బంజారాహిల్స్‌లో కారు బీభత్సం.. నడిరోడ్డుపై పల్టీ కొట్టి..

సాక్షి, హైదరాబాద్‌: బంజారాహిల్స్‌లో ఓ యువకుడు వీరంగం సృష్టించాడు. ర్యాష్‌ డ్రైవింగ్‌ చేస్తూ పక్కనే ఉన్న దేవాలయాన్ని కారుతో ఢీకొట్టాడు. ఈ ప్రమాదంలో యువకుడికి గాయాలుగా ఆసుపత్రికి తరలించారు. వివరాల ప్రకారం.. బంజారాహిల్స్‌ రోడ్‌ నంబర్‌-12లో ఆదివారం ఉదయం ఓ యువకుడు హల్‌చల్‌ చేశారు.

ర్యాష్‌ డ్రైవింగ్‌ చేస్తూ హై స్పీడ్‌లో కారుతో దేవాలయాన్ని ఢీకొట్టాడు. దీంతో, కారు ఒక్కసారిగా పల్టీ కొట్టింది. కాగా, ఈ ప్రమాదంలో యువకుడికి తీవ్ర గాయాలు కావడంతో పోలీసులు అతడిని అపోలో ఆసుపత్రికి తరలించారు. ఈ ప్రమాదంపై బంజారాహిల్స్‌ పోలీసులు కేసు నమోదు చేసినట్టు తెలిపారు.