుత‌మైన ఇన్నింగ్స్ ఆడాడు. ఆర్సీబీ త‌మ త‌దుప‌రి మ్యాచ్‌లో ఏప్రిల్ 7న ముంబై ఇండియ‌న్స్‌తో త‌ల‌ప‌డ‌నుంది.చ‌ద‌వండి: SRH: వాళ్లిద్దరు కలిసి 217 పరుగులు ఇచ్చారు.. ఇలా అయితే కష్టమే: భారత మాజీ క్రికెటర్‌

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు(RCB) అద్బుత‌మైన ప్ర‌ద‌ర్శ‌న క‌న‌బ‌రుస్తోంది. వరుస‌గా రెండో మ్యాచ్‌లోనూ ఆర్సీబీ విజ‌యం సాధించింది. శుక్ర‌వారం చెపాక్ వేదిక‌గా జ‌రిగిన మ్యాచ్‌లో 50 ప‌రుగుల తేడాతో సీఎస్‌కేను ఆర్సీబీ చిత్తు చేసింది. దీంతో సీఎస్‌కే కంచుకోటను ఆర్సీబీ బ‌ద్ద‌లు కొట్టింది. 2008 సీజ‌న్ త‌ర్వాత చెపాక్‌లో సీఎస్‌కేను ఆర్సీబీ ఓడించ‌డం ఇదే తొలిసారి.అయితే ఈ మ్యాచ్‌లో ఆర్సీబీ స్టార్ ప్లేయ‌ర్ విరాట్ కోహ్లి త‌న స్ధాయికి త‌గ్గ ప్ర‌దర్శ‌న చేయ‌లేక‌పోయాడు. 30 బంతులు ఎదుర్కొని కేవ‌లం 31 ప‌రుగులు మాత్ర‌మే చేసి విరాట్ ఔట‌య్యాడు. ఈ నేప‌థ్యంలో కోహ్లి ఇన్నింగ్స్‌పై భార‌త మాజీ క్రికెట‌ర్ ఆకాష్ చోప్రా కీల‌క వ్యాఖ్య‌లు చేశాడు."ఈ మ్యాచ్‌లో చెన్నై బౌల‌ర్ల‌ను ఎదుర్కొనేందుకు విరాట్ కోహ్లి ఇబ్బందిప‌డ్డాడు. త‌ను ఎదుర్కొన్న తొలి బంతి నుంచే కోహ్లి అంత కంఫార్ట్‌గా క‌న్పించలేదు. ఎక్కువ‌గా లెగ్ సైడ్ షాట్లు ఆడేందుకు ప్ర‌య‌త్నించాడు. కానీ బంతిని మిడిల్ చేయ‌లేక‌పోయాడు. ప‌తిరానా బౌలింగ్‌లో త‌న హెల్మెట్‌కు బంతి బ‌లంగా త‌గిలింది. వెంట‌నే ఓ సిక్స్‌, ఫోరు కొట్టి ట‌చ్‌లోకి వ‌చ్చిన‌ట్లు క‌న్పించాడు. కానీ వెంట‌నే నూర్ అహ్మ‌ద్ బౌలింగ్‌లో లాఫ్టెడ్ స్వీప్ ఆడుతూ డీప్ స్క్వేర్ లెగ్‌లో దొరికిపోయాడు. అస్స‌లు ఇది కోహ్లి ఇన్నింగ్సే కాదు. కోహ్లి ఫెయిల్ అయిన‌ప్ప‌టికి మిగితా ప్లేయ‌ర్లు అద్బుతంగా రాణించారు.విరాట్ 30 బంతుల్లో 31 పరుగులు చేస్తే.. మిగిలిన ప్లేయ‌ర్ చెల‌రేగ‌డంతో ఆర్సీబీ 196 ప‌రుగులు చేసింది. అంటే కోహ్లి 5 ఓవ‌ర్లు ఆడిన‌ప్ప‌టికి.. మిగితా ప్లేయ‌ర్ల 15 ఓవ‌ర్ల‌లో జ‌ట్టుకు 166 పరుగులు అందించారు. గ‌తంలో కోహ్లి బాగా ఆడితే మిగితా ఆర్సీబీ బ్యాట‌ర్లు నిరాశ‌ప‌రిచేవారు.దీంతో ప్ర‌తీసారి జ‌ట్టు 15 నుంచి 20 ప‌రుగులు వెన‌క‌బడి ఉండేది. కానీ ఇప్పుడు ప‌రిస్థితి మారింది. కోహ్లి ఇబ్బంది పడుతున్నప్పటికీ.. మిగితా ప్లేయ‌ర్లు ఎటాక్ చేస్తున్నారు. ప్ర‌స్తుతం ఆర్సీబీ బ్యాటింగ్ లైన‌ప్ అద్భుతంగా ఉంది" అని త‌న యూట్యూబ్ ఛాన‌ల్‌లో చోప్రా పేర్కొన్నాడు.చ‌ద‌వండి: PAK vs NZ: చ‌రిత్ర సృష్టించిన న్యూజిలాండ్ ప్లేయర్‌.. ప్రపంచంలోనే తొలి ఆటగాడిగా

ఐపీఎల్‌ 2025లో ఆర్సీబీ గత 17 సీజన్లతో పోలిస్తే కాస్త భిన్నంగా కనిపిస్తుంది. ఈ సీజన్‌లో ఆ జట్టు తొలి మ్యాచ్‌ నుంచే విజయాల బాట పట్టింది. సాధారణంగా ఆర్సీబీ తొలి మ్యాచ్‌లను పెద్దగా పట్టించుకోదు. ఆ జట్టు ప్లే ఆఫ్స్‌కు చేరిన ప్రతిసారి ఆఖరి మ్యాచ్‌ల్లోనే విజయాలు సాధించింది. ఈ సీజన్‌లో ఆర్సీబీ వరుసగా కేకేఆర్‌, ముంబై ఇండియన్స్‌పై విజయాలు నమోదు చేసింది. ఈ రెండు విజయాలు ప్రత్యర్థుల అడ్డాలో రావడం మరింత ప్రత్యేకం. డిఫెండింగ్‌ ఛాంపియన్‌ హోదాలో బరిలోకి దిగిన కేకేఆర్‌ను ఆర్సీబీ ఈడెన్‌ గార్డన్స్‌లో ఓడించింది. ఐదు సార్లు ఛాంపియన్‌ అయిన సీఎస్‌కేను 17 ఏళ్ల సుదీర్ఘ విరామం తర్వాత చెపాక్‌లో మట్టికరిపించింది.ఈ సీజన్‌లో ఆర్సీబీ జట్టుగా కూడా బలంగా కనిపిస్తుంది. గత సీజన్లలోలా ఒకరిద్దరిపై ఆధారపడినట్లు కనిపించడం లేదు. కొత్త కెప్టెన్‌ రజత్‌ పాటిదార్‌ కామ్‌గా ఉంటూ ఆశ్చర్యకర రీతిలో వ్యూహాలు పన్నుతుకున్నాడు. పాటిదార్‌ కెప్టెన్సీ కూడా ఈసారి ఆర్సీబీ టైటిల్‌ గెలుపును సూచిస్తుంది. పాటిదార్‌ వ్యక్తిగతంగా కూడా రాణించడం ఆర్సీబీకి మరో శుభ సూచకం. ఈ సీజన్‌లో ఆర్సీబీ గెలిచిన రెండు మ్యాచ్‌ల్లో పాటిదార్‌ చాలా మూల్యమైన ఇన్నింగ్స్‌లు ఆడాడు. పాటిదార్‌ బలంగా షాట్లు ఆడుతూ స్పిన్నర్లను బెంబేలెత్తిస్తున్నాడు. పాటిదార్‌ ఇదే ఫామ్‌ను కొనసాగిస్తే.. ఆర్సీబీ ఈసారి ఖచ్చితంగా అద్భుతం చేస్తుంది.ఈ సీజన్‌లో ఆర్సీబీకి మరో శుభ సూచకం హాజిల్‌వుడ్‌ ఫామ్‌. హాజిల్‌వుడ్‌ ఈ సీజన్‌లో భీకర ఫామ్‌లో ఉన్నాడు. ఆర్సీబీ గెలిచిన రెండు మ్యాచ్‌ల్లో అతడు కీలకపాత్ర పోషించాడు. ఈ రెండు మ్యాచ్‌ల్లో హాజిల్‌వుడ్‌ ఆదిలోనే వికెట్లు తీసి ప్రత్యర్ధులను డిఫెన్స్‌లో పడేశాడు. ఈ సీజన్‌లో ఆర్సీబీకి లభించిన మరో ఎక్స్‌ ఫ్యాక్టర్‌ ఫిల్‌ సాల్ట్‌. సాల్ట్‌ ఈ సీజన్‌లో ఆడిన తొలి రెండు మ్యాచ్‌ల్లో సుడిగాలి ఇన్నింగ్స్‌లు ఆడి జట్టుకు బలమైన పునాది వేశాడు. తొలి మ్యాచ్‌లో అర్ద సెంచరీతో మెరిసిన విరాట్‌.. సీఎస్‌కేతో జరిగిన మ్యాచ్‌లోనూ పర్వాలేదనిపించాడు.తొలి మ్యాచ్‌లో తన స్పిన్‌ బౌలింగ్‌తో అద్బుతం చేసిన కృనాల్‌ పాండ్యా కూడా ఈ సీజన్‌లో ఆర్సీబీకి టైటిల్‌ అందించేలా ఉన్నాడు. దేవ్‌దత్‌ పడిక్కల్‌, జితేశ్‌ శర్మ కూడా లైన్‌లోకి వస్తే ఆర్సీబీ బ్యాటింగ్‌ యూనిట్‌ మరింత పటిష్టంగా తయారవుతుంది. విదేశీ విధ్వంకర వీరులు లివింగ్‌స్టోన్‌, టిమ్‌ డేవిడ్‌ తమ సామర్థ్యం మేరకు రాణిస్తే ఈ సీజన్‌లో టైటిల్‌ గెలవకుండా ఆర్సీబీని ఎవ్వరూ ఆపలేరు. ఆర్సీబీలో దేశీయ బౌలింగ్‌ విభాగం కూడా చాలా పటిష్టంగా ఉంది. భువనేశ్వర్‌ కుమార్‌ చేరిక ఆర్సీబీ పేస్‌ విభాగానికి మరింత ఊపునిచ్చింది. యశ్‌ దయాల్‌ సీఎస్‌కేతో మ్యాచ్‌లో ఒకే ఒవర్‌లో రెండు వికెట్లు​ తీసి మంచి టచ్‌లో ఉన్నట్లు కనిపిస్తున్నాడు. స్పిన్నర్‌ సుయాశ్‌ శర్మ తొలి మ్యాచ్‌లో మ్యాజిక్‌ చేశాడు. సీఎస్‌కేతో మ్యాచ్‌లో సుయాశ్‌ వికెట్లు తీయనప్పటికీ.. పొదుపుగా బౌలింగ్‌ చేశాడు. ఓవరాల్‌గా ఆర్సీబీ ఈ సీజన్‌లో చాలా పటిష్టంగా కనిపిస్తుంది. ప్రతి సీజన్‌కు ముందు ఈ సాలా కప్‌ నమ్మదే అని డప్పు కొట్టుకునే ఆర్సీబీ ఫ్యాన్స్‌ గతానికి భిన్నంగా ఈసారి ఎక్కువగా హడావుడి చేయడం లేదు. ఇదీ ఓ రకంగా ఆర్సీబీ టైటిల్‌ గెలుపుకు సూచకంగా తీసుకోవచ్చు. అన్నిటి కంటే ఎక్కువగా ఈ సారి అంకెల కో ఇన్సిడెన్స్‌ ఆర్సీబీకి కలిసొస్తుందేమో అనిపిస్తుంది. ఆర్సీబీ స్టార్‌ ఆటగాడు విరాట్‌ కోహ్లి జెర్సీ నంబర్‌ 18 కాగా.. ఈ ఐపీఎల్‌ సీజన్‌ సంఖ్య కూడా పద్దెనిమిదే కావడం​ విశేషం. మరి 18 సీజన్‌ ఆర్సీబీ టైటిల్‌ విన్నింగ్‌ సీజన్‌ అవుతుందో లేదో వేచి చూడాలి.

ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు వ‌రుస‌గా రెండో విజ‌యం సాధించింది. ఈ టోర్నీలో భాగంగా చెపాక్ వేదిక‌గా జ‌రిగిన చెన్నై సూపర్‌ కింగ్స్‌తో జ‌రిగిన మ్యాచ్‌లో 50 ప‌రుగుల తేడాతో ఆర్సీబీ గెలుపొందింది. 197 ప‌రుగుల భారీ లక్ష్యంతో బ‌రిలోకి సీఎస్‌కే నిర్ణీత 20 ఓవ‌ర్ల‌లో 8 వికెట్లు కోల్పోయి 146 ప‌రుగులు చేసింది. సీఎస్‌కే బ్యాట‌ర్ల‌లో ర‌చిన్ ర‌వీంద్ర‌(41) టాప్ స్కోర‌ర్‌గా నిల‌వ‌గా.. ఆఖ‌రిలో ధోని(16 బంతుల్లో 3 ఫోర్లు, 2 సిక్స్‌ల‌తో 30) మెరుపు ఇన్నింగ్స్ ఆడాడు. ఆర్సీబీ బౌల‌ర్ల‌లో జోష్ హాజిల్ వుడ్ మూడు వికెట్లు ప‌డ‌గొట్ట‌గా.. యశ్ ద‌యాల్‌, లివింగ్‌స్టోన్ త‌లా రెండు వికెట్లు సాధించారు.చెపాక్‌లో సీఎస్‌కేపై ఆర్సీబీ విజ‌యం సాధించ‌డం 2008 సీజ‌న్ త‌ర్వాత ఇదే తొలిసారి. దీంతో సీఎస్‌కే కంచుకోట‌ను పాటిదార్ సార‌థ్యంలోని ఆర్సీబీ బ‌ద్దలు కొట్టింది. 2008 సీజ‌న్ త‌ర్వాత ఏ ఆర్సీబీ కెప్టెన్ కూడా చెపాక్‌లో సీఎస్‌కేపై త‌న జ‌ట్టును గెలిపించక‌లేక‌పోయాడు. ఇప్పుడు అది పాటిదార్‌కు సాధ్య‌మైంది. కావ‌డం విశేషం. ఇక ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఆర్సీబీ 7 వికెట్ల న‌ష్టానికి 196 ప‌రుగులు చేసింది. ఆర్సీబీ బ్యాట‌ర్ల‌లో ర‌జిత్ పాటిదార్‌(51) కెప్టెన్ ఇన్నింగ్స్ ఆడ‌గా.. ఫిల్ సాల్ట్‌(32), విరాట్ కోహ్లి(31), ప‌డిక్క‌ల్‌(27) రాణించారు. ఆఖ‌రి ఓవ‌ర్‌లో టిమ్ డేవిడ్‌( 8 బంతుల్లో 1ఫోర్లు, 3 సిక్స్‌ల‌తో 22) మెరుపులు మెరిపించాడు. సీఎస్‌కే బౌల‌ర్ల‌లో నూర్ ఆహ్మ‌ద్ మూడు వికెట్లు ప‌డ‌గొట్ట‌గా.. ప‌తిరానా రెండు, ఖాలీల్ అహ్మ‌ద్‌, అశ్విన్ త‌లా వికెట్ సాధించారు.

ఐపీఎల్‌-2025లో చెపాక్ వేదిక‌గా చెన్నై సూప‌ర్ కింగ్స్‌తో మ్యాచ్‌లో రాయల్ ఛాలెంజర్స్ బెంగళూరు స్టార్ బ్యాట‌ర్ విరాట్ కోహ్లి ప‌ర్వాలేద‌న్పించాడు. ఈ మ్యాచ్‌లో కోహ్లి 30 బంతులు ఎదుర్కొన్న విరాట్‌.. 2 ఫోర్లు, 1 సిక్స‌ర్‌తో 31 ప‌రుగులు చేశాడు. త‌ద్వారా కింగ్ కోహ్లి ఓ అరుదైన రికార్డును త‌న పేరిట లిఖించుకున్నాడు. ఐపీఎల్ చ‌రిత్ర‌లో చెన్నై సూపర్ కింగ్స్‌పై అత్య‌ధిక ప‌రుగులు చేసిన ఆట‌గాడిగా కోహ్లి నిలిచాడు.కోహ్లి ఇప్ప‌టివ‌ర‌కు సీఎస్‌కేపై 34 మ్యాచ్‌ల్లో 1068 ప‌రుగులు సాధించాడు. ఇంత‌కుముందు ఈ రికార్డు టీమిండియా మాజీ కెప్టెన్ శిఖ‌ర్ ధావ‌న్ పేరిట ఉండేది. ధావ‌న్ చెన్నైపై 29 మ్యాచ్‌ల్లో 44.04 సగటుతో మొత్తం 1,057 పరుగులు చేశాడు. అందులో ఓ సెంచ‌రీతో పాటు, 8 అర్ధ సెంచరీలు ఉన్నాయి. తాజా మ్యాచ్‌లో 3 ప‌రుగుల వ్య‌క్తిగ‌త స్కోర్ వ‌ద్ద ధావ‌న్ రికార్డును కోహ్లి బ్రేక్ చేశాడు. ఈ అరుదైన ఫీట్ సాధించిన జాబితాలో కోహ్లి, ధావ‌న్ త‌ర్వాతి స్దానాల్లో వ‌రుస‌గా రోహిత్ శ‌ర్మ‌(896), డేవిడ్ వార్న‌ర్‌(696), కీరన్ పొలార్డ్(583) ఉన్నారు. ఇక ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఆర్సీబీ 7 వికెట్ల న‌ష్టానికి 196 ప‌రుగులు చేసింది. ఆర్సీబీ బ్యాట‌ర్ల‌లో ర‌జిత్ పాటిదార్‌(51) కెప్టెన్ ఇన్నింగ్స్ ఆడ‌గా.. ఫిల్ సాల్ట్‌(32), విరాట్ కోహ్లి(31), ప‌డిక్క‌ల్‌(27) రాణించారు. ఆఖ‌రి ఓవ‌ర్‌లో టిమ్ డేవిడ్‌( 8 బంతుల్లో 1ఫోర్లు, 3 సిక్స్‌ల‌తో 22) మెరుపులు మెరిపించాడు. సీఎస్‌కే బౌల‌ర్ల‌లో నూర్ ఆహ్మ‌ద్ మూడు వికెట్లు ప‌డ‌గొట్ట‌గా.. ప‌తిరానా రెండు, ఖాలీల్ అహ్మ‌ద్‌, అశ్విన్ త‌లా వికెట్ సాధించారు.

IPL2025 Csk Vs Rcb live Updates and Highlights: సీఎస్‌కేపై ఆర్సీబీ ఘ‌న విజ‌యం..ఐపీఎల్‌-2025లో రాయ‌ల్ ఛాలెంజ‌ర్స్ బెంగ‌ళూరు వ‌రుస‌గా రెండో విజ‌యం సాధించింది. ఈ టోర్నీలో భాగంగా చెపాక్ వేదిక‌గా జ‌రిగిన చెన్నై సూపర్‌ కింగ్స్‌తో జ‌రిగిన మ్యాచ్‌లో 50 ప‌రుగుల తేడాతో ఆర్సీబీ గెలుపొందింది. 197 ప‌రుగుల భారీ లక్ష్యంతో బ‌రిలోకి సీఎస్‌కే నిర్ణీత 20 ఓవ‌ర్ల‌లో 8 వికెట్లు కోల్పోయి 146 ప‌రుగులు చేసింది. సీఎస్‌కే బ్యాట‌ర్ల‌లో ర‌చిన్ ర‌వీంద్ర‌(41) టాప్ స్కోర‌ర్‌గా నిల‌వ‌గా.. ఆఖ‌రిలో ధోని(16 బంతుల్లో 3 ఫోర్లు, 2 సిక్స్‌ల‌తో 30) మెరుపు ఇన్నింగ్స్ ఆడాడు. ఆర్సీబీ బౌల‌ర్ల‌లో జోష్ హాజిల్ వుడ్ మూడు వికెట్లు ప‌డ‌గొట్ట‌గా.. యశ్ ద‌యాల్‌, లివింగ్‌స్టోన్ త‌లా రెండు వికెట్లు సాధించారు. చెపాక్‌లో సీఎస్‌కేపై ఆర్సీబీ విజ‌యం సాధించ‌డం 2008 సీజ‌న్ త‌ర్వాత ఇదే తొలిసారి కావ‌డం విశేషం. ఇక ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఆర్సీబీ 7 వికెట్ల న‌ష్టానికి 196 ప‌రుగులు చేసింది. ఆర్సీబీ బ్యాట‌ర్ల‌లో ర‌జిత్ పాటిదార్‌(51) కెప్టెన్ ఇన్నింగ్స్ ఆడ‌గా.. ఫిల్ సాల్ట్‌(32), విరాట్ కోహ్లి(31), ప‌డిక్క‌ల్‌(27) రాణించారు. ఆఖ‌రి ఓవ‌ర్‌లో టిమ్ డేవిడ్‌( 8 బంతుల్లో 1ఫోర్లు, 3 సిక్స్‌ల‌తో 22) మెరుపులు మెరిపించాడు. సీఎస్‌కే బౌల‌ర్ల‌లో నూర్ ఆహ్మ‌ద్ మూడు వికెట్లు ప‌డ‌గొట్ట‌గా.. ప‌తిరానా రెండు, ఖాలీల్ అహ్మ‌ద్‌, అశ్విన్ త‌లా వికెట్ సాధించారు. క‌ష్టాల్లో సీఎస్‌కే.. 81 ప‌రుగుల‌కే 6 వికెట్లుసీఎస్‌కే 81 ప‌రుగుల‌కే 6 వికెట్లు కోల్పోయి క‌ష్టాల్లో ప‌డింది. 13వ ఓవ‌ర్ వేసిన య‌శ్ ద‌యాల్ బౌలింగ్‌లో తొలి బంతికి ర‌చిన్ ర‌వీంద్ర‌(41).. ఐదో బంతికి శివ‌మ్ దూబే(19) ఔట‌య్యాడు. 14 ఓవ‌ర్లు ముగిసే స‌రికి సీఎస్‌కే 6 వికెట్ల న‌ష్టానికి 89 ప‌రుగులు చేసింది.సీఎస్‌కే నాలుగో వికెట్ డౌన్‌.. సామ్ కుర్రాన్ రూపంలో సీఎస్‌కే నాలుగో వికెట్ కోల్పోయింది. 8 ప‌రుగులు చేసిన సామ్ కుర్రాన్‌.. లివింగ్ స్టోన్ బౌలింగ్‌లో ఔట‌య్యాడు. క్రీజులోకి శివ‌మ్ దూబే వ‌చ్చాడు. 10 ఓవ‌ర్లు ముగిసే స‌రికి సీఎస్‌కే 4 వికెట్ల న‌ష్టానికి 65 ప‌రుగులు చేసింది.సీఎస్‌కే మూడో వికెట్ డౌన్‌.. దీప‌క్ హుడా ఔట్‌దీప‌క్ హుడా రూపంలో సీఎస్‌కే మూడో వికెట్ కోల్పోయింది. 4 ప‌రుగులు చేసిన హుడా.. భువ‌నేశ్వ‌ర్ కుమార్ బౌలింగ్‌లో ఔట‌య్యాడు. 4.4 ఓవ‌ర్ల‌కు ఆర్సీబీ స్కోర్‌: 26/3సీఎస్‌కేకు భారీ షాక్‌.. ఒకే ఓవ‌ర్‌లో రెండు వికెట్లు197 ప‌రుగుల భారీ ల‌క్ష్యంతో బ‌రిలోకి దిగిన సీఎస్‌కేకు ఆదిలోనే భారీ షాక్ త‌గిలింది. రెండో ఓవ‌ర్ వేసిన జోష్ హాజిల్ వుడ్ బౌలింగ్‌లో రెండో బంతికి రాహుల్ త్రిపాఠి(5) ఔట్ కాగా.. ఆఖ‌రి బంతికి రుతురాజ్ గైక్వాడ్‌(0) పెవిలియ‌న్‌కు చేరాడు.పాటిదార్ కెప్టెన్ ఇన్నింగ్స్‌.. సీఎస్‌కే ముందు భారీ టార్గెట్‌చెపాక్ వేదిక‌గా చెన్నైసూప‌ర్ కింగ్స్‌తో జ‌రుగుతున్న మ్యాచ్‌లో ఆర్సీబీ బ్యాట‌ర్లు చెల‌రేగారు. టాస్ ఓడి తొలుత బ్యాటింగ్‌కు దిగిన ఆర్సీబీ 7 వికెట్ల న‌ష్టానికి 196 ప‌రుగులు చేసింది. ఆర్సీబీ బ్యాట‌ర్ల‌లో ర‌జిత్ పాటిదార్‌(51) కెప్టెన్ ఇన్నింగ్స్ ఆడ‌గా.. ఫిల్ సాల్ట్‌(32), విరాట్ కోహ్లి(31), ప‌డిక్క‌ల్‌(27) రాణించారు. ఆఖ‌రి ఓవ‌ర్‌లో టిమ్ డేవిడ్‌( 8 బంతుల్లో 1ఫోర్లు, 3 సిక్స్‌ల‌తో 22) మెరుపులు మెరిపించాడు. సీఎస్‌కే బౌల‌ర్ల‌లో నూర్ ఆహ్మ‌ద్ మూడు వికెట్లు ప‌డ‌గొట్ట‌గా.. ప‌తిరానా రెండు, ఖాలీల్ అహ్మ‌ద్‌, అశ్విన్ త‌లా వికెట్ సాధించారు.ఆర్సీబీ ఐదో వికెట్ డౌన్‌..జితేశ్ కుమార్ రూపంలో ఆర్సీబీ ఐదో వికెట్ కోల్పోయింది. 12 ప‌రుగులు చేసిన జితేశ్‌.. ఖాలీల్ అహ్మ‌ద్ బౌలింగ్‌లో పెవిలియ‌న్‌కు చేరాడు. క్రీజులోకి టిమ్ డేవిడ్ వ‌చ్చాడు.16 ఓవ‌ర్ల‌కు ఆర్సీబీ స్కోర్‌16 ఓవ‌ర్లు ముగిసే స‌రికి ఆర్సీబీ 4 వికెట్ల న‌ష్టానికి 153 ప‌రుగులు చేసింది. క్రీజులో జితేశ్ శ‌ర్మ‌(7), ర‌జిత్ పాటిదార్‌(38) ఉన్నారు.ఆర్సీబీ మూడో వికెట్ డౌన్‌.. విరాట్ కోహ్లి ఔట్‌విరాట్ కోహ్లి రూపంలో ఆర్సీబీ మూడో వికెట్ కోల్పోయింది. 31 ప‌రుగులు చేసిన విరాట్ కోహ్లి.. నూర్ ఆహ్మ‌ద్ బౌలింగ్‌లో పెవిలియ‌న్‌కు చేరాడు. 13 ఓవ‌ర్లు ముగిసే స‌రికి ఆర్సీబీ మూడు వికెట్ల న‌ష్టానికి 119 ప‌రుగులు చేసింది. క్రీజులో పాటిదార్‌(21), లివింగ్ స్టోన్‌(1) ఉన్నారు.హిట్టింగ్ మొద‌లెట్టిన‌ కోహ్లి11 ఓవ‌ర్లు ముగిసే స‌రికి ఆర్సీబీ రెండు వికెట్ల న‌ష్టానికి 109 ప‌రుగులు చేసింది. క్రీజులో ర‌జిత్ పాటిదార్‌(16), విరాట్ కోహ్లి(27) ఉన్నారు. ఇప్ప‌టివ‌ర‌కు నెమ్మదిగా ఆడిన కోహ్లి.. త‌న హిట్టింగ్‌ను మొద‌లుపెట్టాడు.ఆర్సీబీ రెండో వికెట్ డౌన్‌.. ప‌డిక్క‌ల్ ఔట్‌దేవ‌ద‌త్త్ ప‌డిక్కల్ రూపంలో ఆర్సీబీ రెండో వికెట్ కోల్పోయింది. 27 ప‌రుగులతో దూకుడుగా ఆడిన ప‌డిక్క‌ల్‌.. అశ్విన్ బౌలింగ్‌లో ఔట‌య్యాడు. 8 ఓవ‌ర్లు ముగిసే స‌రికి ఆర్సీబీ 2 వికెట్ల న‌ష్టానికి 77 ప‌రుగులు చేసింది. క్రీజులో విరాట్ కోహ్లి(12) ఉన్నారు.తొలి వికెట్ కోల్పోయిన ఆర్సీబీ.. సాల్ట్ ఔట్‌.. ఫిల్ సాల్ట్ రూపంలో ఆర్సీబీ తొలి వికెట్ కోల్పోయింది. 32 పరుగులు చేసిన సాల్ట్‌.. నూర్ ఆహ్మద్ బౌలింగ్‌లో స్టంపౌట్‌గా వెనుదిరిగాడు. వికెట్ల వెనక ధోని మరోసారి అద్భుతం చేశాడు. క్రీజులోకి దేవదత్త్ పడిక్కల్ వచ్చాడు. 6 ఓవర్లు ముగిసే సరికి ఆర్సీబీ వికెట్ నష్టానికి 56 పరుగులు చేసింది. క్రీజులో విరాట్ కోహ్లి(11), పడిక్కల్‌(9) ఉన్నారు.దూకుడుగా ఆడుతున్న ఆర్సీబీ ఓపెన‌ర్లు..టాస్ ఓడి బ్యాటింగ్‌కు దిగిన ఆర్సీబీ ఓపెన‌ర్లు దూకుడుగా ఆడుతున్నారు. 2 ఓవ‌ర్లు ముగిసే స‌రికి ఆర్సీబీ వికెట్ న‌ష్ట‌పోకుండా 25 ప‌రుగులు చేసింది. క్రీజులో ఫిల్ సాల్ట్‌(24), విరాట్ కోహ్లి(1) ఉన్నారు.ఐపీఎల్‌-2025లో మ‌రో కీల‌క పోరుకు స‌మ‌యం అస‌న్న‌మైంది. చెపాక్ వేదిక‌గా చెన్నై సూప‌ర్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన సీఎస్‌కే తొలుత బౌలింగ్ ఎంచుకుంది. ఈ మ్యాచ్‌లో ఇరు జ‌ట్లు చెరో మార్పుతో బ‌రిలోకి దిగాయి. సీఎస్‌కే జ‌ట్టులోకి మ‌తీషా ప‌తిరానా రాగా.. ఆర్సీబీ జ‌ట్టులోకి భువ‌నేశ్వ‌ర్ కుమార్ వ‌చ్చాడు.తుది జ‌ట్లురాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, ఫిలిప్ సాల్ట్, దేవదత్ పడిక్కల్, రజత్ పటీదార్(కెప్టెన్‌), లియామ్ లివింగ్‌స్టోన్, జితేష్ శర్మ(వికెట్ కీప‌ర్‌), టిమ్ డేవిడ్, కృనాల్ పాండ్యా, భువనేశ్వర్ కుమార్, జోష్ హాజిల్‌వుడ్, యశ్ దయాల్చెన్నై సూపర్ కింగ్స్ (ప్లేయింగ్ XI): రచిన్ రవీంద్ర, రుతురాజ్ గైక్వాడ్(కెప్టెన్‌), రాహుల్ త్రిపాఠి, దీపక్ హుడా, సామ్ కుర్రాన్, రవీంద్ర జడేజా, ఎంఎస్ ధోని(వికెట్ కీప‌ర్‌), రవిచంద్రన్ అశ్విన్, నూర్ అహ్మద్, మతీషా పతిరణ, ఖలీల్ అహ్మద్

ఐపీఎల్‌-2025 సీజ‌న్‌ తొలి మ్యాచ్‌లోనే కేకేఆర్‌ను చిత్తు చేసిన రాయ‌ల్ ఛాలెంజ‌ర్స్ బెంగ‌ళూరు.. ఇప్పుడు మ‌రో కీల‌క పోరుకు సిద్ద‌మవుతోంది. ఆర్సీబీ త‌మ రెండో మ్యాచ్‌లో భాగంగా మార్చి 28న చెపాక్ వేదిక‌గా చెన్నై సూప‌ర్ కింగ్స్‌తో త‌ల‌ప‌డ‌నుంది. సీఎస్‌కే కూడా త‌మ మొద‌టి మ్యాచ్‌లో ముంబై పై విజ‌యం సాధించి మంచి జోష్ మీద ఉంది. దీంతో ఈ రెండు జ‌ట్ల మ‌ధ్య పోరు మ‌రోసారి అభిమానుల‌ను మునివేళ్ల‌పై నిల‌బెట్ట‌డం ఖాయం.ఇక ఈ మ్యాచ్‌కు ఆర్సీబీకి ఓ గుడ్ న్యూస్ ఉంది. కేకేఆర్‌తో జ‌రిగిన తొలి మ్యాచ్‌కు గాయం కార‌ణంగా దూర‌మైన స్పీడ్ స్టార్ భువ‌నేశ్వ‌ర్ కుమార్.. ఇప్పుడు ఫుల్ ఫిట్‌నెస్ సాధించిన‌ట్లు తెలుస్తోంది. భువీ నెట్స్‌లో బౌలింగ్ ప్రాక్టీస్‌ను మొద‌లు పెట్టిన‌ట్లు వార్త‌లు వినిపిస్తున్నాయి. ఆర్సీబీ కూడా తాజాగా భువీ బంతి ప‌ట్టికుని ఉన్న ఫోటోను షేర్ చేసింది.అందుకు క్యాప్ష‌న్‌గా "భువీ త్వ‌ర‌లోనే బంతిని స్వింగ్ చేస్తాడు. అత‌డు మ‌రింత బ‌లంగా తిరిగిరానున్నాడ‌ని" బెంగ‌ళూరు ఫ్రాంచైజీ రాసుకొచ్చింది. దీంతో ఆర్సీబీ త‌దుపరి మ్యాచ్‌లో భువ‌నేశ్వ‌ర్ ఆడ‌టం దాదాపు ఖాయ‌మైన‌ట్లే. కాగా మొద‌టి మ్యాచ్‌కు భువ‌నేశ్వ‌ర్ కుమార్ స్ధానంలో జ‌మ్మూ కాశ్మీర్ బౌల‌ర్‌రసిఖ్ సలాం చోటు ద‌క్కించుకున్నాడు. కానీ అత‌డు అంత ప్ర‌భావం చూప‌లేదు. మూడు ఓవ‌ర్లు బౌలింగ్ చేసి 35 ప‌రుగుల‌తో పాటు ఓ వికెట్ ప‌డ‌గొట్టాడు. భువీ ఎంట్రీ ఇస్తే ధార్ సలీం బెంచ్‌కు ప‌రిమితం కానున్నాడు. కాగా 35 ఏళ్ల భువ‌నేశ్వ‌ర్ కుమార్‌కు అద్భుత‌మైన రికార్డు ఉంది. 176 ఐపిఎల్ మ్యాచ్‌లు ఆడిన ఈ యూపీ ఫాస్ట్ బౌల‌ర్‌.. 7.56 ఎకానమీతో 181 వికెట్లు త‌న ఖాతాలో వేసుకున్నాడు. కాగా గ‌త కొన్ని సీజ‌న్ల‌గా స‌న్‌రైజ‌ర్స్ హైదరాబాద్‌కు ప్రాతినిథ్యం వ‌హించిన భువనేశ్వర్‌ను ఐపీఎల్‌-2025 వేలంలో రూ. 10.75 భారీ ధరకు ఆర్సీబీ కొనుగోలు చేసింది. కాగా సీఎస్‌కేపై భువనేశ్వర్‌కు అంత‌మంచి రికార్డు లేదు. సీఎస్‌కేపై 20 మ్యాచ్‌ల్లో అత‌డు 39 సగటుతో 20 వికెట్లు మాత్రమే పడగొట్టాడు. ఐపీఎల్‌-2025కు ఆర్సీబీ తుది జ‌ట్టు ఇదేరజత్ పాటిదార్ (కెప్టెన్‌), విరాట్ కోహ్లి, యశ్ దయాల్, జోష్ హేజిల్‌వుడ్, ఫిల్ సాల్ట్, జితేష్ శర్మ, లియామ్ లివింగ్‌స్టోన్, రసిఖ్ దార్, సుయాష్ శర్మ, కృనాల్ పాండ్యా, భువనేశ్వర్ కుమార్, స్వప్నిల్ సింగ్, టిమ్ డేవిడ్, రొమారియో షెపర్డ్, నువాన్ తుషార, మనోజ్ స్వేఖ్ భండాగే, జాకబ్ బండెక్, జాకబ్ బంధేజ్ లుంగీ ఎంగిడీ, అభినందన్ సింగ్, మోహిత్ రాథీ.చ‌ద‌వండి: DC vs LSG: విశాఖలో మ్యాచ్‌.. తుదిజట్లు ఇవే!.. వర్షం ముప్పు?

ఐపీఎల్‌-2025లో రాయల్ ఛాలెంజర్స్ బెంగళూరు శుభారంభం చేసింది. ఈ టోర్నీలో భాగంగా ఈడెన్ గార్డెన్స్ వేదికగా కోల్‌కతా నైట్‌రైడర్స్‌తో జరిగిన తొలి మ్యాచ్‌లో 7 వికెట్ల తేడాతో ఆర్సీబీ ఘన విజయం సాధించింది. ఈ మ్యాచ్‌లో తొలుత బ్యాటింగ్ చేసిన కేకేఆర్ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. ఆరంభంలోనే క్వింటన్ డికాక్ వికెట్ కోల్పోయినప్పటికి కేకేఆర్ కెప్టెన్ అజింక్య రహానే(31 బంతుల్లో 6 ఫోర్లు, 4 సిక్స్‌లతో 56), సునీల్ నరైన్‌(26 బంతుల్లో 44) అద్బుతమైన ఇన్నింగ్స్‌లు ఆడారు.వీరితో పాటు రఘువంశీ(30) పరుగులతో రాణించాడు. డికాక్‌తో పాటు వెంకటేశ్ అయ్యర్‌(6), అండ్రీ రస్సెల్‌(4), రింకూ సింగ్‌(12) తీవ్ర నిరాశపరిచారు. ఆర్సీబీ బౌలర్లలో కృనాల్ పాండ్యా మూడు వికెట్లతో సత్తాచాటగా.. హాజిల్ వుడ్ రెండు, రసీఖ్ ధార్ సలీం, యశ్‌దయాల్ తలా వికెట్ సాధించారు.కోహ్లి, సాల్ట్ విధ్వంసం..175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి 16.2 ఓవర్లలో చేధించింది. ఆర్సీబీ బ్యాటర్లలో విరాట్‌ కోహ్లి(59 నాటౌట్‌) టాప్‌ స్కోరర్‌గా నిలవగా.. ఫిల్‌సాల్ట్‌(31 బంతుల్లో 56), పాటిదార్‌(16 బంతుల్లో 34) మెరుపు ఇన్నింగ్స్‌ ఆడారు. పవర్‌ప్లేలో కోహ్లి, సాల్ట్ చాలా దూకుడుగా ఆడారు.వీరిద్దరి విధ్వంసం ఫలితంగా ఆర్సీబీ స్కోర్ ఆరు ఓవర్లలోనే 80 పరుగులు దాటేసింది. ఇక​ కేకేఆర్ బౌలర్లలో వరుణ్ చక్రవర్తి, వైభవ్ అరోరా,సునీల్ నరైన్ తలా వికెట్ సాధించారు. ఆర్సీబీ స్టార్‌ ఆల్‌రౌండర్‌ కృనాల్‌ పాండ్యాకు ప్లేయర్‌ ఆప్‌ది మ్యాచ్‌ అవార్డు దక్కింది.చదవండి: IPL 2025: కృనాల్ సూపర్ బాల్‌.. రూ.23 కోట్ల ఆటగాడికి ఫ్యూజ్‌లు ఔట్‌! వీడియో

ఐపీఎల్‌-2025 సీజ‌న్ అట్ట‌హాసంగా ప్రారంభ‌మైంది. ఈడెన్‌ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జరిగిన తొలి మ్యాచ్‌లో 7 వికెట్ల తేడాతో రాయ‌ల్ ఛాలెంజ‌ర్స్ బెంగ‌ళూరు ఘనవిజయం సాధించింది. 175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి చేధించింది. ఆర్సీబీ బ్యాటర్లలో విరాట్‌ కోహ్లి(59), ఫిల్‌ సాల్ట్‌(56) హాఫ్‌ సెంచరీలతో మెరిశారు. అయితే ఈ మ్యాచ్‌తో టీమిండియా వెట‌రన్ పేస‌ర్ భువ‌నేశ్వ‌ర్ కుమార్ ఆర్సీబీ తరపున రీ ఎంట్రీ ఇస్తాడని అంతా భావించారు. కానీ ఆర్సీబీ తుది జ‌ట్టులో భువీ చోటు ద‌క్క‌క‌పోవ‌డం అభిమానులను ఆశ్చ‌ర్య‌ప‌రిచింది.దీంతో భువీని ఎందుకు అవ‌కాశ‌మివ్వలేద‌న్న చ‌ర్చ సోష‌ల్ మీడియాలో మొదలైంది. ఈ క్ర‌మంలో తొలి మ్యాచ్‌లో భువనేశ్వ‌ర్‌ ఆడకపోవ‌డంపై ఆర్సీబీ మెనెజ్‌మెంట్ అప్‌డేట్ ఇచ్చింది. భువ‌నేశ్వ‌ర్ ప్ర‌స్తుతం స్వ‌ల్ప గాయంతో బాధ‌ప‌డుతున్న‌ట్లు ఆర్సీబీ తెలిపింది. అతి త్వరలోనే అతడు జట్టులోకి వస్తాడని ఆర్సీబీ పేర్కొంది. భువీ స్ధానంలో యువ పేస‌ర్ రసిఖ్ దార్ సలీమ్ తుది జ‌ట్టులోకి వ‌చ్చాడు. ఐపీఎల్‌-2025 వేలంలో రూ. 10.75 భారీ ధరకు భువనేశ్వర్‌ను ఆర్సీబీ కొనుగోలు చేసింది.తుది జట్లురాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లీ, ఫిలిప్ సాల్ట్(వికెట్ కీపర్‌), రజత్ పాటిదార్(కెప్టెన్‌), లియామ్ లివింగ్‌స్టోన్, జితేష్ శర్మ, టిమ్ డేవిడ్, కృనాల్ పాండ్యా, రసిఖ్ దార్ సలామ్, సుయాష్ శర్మ, జోష్ హేజిల్‌వుడ్, యష్ దయాల్కోల్‌కతా నైట్ రైడర్స్ (ప్లేయింగ్ XI): క్వింటన్ డి కాక్(వికెట్‌), వెంకటేష్ అయ్యర్, అజింక్యా రహానే(కెప్టెన్‌​), రింకు సింగ్, అంగ్క్రిష్ రఘువంశీ, సునీల్ నరైన్, ఆండ్రీ రస్సెల్, రమణదీప్ సింగ్, స్పెన్సర్ జాన్సన్, హర్షిత్ రాణా, వరుణ్ చక్రవర్తి

ఐపీఎల్‌-2025లో తొలి హాఫ్ సెంచరీ నమోదైంది. ఈడెన్ గార్డెన్స్ వేదికగా రాయల్ ఛాలెంజర్స్ బెంగళూరుతో జరుగుతున్న మ్యాచ్‌లో కోల్‌కతా నైట్‌రైడర్స్ కెప్టెన్ అజింక్య రహానే అద్భుతమైన హాఫ్ సెంచరీతో మెరిశాడు. తొలి ఓవర్‌లోనే క్రీజులోకి వచ్చిన రహానే.. ఆరంభం నుంచే ఆర్సీబీ బౌలర్లపై విరుచుపడ్డాడు.తనదైన శైలిలో స్టైల్లో షాట్లు ఆడుతూ అభిమానులను అలరించాడు. ఈడెన్ గార్డెన్స్ మైదానంలో బౌండరీల వర్షం కురిపించాడు. ఈ క్రమంలో రహానే కేవలం 25 బంతుల్లో తన హాఫ్ సెంచరీ మార్క్‌ను అందుకున్నాడు. ఓవ‌రాల్‌గా 31 బంతులు ఎదుర్కొన్న రహానే.. 4 ఫోర్లు, 6 సిక్స్‌లతో 56 పరుగులు చేసి ఔటయ్యాడు. కృనాల్‌ పాండ్యా బౌలింగ్‌లో భారీ షాట్‌కు ప్రయత్నించి ఔటయ్యాడు.రహానే అరుదైన రికార్డు..కాగా ఈ మ్యాచ్‌తో ర‌హానే ఓ అరుదైన ఘ‌న‌త‌ను త‌న పేరిట లిఖించుకున్నాడు. ఐపీఎల్ చరిత్రలోనే మూడు ఫ్రాంచైజీలకు సారథిగా వ్యవహరించిన తొలి భారత ఆటగాడిగా ర‌హానే రికార్డుల‌కెక్కాడు. రహానే తొలిసారిగా 2017 ఐపీఎల్‌ సీజన్‌లో రైజింగ్ పూణే సూపర్‌జెయింట్ (RPS) జట్టుకు సారథిగా వ్యవహరించాడు. ఆ త‌ర్వాత ఐపీఎల్‌-2019లో రాజ‌స్తాన్ రాయ‌ల్స్‌కు నాయ‌క‌త్వం వ‌హించిన ర‌హానే.. ఇప్పుడు మ‌ళ్లీ కేకేఆర్ జ‌ట్టును ముందుండి న‌డిపిస్తున్నాడు. దీంతో ఈ రికార్డును తన ఖాతాలో వేసుకున్నాడు. అయితే ఐపీఎల్‌-2025లో మెగా వేలంలో ర‌హానేను కేవ‌లం రూ. 1.5 కోట్ల‌కు కొనుగోలు చేసింది. తొలి రౌండ్‌లో అమ్ముడుపోని ర‌హానే ఆఖ‌రి రౌండ్‌లో కేకేఆర్ సొంతం చేసుకుంది. Proud of You My Man Sir AJINKYA RAHANE 🥹❤️🫡 pic.twitter.com/VeNXSmW2n1— Malay 🇮🇳❤ (@malay_chasta) March 22, 2025

