మన మెట్రో.. మన నగరం.. నినాదంతో మెట్రో రైలు ప్రారంభానికి అన్ని ఏర్పాట్లు పూర్తి అయ్యాయని మంత్రి కేటీఆర్‌ తెలిపారు. మెట్రో రైలులో ప్రయాణించిన ఆయన శనివారం నాగోల్‌ మెట్రో స్టేషన్‌లో మీడియాతో మాట్లాడారు. జంట నగరాలకు మెట్రో రైలు సర్వీసులు మణిహారం అని అన్నారు. ఈ నెల 28న మధ్యాహ్నం 2.30 గంటలకు ప్రధానమంత్రి నరేంద్ర మోదీ మెట్రో రైలును ప్రారంభిస్తారని, 29వ తేదీ నుంచి ప్రయాణికులకు అందుబాటులోకి వస్తుందని చెప్పారు. 29న ఉదయం 6 గంటలకు మొదటి రైలు ప్రారంభమవుతుందని తెలిపారు.