న్యూఢిల్లీ: ప్రత్యక్ష పన్ను వసూళ్లు ప్రస్తుత ఆర్థిక సంవత్సరం (2014-15) ఏప్రిల్- జనవరి మధ్య 5.78 లక్షల కోట్లుగా నమోదయ్యాయి. గత ఆర్థిక సంవత్సరం ఇదే కాలంతో పోల్చుకుంటే (రూ.5.19 లక్షల కోట్లు)  ఈ మొత్తం 11.39 శాతం అధికం. కాగా నికర ప్రత్యక్ష పన్ను వసూళ్లు మాత్రం 10 నెలల కాలంలో 6.21 శాతం వృద్ధితో రూ.4.74 లక్షల కోట్లుగా నమోదయ్యాయి. స్థూల పన్ను వసూళ్లు భారీగా ఉన్నప్పటికీ, అధిక రిఫండ్స్ వల్ల నికర వసూళ్లు తగ్గిపోయాయి. ప్రస్తుత ఆర్థిక సంవత్సరం  ప్రత్యక్ష, పరోక్ష పన్ను వసూళ్లు 24.14 శాతం వృద్ధితో రూ.13.6 లక్షల కోట్ల వసూళ్లు లక్ష్యం.