ఐపీఎల్‌-2025 సీజన్‌కు కౌంట్‌డౌన్ మొద‌లైంది. మ‌రో 24 గంట‌ల్లో ఈ మెగా ఈవెంట్‌కు తేర‌లేవ‌నుంది. శ‌నివారం ఈడెన్‌గార్డెన్స్ వేదిక‌గా జ‌ర‌గ‌నున్న తొలి మ్యాచ్‌లో కోల్‌క‌తా నైట్‌రైడ‌ర్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు అమీతుమీ తెల్చుకోనున్నాయి.కాగా ఈ టోర్నీ ఆరంభానికి స‌మ‌యం ద‌గ్గ‌ర‌ప‌డుతుండ‌డంతో మాజీ క్రికెట‌ర్లు ప్లే ఆఫ్స్ చేరే జ‌ట్లు, టైటిల్ విజేత‌గా నిలిచే జ‌ట్టును అంచ‌నా వేస్తున్నారు. ఈ జాబితాలోకి తాజాగా దక్షిణాఫ్రికా దిగ్గజ క్రికెటర్ ఏబీ డివిలియర్స్ చేరాడు. ఈ ఏడాది సీజ‌న్‌లో ప్లే ఆఫ్స్‌కు చేరే నాలుగు జ‌ట్ల‌ను డివిలియర్స్ ప్రిడ‌క్ట్ చేశాడు.గ‌తంలో త‌ను ప్రాతినిథ్యం వ‌హించిన‌ రాయ‌ల్ ఛాలెంజ‌ర్స్ బెంగ‌ళూరుతో పాటు పాటు ముంబై ఇండియన్స్ (MI), గుజరాత్ టైటాన్స్ (GT), డిఫెండింగ్ ఛాంపియన్స్ కోల్‌క‌తా నైట్‌రైడ‌ర్స్‌ (KKR) ప్లే ఆఫ్స్‌కు చేరుతాయ‌ని ఏబీడీ జోస్యం చెప్పాడు."ముంబై ఇండియ‌న్స్ జ‌ట్టు చాలా ప‌టిష్టంగా క‌న్పిస్తోంది. ఈసారి ముంబై ఇండియ‌న్స్ క‌చ్చితంగా ప్లే ఆఫ్స్‌కు చేరుకుంటుంది. ఆర్సీబీ కూడా టాప్‌-4లో నిలుస్తోంది. ఆర్సీబీ జట్టు అన్ని విభాగాల్లో స‌మతుల్యంగా ఉంది. ఆపై గుజ‌రాత్ టైటాన్స్ కూడా త‌మ ప్లే ఆఫ్ బెర్త్‌ను ఖారారు చేసుకుంటుందని భావిస్తున్నాను.ఈ మూడు జ‌ట్ల‌తో పాటు డిఫెండింగ్ ఛాంపియన్ కెకెఆర్ కూడా ప్లేఆఫ్ రేసులో ఉంటుంది" అని స్పోర్ట్స్ టాక్‌కు ఇచ్చిన ఇంట‌ర్వ్యూలో డివిలియ‌ర్స్ పేర్కొన్నాడు. కాగా డివిలియ‌ర్స్ ఎంచుకున్న జ‌ట్ల‌లో ఐదు సార్లు ఛాంపియ‌న్ చెన్నై సూప‌ర్‌కింగ్స్ లేక‌పోవ‌డం అభిమానులు ఆశ్చ‌ర్య‌ప‌రిచింది. కాగా గతేడాది సీజన్‌లో రుతురాజ్‌ గైక్వాడ్‌ సారథ్యంలోని సీఎస్‌కే గ్రూపు స్టేజికే పరిమితమైంది.చదవండి: ఢిల్లీ క్యాపిటల్స్‌ ఓపెనర్‌ విధ్వంసం.. 37 బంతుల్లో సెంచరీ

ఐపీఎల్‌-2025 సీజ‌న్‌కు రంగం సిద్ద‌మైంది. మార్చి 22న ఈడెన్‌గార్డెన్స్ వేదిక‌గా జ‌ర‌గ‌నున్న తొలి మ్యాచ్‌లో డిఫెండింగ్ ఛాంపియ‌న్ కోల్‌క‌తా నైట్‌రైడ‌ర్స్‌, ఆర్సీబీ జ‌ట్లు అమీతుమీ తెల్చుకోనున్నాయి. ఈ మ్యాచ్‌కు ముందు అభిమానుల‌కు ఓ బ్యాడ్ న్యూస్‌. ఆర్సీబీ-కేకేఆర్ మ్యాచ్‌కు వ‌ర్షం అంత‌రాయం క‌లిగించే ఛాన్స్ ఉంది.ప్ర‌స్తుతం కోల్‌క‌తా న‌గరం "ఆరెంజ్ అలర్ట్"లో ఉంది. ఈ క్యాష్‌రిచ్ లీగ్ ప్రారంభం రోజున, అంటే మార్చి 22 (శనివారం) గరిష్టంగా 80 శాతం వర్షపాతం న‌మోద‌య్యే అవ‌కాశ‌ముంద‌ని అక్క‌డి వాత‌వార‌ణ శాఖ పేర్కొంది. శ‌నివారం ఉద‌యం నుంచి పిచ్‌ను క‌వ‌ర్ల‌తో క‌ప్పి ఉంచే ఛాన్స్ ఉంది.ఈ మ్యాచ్ రాత్రి 7:30 గంటలకు ప్రారంభం కానుంది. అంత‌కంటే ముందు అక్క‌డ వ‌ర్షం కురిసే సూచ‌న‌లు క‌న్పిస్తున్నాయి. అదేవిధంగా ఈడెన్‌గార్డెన్స్‌లో ఐపీఎల్‌-18వ సీజ‌న్‌ ప్రారంభోత్సవాన్ని ఘ‌నంగా నిర్వహించాలని బీసీసీఐ ప్లాన్ చేస్తోంది. ఈ ఓపెనింగ్ సెర్మనీకి కూడా ఆటంకం కలిగే అవ‌కాశ‌ముంది.కేకేఆర్ వ‌ర్సెస్ ఆర్సీబీ మ్యాచ్ రోజున‌ వ‌ర్ష శాతం అంచ‌నా(అక్యూ వెద‌ర్ ప్రకారం)7-8PM- 10%8-9 PM- 50%9-10PM-70%10-11 PM- 70%కేకేఆర్‌: అజింక్యా రహానే (కెప్టెన్‌), రింకు సింగ్, క్వింటన్ డి కాక్, రహ్మానుల్లా గుర్బాజ్, అంగ్క్రిష్ రఘువంశీ, వెంకటేష్ అయ్యర్, రమణదీప్ సింగ్, ఆండ్రీ రస్సెల్, అన్రిచ్ నార్ట్జే, హర్షిత్ రాణా, సునీల్ నరైన్, వరుణ్ చక్రవర్తి, మయాంక్ మార్కండే, రోవ్‌మన్ పావెల్, మనీష్ పాండే, స్పెన్సర్ జాన్సన్, లవ్‌నీత్ సిసోడియా, అనుకుల్ రాయ్, మొయిన్ అలీ, చేతన్ సకారియాఆర్సీబీ: రజత్ పాటిదార్ (కెప్టెన్‌), విరాట్ కోహ్లి, యశ్ దయాల్, జోష్ హేజిల్‌వుడ్, ఫిల్ సాల్ట్, జితేష్ శర్మ, లియామ్ లివింగ్‌స్టోన్, రసిఖ్ దార్, సుయాష్ శర్మ, కృనాల్ పాండ్యా, భువనేశ్వర్ కుమార్, స్వప్నిల్ సింగ్, టిమ్ డేవిడ్, రొమారియో షెపర్డ్, నువాన్ తుషార, మనోజ్ భాండాగే, జాకబ్ బెతేల్, దేవదత్ పడిక్కల్, స్వస్తిక్ చికార, లుంగి ఎన్గిడి, అభినందన్ సింగ్, మోహిత్ రాథీచదవండి: IPL 2025: బీసీసీఐ కీల‌క నిర్ణ‌యం.. బౌల‌ర్ల‌కు పండ‌గే?

ఐపీఎల్‌-2025కు రాయ‌ల్ ఛాలెంజ‌ర్స్ బెంగ‌ళూరుకు అదిరిపోయే వార్త అందింది. గ‌త కొంత‌కాలంగా మెకాలి గాయంతో బాధ‌ప‌డుతున్న ఆస్ట్రేలియా స్టార్ ఫాస్ట్ బౌల‌ర్ జోష్ హేజిల్‌వుడ్ ఇప్పుడు పూర్తి ఫిట్‌నెస్ సాధించిన‌ట్లు తెలుస్తోంది. గ‌తేడాది ఆఖ‌రిలో జ‌రిగిన ఐపీఎల్ మెగా వేలంలో రూ.12.50 కోట్ల భారీ ధ‌ర‌కు హేజిల్‌వుడ్‌ను ఆర్సీబీ కొనుగోలు చేసింది. 34 ఏళ్ల హేజిల్‌వుడ్.. భార‌త్‌తో జ‌రిగిన టెస్టు సిరీస్‌లో ప్ర‌క్క‌టెముక‌ల గాయం బారిన ప‌డ్డాడు. దీంతో బోర్డ‌ర్‌-గ‌వాస్క‌ర్ ట్రోఫీ మ‌ధ్య‌లోనే అత‌డు వైదొల‌గాడు. అనంతరం ఇదే గాయం కార‌ణంగా ఛాంపియ‌న్స్ ట్రోఫీకి కూడా దూర‌మ‌య్యాడు. అయితే తాజాగా హాజిల్‌వుడ్‌కు నిర్వ‌హించిన ఫిట్‌నెస్ ప‌రీక్ష‌లో ఉత్తీర్ణత సాధించ‌న‌ట్లు తెలుస్తోంది. ఈ క్ర‌మంలో హాజిల్‌వుడ్‌ ఐపీఎల్‌లో ఆడేందుకు క్రికెట్ ఆస్ట్రేలియా నుంచి క్లియరెన్స్ పొందిన‌ట్లు ప్ర‌ముఖ క్రికెట్ వెబ్‌సైట్ ఈఎస్పీఎన్ వెల్ల‌డించింది. అత‌డు త్వ‌రలోనే భార‌త గ‌డ్డ‌పై అడుగుపెట్టే అవ‌కాశ‌ముంది. కాగా ఈ ఏడాది సీజ‌న్‌లో ఆర్సీబీ బౌలింగ్ విభాగం చాలా ప‌టిష్టంగా క‌న్పిస్తోంది.ఆర్సీబీ బౌలింగ్ యూనిట్‌లో భువనేశ్వర్ కుమార్, లుంగీ ఎంగిడి, జోష్ హేజెల్‌వుడ్ వంటి హేమ‌హేమీలు ఉన్నారు. హాజిల్‌వుడ్‌ చివరగా 2023 ఐపీఎల్‌ సీజన్‌లో ఆర్సీబీకే ఆడాడు. ఇక ఐపీఎల్‌-2025 సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఆర్సీబీ, కేకేఆర్‌ జట్లు తలపడనున్నాయి.ఆర్సీబీ తలరాత మారుతుందా?కాగా ఐపీఎల్ సీజన్లు మారుతున్నప్పటికి రాయల్‌ ఛాలెంజర్స్‌​ బెంగళూరు తలరాత మాత్రం మారడం లేదు. తొలి సీజన్ ఆడుతున్నప్పటికీ కనీసం ఒక్కసారి కూడా ఆర్సీబీ టైటిల్‌ను ముద్దాడలేకపోయింది. కనీసం 18వ ఎడిషన్‌లో అయినా ఛాంపియన్స్‌గా నిలవాలని ఆర్సీబీ భావిస్తోంది. తొలిసారి 2009లో ఐపీఎల్ ఫైనల్స్‌కు చేరుకున్న ఆర్సీబీ డక్కన్ ఛార్జెస్‌పై ఓడిపోయింది. 2011లో మరోసారి చెన్నై సూపర్ కింగ్స్‌పై, 2016లో సన్‌రైజర్స్ హైదరాబాద్ జట్టుపై ఫైనల్స్‌లో ఓటమి పాలైందిఐపీఎల్‌-2025కు బెంగళూరు జట్టురజత్ పటీదార్ (కెప్టెన్), విరాట్ కోహ్లి, ఫిల్ సాల్ట్, జితేష్ శర్మ, దేవదత్ పడిక్కల్, స్వస్తిక్ చికర, లియామ్ లివింగ్‌స్టన్, కృనాల్ పాండ్యా, స్వప్నిల్ సింగ్, టిమ్ డేవిడ్, రొమారియో షెఫార్డ్, మనోజ్, జోష్ హేజెల్‌వుడ్, రషిక్ దార్, సుయాష్ శర్మ, భువనేశ్వర్ కుమార్, నువాన్ తుషారా, లుంగీ ఎంగిడి, అభినందన్ సింగ్, మోహిత్, యశ్ దయాల్.చదవండి: ఉన్నదే ఒక్కడు.. మీరు కాస్త నోళ్లు మూయండి: పాక్‌ మాజీ స్పిన్నర్‌ ఫైర్‌

డబ్ల్యూపీఎల్‌-2025లో భాగంగా వడోదర వేదికగా ఢిల్లీ క్యాపిటల్స్‌తో జరుగుతున్న మ్యాచ్‌లో రాయల్ ఛాలెంజర్స్ బెంగళూరు బౌలర్లు అదరగొట్టారు. టాస్ ఓడి తొలుత ‍బ్యాటింగ్ దిగిన ఢిల్లీ క్యాపిటల్స్ 19.3 ఓవర్లలో 141 పరుగులకు ఆలౌటైంది.రేణుకా సింగ్ ఇన్నింగ్స్ ఆరంభంలోనే ఫామ్‌లో ఉన్న షఫాలీ వర్మను ఔట్ చేసి ఢిల్లీకి షాకిచ్చింది. ఆ తర్వాత కెప్టెన్ లానింగ్‌, రోడ్రిగ్స్ ఇన్నింగ్స్‌ను చక్కదిద్దే ప్రయత్నం చేశారు. కానీ లానింగ్‌(17), రోడ్రిగ్స్ ఔటయ్యాక ఢిల్లీ వికెట్ల పతనం మొదలైంది.ఆర్సీబీ బౌలర్లలో రేణుకా సింగ్‌, జార్జియా వేర్‌హామ్ తలా మూడు వికెట్లు పడగొట్టగా.. కిమ్ గార్త్‌, ఏక్తా బిస్త్ తలా రెండు వికెట్లు సాధించారు. ఢిల్లీ బ్యాటర్లలో జెమిమా రోడ్రిగ్స్(22 బంతుల్లో 4 ఫోర్లు, 2 సిక్స్‌లతో 34) టాప్ స్కోరర్‌గా నిలవగా.. సారా బ్రైస్(23), అన్నాబెల్ సదర్లాండ్(19) రాణించారు.తుది జట్లుఢిల్లీ క్యాపిటల్స్ ప్లేయింగ్ ఎలెవన్‌: మెగ్ లానింగ్ (కెప్టెన్‌​), షఫాలీ వర్మ, జెమిమా రోడ్రిగ్స్, అనాబెల్ సదర్లాండ్, జెస్ జోనాసెన్, మారిజాన్ కాప్, సారా బ్రైస్ (వికెట్ కీపర్‌), శిఖా పాండే, రాధా యాదవ్, అరుంధతి రెడ్డి, మిన్ను మణిరాయల్ ఛాలెంజర్స్ బెంగళూరు ప్లేయింగ్ ఎలెవన్‌: స్మృతి మంధాన(కెప్టెన్‌), డానియెల్ వ్యాట్-హాడ్జ్, ఎల్లీస్ పెర్రీ, రఘ్వీ బిస్ట్, రిచా ఘోష్(వికెట్ కీపర్‌), కనికా అహుజా, జార్జియా వేర్‌హామ్, కిమ్ గార్త్, ఏక్తా బిష్త్, జోషిత VJ, రేణుకా ఠాకూర్

క్రికెట్ ప్రేమికులు ఎంతో అతృతగా ఎదురుచూస్తున్న ఐపీఎల్(IPL 2025) 18వ సీజన్ షెడ్యూల్‌ను పాలక మండలి ఖారారు చేసినట్లు తెలుస్తోంది. ఐపీఎల్‌-2025 సీజన్ మార్చి 22న కోల్‌కతాలోని ఈడెన్‌గార్డెన్స్ వేదికగా ప్రారంభం కానునున్నట్లు సమాచారం. తొలి మ్యాచ్‌లో డిఫెండింగ్‌​ చాంపియన్ కోల్‌కతా నైట్‌రైడర్స్‌, రాయల్ ఛాలెం‍జర్స్ బెంగళూరు తలపడనున్నట్లు పలు రిపోర్ట్‌లు పేర్కొంటున్నాయి. క్రిక్‌బజ్ కథనం ప్రకారం.. రన్నరప్ సన్‌రైజర్స్ హైదరాబాద్ తమ మొదటి మ్యాచ్‌లో మార్చి 23న ఉప్పల్‌ స్టేడియంలో రాజస్తాన్‌ రాయల్స్‌ను ఢీకొట్టనుంది. అదే రోజు ఆదివారం చెన్నై వేదికగా ముంబై ఇండియన్స్, చెన్నై సూపర్‌ కింగ్స్‌ మ్యాచ్‌ జరుగుతుంది. చాంపియన్స్‌ ట్రోఫీ ముగిసిన 12 రోజుల తర్వాత ఐపీఎల్‌ మొదలవుతుంది.మే 25న ఫైనల్‌కు కూడా కోల్‌కతానే వేదిక కానుండగా... క్వాలిఫయర్‌ 1, ఎలిమినేటర్‌ మ్యాచ్‌లు హైదరాబాద్‌లోనే జరుగుతాయి. పది జట్లు పాల్గొనే ఈ టోర్నీలో పది టీమ్‌ల సొంత మైదానాలతో పాటు రెండు ఇతర వేదికలు (ధర్మశాల, గువహటి) కలిపి మొత్తం 12 చోట్ల లీగ్‌ను నిర్వహిస్తారు.రాజస్తాన్‌ రాయల్స్‌ టీమ్‌కు గువహటి తమ రెండో సొంత వేదిక కాగా...ప్రతీ ఏడాదిలాగే ఈ సారి కూడా పంజాబ్‌ కింగ్స్‌ తమ మూడు హోం మ్యాచ్‌లను ధర్మశాలలో ఆడుతుంది. అయితే ఐపీఎల్ వర్గాల నుంచి మాత్రం అధికారికంగా దీనిపై ఎలాంటి ప్రకటన వెలువడలేదు. త్వరలోనే ఐపీఎల్ గవర్నింగ్ కౌన్సిల్ అధికారింగా షెడ్యూల్ ప్రకటించే అవకాశముంది.ఆర్సీబీ కెప్టెన్‌గా పాటిదార్‌..తాజాగా ఆర్సీబీ యాజమాన్యం తమ జట్టు కెప్టెన్‌గా మిడిలార్డర్‌ బ్యాటర్‌ రజిత్‌ పాటిదార్‌ను ఎంపిక చేసింది. అంతా విరాట్‌ కోహ్లి తిరిగి ఆర్సీబీ పగ్గాలు చేపడతాడని భావించారు. కానీ అందుకు కోహ్లి సముఖత చూపలేదని, పాటిదార్‌ పేరును సూచించినట్లు తెలుస్తోంది. అయితే కోల్‌కతా నైట్‌రైడర్స్‌ , ఢిల్లీ క్యాపిటల్స్‌ కెప్టెన్సీ బాధ్యతలు ఎవరు చేపడతారో అని అభిమానులు ఆసక్తిగా ఎదురు చూస్తున్నారు. ఈ రెండు ఫ్రాంచైజీలు గత సీజన్‌లో తమ కెప్టెన్‌లగా వ్యవహరించిన శ్రేయస్‌ అయ్యర్‌, రిషబ్‌ పంత్‌ను మెగా వేలంలోకి విడిచిపెట్టాయి. అ‍య్యర్‌ పంజాబ్‌ కింగ్స్‌ కెప్టెన్‌గా ఎంపిక కాగా.. పంత్‌ లక్నో సూపర్‌ జెయింట్స్‌ సారథిగా నియమితుడయ్యాడు.చదవండి: ఆఖరి బంతికి ఢిల్లీ గెలిచింది

మహిళల ప్రీమియర్‌ లీగ్‌ (డబ్ల్యూపీఎల్‌) మూడో సీజన్‌కు సర్వం సిద్ధమవుతుండగా... కొన్ని జట్లు గాయపడిన ప్లేయర్ల స్థానాలను భర్తీ చేసుకున్నాయి. యూపీ వారియర్స్‌ ఫ్రాంచైజీ అలీసా హీలీ (ఆ్రస్టేలియా) కాలి పాదం గాయంతో సీజన్‌ మొత్తానికి దూరమవడంతో ఆమె స్థానాన్ని వెస్టిండీస్‌ పేస్‌ బౌలింగ్‌ ఆల్‌రౌండర్‌ చినెల్లి హెన్రీతో భర్తీ చేసుకుంది. ఇప్పటివరకు 62 అంతర్జాతీయ టి20లు ఆడిన జమైకన్‌ ఆల్‌రౌండర్‌ 22 వికెట్లు తీయడంతో పాటు 473 పరుగులు చేసింది. రూ.30 లక్షల ప్రాథమిక ధరతో ఆమెను తీసుకున్నట్లు ఫ్రాంచైజీ తెలిపింది. గాయం కారణంగా డబ్ల్యూపీఎల్‌ టోర్నీకి దూరమవడం బాధాకరమని హీలీ చెప్పింది. ఆమె ఇటీవల మహిళల యాషెస్‌ సిరీస్‌లో ఆ్రస్టేలియాకు సారథిగా వ్యవహరించింది. డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (RCB Women) ఫ్రాంచైజీ రెండు మార్పులు చేసింది. వ్యక్తిగత కారణాలతో 35 ఏళ్ల వెటరన్‌ ఆల్‌రౌండర్‌ సోఫీ డివైన్‌ (న్యూజిలాండ్‌), కేట్‌ క్రాస్‌ (ఇంగ్లండ్‌)లిద్దరూ ఈ సీజన్‌ నుంచి తప్పుకోవడంతో వారి స్థానాలను ఆ్రస్టేలియా ప్లేయర్లు హీథెర్‌ గ్రాహమ్, కిమ్‌ గార్త్‌లతో భర్తీ చేసుకుంది. వీళ్లిద్దరిని చెరో రూ. 30 లక్షల ఫీజుతో తీసుకున్నట్లు ఆర్‌సీబీ వర్గాలు తెలిపాయి. ఈ నెల 14 నుంచి వడోదరలో డబ్ల్యూపీఎల్‌ మూడో సీజన్‌ పోటీలు జరుగుతాయి.ఆర్సీబీ మ‌హిళ‌ల జ‌ట్టుస్మృతి మంధాన (కెప్టెన్‌), సబ్బినేని మేఘన, రిచా ఘోష్, ఎల్లీస్ పెర్రీ, జార్జియా వేర్‌హామ్, శ్రేయాంక పాటిల్, ఆశా శోభనా, రేణుకా సింగ్, సోఫీ మోలినెక్స్, ఏక్తా బిష్త్, హీథెర్‌ గ్రాహమ్, కిమ్‌ గార్త్‌, కనికా అహుజా, డాని వ్యాట్‌, ప్రేమ రావ‌త్‌,జోషిత విజె, రాఘవి బిస్త్ ,, జాగ్రవి పవార్.యూపీ జ‌ట్టుచినెల్లి హెన్రీ, అంజలి సర్వాణి, దీప్తి శర్మ, గ్రేస్ హారిస్, కిరణ్ నవ్‌గిరే, రాజేశ్వరి గయాక్‌వాడ్, శ్వేతా సెహ్రావత్, సోఫీ ఎక్లెస్టోన్, తహ్లియా మెక్‌గ్రాత్, వృందా దినేష్, సైమా ఠాకోర్, పూనమ్ ఖేమ్నార్, చౌమరి సుల్తానా, చౌమరి సుల్తానా.చదవండి: ఇంగ్లండ్‌తో తొలి వన్డే.. సచిన్‌ వరల్డ్‌ రికార్డుపై కన్నేసిన కోహ్లి

ఐపీఎల్‌-2025 మెగా వేలంలో టీమిండియా స్టార్‌ క్రికెటర్‌ రిషభ్‌ పంత్‌ అత్యంత భారీ ధర పలికాడు. రూ. 2 కోట్ల కనీస ధరతో వేలంలోకి వచ్చిన ఈ వికెట్‌ కీపర్‌ కోసం లక్నో సూపర్‌ జెయింట్స్‌(ఎల్‌ఎస్‌జీ), రాయల్‌ చాలెంజర్స్‌ బెంగళూరు(ఆర్సీబీ) ఆదిలోనే పోటీకి దిగాయి. ఇరు ఫ్రాంఛైజీలు పంత్‌ కోసం హోరాహోరీగా తలపడి వేలం మొదలైన కాసేపటికే ధరను రూ. 10 కోట్లకు పెంచాయి.సన్‌రైజర్స్‌ హైదరాబాద్‌ రేసులోకి వచ్చిఆ తర్వాత కూడా తగ్గేదేలే అన్నట్లు పంత్‌ ధరను పెంచుతూ పోగా.. సన్‌రైజర్స్‌ హైదరాబాద్‌ రేసులోకి వచ్చి.. రూ. 13 కోట్లకు పెంచింది. ఈ క్రమంలో ఆర్సీబీ తప్పుకోగా.. హైదరాబాద్‌, లక్నో నువ్వా- నేనా అన్నట్లు దూకుడు పెంచాయి. శ్రేయస్‌ అయ్యర్‌ రికార్డు బ్రేక్‌అయితే, రూ. 20 కోట్లకు ధర పెరిగిన తర్వాత హైదరాబాద్ పోటీ నుంచి తప్పుకొంది. అయితే, అనూహ్యంగా ఢిల్లీ క్యాపిటల్స్‌ రైట్‌ టు మ్యాచ్‌ ద్వారా రేసులోకి రాగా.. లక్నో అమాంతం ఏడు కోట్లు పెంచింది. మొత్తంగా రూ. 27 కోట్ల భారీ ధరకు పంత్‌ను లక్నో సొంతం చేసుకుంది. దీంతో శ్రేయస్‌ అయ్యర్‌ రికార్డు బ్రేక్‌ అయింది.పడిలేచిన కెరటంకాగా 2022 చివర్లో పంత్‌ ఘోర రోడ్డు ప్రమాదానికి గురయ్యాడు. తీవ్రమైన గాయాలపాలైనా అదృష్టవశాత్తూ ప్రాణాలతో బయటపడ్డాడు. ఈ క్రమంలో ఐపీఎల్‌-2023 మొత్తానికి దూరమైన పంత్‌.. ఢిల్లీ క్యాపిటల్స్‌ కెప్టెన్‌గా ఈ ఏడాది పునరాగమనం చేశాడు. ఈ సీజన్‌లో మొత్తంగా 13 ఇన్నింగ్స్‌లో కలిపి 446 పరుగులు చేశాడు. సారథిగా జట్టును ప్లే ఆఫ్స్‌ చేర్చలేకపోయినా.. ఆరో స్థానంలో నిలపగలిగాడు. ఇక టీమిండియా తరఫున రీఎంట్రీలో కూడా అదరగొడున్నాడు. అయితే, వేలానికి ముందు ఢిల్లీ అతడిని వదిలేసింది. ఇదిలా ఉంటే.. ఐపీఎల్‌లో పంత్‌ ఇప్పటి వరకు 111 మ్యాచ్‌లు ఆడి 3284 పరుగులు సాధించాడు.ఇప్పటి వరకు ఐపీఎల్‌ వేలంలో అత్యధిక ధర పలికిన టాప్‌-5 ఆటగాళ్లు👉రిషభ్‌ పంత్‌(లక్నో సూపర్‌ జెయింట్స్‌- 2025)- రూ. 27 కోట్లు(వికెట్‌ కీపర్‌ బ్యాటర్- టీమిండియా‌)👉శ్రేయస్‌ అయ్యర్‌(పంజాబ్‌ కింగ్స్‌- 2025)- రూ. 26.75 కోట్లు(బ్యాటర్‌- టీమిండియా)👉మిచెల్‌ స్టార్క్‌(కోల్‌కతా నైట్‌ రైడర్స్‌- 2024)- రూ. 24.75 కోట్లు(పేస్‌ బౌలర్‌)👉ప్యాట్‌ కమిన్స్‌(సన్‌రైజర్స్‌ హైదరాబాద్‌- 2024)- రూ. 20.5 కోట్లు(పేస్‌ బౌలర్‌- ఆస్ట్రేలియా)👉సామ్‌ కర్రాన్‌(పంజాబ్‌ కింగ్స్‌- 2023)- రూ. 18.50 ​​కోట్లు(ఆల్‌రౌండర్‌- ఇంగ్లండ్‌).చదవండి: IPL 2025: కేఎల్‌ రాహుల్‌కు భారీ షాక్‌..𝗥𝗲𝗰𝗼𝗿𝗱-𝗯𝗿𝗲𝗮𝗸𝗶𝗻𝗴 𝗥𝗶𝘀𝗵𝗮𝗯𝗵 🔝Snippets of how that Historic bidding process panned out for Rishabh Pant 🎥 🔽 #TATAIPLAuction | #TATAIPL | @RishabhPant17 | @LucknowIPL | #LSG pic.twitter.com/grfmkuCWLD— IndianPremierLeague (@IPL) November 24, 2024

ఐపీఎల్‌-2025 మెగా వేలానికి కేవలం 10 రోజుల సమయం మాత్రమే ఉంది. నవంబ‌ర్ 24, 25వ తేదీలలో జెడ్డా వేదికగా ఈ మెగా ఆక్షన్ జరగనుంది. ఈ క్యాష్ రిచ్ లీగ్‌ వేలంలో అనుసరించాల్సిన వ్యూహాలపై ఆయా ఫ్రాంచైజీలు దృష్టి సారించాయి.ఈ మెగా వేలం కోసం అభిమానులు కూడా ఎంతో ఆతృతగా ఎదురు చూస్తున్నారు. తమ ఆరాధ్య క్రికెటర్లను ఏ ఫ్రాంచైజీ దక్కుంచుకుంటుందోనని ఫ్యాన్స్‌ తహతహలాడుతున్నారు. తాజాగా టీమిండియా స్టార్ స్పిన్నర్ యజువేంద్ర చహల్‌ కోసం ఫ్యాన్స్ ఆన్‌లైన్‌లో మాక్ వేలం నిర్వహించారు. ఈ మెగా వేలం కోసం చహల్‌ తన కనీస ధరను రూ. 2 కోట్లుగా నిర్ణయించుకున్న విషయం తెలిసిందే. దీంతో రూ. 2 కోట్ల బిడ్డింగ్ నుంచే మాక్ వేలం ప్రారంభమైంది. ఈ క్రమంలో చాహల్ కోసం తొలుత రాయల్ ఛాలెంజర్స్ బెంగళూరు, పంజాబ్ కింగ్స్,గుజరాత్ టైటాన్స్‌, ముంబై ఇండియన్స్ ఫ్రాంచైజీలు పోటీ పడ్డాయి. అయితే రూ.9 కోట్లకు పైగా ఆర్సీబీ వెచ్చించేందుకు సిద్దం కావడంతో పోటీ నుంచి పంజాబ్‌, గుజరాత్ తప్పుకొన్నాయి. ఆ తర్వాత చెన్నై సూపర్‌ కింగ్స్‌ పోటీలోకి వచ్చింది. చహల్‌ కోసం రూ. 11.5 కోట్లకు బిడ్‌ వేసింది. ఆఖరికి ఈ మాక్‌ వేలంలో చాహల్‌ను రూ. 12 కోట్లకు ఆర్సీబీ సొంతం చేసుకుంది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. చహల్‌​ ఐపీఎల్ జర్నీ ఇదే.. చహల్ 2013లో ముంబై ఇండియన్స్ తరపున ఐపీఎల్ అరంగేట్రం చేశాడు. ఆ తర్వాత అతడు ఆర్సీబీకి 8 సీజన్ల పాటు ప్రాతినిథ్యం వహించాడు. బెంగళూరులోని చిన్నస్వామి స్టేడియంలో ఆర్సీబీకి ఎన్నో అద్బుత విజయాలు అందించాడు. కానీ ఆర్సీబీ ఫ్రాంచైజీ మాత్రం అందరిని ఆశ్చర్యపరుస్తూ ఐపీఎల్‌-2022 మెగా వేలానికి ముందు విడిచిపెట్టింది. దీంతో వేలంలోకి వచ్చిన అతడిని రాజస్తాన్ రాయల్స్ సొంతం చేసుకుంది. రాజస్తాన్‌ తరపున తొలి సీజన్‌లోనే పర్పుల్ క్యాప్‌ను చహల్ గెలుచుకున్నాడు. ఇప్పుడు రాజస్తాన్‌ కూడా చహల్‌ మెగా వేలంలోకి విడిచిపెట్టింది. ఈ మెగా వేలంలో చహల్‌ను ఆర్సీబీ మళ్లీ సొంతం చేసుకునే ఛాన్స్‌ ఉంది. కాగా చహల్‌ ప్రస్తుతం ఐపీఎల్‌లో లీడింగ్‌ వికెట్‌ టేకర్‌గా కొనసాగుతున్నాడు. ఈ క్యాష్‌రిచ్‌ లీగ్‌లో ఇప్పటివరకు 155 మ్యాచ్‌లు ఆడిన చహల్‌.. 22.12 సగటుతో 200 వికెట్లు పడగొట్టాడు. అదే విధంగా టీమిండియా తరఫున టీ20లలో అత్యధిక వికెట్ల(96) వీరుడిగానూ ఉన్నాడుచదవండి: NPL 2024: మళ్లీ మైదానంలో అడుగుపెట్టనున్న శిఖర్‌​ ధావన్‌..

ఐపీఎల్‌-2025 సీజ‌న్ మెగా వేలానికి ముందు టీమిండియా స్టార్ బ్యాట‌ర్ కేఎల్ రాహుల్‌ను ల‌క్నో సూప‌ర్ జెయింట్స్ ఫ్రాంచైజీ విడిచిపెట్టిన సంగ‌తి తెలిసిందే. గ‌త మూడు సీజ‌న్ల‌లో త‌మ సార‌థిగా వ్య‌వ‌హ‌రించిన రాహుల్‌ను ల‌క్నో ఈసారి రిటైన్ చేసుకోలేదు.దీంతో ఈ కర్ణాటక బ్యాటర్-కీపర్ నవంబర్ 24-25 తేదీలలో జెడ్డాలో వేదిక‌గా జ‌ర‌గ‌నున్న మెగా వేలంలో త‌న అదృష్టాన్ని పరీక్షించుకోనున్నాడు. అయితే చాలా మంది రాయల్ ఛాలెంజర్స్ బెంగళూరు(ఆర్సీబీ) అభిమానులు రాహుల్ తన సొంత గూటికి చేరాలని కోరుకుంటున్నారు. ఐపీఎల్‌-2025లో సీజన్‌లో కేఎల్‌ ఆర్సీబీ తరపున ఆడితే చూడాలని ఆశపడుతున్నారు. కాగా గతంలో రాహుల్‌ ఆర్సీబీకి ప్రాతినిథ్యం వహించాడు. రాహుల్‌కు రూ.20 కోట్లు!ఈ క్ర‌మంలో ఆర్సీబీ ఫ్రాంచైజీ అభిమానుల కోసం తాజాగా బెంగ‌ళూరులో మాక్ వేలం నిర్వ‌హించింది. ఈ వేలంలో చాలా మంది అభిమానులు పాల్గోన్నారు. కేఎల్ రాహుల్‌ను సొంతం చేసుకోవ‌డానికి రూ. 20 కోట్లు వెచ్చిందేందుకు ఫ్యాన్స్ సిద్ద‌మ‌య్యారు. మ‌రికొంతమంది ఫ్యాన్స్ రిష‌బ్ పంత్ కోసం పోటీ ప‌డ్డారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది.ఆర్సీబీ కెప్టెన్‌గా రాహుల్?అయితే ఆ‍ర్సీబీ యాజమాన్యం కూడా రాహుల్‌పై ఆసక్తిగా ఉన్నట్లు తెలుస్తోంది. అతడిని సొంతం చేసుకుని తమ జట్టు పగ్గాలు అప్పగించాలని ఆర్సీబీ భావిస్తున్నట్లు సమాచారం. తమ కెప్టెన్ ఫాప్ డుప్లెసిస్‌ను వేలంలోకి ఆర్సీబీ విడిచిపెట్టింది. విరాట్ కోహ్లి,యశ్ దయాల్‌, పాటిదార్‌ను మాత్రం బెంగళూరు రిటైన్ చేసుకుంది. ఆర్సీబీ పర్స్‌లో ప్రస్తుతం రూ. 83 కోట్లు ఉన్నాయి.చదవండి: అమ్మాయిగా మారిన టీమిండియా మాజీ కోచ్‌ కొడుకు.. ఎమోషనల్‌ వీడియో! స్త్రీగా మారినందు వల్ల

న్యూఢిల్లీ: మహిళల ప్రీమియర్‌ లీగ్‌ (డబ్ల్యూపీఎల్‌) 2025 వేలానికి ముందు ఐదు జట్లు కూడా తమ ప్రధాన ప్లేయర్లను అట్టి పెట్టుకున్నాయి. భారత స్టార్లు హర్మన్‌ప్రీత్‌ కౌర్, స్మృతి మంధాన, షఫాలీ వర్మ, జెమీమా రోడ్రిగ్స్‌లతో పాటు మెగ్‌ లానింగ్, మరిజాన్‌ కాప్, అమెలియా కెర్, అనాబెల్‌ సదర్లాండ్‌లను కూడా ఆయా టీమ్‌లు అట్టి పెట్టుకున్నాయి. డబ్ల్యూపీఎల్‌ వేలం డిసెంబర్‌ నెల మొదటి వారంలో జరిగే అవకాశం ఉంది. ప్లేయర్లను తీసుకోవడం కోసం లీగ్‌ టీమ్‌లకు గత సీజన్‌లో గరిష్టంగా రూ.13 కోట్ల 50 లక్షల పరిధి విధించగా... ఇప్పుడు మరో కోటిన్నర పెంచి దానిని రూ. 15 కోట్లు చేశారు. ఒక్కో టీమ్‌లో 18 మంది చొప్పున మొత్తం 90 మందికి డబ్ల్యూపీఎల్‌లో అవకాశం ఉంది. ఇప్పుడు మొత్తం 71 మందిని టీమ్‌లు రీటెయిన్‌ చేసుకున్నాయి. దాంతో 19 ఖాళీలు మాత్రమే ఉన్నాయి. టీమ్‌లు వదిలేసుకున్న ఆటగాళ్లలో పూనమ్‌ యాదవ్, స్నేహ్‌ రాణా, తహుహు, క్యాథరీన్‌ బ్రైస్, వేద కృష్ణమూర్తి, హీతర్‌ నైట్, ఇసీ వాంగ్, హైదరాబాద్‌ ప్లేయర్‌ చొప్పదండి యషశ్రీ ఉన్నారు. రీటెయిన్‌ చేసుకున్న భారత ప్లేయర్ల వివరాలు ఢిల్లీ క్యాపిటల్స్‌: జెమీమా, షఫాలీ, రాధ యాదవ్, అరుంధతి రెడ్డి (హైదరాబాద్‌), శిఖా పాండే, తానియా భాటియా, మిన్ను మణి, స్నేహ దీప్తి (ఆంధ్రప్రదేశ్‌), టిటాస్‌ సాధు. గుజరాత్‌ జెయింట్స్‌: హేమలత, తనూజ, షబ్నమ్‌ షకీల్‌ (ఆంధ్రప్రదేశ్‌), ప్రియా మిశ్రా, త్రిష పూజిత, మన్నత్, మేఘనా సింగ్‌. ముంబై ఇండియన్స్‌: హర్మన్‌ప్రీత్, అమన్‌దీప్, అమన్‌జోత్, జింతిమణి, కీర్తన, పూజ వస్త్రకర్, సజన, సైకా ఇషాఖ్, యస్తిక భాటియా. రాయల్‌ చాలెంజర్స్‌ బెంగళూరు: స్మృతి మంధాన, రిచా ఘోష్, సబ్బినేని మేఘన (ఆంధ్రప్రదేశ్‌), శ్రేయాంక పాటిల్, ఆశ శోభన, రేణుకా సింగ్, ఏక్తా బిస్త్, కనిక. యూపీ వారియర్స్‌: కిరణ్‌ నవ్‌గిరే, శ్వేత సెహ్రావత్, దీప్తి శర్మ, సైమా ఠాకూర్, అంజలి శర్వాణి (ఆంధ్రప్రదేశ్‌), గౌహర్‌ సుల్తానా (హైదరాబాద్‌), ఉమా ఛెత్రి, రాజేశ్వరి గైక్వాడ్, పూనమ్‌ ఖెమ్నార్, వృంద దినేశ్‌.

