ఆస్ట్రేలియా గ్రాండ్‌ స్లామ్‌ ఓపెన్‌ టోర్నీలో రెండో సీడ్‌, డెన్మార్క్‌ క్రీడాకారిణి వొజ్నియాకి కొత్త చాంపియన్‌గా అవతరించింది. శనివారం జరిగిన మహిళల సింగిల్స్‌ పోరులో వొజ‍్నియాకి 7-6(7/2), 3-6, 6-4 తేడాతో ప్రపంచ నంబర్‌వన్‌ క్రీడాకారిణి హలెప్‌(రొమేనియా)పై విజయం సాధించి తొలిసారి గ్రాండ్‌ స్లామ్‌ టైటిల్‌ను సాధించింది. మరొకవైపు ఆస్ట్రేలియా గ్రాండ్‌ స్లామ్‌ టోర్నీ ఫైనల్‌కు చేరిన మొదటిసారే టైటిల్‌ను సాధించిన క్రీడాకారిణిగా అరుదైన ఘనతను వొజ్నియాకి సొంతం చేసుకుంది.