కనీస వేతనం 10వేలు ఇవ్వాలి

కనీస వేతనం 10వేలు ఇవ్వాలి

 కనీస వేతనం 10వేలు ఇవ్వాలి
 కారేపల్లి : అంగన్‌వాడీ కార్యకర్తలకు కనీస వేతనం రూ.10వేలు ఇవ్వాలని డిమాండ్ చేస్తు..సోమవారం కారేపల్లి బస్టాండ్ సెంటర్‌లో అంగన్‌వాడీలు  రిలే దీక్షలు చేపట్టారు. సీఐటీయూ ఆధ్వర్యంలో కారేపల్లి ప్రాజెక్టు పరిధిలోని కామేపల్లి, కారేపల్లి మండలాల అంగన్‌వాడీలు బస్టాండ్ సెంటర్ లో మానవహారాన్ని నిర్మించారు.

ఈ కార్యక్రమంలో అంగన్‌వాడీ వర్కర్స్ యూనియన్ నాయకురాలు ఎస్.నాగమణి, సీఐటీయూ నాయకులు కె.నాగేశ్వరరావు, నరేందర్, అంగన్‌వాడీ కార్యకర్తలు పాల్గొన్నారు.
 అంగన్‌వాడీ కార్యకర్తల ర్యాలీ  
 కొణిజర్ల: సమస్యలు పరిష్కరించాలని డిమాండ్ చేస్తూ కొణిజర్లలో అంగన్‌వాడీ కార్యకర్తలు ర్యాలీ నిర్వహించారు. బస్టాండ్ సెంటర్‌లో మానవహారం నిర్వహించారు.  ఈ నెల 17 నుంచి 22 వరకు అంగన్‌వాడీ కేంద్రాలను మూసి వేస్తున్నట్లు  సీఐటీయు మండల అధ్యక్ష కార్యదర్శులు షేక్ మస్తాన్,అనుమోలు రామారావు ప్రకటించారు. నేడు ఐసీడీఎస్ ప్రాజెక్ట్ అధికారి కార్యాలయం ఎదుట ధర్నా నిర్వహించనున్నట్లు తెలిపారు.