మహిళల ఐపీఎల్‌ 2025 సీజన్‌ వేలానికి ముందు ఐదు ఫ్రాంచైజీలు (ఆర్సీబీ, ముంబై ఇండియన్స్‌, ఢిల్లీ క్యాపిటల్స్‌, గుజరాత్‌ జెయింట్స్‌, యూపీ వారియర్జ్‌) తమ రిటెన్షన్‌ జాబితాలను ఇవాళ (నవంబర్‌ 7) ప్రకటించాయి. డిఫెండింగ్‌ ఛాంపియన్‌ ఆర్సీబీ సైతం తాము అట్టిపెట్టుకున్న ఆటగాళ్ల పేర్లను వెల్లడించింది. వచ్చే సీజన్‌ కోసం ఆర్సీబీ 14 మంది ప్లేయర్లను రిటైన్‌ చేసుకుని ఆరుగురిని వేలానికి వదిలేసింది. వేలానికి వదిలేసిన వారిలో ఒక ఓవర్సీస్‌ ప్లేయర్‌ ఉన్నారు. ఓ జట్టుకు ఆరుగురు ఓవర్సీస్‌ ప్లేయర్ల రూల్‌ నేపథ్యంలో ఆర్సీబీ మేనేజ్‌మెంట్‌ సౌతాఫ్రికా ఆల్‌రౌండర్‌ నదినే డి క్లెర్క్‌కు వేలానికి వదిలేసింది. డి క్లెర్క్‌ స్థానంలో ఆర్సీబీ గత నెలలో ఇంగ్లండ్‌ అటాకింగ్‌ బ్యాటర్‌ డ్యానీ వాట్‌ను యూపీ వారియర్జ్‌ నుంచి ట్రేడింగ్‌ చేసుకుంది. ముంబై యాజమాన్యం వాట్‌ను 30 లక్షల బేస్‌ ధరకు కొనుగోలు చేసింది. ఆర్సీబీ విడుదల చేసిన మరో ఐదుగురు ప్లేయర్లు (దిషా కసత్‌, ఇంద్రాణి రాయ్‌, శుభ సతీశ్‌, శ్రద్దా పోకార్కర్‌, సిమ్రన్‌ బహదూర్‌) భారతీయ ప్లేయర్లే కావడం విశేషం.ఓవరాల్‌గా చూస్తే ఆర్సీబీ టైటిల్‌ విన్నింగ్‌ టీమ్‌ను దాదాపుగా కొనసాగించిందనే చెప్పాలి. ఆర్సీబీ మరో సీజన్‌కు స్మృతి మంధననే కెప్టెన్‌గా కొనసాగించింది. గత సీజన్‌లో ఆర్సీబీ విజయాల్లో కీలకపాత్ర పోషించిన ఎల్లిస్‌ పెర్రీ, సోఫీ డివైన్‌, సోఫీ మోలినెక్స్‌ వచ్చే సీజన్‌లో కూడా కొనసాగనున్నారు. వీరితో పాటు దేశీయ స్టార్లు రిచా ఘోష్‌, రేణుక సింగ్‌ ఠాకూర్‌ ఆర్సీబీ యాజమాన్యం నమ్మకాన్ని నిలబెట్టుకున్నారు. రిటెన్షన్ల ప్రక్రియ అనంతరం ఆర్సీబీ పర్స్‌లో ఇంకా రూ. 3.25 కోట్ల బ్యాలెన్స్‌ మిగిలి ఉంది. ఈ మొత్తంతో ఆర్సీబీ మరో నలుగురు లోకల్‌ ప్లేయర్స్‌ను కొనుగోలు చేయవచ్చు. పేస్‌ బౌలింగ్‌ విభాగంలో రేణుకా సింగ్‌, ఎల్లిస్‌ పెర్రీ మాత్రమే ఉండటంతో ఈసారి వేలంలో ఆర్సీబీ మేనేజ్‌మెంట్‌ లోకల్‌ పేసర్లపై గురి పెట్టవచ్చు. డబ్ల్యూపీఎల్‌ రూల్స్‌ ప్రకారం ఒక్కో ఫ్రాంచైజీ గరిష్ఠంగా 18 మంది ప్లేయర్లను ఎంపిక చేసుకోవచ్చన్న విషయం తెలిసిందే. ఇందులో ఆరుగురు విదేశీ ప్లేయర్స్‌కు అవకాశం ఉంటుంది. కాగా, తొలి సీజన్‌లో పేలవ ప్రదర్శన కనబర్చిన ఆర్సీబీ గత సీజన్‌ ఫైనల్లో ఢిల్లీ క్యాపిటల్స్‌ను ఓడించి ఛాంపియన్‌గా నిలిచింది.ఆర్సీబీ రిటైన్‌ చేసుకున్న ఆటగాళ్లు వీళ్లే..స్మృతి మంధన (కెప్టెన్‌), సబ్బినేని మేఘన, రిచా ఘోష్‌, ఎల్లిస్‌ పెర్రీ, జార్జియా వేర్హమ్‌, శ్రేయాంక పాటిల్‌, ఆశా శోభన, సోఫీ డివైన్‌, రేణుకా సింగ్‌, సోఫీ మోలినెక్స్‌, ఏక్తా బిస్త్‌, కేట్‌ క్రాస్‌, కనిక అహుజా, డానీ వాట్‌ (యూపీ నుంచి ట్రేడింగ్‌)ఆర్సీబీ వదిలేసిన ఆటగాళ్లు..దిషా కసత్‌, ఇంద్రాణి రాయ్‌, నదినే డి క్లెర్క్‌, శుభ సతీశ్‌, శ్రద్దా పోకార్కర్‌, సిమ్రన్‌ బహదూర్‌

టీమిండియా స్టార్ క్రికెటర్‌ రిషభ్‌ పంత్‌కు కోపమొచ్చింది. తన గురించి అవాస్తవాలు ప్రచారం చేయడం మానేయాలని.. మరీ ఇంత చెత్తగా ఎలా తయ్యారంటూ గాసిప్‌ రాయుళ్లకు కాస్త గట్టిగానే కౌంటర్‌ ఇచ్చాడు. సోషల్‌ మీడియాలో వదంతులు వ్యాప్తి చేయడం దుర్మార్గమని పేర్కొన్నాడు.ఆర్సీబీని అడిగితే నో చెప్పిందిఇండియన్‌ ప్రీమియర్‌ లీగ్‌-2025 మెగా వేలానికి సమయం ఆసన్నమవుతున్న విషయం తెలిసిందే. ఈ నేపథ్యంలో ఓ నెటిజన్‌ పంత్‌ను ఉద్దేశించి ఓ పోస్టు పెట్టాడు. ‘‘రిషభ్‌ పంత్‌ తన మేనేజర్‌ ద్వారా రాయల్‌ చాలెంజర్స్‌ బెంగళూరు ఫ్రాంఛైజీని సంప్రదించాడు.అక్కడ కెప్టెన్సీ పదవి ఖాళీగా ఉంటే.. తనకు ఇవ్వమని కోరాడు. కానీ ఆర్సీబీ మేనేజ్‌మెంట్‌ అతడి అభ్యర్థనను తిరస్కరించింది. విరాట్‌కు పంత్‌ అక్కడికి రావడం ఇష్టం లేదు.ఎందుకంటే.. భారత క్రికెట్‌ జట్టు, ఢిల్లీ క్యాపిటల్స్‌లో మాదిరి ఇక్కడ కూడా రాజకీయాలు చేస్తాడని విరాట్‌ భయపడ్డాడు. ఆర్సీబీ వర్గాల ద్వారా ఈ విషయం తెలిసింది’’ అని సదరు యూజర్‌ పేర్కొన్నారు. ఇందుకు పంత్‌ ఘాటుగా స్పందించాడు.మీ ఇంగితానికే అంతా వదిలేస్తా..‘‘నకిలీ వార్తలు. సోషల్‌ మీడియాలో ఇలాంటి ఫేక్‌ న్యూస్‌ ఎందుకు ప్రచారం చేస్తున్నారు. కాస్త పద్ధతిగా ప్రవర్తించండి గయ్స్‌. కారణం లేకుండా ఇలాంటివి రాసి.. ఎందుకు ప్రశాంతంగా ఉండేవాళ్ల మనసులను చెడగొడతారు.అయినా... ఇలాంటి వదంతులు ఇదే మొదటిసారి కాదు.. ఇదే ఆఖరూ కాదు. కానీ పరిస్థితి రోజురోజుకీ మరింత చెత్తగా మారుతోంది. ఇక మీ ఇంగితానికే అంతా వదిలేస్తా. ఇది కేవలం మీ ఒక్కరికే కాదు.. మీలా అవాస్తవాలు ప్రచారం చేసే వాళ్లందరికీ వర్తిస్తుంది’’ అని రిషభ్‌ పంత్‌ ఎక్స్‌ వేదికగా చురకలు అంటించాడు.కాగా ఐపీఎల్‌లో పంత్‌ చాలా కాలంగా ఢిల్లీ క్యాపిటల్స్‌కు ఆడుతున్నాడు. రోడ్డు ప్రమాదం అనంతరం.. ఈ ఏడాది రీఎంట్రీ ఇచ్చిన.. ఈ లెఫ్టాండర్‌ 446 పరుగులు చేశాడు. అయితే, కెప్టెన్‌గా మాత్రం ఆకట్టుకోలేకపోయాడు. జట్టును ఆరో స్థానంలో నిలిపాడు. చదవండి: షకీబ్‌ అల్‌ హసన్‌ సంచలన ప్రకటన.. టెస్టులకు గుడ్‌బై Fake news . Why do you guys spread so much fake news on social media. Be sensible guys so bad . Don’t create untrustworthy environment for no reason. It’s not the first time and won’t be last but I had to put this out .please always re check with your so called sources. Everyday…— Rishabh Pant (@RishabhPant17) September 26, 2024

ఐపీఎల్‌-2024 సీజ‌న్‌కు ముందు అన్ని ఫ్రాంచైజీలు త‌మ ఆట‌గాళ్ల రిటైన్ జాబితాను సిద్దం చేసే ప‌నిలో ప‌డ్డాయి. ఐపీఎల్ గ‌వ‌ర్నింగ్ కౌన్సిల్ నుంచి ఇంకా రిటెన్ష‌న్ ప‌క్రియ‌కు సంబంధించి ఎటువంటి గైడ్‌లైన్స్ రానిప్ప‌ట‌కి.. ఆయా జ‌ట్లు మాత్రం ఇప్ప‌టినుంచే త‌మ ప్ర‌ణాళిక‌ల‌ను సిద్దం చేసుకుంటున్నాయి. మెగా వేలంకు ముందు ఎవ‌ర‌నీ విడిచిపెట్టాలి, ఎవ‌రిని రిటైన్ చేసుకోవాలి అన్న ఆంశాల‌పై ఫ్రాంచైజీలు ఓ నిర్ణ‌యంకు వ‌చ్చిన‌ట్లు తెలుస్తోంది. ఇందులో భాగంగా రాయ‌ల్ ఛాలెంజ‌ర్స్ బెంగ‌ళూరు పలు సంచ‌ల‌న నిర్ణ‌యాలు తీసుకోనున్న‌ట్లు స‌మాచారం. కెప్టెన్ ఫాప్ డుప్లెసిస్‌పై వేటు వేయాల‌ని ఆర్సీబీ భావిస్తున్న‌ట్లు ప‌లు రిపోర్ట్‌లు పేర్కొంటున్నాయి.డుప్లెసిస్‌తో పాటు ఆసీస్ విధ్వంస‌క‌ర ఆట‌గాడు గ్లెన్ మ్యాక్స్‌వెల్‌ను సైతం వేలంలోకి విడిచిపెట్టాల‌ని ఆర్సీబీ నిర్ణ‌యించుకున్న‌ట్లు వినికిడి. స్టార్ బ్యాటర్ విరాట్ కోహ్లి పాటు రజత్ పటిదార్, ఇంగ్లండ్ ఆల్‌రౌండ‌ర్ విల్ జాక్స్‌ను రిటైన్ చేసుకోవాల‌ని యోచిస్తున్న‌ట్లు వార్త‌లు వినిపిస్తున్నాయి. అంతేకాకుండా ఆర్సీబీ కెప్టెన్‌గా ర‌జత్ పాటిదార్‌ను నియ‌మించే ఆలోచ‌న‌లో ఆర్సీబీ యాజ‌మాన్యం ఉన్న‌ట్లు క్రికెట్ వ‌ర్గాల్లో చ‌ర్చ‌న‌డుస్తోంది. ఈ ఏడాది ఐపీఎల్ సీజ‌న్‌లో పాటిదార్ అద్భుత‌మైన ప్ర‌ద‌ర్శ‌న క‌న‌బ‌రిచాడు. ఫ‌స్ట్ హాఫ్‌లో నిరాశ‌ప‌రిచిన పాటిదార్‌.. సెకెండ్ హాఫ్‌లో ఆకాశ‌మే హ‌ద్దుగా చెల‌రేగిపోయాడు. 15 మ్యాచ్‌లు ఆడి 398 ప‌రుగులు చేశాడు.గ్రీన్‌కు గుడ్ బై.. ?అదే విధంగా 2024 మినీ వేలం లో రూ.11 కోట్ల రూపాయలకు దక్కించుకున్న అల్జారీ జోసెఫ్ తో పాటు ట్రేడింగ్ ద్వారా రూ. 17 కోట్లకు దక్కించుకున్న ఆసీస్ ఆల్ రౌండర్ కామెరూన్ గ్రీన్ సైతం వేలంలోకి వ‌చ్చే అవ‌కాశ‌ముంది.ఐపీఎల్‌-2024లో ప‌ర్వాలేద‌న్పించిన ఆర్సీబీ.. లిమినేటర్ మ్యాచ్ లో రాజస్థాన్ రాయల్స్ చేతిలో ఓడిపోయింది. 2024 ఐపీఎల్ సీజన్ లో ప్లే ఆఫ్ కు అర్హత సాధించిన ఆర్సీబీ జట్టు ఎలిమినేటర్ మ్యాచ్ లో రాజస్థాన్ రాయల్స్ చేతిలో ఓడిపోయింది.

ఐపీఎల్‌-2025 మెగా వేలానికి బీసీసీఐ ప్ర‌ణాళిక‌లు ర‌చిస్తోంది. అయితే ఇంకా ఆట‌గాళ్ల‌ రిటెన్షన్‌ రూల్స్‌పై ఐపీఎల్ గ‌వ‌ర్నింగ్ కౌన్సిల్ మాత్రం ఇంకా ఎటువంటి ఆధికారిక ప్ర‌క‌ట‌న చేయలేదు.వాస్త‌వానికి మెగా వేలానికి ముందు ఫ్రాంచైజీలు గరిష్టంగా ముగ్గురు లేదా నలుగురు ఆటగాళ్లను మాత్రమే రిటైన్ చేసుకొని మిగతా ఆటగాళ్లను రిలీజ్ చేయాల్సి ఉంటుంది. కానీ కొన్ని ఫ్రాంచైజీలు మాత్రం రిటైన్ చేసుకునే ఆట‌గాళ్ల సంఖ్య‌ను పెంచాల‌ని డిమాండ్ చేస్తున్నాయి. ఇదే విష‌యాన్ని గ‌త నెల‌లో జ‌రిగిన ఐపీఎల్ గ‌వ‌ర్నింగ్ బాడీ మీటింగ్‌లో కూడా ఆయా ఫ్రాంచైజీలు ప్ర‌స్తావించాయి. కానీ ఐపీఎల్ గ‌వ‌ర్నింగ్ కౌన్సిల్ మాత్రం ఆయా ఫ్రాంచైజీల అభ్య‌ర్ధ‌న‌నను తిర‌ష్క‌రించిన‌ట్లు తెలుస్తోంది. ఈ క్ర‌మంలో మెగా వేలాన్ని ఈ ఏడాది చివ‌ర‌లో నిర్వ‌హించాల‌ని బీసీసీఐ భావిస్తున్న‌ట్లు స‌మాచారం. అందుకు త‌గ్గ‌ట్టే ఆయా ఫ్రాంచైజీలు కూడా త‌మ జ‌ట్టులో స‌మూల మార్పులు దిశ‌గా అడుగులు వేస్తున్న‌ట్లు వార్త‌లు వినిపిస్తున్నాయి.ఆర్సీబీకి ఆడాల‌ని ఉంది: రింకూ ఇక ఐపీఎల్ మెగా వేలం వార్త‌ల నేప‌థ్యంలో టీమిండియా ఫినిష‌ర్‌, కోల్‌క‌తా నైట్‌రైడ‌ర్స్ ఆట‌గాడు రింకూ సింగ్ త‌న మ‌న‌సులోని మాట‌ను బ‌య‌ట పెట్టాడు. ఒకవేళ కేకేఆర్ అత‌డిని రిటైన్ చేసుకోపోతే రాయల్ ఛాలెంజర్స్ బెంగళూరు (RCB) త‌ర‌పున ఆడాల‌న్న త‌న కోరిక‌ను రింకూ వ్య‌క్తప‌రిచాడు. విరాట్‌ కోహ్లి ఆర్సీబీలో ఉన్నందున ఆ ఫ్రాంచైజీకి ఆడాలనకుంటున్నట్లు అతడు తెలిపాడు.కాగా తన ఐపీఎల్‌ అరంగేట్రం నుంచి రింకూ కేకేఆర్‌ తరపున ఆడుతున్నాడు. కొన్ని సీజన్‌లలో అతడిని కోల్‌కతా వేలంలోకి విడిచిపెట్టినప్పటకి తిరిగి మళ్లీ సొంతం చేసుకుంది. ఆ జట్టు ఫినిషర్‌గా రింకూ మారాడు. అయితే ఈ ఏడాది సీజన్‌లతో కేకేఆర్‌ ఛాంపియన్స్‌గా నిలిచినప్పటకి రింకూ మాత్రం తన మార్క్‌ను చూపించలేకపోయాడు. ఇప్ప‌టివ‌ర‌కు ఐపీఎల్‌లో కేకేఆర్ త‌ర‌పున 45 మ్యాచ్‌లు ఆడిన రింకూ 143.34 స్ట్రైక్ రేటుతో 893 ప‌రుగులు చేశాడు.

టీమిండియా స్టార్ బ్యాటర్ విరాట్ కోహ్లి ఆదివారం(ఆగస్టు 18)తో అంతర్జాతీయ క్రికెట్‌లో అడుగుపెట్టి 16 ఏళ్లు పూర్తయ్యాయి. ఈ సంద‌ర్భంగా ప్ర‌ముఖ బ్రాడ్‌కాస్ట‌ర్ స్టార్ స్పోర్ట్స్‌తో విరాట్ స‌ర‌దాగా ముచ్చ‌టించాడు. ఈ క్ర‌మంలో స్టార్ స్పోర్ట్స్‌ నుంచి ప‌లు ప్ర‌శ్న‌లు కోహ్లికి ఎదుర‌య్యాయి. త‌న ఫేవ‌రేట్ క్రికెట‌ర్ల‌ను ఎంచుకోమ‌ని ఎంఎస్ ధోని, ఎబీ డివిలియ‌ర్స్ పేర్లు అప్ష‌న్స్ ఇవ్వ‌గా.. కోహ్లి ఇద్దరూ కూడా తనకు ఇష్ట‌మైన వారేన‌ని తెలివ‌గా సమాధ‌న‌మిచ్చాడు. ఆ త‌ర్వాత త‌న‌కు ఇష్ట‌మైన షాట్ ఫ్లిక్ లేదా క‌వ‌ర్ డ్రైవ్? అని అడ‌గ్గా.. అందుకు క‌వ‌ర్ డ్రైవ్ త‌న ఫేవ‌రేట్ షాట్ అని చెప్పుకొచ్చాడు. అదేవిధంగా ఐపీఎల్‌లో త‌న ఫేవ‌రేట్ ప్ర‌త్య‌ర్ధి జ‌ట్టు ఏద‌న్న ప్ర‌శ్న కోహ్లికి ఎదురైంది. అందుకు అప్ష‌న్స్‌గా ముంబై ఇండియ‌న్స్, కోల్‌క‌తా నైట్‌రైడ‌ర్స్ ఇచ్చారు. ఈ ప్ర‌శ్న‌కు కాస్త స‌మ‌యం తీసుకున్న కోహ్లి.. ఆలోచించి కేకేఆర్‌ను త‌నకు ఇష్ట‌మైన ప్ర‌త్య‌ర్ధిగా ఎంచుకున్నాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.కాగా భార‌త జ‌ట్టుతో పాటు ఐపీఎల్ ఫ్రాంఛైజీ రాయ‌ల్ ఛాలెంజ‌ర్స్ బెంగ‌ళూరులో కూడా విరాట్ రెగ్యూల‌ర్ స‌భ్యునిగా కొన‌సాగ‌తున్నాడు. 2008 తొలి సీజ‌న్ నుంచి ఆర్సీబీలోనే కోహ్లి ఉన్నాడు.తొట్ట‌తొలి సీజ‌న్ నుంచి ఒక ఫ్రాంచైజీకి ఆడుతున్న ఏకైక ఆట‌గాడు కోహ్లినే. ఇక ఐపీఎల్‌లో కేకేఆర్‌-ఆర్సీబీ మ్యాచ్ అంటే అభిమానలకు పండగే. ఇరు జట్ల మధ్య మ్యాచ్‌లు హోర‌హోరీగా జరుగుతాయి. ఇప్పటివరకు ఇరు జట్లు 34 మ్యాచ్‌ల్లో తలపడగా.. కేకేఆర్ 20 మ్యాచ్‌ల్లో విజయం సాధించగా.. ఆర్సీబీ 14 సార్లు గెలుపొందింది.

ఐపీఎల్‌-2025 సీజన్‌కు ముందు టీమిండియా కెప్టెన్, ముంబై ఇండియన్స్ స్టార్ క్రికెటర్ కీలక నిర్ణయం తీసుకున్నట్లు వార్తలు వినిపిస్తున్నాయి. ముంబై ఇండియన్స్ ఫ్రాంచైజీని రోహిత్ శర్మ వీడనున్నాడని జోరుగా ప్రచారం సాగుతోంది. ఈ ఏడాది సీజన్‌కు ముందు ముంబై ఫ్రాంచైజీ యాజమాన్యం తమ జట్టు కెప్టెన్సీ బాధ్యతల నుంచి రోహిత్ శర్మను తప్పించిన సంగతి తెలిసిందే. హార్దిక్ పాండ్యాను గుజరాత్ టైటాన్స్ నుంచి ట్రేడ్ చేసుకుని మరి తమ జట్టు పగ్గాలను ముంబై ఇండియన్స్‌ కట్టబెట్టింది. దీంతో అప్పటినుంచి తన జట్టు యాజమాన్యంపై హిట్‌మ్యాన్‌ అసంతృప్తిగా ఉన్నాడు. ఐపీఎల్‌-2024 సందర్భంగా ఈ విషయం స్పష్టమైంది. అప్పటి కేకేఆర్ అసిస్టెంట్ కోచ్ అభిషేక్ నాయర్‌తో ముంబై ఇండియన్స్ గురించి రోహిత్ చేసిన వ్యాఖ్యలు సంచలనం రేపాయి. ముంబై జట్టుతో ఇదే నా చివరి సీజన్ అని హిట్‌మ్యాన్ అన్న మాటలు సోషల్ మీడియాలో తెగ వైరలయ్యాయి. ఈ క్రమంలోనే ముంబైని వీడి ఐపీఎల్‌-2025 సీజన్ మెగా వేలంలో రోహిత్ భాగం కావాలని భావిస్తున్నట్లు తెలుస్తోంది. అయితే రోహిత్ శర్మ వేలంలోకి వస్తే ఎంత ధరైనా వెచ్చించి కొనుగోలు చేయడానికి రాయల్ ఛాలెంజర్స్ బెంగళూరు ఫ్రాంచైజీ సిద్దంగా ఉన్నట్లు ఊహాగానాలు వినిపిస్తున్నాయి. ప్రస్తుతం కెప్టెన్‌గా ఉన్న డుప్లెసిస్‌పై వేటు వేసి రోహిత్ శర్మ తమ జట్టు పగ్గాలను అప్పగించాలని ఆర్సీబీ భావిస్తున్నట్లు పలు రిపోర్ట్‌లు పేర్కొంటున్నాయి. తాజా ఇదే విషయాన్ని టీమిండియా మాజీ క్రికెటర్‌, ఆర్సీబీ బ్యాటింగ్ కోచ్ దినేష్ కార్తీక్‌ను అభిమానులు ప్రశ్నించారు. డీకే ఇటీవలే క్రిక్‌బజ్ చిట్‌చాట్‌లో పాల్గోనున్నాడు. ఈ సందర్భంగా ఐపీఎల్‌-2025లో ఆర్సీబీకి రోహిత్ శర్మ సారథ్యం వహిస్తాడా అని ఓ అభిమాని డీకేను ప్రశ్నించాడు. అందుకు బదులుగా కార్తీక్ షాకింగ్ రియాక్షన్ ఇస్తూ సైలెంట్‌గా ఉండిపోయాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. What changes should #India make ahead of #ChampionsTrophy? 🤔Why did #Rohit & Co. struggle against spinners❓#LaapataaLadies to #Maharaja: A special binge-watch list for cricketers! 🎦@DineshKarthik talks about it all, only on #heyCB, here ⬇️ pic.twitter.com/e6Q2ipzZei— Cricbuzz (@cricbuzz) August 11, 2024

ఐపీఎల్‌-2025 సీజ‌న్‌కు ముందు దాదాపు అన్ని ఫ్రాంచైజీలు భారీ ప్రక్షాళ‌న దిశ‌గా అడుగులు వేస్తున్న‌ట్లు తెలుస్తోంది. ఈ క్ర‌మంలో ఇప్ప‌టివ‌ర‌కు ఒక్క‌సారి కూడా టైటిల్ గెల‌వ‌ని రాయ‌ల్ ఛాలెంజ‌ర్స్ బెంగ‌ళూరు త‌మ జ‌ట్టులో కీల‌క మార్పులు చేయ‌నున్న‌ట్లు స‌మాచారం. వచ్చే ఏడాది సీజ‌న్‌కు ముందు ఆస్ట్రేలియా స్టార్ ఆల్‌రౌండ‌ర్ గ్లెన్ మాక్స్‌వెల్‌ను విడిచిపెట్టాల‌ని ఆర్సీబీ నిర్ణ‌యించుకున్న‌ట్లు వార్త‌లు వినిపిస్తున్నాయి. మాక్సీ కూడా ఆర్సీబీతో కొన‌సాగేందుకు స‌ముఖ‌త చూప‌డం లేద‌ని ప‌లు రిపోర్ట్‌లు పేర్కొంటున్నాయి. తాజాగా మాక్స్‌వెల్ ఇన్‌స్టాగ్రామ్‌లో ఆర్సీబీ పేజిని ఆన్ ఫాలో చేయ‌డం ఈ వార్త‌ల‌కు మ‌రింత ఊత‌మిస్తోందికాగా ఆసీస్ స్టార్ ఆల్‌రౌండ‌ర్‌ను ఐపీఎల్‌-2021 మెగా వేలంలో ఆర్సీబీ ఫ్రాంచైజీ 14.25 కోట్ల భారీ మొత్తానికి కొనుగొలు చేసింది. ఆ త‌ర్వాతి ఏడాదిలో రూ.11 కోట్ల‌కు మాక్స్‌వెల్‌ను ఆర్సీబీ రిటైన్ చేసుకుంది. ఐపీఎల్‌-2023, 24 సీజ‌న్‌ల‌లో కూడా అత‌డికి ఆర్సీబీ రిటైన్ చేసుకుంది. అయితే ఈ ఏడాది సీజ‌న్ మిన‌హా మిగితా సీజ‌న్ల‌లో మాక్సీ అద్భుత‌మైన ప్ర‌ద‌ర్శ‌న క‌న‌బ‌రిచాడు. ఐపీఎల్‌-2024లో అయితే మాక్స్‌వెల్ దారుణ ప్ర‌ద‌ర్శ‌న క‌న‌బ‌రిచాడు. ఈ ఏడాది సీజ‌న్‌లో 10 మ్యాచ్‌లు ఆడిన ఈ ఆసీస్ స్టార్ ఆల్‌రౌండ‌ర్ కేవ‌లం 52 పరుగులు మాత్రమే చేయగలిగాడు. ఆర్సీబీ త‌ర‌పున త‌న డెబ్యూ సీజ‌న్‌లో మాక్స్‌వెల్ ఏకంగా 513 పరుగులు చేశాడు. కాగా ఏడాది డిసెంబ‌ర్‌లో ఐపీఎల్‌-2025 మెగా వేలం జ‌ర‌గ‌నుంది. ఒక‌వేళ మాక్స్‌వెల్ వేలంలో వ‌స్తే భారీ మొత్తం ద‌క్క‌డం ఖాయం. 🚨 Glenn Maxwell Unfollowed #RCB on Instagram #IPL2025 #CricketTwitter pic.twitter.com/8EFfex3165— RCBIANS OFFICIAL (@RcbianOfficial) July 29, 2024

ఐపీఎల్‌-2025 సీజ‌న్‌కు ప‌లు ఫ్రాంచైజీలు భారీ ప్ర‌క్షాళ‌న దిశ‌గా అడుగులు వేస్తున్న‌ట్లు తెలుస్తోంది. అందులో ఒక‌టి ల‌క్నో సూప‌ర్ జెయింట్స్‌. వ‌చ్చే ఏడాది సీజ‌న్‌కు ముందు త‌మ జట్టు కెప్టెన్ కేఎల్ రాహుల్‌ను విడిచిపెట్టాల‌ని ల‌క్నో ఫ్రాంచైజీ యాజ‌మాన్యం నిర్ణ‌యించుకున్న‌ట్లు తెలుస్తోంది. దైనిక్ జాగరణ్ రిపోర్ట్ ప్రకారం.. కేఎల్ రాహుల్‌, ల‌క్నో మేనేజ్‌మెంట్ మధ్య విభేదాలు త‌లెత్తిన‌ట్లు స‌మాచారం. ఈ క్ర‌మంలోనే అత‌డిని ల‌క్నో విడిచిపెట్టాల‌ని భావిస్తున్న‌ట్లు స‌ద‌రు ప‌త్రిక పేర్కొంది. రాహుల్ కూడా ల‌క్నో మేనేజ్‌మెంట్ పైన ఆంస‌తృప్తితో ఉన్నట్లు వార్తలు వినిపిస్తున్నాయి. కాగా ఈ ఏడాది సీజన్‌లో ఎల్‌ఎస్‌జి యజమాని సంజీవ్ గోయెంకా, రాహుల్ మధ్య చిన్నపాటి వాగ్వాదం చోటు చేసుకుంది. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో వీరిద్దరి మధ్య విభేదాలు ఉన్నట్లు పలు ఊహాగానాలు వినిపించాయి.ఆ తర్వాత రాహుల్‌, గోయెంకా ఇద్దరూ ఈ ఊహాగానాలను ఖండించినప్పటికి.. క్రికెట్ వర్గాల్లో మాత్రం ఇంకా ఈ చర్చనడుస్తోంది. రాహుల్ సారథ్యంలోని ఎల్‌ఎస్‌జి రెండు సార్లు ఫ్లే ఆఫ్స్‌కు చేరింది. కానీ ఈ ఏడాది సీజన్‌లో లీగ్ దశలోనే ఇంటిముఖం పట్టింది.ఆర్సీబీ కెప్టెన్‌గా రాహుల్‌?ఇక కేఎల్ రాహుల్‌పై రాయల్ ఛాలెంజర్స్ బెంగళూరు ఫ్రాంచైజీ కన్నేసినట్లు తెలుస్తోంది. మెగా వేలానికి ముందు ఎల్‌ఎస్‌జి నుంచి రాహుల్‌ను ట్రేడ్ చేసుకోవాలని ఆర్సీబీ భావిస్తున్నట్లు జాతీయ మీడియాలో కథనాలు వెలువడతున్నాయి. ప్రస్తుత ఆర్సీబీ కెప్టెన్ ఫాఫ్ డు ప్లెసిస్ వయస్సు 40కి చేరుకోవడంతో​.. దీర్ఘకాలిక ప్రయోజనాల దృష్ట్యా కొత్త కెప్టెన్‌ను ఫ్రాంచైజీ వెతుకుతున్నట్లు సమాచారం. ఈ క్రమంలో కేఎల్ రాహల్‌ను సొంతం చేసుకుని తమ జట్టు పగ్గాలను అప్పగించాలని ఆర్సీబీ యాజమాన్యం యోచిస్తున్నట్లు వినికిడి. కాగా కేఎల్ రాహుల్ తన ఐపీఎల్ కెరీర్‌ను ఆర్సీబీ ఫ్రాంచైజీతో ప్రారంభించాడు.

టీమిండియా వికెట్‌కీపర్‌ కమ్‌ బ్యాటర్‌ దినేశ్‌ కార్తీక్‌ ఐపీఎల్‌లో కీలక బాధ్యతలు చేపట్టనున్నాడు. డీకే.. తన తాజా మాజీ జట్టైన ఆర్సీబీకి బ్యాటింగ్‌ కోచ్‌ కమ్‌ మెంటార్‌గా ఎంపికయ్యాడు. ఈ విషయాన్ని ఆర్సీబీ ట్విటర్‌ వేదికగా అధికారికంగా ప్రకటించింది. వచ్చే సీజన్‌ (2025) నుంచి డీకే కొత్త విధుల్లో చేరతాడని ఆర్సీబీ పేర్కొంది. "సరికొత్త అవతారంలో మరోసారి మాలో భాగమవుతున్న దినేష్ కార్తీక్‌కు స్వాగతం"అని ఆర్సీబీ ట్వీట్‌లో రాసుకొచ్చింది.39 ఏళ్ల డీకే.. ఈ ఏడాదే ఐపీఎల్‌కు రిటైర్మెంట్‌ ప్రకటించాడు. ఢిల్లీ క్యాపిటల్స్‌తో (2008, 2009, 2010, 2014) ఐపీఎల్‌ ప్రస్తానాన్ని ప్రారంభించిన కార్తీక్‌.. గత మూడు సీజన్లలో ఆర్సీబీకి (2024, 2023, 2022) ప్రాతినిథ్యం వహించాడు. ఈ మధ్యలో కార్తీక్‌.. కింగ్స్‌ ఎలెవెన్‌ పంజాబ్‌ (2011), ముంబై ఇండియన్స్‌ (2012, 2013), ఆర్సీబీ (2015), గుజరాత్‌ లయన్స్‌ (2016, 2017), కేకేఆర్‌ (2018, 2019, 2020, 2021) ఫ్రాంచైజీలకు ఆడాడు.ఐపీఎల్‌ ఆరంభ ఎడిషన్‌ (2008) నుంచి ఆడిన అతి కొద్ది మంది క్రికెటర్లలో (ఏడుగురు) కార్తీక్‌ ఒకడు. ధోని, విరాట్‌ కోహ్లి, రోహిత్‌ శర్మ, శిఖర్‌ ధవన్‌, సాహా, మనీశ్‌ పాండే, దినేశ్‌ కార్తీక్‌ మాత్రమే ఇనాగురల్‌ ఎడిషన్‌ నుంచి ఐపీఎల్‌ ఆడారు. ఇప్పటివరకు జరిగిన 16 ఎడిషన్లలో పాల్గొన్న కార్తీక్‌ కేవలం రెండే రెండు మ్యాచ్‌లు మిస్‌ అయ్యాడు. ఐపీఎల్‌లో కార్తీక్‌కు ఘనమైన ట్రాక్‌ రికార్డు ఉంది. డీకే.. ఐపీఎల్‌లో అత్యధిక మ్యాచ్‌లు ఆడిన ఆటగాళ్ల జాబితాలో సంయుక్తంగా రెండో స్థానంలో ఉన్నాడు. డీకే, రోహిత్‌ శర్మ ఐపీఎల్‌లో 257 మ్యాచ్‌లు ఆడారు. ఐపీఎల్‌లో అత్యధిక మ్యాచ్‌లు ఆడిన రికార్డు ధోని (264) పేరిట ఉంది. డీకే తన ఐపీఎల్‌ కెరీర్‌లో 135.36 స్ట్రయిక్‌రేట్‌తో 4842 పరుగులు చేశాడు. ఇందులో 22 హాఫ్‌ సెంచరీలు ఉన్నాయి. కార్తీక్‌ ఖాతాలో 145 క్యాచ్‌లు, 37 స్టంపింగ్‌లు ఉన్నాయి.Dinesh Karthik talking about RCB and he continues to be with this family. ❤️- RCB 🤝 DK...!!!! pic.twitter.com/TiHTs3yjaA— Tanuj Singh (@ImTanujSingh) July 1, 2024కార్తీక్‌ కెరీర్‌ను 2022 ఐపీఎల్‌ ఎడిషన్‌ మలుపు తప్పింది. ఆ సీజన్‌లో పేట్రేగిపోయిన కార్తీక్‌ మ్యాచ్‌ ఫినిషర్‌గా గుర్తింపు తెచ్చుకున్నాడు. ఈ సీజన్‌ ప్రదర్శన కారణంగా అతనికి టీమిండియా నుంచి పిలుపు వచ్చింది. 2024 సీజన్‌లోనూ కార్తీక్‌ చెలరేగి ఆడాడు. ఈ సీజన్‌లో అతను 187.35 స్ట్రయిక్‌రేట్‌తో 326 పరుగులు చేశాడు.

ఐపీఎల్‌-2024 ఛాంపియ‌న్స్‌గా కోల్‌క‌తా నైట్‌రైడ‌ర్స్‌ నిలిచిన సంగ‌తి తెలిసిందే. ఆదివారం చెపాక్ వేదిక‌గా జ‌రిగిన ఫైన‌ల్లో స‌న్‌రైజ‌ర్స్ హైద‌రాబాద్‌ను చిత్తు చేసి కేకేఆర్ ముచ్చ‌ట‌గా మూడో సారి టైటిల్‌ను ఎగ‌రేసుకుపోయింది. అయితే కేకేఆర్ విజ‌యం అనంత‌రం మాట్లాడిన టీమిండియా మాజీ బ్యాట‌ర్ అంబ‌టి రాయుడు.. సంబంధం లేకుండా ఆర్సీబీ ప్ర‌స్తావ‌న తీసుకువ‌చ్చాడు. అంతేకాకుండా ఆర్సీబీ స్టార్‌ విరాట్ కోహ్లిని రాయుడు మ‌రోసారి టార్గెట్ చేశాడు. ఆరెంజ్ క్యాప్‌లతో టైటిల్‌ గెలవలేమని, సమష్టి ప్రదర్శనలే ఛాంపియన్‌గా నిలబెడుతాయని ప‌రోక్షంగా కోహ్లిపై రాయుడు విమ‌ర్శ‌లు గుప్పించాడు. కాగా ఈ ఏడాది సీజ‌న్‌లో ఆర్సీబీ ప్లే ఆఫ్స్‌లో నిష్క్ర‌మించిన‌ప్ప‌ట‌కి.. ఆ జ‌ట్టు స్టార్ ఓపెన‌ర్ విరాట్ కోహ్లి త‌న ప్ర‌ద‌ర్శ‌నతో అంద‌రిని ఆక‌ట్టుకున్నాడు. ఈ ఏడాది సీజ‌న్‌లో 15 మ్యాచ్‌లు ఆడిన విరాట్‌.. 61.75 స‌గ‌టుతో 741 ప‌రుగులు చేశాడు. దీంతో ఆరెంజ్ క్యాప్ హోల్డ‌ర్‌గా విరాట్ నిలిచాడు.ఛాంపియ‌న్స్‌గా నిలిచిన కేకేఆర్‌కు కంగ్రాట్స్‌. సునీల్ నరైన్, ఆండ్రీ రస్సెల్, మిచెల్ స్టార్క్ వంటి దిగ్గజ ఆటగాళ్లకు ఆ జట్టు అండగా నిలిచింది. ఈ దిగ్గ‌జాలు జట్టు విజయాల్లో త‌మ వంతు పాత్ర పోషించేలా సపోర్ట్ చేసింది.ఐపీఎల్‌లో ఓ జట్టు గెలుపొందాలంటే స‌మిష్టి కృషి అవసరం. అంతే తప్ప ఆరెంజ్ క్యాప్‌లతో టైటిల్ గెలవలేం. జట్టులోని చాలా మంది ఆటగాళ్లు 300 లేదా 400 పరుగులు చేస్తేనే జట్టు విజయం సాధ్యమవుతోందని"జియో సినిమా షోలో రాయుడు పేర్కొన్నాడు. కాగా విరాట్‌పై రాయుడు విమర్శల గుప్పించం ఇదేమి తొలిసారి కాదు. ఎలిమేనిటర్‌లో ఆర్సీబీ ఓడిపోయిన తర్వాత కూడా విరాట్‌ను పరోక్షంగా ఉద్దేశించి రాయుడు ఓ పోస్ట్ చేశాడు. జట్టు ప్రయోజనాల కంటే వ్యక్తిగత మైలురాళ్లకు ప్రాధాన్యత ఇవ్వడం టీమ్‌కు మంచిది కాదుంటా రాయుడు ఎక్స్‌లో రాసుకొచ్చాడు.

తమిళ నటి కస్తూరి 90వ దశకంలో హీరోయిన్‌గా నటించి బాగానే గుర్తింపు తెచ్చుకున్నారు. ప్రస్తుతం ఆమె సీరియల్స్‌తో బిజీగా ఉన్నారు. సినిమాలతో పాటు సోషల్ మీడియాలో యాక్టివ్ గానే ఉంటున్నారు. సామాజిక, రాజకీయ అంశాల మీద పోస్టులు పెడుతూ ఉంటుంది. అయితే ఇటీవల ఆమె ఐపీఎల్‌ టీం బెంగళూరు ఓటమిపై పోస్ట్‌ పెట్టింది. ఎలిమినేటర్‌ మ్యాచ్‌లో రాజస్థాన్ రాయల్స్‌ చేతిలో ఆర్సీబీ ఓడిపోయిన ఇంటిబాట పట్టిన సంగతి తెలిసిందే. అయితే ఈ విషయంపై ప్రముఖ కోలీవుడ్‌ నటి కస్తూరి తన ట్విటర్‌లో ఖాతాలో వ్యంగ్యంగా పోస్ట్‌ చేసింది. చాలా ఏళ్లుగా ఈ విషయం అక్కడి వారికి తెలుసు అంటూ బెంగళూరు కంటోన్మెంట్‌ రైల్వేస్టేషన్‌ పిక్‌ను షేర్ చేసింది. అంతే కాకుండా 'ఈసాలా కూడా కప్‌ ఇల్లా' అంటూ కించపరిచేలా క్యాప్షన్‌ కూడా రాసుకొచ్చింది.అయితే ఇది చూసిన ఆర్సీబీ ఫ్యాన్స్‌, నెటిజన్స్‌ ఆమెపై తీవ్రస్థాయిలో మండిపడుతున్నారు. ఆమె చేసిన పోస్టుకు కౌంటర్‌గా కామెంట్స్ పెడుతున్నారు. సీఎస్‌కే టీమ్‌లా రెండేళ్లు మా టీమ్ బ్యాన్‌ కాలేదని గుర్తు చేస్తున్నారు. మీ టీమ్‌ అంతా ఫిక్సింగ్ అంటూ కస్తూరిని ట్రోల్‌ చేస్తున్నారు. మీ టీమ్‌ చెన్నై ఫిక్సింగ్‌ కింగ్స్‌ అంటూ నెటిజన్స్‌ పెద్దఎత్తున ఆడేసుకుంటున్నారు.The locals have known for years ....🤭😃#eesala #illa pic.twitter.com/gektBLqkFZ— Kasturi (@KasthuriShankar) May 23, 2024

టీమిండియా వెట‌ర‌న్‌, రాయల్ ఛాలెంజర్స్ బెంగళూరు స్టార్ క్రికెట‌ర్ దినేష్ కార్తీక్ త‌న కెరీర్‌లో చివ‌రి ఐపీఎల్ ఆడేశాడు. అహ్మదాబాద్ వేదిక‌గా జ‌రిగిన ఎలిమినేటర్‌లో రాజ‌స్తాన్ రాయ‌ల్స్‌పై ఓట‌మి అనంత‌రం కార్తీక్ త‌న 17 ఏళ్ల ఐపీఎల్ కెరీర్‌కు విడ్కోలు ప‌లికాడు. ఈ క్ర‌మంలో త‌న స‌హ‌చ‌ర ఆట‌గాడు, టీమిండియా స్టార్ విరాట్ కోహ్లి.. కార్తీక్‌తో అనుబంధంపై ఆస‌క్తిక‌ర వ్యాఖ్య‌లు చేశాడు.దినేష్ కార్తీక్‌ను నేను తొలిసారి ఛాంపియన్స్ ట్రోఫీ 2009 సంద‌ర్భంగా క‌లిశాను. బహుశా ద‌క్షిణాఫ్రికాలో అనుకుంటా. నేను అత‌డితో డ్రెస్సింగ్ రూమ్‌ను పంచుకోవ‌డం అదే మొద‌టి సారి. అత‌డు చాలా స‌ర‌దాగా ఉంటాడు. డికే చాలా యాక్టివ్‌ ఉంటాడు. అదేవిధంగా కన్‌ఫ్యూజ్డ్‌ పర్సన్. చాలా సార్లు అతడు ఏదో ఆలోచిస్తూ అటూ ఇటూ తిరుగుతూ ఉంటాడు. దినేశ్‌పై నాకు కలిగిన తొలి అభిప్రాయం ఇదే. డీకేకు అద్భుతమైన టాలెంట్‌ ఉంది. నేను మొదటిసారిగా చూసిన దినేష్‌కు, ఇప్పటి దినేష్‌లో ఎలాంటి మార్పులేదు. అతడు తెలివైనవాడు. అంతేకాకుండా చాలా ప్రశాంతంగా ఉంటాడు. ఫీల్డ్‌లోనే కాదు, ఆఫ్‌ది ఫీల్డ్‌ కూడా డీకేతో నాకు మంచి అనుబంధం ఉంది. కార్తీక్‌కు క్రికెట్‌పైనే కాకుండా ఇతర విషయాలపై మంచి అవహగహన ఉంది. అతడితో నాకు సంబంధించిన ఏ విషయమైన నేను చర్చిస్తాను. ఐపీఎల్‌-2022లో నేను పెద్దగా రాణించలేదు. ఆత్మ విశ్వాసాన్ని కోల్పోయి చాలా ఇబ్బంది పడ్డా. ఆ సమయంలో దినేష్ నా పక్కను కూర్చోని నాలో ఆత్మ విశ్వాసాన్ని నింపాడు. నాలో ఉన్న లోపాలను నాకు అర్ధమయ్యేలా చెప్పాడు. నేను ఈ రోజు మెరుగ్గా ఆడుతున్నానంటే అందుకు కారణం డీకేనే. కార్తీక్‌లో తన నిజాయితీ, ధైర్యం నాకు బాగా నచ్చాయి. నాకు పరిచయం అయినందుకు థంక్యూ డీకే అ‍ంటూ విరాట్ ఆర్సీబీ షేర్ చేసిన వీడియోలో పేర్కొన్నాడు.

