ఫలక్‌నామాలో శనివారం రాత్రి భారీ అగ్ని ప్రమాదం చోటుచేసుకుంది. షంషేర్‌ గంజ్‌లోని ఓ ఎలక్ట్రానిక్‌ గోదాములో భారీ ఎత్తున మంటలు ఎగిసిపడ్డాయి. ఫలక్‌నామా, ఇంజనబౌలి ఆంధ్రాబ్యాంక్‌ సమీపంలోని టాన్సఫార్మర్‌ నుంచి ఒక్క సారిగా మంటలు వచ్చాయి. ఆ మంటలు పక్కనే ఉన్న ఎలక్ట్రానిక్‌ గోదాములోకి వ్యాపించడంతో పెద్ద ఎత్తున మంటలు వ్యాపించాయి. దీంతో స్థానికుల భయాందోళనకు గురయ్యారు.