TV
ప్రైవేట్ బస్సుల్లో చెలరేగిన మంటలు
కడప: కడప నగరంలోని గ్రూప్ థియేటర్ సమీపంలో శనివారం ఉదయం ఆగి ఉన్న రెండు ప్రైవేట్ బస్సుల్లో అకస్మాత్తుగా మంటలు చెలరేగాయి. అగ్నికీలలు భారీగా ఎగిసిపడుతున్నాయి. దాంతో స్థానికులు వెంటనే స్పందించి అగ్నిమాపక శాఖ, పోలీసులకు సమాచారం అందించారు. ఫైరింజన్లతో ఘటన స్థలానికి చేరుకున్న అగ్నిమాపక సిబ్బంది మంటలార్పేందుకు ప్రయత్నాలు చేస్తున్నారు. బస్సులో మంటలు చెలరేగడానికి కారణాలు తెలియరాలేదు. పోలీసులు కేసు నమోదు చేసి దర్యాప్తు చేస్తున్నారు.