ఐపీఎల్‌-2024లో రాయల్‌ ఛాలెంజర్స్‌ బెంగళూరు కథ ముగిసింది. అహ్మదాబాద్‌ వేదికగా రాజస్తాన్‌ రాయల్స్‌తో జరిగిన ఎలిమేనిటర్‌లో 4 వికెట్ల తేడాతో ఆర్సీబీ ఓటమి పాలైంది. దీంతో టోర్నీ నుంచి ఆర్సీబీ ఇంటిముఖం పట్టింది. వరుస మ్యాచ్‌ల్లో గెలిచి ఫ్లే ఆఫ్స్‌కు చేరిన బెంగళూరు.. ఎలిమినేటర్‌ రౌండ్‌ను దాటలేకపోయింది. ఈ మ్యాచ్‌లో తొలుత బ్యాటింగ్‌ చేసిన ఆర్సీబీ నిర్ణీత 20 ఓవర్లలో 8 వికెట్ల నష్టానికి 172 పరుగులు చేసింది. ఆర్సీబీ బ్యాటర్లలో రజిత్ పాటిదార్‌(34) పరుగులతో టాప్ స్కోరర్‌గా నిలవగా.. విరాట్ కోహ్లి(33), మహిపాల్‌(32) పరుగులతో రాణించారు.అనంతరం 173 పరుగుల లక్ష్యంతో బరిలోకి దిగిన రాజస్తాన్‌ 6 వికెట్లు కోల్పోయి 19 ఓవర్లలో చేధించింది. రాజస్తాన్‌ బ్యాటర్లలో యశస్వీ జైశ్వాల్‌(45) పరుగులతో అదరగొట్టగా.. రియాన్‌ పరాగ్‌(36), హెట్‌మైర్‌(26), పావెల్‌(16)పరుగులతో రాణించారు. ఇక ఈ ఓటమిపై మ్యాచ్‌ అనంతరం ఆర్సీబీ కెప్టెన్‌ ఫాప్‌ డుప్లెసిస్‌ స్పందించాడు. బ్యాటింగ్‌లో మరింత మెరుగ్గా రాణించింటే ఫలితం మరో విధంగా ఉండేదని డుప్లెసిస్‌ తెలిపాడు."మేము తొలుత బ్యాటింగ్‌లో మెరుగ్గా రాణించలేకపోయాం. సెకెండ్‌ ఇన్నింగ్స్‌లో మంచు ప్రభావం ఎక్కువగా ఉంది. అదనంగా 20 పరుగులు చేసి ఉంటే పరిస్థితి మరో విధంగా ఉండేది. సాధరణంగా ఈ వికెట్‌పై 180 పరుగులు సాధిస్తే టార్గెట్‌ను డిఫెండ్‌ చేసుకోవచ్చు.ఎందుకంటే అహ్మదాబాద్‌ పిచ్‌ కాస్త స్లోగా ఉంది. మా బౌలర్లు అద్బుతంగా పోరాడారు. ఈ సీజన్‌లో ఇంపాక్ట్‌ ప్లేయర్‌ రూల్‌ ​మాకు పెద్దగా ఉపయోగపడలేదు. ఇక ఈ సీజన్‌లో మా జట్టు ప్రదర్శన పట్ల చాలా గర్వంగా ఉంది. పాయింట్ల పట్టకలో అట్టడుగు స్ధానం నుంచి ప్లే ఆఫ్స్‌కు రావడం నిజంగా గర్వించదగ్గ విషయం. వరుసగా ఆరు మ్యాచ్‌లు గెలిచి ప్లే ఆఫ్స్‌కు అర్హత సాధించాం. కానీ దురదృష్టవశాత్తూ ఎలిమినేటర్ రౌండ్‌ను దాటలేకపో​యామని" పోస్ట్‌మ్యాచ్‌ ప్రేజేంటేషన్‌లో డుప్లెసిస్‌ పేర్కొన్నాడు. A comeback to winning ways when it mattered the most & how 👌👌Upwards & Onwards for Rajasthan Royals in #TATAIPL 2024 😄⏫Scorecard ▶️ https://t.co/b5YGTn7pOL #RRvRCB | #Eliminator | #TheFinalCall pic.twitter.com/NsxjVGmjZ9— IndianPremierLeague (@IPL) May 22, 2024

ఐపీఎల్‌-2024లో కీల‌క మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు స్టార్ ఆట‌గాడు గ్లెన్ మాక్స్‌వెల్ తీవ్రనిరాశ‌ప‌రిచాడు. ఈ మెగా ఈవెంట్‌లో భాగంగా అహ్మ‌దాబాద్‌ వేదికగా రాజస్తాన్ రాయల్స్‌తో ఎలిమినేటర్‌ మ్యాచ్‌లో మాక్స్‌వెల్‌ డకౌటయ్యాడు. కీలక సమయంలో బ్యాటింగ్‌కు వచ్చిన మాక్సీ.. అశ్విన్‌ బౌలింగ్‌లో ఖాతా తెరవకుండానే పెవిలియన్‌కు చేరాడు. ఈ క్రమంలో మాక్స్‌వెల్‌ ఓ చెత్త రికార్డును తన పేరిట లిఖించుకున్నాడు. ఐపీఎల్‌లో అత్యధిక సార్లు డకౌటైన ఆటగాడిగా దినేష్‌ కార్తీక్‌తో కలిసి సమంగా నిలిచాడు. ఈ క్యాష్‌రిచ్‌ లీగ్‌లో మాక్స్‌వెల్‌‌ 18 సార్లు డకౌట్‌ కాగా.. కార్తీక్‌ కూడా 18 సార్లు ఖాతా తెరవకుండానే ఔటయ్యాడు. ఈ జాబితాలో వీరిద్దరి తర్వాత టీమిండియా కెప్టెన్‌ రోహిత్‌ శర్మ(17) ఉన్నాడు. ఓవరాల్‌గా టీ20 క్రికెట్‌లో ఈ చెత్త రికార్డు సాధించిన జాబితాలో మాక్సీ(32) నాలుగో స్ధానంలో నిలిచాడు.

ఆర్సీబీ ఇంటికి.. ఎలిమేనిటర్‌లో రాజస్తాన్‌ ఘన విజయంఐపీఎల్‌-2024లో ఫైనల్‌ చేరేందుకు అడుగుదూరంలో రాజస్తాన్‌ రాయల్స్‌ నిలిచింది. అహ్మదాబాద్‌ వేదికగా రాయల్‌ ఛాలెంజర్స్‌ బెంగళూరుతో జరిగిన ఎలిమేనిటర్‌లో 4 వికెట్ల తేడాతో రాజస్తాన్‌ ఘన విజయం సాధించింది. దీంతో క్వాలిఫయర్‌-2కు రాజస్తాన్‌ అర్హత సాధించగా.. ఆర్సీబీ ఇంటిముఖం పట్టింది. ఈ మ్యాచ్‌లో 173 పరుగుల లక్ష్యంతో బరిలోకి దిగిన రాజస్తాన్‌ 6 వికెట్లు కోల్పోయి 19 ఓవర్లలో చేధించింది. రాజస్తాన్‌ బ్యాటర్లలో యశస్వీ జైశ్వాల్‌(45) పరుగులతో అదరగొట్టగా.. రియాన్‌ పరాగ్‌(36), హెట్‌మైర్‌(26), పావెల్‌(16)పరుగులతో రాణించారు. ఆర్సీబీ బౌలర్లలో సిరాజ్‌ రెండు వికెట్లు.. ఫెర్గూసన్‌, కరణ్‌ శర్మ, గ్రీన్‌ తలా వికెట్‌ సాధించారు. అంతకుముందు బ్యాటింగ్‌ చేసిన ఆర్సీబీ నిర్ణీత 20 ఓవర్లలో 8 వికెట్ల నష్టానికి 172 పరుగులు చేసింది. ఆర్సీబీ బ్యాటర్లలో రజిత్ పాటిదార్‌(34) పరుగులతో టాప్ స్కోరర్‌గా నిలవగా.. విరాట్ కోహ్లి(33), మహిపాల్‌(32) పరుగులతో రాణించారు. మాక్స్‌వెల్, దినేష్ కార్తీక్ వంటి కీల​క ఆటగాళ్లు నిరాశపరిచారు. రాజస్తాన్ బౌలర్లలో అవేష్ ఖాన్ 3 వికెట్లు పడగొట్టగా.. అశ్విన్ రెండు, ట్రెంట్ బౌల్ట్,సందీప్ శర్మ, చాహల్ తలా వికెట్ సాధించారు. 13 ఓవర్లకు రాజస్తాన్‌ స్కోర్‌: 111/313 ఓవర్లు ముగిసే సరికి రాజస్తాన్‌ మూడు వికెట్ల నష్టానికి 111 పరుగులు చేసింది. క్రీజులో రియాన్‌ పరాగ్‌(18), జురెల్‌(8) పరుగులతో ఉన్నారు.మూడో వికెట్‌ డౌన్‌..సంజూ శాంసన్‌ రూపంలో రాజస్తాన్‌ మూడో వికెట్‌ కోల్పోయింది. 17 పరుగులు చేసిన సంజూ.. కరణ్‌ శర్మ బౌలింగ్‌లో ఔటయ్యాడు. క్రీజులోకి జురెల్‌ వచ్చాడు. 11 ఓవర్లకు రాజస్తాన్‌ స్కోర్‌: 98/3రెండో వికెట్‌ డౌన్‌..81 పరుగుల వద్ద రాజస్తాన్‌ రాయల్స్‌ రెండో వికెట్‌ కోల్పోయింది. 45 పరుగులు చేసిన యశస్వీ జైశ్వాల్‌.. గ్రీన్‌ బౌలింగ్‌లో ఔటయ్యాడు. క్రీజులోకి పరాగ్‌ వచ్చాడు.దూకుడుగా ఆడుతున్న రాజ‌స్తాన్‌173 ప‌రుగుల ల‌క్ష్యంతో బ‌రిలోకి దిగిన రాజ‌స్తాన్ దూకుడుగా ఆడుతోంది. 8 ఓవ‌ర్లు ముగిసేస‌రికి వికెట్ న‌ష్టానికి 74 ప‌రుగులు చేసింది. క్రీజులో య‌శ‌స్వీ జైశ్వాల్‌(42), శాంస‌న్‌(11) ప‌రుగుల‌తో ఉన్నారు.తొలి వికెట్ కోల్పోయిన రాజ‌స్తాన్‌..173 ప‌రుగుల ల‌క్ష్యంతో బ‌రిలోకి దిగిన రాజ‌స్తాన్ రాయ‌ల్స్ తొలి వికెట్ కోల్పోయింది. 20 ప‌రుగులు చేసిన కాడ్‌మోర్‌..ఫెర్గూసన్ బౌలింగ్‌లో ఔట‌య్యాడు. 6 ఓవ‌ర్లు ముగిసేస‌రికి వికెట్ న‌ష్టానికి 47 ప‌రుగులు చేసింది. క్రీజులో జైశ్వాల్‌(25), శాంస‌న్‌(1) ప‌రుగుల‌తో ఉన్నారు.రాణించిన ఆర్సీబీ బ్యాట‌ర్లు.. రాజ‌స్తాన్ టార్గెట్ ఎంతంటే?రాజస్తాన్‌తో ఎలిమినేటర్ మ్యాచ్‌లో టాస్ ఓడి బ్యాటింగ్ దిగిన రాయల్ ఛాలెంజర్స్ బెంగళూరు పర్వాలేదన్పించింది. నిర్ణీత 20 ఓవర్లలో 8 వికెట్ల నష్టానికి 172 పరుగులు చేసింది. ఆర్సీబీ బ్యాటర్లలో రజిత్ పాటిదార్‌(34) పరుగులతో టాప్ స్కోరర్‌గా నిలవగా.. విరాట్ కోహ్లి(33), మహిపాల్‌(32) పరుగులతో రాణించారు. మాక్స్‌వెల్, దినేష్ కార్తీక్ వంటి కీల​క ఆటగాళ్లు నిరాశపరిచారు. రాజస్తాన్ బౌలర్లలో అవేష్ ఖాన్ 3 వికెట్లు పడగొట్టగా.. అశ్విన్ రెండు, ట్రెంట్ బౌల్ట్,సందీప్ శర్మ, చాహల్ తలా వికెట్ సాధించారు.ఐదో వికెట్ డౌన్‌.. పాటిదార్ ఔట్‌122 ప‌రుగుల వద్ద ఆర్సీబీ ఐదో వికెట్ కోల్పోయింది. 34 ప‌రుగులు చేసిన ర‌జిత్ పాటిదార్‌.. అవేష్ ఖాన్ బౌలింగ్‌లో ఔట‌య్యాడు. క్రీజులోకి దినేష్ కార్తీక్ వ‌చ్చాడు.కష్టాల్లో ఆర్సీబీ.. మాక్స్‌వెల్‌ డకౌట్‌బెంగళూరు మరో వికెట్‌ కోల్పోయింది. 97 పరుగుల వద్ద వరుస బంతుల్లో కెమెరూన్‌ గ్రీన్(27), మాక్స్‌వెల్‌(0) డకౌటయ్యాడు. దీంతో ఆర్సీబీ 12.4 ఓవర్లలో 97/4 పరుగులు చేసింది. విరాట్‌ కోహ్లీ అవుట్బెంగళూరుకు షాక్ తగిలింది. విరాట్‌ కోహ్లీ (33) పరుగుల వద్ద క్యాచ్ ఇచ్చి ఔటయ్యారు. యుజ్వేందర్‌ చాహల్‌ బౌలింగ్‌లో వెనుదిరిగాడు. ప్రస్తుతం ఆర్సీబీ 8 ఓవర్లకు 58/2 పరుగులతో ఉంది.పవర్‌ ప్లేలో తగ్గిన దూకుడుపవర్‌ ప్లే ముగిసే సరికి ఆర్సీబీ వికెట్ నష్టానికి 50 పరుగులు చేసింది. క్రీజ్‌లో విరాట్ కోహ్లీ(30), కెమెరూన్ గ్రీన్‌ (1) ఉన్నారు.తొలి వికెట్ డౌన్‌..టాస్ ఓడి బ్యాటింగ్‌కు దిగిన ఆర్సీబీ తొలి వికెట్ కోల్పోయింది. 17 ప‌రుగులు చేసిన ఫాప్ డుప్లెసిస్‌.. బౌల్ట్ బౌలింగ్‌లో ఔట‌య్యాడు. 5 ఓవ‌ర్లు ముగిసేస‌రికి వికెట్ న‌ష్టానికి 37 ప‌రుగులు చేసింది. క్రీజులో విరాట్ కోహ్లి(18), గ్రీన్‌(0) ప‌రుగుల‌తో ఉన్నారు.నిల‌క‌డ‌గా ఆడుతున్న ఆర్సీబీ..టాస్ ఓడి బ్యాటింగ్‌కు దిగిన ఆర్సీబీ నిల‌క‌డ‌గా ఆడుతోంది. 4 ఓవ‌ర్లు ముగిసేస‌రికి వికెట్ న‌ష్ట‌పోకుండా 34 ప‌రుగులు చేసింది. క్రీజులో ఫాప్ డుప్లెసిస్‌(18), విరాట్ కోహ్లి(16) ప‌రుగుల‌తో ఉన్నారు.ఐపీఎల్‌-2024లో ఎలిమినేట‌ర్ పోరుకు రంగం సిద్ద‌మైంది. అహ్మ‌దాబాద్‌లోని నరేంద్ర మోడీ స్టేడియం వేదిక‌గా జ‌రుగుతున్న ఎలిమినేట‌ర్‌లో రాజ‌స్తాన్ రాయ‌ల్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన రాజ‌స్తాన్‌ తొలుత బౌలింగ్ ఎంచుకుంది. ఈ మ్యాచ్‌లో ఆర్సీబీ ఎటువంటి మార్పులు లేకుండా బ‌రిలోకి దిగ‌గా.. రాజ‌స్తాన్ ఓ మార్పు చేసింది. హెట్‌మైర్ తుది జ‌ట్టులోకి వ‌చ్చాడు.రాజ‌స్తాన్ అత‌డిని ఇంపాక్ట్ ప్లేయ‌ర్‌గా ఉప‌యోగించ‌నుంది.తుది జ‌ట్లురాయల్ ఛాలెంజర్స్ బెంగళూరు: విరాట్ కోహ్లి, ఫాఫ్ డు ప్లెసిస్ (కెప్టెన్‌), రజత్ పటీదార్, కామెరాన్ గ్రీన్, గ్లెన్ మాక్స్‌వెల్, దినేష్ కార్తీక్ (వికెట్ కీప‌ర్‌), మహిపాల్ లోమ్రోర్, కర్ణ్ శర్మ, యశ్ దయాల్, మహ్మద్ సిరాజ్, లాకీ ఫెర్గూసన్రాజస్థాన్ రాయల్స్ : యశస్వి జైస్వాల్, టామ్ కోహ్లర్-కాడ్మోర్, సంజు శాంసన్ (వికెట్ కీప‌ర్‌), రియాన్ పరాగ్, ధ్రువ్ జురెల్, రోవ్‌మన్ పావెల్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, సందీప్ శర్మ, యుజ్వేంద్ర చాహల్

ఐపీఎల్‌-2024లో రాయ‌ల్ ఛాలెంజ‌ర్స్ బెంగ‌ళూరు అనుహ్యంగా ప్లే ఆఫ్స్‌కు అర్హ‌త సాధించిన సంగ‌తి తెలిసిందే. అయితే ఆర్సీబీ ప్లే ఆఫ్స్‌కు క్వాలిఫై కావ‌డంలో ఆ జట్టు పేస‌ర్ యష్ దయాల్‌ది కీల‌క పాత్ర‌. చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో జ‌రిగిన డూ ఆర్‌డై మ్యాచ్‌లో ద‌యాల్ సంచ‌ల‌న ప్ర‌ద‌ర్శ‌న క‌న‌బ‌రిచాడు.గ‌తేడాది సీజ‌న్‌లో గుజ‌రాత్ త‌ర‌పున జీరోగా మారిన ద‌యాల్ ఇప్పుడు ఆర్సీబీ త‌ర‌పున హీరోగా మారాడు. సీఎస్‌కే ప్లే ఆఫ్స్‌కు చేరాలంటే ఆఖరి ఓవర్‌లో 17 ప‌రుగులు అవ‌స‌ర‌మ‌య్యాయి. ఈ క్ర‌మంలో ఆర్సీబీ కెప్టెన్ ఫాప్ డుప్లెసిస్ ఆఖ‌రి ఓవ‌ర్ వేసే బాధ్య‌త‌ను య‌శ్ ద‌యాల్‌కు ఇచ్చాడు. క్రీజులో ఎంఎస్ ధోని, ర‌వీంద్ర జ‌డేజా వంటి డెంజ‌రస్ ఆట‌గాళ్లు ఉండ‌డంతో సీఎస్‌కే విజ‌యం ఖాయ‌మ‌ని అంద‌రూ భావించారు. కానీ అంద‌ర‌ని అంచ‌నాల‌ను ద‌యాల్ తారుమారు చేశాడు. తొలి బంతికి ధోనీ సిక్స్ కొట్టినా.. ఏమాత్రం భ‌య‌ప‌డ‌కుండా కట్టుదిట్టంగా బౌలింగ్ చేసి మొత్తం ఏడు పరుగులే ఇచ్చి త‌న జ‌ట్టు ప్లే ఆఫ్స్‌కు చేర్చాడు.ఈ మ్యాచ్‌లో ద‌యాల్ సంచలన ప్రదర్శనతో అతని తండ్రి చంద్రపాల్ తీవ్ర భావోద్వేగానికి లోన‌య్యాడు. తన కొడుకును ఆర్సీబీ రూ.5 కోట్ల‌కు కొనుగోలు చేయడాన్ని చాలా మంది తప్పుబట్టారని చంద్రపాల్ చెప్పుకొచ్చాడు.'నేను ఉన్న ఒక వాట్సాప్ గ్రూప్‌లో ఓ వ్యక్తి యష్‌ని ఎగతాళి చేస్తూ ఓ మీమ్‌ను షేర్ చేశాడు. యశ్ ఇచ్చిన ఐదు సిక్సర్లను ప్రస్తావిస్తూ హేళ‌న చేసేలా ఆ మీమ్ ఉంది. అది నాకు ఇప్ప‌టికి బాగా గుర్తు ఉంది. ఆ మీమ్‌లో 'ప్రయాగ్‌రాజ్ ఎక్స్‌ప్రెస్ కథ ప్రారంభం కాకముందే ముగిసింది'అని రాసుకొచ్చారు. ఆ ఆన్‌లైన్ ట్రోలింగ్ అంతటితో అగిపోలేదు. మేము ఆ ట్రోలింగ్ చూడ‌లేక మా ఫ్యామిలీ గ్రూప్ మినహా అన్ని వాట్సాప్ గ్రూప్‌ల్లో నుంచి నిష్క్రమించాం. ఈ ఏడాది సీజ‌న్ వేలంలో ఆర్సీబీ రూ. 5 కోట్లకు య‌శ్‌ను సొంతం చేసుకున్నాక కూడా ట్రోలు చేయ‌డం మొద‌లెట్టారు.ఆర్సీబీ ఫ్రాంచైజీ డబ్బును చెత్త‌లో పడేసిందంటూ విమ‌ర్శించారని" ఇండియ‌న్ ఎక్స్‌ప్రెస్‌కు ఇచ్చిన ఇంట‌ర్వ్యూలో ద‌యాల్ తండ్రి చంద్ర‌పాల్ పేర్కొన్నాడు.

ఐపీఎల్‌-2024లో లీగ్ ద‌శ మ్యాచ్‌లు ముగిశాయి. ఈ మెగా ఈవెంట్‌లో భాగంగా గౌహ‌తి వేదిక‌గా కోల్‌క‌తా నైట్‌రైడ‌ర్స్‌, రాజ‌స్తాన్ రాయ‌ల్స్ మ‌ధ్య జ‌రగాల్సిన చివ‌రి లీగ్ మ్యాచ్ వ‌ర్షం కార‌ణంగా ర‌ద్దు అయింది. టాస్ ప‌డిన‌ప్ప‌ట‌కి మ‌రోసారి వ‌ర్షం మొద‌లు కావ‌డంతో మ్యాచ్‌ను ర‌ద్దు చేస్తున్న‌ట్లు అంపైర్‌లు ప్ర‌క‌టించారు.ఇక లీగ్ స్టేజీ ముగియ‌డంతో ప్లే ఆఫ్స్‌కు చేరిన జ‌ట్ల‌పై ఓ లూక్కేద్దం. పాయింట్ల ప‌ట్టిక‌లో టాప్‌-4లో నిలిచిన కోల్‌క‌తా నైట్‌రైడ‌ర్స్‌, స‌న్‌రైజ‌ర్స్ హైద‌రాబాద్‌, రాజ‌స్తాన్ రాయ‌ల్స్, ఆర్సీబీ జ‌ట్లు ప్లే ఆఫ్స్‌కు అర్హ‌త సాధించాయి. పాయింట్ల టేబుల్‌లో కేకేఆర్‌(19) పాయింట్ల‌తో అగ్ర‌స్ధానంలో ఉండ‌గా.. ఎస్ఆర్‌హెచ్ 17(నెట్ ర‌న్‌రేట్ +0.414), రాజ‌స్తాన్ 17(నెట్ ర‌న్‌రేట్ +0.273), ఆర్సీబీ(14) పాయింట్ల‌తో వ‌రస‌గా రెండు, మూడు ,నాలుగు స్ధానాల్లో నిలిచాయి. ఇక మే 21 నుంచి నాకౌట్ మ్యాచ్‌లకు తెర‌లేవ‌నుంది. మే 21న అహ్మ‌దాబాద్ వేదిక‌గా జ‌ర‌గ‌నున్న తొలి క్వాలిఫియ‌ర్‌లో కేకేఆర్‌, ఎస్ఆర్‌హెచ్ జ‌ట్లు త‌ల‌ప‌డునున్నాయి. మే 22న ఎలిమినేట‌ర్‌లో ఆర్సీబీ, రాజ‌స్తాన్ అమీతుమీ తెల్చుకోనున్నాయి. అనంత‌రం మే 24 క్వాలిఫియ‌ర్-2లో ఎలిమినేట‌ర్‌లో గెలిచిన జ‌ట్టు, క్వాలిఫియ‌ర్‌-1లో ఓడిన జ‌ట్టు త‌ల‌ప‌డ‌నున్నాయి. మే 26న చెపాక్ వేదిక‌గా ఫైన‌ల్ మ్యాచ్ జ‌ర‌గ‌నుంది.

#RCB Vs CSK ఐపీఎల్‌ అంటేనే క్రికెట్‌ అభిమానులకు ఒక పండుగ. అలాంటి ఐపీఎల్‌లో బెంగళూరు రాయల్‌ ఛాలెంటర్స్‌(#RCB) అందరి అంచనాలను తలకిందులు చేస్తూ అదరగొట్టింది. ఐపీఎల్‌ చరిత్రలోనే కనీవినీ ఎరగని రీతిలో ఐపీఎల్‌-17లో ప్లే ఆఫ్ల్స్‌కు చేరుకుంది. తప్పక గెలవాల్సిన మ్యాచ్‌లో చైన్నె సూపర్‌ కింగ్స్‌కు షాకిస్తూ మెరుగైన రన్‌రేట్‌తో విజయం సాధించి ముందంజలో నిలిచింది. ప్లే ఆఫ్స్‌కు చేరాల్సిన నాకౌట్ మ్యాచ్‌లో సీఎక్కేపై 27 పరుగుల తేడాలో ఆర్సీబీ విజయం సాధించింది. ఇక, ఈ మ్యాచ్‌లో ఆర్సీబీ కెప్టెన్‌ ఫాఫ్‌ డూప్లిసిస్‌కు మ్యాచ్‌ ఆఫ్‌ ది మ్యాచ్‌ దక్కింది. ఈ సందర్భంగా డూప్లిసిస్‌ మాట్లాడుతూ.. బెంగళూరులో ఈ సీజన్‌ను ముగించడం చాలా ఆనందనిచ్చింది. విజయంతో ప్లే ఆఫ్స్‌కు ఎంతో సంతోషంగా ఉంది. ఈ ‍మ్యాచ్‌లో మా బౌలర్స్‌ అద్భుతంగా బౌలింగ్‌ చేశారు. నాకు వచ్చిన మ్యాన్‌ ఆఫ్‌ ది మ్యాచ్‌ అవార్డును బౌలర్‌ యశ్‌ దయాల్‌కు అంకితమిస్తున్నాను. యశ్‌ బౌలింగ్‌ చేసిన విధానం చాలా బాగుంది. అతడి వల్లే మ్యాచ్‌ గెలిచాం. అందుకే తనకు అవార్డ్‌ను అంకితమిస్తున్నా. THE WINNING CELEBRATION FROM RCB. 🫡❤️- RCB into the Playoffs after having 1 win out of first 8 matches. 🤯🔥pic.twitter.com/LPFjay2A7C— Mufaddal Vohra (@mufaddal_vohra) May 18, 2024 ఇలాంటి పిచ్‌పై పరుగులు చేయడం ఎంతో కష్టం. మా బ్యాటర్స్‌ అద్భుతంగా బ్యాటింగ్‌ చేసి భారీ స్కోర్‌ సాధించారు. మా బౌలర్లు కూడా కట్టుదిట్టమైన బౌలింగ్‌ చేసి ప్రత్యర్థిని పరుగులు చేయకుండా ఆపగలిగారు. ఈ క్రెడిట్‌ అంతా మా బౌలర్లదే. ఇక, మా జట్టు ఓడినా.. గెలిచినా ఆర్సీబీ అభిమానులు మాకు ఎంతో సపోర్ట్‌ చేశారు. అభిమానులకు స్పెషల్‌ థ్యాంక్స్‌ చెబుతున్నాను. ప్లే ఆఫ్‌ మ్యాచ్‌ల్లో కూడా జట్టుగా రాణించి విజయాలను సాధిస్తామనే నమ్మకం​ ఉంది అంటూ కామెంట్స్‌ చేశాడు. THE GREATEST COMEBACK IN IPL HISTORY. 🏆- RCB qualified for Playoffs after losing 6 consecutive matches. 🤯pic.twitter.com/eIe6J7Iqhh— Mufaddal Vohra (@mufaddal_vohra) May 18, 2024 అదరగొట్టిన ఆర్సీబీ బ్యాటర్స్‌..ఇక మ్యాచ్‌ విషయానికి వస్తే.. తప్పక గెలవాల్సిన మ్యాచ్‌లో ఆర్సీబీ బ్యాటర్స్‌ అందరూ రాణించారు. వచ్చిన బ్యాట్స్‌మెన​్‌ వచ్చినట్టు చెన్నై బౌలర్లపై విరుచుకుపడ్డారు. బౌండరీలే లక్ష్యంగా స్కోర్‌ బోర్డును పరుగులు పెట్టించారు. డుప్లెసిస్‌ (54), కోహ్లి (47), రజత్‌ పటీదార్‌ (41), గ్రీన్‌ (38) చెలరేగడంతో మొదట ఆర్సీబీ 5 వికెట్లకు 218 పరుగులు చేసింది. భారీ లక్ష్యంతో ఇన్నింగ్‌ ప్రారంభించిన చెన్నైకి మొదటి బంతికే ఫామ్‌లో ఉన్న సీఎస్కే కెప్టెన్‌ రుతురాజ్‌ ఔటయ్యాడు. ఇక, మూడో ఓవర్లో మిచెల్‌ (4) కూడా నిష్క్రమించాడు. దీంతో, 19/2తో సీఎస్కే ఒత్తిడిలో పడిపోయింది. కానీ రచిన్, రహానె (33) నిలబడడంతో కాసేపు స్కోరు బోర్డు పరుగులు పెట్టింది. 8 ఓవర్లలో 85/2 స్కోర్‌తో మళ్లీ రేసులో నిలిచింది. ఈ దశలో ఆర్సీబీ బౌలర్‌ ఫెర్గూసన్‌.. రహానెను ఔట్‌ చేయడంతో మ్యాచ్‌ మళ్లీ ఆర్సీబీ చేతిలోకి వచ్చింది. 14 పరుగుల వ్యవధిలో రచిన్‌తో పాటు దూబె, శాంట్నర్‌ ఔట్‌ కావడంతో ఆ జట్టు పరిస్థితి మరింత క్లిష్టంగా మారింది. సీఎస్కే 15 ఓవర్లలో 129/6తో నిలిచింది. గెలవాలంటే ఐదు ఓవర్లలో 90 పరుగులు పరిస్థితి. ఓడినా ప్లేఆఫ్స్‌కు చేరాలన్నా 72 పరుగులు చేయాల్సిన స్థితి. అలాంటి దశలో ధోని, జడేజా పోరాడారు. చివరి రెండు ఓవర్లలో ప్లేఆఫ్స్‌లో స్థానం కోసం 35 (విజయం కోసం కావాల్సింది 53) పరుగులు చేయాలి. ఫెర్గూసన్‌ వేసిన ఇన్నింగ్స్‌లో 19వ ఓవర్లో జడేజా, ధోని కలిసి.. 18 పరుగులు రాబట్టడంతో ఉత్కంఠ పెరిగింది. ఆఖరి ఓవర్‌ (యశ్‌ దయాళ్‌) తొలి బంతికే ధోని సిక్స్‌ బాదడంతో చెన్నై ప్లేఆఫ్స్‌ అవకాశాలు మెరుగయ్యాయి. కానీ దయాల్‌ అద్భుతంగా బౌలింగ్‌ చేసి రెండో బంతికి ధోనీని ఔట్‌ చేశాడు. ఆ తర్వాతి నాలుగు బంతుల్లో ఒక్క పరుగే ఇచ్చి ఆర్సీబీకి మరిచిపోలేని విజయాన్ని అందించాడు.

ఐపీఎల్‌-2024 ప్లే ఆఫ్స్‌లో రాయ‌ల్ ఛాలెంజ‌ర్స్ బెంగ‌ళూరు అడుగుపెట్టింది. ప్లే ఆఫ్స్‌కు అర్హ‌త సాధించాలంటే త‌ప్ప‌క గెల‌వాల్సిన మ్యాచ్‌లో ఆర్సీబీ స‌త్తాచాటింది.ఈ మెగా ఈవెంట్‌లో భాగంగా చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో జ‌రిగిన మ్యాచ్‌లో 27 ప‌రుగుల తేడాతో ఆర్సీబీ ఘ‌న విజ‌యం సాధించింది. దీంతో ప్లే ఆఫ్ బెర్త్‌ను బెంగ‌ళూరు ఖారారు చేసుకుంది.ఈ మ్యాచ్‌లో తొలుత బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 5 వికెట్ల న‌ష్టానికి 218 ప‌రుగులు చేసింది. ఆర్సీబీ బ్యాట‌ర్ల‌లో ఫాప్ డుప్లెసిస్‌(54) హాఫ్ సెంచ‌రీతో చెల‌రేగ‌గా.. విరాట్ కోహ్లి(47), ర‌జిత్ పాటిదార్‌(41), కామెరాన్ గ్రీన్(38 నాటౌట్‌) అద్భుత ఇన్నింగ్స్‌లు ఆడారు. అనంత‌రం 219 ప‌రుగుల ల‌క్ష్యంతో బ‌రిలోకి దిగిన సీఎస్‌కే నిర్ణీత ఓవ‌ర్ల‌లో 7 వికెట్లు కోల్పోయి 191 ప‌రుగులు మాత్ర‌మే చేసింది. సీఎస్‌కే బ్యాట‌ర్ల‌లో ర‌చిన్ ర‌వీంద్ర‌(61) ప‌రుగుల‌తో టాప్ స్కోర‌ర్‌గా నిల‌వ‌గా.. ర‌చిన్ ర‌వీంద్ర‌(18 బంతుల్లో 35), ధోని(25) ఆఖ‌రిలో పోరాటం చేశారు. ఆర్సీబీ బౌల‌ర్ల‌లో య‌శ్ ద‌యాల్ రెండు వికెట్లు, మాక్స్‌వెల్‌, సిరాజ్‌, గ్రీన్‌, ఫెర్గూస‌న్ త‌లా వికెట్ సాధించారు.అయితే ఈ మ్యాచ్‌లో సీఎస్‌కే ఓడిపోయిన‌ప్ప‌టికి.. ఛేజింగ్‌లో నిర్ణీత 20 ఓవ‌ర్ల‌లో 201 ప‌రుగుల మార్క్ దాటి ఉంటే ప్లే ఆఫ్స్‌కు అర్హ‌త సాధించి ఉండేది. సీఎస్‌కే ప్లే ఆఫ్స్‌కు క్వాలిఫై అవ్వాలంటే ఆఖ‌రి ఓవ‌ర్‌లో 17 ప‌రుగులు అవ‌స‌ర‌మ‌య్యాయి.ఆర్సీబీ పేస‌ర్ య‌శ్ ద‌యాల్ అద్బుతంగా బౌలింగ్ చేసి కేవ‌లం 7 ప‌రుగులు మాత్ర‌మే ఇచ్చిత‌న జ‌ట్టుకు అద్బుత‌మైన విజ‌యాన్ని అందించాడు.

ఐపీఎల్‌-2024లో విరాట్ కోహ్లి త‌న సూప‌ర్ ఫామ్‌ను కొన‌సాగిస్తున్నాడు. ఈ మెగా ఈవెంట్‌లో భాగంగా చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో మ్యాచ్‌లో విరాట్ కోహ్లి స‌త్తాచాటాడు. తృటిలో హాఫ్ సెంచరీ చేసే అవకాశాన్ని విరాట్ కోల్పోయాడు. 29 బంతులు ఎదుర్కొన్న కోహ్లి 3 ఫోర్లు, 4 సిక్స్‌లతో 47 పరుగులు చేశాడు. సీఎస్‌కే స్పిన్నర్‌ శాంట్నర్ బౌలింగ్‌లో భారీ షాట్‌కు ప్రయత్నించి కోహ్లి ఔటయ్యాడు. డారిల్ మిచెల్ అద్బుతమైన క్యాచ్‌తో కోహ్లిని పెవిలియన్‌కు పంపాడు. 10 ఓవర్ వేసిన శాంట్నర్ బౌలింగ్‌లో నాలుగో బంతిని కోహ్లి లాంగాన్ దిశగా బిగ్ షాట్ ఆడాడు. ఈ క్రమంలో బౌండరీ లైన్ వద్ద ఉన్న మిచెల్‌ టైమింగ్లో జంప్‌ చేస్తూ బంతిని ఒడిసి పట్టుకున్నాడు. కానీ బ్యాలెన్స్‌ కోల్పోయిన అతడు వెంటనే చాకచక్యంగా బంతిని గాల్లోకి లేపి మళ్లీ బౌండర్‌ లైన్ లోపలకి వచ్చి బంతిని అందుకున్నాడు. అయితే మిచెల్ బౌండరీ రోప్‌కు తాకడాని అంతా భావించారు. కానీ రీప్లేలో అతడు క్లీన్ క్యాచ్ అందుకున్నట్లు తేలింది. ఈ క్రమంలో స్టాండ్స్‌లో ఉన్న కోహ్లి సతీమణి అనుష్క శర్మ షాకింగ్ రియాక్షన్ ఇచ్చింది. ఇందుకు సంబంధించిన ఫోటోలు సోషల్ మీడియాలో వైరల్‌గా మారాయి. Anushka Sharma also thinks Virat Kohli was not out 😭😭😭@JayShah, please bring King Kohli back. He should be batting out there 🇮🇳💔💔💔#IPL2024 #RCBvsCSK #tapmad #HojaoADFree pic.twitter.com/5fnBv6hAJO— Farid Khan (@_FaridKhan) May 18, 2024

ఐపీఎల్‌-2024లో భాగంగా చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు కెప్టెన్ ఫాప్‌ డుప్లెసిస్ ఔటైన విధానం వివాదస్ప‌ద‌మైంది. ఈ మ్యాచ్‌లో థ‌ర్డ్ అంపైర్ తీసుకున్న నిర్ణ‌యం ప్ర‌స్తుతం తీవ్ర చ‌ర్చానీయాంశ‌మైంది.ఏమి జ‌రిగిందంటే?ఆర్సీబీ ఇన్నింగ్స్ 13వ ఓవ‌ర్‌లో సీఎస్‌కే స్పిన్న‌ర్ మిచెల్ శాంట్న‌ర్ ఐదో బంతి స్టంప్స్ దిశ‌గా వేశాడు. దీంతో ర‌జిత్ పాటిదార్ ఆ డెలివ‌రీని స్ట్రైట్ డ్రైవ్ ఆడాడు. ఈ క్ర‌మంలో శాంట్న‌ర్ బంతిని ఆపేందుకు ప్ర‌య‌త్నించి విఫ‌ల‌మ‌య్యాడు.అయితే బంతి మాత్రం శాంట్న‌ర్ చేతి వేలికి ద‌గ్గ‌ర‌గా వెళ్తూ నాన్‌స్ట్రైక్ ఎండ్‌లో స్టంప్స్‌ను తాకింది. వెంట‌నే సీఎస్‌కే ఆట‌గాళ్లు ర‌నౌట్ అప్పీల్ చేశారు. దీంతో ఫీల్డ్ అంపైర్ థ‌ర్డ్ అంపైర్‌కు రిఫర్ చేశాడు. తొలుత బంతి చేతి వేలికి తాకిందా లేదా అని నిర్ధారించుకోవ‌డానికి థ‌ర్డ్ అంపైర్ మైఖేల్ గోఫ్ అల్ట్రా ఎడ్జ్ సాయంతో చెక్‌చేశాడు.అయితే అల్ట్రా ఎడ్జ్‌లో చిన్న‌గా స్పైక్ రావ‌డంతో బంతి చేతికి వేలికి తాకిన‌ట్లు అంపైర్ నిర్ధారించుకున్నాడు. అనంత‌రం బంతి స్టంప్స్‌కు తాకే స‌మ‌యానికి బ్యాట‌ర్ క్రీజులోకి వ‌చ్చాడా లేదాన్న‌ది ప‌లు కోణాల్లో అంపైర్ ప‌రిశీలించాడు.ఓ యాంగిల్‌లో బంతి వికెట్లను తాకే సమయానికే డుప్లిసిస్‌ తన బ్యాటను గీతను దాటించినట్లు కనిపించింది. కానీ థ‌ర్డ్ అంపైర్ మాత్రం బ్యాట్ గాల్లో ఉందంటూ త‌న నిర్ణ‌యాన్ని ఔట్‌గా ప్ర‌క‌టించాడు.దీంతో ఫాప్‌ డుప్లెసిస్‌తో పాటు స్టేడియంలో ఉన్న ఆర్సీబీ ఫ్యాన్స్ అంతా ఒక్క‌సారిగా షాక్ అయిపోయారు. కానీ చేసేదేమి లేక డుప్లెసిస్‌ (29 బంతుల్లో 54 రన్స్‌) నిరాశగా పెవిలియన్‌ చేరాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఇది చూసిన ఆర్సీబీ ఫ్యాన్స్ డుప్లెసిస్‌ది క్లియ‌ర్‌గా నాటౌట్‌, చెత్త అంపైరింగ్ అంటూ కామెంట్లు చేస్తున్నారు. pic.twitter.com/4hijPiCz9A— Reeze-bubbly fan club (@ClubReeze21946) May 18, 2024

ఐపీఎల్‌-2024లో భాగంగా చిన్న‌స్వామి స్టేడియం వేదిక‌గా చెన్నై సూప‌ర్ కింగ్స్‌తో జ‌రుగుతున్న కీల‌క మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు బ్యాట‌ర్లు చెల‌రేగారు. సీఎస్‌కే బౌల‌ర్ల‌కు చుక్క‌లు చూపించారు. టాస్ ఓడి తొలుత బ్యాటింగ్‌కు దిగిన ఆర్సీబీ నిర్ణీత 20 ఓవ‌ర్ల‌లో 5 వికెట్ల న‌ష్టానికి 218 ప‌రుగులు చేసింది. ఆర్సీబీ బ్యాట‌ర్ల‌లో ఫాప్ డుప్లెసిస్‌(54) హాఫ్ సెంచ‌రీతో చెల‌రేగ‌గా.. విరాట్ కోహ్లి(47), ర‌జిత్ పాటిదార్‌(41), కామెరాన్ గ్రీన్(38 నాటౌట్‌) అద్భుత ఇన్నింగ్స్‌లు ఆడారు.సీఎస్‌కే బౌల‌ర్ల‌లో శార్ధూల్ ఠాకూర్ రెండు వికెట్లు, తుషార్ దేశ్‌పాండే, శాంట్న‌ర్ త‌లా వికెట్ సాధించారు. ఇక ఆర్సీబీ ప్లే ఆఫ్స్‌కు ఆర్హ‌త సాధించాలంటే 18 ప‌రుగుల తేడాతో సీఎస్‌కేను ఓడించాలి.చదవండి: టీమిండియా హెడ్‌కోచ్‌గా గౌతం గంభీర్‌..!

ఐపీఎల్‌-2024లో కీల‌క పోరులో చెన్నై సూప‌ర్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ‌తున్నాయి. బెంగ‌ళూరులోని చిన్న‌స్వామి స్టేడియం వేదిక‌గా జ‌రుగుతున్న ఈ మ్యాచ్‌లో టాస్ గెలిచిన సీఎస్‌కే తొలుత బౌలింగ్ ఎంచుకుంది. కీల‌క మ్యాచ్‌లో ఇరు జ‌ట్లు ఒకే మార్పుతో బ‌రిలోకి దిగాయి. ఆర్సీబీ జ‌ట్టులోకి విల్ జాక్స్ స్ధానంలో మ్యాక్స్‌వెల్ రాగా.. సీఎస్‌కే జ‌ట్టులోకి మిచెల్ శాంట్న‌ర్ వ‌చ్చాడు. కాగా ప్లే ఆఫ్స్‌కు ఆర్హ‌త సాధించాలంటే ఈ మ్యాచ్ ఇరు జ‌ట్ల‌కు కీల‌కం.తుది జ‌ట్లురాయల్ ఛాలెంజర్స్ బెంగళూరు: ఫాఫ్ డు ప్లెసిస్(కెప్టెన్‌), విరాట్ కోహ్లి, గ్లెన్ మాక్స్‌వెల్, రజత్ పాటిదార్, కామెరాన్ గ్రీన్, మహిపాల్ లోమ్రోర్, దినేష్ కార్తీక్(వికెట్ కీప‌ర్‌), కర్ణ్ శర్మ, యశ్ దయాల్, లాకీ ఫెర్గూసన్, మహ్మద్ సిరాజ్చెన్నై సూపర్ కింగ్స్ : రచిన్ రవీంద్ర, రుతురాజ్ గైక్వాడ్ (కెప్టెన్‌), డారిల్ మిచెల్, అజింక్యా రహానే, రవీంద్ర జడేజా, ఎంఎస్ ధోని (వికెట్ కీప‌ర్‌), మిచెల్ సాంట్నర్, శార్దూల్ ఠాకూర్, తుషార్ దేశ్‌పాండే, సిమర్‌జీత్ సింగ్, మహేశ్ తీక్షణ

ఐపీఎల్‌-2024 ప్లే ఆఫ్స్‌ ఆశలు సజీవంగా ఉండాలంటే తప్పక గెలవాల్సిన మ్యాచ్‌లో రాయల్‌ చాలెంజర్స్‌ బెంగళూరు జూలు విదిల్చింది. ఆదివారం ఢిల్లీ క్యాపిటల్స్‌తో జ‌రిగిన మ్యాచ్‌లో 47 పరుగుల తేడాతో ఆర్సీబీ ఘన విజయం సాధించింది. ఈ విజయంతో ఆర్సీబీ తమ రన్‌రేట్‌ను భారీగా మెరుగుపరుచుకుని పాయింట్ల పట్టికలో ఐదో స్ధానానికి చేరుకుంది. దీంతో ఆర్సీబీ ప్లే ఆఫ్ అవకాశాలు మరింత మెరుగుపడ్డాయి.ఆర్సీబీ ప్లే ఆఫ్స్ చేరాలంటే?ఆర్సీబీ పాయింట్ల పట్టికలో ప్రస్తుతం 12 పాయింట్లతో ఐదో స్ధానంలో కొనసాగుతోంది. ఆ జట్టు తమ చివరి లీగ్ మ్యాచ్‌లో చిన్నస్వామి స్టేడియం వేదికగా చెన్నై సూపర్ కింగ్స్‌తో తలపడనుంది. ఈ మ్యాచ్‌లో ఆర్సీబీ విజయం సాధిస్తే సీఎస్‌కేతో పాయింట్ల పరంగా సమమవుతోంది. ఆర్సీబీ విజయంతో పాటు తమ రన్‌రేట్‌ను కూడా మెరుగు పరుచుకోవాలి. ఈ మ్యాచ్‌లో ఆర్సీబీ తొలుత బ్యాటింగ్ చేస్తే 18 పరుగుల తేడాతో విజయం సాధించాలి. అదే ఛేజింగ్‌లో అయితే 18.1 ఓవర్లలోనే మ్యాచ్‌ను ఫినిష్ చేయాలి. ఈ క్రమంలో సీఎస్‌కే(+0.528) కంటే ఆర్సీబీ మెరుగైన రన్‌రేట్(+0.387) సాధించి ప్లే ఆఫ్స్‌కు అర్హత సాధిస్తోంది. అంతేకాకుండా సన్‌రైజర్స్ హైదరాబాద్, లక్నో సూపర్ జెయింట్స్ తమ చివరి రెండు మ్యాచ్‌ల్లో కనీసం ఒక్క మ్యాచ్ అయినా ఓడాలి.

