ఎంబీబీఎస్, బీడీఎస్ కోర్సుల్లో ప్రవేశాల కోసం ఆదివారం ఉదయం 10 గంటల నుంచి మధ్యాహ్నం 1 గంట వరకు ‘ఎంసెట్-3’ ప్రవేశపరీక్ష జరగనుంది. పరీక్ష కోసం తెలంగాణ, ఏపీ రాష్ట్రాల్లో 96 పరీక్షా కేంద్రాలను ఏర్పాటు చేశారు. 56,153 మంది విద్యార్థులు దరఖాస్తు చేసుకోగా.. శనివారం సాయంత్రం 5 గంటలకు గడువు ముగిసే సమయానికి 40,168 మంది మాత్రమే హాల్‌టికెట్లు డౌన్‌లోడ్ చేసుకున్నారు. ఈ అభ్యర్థులను మాత్రమే పరీక్షకు అనుమతిస్తారు.