నేడు నామినేషన్ల ఉప సంహరణ

నేడు నామినేషన్ల ఉప సంహరణ

ఆళ్లగడ్డ : కర్నూలు జిల్లా ఆళ్లగడ్డ ఉప ఎన్నికకు శుక్రవారం సాయంత్రంతో నామినేషన్ల ఉపసంహరణ గడువు ముగియనుంది.  వైఎస్ఆర్ కాంగ్రెస్ పార్టీ అభ్యర్థిగా అఖిల ప్రియతో పాటు మరో ఇద్దరు ఇండిపెండెంట్ అభ్యర్థులు ఎన్నికల బరిలో ఉన్నారు. కాగా ప్రధాన పార్టీలైన తెలుగుదేశం, కాంగ్రెస్ పార్టీలు అభ్యర్థులను నిలబెట్టకూడదని నిర్ణయించిన విషయం తెలిసిందే.

కర్నూలు జిల్లా కాంగ్రెస్ నాయకుల విజ్ఞప్తి మేరకు.. ఆళ్లగడ్డ ఉప ఎన్నికలలో తమ అభ్యర్థిని నిలబెట్టడం లేదని ఏపీసీసీ అధ్యక్షుడు రఘువీరారెడ్డి తెలిపారు. అంతకుముందే తెలుగుదేశం పార్టీ కూడా తమ అభ్యర్థిని అక్కడ పోటీ చేయించడం లేదని ప్రకటించింది.