ఐపీఎల్‌-2024లో రాయల్‌ ఛాలెంజర్స్‌ బెంగళూరు స్టార్‌ విరాట్‌ కోహ్లి మరోసారి అద్భుతమైన ఫీల్డింగ్‌ ప్రదర్శన కనబరిచాడు. ఈ మెగా ఈవెంట్‌లో భాగంగా ధర్మశాల వేదికగా పంజాబ్‌ కింగ్స్‌తో జరిగిన మ్యాచ్‌లో విరాట్‌ సంచలన త్రో తో మెరిశాడు.కళ్లు చెదిరే త్రోతో పంజాబ్‌ బ్యాటర్‌ శశాంక్‌ సింగ్‌ను కింగ్‌ కోహ్లి రనౌట్‌ చేశాడు. పంజాబ్‌ ఇన్నింగ్స్‌ 14వ ఓవర్‌ వేసిన లూకీ ఫెర్గూసన్‌ బౌలింగ్‌లో నాలుగో బంతిని డిప్‌ మిడ్‌ వికెట్‌ దిశగా ఆడాడు. అయితే డిప్‌ మిడ్‌ వికెట్‌లో ఫీల్డర్‌ లేకపోవడంతో సామ్‌ కుర్రాన్‌ రెండో పరుగుకు పిలుపునిచ్చాడు.ఈ క్రమంలో బౌండరీ లైన్ వ‌ద్ద ఫీల్డింగ్ చేస్తున్న కోహ్లి దాదాపుగా 20 మీట‌ర్ల దూరం ప‌రిగెత్తుకుంటూ వ‌చ్చి డైవ్ చేస్తూ నాన్‌స్ట్రైక్‌ ఎండ్‌ వైపు త్రో చేసి స్టంప్స్‌ను పడగొట్టాడు. బంతిని అందుకునే క్రమంలో కోహ్లి బ్యాలెన్స్‌ కోల్పోయినప్పటికి గురి మాత్రం తప్పలేదు. బంతి స్టంప్స్‌ను తాకే సమయానికి శశాంక్ సింగ్ క్రీజును చేరుకోక‌పోవ‌డంతో రనౌట్‌గా వెనుదిరిగాడు. కోహ్లి రనౌట్‌ చూసిన సహచర ఆటగాళ్లు ఆశ్చర్యపోయారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇక ఈ మ్యాచ్‌ విషయానికి వస్తే.. పంజాబ్‌ కింగ్స్‌పై 60 పరుగుల తేడాతో ఆర్సీబీ ఘన విజయం సాధించింది. 242 పరుగుల భారీ లక్ష్యంతో బరిలోకి దిగిన పంజాబ్‌ కింగ్స్‌.. 17 ఓవర్లలో 181 పరుగులకే ఆలౌటైంది. ఆర్సీబీ బౌలర్లలో పేసర్‌ మహ్మద్‌ సిరాజ్‌ మూడు వికెట్లు పడగొట్టగా.. లూకీ ఫెర్గూసన్‌, కరణ్‌ శర్మ, స్వప్నిల్‌ చెరో రెండు వికెట్లు సాధించారు. ఈ మ్యాచ్‌లో విరాట్‌ కోహ్లి బ్యాటింగ్‌లో అదరగొట్టాడు. 47 బంతులు ఎదుర్కొన్న విరాట్‌.. 7 ఫోర్లు, 6 సిక్స్‌లతో 92 పరుగులు చేశాడు.He's unfolding magic tonight 💫First with the bat & now on the field with that outstanding direct hit 🎯Watch the match LIVE on @StarSportsIndia and @JioCinema 💻📱#TATAIPL | #PBKSvRCB | @imVkohli | @RCBTweets pic.twitter.com/6TsRbpamxG— IndianPremierLeague (@IPL) May 9, 2024

భార‌త వెట‌రన్ వికెట్ కీప‌ర్‌-బ్యాట‌ర్, రాయల్ ఛాలెంజర్స్ బెంగళూరు స్టార్ ప్లేయ‌ర్‌ దినేష్ కార్తీక్ అరుదైన ఘ‌నత సాధించాడు. ఐపీఎల్‌లో ఆర్సీబీ త‌ర‌పున అత్య‌ధిక ప‌రుగులు చేసిన రెండో ఇండియ‌న్ బ్యాట‌ర్‌గా కార్తీక్ నిలిచాడు. ఐపీఎల్‌-2024లో భాగంగా గురువారం పంజాబ్ కింగ్స్‌తో జ‌రిగిన మ్యాచ్‌లో 18 ప‌రుగులు చేసిన డీకే.. ఈ రికార్డును త‌న ఖాతాలో వేసుకున్నాడు. ఇప్ప‌టివ‌ర‌కు కార్తీక్ ఐపీఎల్‌లో బెంగ‌ళూరు త‌ర‌పున 57 మ్యాచ్‌ల్లో 912 ప‌రుగులు చేశాడు. ఇంత‌కుముందు ఈ రికార్డు టీమిండియా ప్ర‌స్తుత హెడ్ కోచ్ రాహుల్ ద్ర‌విడ్ పేరిట ఉండేది. ద్ర‌విడ్ 43 మ్యాచ్‌ల్లో ఆర్సీబీ త‌ర‌పున 898 ప‌రుగులు చేశాడు. తాజా మ్యాచ్‌తో ద్ర‌విడ్ రికార్డును కార్తీక్ బ‌ద్ద‌లు కొట్టాడు. ఇక అరుదైన ఫీట్ సాధించిన జాబితాలో ఆర్సీబీ స్టార్ విరాట్ కోహ్లి అగ్ర‌స్ధానంలో ఉన్నాడు. కోహ్లి ఇప్ప‌టివ‌ర‌కు ఆర్సీబీ త‌ర‌పున 249 మ్యాచ్‌ల్లో 7897 ప‌రుగులు చేశాడు. ఇక మ్యాచ్ విష‌యానికి వ‌స్తే.. హై స్కోరింగ్ మ్యాచ్‌లో పంజాబ్‌ను 60 ప‌రుగుల తేడాతో ఆర్సీబీ చిత్తు చేసింది. దీంతో త‌మ ప్లే ఆఫ్ ఆశ‌ల‌ను ఆర్సీబీ స‌జీవంగా నిలుపున్‌కుంది..

ఐపీఎల్‌-2024లో రాయల్ ఛాలెంజర్స్ బెంగళూరు స్టార్‌ ఓపెనర్‌​ విరాట్‌ కోహ్లి మరోసారి సంచలన ఇన్నింగ్స్‌ ఆడాడు. ఈ మెగా ఈవెంట్‌లో భాగంగా ధర్మశాల వేదికగా పంజాబ్‌ కింగ్స్‌తో మ్యాచ్‌లో కోహ్లి అదరగొట్టాడు. పంజాబ్‌ బౌలర్లను విరాట్‌ ఊచకోత కోశాడు. తృటిలో సెంచరీ చేసే అవకాశాన్ని కోల్పోయాడు. 47 బంతులు ఎదుర్కొన్న కింగ్‌ కోహ్లి.. 7 ఫోర్లు, 6 సిక్స్‌లతో 92 పరుగులు చేసి ఔటయ్యాడు. అతడితో పాటు రజిత్ పాటిదార్‌(55), కామెరాన్ గ్రీన్(46) రాణించడంతో ఆర్సీబీ నిర్ణీత 20 ఓవర్లలో 7 వికెట్ల నష్టానికి 241 పరుగులు చేసింది. ఇక ఈ మ్యాచ్‌లో హాఫ్‌ సెంచరీతో చెలరేగిన విరాట్‌ పలు అరుదైన రికార్డులను తన పేరిట లిఖించుకున్నాడు. ఐపీఎల్‌లో పంజాబ్‌ కింగ్స్‌పై 1000 పరుగుల మైలు రాయిని అందుకున్నాడు.తద్వారా ఐపీఎల్‌ చరిత్రలో మూడు జట్లపై 1000 పరుగులు పూర్తి చేసుకున్న తొలి క్రికెటర్‌గా కోహ్లి రికార్డులకెక్కాడు. ఐపీఎల్‌లో కోహ్లి పంజాబ్‌ కంటే ముందు ఢిల్లీ క్యాపిటల్స్, చెన్నై సూపర్ కింగ్స్‌పై 1000 పరుగులు మైలు రాయిని అందుకున్నాడు. అదే విధంగా ఈ ఏడాది ఐపీఎల్‌ సీజన్‌లో కోహ్లి 600 పరుగుల మార్కును కూడా అందుకున్నాడు. ఈ ఏడాది సీజన్‌లో 12 మ్యాచ్‌లు ఆడిన కోహ్లి.. 634 పరుగులు చేశాడు. తద్వారా ఐపీఎల్‌లో అత్యధిక సార్లు 600 పరుగులు మార్క్‌ను అందుకున్న కేఎల్‌ రాహుల్‌ రికార్డును కోహ్లి సమం చేశాడు. కోహ్లి 4 సీజన్‌లలో 600 ప్లస్‌ పరుగులు చేశాడు. రాహుల్‌ కూడా 4 సీజన్‌లలో 600 పైగా పరుగులు చేశాడు.

ఐపీఎల్‌-2024లో భాగంగా పంజాబ్ కింగ్స్‌తో కీలక మ్యాచ్‌లో రాయల్ ఛాలెంజర్స్ బెంగళూరు బ్యాటర్లు ఆకాశమే హద్దుగా చెలరేగిపోయారు. టాస్ ఓడి తొలుత బ్యాటింగ్‌కు దిగిన ఆర్సీబీ నిర్ణీత 20 ఓవర్లలో 7 వికెట్ల నష్టానికి 241 పరుగుల భారీ స్కోర్ సాధించింది.ఆర్సీబీ ‍బ్యాటర్లలో విరాట్ కోహ్లి మరోసారి అద్బుత ఇన్నింగ్స్ ఆడాడు. విరాట్ తృటిలో సెంచరీ చేసే అవకాశాన్ని కోల్పోయాడు. 47 బంతులు ఎదుర్కొన్న విరాట్‌.. 7 ఫోర్లు, 6 సిక్స్‌లతో 92 పరుగులు చేసి ఔటయ్యాడు.కోహ్లితో పాటు రజిత్ పాటిదార్‌(55), కామెరాన్ గ్రీన్(46) కీలక ఇన్నింగ్స్‌లు ఆడారు. పంజాబ్ కింగ్స్ బౌలర్లలో హర్షల్ పటేల్ 3 వికెట్లు పడగొట్టగా.. విధ్వత్ కావేరప్ప రెండు, అర్ష్‌దీప్ సింగ్‌, సామ్ కుర్రాన్ తలా రెండు వికెట్లు సాధించారు.

ఐపీఎల్‌-2024లో రాయ‌ల్ ఛాలెంజర్స్ బెంగ‌ళూరు స్టార్ విరాట్ కోహ్లి త‌న అద్భుత ఫామ్‌ను కంటిన్యూ చేస్తున్నాడు. ధ‌ర్మ‌శాల వేదిక‌గా పంజాబ్ కింగ్స్‌తో మ్యాచ్‌లో కింగ్ కోహ్లి ఆకాశమే హద్దుగా చెలరేగాడు.విరాట్ తృటిలో సెంచరీ చేసే అవకాశాన్ని కోల్పోయాడు. 47 బంతులు ఎదుర్కొన్న విరాట్‌.. 7 ఫోర్లు, 6 సిక్స్‌లతో 92 పరుగులు చేసి ఔటయ్యాడు.అయితే ఈ మ్యాచ్‌లో కోహ్లి ఓ సంచ‌ల‌న షాట్‌తో మెరిశాడు.పంజాబ్ యువ పేస‌ర్‌ విధ్వత్ కావేరప్ప బౌలింగ్‌లో కోహ్లి సింగిల్ హ్యాండ్ సిక్స్ బాదాడు. ఆర్సీబీ ఇన్నింగ్స్ 7 వ ఓవ‌ర్ వేసిన కావేరప్ప బౌలింగ్‌లో తొలి బంతిని కోహ్లి ఫ్రంట్ ఫుట్‌కు మిడాఫ్ మీద‌గా ఒంటి చేత్తో సిక్స్ బాదాడు. విరాట్ షాట్ చూసిన అంద‌రూ ఒక్క‌సారిగా షాక్ అయిపోయాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. What an amazing shot by Virat kohli 😳@imVkohli #RCBvsPBKS pic.twitter.com/BDdcQgLC70— Ritu Gurjar (@Ritugurjar111) May 9, 2024

ఐపీఎల్‌-2024లో మ‌రో కీల‌క పోరుకు రంగం సిద్ద‌మైంది. ఈ మెగా ఈవెంట్‌లో భాగంగా రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ జ‌ట్లు తల‌ప‌డ‌తున్నాయి. ఈ మ్యాచ్‌లో టాస్ గెలిచిన పంజాబ్ కింగ్స్ తొలుత బౌలింగ్ ఎంచుకుంది. ఈ మ్యాచ్‌తో పంజాబ్ కింగ్స్ త‌ర‌పున విద్వాత్ కవేరప్ప ఐపీఎల్‌లో అరంగేట్రం చేయనున్నాడు. అదేవిధంగా ఈ మ్యాచ్‌కు పంజాబ్ స్టార్ పేస‌ర్ ర‌బాడ దూర‌మ‌య్యాడు. అత‌డి స్ధానంలో లియామ్ లివింగ్‌స్టోన్ తుది జ‌ట్టులో వ‌చ్చాడు. మ‌రోవైపు ఆర్సీబీ ఒకే ఒక మార్పు చేసింది. గ్లెన్ మాక్స్‌వెల్ స్ధానంలో లాకీ ఫెర్గూసన్ జ‌ట్టులోకి తిరిగి వ‌చ్చాడు. ఇక ప్లే ఆఫ్ రేసులో నిల‌బ‌డాలంటే ఈ మ్యాచ్ ఇరు జ‌ట్ల‌కు చాలా కీల‌కం.తుది జట్లురాయల్ ఛాలెంజర్స్ బెంగళూరు: విరాట్ కోహ్లి, ఫాఫ్ డు ప్లెసిస్(కెప్టెన్‌), విల్ జాక్స్, రజత్ పాటిదార్, మహిపాల్ లోమ్రోర్, కెమెరూన్ గ్రీన్, దినేష్ కార్తీక్(వికెట్ కీప‌ర్‌), స్వప్నిల్ సింగ్, కర్ణ్ శర్మ, మహ్మద్ సిరాజ్, లాకీ ఫెర్గూసన్పంజాబ్ కింగ్స్: జానీ బెయిర్‌స్టో(వికెట్ కీప‌ర్‌), ప్రభ్‌సిమ్రాన్ సింగ్, రిలీ రోసోవ్, లియామ్ లివింగ్‌స్టోన్, శశాంక్ సింగ్, సామ్ కర్రాన్, అశుతోష్ శర్మ, హర్షల్ పటేల్, రాహుల్ చాహర్, అర్ష్‌దీప్ సింగ్, విధ్వత్ కావరప్ప

ఐపీఎల్‌-2024లో రాయ‌ల్ ఛాలెంజ‌ర్స్ బెంగ‌ళూరు త‌మ ప్లే ఆఫ్ ఆశ‌ల‌ను స‌జీవంగా నిలుపున్‌కుంది. ఈ మెగా ఈవెంట్‌లో భాగంగా చిన్న‌స్వామి స్టేడియం వేదిక‌గా గుజ‌రాత్ టైటాన్స్‌తో మ్యాచ్‌లో 4 వికెట్ల తేడాతో ఆర్సీబీ ఘ‌న విజ‌యం సాధించింది. ఈ విజ‌యంతో పాయింట్ల ప‌ట్టిక‌లో ఆర్సీబీ ఏడో స్ధానానికి చేరుకుంది. ఈమ్యాచ్‌లో తొలుత బ్యాటింగ్ చేసిన గుజ‌రాత్ టైటాన్స్ నామ‌మాత్ర‌పు స్కోరుకే ప‌రిమిత‌మైంది.19.3 ఓవ‌ర్ల‌లో 147 ప‌రుగులకు గుజ‌రాత్ ఆలౌటైంది. గుజ‌రాత్ బ్యాట‌ర్ల‌లో షారూఖ్ ఖాన్ (37), డేవిడ్ మిల్ల‌ర్(30), రాహుల్ తెవాటియా(35) ప‌ర్వాలేద‌న్పించారు. ఇక ఆర్సీబీ బౌల‌ర్ల‌లో మ‌హ్మ‌ద్ సిరాజ్‌, విజ‌య్ కుమార్‌, య‌శ్ ద‌యాల్ తలా రెండు వికెట్లు పడగొట్టగా.. గ్రీన్‌, కరణ్ చెరో వికెట్ సాధించారు. అనంత‌రం 148 ప‌రుగుల ల‌క్ష్యంతో బ‌రిలోకి దిగిన ఆర్సీబీ 13.4 ఓవ‌ర్ల‌లో 6 వికెట్లు కోల్పోయి ల‌క్ష్యాన్ని చేధించింది.ఆర్సీబీ బ్యాట‌ర్ల‌లో ఓపెనర్లు ఫాప్ డుప్లెసిస్‌(23 బంతుల్లో 64), విరాట్ కోహ్లి(27 బంతుల్లో 42) ప‌రుగులతో తుపాన్ ఇన్నింగ్స్ ఆడారు. ఆ త‌ర్వాత దినేష్ కార్తీక్‌(21 నాటౌట్‌), స్వ‌ప్నిల్ సింగ్‌(15) ప‌రుగుల‌తో మ్యాచ్‌ను ఫినిష్ చేశారు. గుజ‌రాత్ బౌల‌ర్ల‌లో లిటిల్ 4 వికెట్లు ప‌డ‌గొట్ట‌గా.. నూర్ ఆహ్మ‌ద్ రెండు వికెట్లు సాధించాడు.No RCB RCB fans will pass without liking this. ❤️‍🔥💫⭐Vintage RCB | Just RCB is RCBing | Can RCB vs GT | Faf du Plessis | Only RCB #RCBvsGT #GTvsRCB #ViratKohli pic.twitter.com/Ou5XvqxCv1— crazy (@cricrazyNandu) May 4, 2024

ఐపీఎల్‌-2024లో భాగంగా చిన్నస్వామి స్టేడియం వేదికగా గుజరాత్‌ టైటాన్స్‌తో మ్యాచ్‌లో ఆర్సీబీ స్టార్‌ విరాట్‌ కోహ్లి అద్బుతమైన ఫీల్డింగ్‌ ప్రదర్శన పరిచాడు.కళ్లు చెదిరే త్రోతో గుజరాత్‌ టైటాన్స్‌ బ్యాటర్‌ షారూఖ్‌ ఖాన్‌ను రనౌట్‌ చేశాడు. గుజరాత్‌ ఇన్నింగ్స్‌ 13 ఓవర్‌ వేసిన విజయ్‌ కుమార్‌ బౌలింగ్‌లో రాహుల్‌ తెవాటియా ఆఫ్‌సైడ్‌ డిఫెన్స్‌ ఆడాడు.అయితే నాన్‌స్ట్రైక్‌లో ఉన్న షారూఖ్‌ ఖాన్ క్విక్‌ సింగిల్‌ కోసం ముందుకు పరిగెత్తుకుంటూ వచ్చాడు. కానీ స్ట్రైక్‌లో ఉన్న తెవాటియా మాత్రం నో అంటూ వెనుక్కి వెళ్లమని కాల్‌ ఇచ్చాడు. అయితే షారూఖ్‌ ఖాన్ వెనక్కి వెళ్లే ప్రయత్నం చేసే లోపే మెరుపు వేగంతో బంతిని అందుకున్న విరాట్‌ బౌలర్‌ ఎండ్‌లో స్టంప్స్‌ను పడగొట్టాడు. వెంటనే ఆర్సీబీ ఆటగాళ్లు సంబరాల్లో మునిగి తేలిపోయారు. ఫీల్డ్‌ అంపైర్‌ థర్డ్‌ రిఫర్‌ చేయగా.. రీప్లేలో కూడా రనౌట్‌గా తేలింది. కోహ్లి సంచలన త్రో చూసిన అందరూ బిత్త‌ర‌పోయారు. కామెరాన్ గ్రీన్ అయితే కోహ్లి వైపు చూస్తూ షాకింగ్ రియాక్ష‌న్ ఇచ్చాడు.ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.

ఐపీఎల్‌-2024లో చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగళూరుతో జ‌రుగుతున్న మ్యాచ్‌లో గుజ‌రాత్ టైటాన్స్ బ్యాట‌ర్లు త‌డ‌బ‌డ్డారు. టాస్ ఓడి తొలుత బ్యాటింగ్‌కు దిగిన గుజ‌రాత్‌.. నిర్ణీత 19.3 ఓవ‌ర్ల‌లో 147 ప‌రుగులకు ఆలౌటైంది. గుజరాత్‌ ఓపెన‌ర్లు శుబ్‌మ‌న్ గిల్‌(2), వృద్దిమాన్ సహా(1) తీవ్ర నిరాశపరిచారు. వీరిద్దరితో పాటు ఫస్ట్ డౌన్ బ్యాటర్ సాయిసుదర్శన్(6) పరుగులు చేశాడు. 19 పరుగులకే 3 విట్లుల్పోయి గుజరాత్ పీకల్లోతు కష్టాల్లో పడింది. క్రమంలో షారూఖ్ ఖాన్ (37), డేవిడ్ మిల్ల‌ర్(30), గుజరాత్ ఇన్నింగ్స్‌ను చక్కదిద్దారు. వీరితో పాటు రాహుల్ తెవాటియా(35) కీలక ఇన్నింగ్స్ ఆడటంతో గుజరాత్ ఆ మాత్రం స్కోరైనా సాధించగల్గింది. ఇక ఆర్సీబీ బౌల‌ర్ల‌లో మ‌హ్మ‌ద్ సిరాజ్‌, విజ‌య్ కుమార్‌, య‌శ్ ద‌యాల్ తలా రెండు వికెట్లు పడగొట్టగా.. గ్రీన్‌, కరణ్ చెరో వికెట్ సాధించారు.

ఐపీఎల్‌-2024లో టీమిండియా యువ ఓపెనర్‌, గుజ‌రాత్ టైటాన్స్ కెప్టెన్ శుబ్‌మ‌న్ గిల్ త‌న పేల‌వ ఫామ్‌ను కొన‌సాగిస్తున్నాడు. ఈ ఏడాది సీజ‌న్ మొద‌టిలో ప‌ర్వాలేద‌న్పించిన గిల్‌.. సెకెండ్ హాఫ్‌లో మాత్రం దారుణ ప్ర‌ద‌ర్శ‌న క‌న‌బ‌రుస్తున్నాడు. ఈ మెగా ఈవెంట్‌లో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రుగుతున్న‌ మ్యాచ్‌లో గిల్ తీవ్ర నిరాశ‌ప‌రిచాడు. స్లో వికెట్‌పై ఆర్సీబీ బౌల‌ర్ల‌ను ఎదుర్కోవ‌డానికి గిల్ తీవ్ర ఇబ్బంది ప‌డ్డాడు. ఈ మ్యాచ్‌లో 7 బంతులు ఆడిన గిల్ కేవ‌లం 2 ప‌రుగులు మాత్ర‌మే చేసి ఔట‌య్యాడు.మ‌హ్మ‌ద్ సిరాజ్ బౌలింగ్‌లో భారీ షాట్‌కు ప్ర‌య‌త్నించిన గిల్‌.. విజ‌య్‌కుమార్‌కు క్యాచ్ ఇచ్చి ఔట‌య్యాడు. గిల్ ఔట్ కాగానే ఆర్సీబీ ఆట‌గాళ్లు సంబ‌రాల్లో మునిగి తేలిపోయారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. ఇది చూసిన నెటిజ‌న్లు ఇండియ‌న్ క్రికెట్ ప్రిన్స్‌కు ఏమైంద‌ని కామెంట్లు చేస్తున్నారు. ఈ ఏడాది సీజ‌న్‌లో ఇప్ప‌టివ‌ర‌కు 11 మ్యాచ్‌లు ఆడిన గిల్‌.. 32.22 స‌గ‌టుతో 322 ప‌రుగులు చేశాడు. ఇక ఇది ఇలా ఉండ‌గా.. టీ20 వ‌ర‌ల్డ్‌క‌ప్‌-2024కు భార‌త జ‌ట్టులో శుబ్‌మ‌న్ గిల్‌కు చోటు ద‌క్క‌లేదు. స్టాండ్‌బై జాబితాలో గిల్‌ను సెల‌క్ట‌ర్లు ఎంపిక చేశారు. pic.twitter.com/tjQXP5LDRS— Rajgeeta Yadav (@rajgeetacricket) May 4, 2024

ఐపీఎల్‌-2024లో రాయల్ ఛాలెంజర్స్ బెంగళూరు కీలక పోరుకు సిద్దమైంది. ఈ మెగా టోర్నీలో భాగంగా చిన్నస్వామి స్టేడియం వేదికగా గుజరాత్ టైటాన్స్‌తో ఆర్సీబీ తలపడుతోంది. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌లో బెంగళూరు ఎటువంటి మార్పులు లేకుండా బరిలోకి దిగగా.. గుజరాత్ టైటాన్స్ మాత్రం రెండు మార్పులు చేసింది. గుజరాత్ జట్టులోకి మానవ్ సుత్తార్‌, జౌషువా లిటిల్ వచ్చారు. కాగా కాగా మాన‌వ్ స‌త్తార్‌కు ఇదే తొలి మ్యాచ్. ఈ మ్యాచ్ ఆర్సీబీ చాలా ముఖ్యం. ఐపీఎల్ ప్లే ఆఫ్ రేసులో నిలబడాలంటే ఆర్సీబీకి ఈ మ్యాచ్ చాలా కీలకం. 10 మ్యాచ్‌ల్లో కేవలం మూడింట మాత్రమే విజయం సాధించిన ఆర్సీబీ.. పాయింట్ల పట్టికలో పదో స్ధానంలో కొనసాగుతోంది. ఈ మ్యాచ్‌లో ఆర్సీబీ విజయం సాధిస్తే తమ ప్లే ఆఫ్ అవకాశాలను మెరుగుపరుచుకుంటుంది.తుది జట్లురాయల్ ఛాలెంజర్స్ బెంగళూరు: విరాట్ కోహ్లి, ఫాఫ్ డు ప్లెసిస్ (కెప్టెన్‌), విల్ జాక్స్, గ్లెన్ మాక్స్‌వెల్, కామెరాన్ గ్రీన్, దినేష్ కార్తీక్ (వికెట్ కీపర్‌), కర్ణ్ శర్మ, స్వప్నిల్ సింగ్, మహ్మద్ సిరాజ్, యశ్ దయాల్, విజయ్‌కుమార్ వైషాక్గుజరాత్ టైటాన్స్: వృద్ధిమాన్ సాహా(వికెట్ కీపర్‌), శుభమాన్ గిల్(కెప్టెన్‌), సాయి సుదర్శన్, డేవిడ్ మిల్లర్, షారుక్ ఖాన్, రాహుల్ తెవాటియా, రషీద్ ఖాన్, మానవ్ సుతార్, నూర్ అహ్మద్, మోహిత్ శర్మ, జాషువా లిటిల్

ఐపీఎల్‌-2024లో రాయ‌ల్ ఛాలెంజ‌ర్స్ బెంగ‌ళూరు స్టార్ ఆట‌గాడు విరాట్ కోహ్లి మ‌రోసారి అద్భుత ఇన్నింగ్స్ ఆడాడు. అహ్మ‌దాబాద్ వేదిక‌గా గుజ‌రాత్ టైటాన్స్‌తో మ్యాచ్‌లో కోహ్లి అద‌ర‌గొట్టాడు. కేవలం 44 బంతుల్లో 6 ఫోర్లు, 3 సిక్స్‌లతో 70 పరుగులు చేసి ఆజేయంగా నిలిచాడు. ఈ ఏడాది సీజ‌న్‌లో కోహ్లికి ఇది నాలుగో హాఫ్ సెంచ‌రీ. ఇప్ప‌టివ‌ర‌కు ఈ ఏడాది సీజ‌న్‌లో 10 మ్యాచ్‌లు ఆడిన కోహ్లి.. 500 ప‌రుగుల‌తో లీడింగ్ ర‌న్ స్కోర‌ర్‌గా కొన‌సాగుతున్నాడు. అయితే త‌న స్ట్రైక్ రేటుపై విమర్శ‌ల చేస్తున్న వారికి కోహ్లి గ‌ట్టి కౌంటిరిచ్చాడు."నా స్ట్రైక్ రేట్‌, ఆట గురించి మాట్లాడే వ్యక్తుల గురించి నేను పట్టించుకోను. ఎందుకంటే జట్టు కోసం, మ్యాచ్‌ గెలవడానికి ఏమో చేయాలో నాకు తెలుసు. జట్టులో నా పాత్రపై నాకు ఒక క్లారిటీ ఉంది. నేను ఆడే జట్టును గెలిపించడానికి 100 శాతం ఎఫెక్ట్‌ పెడతాను గత 15 ఏళ్లగా అదే చేస్తున్నాను. ఎక్కడో కూర్చోని మాట్లాడేవారు ఏదైనా మాట్లాడతారు. కాబట్టి వ్యక్తిల స్వంత ఆలోచనలు, వారి ఊహలతో నాకు సంబంధం లేదు. జట్టు విజయాల్లో నా వంతు పాత్ర పోషించడమే నా లక్ష్యమని" పోస్ట్‌ మ్యాచ్‌ ప్రేజేంటేషన్‌లో కోహ్లి పేర్కొన్నాడు.

ఐపీఎల్‌-2024లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన‌ మ్యాచ్‌లో ఆర్సీబీ ఆట‌గాడు విల్ జాక్స్ విధ్వంస‌క‌ర సెంచ‌రీతో చెల‌రేగాడు. 201 ప‌రుగుల భారీ ల‌క్ష్య చేధ‌న‌లో జాక్స్ ఆకాశమే హద్దుగా చెలరేగాడు. గుజ‌రాత్ బౌల‌ర్ల‌ను జాక్స్ ఊచ‌కోత కోశాడు. ఈ క్ర‌మంలో కేవ‌లం 41 బంతుల్లోనే జాక్స్ త‌న సెంచ‌రీ మార్క్‌ను అందుకున్నాడు. జాక్స్‌కు ఇది తొలి ఐపీఎల్ సెంచ‌రీ కావ‌డం విశేషం. ఓవ‌రాల్‌గా 41 బంతులు ఎదుర్కొన్న జాక్స్‌.. 5 ఫోర్లు, 10 సిక్స్‌ల‌తో 100 ప‌రుగుల‌తో ఆజేయంగా నిలిచింది. జాక్స్ విధ్వంసం ఫ‌లితంగా 201 ప‌రుగుల ల‌క్ష్యాన్ని ఆర్సీబీ కేవ‌లం 16 ఓవ‌ర్ల‌లో ఊదిప‌డేసింది. ఆర్సీబీ బ్యాట‌ర్ల‌లో జాక్స్‌తో పాటు కోహ్లి(70 నాటౌట్‌) హాఫ్ సెంచ‌రీతో రాణించాడు. ఇక మ్యాచ్‌లో సెంచరీ మెరిసిన జాక్స్ ఓ అరుదైన ఘ‌న‌తను త‌న పేరిట లిఖించుకున్నాడు. ఐపీఎల్‌లో ఫాస్టెస్ట్ సెంచ‌రీ చేసిన నాలుగో ఆట‌గాడిగా జాక్స్ నిలిచాడు. ఈ జాబితాలో విండీస్ లెజెండ్ క్రిస్ గేల్ తొలి స్ధానంలో ఉన్నాడు. 2013 ఐపీఎల్ సీజ‌న్‌లో ఆర్సీబీ త‌ర‌పున గేల్.. పుణే వారియ‌ర్స్‌పై కేవ‌లం 30 బంతుల్లోనే గేల్ శ‌త‌కం సాధించాడు. ఆ త‌ర్వాతి స్ధానాల్లో యూస‌ఫ్ ప‌ఠాన్‌(37 బంతులు ), డేవిడ్ మిల్ల‌ర్‌(38 బంతులు ), ట్ర‌విస్ హెడ్‌(39 బంతులు ), విల్‌జాక్స్‌(41 బంతులు ) ఉన్నారు. అదే విధంగా ఆర్సీబీ త‌రపున ఫాస్టెస్ట్ సెంచ‌రీ చేసిన రెండో ఆట‌గాడిగా జాక్స్ రికార్డుల‌కెక్కాడు.

ఐపీఎల్‌-2024లో రాయల్‌ ఛాలెంజర్స్‌ బెంగళూరు స్టార్‌ ఓపెనర్‌ విరాట్‌ కోహ్లి తన సూపర్‌ ఫామ్‌ను కొనసాగిస్తున్నాడు. ఈ మెగా ఈవెంట్‌లో భాగంగా అహ్మదాబాద్‌ వేదికగా గుజరాత్‌ టైటాన్స్‌తో మ్యాచ్‌లో విరాట్‌ కోహ్లి హాఫ్‌ సెంచరీతో చెలరేగాడు. 201 పరుగుల భారీ లక్ష్య చేధనలో కోహ్లి అద్బుతమైన ఇన్నింగ్స్‌ను ఆడాడు. కేవలం 44 బంతుల్లో 6 ఫోర్లు, 3 సిక్స్‌లతో 70 పరుగులు చేసి ఆజేయంగా నిలిచాడు. అతడితో పాటు విల్‌ జాక్స్‌ మెరుపు శతకంతో చెలరేగాడు. కేవలం 41 బంతుల్లోనే 5 ఫోర్లు, 10 సిక్స్‌లతో 100 పరుగులు చేశాడు. వీరిద్దరి విధ్వంసకర ఇన్నింగ్స్‌ ఫలితంగా 201 పరుగుల టార్గెట్‌ను ఆర్సీబీ 16 ఓవర్లలో ఊదిపడేసింది. ఇక ఈ మ్యాచ్‌లో హాఫ్ సెంచరీతో చెలరేగిన కోహ్లి పలు అరుదైన రికార్డులను తన ఖాతాలో వేసుకున్నాడు.ఐపీఎల్‌లో రన్‌ ఛేజింగ్‌లో అత్యధిక సార్లు ఫిప్టీ ప్లస్‌ స్కోర్లు సాధించిన రెండో ఆటగాడిగా కోహ్లి రి​కార్డులకెక్కాడు. ఐపీఎల్‌లో లక్ష్య చేధనలో కోహ్లి ఇప్పటివరకు 24 సార్లు ఏభై పైగా పరుగులు చేశాడు. ఇంతకుముందు ఈ రికార్డు టీమిండియా వెటరన్ ఓపెనర్‌, పంజాబ్ కింగ్స్ కెప్టెన్ శిఖర్ ధావన్ పేరిట ఉండేది. ధావన్ 23 సార్లు ఫిప్టీ ప్లస్ స్కోర్లు సాధించాడు. తాజా మ్యాచ్‌తో ధావన్‌ను కింగ్ కోహ్లి అధిగమించాడు. →అదే విధంగా ఐపీఎల్ సీజన్‌లో అత్యధిక సార్లు 500 పైగా పరుగులు చేసిన క్రికెటర్‌గా డేవిడ్ వార్నర్ రికార్డును కోహ్లి సమం చేశాడు. వార్నర్ ఇప్పటివరకు 7 సీజన్లలో 500 పైగా పరుగులు చేయగా.. విరాట్ కూడా సరిగ్గా 500 ప్లస్ పరుగులు చేశాడు. ఐపీఎల్‌-2024లో ఇప్పటివరకు మ్యాచ్‌లు ఆడినహ్లి 500 పరుగులతో లీడింగ్‌ రన్‌ స్కోరర్‌గా కొనసాన్నాడు.

ఐపీఎల్‌-2024లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో మ్యాచ్‌లో ఆర్సీబీ పేస‌ర్ మ‌హ్మ‌ద్ సిరాజ్ సంచ‌ల‌న బంతితో మెరిశాడు. గుజ‌రాత్ బ్యాట‌ర్ షారుఖ్ ఖాన్‌ని అద్భుత‌మైన ఇన్ స్వింగ‌ర్ యార్క‌ర్‌తో సిరాజ్ క్లీన్ బౌల్డ్ చేశాడు. నాలుగో స్ధానంలో బ్యాటింగ్‌కు వ‌చ్చిన షారుఖ్ ఖాన్ ఆర్సీబీ బౌల‌ర్ల‌పై విరుచుకుప‌డ్డాడు. స్పిన్న‌ర్ల‌ను షారుఖ్ టార్గెట్ చేస్తుండ‌డంతో బెంగ‌ళూరు కెప్టెన్ ఫాప్ డుప్లెసిస్‌.. సిరాజ్‌ను బౌలింగ్ ఎటాక్‌లో తీసుకువ‌చ్చాడు. ఫాప్ న‌మ్మ‌కాన్ని సిరాజ్ వ‌మ్ము చేయ‌లేదు. గుజ‌రాత్ ఇన్నింగ్స్ 15 ఓవ‌ర్ వేసిన సిరాజ్‌.. తొలి బంతినే ఇన్ స్వింగ‌ర్ యార్క‌ర్‌గా సంధించాడు. సిరాజ్ వేసిన బంతికి షారుఖ్ ఖాన్ ద‌గ్గ‌ర స‌మాధాన‌మే లేకుండా పోయింది. అత‌డు బంతిని బ్యాట్‌తో ఆపే లోపే స్టంప్స్‌ను గిరాటేసింది. దీంతో షారుఖ్ ఖాన్ బిత్త‌ర‌పోయాడు. ఈ క్ర‌మంలో సిరాజ్ త‌న ట్రేడ్‌మార్క్ క్రిస్టియానో రొనాల్డో సెల‌బ్రేష‌న్స్ చేసుకున్నాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. ఇక ఈ మ్యాచ్‌లో తొలుత బ్యాటింగ్ చేసిన గుజ‌రాత్‌ నిర్ణీత ఓవర్లలో 3 వికెట్ల నష్టానికి 200 పరుగులు చేసింది. గుజ‌రాత్ బ్యాట‌ర్ల‌లో సాయి సుదర్శన్‌ (49 బంతుల్లో 84 నాటౌట్‌; 8 ఫోర్లు, 4 సిక్సర్లు), షారుక్‌ ఖాన్‌ (30 బంతుల్లో 58; 3 ఫోర్లు, 5 సిక్సర్లు) హాఫ్ సెంచ‌రీల‌తో చెలరేగారు.pic.twitter.com/MIWgJ4WWbZ— Saksham Nagar (@SAKSHAMNAGAR90) April 28, 2024

ఐపీఎల్‌-2024లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో మ్యాచ్‌లో ఆర్సీబీ పేస‌ర్ మ‌హ్మ‌ద్ సిరాజ్ సంచ‌ల‌న బంతితో మెరిశాడు. గుజ‌రాత్ బ్యాట‌ర్ షారుఖ్ ఖాన్‌ని అద్భుత‌మైన ఇన్ స్వింగ‌ర్ యార్క‌ర్‌తో సిరాజ్ క్లీన్ బౌల్డ్ చేశాడు. నాలుగో స్ధానంలో బ్యాటింగ్‌కు వ‌చ్చిన షారుఖ్ ఖాన్ ఆర్సీబీ బౌల‌ర్ల‌పై విరుచుకుప‌డ్డాడు. స్పిన్న‌ర్ల‌ను షారుఖ్ టార్గెట్ చేస్తుండ‌డంతో బెంగ‌ళూరు కెప్టెన్ ఫాప్ డుప్లెసిస్‌.. సిరాజ్‌ను బౌలింగ్ ఎటాక్‌లో తీసుకువ‌చ్చాడు. ఫాప్ న‌మ్మ‌కాన్ని సిరాజ్ వ‌మ్ము చేయ‌లేదు. గుజ‌రాత్ ఇన్నింగ్స్ 15 ఓవ‌ర్ వేసిన సిరాజ్‌.. తొలి బంతినే ఇన్ స్వింగ‌ర్ యార్క‌ర్‌గా సంధించాడు. సిరాజ్ వేసిన బంతికి షారుఖ్ ఖాన్ ద‌గ్గ‌ర స‌మాధాన‌మే లేకుండా పోయింది. అత‌డు బంతిని బ్యాట్‌తో ఆపే లోపే స్టంప్స్‌ను గిరాటేసింది. దీంతో షారుఖ్ ఖాన్ బిత్త‌ర‌పోయాడు. ఈ క్ర‌మంలో సిరాజ్ త‌న ట్రేడ్‌మార్క్ క్రిస్టియానో రొనాల్డో సెల‌బ్రేష‌న్స్ చేసుకున్నాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. ఇక ఈ మ్యాచ్‌లో తొలుత బ్యాటింగ్ చేసిన గుజ‌రాత్‌ నిర్ణీత ఓవర్లలో 3 వికెట్ల నష్టానికి 200 పరుగులు చేసింది. గుజ‌రాత్ బ్యాట‌ర్ల‌లో సాయి సుదర్శన్‌ (49 బంతుల్లో 84 నాటౌట్‌; 8 ఫోర్లు, 4 సిక్సర్లు), షారుక్‌ ఖాన్‌ (30 బంతుల్లో 58; 3 ఫోర్లు, 5 సిక్సర్లు) హాఫ్ సెంచ‌రీల‌తో చెలరేగారు.<blockquote class="twitter-tweet"><p lang="zxx" dir="ltr"><a href="https://t.co/MIWgJ4WWbZ">pic.twitter.com/MIWgJ4WWbZ</a></p>— Saksham Nagar (@SAKSHAMNAGAR90) <a href="https://twitter.com/SAKSHAMNAGAR90/status/1784551354158969025?ref_src=twsrc%5Etfw">April 28, 2024</a></blockquote> <script async src="https://platform.twitter.com/widgets.js" charset="utf-8"></script>

ఐపీఎల్‌-2024 సీజన్‌లో సన్‌రైజర్స్ హైదరాబాద్ మూడో ఓట‌మి చవిచూసింది. ఈ మెగా టోర్నీలో భాగంగా ఉప్పల్ వేదికగా రాయల్ ఛాలెంజర్స్ బెంగళూరుతో జరిగిన మ్యాచ్‌లో 35 పరుగుల తేడాతో ఎస్‌ఆర్‌హెచ్ ఓటమి పాలైంది. ఈ మ్యాచ్‌లో బౌలింగ్‌, బ్యాటింగ్ పరంగా ఎస్‌హెర్‌హెచ్ విఫ‌ల‌మైంది.తొలుత బౌలింగ్‌లో 206 ప‌రుగులు స‌మ‌ర్పించుకున్న స‌న్‌రైజ‌ర్స్‌.. అనంత‌రం బ్యాటింగ్‌లోనూ చెతెలేస్తేఇసింది. 207 పరుగుల లక్ష్యంతో బరిలోకి దిగిన సన్‌రైజర్స్‌ నిర్ణీత 20 ఓవర్లలో 8 వికెట్లు కోల్పోయి 171 పరుగులు మాత్రమే చేసింది. అయితే ఈ మ్యాచ్‌ను వీక్షించేందుకు వ‌చ్చిన స‌న్‌రైజ‌ర్స్ ఓన‌ర్‌ కావ్య మార‌న్ మ‌రోసారి త‌న ఎక్స్‌ప్రెష‌న్స్‌తో సోష‌ల్ మీడియాలో చర్చనీయాంశమైంది.తొలుత బౌలింగ్‌లో ఆర్సీబీ వికెట్లు ప‌డిన‌ప్పుడు ఎగిరి గెంతులేసిన కావ్యా.. త‌మ బ్యాటింగ్ వ‌చ్చేస‌రికి సీన్ రివ‌ర్స్ అయింది. ఎస్ఆర్‌హెచ్ బ్యాట‌ర్లు వ‌రుస క్ర‌మంలో పెవిలియ‌న్‌కు క్యూ క‌డుతున్న స‌మ‌యంలో కావ్య మారన్ ముఖం చిన్నబోయింది. ముఖ్యంగా అబ్దుల్ స‌మ‌ద్ ఔటైన త‌ర్వాత కావ్య పాప షాకింగ్ రియాక్ష‌న్ ఇచ్చింది. ఏంటి రా ఏ బ్యాటింగ్ అన్న‌ట్లు కావ్య ఎక్స్‌ప్రెషన్ ఇచ్చింది. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. #RCB Rocked 😎Kavya Maran Shocked 😮‍💨Congratulations RCB 😍#RCBvsSRH #SRHvRCB#ViratKohli𓃵pic.twitter.com/xISW2H2cWG— Mohammed Aziz (@itsmeaziz07) April 25, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు మిడిలార్డర్‌ బ్యాటర్‌ రజిత్‌ పాటిదార్ మరో అద్బుత ఇన్నింగ్స్‌ను ఆడాడు. ఈ మెగా ఈవెంట్‌లో భాగంగా ఉప్ప‌ల్‌ వేదిక‌గా స‌న్‌రైజ‌ర్స్ హైద‌రాబాద్‌తో మ్యాచ్‌లో పాటిదార్ అద‌రగొట్టాడు. ఎస్ఆర్‌హెచ్ బౌల‌ర్ల‌కు చుక్క‌లు చూపించాడు. విల్ జాక్స్ ఔట‌య్యాక క్రీజులోకి వచ్చిన పాటిదార్‌.. ఎస్ఆర్‌హెచ్ బౌల‌ర్ల‌పై విరుచుకుప‌డ్డాడు.ముఖ్యంగా స్పిన్న‌ర్ల‌ను టార్గెట్ చేశాడు. స్పిన్న‌ర్ మార్కండే వేసిన 11 ఓవ‌ర్‌లో పాటిదార్ వ‌రుసుగా 4 సిక్స్‌లు బాదాడు. ఈ క్ర‌మంలో కేవ‌లం 19 బంతుల్లోనే పాటిదార్ త‌న హాప్ సెంచ‌రీ మార్క్‌ను అందుకున్నాడు. త‌ద్వారా ఐపీఎల్‌లో ఫాస్టెస్ట్ హాఫ్ సెంచ‌రీ చేసిన రెండో ఆట‌గాడిగా రాబిన్ ఉత‌ప్ప స‌ర‌స‌న ర‌జిత్ నిలిచాడు. ఓవ‌రాల్‌గా ఈ మ్యాచ్‌లో 20 బంతులు ఎదుర్కొన్న పాటిదార్ 2 ఫోర్లు, 5 సిక్స్‌ల‌తో 50 ప‌రుగులు చేశాడు.ఇక ఈ మ్యాచ్‌లో తొలుత బ్యాటింగ్‌ చేసిన ఆర్సీబీ నిర్ణీత 20 ఓవర్లలో 7 వికెట్ల నష్టానికి 206 పరుగుల భారీ స్కోర్‌ చేసింది. ఆర్సీబీ బ్యాటర్లలో రజిత్‌ పాటిదార్‌(50)తో పాటు విరాట్‌ కోహ్లి(51) హాఫ్‌ సెంచరీలతో చెలరేగాడు. అతడితో పాటు కామెరాన్ గ్రీన్(37 నాటౌట్‌) రాణించాడు. ఎస్‌ఆర్‌హెచ్‌ బౌలర్లలో జయ్‌దేవ్‌ ఉనద్కట్‌ 3 వికెట్లు పడగొట్టగా.. నటరాజన్‌ రెండు వికెట్లు, ప్యాట్‌ కమ్మిన్స్‌,మార్కండే తలా వికెట్‌ సాధించారు. Patidar ka 𝑹𝒂𝒋 🤌🫡#SRHvRCB #TATAIPL #IPLonJioCinema pic.twitter.com/v1dzhJjKxZ— JioCinema (@JioCinema) April 25, 2024

రాయల్‌ ఛాలెంజర్స్‌ బెంగళూరు స్టార్‌ ఆటగాడు విరాట్‌ కోహ్లి అరుదైన ఘనత సాధించాడు. ఐపీఎల్‌ చరిత్రలో 10 సీజన్లలో 400 పైగా పరుగులు చేసిన చేసిన తొలి క్రికెటర్‌గా కోహ్లి రికార్డులకెక్కాడు. ఐపీఎల్‌-2024లో భాగంగా 400 రన్స్‌ను క్రాస్‌ చేసిన విరాట్‌.. ఈ అరుదైన ఘనతను తన పేరిట లిఖించుకున్నాడు. 2011, 2013, 2015,2016,2018,2019,2020,2021,2023, 2024 సీజన్‌లలో కోహ్లి 400 పైగా పరుగులు సాధించాడు. ఈ ఏడాది సీజన్‌లో ఇప్పటివరకు 9 మ్యాచ్‌లు ఆడిన కింగ్‌ కోహ్లి.. 430 పరుగులు సాధించాడు.ఈ మెగా ఈవెంట్‌లో భాగంగా హైదరాబాద్‌ వేదికగా ఎస్‌ఆర్‌హెచ్‌తో మ్యాచ్‌లో కోహ్లి హాఫ్‌ సెంచరీతో మెరిశాడు. 43 బంతులు ఎదుర్కొన్న కోహ్లి.. 4 ఫోర్లు, 6 సిక్స్‌లతో 51 పరుగులు చేశాడు. అదే విధంగా ఐపీఎల్‌లో ఓపెనర్‌గానూ కోహ్లి 4000 పరుగుల మైలు రాయిని అందుకున్నాడు.

