TV
సాక్షి, హైదరాబాద్‌: కరీంనగర్‌ ఎమ్మెల్యే గంగుల కమలాకర్‌ ఎన్నికను సవాల్‌ చేస్తూ దాఖలైన పిటిషన్‌లో బండి సంజయ్‌ విచారణకు హైకోర్టు రిటైర్డ్‌ జిల్లా జడ్జి శైలజను కోర్టు కమిషనర్‌గా నియమించింది. ఈనెల 12 నుంచి 17 వరకు క్రాస్‌ ఎగ్జామినేషన్‌ చేపట్టి నివేదిక ఇవ్వాలని ఆదేశించింది. గత ఎన్నికల్లో కరీంనగర్‌ నుంచి గంగుల బీఆర్‌ఎస్‌ తరఫున గెలిచారు.
అయితే అఫిడవిట్‌లో గంగుల తప్పుడు వివరాలు ఇచ్చారని, అందువల్ల ఆయన ఎన్నిక చెల్లదని తీర్పు ఇవ్వాలంటూ సమీప³ ప్రత్యర్థి బండి సంజయ్‌ 2019 జనవరిలో పిటిషన్‌ వేశారు. దీనిపై జస్టిస్‌ చిల్లకూర్‌ సుమలత సోమవారం మళ్లీ విచారణ చేపట్టారు. వాదనల అనంతరం కోర్టు కమిషనర్‌ను క్రాస్‌ ఎగ్జామినేషన్‌కు నియమిస్తూ తదుపరి విచారణను ఈ నెల 21కి వాయిదా వేశారు.
Comments
Please login to add a commentAdd a comment