బాలిక మృతి... పోలీసుల అదుపులో తండ్రి

విశాఖపట్టణం: ఓ బాలిక మృతిపై అనుమానం వ్యక్తం చేస్తూ పోలీసులు ఆమె తండ్రిని అదుపులోకి తీసుకున్నారు. ఈ ఘటన శనివారం విశాఖపట్టణం జిల్లా మునగపాక మండల కేంద్రంలో జరిగింది. పోలీసులు తెలిపిన వివరాల ప్రకారం... మునగపాక ప్రభుత్వ హైస్కూల్‌లో 9 వతరగతి చదువుతున్న బాలిక శనివారం మధ్యాహ్నం ఇంటికి వచ్చి మృతి చెందింది. ఈ విషయాన్ని అప్పుడే కూలి పనికి వెళ్లి వచ్చిన తల్లి గమనించింది.

బాలిక మెడపై గాయాలు ఉండటాన్ని గమనించిని తల్లి ఆ విషయాన్ని బాలిక అంత్యక్రియల తర్వాత వెల్లడించింది. అలాగే బాలిక చనిపోయిన సమయంలో తన భర్త ఇంట్లోనే మద్యం మత్తులో ఉన్నాడని తెలిపింది. కూతురిని భర్త తరచూ వేధిస్తూ ఉండేవాడని పేర్కొంది. దీంతో తండ్రిని పోలీసులు అదుపులోకి తీసుకుని ప్రశ్నిస్తున్నారు.