సమైక్య ముసుగులో విభజనవాది చంద్రబాబు

కాంగ్రెస్ పార్టీ రాష్ట్ర అధికార ప్రతినిధి అంబటి రాంబాబు ధ్వజమెత్తారు. పార్టీ అధినేత వైఎస్ జగన్‌మోహన్‌రెడ్డి పిలుపుమేరకు  పార్టీ కేంద్రపాలక మండలి సభ్యుడు జంగా కృష్ణమూర్తి అధ్యక్షతన దాచేపల్లి మండలం నడికుడిలోని ప్రభుత్వ జూనియర్ కళాశాలలో శనివారం రాత్రి  సమైక్య శంఖారావం బహిరంగ సభ నిర్వహించారు. సభలో అంబటి రాంబాబు మాట్లాడుతూ బాబు రెండు కళ్ల సిద్ధాంతాన్ని ప్రజలు గమనిస్తున్నారని, రాష్ట్ర విభజనకు నూటికి నూరు పాళ్లు సహకరించిన టీడీపీని రాష్ట్ర ప్రజలు భూస్థాపితం చేస్తారని చెప్పారు. కొబ్బరికాయలు, సమన్యాయం, ఇద్దరు కొడుకులు లాంటి ముతక సామెతలను పక్కన పెట్టి బాబు ఏ వాదో ముందుగా ప్రకటించాలని డిమాండ్ చేశారు.  విభజనకు అనుకూలంగా బాబు ఇచ్చిన లేఖను ఆధారంగా చేసుకుని కాంగ్రెస్ పార్టీ విభజనకు శ్రీకారం చుట్టిందన్నారు. 2014  సాధారణ ఎన్నికల్లో సీమాంధ్ర, తెలంగాణ  ప్రాంతాల్లో టీడీపీని ప్రజలు భూస్థాపితం చేస్తారని హెచ్చరించారు.