కరోనా వైరస్‌పై మంత్రి నాని సమీక్ష..

సాక్షి, అమరావతి : ప్రపంచాన్ని వణికిస్తోన్న కరోనా వైరస్‌పై ఆంధ్రప్రదేశ్‌ ప్రభుత్వం అప్రమత్తమైంది. ముందస్తు చర్యల్లో భాగంగా  కరోనా వైరస్‌పై వైద్య ఆరోగ్య శాఖ మంత్రి ఆళ్ల నాని అధికారులతో మంగళవారం సమీక్ష సమావేశం నిర్వహించారు. ఈ సందర్భంగా మంత్రి మాట్లాడుతూ.. ఇప్పటివరకు కరోనా వైరస్‌కు సంబంధించి రాష్ట్రంలో ఒక్క కేసు కూడా నమోదు కాలేదని చెప్పారు.

కరోనా వైరస్‌పై ప్రజలు ఆందోళన చెందాల్సిన అవసరం లేదన్నారు. బోధన ఆస్పత్రులు, జిల్లా ఆస్పత్రుల్లో 5 పడకలతో కూడిన ప్రత్యేక వార్డును ఏర్పాటు చేస్తున్నట్టు వెల్లడించారు. అలాగే ప్రతి ఆస్పత్రిలో కూడా వెంటిలేటర్లు సిద్ధంగా ఉంచాలని అధికారులను ఆదేశించారు. కరోనా వైరస్‌పై తక్షణమే ప్రత్యేక నోడలు అధికారిని నియమించాలన్నారు. 

చదవండి : చైనా నుంచి వచ్చిన రాయచోటి విద్యార్థిని