జిల్లాకు మరోసారి అరుదైన అవకాశం దక్కింది. వైఎస్సార్‌సీపీ తరఫున అసెంబ్లీకి పోటీచేసే తొలి అభ్యర్థి పేరు ముందుగానే ఖరారైంది. పత్తికొండ నియోజకవర్గ అభ్యర్థిగా కంగాటి శ్రీదేవి పేరు ప్రకటితమైంది. ప్రజా సంకల్ప యాత్రలో భాగంగా శనివారం కృష్ణగిరిలో సభ నిర్వహించారు. ఈ సందర్భంగా వైఎస్సార్‌సీపీ అధ్యక్షులు, ప్రతిపక్ష నేత వైఎస్‌ జగన్‌ మోహన్‌రెడ్డి.. పత్తికొండ నియోజకవర్గ ప్రజలకు తీపి కబురు అందించారు.