ఐపీఎల్‌-2024లో రాయ‌ల్ ఛాలెంజ‌ర్స్ బెంగ‌ళూరు దారుణ ప్ర‌ద‌ర్శ‌న క‌న‌బ‌రుస్తున్న సంగ‌తి తెలిసిందే. బ్యాటింగ్ ప‌రంగా ప‌ర్వాలేద‌న్పిస్తున్న ఆర్సీబీ.. బౌలింగ్ ప‌రంగా మాత్రం పూర్తిగా తేలిపోయింది. ఇప్ప‌టివ‌ర‌కు ఆడిన 8 మ్యాచ్‌ల్లో కేవ‌లం ఒక్క మ్యాచ్‌లో మాత్రం విజ‌యం సాధించి.. పాయింట్ల ప‌ట్టిక‌లో అట్టడుగు స్థానంలో కొన‌సాగుతోంది. వ‌రుస ప‌రాజ‌యాల‌తో ఆర్సీబీ ప్లే ఆఫ్స్ రేసు నుంచి కూడా దాదాపు నిష్క్ర‌మించిన‌ట్లే. అయితే క‌నీసం మిగిలిన మ్యాచ్‌ల్లోనూ విజయం సాధించి టోర్నీని ఘనంగా ముగించాలని ఆర్సీబీ భావిస్తోంది. ఈ క్రమంలో ఈ మెగా ఈవెంట్‌లో మరో కీలక పోరుకు ఆర్సీబీ సిద్దమైంది. ఏప్రిల్ 25న హైదరాబాద్ వేదికగా సన్‌రైజర్స్ హైదరాబాద్‌తో ఆర్సీబీ తలపడనుంది. ఈ మ్యాచ్ కోసం ఆర్సీబీ స్టార్ బ్యాటర్ విరాట్ కోహ్లి హైదరాబాద్ చేరుకున్నాడు. జట్టు కంటే ముందే విరాట్ భాగ్యనగరంలో అడుగుపెట్టాడు. హైదరాబాద్ ఎయిర్‌పోర్ట్‌లో స్టైలిష్ లూక్‌లో విరాట్ కన్పించాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. కాగా ఈ ఏడాది సీజన్‌లో ఆర్సీబీ నిరాశపరుస్తున్నప్పటికి.. కోహ్లి మాత్రం అదరగొడుతున్నాడు. ఇప్పటివరకు ఎనిమిది మ్యాచ్‌లు ఆడిన విరాట్‌.. 379 పరుగులతో ఆరెంజ్ క్యాప్ రేసులో అగ్రస్ధానంలో కొనసాగుతున్నాడు. #ViratKohli arrived in Hyderabad for the upcoming IPL match, #SRHvsRCB on Thursday. pic.twitter.com/ljkoyENfmy — Gulte (@GulteOfficial) April 23, 2024

ఆస్ట్రేలియా స్టార్ ఆల్‌రౌండ‌ర్ గ్లెన్ మాక్స్‌వెల్  మేజర్ లీగ్ క్రికెట్ టోర్నీలో భాగం కానున్నాడు. మేజర్ లీగ్ క్రికెట్ 2024 సీజ‌న్‌లో వాషింగ్టన్ ఫ్రీడమ్ త‌ర‌పున మాక్స్‌వెల్ ఆడ‌నున్నాడు. ఈ మెర‌కు వాషింగ్టన్ ఫ్రీడమ్‌తో ఒప్పందం కుదుర్చుకున్నాడు. ఇప్ప‌టికే వాషింగ్టన్ ఫ్రీడమ్ జ‌ట్టులో త‌న స‌హ‌చ‌ర ఆట‌గాళ్లు స్టీవ్ స్మిత్, ట్రావిస్ హెడ్‌లు సైతం చేరారు. తాజాగా మాక్సీ కూడా జ‌త‌క‌ట్ట‌డంతో  వాషింగ్టన్ ఫ్రాంచైజీ టైటిలే ల‌క్ష్యంగా బ‌రిలోకి దిగ‌నుంది. కాగా ఐపీఎల్‌-2024 సీజ‌న్ మ‌ధ్య నుంచి మాక్స్‌వెల్ త‌ప్పుకున్న సంగ‌తి తెలిసిందే. మానసికంగా, శారీరకంగా బాగా ఆలిసిపోయానంటూ మాక్స్‌వెల్ తాత్కాలిక విరామం తీసుకున్నాడు. ఈ లీగ్‌లో ఆర్సీబీ జట్టుకు త‌న‌ అవసరం ఎప్పుడొచ్చినా బలంగా తిరిగొస్తానని మాక్స్‌వెల్ పేర్కొన్నాడు. కాగా  ఈ ఏడాది సీజ‌న్‌లో మాక్సీ దారుణ‌మైన ప్ర‌ద‌ర్శ‌న క‌న‌బ‌రిచాడు. కానీ, ఈ సీజన్ లో ఆరు మ్యాచ్ లు ఆడిన మాక్స్‌వెల్ కేవలం 32 పరుగులు మాత్రమే చేశాడు. మూడు సార్లు డకౌట్లు అయ్యాడు. ఇక యూనైటడ్‌ స్టేట్స్‌ నిర్వహిస్తున్న ఈ  మేజర్‌ లీగ్‌ క్రికెట్‌ రెండో సీజన్‌ జూలై 4నుంచి ప్రారంభం కానుంది.  

ఐపీఎల్‌-2024లో రాయ‌ల్ ఛాలెంజ‌ర్స్ బెంగ‌ళూరు వ‌రుస‌గా ఐదో ఓట‌మి చ‌విచూసింది. సోమ‌వారం చిన్న‌స్వామి స్టేడియం వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 25 ప‌రుగుల తేడాతో ఓట‌మి పాలైంది. అయితే ఈ మ్యాచ్‌లో ఆర్సీబీ బ్యాట‌ర్లు దుమ్ములేపిన‌ప్ప‌టికి .. బౌల‌ర్లు మాత్రం మ‌రోసారి చేతులెత్తేశారు. గ‌ల్లీ బౌల‌ర్ల కంటే దారుణంగా ఆర్సీబీ బౌల‌ర్లు బౌలింగ్ చేశారు. ఆర్సీబీ బౌలింగ్‌ను ఎస్ఆర్‌హెచ్ బ్యాట‌ర్లు చిత‌క్కొట్టారు. ఆర్సీబీ చెత్త బౌలింగ్ కార‌ణంగా ఎస్ఆర్‌హెచ్ నిర్ణీత 20 ఓవ‌ర్ల‌లో ఏకంగా 287 ప‌రుగుల రికార్డు స్కోర్‌ను సాధించింది. ఇది ఐపీఎల్ చ‌రిత్ర‌లో అత్య‌ధిక స్కోర్ కావ‌డం గ‌మ‌నార్హం. ఈ క్ర‌మంలో ఆర్సీబీ బౌల‌ర్ల‌పై భార‌త మాజీ కెప్టెన్ కృష్ణమాచారి శ్రీకాంత్ విమ‌ర్శ‌ల వ‌ర్షం కురిపించాడు. ఎస్ఆర్‌హెచ్‌తో మ్యాచ్‌లో ఆర్సీబీ బౌలింగ్ చాలా దారుణంగా ఉందని శ్రీకాంత్ సీరియస్ అయ్యాడు.  "ఎస్‌ఆర్‌హెచ్‌తో మ్యాచ్‌లో ఆర్సీబీ బౌలర్లు దారుణమైన ప్రదర్శన కనబరిచారు. రీస్ టాప్లీ, లాకీ ఫెర్గూసన్ వంటి సీనియర్‌ బౌలర్లు కూడా పూర్తిగా తేలిపోయారు. నిన్నటి మ్యాచ్‌లో విల్ జాక్స్ మినహా మిగితా బౌలర్లందరూ భారీగా పరుగులు సమర్పించుకున్నారు. ఆర్సీబీకి నేను ఇచ్చే సలహా ఒక్కటే. రాబోయో మ్యాచ్‌ల్లో ఆర్సీబీ 11 మంది బ్యాటర్లతో ఆడాలి. కెప్టెన్‌ ఫాఫ్ డు ప్లెసిస్‌ రెండు ఓవర్లు, ఆల్‌రౌండర్‌ కామెరాన్ గ్రీన్‌ 4 ఓవర్లు బౌలింగ్‌ చేయాలి. అదే విధంగా విరాట్‌ కోహ్లి కూడా బౌలింగ్‌ చేయాలి. నిన్నటి మ్యాచ్‌లో కోహ్లి 4 ఓవర్లు బౌలింగ్‌ చేసి ఉంటే అన్ని పరుగులు ఇచ్చేవాడు కాదు. ఎందుకంటే కోహ్లి ఒక మంచి బౌలర్‌. ఈ మ్యాచ్‌లో ఎస్‌ఆర్‌హెచ్‌ బ్యాటర్లు స్టేడియం బయటకు బంతులను కొడుతుంటే కోహ్లి ముఖం వాడిపోయింది. కోహ్లిని అలా చూసిన నేను చాలా బాధపడ్డాను. బ్యాటింగ్‌ చేసే సమయంలో కూడా కోహ్లి చాలా కోపంగా ఉన్నాడు. అందుకు కారణం ఆర్సీబీ బౌలర్లే" అని తన యూట్యూబ్ ఛానల్‌లో శ్రీకాంత్ పేర్కొన్నాడు.

ఐపీఎల్‌-2024లో రాయల్ ఛాలెంజర్స్ బెంగళూరు వికెట్ కీప‌ర్ బ్యాట‌ర్‌, భార‌త వెట‌ర‌న్ దినేష్ కార్తీక్ అద‌ర‌గొడుతున్నాడు. లేటు వ‌య‌స్సులో ఖ‌త‌ర్నాక్‌ ఇన్నింగ్స్‌లతో కార్తీక్ దుమ్మ‌లేపుతున్నాడు.  ఆఖ‌రిలో బ్యాటింగ్‌కు వ‌చ్చి మెరుపులు మెరిపిస్తున్నాడు. గ‌త సీజ‌న్‌లో నిరాశ‌ప‌రిచిన కార్తీక్ ..ప్ర‌స్తుత సీజ‌న్‌లో మాత్రం పూర్తి భిన్నంగా క‌న్పిస్తున్నాడు. సోమ‌వారం  సన్‌రైజర్స్ హైదరాబాద్‌తో జ‌రిగిన మ్యాచ్‌లో కార్తీక్ ఆకాశ‌మే హ‌ద్దుగా చెల‌రేగిపోయాడు. 288 ప‌రుగుల భారీ ల‌క్ష్య చేధ‌న‌లో డీకే అద్బుత‌మైన పోరాట ప‌టిమ క‌న‌బ‌రిచాడు. ఓ ద‌శ‌లో మ్యాచ్‌ను ఫినిష్ చేసేలా క‌న్పించిన కార్తీక్‌..  ఆఖ‌రికి న‌ట‌రాజ‌న్ బౌలింగ్‌లో భారీ షాట్‌కు ప్ర‌య‌త్నించి ఔట‌య్యాడు. దినేష్ కేవలం 35 బంతుల్లోనే 5 ఫోర్లు, 7 సిక్స్‌లతో 83 పరుగులు చేశాడు. ఓవరాల్‌గా ఈ ఏడాది సీజ‌న్‌లో 7 మ్యాచ్‌లు ఆడిన కార్తీక్ 226 ప‌రుగులు చేశాడు. ఈ క్ర‌మంలో కార్తీక్‌కు టీ20 వ‌ర‌ల్డ్‌క‌ప్ 2024 భార‌త జ‌ట్టులో చోటు ఇవ్వాల‌ని చాలా మంది మాజీలు అభిప్రాయ‌ప‌డుతున్నారు. ఈ జాబితాలోకి భారత మాజీ క్రికెటర్ అంబటి రాయడు చేరాడు. డీకేను టీ20 వ‌ర‌ల్డ్‌క‌ప్‌లో ఆడించాల‌ని రాయడు అన్నాడు. "కార్తీక్ త‌న కెరీర్‌లో ఎక్కువ‌గా ఎంఎస్ ధోనితో పోటీప‌డ్డాడు. ధోని కెప్టెన్‌గా, రెగ్యూల‌ర్ వికెట్ కీప‌ర్‌గా జ‌ట్టులో ఉండ‌డంతో కార్తీకు పెద్ద‌గా ఆడే అవ‌కాశాలు రాలేదు. అయితే డీకే ప్ర‌స్తుతం అద్భుత‌మైన ఫామ్‌లో ఉన్నాడు. అత‌డికి త‌న‌ కెరీర్‌లో చివ‌రిసారిగా వ‌ర‌ల్డ్‌క‌ప్‌లో ఆడే అవ‌కాశం ద‌క్కుతుంద‌ని నేను భావిస్తున్నానను. అత‌డికి ఛాన్స్ ఇస్తే టీమిండియాకు మ్యాచ్ విన్నర్‌గా మారే అవ‌కాశ‌ముంది. అంతేకాకుండా భార‌త్‌కు వ‌ర‌ల్డ్‌క‌ప్‌ను అందించి, త‌న కెరీర్‌ను ఘ‌నంగా ముగించిడానికి కార్తీక్‌కు కూడా ఇది మంచి అవ‌కాశం. కాబ‌ట్టి డికేనే వ‌ర‌ల్డ్‌క‌ప్‌కు ఎంపిక చేయాల‌ని సెల‌క్ట‌ర్లను కోరుతున్నానని" రాయ‌డు స్టార్‌స్పోర్ట్స్ షోలో పేర్కొన్నాడు. ఇక ఇదే షోలో పాల్గోన్న భారత మాజీ ఆల్‌రౌండర్ ఇర్ఫాన్ పఠాన్.. రాయడు అభిప్రాయాన్ని వ్యతిరేకించాడు. ప‌ఠాన్ న‌వ్వుతూ ఐపీఎల్ వేరు, వ‌ర‌ల్డ్‌క‌ప్ వేరు అంటూ పేర్కొన్నాడు. అంతేకాకుండా  వ‌ర‌ల్డ్‌క‌ప్ వంటి టోర్నీల్లో ఇంపాక్ట్ ప్లేయ‌ర్ రూల్ ఉండ‌ద‌ని, కచ్చితంగా తీవ్ర‌మైన ఒత్త‌డి ఉంటుందని పఠాన్ చెప్పుకొచ్చాడు. 

ఐపీఎల్‌-2024లో భాగంగా ఆర్సీబీ-సన్‌రైజర్స్‌ హైదరాబాద్‌ మధ్య జరిగిన మ్యాచ్‌ అభిమానులకు అసలు సిసలైన టీ20 క్రికెట్‌ మజాను అందించింది. బెంగళూరు చిన్నస్వామి స్టేడియంలో పరుగుల వరద పారింది. ఇరు జట్లు కలపి ఏకంగా 549 పరుగులు సాధించాయి. ఐపీఎల్‌ చరిత్రలోనే అత్యధిక పరుగులు నమోదైన మ్యాచ్‌గా ఇది నిలిచింది. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌ 7 వికెట్ల నష్టానికి 287 పరుగుల భారీ స్కోర్‌ సాధించింది. ఎస్‌ఆర్‌హెచ్‌ బ్యాటర్లలో ఓపెనర్‌ ట్రావిస్‌ హెడ్‌(102) సెంచరీతో చెలరేగగా.. హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) మెరుపు ఇన్నింగ్స్‌ ఆడారు. అనంతరం లక్ష్య చేధనలో ఆర్సీబీ కూడా ధీటుగా బదులిచ్చింది. నిర్ణీత 20 ఓవర్లలో 7 వికెట్లు కోల్పోయి 262 పరుగులు చేసింది. అయితే దురదృష్టవశాత్తూ ఆర్సీబీ తమ విజయానికి 25 పరుగుల దూరంలో నిలిచింది. SRH might’ve won the match but Dinesh Karthik definitely deserved that standing ovation ❤️#RCBvSRH pic.twitter.com/sMWNSC2ptj — UrMiL07™ (@urmilpatel30) April 15, 2024 అత్యధిక సిక్స్‌లు.. అదే విధంగా ఈ మ్యాచ్‌లో ఈ మ్యాచ్‌లో ఇరు జట్ల బ్యాటర్లు కలిపి ఏకంగా 38 సిక్స్‌లు బాదేశారు. దీంతో టీ20 క్రికెట్‌ చరిత్రలో అత్యధిక సిక్స్‌లు నమోదైన రెండు మ్యాచ్‌గా ఆర్సీబీ-ఎస్‌ఆర్‌హెచ్‌ పోరు నిలిచింది. అంతకముందు ఈ ఏడాది సీజన్‌లో సన్‌రైజర్స్‌-ముంబై ఇండియన్స్‌ మధ్య జరిగిన మ్యాచ్‌లో కూడా 38 సిక్స్‌లే నమోదయ్యాయి. That's a Book 🔥 Innings from Travis head! pic.twitter.com/lsiLinLU1M — SunRisers OrangeArmy Official (@srhfansofficial) April 15, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు కథ ఏ మాత్రం మారలేదు. ఈ మెగా ఈవెంట్‌లో ఆర్సీబీ వరుసగా ఐదో ఓటమి చవచూసింది. చిన్నస్వామి స్టేడియం వేదికగా సన్‌రైజర్స్‌ హైదరాబాద్‌ వేదికగా జరిగిన మ్యాచ్‌లో 25 పరుగుల తేడాతో బెంగళూరు ఓటమి పాలైంది. మరోసారి బెంగళూరు బౌలర్లు దారుణంగా విఫలమయ్యారు. తొలుత బౌలింగ్‌ చేసిన ఆర్సీబీ నిర్ణీత 20 ఓవర్లలో ఏకంగా 287 పరుగుల రికార్డు స్కోర్‌ను సమర్పించుకుంది.  ట్రావిస్‌ హెడ్‌(102) ,హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) ఆర్సీబీ బౌలర్లను ఊచకోత కోశారు. అనంతరం లక్ష్య చేధనలో ఆర్సీబీ  బ్యాటర్లు ఆఖరి వరకు పోరాడారు.  నిర్ణీత 20 ఓవర్లలో 7 వికెట్లు కోల్పోయి 262 పరుగులు చేసింది. ఆర్సీబీ బ్యాటర్లలో దినేష్‌ కార్తీక్‌ అద్బుతమైన పోరాటం చేశాడు. కేవలం 35 బంతుల్లోనే 7 సిక్సర్లు, 5 ఫోర్లతో కార్తీక్‌ 83 పరుగులు చేశాడు. అతడితో పాటు కెప్టెన్‌ డుప్లెసిస్‌(62), విరాట్‌ కోహ్లి(42) ఉన్నంతసేపు మెరుపులు మెరిపించారు. ఈ ఓటమితో ఆర్సీబీ ప్లే ఆఫ్‌ ఛాన్స్‌లను సంక్లిష్టం​ చేసుకుంది. ఇక ఈ ఓటమిపై మ్యాచ్‌ అనంతరం ఆర్సీబీ కెప్టెన్‌ ఫాప్‌ డుప్లెసిస్‌ స్పందించాడు. బౌలింగ్‌ వైఫల్యం కారణంగానే ఓటమి పాలైమని ఫాప్‌ చెప్పుకొచ్చాడు. "ఈ మ్యాచ్‌లో మేము ఆఖరి వరకు పోరాడినందుకు సంతోషంగా ఉంది. ఈ సీజన్‌లో మా నుంచి వచ్చిన మెరుగైన బ్యాటింగ్‌ ప్రదర్శన ఇదే. చిన్నస్వామి వికెట్‌ సరిగ్గా టీ20 క్రికెట్‌కు సరిపోతుంది. 280 పైగా టార్గెట్‌ను ఛేజ్‌ చేయడం అంత సులభం కాదు. కానీ మేము దగ్గరికి వచ్చి ఓడిపోయాం. ఈ మ్యాచ్‌లో కొన్ని మార్పులు చేశాము. కొత్తగా కొన్ని విషయాలను ప్రయత్నించాం. ఫాస్ట్ బౌలర్లు  ఈ పిచ్‌పై పూర్తిగా తేలిపోయారు. బ్యాటింగ్‌ పరంగా మేము బలంగానే ఉన్నాము. మేము ఇంకా కొన్ని విభాగాల్లో ఇంకా మెరుగవ్వాలి. ముఖ్యంగా బౌలింగ్‌పై  ఎక్కువ దృష్టిపెట్టాలి. అదే విధంగా బ్యాటింగ్‌లో కూడా పవర్‌ప్లే తర్వాత రన్ రేట్ తగ్గకుండా చూసుకోవాలి. ఈ హైస్కోరింగ్‌ రన్‌ ఛేజ్‌లో మా బాయ్స్‌ ఆఖరి వరకు మ్యాచ్‌ను విడిచిపెట్టలేదు. తొలుత బౌలింగ్‌లో 30-40 పరుగులు ఎక్కువగా ఇచ్చాం. అదే మా కొంపముంచింది. కానీ ఆటలో గెలుపుటములు సహజం. ఓడిపోయినందుకు కచ్చితంగా బాధ ఉంటుంది. కానీ మా మైండ్‌ను ఫ్రెష్‌గా ఉంచుకోవడం చాలా ముఖ్యం. ఎందుకంటే మా తర్వాతి మ్యాచ్‌ల్లో ఆడేందుకు సిద్దంగా ఉండాలి కదా" అంటూ పోస్ట్‌మ్యాచ్‌ ప్రేజేంటేషన్‌లో డుప్లెసిస్‌ పేర్కొన్నాడు.

ఐపీఎల్‌-2024లో సన్‌రైజర్స్‌ హైదరాబాద్‌ ఆటగాడు హెన్రిచ్‌ క్లాసెన్‌ మరోసారి ఉర మాస్‌ ఇన్నింగ్స్‌ ఆడాడు. సోమవారం చిన్నస్వామి స్టేడియం వేదికగా రాయల్‌ ఛాలెంజర్స్‌ బెంగళూరుతో జరిగిన మ్యాచ్‌లో క్లాసెన్‌ విధ్వంస​ం సృష్టించాడు. క్లాసెన్‌ 31 బంతుల్లో 67 ప‌రుగులు చేసి ఔట్ అయ్యాడు. త‌న ఇన్నింగ్స్ లో 2 ఫోర్లు, 7 సిక్స‌ర్లు ఉన్నాయి. అయితే క్లాసెన్‌ ఇన్నింగ్స్‌లోని ఓ సిక్స్‌ దెబ్బకు స్టేడియం పైకప్పు దాటి వెళ్లింది. ఎస్‌ఆర్‌హెచ్‌ ఇన్నింగ్స్‌ 17 ఓవర్‌ వేసిన ఫెర్గూసన్ రెండో బంతిని క్లాసెన్‌కు లెంగ్త్ డెలివరీ సంధించాడు. ఆ బంతిని క్లాసెన్‌ అద్బుతమైన  లాఫ్టెడ్ స్ట్రెయిట్ డ్రైవ్ షాట్‌ ఆడాడు. దెబ్బకు బంతి చిన్నస్వామి స్టేడియం బయట పడింది. అతడు కొట్టిన సిక్స్‌ ఏకంగా 106 మీటర్ల దూరం వెళ్లింది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా ఈ మ్యాచ్‌లో ఆర్సీబీపై 25 పరుగుల తేడాతో ఎస్‌ఆర్‌హెచ్‌ విజయం సాధించింది. Got an update from #Chandrayaan, the ball is still travelling at the speed of light 😉#TATAIPL #RCBvSRH #IPLonJioCinema #HeinrichKlaasen #IPLinTelugu pic.twitter.com/fmVeijmSlk — JioCinema (@JioCinema) April 15, 2024

సన్‌రైజర్స్‌ హైదరాబాద్‌ సరికొత్త చరిత్ర సృష్టించింది. 17 ఏళ్ల ఐపీఎల్‌ హిస్టరీలో ఒకే ఇన్నింగ్స్‌లో అత్యధిక సిక్స్‌లు కొట్టిన జట్టుగా ఎస్‌ఆర్‌హెచ్‌ రికార్డులకెక్కింది. ఐపీఎల్‌-2024లో భాగంగా చిన్నస్వామి స్టేడియం వేదికగా ఆర్సీబీతో మ్యాచ్‌లో 22 సిక్స్‌లు బాదిన ఎస్‌ఆర్‌హెచ్‌.. ఈ అరుదైన ఘనతను తన పేరిట లిఖించుకుంది.ఇంతకుముందు ఈ రికార్డు రాయల్ చాలెంజర్స్ బెంగళూరు పేరిట ఉండేది. ఐపీఎల్‌-2013 సీజన్‌లో ఆర్సీబీ ఒకే ఇన్నింగ్స్‌లో 21 సిక్స్‌లు కొట్టి టాప్ ప్లేస్‍లో కొనసాగింది. అయితే తాజా మ్యాచ్‌తో 11 ఏళ్ల ఆర్సీబీ రికార్డును సన్‌రైజర్స్‌ బ్రేక్‌ చేసింది. ఇక ఈ మ్యాచ్‌లో సన్‌రైజర్స్‌ మరో సంచలనం నమోదు చేసింది. తొలుత బ్యాటింగ్‌ చేసిన ఎస్‌ఆర్‌హెచ్‌ నిర్ణీత 20 ఓవర్లలో 3 వికెట్ల నష్టానికి ఏకంగా 287 పరుగులు చేసింది. దీంతో ఐపీఎల్‌ చరిత్రలోనే అత్యధిక పరుగులు చేసిన తన రికార్డునే తనే బ్రేక్‌ చేసింది. .ఎస్‌ఆర్‌హెచ్‌ బ్యాటర్లలో ఓపెనర్‌ ట్రావిస్‌ హెడ్‌(102) సెంచరీతో చెలరేగగా.. హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) మెరుపు ఇన్నింగ్స్‌ ఆడాడు అంతకుముందు ఈ ఏడాది సీజన్‌లో ముంబై ఇండియన్స్‌తో మ్యాచ్‌లో ఎస్‌ఆర్‌హెచ్‌ 277 పరుగులు చేసిన సంగతి తెలిసిందే. టీ20 హిస్టరీలో రెండో అత్యధిక స్కోర్‌.. అదే విధంగా మరో రికార్డును కూడా ఎస్‌ఆర్‌హెచ్‌ తమ ఖాతాలో వేసుకుంది.  టీ20(అంతర్జాతీయ, లీగ్‌లు) చరిత్రలోనే రెండో అత్యధిక స్కోరును నమోదు చేసిన జట్టుగా సన్‍రైజర్స్ హైదరాబాద్ నిలిచింది. నేపాల్ గతేడాది ఏషియన్ గేమ్స్ టోర్నీలో మంగోలియాపై 314 పరుగులు చేసి ఈ జాబితాలో అగ్రస్థానంలో ఉండగా.. ఎస్‌ఆర్‌హెచ్‌(287) పరుగులతో రెండో స్ధానంలో నిలిచింది.

ఐపీఎల్‌-2024లో భాగంగా చిన్నస్వామి స్టేడియం వేదికగా రాయల్‌ ఛాలెంజర్స్‌ బెంగళూరుతో మ్యాచ్‌లో సన్‌రైజర్స్‌ హైదరాబాద్‌  ఓపెనర్‌ ట్రావిస్‌ హెడ్‌ అద్బుతమైన సెంచరీతో చెలరేగాడు. ఆర్సీబీ బౌలర్లకు చుక్కలు చూపించాడు. ఈ మ్యాచ్‌లో హెడ్‌ కేవలం 39 బంతుల్లోనే తన సెంచరీ మార్క్‌ను అందుకున్నాడు. ఓవరాల్‌గా 41 బంతులు ఎదుర్కొన్న హెడ్‌ 9 ఫోర్లు, 8 సిక్స్‌లతో 102 పరుగులు చేశాడు. ఈ మ్యాచ్‌లో సెంచరీతో మెరిసిన హెడ్‌ ఓ అరుదైన ఘనతను తన ఖాతాలో వేసుకున్నాడు. ఐపీఎల్‌లో సన్‌రైజర్స్ హైదరాబాద్ తరఫున అత్యంత వేగంగా శతకం నమోదు చేసిన ఆటగాడిగా హెడ్‌ రికార్డులకెక్కాడు. అదే విధంగా ఐపీఎల్ చరిత్రలోనే నాలుగో ఫాస్టెస్ట్ సెంచరీని నమోదు చేశాడు. ఈ జాబితాలో యూనివర్సల్‌ బాస్‌ క్రిస్ గేల్(30 బంతులు) అగ్రస్ధానంలో కొనసాగుతుండగా.. యూసఫ్ పఠాన్(37 బంతులు), డేవిడ్ మిల్లర్(38 బంతులు) తర్వాతి స్ధానాల్లో ఉన్నారు. ఇ​క​ ఈ మ్యాచ్‌ విషయానికి వస్తే.. ఆర్సీబీపై 25 పరుగుల తేడాతో ఎస్‌ఆర్‌హెచ్‌ విజయం సాధించింది.

ఐపీఎల్‌-2024లో సన్‌రైజర్స్ హైదరాబాద్ స్టార్  ఆటగాడు హెన్రిచ్ క్లాసెన్ మరోసారి విధ్వంసం​ సృష్టించాడు. ఈ మెగా ఈవెంట్‌లో భాగంగా చిన్నస్వామి స్టేడియం వేదికగా రాయల్ ఛాలెంజర్స్ బెంగళూరుతో మ్యాచ్‌లో క్లాసెన్ ఆకాశమే హద్దుగా చెలరేగిపోయాడు. ఫస్ట్‌డౌన్‌లో బ్యాటింగ్‌కు వచ్చిన క్లాసెన్ ఆర్సీబీ బౌలర్లను ఉతికారేశాడు.   బౌల‌ర్‌తో సంబంధం లేకుండా సిక్స‌ర్ల వ‌ర్షం కురిపించాడు. ఈ మ్యాచ్‌లో కేవ‌లం 31 బంతులు మాత్ర‌మే ఎదుర్కొన్న క్లాసెన్‌.. 2 ఫోర్లు, 7 సిక్స్‌ల‌తో 67 ప‌రుగులు చేశాడు. అత‌డి ఇన్నింగ్స్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఇక  ఈ మ్యాచ్‌లో తొలుత బ్యాటింగ్ చేసిన ఎస్ఆర్‌హెచ్  నిర్ణీత 20 ఓవర్లలో 3 వికెట్ల నష్టానికి ఏకంగా 287 పరుగుల రికార్డు స్కోర్ సాధించింది. ఐపీఎల్ చ‌రిత్ర‌లోనే అత్య‌ధిక స్కోర్ న‌మోదు చేసిన జ‌ట్టుగా ఎస్ఆర్‌హెచ్ త‌న రికార్డును తానే బ్రేక్ చేసింది.  ఈ ఏడాది సీజన్‌లో ముంబై ఇండియన్స్‌తో మ్యాచ్‌లో ఎస్‌ఆర్‌హెచ్‌ 277 పరుగులు చేసింది. ఇక ఈ మ్యాచ్‌లో ఎస్ఆర్‌హెచ్ ఓపెన‌ర్ ట్రావిస్ హెడ్ అద్బుత‌మైన సెంచ‌రీతో చెల‌రేగాడు.  ఓవరాల్‌గా 41 బంతులు ఎదుర్కొన్న హెడ్‌.. 9 ఫోర్లు, 8 సిక్స్‌లతో 102 పరుగులు చేశాడు. THE SHOOTING STAR...!!! 💫 - 106M monster by Heinrich Klaasen. 🥵 pic.twitter.com/raWQGOLOiM — Mufaddal Vohra (@mufaddal_vohra) April 15, 2024

ఐపీఎల్‌-2024లో సన్‌రైజర్స్‌ హైదరాబాద్‌ మరో సంచలనం సృష్టించింది. ఐపీఎల్‌లో చరిత్రలోనే అత్యధిక స్కోర్‌ను ఎస్‌ఆర్‌హెచ్ నమోదు చేసింది. ఈ మెగా ఈవెంట్‌లో బాగంగా చిన్నస్వామి స్టేడియం వేదికగా రాయల్‌ ఛాలెంజర్స్‌ బెంగళూరుతో మ్యాచ్‌లో ఎస్‌ఆర్‌హెచ్‌ బ్యాటర్లు విధ్వంసం సృష్టించారు. ఆర్సీబీ బౌలింగ్‌ను తుత్తునియలు చేసిన సన్ రైజర్స్ నిర్ణీత 20 ఓవర్లలో 3 వికెట్ల నష్టానికి ఏకంగా 287 పరుగులు చేసింది. ఎస్‌ఆర్‌హెచ్‌ బ్యాటర్లలో ఓపెనర్‌ ట్రావిస్‌ హెడ్‌(102) సెంచరీతో చెలరేగగా.. హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) మెరుపు ఇన్నింగ్స్‌ ఆడాడు. ఈ క్రమంలో ఎస్‌ఆర్‌హెచ్‌ ఐపీఎల్‍లో తాను సృష్టించిన అత్యధిక పరుగుల రికార్డును.. 20 రోజుల్లో తానే తిరగరాసింది. ఈ ఏడాది సీజన్‌లో ముంబై ఇండియన్స్‌తో మ్యాచ్‌లో ఎస్‌ఆర్‌హెచ్‌ 277 పరుగులు చేసింది.

ఐపీఎల్‌-2024లో భాగంగా చిన్నస్వామి స్టేడియం వేదికగా ఆర్సీబీతో మ్యాచ్‌ సన్‌రైజర్స్‌ హైదరాబాద్‌ ఓపెనర్‌ ట్రావిస్‌ హెడ్‌ విధ్వంసకర సెంచరీతో చెలరేగాడు. ఈ మ్యాచ్‌లో బెంగళూరు బౌలర్లకు హెడ్‌ చుక్కలు చూపించాడు. ఇన్నింగ్స్‌ ఆరంభం నుంచే ప్రత్యర్ధి బౌలర్లపై హెడ్‌ విరుచుకుపడ్డాడు. అభిషేక్‌ శర్మతో స్కోర్‌ను బోర్డును పరుగులు పెట్టించాడు.  ఈ క్రమంలో కేవలం 39 బంతుల్లో హెడ్‌ తన సెంచరీ మార్క్‌ను అందుకున్నాడు. హెడ్‌కు ఇది తొలి ఐపీఎల్‌ సెంచరీ కావడం విశేషం. అంతేకాకుండా ఐపీఎల్‌ సన్‌రైజర్స్‌ తరపున ఫాస్టెస్ట్‌ సెంచరీ చేసిన ఆటగాడిగా హెడ్‌ నిలిచాడు. ఓవరాల్‌గా 41 బంతులు ఎదుర్కొన్న హెడ్‌.. 9 ఫోర్లు, 8 సిక్స్‌లతో 102 పరుగులు చేశాడు. సెంచరీ చేసిన తర్వాత లూకీ ఫెర్గూసన్‌ బౌలింగ్‌లో హెడ్‌ ఔటయ్యాడు. అతడి ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దీంతో అతడిపై నెటిజన్లు ప్రశంసల వర్షం కురిపిస్తున్నారు. TRAVIS HEAD - FASTEST HUNDRED BY SRH BATTER IN IPL HISTORY 🤯pic.twitter.com/GvWCPFpRkd — Johns. (@CricCrazyJohns) April 15, 2024

IPL2024 RCB vs SRH Live Updates: హై స్కోరింగ్‌ మ్యాచ్‌లో ఆర్సీబీ ఓటమి.. ఐపీఎల్‌-2024లో రాయల్‌ ఛాలెంజర్స్‌ బెంగళూరు మరో ఓటమి చవిచూసింది. చిన్నస్వామి స్టేడియం వేదికగా సన్‌రైజర్స్‌ హైదరాబాద్‌తో జరిగిన మ్యాచ్‌లో 25 పరుగుల తేడాతో ఆర్సీబీ ఓటమి పాలైంది. 288 పరుగుల భారీ లక్ష్య చేధనలో ఆర్సీబీ ఆఖరివరకు పోరాడింది. నిర్ణీత 20 ఓవర్లలో 7 వికెట్లు కోల్పోయి 262 పరుగులు చేసింది. ఆర్సీబీ బ్యాటర్లలో దినేష్‌ కార్తీక్‌ అద్బుతమైన పోరాటం చేశాడు. కేవలం 35 బంతుల్లోనే 7 సిక్సర్లు, 5 ఫోర్లతో కార్తీక్‌ 83 పరుగులు చేశాడు. అతడితో పాటు కెప్టెన్‌ డుప్లెసిస్‌(62), విరాట్‌ కోహ్లి(42) ఉన్నంతసేపు మెరుపులు మెరిపించారు. ఎస్‌ఆర్‌హెచ్‌ బౌలర్లలో ప్యాట్‌ కమ్మిన్స్‌ మూడు వికెట్లు పడగొట్టగా.. మార్కండే రెండు, నటరాజన్‌ ఒక్క వికెట్‌ సాధించారు. అంతకముందు బ్యాటింగ్‌ చేసిన ఎస్‌ఆర్‌హెచ్‌ నిర్ణీత 20 ఓవర్లలో 3 వికెట్ల నష్టానికి ఎస్‌ఆర్‌హెచ్‌ ఏకంగా 287 పరుగులు చేసింది. ఎస్‌ఆర్‌హెచ్‌ బ్యాటర్లలో ఓపెనర్‌ ట్రావిస్‌ హెడ్‌(102) సెంచరీతో చెలరేగగా.. హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) మెరుపు ఇన్నింగ్స్‌ ఆడారు. ఆర్సీబీ ఆరో వికెట్‌ డౌన్‌ 181 పరుగులు వద్ద ఆర్సీబీ ఆరో వికెట్‌ కోల్పోయింది. 19 పరుగులు చేసిన మహిపాల్‌ లామ్రోర్‌.. కమ్మిన్స్‌ బౌలింగ్‌లో ఔటయ్యాడు. క్రీజులో దినేష్‌ కార్తీక్‌(36), రావత్‌(5) పరుగులతో ఉన్నారు. 13 ఓవర్లకు ఆర్సీబీ స్కోర్‌: 122/5 13 ఓవర్లు ముగిసే సరికి ఆర్సీబీ 5 వికెట్ల నష్టానికి 160 పరుగులు చేసింది. ఆర్సీబీ విజయానికి 42 బంతుల్లో 128 పరుగులు కావాలి. క్రీజులో దినేష్‌ కార్తీక్‌(16), లామ్రోర్‌(18) పరుగులతో ఉన్నారు. 10 ఓవర్లకు ఆర్సీబీ స్కోర్‌: 122/5 ఆర్సీబీ వరుస క్రమంలో మూడు వికెట్లు కోల్పోయింది. 9 ఓవర్‌ వేసిన మార్కండే బౌలింగ్‌లో పాటిదార్ ఔట్‌ కాగా.. అనంతరం కమ్మిన్స్‌ బౌలింగ్‌లో డుప్లెసిస్‌(62), సౌరవ్‌ చౌహన్‌ పెవిలియన్‌కు చేరారు. 10 ఓవర్లకు ఆర్సీబీ స్కోర్‌: 122/5 ఆర్సీబీ రెండో  వికెట్‌ డౌన్‌.. జాక్స్‌ ఔట్‌ 288 పరుగుల లక్ష్యంతో బరిలోకి దిగిన ఆర్సీబీ రెండో వికెట్‌ కోల్పోయింది. ఉనద్కట్‌ బౌలింగ్‌లో విల్‌ జాక్స్‌ రనౌటయ్యాడు. 8 ఓవర్లు ముగిసే సరికి ఆర్సీబీ రెండు వికెట్ల నష్టానికి 100 పరుగులు చేసింది.  క్రీజులో ఆర్సీబీ ఫాప్‌ డుప్లెసిస్‌(51), పాటిదార్‌ ఉన్నారు. ఆర్సీబీ తొలి వికెట్‌ డౌన్‌.. కోహ్లి ఔట్‌ 288 పరుగుల లక్ష్యంతో బరిలోకి దిగిన ఆర్సీబీ తొలి వికెట్‌ కోల్పోయింది. 42 పరుగులు చేసిన విరాట్‌ కోహ్లి.. మార్కండే బౌలింగ్‌లో ఔటయ్యాడు.  చెలరేగి ఆడుతున్న ఆర్సీబీ ఓపెనర్లు.. 288 పరుగుల లక్ష్యంతో బరిలోకి దిగిన ఆర్సీబీ దూకుడుగా ఆడుతోంది. 4 ఓవర్లు ముగిసే సరికి ఆర్సీబీ వికెట్‌ నష్టపోకుండా 56 పరుగులు చేసింది.  క్రీజులో ఆర్సీబీ ఓపెనర్లు విరాట్‌ కోహ్లి(25), ఫాప్‌ డుప్లెసిస్‌(31) పరుగులతో ఉన్నారు. సన్‌రైజర్స్‌ విధ్వంసం.. ఐపీఎల్‌ చరిత్రలోనే అత్యధిక స్కోర్‌ ఐపీఎల్‌-2024లో భాగంగా ఆర్సీబీతో మ్యాచ్‌లో సన్‌రైజర్స్‌ హైదరాబాద్‌ బ్యాటర్లు విధ్వంసం​ సృష్టించారు. ఐపీఎల్‌ చరిత్రలోనే అత్యధిక స్కోర్‌ను ఎస్‌ఆర్‌హెచ్‌ సాధించింది. ఈ మ్యాచ్‌లో నిర్ణీత 20 ఓవర్లలో 3 వికెట్ల నష్టానికి ఎస్‌ఆర్‌హెచ్‌ ఏకంగా 287 పరుగులు చేసింది. ఎస్‌ఆర్‌హెచ్‌ బ్యాటర్లలో ఓపెనర్‌ ట్రావిస్‌ హెడ్‌(102) సెంచరీతో చెలరేగగా.. హెన్రిచ్‌ క్లాసెన్‌(67), మార్‌క్రమ్‌(35), సమద్‌(37) మెరుపు ఇన్నింగ్స్‌ ఆడాడు. అంతకుమందు ఈ ఏడాది సీజన్‌లో ముంబై ఇండియన్స్‌తో మ్యాచ్‌లో ఎస్‌ఆర్‌హెచ్‌ 277 పరుగులు చేసింది. ఈ మ్యాచ్‌తో తన రికార్డును తానే తిరగరాసింది.  అదేవిధంగా ఐపీఎల్‌ చరిత్రలోనే అత్యధిక సిక్స్‌లు కొట్టిన జట్టుగా సన్‌రైజర్స్‌ నిలిచింది. ఈ మ్యాచ్‌లో ఎస్‌ఆర్‌హెచ్‌ బ్యాటర్లు ఏకంగా 22 సిక్స్‌లు బాదారు. ఎస్‌ఆర్‌హెచ్‌ మూడో వికెట్‌ డౌన్‌.. క్లాసెన్‌ ఔట్‌ 233 పరుగుల వద్ద ఎస్‌ఆర్‌హెచ్‌ మూడో వికెట్‌ కోల్పోయింది.  హెన్రిచ్‌ క్లాసెన్‌(31 బంతుల్లో 67, 7 సిక్స్‌లు, 4 ఫోర్లు).. ఫెర్గూసన్‌ బౌలింగ్‌లో ఔటయ్యాడు. 18 ఓవర్లు ముగిసే సరికి ఎస్‌ఆర్‌హెచ్‌ మూడు వికెట్ల నష్టానికి 241 పరుగులు చేసింది. 16 ఓవర్లకు ఎస్‌ఆర్‌హెచ్‌ స్కోర్‌: 217/2 16 ఓవర్లు ముగిసే సరికి ఎస్‌ఆర్‌హెచ్‌ రెండు వికెట్ల నష్టానికి 217 పరుగులు చేసింది. ప్రస్తుతం క్రీజులో హెన్రిచ్‌ క్లాసెన్‌(27 బంతుల్లో 2 ఫోర్లు, 6 సిక్స్‌లు), మార్‌క్రమ్‌(9) పరుగులతో క్రీజులో ఉన్నారు. ఎస్‌ఆర్‌హెచ్‌ రెండో వికెట్‌ డౌన్‌.. హెడ్‌ ఔట్‌ ట్రావిస్‌ హెడ్‌ రూపంలో ఎస్‌ఆర్‌హెచ్‌ రెండో వికెట్‌ కోల్పోయింది. విధ్వంసకర సెంచరీతో చెలరేగిన హెడ్‌.. ఫెర్గూసన్‌ బౌలింగ్‌లో ఔటయ్యాడు. 41 బంతులు ఎదుర్కొన్న హెడ్‌.. 9 ఫోర్లు, 8 సిక్స్‌లతో 102 పరుగులు చేశాడు. 14 ఓవర్లకు ఎస్‌ఆర్‌హెచ్‌ రెండు వికెట్ల నష్టానికి 189 పరుగులు చేసింది. క్రీజులో హెన్రిస్‌ క్లాసెన్‌(39), మార్‌క్రమ్‌(2) పరుగులతో ఉన్నారు. ట్రావిస్‌ హెడ్‌ విధ్వంసకర సెంచరీ.. ట్రావిస్‌ విధ్వంసకర సెంచరీతో చెలరేగాడు. ఈ మ్యాచ్‌లో బెంగళూరు బౌలర్లకు హెడ్‌ చుక్కలు చూపించాడు. ఇన్నింగ్స్‌ ఆరంభం నుంచే ప్రత్యర్ధి బౌలర్లపై హెడ్‌ విరుచుకుపడ్డాడు. ఈ క్రమంలో కేవలం 38 బంతుల్లో హెడ్‌ తన సెంచరీ మార్క్‌ను అందుకున్నాడు. అతడి ఇన్నింగ్స్‌లో ఇప్పటివరకు 9 ఫోర్లు, 8 సిక్స్‌లు ఉన్నాయి.  102 పరుగులతో హెడ్‌ బ్యాటింగ్‌ చేస్తున్నాడు.  12 ఓవర్లు ముగిసే సరికి వికెట్‌ నష్టానికి1 57 పరుగులు చేసింది. తొలి వికెట్‌ కోల్పోయిన ఎస్‌ఆర్‌హెచ్‌.. 108 పరుగుల వద్ద ఎస్‌ఆర్‌హెచ్‌ తొలి వికెట్‌ కోల్పోయింది. 34 పరుగులు చేసిన ఆభిషేక్‌ శర్మ.. టాప్లీ బౌలింగ్‌లో ఔటయ్యాడు. 9 ఓవర్లు ముగిసే సరికి వికెట్‌ నష్టానికి 119 పరుగులు చేసింది. క్రీజులో ట్రావిస్‌ హెడ్‌(79), క్లాసెన్‌(1) పరుగులతో ఉన్నారు. దంచి కొడుతున్న ఎస్‌ఆర్‌హెచ్‌ ఓపెనర్లు.. ఎస్‌ఆర్‌హెచ్‌ ఓపెనర్లు ట్రావిస్‌ హెడ్‌, అభిషేక్‌ శర్మ దంచికొడుతున్నారు. 8 ఓవర్లు ముగిసే సరికి వికెట్‌ నష్టపోకుండా 76 పరుగులు చేసింది. క్రీజులో అభిషేక్‌ శర్మ(33), ట్రావిస్‌ హెడ్‌(71) పరుగులతో ఉన్నారు. ట్రావిస్‌ హెడ్‌ హాఫ్‌ సెంచరీ ట్రావిస్‌ హెడ్‌ తన హాఫ్‌ సెంచరీ మార్క్‌ను అందుకున్నాడు. కేవలం 20 బంతుల్లో 5 ఫోర్లు, 3సిక్స్‌లతో హెడ్‌ తన హాఫ్‌ సెంచరీని పూర్తి చేసుకున్నాడు. 6 ఓవర్లు ముగిసే సరికి వికెట్‌ నష్టపోకుండా 76 పరుగులు చేసింది. క్రీజులో అభిషేక్‌ శర్మ(23), ట్రావిస్‌ హెడ్‌(52) పరుగులతో ఉన్నారు. దంచి కొడుతున్న ఎస్‌ఆర్‌హెచ్‌ ఓపెనర్లు.. టాస్‌ ఓడి బ్యాటింగ్‌కు దిగిన ఎస్‌ఆర్‌హెచ్‌ రెండు ఓవర్లు ముగిసే సరికి వికెట్‌ నష్టపోకుండా 27 పరుగులు చేసింది. క్రీజులో అభిషేక్‌ శర్మ(14), ట్రావిస్‌ హెడ్‌(13) పరుగులతో ఉన్నారు. ఐపీఎల్‌-2024లో భాగంగా స‌న్‌రైజ‌ర్స్ హైద‌రాబాద్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌లో ఆర్సీబీ రెండు మార్పుల‌తో బ‌రిలోకి దిగింది. గ్లెన్ మాక్స్‌వెల్‌, సిరాజ్ ఈ మ్యాచ్‌కు దూర‌మ‌య్యారు. ఆర్సీబీ తుది జ‌ట్టులోకి కివీస్ ఫాస్ట్ బౌల‌ర్ లూకీ ఫెర్గూస‌న్ వ‌చ్చాడు. స‌న్‌రైజ‌ర్స్ మాత్రం త‌మ జ‌ట్టులో ఎటువంటి మార్పులు చేయ‌లేదు. తుది జ‌ట్లు సన్‌రైజర్స్ హైదరాబాద్: ట్రావిస్ హెడ్, అభిషేక్ శర్మ, ఐడెన్ మార్క్‌రామ్, నితీష్ రెడ్డి, హెన్రిచ్ క్లాసెన్(వికెట్ కీప‌ర్‌), అబ్దుల్ సమద్, షాబాజ్ అహ్మద్, పాట్ కమిన్స్(కెప్టెన్‌), భువనేశ్వర్ కుమార్, జయదేవ్ ఉనద్కత్, టి నటరాజన్ రాయల్ ఛాలెంజర్స్ బెంగళూరు: విరాట్ కోహ్లీ, ఫాఫ్ డు ప్లెసిస్(కెప్టెన్‌), విల్ జాక్స్, రజత్ పటీదార్, సౌరవ్ చౌహాన్, దినేష్ కార్తీక్(వికెట్ కీప‌ర్‌), మహిపాల్ లోమ్రోర్, విజయ్‌కుమార్ వైషాక్, రీస్ టోప్లీ, లాకీ ఫెర్గూసన్, యశ్ దయాల్

