బుడ్డోడి గురించి ఆరా తీస్తున్న క్రికెటర్

పాక్‌ క్రికెట్‌ దిగ్గజం వసీమ్‌ అక్రమ్‌. సుదీర్ఘ కెరీర్‌లో పాక్‌కు ఎన్నో ఘన విజయాలను అందించాడు. 104 టెస్టుల్లో 414 వికెట్లు.. 356 వన్డేల్లో 502 వికెట్లు ఆయన ఘనత. అలాంటి వ్యక్తి ఇప్పుడు ఓ బుడ్డొడి గురించి తెగ ఆరా తీస్తున్నారు. 

కొన్నాళ్ల నుంచి సోషల్‌ మీడియాలో ఓ వీడియో తెగ వైరల్‌ అవుతోంది. అందులో నిండా పదేళ్లు కూడా లేని ఓ బుడ్డొడు తన బౌలింగ్‌ వాటం చూపించాడు. నిమిషం నిడివి ఉన్న ఆ వీడియోలో అక్రమ్‌, మహ్మద్‌ అమీర్‌ బౌలింగ్‌ యాక్షన్‌లు కలబోసినట్లు ఉన్న ఆ బుడ్డొడు ధాటిగా 17 బంతులను విసిరాడు. అందులో 7 సింగిల్‌ స్టంప్‌ను ఎగిరేయగా.. మిగతావి తప్పిపోయాయి.