కారు ప్రమాదంలో దంపతులు మృతి

 

 హైదరాబాద్‌లో సోమవారం వరుడి ఇంటి వద్ద రిసెప్షన్ నిర్వహించారు. అదేరోజు రాత్రి వధువు ఇంటికి మచిలీపట్నం కారులో బయలుదేరారు. గుంటుపల్లి వద్దకు వచ్చేసరికి  కారు అదుపు తప్పి రోడ్డుపక్కన ఉన్న చెట్టును ఢీకొట్టింది. ముందు సీట్లో కూర్చున్న వరుడి చిన్నాన్న అంబేద్కర్ చెట్టుకు, కారుకు మధ్య నలిగి మరణించాడు. వెనుక సీటులో కూర్చున్న అంబేద్కర్ భార్య ఎలిజిబెత్‌రాణి, నూతన వధూవరులు దుర్గాప్రసాద్, శ్రీదేవి, కారు డ్రైవర్ నున్న రాజీవ్ (23)లకు తీవ్ర గాయాలయ్యాయి. వారిని 108లో విజయవాడలోని ఓ ప్రైవేటు ఆస్పత్రికి తరలించారు. అప్పటికే ఎలిజబెత్‌రాణి మృతిచెందినట్లు వైద్యులు తెలిపారు. డ్రైవర్ నిద్రమత్తే ఈ ప్రమాదానికి కారణమై ఉంటుందని పోలీసులు భావిస్తున్నారు. 

 

 కోమాలో నూతన వధూవరులు

  నూతన వధూవరులు కోమాలోకి వెళ్లిపోవడంతో వారి బంధువులు శోకసంద్రంలో మునిగిపోయారు. పెళ్లి సంబరంలో పాల్గొనడానికి వచ్చిన దంపతులు మృతిచెందడంతో ఏఎస్సై నాగేంద్రరావు కుటుంబ సభ్యులు విలపిస్తున్నారు.