TV
విత్తనాల కోసం రైతుల ధర్నా
గోరంట్ల : అనంతపురం జిల్లాలో వేరుశనగ విత్తనాల కోసం అన్నదాతలు రోడ్డెక్కారు. ప్రభుత్వం రైతులకు సకాలంలో విత్తనాలను అందించడంలేదని రైతులు జిల్లాలోని గోరంట్ల మండల కేంద్రంలోని వైఎస్సార్ సర్కిల్ వద్ద రోడ్డుపై బైఠాయించారు. సీజన్ మొదలైనా ఇప్పటివరకు రైతులకు విత్తనాలు అందకపోవడంతో ఆందోళనకు దిగారు. దీంతో పట్టణ ఎస్సై విత్తన అధికారులతో మాట్లాడి స్టాక్ ఉన్నంత వరకు రైతులకు ఇప్పిస్తానని హామి ఇచ్చారు. ఎస్సై హామితో సంతృప్తి చెందని రైతులు రోడ్డుపై బైఠాయించి ఆందోళన చేపట్టారు. దీంతో భారీగా ట్రాఫిక్ జామ్ అయింది.
