TV
ఒక కొమ్మకు పూసిన 17 పువ్వులం..
సూర్యాపేట: ఒక కొమ్మకు పూసిన పువ్వులం..అనురాగం మనదేలే.., ఒక గూటికి వెలిగిన దివ్వెలం..మమకారం మనదేలే.. అన్నాడో సినీకవి. సాధారణంగా గులాబీ చెట్టుకు ఆరు నుంచి ఏడు వరకు పూలు లేదా మొగ్గలు ఉంటాయి. కానీ, ఈ గులాబీచెట్టుకు పూలు, మొగ్గలు కలిపి 17 వరకు ఉన్నాయి. నల్లగొండ జిల్లా సూర్యాపేట పట్టణంలోని బొడ్రాయి బజార్లో గల నారాయణదాసు ఇంట్లోని ఈ గులాబీ చెట్టు విరగబూయడంతో పలువురు ఆసక్తిగా చూస్తున్నారు.