ఐపీఎల్‌-2024లో రాయల్‌ ఛాలెంజర్స్‌ బెంగళూరు స్టార్‌ పేసర్‌ మహ్మద్‌ సిరాజ్‌ తన స్ధాయికి తగ్గ ప్రదర్శన చేయలేకపోతున్నాడు. ఈ ఏడాది సీజన్‌లో తొలి మ్యాచ్‌ నుంచే సిరాజ్‌ దారుణంగా విఫలమవుతున్నాడు. వికెట్లు విషయం పక్కన పెడితే రన్స్‌ను కూడా భారీగా సమర్పించుకుంటున్నాడు. గురువారం ముంబై ఇండియన్స్‌తో జరిగిన మ్యాచ్‌లో సైతం సిరాజ్‌ పూర్తిగా తేలిపోయాడు. ముంబైతో మ్యాచ్‌లో 3 ఓవర్లు బౌలింగ్‌ చేసిన సిరాజ్‌ వికెట్‌ ఏమీ తీయకుండా ఏకంగా 37 పరుగులిచ్చాడు. ఈ ఏడాది సీజన్‌లో ఇప్పటివరకు 6 మ్యాచ్‌లు ఆడిన ఈ హైదరాబాదీ 57. 25 సగటుతో కేవలం 4 వికెట్లు మాత్రమే పడగొట్టాడు. ఈ నేపథ్యంలో మహ్మద్‌ సిరాజ్‌ను ఉద్దేశించి  భారత మాజీ స్పిన్నర్‌ హర్భజన్ సింగ్ ఆసక్తికర వ్యాఖ్యలు చేశాడు. సిరాజ్‌ బాగా ఆలిసిపోయాడని, అతడికి కొన్ని మ్యాచ్‌లకు విశ్రాంతి ఇవ్వాలని ఆర్సీబీ మెనెజ్‌మెంట్‌ను భజ్జీ సూచించాడు. "మహ్మద్‌ సిరాజ్‌ మానసికంగా, ఫిజికల్‌గా బాగా ఆలసిపోయినట్లు కన్పిస్తున్నాడు. అతడికి ప్రస్తుతం విశ్రాంతి అవసరం. అతడు గత కొంత కాలంగా విశ్రాంతి లేకుండా క్రికెట్‌ ఆడుతున్నాడు. సిరాజ్‌ ఐపీఎల్‌కు ముందు ఇంగ్లండ్‌తో నాలుగు టెస్టు మ్యాచ్‌లు ఆడాడు. నేనే ఆర్సీబీ మేనేజ్‌మెంట్‌లో భాగమైతే అతడికి రెండు మ్యాచ్‌లకు విశ్రాంతి ఇస్తాను. ఏమి జరుగుతుందో తను ఆర్ధం చేసుకోవడానికి అతడికి ఆ సమయం ఉపయోగపడుతోంది. సిరాజ్‌ అద్బుతమైన బౌలర్‌ అని మనకు తెలుసు. ఫార్మాట​్‌తో సంబంధం లేకుండా కొత్త బంతితో వికెట్లు తీయడం అతడి స్పెషల్‌. కచ్చితంగా ముంబైతో మ్యాచ్‌ అతడికి పీడ కలవంటింది. కానీ సిరాజ్‌కు రెస్ట్‌ ఇస్తే అద్భుతంగా కమ్‌బ్యాక్‌ ఇస్తాడని నేను నమ్ముతున్నాను. గతంలో నేను కూడా ఇటువంటి పరిస్థితులు ఎదుర్కొన్నానని" స్టార్‌ స్పోర్ట్స్‌కు ఇచ్చిన ఇంటర్వ్యూలో హర్భజన్ సింగ్ పేర్కొన్నాడు.

ఐపీఎల్-2024లో రాయల్‌ ఛాలెంజర్స్‌ బెంగళూరు పేలవ ప్రదర్శన కొనసాగుతోంది. ఈ లీగ్‌లో భాగంగా గురువారం వాంఖడే స్టేడియంలో ముంబై ఇండియన్స్‌తో జరిగిన మ్యాచ్‌లో 7 వికెట్ల తేడాతో ఆర్సీబీ ఓటమి పాలైంది. ఈ మ్యాచ్‌లో బ్యాటింగ్‌ పరంగా పర్వాలేదన్పించిన ఆర్సీబీ.. బౌలింగ్‌లో మాత్రం దారుణంగా విఫలమైంది. 197 పరుగుల భారీ లక్ష్యాన్ని ఆర్సీబీ బౌలర్లు ఢిపెండ్‌ చేయలేకపోయారు.  ఈ ఏడాది సీజన్‌లో ఇప్పటివరకు 6 మ్యాచ్‌లు ఆడిన ఆర్సీబీ కేవలం ఒక్క మ్యాచ్‌లో మాత్రమే విజయం సాధించి.. పాయింట్ల పట్టికలో 9వ స్ధానంలో కొనసాగుతోంది. ఈ నేపథ్యంలో ఆర్సీబీ జట్టుకు భారత మాజీ క్రికెటర్‌ హేమంగ్‌ బదానీ కీలక సూచనలు చేశాడు. ఆర్సీబీ ప్రాంఛైజీకి మెరుగైన టాలెంట్ స్కౌట్స్ అవసరమని బదానీ అన్నాడు.  "ఆర్సీబీ ఫ్రాంచైజీలో సరైన టాలెంట్‌డ్‌ స్కౌట్‌లు లేరు. ఆర్సీబీకి మెరుగైన టాలెంట్ స్కౌటింగ్ సిస్టమ్ కూడా అవసరం. గత కొన్ని సీజన్ల నుంచి ఆర్సీబీ స్కౌటింగ్ విభాగంలో కాస్త  గందరగోళం నెలకొంది. కాబట్టి రాబోయో సీజన్లలోనైనా ఆర్సీబీ ఫ్రాంచైజీ స్కౌటింగ్ విభాగానికి తగిన ప్రాధాన్యత ఇస్తుందని" నేను ఆశిస్తున్నానని బదార్‌ ఎక్స్‌లో రాసుకొచ్చాడు. కాగా ప్రతీ ఫ్రాంఛైజీలోను టాలెంట్‌డ్‌ స్కౌట్‌ ఉంటారు. ఐపీఎల్‌ వేలానికి ముందు దేశవ్యాప్తంగా క్రికెట్‌ టయల్స్‌ నిర్వహించి ప్రతిభగల యువ క్రికెటర్లను గుర్తించడమే ఈ టాలెంట్‌డ్‌ స్కౌట్‌లు పని. అలా గుర్తించిన ఆటగాళ్లను వేలంలో దక్కించుకోనుందుకు ఫ్రాంచైజీలకు  స్కౌట్‌లు సిఫారస్సు చేస్తారు. 

ముంబై ఇండియన్స్‌ స్టార్‌ పేసర్‌, టీమిండియా పేస్‌ గుర్రం జస్ప్రీత్‌ బుమ్రా అరుదైన ఘనత సాధించాడు. ఐపీఎల్‌ చరిత్రలోనే రాయల్‌ ఛాలెంజర్స్‌ బెంగళూరు జట్టుపై 5 వికెట్ల ఘనత సాధించిన తొలి బౌలర్‌గా బుమ్రా రికార్డలకెక్కాడు. ఐపీఎల్‌-2024లో భాగంగా వాంఖడే వేదికగా ఆర్సీబీతో మ్యాచ్‌లో బుమ్రా ఐదు వికెట్లతో చెలరేగాడు. తద్వారా ఈ అరుదైన ఫీట్‌ను తన పేరిట బుమ్రా లిఖించుకున్నాడు. బుమ్రా కంటే ముందు  ఎవరూ ఆర్సీబీపై ఫైవ్‌ వికెట్ల హాల్‌ సాధించలేదు. గతంలో ఆశిష్‌ నెహ్రా సీఎస్‌కే తరపున ఆడుతున్నప్పుడు ఆర్సీబీ 4 వికెట్ల ఘనత మాత్రమే నమోదు చేశాడు. ఇక బుమ్రాకు ఇది ఐపీఎల్‌లో రెండో ఫైవ్‌ వికెట్ల హాల్‌ కావడం గమానార్హం. ఈ మ్యాచ్‌లో తృటిలో హ్యాట్రిక్‌ వికెట్లు తీసే అవకాశాన్ని బుమ్రా కోల్పోయాడు. తన బౌలింగ్‌తో ప్రత్యర్ధి బ్యాటర్లను ముప్పు తిప్పులు పెట్టాడు. విరాట్‌ కోహ్లి వంటి స్టార్‌ ఆటగాడిని సైతం బుమ్రానే ఔట్‌ చేశాడు.  బుమ్రా తన నాలుగు ఓవర్లలో కోటాలో కేవలం 21 పరుగులు మాత్రమే ఇచ్చి 5 వికెట్లు సాధించాడు. అద్బుత ప్రదర్శనకు గాను బుమ్రాకు ప్లేయర్‌ ఆఫ్‌ది మ్యాచ్‌ అవార్డు వరించింది. ఇక ఈ మ్యాచ్‌లో ఆర్సీబీపై 7 వికెట్ల తేడాతో ముంబై ఇండియన్స్‌ ఘన విజయం సాధించింది. Jasprit Bumrah becomes the FIRST player to take an IPL fifer against RCB. pic.twitter.com/z5WmLlPbiF — Kausthub Gudipati (@kaustats) April 11, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు స్టార్‌ ఆల్‌రౌం‍డర్‌ గ్లెన్‌ మాక్స్‌వెల్‌ మరోసారి నిరాశపరిచాడు. ఈ మెగా ఈవెంట్‌లో భాగంగా గురువారం వాంఖడే వేదికగా జరిగిన మ్యాచ్‌లో మాక్స్‌వెల్‌ డకౌటయ్యాడు. నాలుగు బంతులు ఎదుర్కొన్న మాక్స్‌వెల్‌ ఖాతా తెరవకుండానే శ్రేయాస్‌ గోపాల్‌ బౌలింగ్‌లో పెవిలియన్‌కు చేరాడు. ఇక ఈ మ్యాచ్‌లో డకౌటైన మాక్సీ అత్యంత చెత్త రికార్డును తన ఖాతాలో వేసుకున్నాడు. ఐపీఎల్‌లో అత్యధిక సార్లు డకౌటైన ఆటగాడిగా దినేష్‌ కార్తీక్‌, రోహిత్‌ శర్మ సరసన మాక్స్‌వెల్‌ చేరాడు. మాక్స్‌వెల్‌ ఇప్పటివరకు 17 సార్లు ఐపీఎల్‌లో డకౌట్‌లు కాగా.. రోహిత్‌, కార్తీక్‌ 17 సార్లు ఖాతా తెరవకుండానే పెవిలియన్‌కు చేరారు. కాగా ఈ ఏడాది సీజన్‌ తొలి మ్యాచ్‌ నుంచే మాక్స్‌వెల్‌ నిరాశపరుస్తున్నాడు.  ఈ ఏడాది సీజన్‌లో ఇప్పటివరకు 6 మ్యాచ్‌లు ఆడిన మాక్స్‌వెల్‌.. కేవలం 32 పరుగులు మాత్రమే చేశాడు. కేవలం ఒక్కసారి మాత్రమే డబుల్‌ డిజిట్‌ స్కోర్‌ సాధించాడు. రాబోయో మ్యాచ్‌ల్లో అతడిపై వేటు పడే అవకాశముంది. కాగా ఈ మ్యాచ్‌లో ముంబై చేతిలో ఆర్సీబీ 7 వికెట్ల తేడాతో ఓటమి పాలైంది.

ఐపీఎల్‌-2024లో భాగంగా వాంఖడే వేదికగా ముంబై ఇండియన్స్‌తో జరిగిన మ్యాచ్‌లో ఆర్సీబీ బౌలర్‌ రీస్‌ టాప్లీ సంచలన క్యాచ్‌తో మెరిశాడు. టాప్లీ అద్బుత క్యాచ్‌తో మంచి ఊపు మీద ఉన్న రోహిత్‌ శర్మను పెవిలియన్‌కు పంపాడు. ముంబై ఇన్నింగ్స్‌ 12వ ఓవర్‌ వేసిన విల్‌ జాక్స్‌ బౌలింగ్‌లో రెండో బంతిని రోహిత్‌ షార్ట్ ఫైన్ లెగ్ వైపు స్వీప్‌ షాట్‌ ఆడాడు. ఈ క్రమంలో షార్ట్ ఫైన్ లెగ్‌లో ఉన్న టాప్లీ ఎడమవైపు ఫుల్-లెంగ్త్ డైవ్ చేసి అద్భుతమైన సింగిల్‌ హ్యాండ్‌ క్యాచ్‌ను అందుకున్నాడు. టాప్లీ క్యాచ్‌తో వాంఖడే స్టేడియం మొత్తం సైలెంట్‌ అయిపోయింది. రోహిత్‌ కూడా ఒక్కసారిగా బిత్తరపోయాడు. చేసేదేమి లేక 38 పరుగులు చేసిన రోహిత్‌ నిరాశతో మైదానాన్ని వీడాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు ఐపీఎల్‌ చరిత్రలోనే సూపర్‌ క్యాచ్‌ అంటూ కామెంట్లు చేస్తున్నారు. కాగా ఈ మ్యాచ్‌లో ముంబై ఇండియన్స్‌ చేతిలో ఆర్సీబీ 7 వికెట్ల తేడాతో ఓటమి పాలైంది. 197 పరుగుల లక్ష్యంతో బరిలోకి దిగిన ముంబై కేవలం 3 వికెట్లు మాత్రమే కోల్పోయి ఛేదించింది. ముంబై బ్యాటర్లలో ఇషాన్‌ కిషన్‌(34 బంతుల్లో 69) టాప్‌ స్కోరర్‌గా నిలవగా.. సూర్యకుమార్‌ యాదవ్‌(52), రోహిత్‌ శర్మ(38) పరుగులతో రాణించారు. ఆర్సీబీ బౌలర్లలో విల్‌ జాక్స్‌, విజయ్‌ కుమార్‌, ఆకాష్‌ దీప్‌ తలా వికెట్‌ సాధించారు. అంతకుముందు బ్యాటింగ్‌ చేసిన ఆర్సీబీ 8 వికెట్ల నష్టానికి 196 పరుగులు చేసింది. ఆర్సీబీ బ్యాటర్లలో కెప్టెన్‌ డుప్లెసిస్‌(61), కార్తీక్‌(53) పరుగులతో రాణించారు. ముంబై బౌలర్లలో జస్పీత్‌ బుమ్రా ఐదు వికెట్లతో చెలరేగాడు. WHAT A CATCH! Reece Topley takes a blinder to dismiss Rohit Sharma. Watch the match LIVE on @StarSportsIndia and @JioCinema 💻📱#TATAIPL | #MIvRCB pic.twitter.com/wBAiSbBCoW — IndianPremierLeague (@IPL) April 11, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు తీరు ఏ మాత్రం మారలేదు. ఈ మెగా ఈవెంట్‌లో ఆర్సీబీ మరో ఘోర ఓటమిని చవిచూసింది. వాంఖడే స్టేడియం వేదికగా ముంబై ఇండియన్స్‌తో జరిగిన మ్యాచ్‌లో 7 వికెట్ల తేడాతో బెంగళూరు పరాజయం పాలైంది. ఈ మ్యాచ్‌లో ఆర్సీబీ బ్యాటర్లు అదరగొట్టినప్పటికి.. బౌలర్లు మాత్రం దారుణంగా తేలిపోయారు. 197 పరుగుల భారీ లక్ష్యాన్ని ఆర్సీబీ బౌలర్లు కాపాడుకోలేకపోయారు. ముంబై సునాయాసంగా కేవలం 15.3 ఓవర్లలో 3 వికెట్లు కోల్పోయి చేధించింది. ఈ ఏడాది సీజన్‌లో ఇప్పటివరకు 6 మ్యాచ్‌లు ఆడిన ఆర్సీబీ కేవలం ఒక్క మ్యాచ్‌లో మాత్రమే విజయం సాధించి.. పాయింట్ల పట్టికలో 9వ స్ధానంలో కొనసాగుతోంది. ఇక ఈ ముంబై చేతిలో ఓటమిపై మ్యాచ్‌ అనంతరం ఫాప్‌ డుప్లెసిస్‌ స్పందించాడు. మంచు ప్రభావం తమ కొంపముంచిందని డుప్లెసిస్‌ తెలిపాడు. "మేము ఈ ఓటమిని జీర్ణించుకోలేకపోతున్నాం. చాలా బాధగా ఉంది. ఒక మ్యాచ్‌లో విజయం సాధించాలంటే బౌలింగ్‌, బ్యాటింగ్‌ రెండు విభాగాల్లోనూ రాణించాలి. టాస్‌ గెలిచింటే పరిస్థితి మరో విధంగా ఉండేదేమో. ఎందుకంటే మేము కూడా తొలుత బౌలింగ్‌ చేయాలనుకున్నాం. రెండో ఇన్నింగ్స్‌లో మంచు ప్రభావం ఎక్కువగా ఉంది. మా బౌలర్లు చాలా ఇబ్బంది పడ్డారు.అయితే దీనిని నేను సాకుగా చెప్పాలనుకోవడం లేదు. వారు బాగా ఆడారు. మాపై ఒత్తిడి తెచ్చారు. బౌలింగ్‌లో కూడా అద్బుతంగా రాణించారు. ఈ మ్యాచ్‌లో మేము కూడా చాలా తప్పులు చేశాము. ఇటువంటి వికెట్‌పై 190 పైగా స్కోర్‌ను డిఫెండ్‌ చేసుకోవడం అంత ఈజీ కాదు. పవర్‌ప్లేలో మేము మరి కొన్ని పరుగులు సాధించింటే బాగుండేంది. సెకెండ్‌ ఇన్నింగ్స్‌లో మంచు ప్రభావం ఉంటుందని మాకు ముందే తెలుసు కాబట్టి 250 పైగా పరుగులు చేయాల్సింది. ఆరంభంలో వికెట్లు కోల్పోడం కూడా మమ్మల్ని దెబ్బతీసింది. అయితే పాటిదార్‌, నేను క్రీజులో ఉన్నప్పుడు పెద్ద స్కోర్‌ వస్తుందని భావించాను. కానీ ముంబై బౌలర్లు తిరిగి కమ్‌బ్యాక్‌ ఇచ్చారు. ముఖ్యంగా బుమ్రా అద్బుతంగా బౌలింగ్‌ చేశాడు. అతడు డెత్‌ ఓవర్లలో సూపర్‌ బౌలింగ్‌ చేశాడు. అతడికి అద్బుతమైన బౌలింగ్‌ స్కిల్స్‌ ఉన్నాయి. బుమ్రాని ఎటాక్‌ చేసి ఒత్తిడిలోకి నెట్టడం అంత సలభం కాదు. లసిత్ మలింగ గైడన్స్‌లో  జస్ప్రీత్‌ మరింత మెరుగయ్యాడని నేను భావిస్తున్నాను. అటువంటి క్లాస్‌ బౌలర్‌ మా జట్టులో ఉంటే బాగుండేది. మా బౌలింగ్‌ విభాగం అంత పటిష్టంగా లేదని మాకు తెలుసు. కాబట్టి రాబోయో మ్యాచ్‌ల్లో బ్యాటింగ్‌ పరంగా మెరుగ్గా రాణించి భారీ స్కోర్లు సాధించాలని" పోస్ట్‌ మ్యాచ్‌ ప్రేజేంటేషన్‌లో ఫాప్‌ పేర్కొన్నాడు.

ఐపీఎల్‌-2024లో ఆర్సీబీ మరో ఘోర ఓటమి చూవిచూసింది. వాంఖడే వేదికగా ముంబై ఇండియన్స్‌తో జరిగిన మ్యాచ్‌లో 7 వికెట్ల తేడాతో ఆర్సీబీ ఓటమి పాలైంది. ఈ మ్యాచ్‌లో ఆర్సీబీ బౌలర్లు దారుణంగా విఫలమయ్యారు. 197 పరుగుల భారీ లక్ష్యాన్ని ఆర్సీబీ బౌలర్లు కాపాడుకోలేకపోయారు. గల్లీ బౌలర్లు కంటే దారుణంగా బౌలింగ్‌ చేసిన ఆర్సీబీ బౌలర్లు.. మ్యాచ్‌ను ముంబైకు సమర్పించుకున్నారు. ఆర్సీబీ చెత్త బౌలింగ్‌ కారణంగా ముంబై 197 పరుగుల భారీ లక్ష్యాన్ని కేవలం 3 వికెట్లు కోల్పోయి 15.3 ఓవర్లలోనే ఊదిపడేసింది. ముంబై బ్యాటర్లు ఇషాన్‌ కిషన్‌(69),సూర్యకుమార్‌ యాదవ్‌(52) బెంగళూరు బౌలర్లను ఊచకోత కోశారు.కనీసం ముంబై బ్యాటర్లు అడ్డుకోవడానికి ఏ ఒక్క బౌలర్‌ కూడా ప్రయత్నించలేదు. సిరాజ్‌, టాప్లీ లాంటి అంతర్జాతీయ స్ధాయి బౌలర్లు సైతం చేతులెత్తేశారు. Let's all laugh at RCB bowlers and RCB fans 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂#MIvsRCBpic.twitter.com/ieTsdguKOd — 𝑃𝑖𝑘𝑎𝑐ℎ𝑢☆•° (@11eleven_4us) April 11, 2024 సిరాజ్‌ 3 ఓవర్లలో 37 పరుగులు సమర్పించుకోగా.. టాప్లీ కూడా 3 ఓవర్లలో 34 పరుగులిచ్చాడు. ఇక జూనియర్‌ బౌలర్ల విషయానికి వస్తే.. ఆకాష్‌ దీప్‌ అయితే బౌలింగ్‌లో ఏకంగా హాఫ్‌ సెంచరీ కొట్టేశాడు. 3.3 ఓవర్లలో ఆకాష్‌ ఏకంగా 55 పరుగులిచ్చి ఒక్క వికెట్‌ పడగొట్టాడు. అటు విజయ్‌కుమార్‌ వైశ్యాఖ్‌ సైతం భారీ పరుగులు సమర్పించుకున్నాడు. ఓవరాల్‌గా మరోసారి ఆర్సీబీ ఓటమిలో బౌలర్లు  కీలక పాత్ర పోషించారు. ఈ క్రమంలో ఆర్సీబీ బౌలర్లను నెటిజన్లు దారుణంగా ట్రోలు చేస్తున్నారు. మీకెందుకు ఆట దండగా.. వెళ్లి గల్లీ క్రికెట్‌ ఆడుకోండి అంటూ పోస్ట్‌లు చేస్తున్నారు. Rcb Fans 😭 pic.twitter.com/c5yZNzaTnd — Gagan🇮🇳 (@1no_aalsi_) April 11, 2024

ఐపీఎల్‌-2024లో తన తొలి మ్యాచ్‌లో విఫలమైన ముంబై ఇండియన్స్‌ బ్యాటర్‌ సూర్యకుమార్‌ యాదవ్‌.. రెండో మ్యాచ్‌లో మాత్రం ఆకాశమే హద్దుగా చెలరేగిపోయాడు. ఈ మెగా ఈవెంట్‌లో భాగంగా వాంఖడే వేదికగా రాయల్‌ ఛాలెంజర్స్‌ బెంగళూరుతో మ్యాచ్‌లో సూర్యకుమార్‌ విధ్వంసం సృష్టించాడు. ఇంపాక్ట్‌ ప్లేయర్‌గా బరిలోకి దిగిన సూర్య భాయ్‌ ఆర్సీబీ బౌలర్లను ఊచకోత కోశాడు. క్రీజులోకి వచ్చినప్పటి నుంచే ప్రత్యర్ధి బౌలర్లను తన ట్రేడ్‌ మార్క్‌ షాట్లతో స్కై వీరవీహరం చేశాడు. ఈ క్రమంలో కేవలం 17 బంతుల్లోనే తన హాఫ్‌ సెంచరీ ​మార్క్‌ను అందుకున్నాడు. ఓవరాల్‌గా 19 బంతులు ఎదుర్కొన్న సూర్యకుమార్‌.. 5 ఫోర్లు, 4 సిక్స్‌లతో 52 పరుగులు చేశాడు. కాగా అతడికి ఇది తన ఐపీఎల్‌లో కెరీర్‌లోనే ఫాస్ట్‌స్ట్‌ హాఫ్‌ సెంచరీ కావడం విశేషం. అదేవిధంగా ఐపీఎల్‌లో ముంబై ఇండియన్స్‌ తరపున ఫాస్టెస్ట్‌ ఫిప్టీ నమోదు చేసిన రెండో ఆటగాడిగా మిస్టర్‌ 360 నిలిచాడు. ఈ జాబితాలో ఇషాన్‌ కిషన్‌ తొలి స్ధానంలో ఉన్నాడు. ఐపీఎల్‌-2021 సీజన్‌లో ఎస్‌ఆర్‌హెచ్‌పై కిషన్‌ కేవలం 16 బంతుల్లోనే ఆర్ధశతకాన్ని సాధించాడు. ఇక సూర్యకుమార్‌ విధ్వంసకర ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు వెలకమ్‌ బ్యాక్‌ టూ సూర్యభాయ్‌ అంటూ కామెంట్లు చేస్తున్నారు. కాగా టీ20 వరల్డ్‌కప్‌కు ముందు సూర్య ఈ తరహా ప్రదర్శన చేయడం భారత జట్టుకు కలిసొచ్చే ఆంశం. pic.twitter.com/4Z9pwCdawR — Muskaan Bhatt (@MuskaanBhatt11) April 11, 2024

ఐపీఎల్‌-2024లో ముంబై ఇండియన్స్‌తో జరిగిన మ్యాచ్‌లో ఆర్సీబీ 7 వికెట్ల తేడాతో ఓటమి పాలైంది. 197 పరుగుల భారీ లక్ష్యాన్ని ముంబై ఇండియన్స్‌ కేవలం 15.3 ఓవర్లలోనే మూడు వికెట్లు కోల్పోయి చేధించింది. అయితే ఈ మ్యాచ్‌లో ఆర్సీబీ ఓటమి పాలైనప్పటికి ఆ జట్టు వికెట్‌ కీపర్‌ బ్యాటర్‌ దినేష్‌ కార్తీక్‌ మాత్రం తన బ్యాటింగ్‌తో అందరని ఆకట్టుకున్నాడు. మరోసారి కార్తీక్‌ ఫినిషర్‌గా అవతారమెత్తాడు. ఐదో స్ధానంలో బ్యాటింగ్‌కు వచ్చిన డీకే.. ముంబై బౌలర్లలపై విరుచుకుపడ్డాడు. రివర్స్‌ స్వీప్‌, స్కూప్‌ షాట్లతో కా​ర్తీక్‌ ఆలరించాడు. ఆర్సీబీ 196 పరుగుల భారీ స్కోర్‌ సాధించడంలో కార్తీక్‌ కీలక పాత్ర పోషించాడు. ఈ మ్యాచ్‌లో కేవలం 23 బంతులు మాత్రమే ఎదుర్కొన్న కార్తీక్‌.. 5 ఫోర్లు, 4 సిక్స్‌లతో 53 పరుగులు చేసి నాటౌట్‌గా నిలిచాడు. అయితే కార్తీక్‌ విధ్వంసకర ఇన్నింగ్స్‌కు ముంబై ఇండియన్స్‌ స్టార్‌ ఆటగాడు రోహిత్‌ శర్మ సైతం ఫిదా అయిపోయాడు. తొలి ఇన్నింగ్స్‌ ముగిసిన తర్వాత రోహిత్‌ శర్మ.. కార్తీక్‌ వద్దకు వెళ్లి చప్పట్లు కొడుతూ అభినంధించాడు. అంతేకాకుండా డీకే భాయ్‌ నీవు టీ20 వరల్డ్‌కప్‌లో ఆడాలంటూ రోహిత్‌ నవ్వుతూ ఉన్నాడు. కార్తీక్‌ కూడా ఒకే అన్నట్లు నవ్వుతూ రియాక్షన్‌ ఇచ్చాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. Rohit Sharma teasing DK with " World Cup Khelna hai saabash"😂#RCBvMIpic.twitter.com/F01TTl1szu — Sunil the Cricketer (@1sInto2s) April 11, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు ఆటగాడు దినేష్‌ కార్తీక్‌ మరోసారి విధ్వంసకర ఇన్నింగ్స్‌ ఆడాడు. ఈ మెగా ఈవెంట్‌లో భాగంగా వాంఖడే వేదికగా ముంబై ఇండియన్స్‌తో మ్యాచ్‌లో కార్తీక్‌ ఆకాశమే హద్దుగా చెలరేగిపోయాడు. ఐదో స్ధానంలో బ్యాటింగ్‌కు వచ్చిన కార్తీక్‌.. ప్రత్యర్ధి బౌలర్లను ఊచకోత కోశాడు. కార్తీక్‌ తన ‍ట్రేడ్‌ మార్క్‌ షాట్లతో అభిమానులను అలరించాడు. ముఖ్యంగా ముంబై పేసర్‌ ఆకాష్‌ మధ్వాల్‌ను డీకే ఓ ఆట ఆడేసుకున్నాడు. ఆకాష్‌ మధ్వాల్‌ వేసిన తన ఆఖరి రెండు ఓవర్లలో కార్తీక్‌ ఏకంగా 38 పరుగులు రాబట్టాడు. ఓవరాల్‌గా ఈ మ్యాచ్‌లో కేవలం 23 బంతులు మాత్రమే ఎదుర్కొన్న కార్తీక్‌.. 5 ఫోర్లు, 4 సిక్స్‌లతో 53 పరుగులు చేసి నాటౌట్‌గా నిలిచాడు. అతడు ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దీంతో కార్తీక్‌పై నెటిజన్లు ప్రశంసల వర్షం కురిపిస్తున్నాడు. డీకే ది ఫినిషర్‌ అంటూ కామెంట్లు చేస్తున్నాడు. అతడి విధ్వంసకర ఇన్నింగ్స్‌ ఫలితంగా ఆర్సీబీ నిర్ణీత 20 ఓవర్లలో 6 వికెట్ల నష్టానికి 196 పరుగులు చేసింది. ఆర్సీబీ బ్యాటర్లలో కెప్టెన్‌ డుప్లెసిస్‌(61) పరుగులతో టాప్‌ స్కోరర్‌గా నిలిచాడు. ఇక ముంబై బౌలర్లలో జస్ప్రీత్‌ బుమ్రా 5 వికెట్లతో చెలరేగాడు. pic.twitter.com/dBwUH5hlgA — Sitaraman (@Sitaraman112971) April 11, 2024

ఐపీఎల్‌-2024లో రాయల్‌ ఛాలెంజర్స్‌ బెంగళూరు స్టార్‌ ఆల్‌రౌండర్‌ గ్లెన్‌ మాక్స్‌వెల్‌ తన పేలవ ఫామ్‌ను కొనసాగిస్తున్నాడు. ఈ ఏడాది సీజన్‌లో మాక్స్‌వెల్‌ రెండో సారి డకౌటయ్యాడు. ఈ మెగా ఈవెంట్‌లో భాగంగా వాంఖడే వేదికగా ముంబై ఇండియన్స్‌తో మ్యాచ్‌లో మాక్స్‌వెల్‌ తీవ్ర నిరాశపరిచాడు. కీలక సమయంలో క్రీజులోకి వచ్చిన మాక్సీ.. చెత్త షాట్‌ ఆడి ఖాతా తెరవకుండానే పెవిలియన్‌కు చేరాడు. ఆర్సీబీ ఇన్నింగ్స్‌ 13 ఓవర్‌లో శ్రేయాస్‌ గోపాల్‌ వేసిన బంతిని సరిగ్గా అంచనా వేయడంలో విఫలమైన మాక్స్‌వెల్‌.. వికెట్ల ముందు దొరికిపోయాడు. దీంతో నాలుగు బంతులు ఎదుర్కొని క ఈ ఏడాది సీజన్‌లో ఇప్పటివరకు 6 మ్యాచ్‌లు ఆడిన మాక్స్‌వెల్‌.. కేవలం 32 పరుగులు మాత్రమే చేశాడు. కేవలం ఒక్కసారి మాత్రమే డబుల్‌ డిజిట్‌ స్కోర్‌ సాధించాడు. ఈ క్రమంలో అతడి ఆర్సీబీ అభిమానులు దారుణంగా ట్రోలు చేస్తున్నారు. రూ. 11 కోట్లు తీసుకుని మరి ఇటువంటి చెత్త ఆడుతావా అంటూ కామెంట్లు చేస్తున్నారు. ఇప్పటికైనా అతడిని జట్టు నుంచి పక్కన పెట్టండి మరి కొంతమంది పోస్ట్‌లు చేస్తున్నారు. చదవండి: IPL 2024: ఫాప్ డుప్లెసిస్ 'నో లూక్‌' సిక్స్‌.. వీడియో వైరల్‌ pic.twitter.com/R2Bb8c5H6r — Sitaraman (@Sitaraman112971) April 11, 2024 Maxwell in every match ....🤣😭😭 pic.twitter.com/uwEBu43buT — Jo Kar (@i_am_gustakh) April 11, 2024

ఐపీఎల్‌-2024లో భాగంగా ముంబై ఇండియన్స్‌తో  రాయ‌ల్ ఛాలెంజ‌ర్స్ బెంగ‌ళూరు కెప్టెన్ ఫాప్ డుప్లెసిస్ అద్భుతమైన షాట్‌తో మెరిశాడు. డుప్లెసిస్‌ న్యూ లూక్‌ షాట్‌తో అందరిని ఆశ్చర్యపరిచాడు. ఆర్సీబీ ఇన్నింగ్స్‌ 2వ ఓవర్‌ వేసిన గెరాల్డ్‌ కోయిట్జీ ఆఖరి బంతిని డుప్లెసిస్‌కు 142.3 కి.మీ వేగంతో గుడ్‌ లెంగ్త్‌ డెలివరీ సంధించాడు. అయితే ముందుగానే పొజిషన్‌లో వచ్చిన డుప్లెసిస్‌.. బంతిని చూడకుండానే ర్యాంప్‌ షాట్‌ ఆడాడు. అయితే డెలివరీగా ఎక్కువగా పేస్‌ ఉండడంతో దెబ్బకు బంతి స్టాండ్స్‌లో పడింది. దీంతో డుప్లెసిస్‌ న్యూ లూక్‌ సిక్స్‌ చూసిన బౌలర్‌ కొయిట్జీ ఒక్కసారిగా తెల్లముఖం వేశాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. #MIvsRCB,#RCBvsMI,#FafDuPlessis Fabulous pic.twitter.com/24eiZQQtga — Be Positive 🙂‍↕️🌝💯 (@Tauqeer__azam) April 11, 2024

