TV
గ్రూప్‌–2 మెయిన్స్‌ రివైజ్డ్‌ కీ విడుదల
సాక్షి, అమరావతి: గ్రూప్‌–2 మెయిన్స్‌ (కంప్యూటర్‌ ఆధారిత) పరీక్షకు సంబంధించిన రివైజ్డ్‌ కీని ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (ఏపీపీఎస్సీ) శుక్రవారం రాత్రి విడుదల చేసింది. గ్రూప్‌– 2 కేడర్‌కు సంబంధించిన 982 పోస్టుల భర్తీకి జూలై 15, 16 తేదీల్లో మూడు పేపర్ల మెయిన్స్‌ పరీక్షను ఏపీపీఎస్సీ నిర్వహించిన విషయం తెలిసిందే. ఈ పరీక్షలకు సంబంధించిన ప్రాథమిక కీలను కమిషన్‌ పేపర్ల వారీగా విడుదల చేసింది. వీటిని వెబ్‌సైట్‌ (https:// www. psc.ap.gov.in)లో పొందుపరిచింది.
