TV
తమిళనాడులో తెలుగుభాష పరీక్ష విధానం రద్దు.. తెలుగు విద్యార్థుల సమస్యలపై ఆ రాష్ట్ర సీఎంతో చర్చిస్తామని రాష్ట్ర మంత్రి గంటా శ్రీనివాసరావు అన్నారు. బుధవారం ఆయన తిరుమల శ్రీవారిని దర్శించుకున్నారు. ఈ సందర్భంగా మీడియాతో మాట్లాడారు. తెలుగుభాష రద్దు నిర్ణయాన్ని తమిళనాడు ఉపసంహరించుకోవాలని డిమాండ్ చేశారు. ఈ విషయంపై ఇప్పటికే తమిళనాడు ముఖ్య మంత్రి జయలలితకు, చంద్రబాబు నాయుడు లేఖ రాశారని చెప్పారు. మంత్రి పల్లె రఘునాథరెడ్డి స్వయంగా వెళ్లి సమస్యపై చర్చించారని అన్నారు. మూడో విడత జన్మభూమి కార్యక్రమం విజయవంతంగా సాగుతోందన్నారు.