IPL 2024 MI vs RCB Live Updates: ఆర్సీబీని చిత్తు చేసిన ముంబై ఇండియన్స్‌ ఐపీఎల్‌-2024లో ముంబై ఇండియన్స్‌ రెండో విజయం నమోదు చేసింది. వాంఖడే వేదికగా ఆర్సీబీ జరిగిన మ్యాచ్‌లో 7 వికెట్ల తేడాతో ముంబై విజయం సాధించింది. 197 పరుగుల లక్ష్యంతో బరిలోకి దిగిన ముంబై కేవలం 3 వికెట్లు మాత్రమే కోల్పోయి ఛేదించింది. ముంబై బ్యాటర్లలో ఇషాన్‌ కిషన్‌(34 బంతుల్లో 69) టాప్‌ స్కోరర్‌గా నిలవగా.. సూర్యకుమార్‌ యాదవ్‌(52), రోహిత్‌ శర్మ(38) పరుగులతో రాణించారు. ఆర్సీబీ బౌలర్లలో విల్‌ జాక్స్‌, విజయ్‌ కుమార్‌, ఆకాష్‌ దీప్‌ తలా వికెట్‌ సాధించారు.   ముంబై మూడో వికెట్‌ డౌన్‌.. సూర్య ఔట్‌ సూర్యకుమార్‌ యాదవ్‌ రూపంలో ముంబై మూడో వికెట్‌ కోల్పోయింది. 52 పరుగులు చేసిన సూర్య.. విజయ్‌ కుమార్‌ వైశ్యాఖ్‌ బౌలింగ్‌లో పెవిలియన్‌కు చేరాడు. సూర్యకుమార్‌ యాదవ్‌ ఫిప్టీ.. సూర్యకుమార్‌ యాదవ్‌ విధ్వంసకర ఇన్నింగ్స్‌ ఆడుతున్నాడు. కేవలం 17 బంతుల్లోనే తన ఫిప్టీ మార్క్‌ను అందుకున్నాడు. 13 ఓవర్లకు ముంబై స్కోర్‌: 169/2 రెండో వికెట్‌ డౌన్‌.. 139 పరుగుల వద్ద ముంబై రెండో వికెట్‌ కోల్పోయింది. 38 పరుగులు చేసిన రోహిత్‌ శర్మ.. విల్‌ జాక్స్‌ బౌలింగ్‌లో ఔటయ్యాడు. 12 ఓవర్లు ముగిసేసరికి ముంబై రెండు వికెట్ల నష్టానికి 151 పరుగులు చేసింది. క్రీజులో సూర్యకుమార్‌ యాదవ్‌(34), హార్దిక్‌ పాండ్యా(7) పరుగులతో ఉన్నారు. తొలి వికెట్‌ కోల్పోయిన ముంబై.. 101 పరుగుల వద్ద ముంబై ఇండియన్స్‌ తొలి వికెట్‌ కోల్పోయింది. 69 పరుగులు చేసిన ఇషాన్‌ కిషన్‌.. ఆకాష్‌ దీప్‌ బౌలింగ్‌లో ఔటయ్యాడు. క్రీజులోకి సూర్యకుమార్‌ యాదవ్‌ వచ్చాడు. 10 ఓవర్లకు ముంబై స్కోర్‌: 111/1 క్రీజులో రోహిత్‌ శర్మ(34), సూర్యకుమార్‌ యాదవ్‌(5) పరుగులతో ఉన్నారు. 7 ఓవర్లకు ముంబై స్కోర్‌: 84/0 7 ఓవర్లు ముగిసే సరికి ముంబై వికెట్‌ నష్టపోకుండా 84 పరుగులు చేసింది. రోహిత్‌ శర్మ(26), ఇషాన్‌ కిషన్‌(56) పరుగులతో ఉన్నారు. 4 ఓవర్లకు ముంబై స్కోర్‌: 32/0 197 పరుగుల లక్ష్యంతో బరిలోకి దిగిన ముంబై ఇండియన్స్‌ 4 ఓవర్లు ముగిసే సరికి వికెట్‌ నష్టపోకుండా 32 పరుగులు చేసింది. క్రీజులో రోహిత్‌ శర్మ(8), ఇషాన్‌ కిషన్‌(22) పరుగులతో ఉన్నారు. దినేష్‌ కార్తీక్‌ విధ్వంసం​.. ముంబై టార్గెట్‌ 197 పరుగులు ముంబై ఇండియన్స్‌తో మ్యాచ్‌లో టాస్‌ ఓడి బ్యాటింగ్‌కు దిగిన ఆర్సీబీ నిర్ణీత 20 ఓవర్లలో 8 వికెట్ల నష్టానికి 196 పరుగులు చేసింది. ఆర్సీబీ బ్యాటర్లలో కెప్టెన్‌ డుప్లెసిస్‌(61) పరుగులతో టాప్‌ స్కోరర్‌గా నిలవగా.. ఆఖరిలో దినేష్‌ కార్తీక్‌ విధ్వంసకర ఇన్నింగ్స్‌ ఆడాడు. కేవలం 23 బంతుల్లోనే డీకే 5 ఫోర్లు, 4 సిక్స్‌లతో 53 పరుగులు చేసి ఆజేయంగా నిలిచాడు. వీరిద్దితో పాటు రజిత్‌ పాటిదార్‌(50) హాఫ్‌ సెంచరీతో మెరిశాడు. ఇక ముంబై బౌలర్లలో జస్ప్రీత్‌ బుమ్రా 5 వికెట్లతో చెలరేగగా.. ఆకాష్‌ మధ్వాల్‌, కోయిట్జీ, శ్రేయస్‌ గోపాల్‌ తలా వికెట్‌ సాధించారు. ఐదు వికెట్లతో చెలరేగిన బుమ్రా.. ఆర్సీబీ ఎనిమిదో వికెట్‌ డౌన్‌ ముంబై స్టార్‌ పేసర్‌ జస్ప్రీత్‌ బుమ్రా ఐదు వికెట్లతో చెలరేగాడు. బుమ్రా తన 4 ఓవర్ల కోటాలో 21 పరుగులివచ్చి 5 వికెట్లు పడగొట్టాడు. 19 ఓవర్లకు ఆర్సీబీ స్కోర్‌: 117/8. క్రీజులో దినేష్‌ కార్తీక్‌(36), ఆకాష్‌ దీప్‌(1) పరుగులతో ఉన్నారు. బుమ్‌ బుమ్‌ బుమ్రా.. ఒకే ఓవర్‌లో రెండు వికెట్లు ముంబై పేసర్‌ బుమ్రా దాటికి ఆర్సీబీ ఒకే ఓవర్‌లో రెండు వికెట్లు కోల్పోయింది. ఆర్సీబీ ఇన్నింగ్స్‌ 17వ ఓవర్‌ వేసిన బుమ్రా.. తొలుత ఫాప్‌ డుప్లెసిస్‌(61), మహిపాల్‌ లామ్రోర్‌ తర్వాత పెవిలియన్‌కు చేరాడు. 17 ఓవర్లకు ఆర్సీబీ స్కోర్‌: 154/6 15 ఓవర్లకు ఆర్సీబీ స్కోర్‌: 131/4 15 ఓవర్లు ముగిసే సరికి ఆర్సీబీ 4 వికెట్లు కోల్పోయి 131 పరుగులు చేసింది. క్రీజులో డుప్లెసిస్‌(58), దినేష్‌ కార్తీక్‌(6) పరుగులతో ఉన్నారు. నాలుగో వికెట్‌ డౌన్‌.. మాక్సీ ఔట్‌ మాక్స్‌వెల్‌ మరోసారి నిరాశపరిచాడు. శ్రేయస్‌ గోపాల్‌ బౌలింగ్‌లో మాక్స్‌వెల్‌ ఖాతా తెరవకుండానే ఔటయ్యాడు. 13 ఓవర్లకు ఆర్సీబీ స్కోర్‌: 111/4 మూడో వికెట్‌ డౌన్‌.. రజిత్‌ పాటిదార్‌ రూపంలో ఆర్సీబీ మూడో వికెట్‌ కోల్పోయింది. పాటిదార్‌ ఈ మ్యాచ్‌‌లో అద్భుతమైన ఇన్నింగ్స్‌ ఆడాడు. రజిత్‌ హాఫ్‌ సెంచరీతో మెరిశాడు. 26 బంతుల్లో 4 సిక్స్‌లు, మూడు ఫోర్లతో 50 పరుగులు చేశాడు. 6 ఓవర్లకు ఆర్సీబీ స్కోర్‌: 44/2 6 ఓవర్లు ముగిసే సరికి ఆర్సీబీ రెండు వికెట్ల నష్టానికి 44 పరుగులు చేసింది. క్రీజులో రజిత్‌ పాటిదార్‌(11), ఫాప్‌ డుప్లెసిస్‌(22) పరుగులతో ఉన్నారు. రెండో వికెట్‌ కోల్పోయిన ఆర్సీబీ.. 23 పరుగుల వద్ద ఆర్సీబీ రెండో వికెట్‌ కోల్పోయింది. 8 పరుగులు చేసిన విల్‌ జాక్స్‌.. ఆకాష్‌ మధ్వాల్‌ బౌలింగ్‌లో ఔటయ్యాడు. విరాట్‌ కోహ్లి ఔట్‌.. టాస్ ఓడి బ్యాటిం‍గ్‌కు దిగిన ఆర్సీబీకి ఆదిలోనే బిగ్ షాక్ తగిలింది. 3 పరుగులు చేసిన విరాట్ కోహ్లి.. జస్ప్రీత్ బుమ్రా బౌలింగ్‌లో ఔటయ్యాడు. 3 ఓవర్లకు ఆర్సీబీ స్కోర్‌: 18/1 ఐపీఎల్‌-2024లో భాగంగా వాంఖడే స్టేడియం వేదికగా రాయల్‌ ఛాలెంజర్స్‌ బెంగళూరు, ముంబై ఇండియన్స్‌ జట్లు తలపడుతున్నాయి. ఈ మ్యాచ్‌లో టాస్‌ గెలిచిన ముంబై ఇండియన్స్‌ తొలుత బౌలింగ్‌ ఎంచుకుంది. ముంబై ఒక మార్పుతో బరిలోకి దిగగా.. ఆర్సీబీ మాత్రం ఏకంగా మూడు మార్పులు చేసింది.  విల్‌ జాక్స్‌, మహిపాల్‌ లామ్రోర్, విజయ్‌కుమార్‌ వైశాఖ్‌ ఆర్సీబీ తుది జట్టులోకి వచ్చారు. తుది జట్లు రాయల్ ఛాలెంజర్స్ బెంగళూరు: విరాట్ కోహ్లి, ఫాఫ్ డు ప్లెసిస్ (కెప్టెన్‌​), విల్ జాక్స్, రజత్ పటీదార్, గ్లెన్ మాక్స్‌వెల్, దినేష్ కార్తీక్ (వికెట్‌ కీపర్‌), మహిపాల్ లొమ్రోర్, రీస్ టోప్లీ, విజయ్‌కుమార్ వైషాక్, మహ్మద్ సిరాజ్, ఆకాష్ దీప్ ముంబై ఇండియన్స్: రోహిత్ శర్మ, ఇషాన్ కిషన్(వికెట్‌ కీపర్‌), తిలక్ వర్మ, హార్దిక్ పాండ్యా(కెప్టెన్‌), టిమ్ డేవిడ్, రొమారియో షెపర్డ్, మహ్మద్ నబీ, శ్రేయాస్ గోపాల్, జస్ప్రీత్ బుమ్రా, గెరాల్డ్ కోయెట్జీ, ఆకాష్ మధ్వల్  

టీమిండియా మాజీ కెప్టెన్, రాయల్ ఛాలెంజర్స్ బెంగళూరు స్టార్ విరాట్ కోహ్లి అరుదైన ఘ‌న‌త సాధించాడు. ఐపీఎల్‌లో అత్య‌ధిక సిక్స్‌లు బాదిన ఆర్సీబీ ఆట‌గాడిగా విరాట్ రికార్డ‌ల‌కెక్కాడు. ఐపీఎల్‌-2024లో భాగంగా కోల్‌క‌తా నైట్‌రైడ‌ర్స్‌తో మ్యాచ్‌లో వ‌రుణ్ చ‌క్ర‌వ‌ర్తి బౌలింగ్‌లో సిక్స్ కొట్టిన‌ కోహ్లి.. ఈ అరుదైన రికార్డును త‌న ఖాతాలో వేసుకున్నాడు. ఇప్ప‌టివ‌ర‌కు కోహ్లి ఐపీఎల్‌లో 241 సిక్స్‌లు బాదాడు. కాగా ఇంత‌క‌ముందు ఈ రికార్డు యూనివ‌ర్స‌ల్ బాస్‌, ఆర్సీబీ మాజీ ఆట‌గాడు క్రిస్ గేల్ పేరిట ఉండేది. గేల్ ఐపీఎల్‌లో 239 సిక్స్‌లు బాదాడు. తాజా మ్యాచ్‌తో గేల్ రికార్డు బ‌ద్ద‌లైంది. ఇక ఈ మ్యాచ్‌లో కోహ్లి అద్బుత‌మైన ఇన్నింగ్స్ ఆడాడు.  58 బంతులు ఎదుర్కొన్న  4 ఫోర్లు, 4 సిక్స్‌లతో 83 పరుగులు చేశాడు. కానీ మ్యాచ్‌లో కేకేఆర్ చేతిలో ఆర్సీబీ 7 వికెట్ల తేడాతో ఓటమి పాలైంది. 183 ప‌రుగుల ల‌క్ష్యాన్ని కేకేఆర్ కేవ‌లం 16.5 ఓవ‌ర్ల‌లో 3 వికెట్లు కోల్పోయి ఛేదించింది. కేకేఆర్ బ్యాట‌ర్ల‌లో వెంక‌టేశ్ అయ్య‌ర్‌(50) ప‌రుగుల‌తో టాప్ స్కోర‌ర్‌గా నిల‌వ‌గా.. సునీల్ న‌రైన్‌(22 బంతుల్లో 47), కెప్టెన్ శ్రేయ‌స్ అయ్య‌ర్‌(39 నాటౌట్‌) అద్బుత‌మైన ఇన్నింగ్స్‌లు ఆడారు. ఆర్సీబీ బౌలర్లు పూర్తిగా తేలిపోయారు. And some people thinks this man shouldn't play T20 World Cup 🤡 83(53) 🔥🔥 @imVkohli#ViratKohli #Kohli #Virat #RCBvsKKR #KKRvsRCB @CricCrazyJohns @mufaddal_vohra pic.twitter.com/X4mXTkQNp0 — Ashu (@Satyam0798) March 29, 2024

టీమిండియా స్టార్ క్రికెట‌ర్‌, ఆర్సీబీ మాజీ కెప్టెన్ విరాట్ కోహ్లి అరుదైన ఘ‌న‌త సాధించాడు. టీ20 క్రికెట్‌లో అత్య‌ధిక క్యాచ్‌లు అందుకున్న భార‌త క్రికెట‌ర్‌గా విరాట్ రికార్డుల‌కెక్కాడు. ఐపీఎల్‌-2024లో భాగంగా బెంగ‌ళూరు వేదిక‌గా పంజాబ్ కింగ్స్‌తో మ్యాచ్‌లో బెయిర్ స్టో క్యాచ్‌ను అందుకున్న కోహ్లి.. ఈ అరుదైన ఘ‌న‌తను త‌న పేరిట లిఖించుకున్నాడు. కోహ్లి ఇప్పటివ‌ర‌కు టీ20ల్లో 173 క్యాచ్‌లు అందుకున్నాడు. ఇంత‌కుముందు ఈ రికార్డు భార‌త మాజీ ఆట‌గాడు సురేష్ రైనా పేరిట ఉండేది. టీ20 క్రికెట్‌లో రైనా 172 క్యాచ్‌లు అందుకున్నాడు. తాజా మ్యాచ్‌తో రైనా ఆల్‌టైమ్ రికార్డును కింగ్ కోహ్లి బ్రేక్ చేశాడు. కాగా ఈ మ్యాచ్‌లో టాస్ గెలిచిన ఆర్సీబీ కెప్టెన్ ఫాప్ డుప్లెసిస్ పంజాబ్‌ను తొలుత బ్యాటింగ్‌కు అహ్హ‌నించాడు.

IPL 2024 RCB vs PBKS Live Updates: ఆర్సీబీ ఘన విజయం ఐపీఎల్‌-2024లో రాయల్‌ ఛాలెంజర్స్‌ బెంగళూరు బోణీ కొట్టింది. చిన్నస్వామి స్టేడియం వేదికగా పంజాబ్‌ కింగ్స్‌తో జరిగిన మ్యాచ్‌లో 4 వికెట్ల తేడాతో ఆర్సీబీ విజయం సాధించింది. ఈ విజయంలో ఆ జట్టు స్టార్‌ బ్యాటర్‌ విరాట్‌ కోహ్లి(77) కీలక పాత్ర పోషించాడు. కోహ్లితో పాటు దినేష్‌ కార్తీక్‌(10 బంతుల్లో 28), మహిపాల్‌ లామ్రోర్‌(8 బంతుల్లో17) సైతం అద్బుత ఇన్నింగ్స్‌లు ఆడారు. ఫలితంగా 177 పరుగుల లక్ష్యాన్ని ఆర్సీబీ 6 వికెట్లు కోల్పోయి 19.2 ఓవర్లలో ఛేదించింది. ఆఖరి రెండు ఓవర్లలో ఆర్సీబీ విజయానికి 23 పరుగులు అవసరమవ్వగా కార్తీక్‌ ఫినిషర్‌గా మారాడు. వరుసగా బౌండరీలు బాదుతూ మ్యాచ్‌ను ఫినిష్‌ చేశాడు. పంజాబ్‌ బౌలర్లలో రబాడ, హర్‌ప్రీత్‌ బరార్‌ తలా రెండు వికెట్లు సాధించారు. ఐదో వికెట్ డౌన్‌..  విరాట్ కోహ్లి ఔట్‌ 130 ప‌రుగుల వ‌ద్ద ఆర్సీబీ ఐదో వికెట్ కోల్పోయింది. 77 ప‌రుగులు చేసిన విరాట్ కోహ్లి.. హ‌ర్ష‌ల్ ప‌టేల్ బౌలింగ్‌లో ఔటయ్యాడు. ఆర్సీబీ విజ‌యానికి 24 బంతుల్లో 47 ప‌రుగులు కావాలి.  నాలుగో వికెట్ డౌన్‌.. మాక్స్‌వెల్ ఔట్‌ 103 ప‌రుగుల వ‌ద్ద ఆర్సీబీ నాలుగో వికెట్ కోల్పోయింది. 3 ప‌రుగులు చేసిన మాక్స్‌వెల్‌.. బ‌రార్ బౌలింగ్‌లో క్లీన్ బౌల్డ‌య్యాడు. క్రీజులోకి రావ‌త్ వ‌చ్చాడు. 13 ఓవ‌ర్ల‌కు ఆర్సీబీ స్కోర్‌: 106/4, క్రీజులో కోహ్లి(64), రావ‌త్‌(2) ప‌రుగులతో ఉన్నారు. మూడో వికెట్ డౌన్‌.. పాటిదార్ ఔట్‌ 87 ప‌రుగుల వ‌ద్ద ఆర్సీబీ మూడో వికెట్ కోల్పోయింది. 18 ప‌రుగులు చేసిన ర‌జిత్ పాటిదార్‌.. బ‌రార్ బౌలింగ్‌లో క్లీన్ బౌల్డ‌య్యాడు. క్రీజులోకి మాక్స్‌వెల్ వ‌చ్చాడు. 12 ఓవ‌ర్ల‌కు ఆర్సీబీ స్కోర్‌: 99/3, క్రీజులో కోహ్లి(63), మాక్స్‌వెల్‌(3) ప‌రుగులతో ఉన్నారు. విరాట్ కోహ్లి ఫిప్టీ.. విరాట్ కోహ్లి దుమ్ములేపుతున్నాడు. కేవ‌లం 31 బంతుల్లోనే విరాట్ 8 ఫోర్లు, ఒక సిక్స‌ర్‌తో త‌న హాఫ్ సెంచ‌రీ మార్క్‌ను అందుకున్నాడు. 10 ఓవ‌ర్ల‌కు ఆర్సీబీ స్కోర్‌: 85/2. క్రీజులో కోహ్లితో పాటు పాటిదార్‌(19)  ప‌రుగుల‌తో ఉన్నారు. రెండో వికెట్ డౌన్‌.. గ్రీన్ ఔట్‌ 43 ప‌రుగుల వ‌ద్ద ఆర్సీబీ రెండో వికెట్‌ కోల్పోయింది. 3 ప‌రుగులు చేసిన గ్రీన్‌.. రబాడ బౌలింగ్‌లో ఔట‌య్యాడు. 6 ఓవ‌ర్ల‌కు ఆర్సీబీ స్కోర్‌: 50/2. క్రీజులో విరాట్ కోహ్లి(35), పాటిదార్‌(7) ప‌రుగుల‌తో ఉన్నారు. తొలి వికెట్ కోల్పోయిన ఆర్సీబీ.. కెప్టెన్ ఔట్‌ 177 ప‌రుగుల ల‌క్ష్యంతో బ‌రిలోకి దిగిన ఆర్సీబీ 26 ప‌రుగుల వ‌ద్ద తొలి వికెట్ కోల్పోయింది. 3 ప‌రుగులు చేసిన ఫాప్ డుప్లెసిస్‌.. రబాడ్ బౌలింగ్‌లో పెవిలియ‌న్‌కు చేరాడు.క్రీజులో విరాట్ కోహ్లి(21), గ్రీన్‌(2) ప‌రుగుల‌తో ఉన్నారు. ఆర్సీబీ టార్గెట్ 177 ప‌రుగులు  తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 176 ప‌రుగులు చేసింది. పంజాబ్ బ్యాట‌ర్ల‌లో శిఖ‌ర్ ధావ‌న్‌(45) ప‌రుగుల‌తో టాప్ స్కోర‌ర్‌గా నిల‌వ‌గా.. జితేష్ శ‌ర్మ‌(27), శ‌శాంక్ సింగ్‌(21) ప‌రుగుల‌తో రాణించారు. ఆర్సీబీ బౌల‌ర్ల‌లో మాక్స్‌వెల్‌, సిరాజ్ త‌లా రెండు వికెట్లు ప‌డ‌గొట్ట‌గా.. జోష‌ఫ్‌, ద‌యాల్ త‌లా వికెట్ సాధించారు. ఐదో వికెట్ డౌన్‌.. సామ్ కుర్రాన్‌ ఔట్‌ సామ్ కుర్రాన్ రూపంలో పంజాబ్ ఐదో వికెట్ కోల్పోయింది. 23 ప‌రుగులు చేసిన సామ్ కుర్రాన్‌.. ద‌యాల్ బౌలింగ్‌లో ఔట‌య్యాడు. 16 ఓవ‌ర్ల‌కు పంజాబ్ స్కోర్‌: 132/4 16 ఓవ‌ర్లు ముగిసే స‌రికి పంజాబ్ కింగ్స్ 4 వికెట్ల‌ న‌ష్టానికి 132 ప‌రుగులు చేసింది. క్రీజులో జితేష్ శ‌ర్మ‌(19),  సామ్ కుర్రాన్‌(14) ప‌రుగుల‌తో క్రీజులో ఉన్నారు.  నాలుగో వికెట్ డౌన్‌.. ధావ‌న్ ఔట్‌ పంజాబ్ కింగ్స్ వ‌రుస‌గా వికెట్లు  కోల్పోయింది. శిఖ‌ర్ ధావ‌న్  నాలుగో వికెట్‌గా పెవిలియ‌న్‌కు చేరాడు.13 ఓవ‌ర్ల‌కు పంజాబ్ స్కోర్‌: 102/4 మూడో వికెట్ డౌన్‌.. లివింగ్‌స్టోన్‌ ఔట్‌ 98 ప‌రుగుల వ‌ద్ద పంజాబ్ కింగ్స్ మూడో వికెట్ కోల్పోయింది. 17 ప‌రుగులు చేసిన లివింగ్ స్టోన్‌.. జోష‌ఫ్ బౌలింగ్‌లో ఔట‌య్యాడు. రెండో వికెట్ డౌన్‌.. ప్ర‌భుసిమ్రాన్ సింగ్ ఔట్‌ 72 ప‌రుగుల వ‌ద్ద పంజాబ్ కింగ్స్ రెండో వికెట్ కోల్పోయింది. 25 ప‌రుగులు చేసిన ప్ర‌భుసిమ్రాన్ సింగ్‌.. మాక్స్‌వెల్ బౌలింగ్‌లో ఔట‌య్యాడు. 6 ఓవ‌ర్ల‌కు ఆర్సీబీ స్కోర్‌: 40/1 6 ఓవ‌ర్లు ముగిసే స‌రికి పంజాబ్ వికెట్ న‌ష్టానికి 40 ప‌రుగులు చేసింది. క్రీజులో శిఖ‌ర్ ధావ‌న్‌(21), ప్ర‌భుసిమ్రాన్(10) ప‌రుగులతో ఉన్నారు. తొలి వికెట్ కోల్పోయిన పంజాబ్ కింగ్స్.. 17 ప‌రుగుల వ‌ద్ద పంజాబ్ కింగ్స్ తొలి వికెట్ కోల్పోయింది. 8 ప‌రుగులు చేసిన జానీ బెయిర్ స్టో.. సిరాజ్ బౌలింగ్‌లో ఔట‌య్యాడు. క్రీజులోకి ప్ర‌భుసిమ్రాన్ సింగ్ వ‌చ్చాడు. 2 ఓవ‌ర్ల‌కు పంజాబ్ స్కోర్‌: 9/0 టాస్ ఓడి బ్యాటింగ్‌కు దిగిన పంజాబ్ కింగ్స్ 2 ఓవ‌ర్లు ముగిసే స‌రికి వికెట్ న‌ష్ట‌పోకుండా 9 ప‌రుగులు చేసింది. క్రీజులో శిఖ‌ర్ ధావ‌న్‌(8), బెయిర్ స్టో(0) ప‌రుగుల‌తో ఉన్నారు. ఐపీఎల్‌-2024లో భాగంగా చిన్న‌స్వామి స్టేడియం వేదిక‌గా రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. ఈ మ్యాచ్‌లో ఇరు జ‌ట్లు కూడా ఎటువంటి మార్ప‌లు లేకుండా బ‌రిలోకి దిగాయి. తుది జ‌ట్లు పంజాబ్ కింగ్స్ : శిఖర్ ధావన్ (సి), జానీ బెయిర్‌స్టో, ప్రభ్‌సిమ్రాన్ సింగ్, సామ్ కర్రాన్, జితేష్ శర్మ(వికెట్ కీప‌ర్‌), లియామ్ లివింగ్‌స్టోన్, శశాంక్ సింగ్, హర్‌ప్రీత్ బ్రార్, హర్షల్ పటేల్, కగిసో రబడ, రాహుల్ చాహర్ రాయల్ ఛాలెంజర్స్ బెంగళూరు : ఫాఫ్ డు ప్లెసిస్(కెప్టెప్‌), విరాట్ కోహ్లీ, రజత్ పటీదార్, గ్లెన్ మాక్స్‌వెల్, కామెరాన్ గ్రీన్, దినేష్ కార్తీక్, అనుజ్ రావత్(వికెట్ కీప‌ర్‌), అల్జారీ జోసెఫ్, మయాంక్ దాగర్, మహ్మద్ సిరాజ్, యశ్ దయాల్

ఇంగ్లండ్‌తో టెస్టు సిరీస్‌లో దారుణ ప్ర‌ద‌ర్శ‌న క‌న‌బ‌రిచిన టీమిండియా ఆట‌గాడు, ఆర్సీబీ మిడిలార్డర్ బ్యాటర్‌ ర‌జ‌త్ పాటిదార్‌.. ఇప్పుడు ఐపీఎల్‌-2024లోనూ అదే తీరును క‌న‌బరిచాడు. చెపాక్ వేదికగా చెన్నై సూపర్ కింగ్స్‌తో తొలి మ్యాచ్‌లో పాటిదార్ దారుణంగా విఫలమయ్యాడు. 3 బంతులు ఎదుర్కొన్న పాటిదార్.. ఖాతా తెరవకుండానే పెవిలియన్‌కు చేరాడు. ఆర్సీబీ ఇన్నింగ్స్ 5 ఓవర్ వేసిన ముస్తాఫిజుర్ రెహ్మాన్ బౌలింగ్‌లో ఆఖరి బంతికి ఎటువంటి ఫుట్ మూమెంట్ లేకుండా ఆఫ్ సైడ్ వైపు ఆడటానికి పాటిదార్ ప్రయత్నించాడు. ఈ క్రమంలో బంతి అతడి బ్యాట్ ఎడ్జ్ తీసుకుని వికెట్ కీపర్ ధోని చేతికి వెళ్లింది. ధోని ఎటువంటి తప్పిదం చేయకుండా రెగ్యులేషన్ క్యాచ్‌ను అందుకున్నాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఇది చూసిన నెటిజన్లు ఇదేమి ఆటరా బాబు అంటూ కామెంట్లు చేస్తున్నారు. మ్యాచ్‌ విషయానికి వస్తే.. ఆర్సీబీపై చెన్నై 6 వికెట్ల తేడాతో విజయం సాధించింది. 174 పరుగుల లక్ష్యంతో బరిలోకి దిగిన సీఎస్‌కే కేవలం 4 వికెట్లు మాత్రమే కోల్పోయి 18. 4 ఓవర్లలో ఛేదించింది. సీఎస్‌కే బ్యాటర్లలో రచిన్‌ రవీంద్ర(37) పరుగులతో టాప్‌ స్కోరర్‌గా నిలవగా.. శివమ్‌ దూబే(34 నాటౌట్‌), రవీంద్ర జడేజా(25 నాటౌట్‌) రాణించారు. కాగా ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆర్సీబీ నిర్ణీత 20 ఓవర్లలో 6 వికెట్ల నష్టానికి 173 పరుగులు చేసింది. 71 పరుగులకే 5 వికెట్లు కోల్పోయి పీకల్లోతు కష్టాల్లో పడిన ఆర్సీబీని అనుజ్‌ రావత్‌(48), దినేష్‌ కార్తీక్‌(38 నాటౌట్‌) తమ అద్బుత ఇన్నింగ్స్‌లతో అదుకున్నారు. వీరితో పాటు కెప్టెన్‌ డుప్లెసిస్‌(35) పరుగులతో రాణించాడు. సీఎస్‌కే బౌలర్లలో ముస్తుఫిజర్‌ రెహ్మాన్‌ నాలుగు వికెట్లు పడగొట్టాడు. All Happening Here! Faf du Plessis ✅ Rajat Patidar ✅ Glenn Maxwell ✅@ChennaiIPL bounced back & in some style 👏 👏#RCB are 3 down for 42 in 6 overs! Head to @JioCinema and @StarSportsIndia to watch the match LIVE Follow the match ▶️ https://t.co/4j6FaLF15Y#TATAIPL |… pic.twitter.com/tyBRQJDtWY — IndianPremierLeague (@IPL) March 22, 2024

టీమిండియా స్టార్, ఆర్సీబీ మాజీ కెప్టెన్ విరాట్ కోహ్లి అరుదైన ఘ‌న‌త సాధించాడు. టీ20ల్లో 12000 పరుగుల మైలురాయిని అందుకున్న తొలి భార‌త క్రికెట‌ర్‌గా విరాట్ రికార్డుల‌కెక్కాడు. ఐపీఎల్‌-2024లో భాగంగా చెపాక్ వేదిక‌గా చెన్నై సూప‌ర్ కింగ్స్‌తో జ‌రుగుతున్న మ్యాచ్‌లో 6 ప‌రుగుల వ్య‌క్తిగ‌త స్కోరు వ‌ద్ద కోహ్లి ఈ ఘ‌న‌త‌ను అందుకున్నాడు. టీ20 ఫార్మాట్‌లో ఇప్పటివరకు 376 మ్యాచ్‌లు ఆడిన కింగ్ కోహ్లి.. 41.21 సగటు, 133.42 స్ట్రయిక్‌రేట్‌తో 12000 పరుగులు చేశాడు. . ఇందులో 8 సెంచరీలు, 91 హాఫ్‌ సెంచరీలు ఉన్నాయి. ఓవరాల్‌గా వరల్డ్ క్రికెట్‌లో ఈ ఘనత సాధించిన ఆరో క్రికెటర్‌గా కోహ్లి నిలిచాడు. టీ20ల్లో అత్యధిక పరుగులు చేసిన ఆటగాళ్ల జాబితాలో విండీస్‌ వీరుడు క్రిస్‌ గేల్‌ (14562) టాప్‌లో ఉండగా.. పాక్‌ షోయబ్‌ మాలిక్‌ (13360), విండీస్‌ పోలార్డ్‌ (12900), ఇంగ్లండ్ ఆటగాడు అలెక్స్‌ హేల్స్‌ (12319), ఆసీస్ స్టార్ ఓపెనర్‌ డేవిడ్‌ వార్నర్‌ (12065) తర్వాతి స్ధానాల్లో ఉన్నారు. ఇప్పుడు ఈ జాబితాలో విరాట్ చేరాడు.

ఇండియన్‌ ప్రీమియర్‌ లీగ్‌లో ఆర్సీబీ ఆటగాడు విరాట్‌ కోహ్లి టాప్‌ రన్‌ స్కోరర్‌ అన్న విషయం తెలిసిందే. క్యాష్‌ రిచ్‌ లీగ్‌లో తొలి సీజన్‌ (2008) నుంచి ఆర్సీబీకే ఆడుతున్న కోహ్లి.. ఇప్పటివరకు 237 మ్యాచ్‌లు ఆడి 7 సెంచరీలు, 50 అర్దసెంచరీల సాయంతో 130.02 స్ట్రయిక్‌రేట్‌తో 7263 పరుగులు చేశాడు. ఐపీఎల్‌ కెరీర్‌లో ఎన్నో టాప్‌ రికార్డులు తన ఖాతాలో వేసుకున్న కోహ్లి.. రాబోయే సీజన్‌లో మరిన్ని రికార్డులు బద్దలు కొట్టేందుకు రెడీ అవుతున్నాడు. The Roar for Virat Kohli when he entered at Chinnaswamy stadium. - THE GOAT AT HIS DEN...!!!! 🐐👑 pic.twitter.com/uJYIbVN15Q — CricketMAN2 (@ImTanujSingh) March 19, 2024 VIRAT KOHLI AT CHINNASWAMY. - THE KING AT HIS KINGDOM...!!!! 🐐 pic.twitter.com/Hkr3gG7Z4o — CricketMAN2 (@ImTanujSingh) March 19, 2024 ఇవాళే (మార్చి 19) ప్రాక్టీస్‌ ప్రారంభించిన కోహ్లి చాలా కాన్ఫిడెంట్‌గా కనిపించాడు. ఆర్సీబీ హోం గ్రౌండ్‌ చిన్నస్వామి స్టేడియంలో సహచరులతో కలిసి సరదాగా గడిపాడు. కోహ్లిని చూసేందుకు భారీ సంఖ్యలో అభిమానులు తరలి వచ్చారు. కోహ్లి క్రేజ్‌కి తోడు మహిళా జట్టు ఐపీఎల్‌ టైటిల్‌ గెలవడం ఆర్సీబీ అభిమానులకు రెట్టింపు ఉత్సాహానిస్తుంది. Virat Kohli in the batting practice session at Chinnaswamy today. - KING KOHLI IS GETTING READY TO RULE..!!! 👑 pic.twitter.com/1FIMjNze08 — CricketMAN2 (@ImTanujSingh) March 19, 2024 Preparations done at the Chinnaswamy Stadium for the RCB Unbox Event. - Virat Kohli standing tall. 🐐pic.twitter.com/ZRhYJcenYy — Mufaddal Vohra (@mufaddal_vohra) March 19, 2024 ఇవాళ సాయంత్రం చిన్నస్వామి స్టేడియంలో ఆర్సీబీ అన్‌బాక్స్‌ ఈవెంట్‌ జరుగనుండటంతో అభిమానులు వేల సంఖ్యలో తరలివస్తున్నారు. కోహ్లి నామస్మరణతో స్టేడియం మార్మోగిపోతున్నాయి. కోహ్లి ఇటీవలే రెండో బిడ్డకు తండ్రి కావడంతో అభిమానుల నుంచి శుభాకాంక్షలు వెల్లువెత్తుతున్నాయి. The Craze for RCB & Kohli. - Incredible atmosphere in Chinnaswamy stadium. 🔥pic.twitter.com/So7Dzto8Wv — Johns. (@CricCrazyJohns) March 19, 2024 అన్‌బాక్స్‌ ఈవెంట్‌లో ఐపీఎల్‌ ఛాం​పియన్స్‌ ఆర్సీబీ (మహిళా జట్టు) ప్రత్యేక ఆకర్షణగా నిలువనుంది. మహిళా జట్టులాగే పురుషుల టీమ్‌ కూడా ఆసారి ఐపీఎల్‌ టైటిల్‌ సాధిస్తుందని అభిమానులు ధీమాగా ఉన్నారు. The Stage is set for RCB's Unbox Event at Chinnaswamy stadium...!!!! 🔥 pic.twitter.com/0GkKXpZyRN — CricketMAN2 (@ImTanujSingh) March 19, 2024 RCB Women's has arrived at Chinnaswamy stadium in the Unbox Event...!!!! 🏆 pic.twitter.com/VYx1lMLnSo — CricketMAN2 (@ImTanujSingh) March 19, 2024 ఐపీఎల్‌ 2024 సీజన్‌లో మరో మూడు రోజుల్లో ప్రారంభంకానున్న నేపథ్యంలో ఆర్సీబీ స్టార్‌ విరాట్‌ కోహ్లికి సంబంధించిన గణాంకాలపై ఓ లుక్కేద్దాం. కోహ్లి ఏ జట్టుపై ఎన్ని పరుగులు సాధించాడో నెమరు వేసుకుందాం. గణాంకాల ప్రకారం కోహ్లికి ఢిల్లీ ఫ్రాంచైజీపై ఘనమైన రికార్డు ఉంది. ఈ ఫ్రాంచైజీపై కోహ్లి అత్యధికంగా 1030 పరుగులు చేశాడు. ఐపీఎల్‌లో వివిధ జట్లపై కోహ్లి సాధించిన పరుగుల వివరాలు ఇలా ఉన్నాయి. ఢిల్లీ క్యాపిటల్స్‌పై 1030 సీఎస్‌కేపై 985 కేకేఆర్‌పై 861 పంజాబ్‌ కింగ్స్‌పై 861 ముంబై ఇండియన్స్‌పై 852 సన్‌రైజర్స్‌ హైదరాబాద్‌పై 669 రాజస్థాన్‌ రాయల్స్‌పై 618 డెక్కన్‌ ఛార్జర్స్‌పై 306 గుజరాత్‌ లయన్స్‌పై 283 కొచ్చి కేరళ టస్కర్స్‌పై 50 లక్నో సూపర్‌ జెయింట్స్‌పై 117 పూణే వారియర్స్‌పై 128 రైజింగ్‌ పూణే సూపర్‌ జెయింట్‌పై 271 గుజరాత్‌ టైటాన్స్‌పై 232 ఇదిలా ఉంటే, ఐపీఎల్‌ 2024 సీజన్‌ మార్చి 22 నుంచి ప్రారంభంకానున్న విషయం తెలిసిందే. ఈ సీజన్‌ తొలి మ్యాచ్‌లో ఆర్సీబీ.. డిఫెండింగ్‌ ఛాంపియన్‌ సీఎస్‌కేతో తలపడనుంది. చెన్నైలోని చిదంబరం స్టేడియం వేదికగా ఈ మ్యాచ్‌ జరుగనుంది. 

టీమిండియా స్టార్‌ ఆటగాడు విరాట్‌ కోహ్లి దాదాపు రెండు నెలల తర్వాత తిరిగి మైదానంలో అడుగుపెట్టేందుకు సిద్దమయ్యాడు. ఐపీఎల్‌-2024 సీజన్‌తో విరాట్‌ రీ ఎంట్రీ ఇవ్వనున్నాడు. ఇప్పటికే ఆర్సీబీ జట్టుతో కలిసిన కోహ్లి.. నెట్స్‌లో తీవ్రంగా శ్రమిస్తున్నాడు. అయితే ఈ ఏడాది ఐపీఎల్‌ సీజన్‌కు ముందు కింగ్‌ కోహ్లి న్యూ లుక్‌లో కన్పించాడు. ఎప్పటికప్పుడు సరికొత్త హెయిర్​ స్టైల్‌తో అభిమానులను అకట్టుకునే విరాట్‌.. ఇప్పుడు మరో కొత్త హెయిర్​ స్టైల్‌లో దర్శనిమిచ్చాడు. ఇందుకు సంబంధించిన ఫోటోలు సోషల్‌ మీడియాలో వైరల్‌గా మారాయి. కాగా కోహ్లికి హెయిర్​ స్టైల్​ చేసింది ఎవరో కాదు.. సెలబ్రిటీ హెయిర్ స్టైలిష్ట్ అలీమ్ హకీమ్‌. మన దేశంలో టాప్ సెలెబ్రిటీలకు అతడే హెయిర్ స్టైలింగ్ చేస్తుంటాడు. గత సీజన్‌ ఆరంభానికి ముందు విరాట్‌ కొత్త హెయిర్​ స్టైల్‌లో కన్పించాడు. అది చేసినది కూడా అలీమ్ హకీమే కావడం గమనార్హం. ఇక ఐపీఎల్‌ 17వ సీజన్‌లో ఆర్సీబీ తమ తొలి మ్యాచ్‌లో మార్చి 22న చెన్నై సూపర్‌ కింగ్స్‌తో తలపడనుంది. ఈ క్యాష్‌రిచ్‌ లీగ్‌ ఆరంభానికి ముందు ఆర్సీబీ ఆన్‌బాక్స్‌ ఈవెంట్‌ను నిర్వహించనుంది. మార్చి 19(మంగళవారం) బెంగళూరులోని చిన్నస్వామి స్టేడియంలో ఈ ఈవెంట్‌ జరగనుంది.  ఈ కార్యక్రమంలో విరాట్‌ సందడి చేయనున్నాడు. 𝑽𝒊𝒓𝒂𝒕 𝑲𝒐𝒉𝒍𝒊 gets a new look 💇 📸: Aalim Hakim pic.twitter.com/QbClloVr80 — CricTracker (@Cricketracker) March 19, 2024

రాయల్ ఛాలెంజర్స్ బెంగళూరు ఫ్రాంఛైజీ కల ఎట్టకేలకు నేరవేరింది. గత 16 ఏళ్లగా ఐపీఎల్‌లో పురుషుల జట్టుకు అందని ద్రాక్షగా ఊరిస్తున్న టైటిల్‌ కలను డబ్ల్యూపీఎల్‌లో అమ్మాయిలు నెరవేర్చారు.  అరుణ్‌ జైట్లీ స్టేడియం వేదికగా జరిగిన ఫైనల్లో ఢిల్లీ క్యాపిటల్స్‌ను 8 వికెట్ల తేడాతో ఓడించిన ఆర్సీబీ.. తొలిసారి ట్రోఫీని ముద్దాడింది. ఈ మ్యాచ్‌లో తొలుత బ్యాటింగ్‌ చేసిన ఢిల్లీ క్యాపిటల్స్‌.. ఆర్సీబీ బౌలర్ల జోరుకు 113 పరుగులకే కుప్పకూలింది. ఆర్సీబీ బౌలర్లలో శ్రేయాంక పాటిల్‌ 4 వికెట్లతో అదరగొట్టగా.. మోలినెక్స్ 3, ఆశ శోభన 2 రెండో వికెట్లు పడగొట్టారు. అనంతరం 114 పరుగుల స్వల్ప ల‍క్ష్యాన్ని కేవలం రెండు వికెట్లు మాత్రమే కోల్పోయి ఛేదించింది. తొలి టైటిల్‌ విజయంతో ఆర్సీబీ అభిమానులు సంబరాల్లో మునిగి తేలుతున్నారు. ఇక డబ్ల్యూపీఎల్‌ ఛాంపియన్స్‌గా నిలిచిన ఫ్రైజ్‌ మనీ ఎంత? ఆరెంజ్‌ క్యాప్‌ ఎవరికి దక్కింది? ఇటువంటి విషయాలపై ఓ లూక్కేద్దం. విజేతకు ఎంతంటే? డబ్ల్యూపీఎల్‌ విజేత ఆర్సీబీకి రూ.6 కోట్ల ప్రైజ్ మనీ లభించింది. అదేవిధంగా రన్నరప్‌గా నిలిచిన క్యాపిటల్స్ కు రూ.3 కోట్ల ప్రైజ్ మనీ దక్కింది. ఆరెంజ్‌ క్యాప్‌ విజేత పెర్రీ.. ఈ సీజన్‌లో అత్యధిక పరుగులు చేసిన ఆర్సీబీ ఆల్‌రౌండర్‌ ఎల్లీస్‌ పెర్రీ ఆరెంజ్ క్యాప్‌ హోల్డర్‌గా నిలిచింది. దీంతో ఆమెకు రూ. 5 లక్షల ఫ్రైజ్‌ మనీ లభించింది. ఓవరాల్‌గా ఈ సీజన్‌లో 9 మ్యాచ్‌లు ఆడిన పెర్రీ.. 347 పరుగులు చేసింది. పర్పుల్‌ క్యాప్‌ హోల్డర్‌ శ్రేయంక అదేవిధంగా  అత్యధిక ఈ ఏడాది సీజన్‌లో వికెట్లు తీసిన ఆర్సీబీ స్పిన్నర్‌ శ్రేయంక పాటిల్‌ పర్పుల్‌ క్యాప్‌ హోల్డర్‌గా నిలిచింది. దీంతో ఆమెకు రూ. 5 లక్షల ఫ్రైజ్‌ మనీ లభించింది. ఓవరాల్‌గా ఈ సీజన్‌లో 9 మ్యాచ్‌లు ఆడిన శ్రేయంక.. 13 వికెట్లు పడగొట్టింది. మిగితా అవార్డులు దక్కించుకున్న వారు వీరే.. ప్లేయర్‌ ఆఫ్‌ది సిరీస్‌-దీప్తి శర్మ ఎమర్జింగ్‌ ప్లేయర్‌  - శ్రేయాంక పాటిల్‌ (బెంగళూరు)  మోస్ట్‌ వాల్యుబుల్‌ ప్లేయర్‌  - దీప్తి శర్మ (యూపీ)  బెస్ట్‌ క్యాచ్‌ ఆఫ్‌ ద టోర్నీ - సజన సజీవన్‌ (ముంబై)  ఫెయిర్‌ ప్లే టీమ్‌ - రాయల్‌ చాలెంజర్స్‌ బెంగళూరు A special moment to celebrate @imVkohli @mandhana_smriti pic.twitter.com/NkEI6iDIjq — CricTracker (@Cricketracker) March 17, 2024

మహిళల ఐపీఎల్‌ (డబ్ల్యూపీఎల్‌) 2024 ఎడిషన్‌లో భాగంగా ఇవాళ (మార్చి 17) జరిగే ఫైనల్లో ఢిల్లీ క్యాపిటల్స్‌, రాయల్‌ ఛాలెంజర్స్‌ బెంగళూరు జట్లు తలపడనున్నాయి.  ఢిల్లీలోని అరుణ్‌ జైట్లీ స్టేడియం వేదికగా ఈ మ్యాచ్‌ రాత్రి 7:30 గంటలకు ప్రారంభమవుతుంది. టేబుల్‌ టాపర్‌గా నిలిచి ఢిల్లీ క్యాపిటల్స్‌ ఫైనల్‌కు చేరుకోగా.. ఎలిమినేటర్‌ మ్యాచ్‌లో ముంబై ఇండియన్స్‌ను చిత్తు చేసి ఆర్సీబీ ఫైనల్‌కు చేరింది. Literally every RCB fan. #DCvRCB pic.twitter.com/y8l9eUAR3K — Yolo247 (@Yolo247Official) March 17, 2024 డబ్ల్యూపీఎల్‌లో ఫైనల్‌కు చేరడం ఢిల్లీ క్యాపిటల్స్‌కు ఇది వరుసగా రెండోసారి కాగా.. ఆర్సీబీ తొలిసారి తుదిపోరుకు అర్హత సాధించింది. డబ్ల్యూపీఎల్‌ అరంగేట్రం సీజన్‌లో (2023) కేవలం రెండే విజయాలతో గ్రూప్‌ దశలోనే నిష్క్రమించిన ఆర్సీబీ.. ప్రస్తుత సీజన్‌లో గ్రూప్‌ దశలో నాలుగు విజయాలు, కీలకమైన ఎలిమినేటర్‌లో ముంబైపై విజయంతో మొత్తంగా ఐదు విజయాలు సాధించి ఫైనల్‌కు చేరింది.  ఐపీఎల్‌ (2009, 2011, 2016), డబ్ల్యూపీఎల్‌ (2024), ఛాంపియన్స్‌ టీ20 లీగ్‌లతో (2011) కలిపి ఐదోసారి ఫైనల్‌కు చేరిన ఆర్సీబీ.. 2844 రోజుల సుదీర్ఘ విరామం తర్వాత మరోసారి ఫైనల్‌కు చేరింది. ఆర్సీబీ చివరిసారిగా 2016 ఐపీఎల్‌ ఎడిషన్‌లో ఫైనల్స్‌ ఆడింది. నాటి ఫైనల్‌లో ఆర్సీబీ.. సన్‌రైజర్స్‌ హైదరాబాద్‌ చేతిలో ఓటమిపాలైంది. దాదాపు ఎనిమిదేళ్ల అనంతరం ఆర్సీబీ మరోసారి ఫైనల్‌కు చేరింది. మరి ఈ సారి ఫైనల్లోనైనా ఆర్సీబీ విజయం సాధించి తమ టైటిల్‌ దాహానికి చెక్‌ పెడుతుందో  లేదో వేచి చూడాలి.