తమకు ఓ మనసు ఉంటుందని అంటున్నారు ట్రాన్స్‌జెండర్లు. అందుకే కొందరు ట్రాన్స్‌జెండర్లు తమకు నచ్చినవారితో కలిసి జీవితాన్ని ఆరంభించేందుకు సిద్దమయ్యారు. శనివారం రోజున ఛత్తీస్‌గఢ్‌ రాయ్‌పూర్‌లో 15 ట్రాన్స్‌జెండర్‌ జంటలు వివాహ బంధంతో ఒకటయ్యాయి. హిందూ సంప్రదాయం ప్రకారం జరిగిన ఈ వేడుకలకు రాయ్‌పూర్‌కు చెందిన సామాజిక కార్యకర్త విద్య రాజ్‌పుత్‌ ఏర్పాట్లు చేశారు. హిందూ సంప్రదాయం ప్రకారం జరిగిన ఈ వేడుక ముందు రోజున మెహందీ, సంగీత్‌ కార్యక్రమాలు నిర్వహించారు.