యాంకర్‌ అనసూయకు చేదు అనుభవం

యాంకర్‌ కమ్‌ నటి అనసూయ భరద్వాజ్‌కు సోషల్‌ మీడియాలో మరోసారి చేదు అనుభవం ఎదురైంది. ట్రాఫిక్‌ సిగ్నల్‌లో వీడియో చూస్తున్న ఓ వ్యక్తి వీడియోను పోస్ట్‌ చేసి ఆమె ట్రోలింగ్‌ను ఎదుర్కొంటున్నారు. అసలు విషయంలోకి వస్తే... బుధవారం సాయంత్రం అనసూయ.. బంజారాహిల్స్ రోడ్ నెంబ‌ర్ 2లో ప్రయాణిస్తున్నారు. ఆ సమయంలో ఆమె ప‌క్క‌ కారులో డ్రైవింగ్‌ సీట్లో ఉన్న  వ్యక్తి.. చెవిలో ఇయ‌ర్ ఫోన్స్ పెట్టుకొని మొబైల్‌లో వీడియో చూస్తున్నాడు. ఆ స‌న్నివేశాలను అన‌సూయ త‌న ఫోన్‌లో బంధించి హైద‌రాబాద్ ట్రాఫిక్ పోలీస్‌కి ట్యాగ్ చేస్తూ ట్వీట్ చేశారు.