TV
పోస్టల్ ఆదాయాలకు ఈ-రిటైల్ బూస్ట్
ముంబై : ఈ-మెయిల్స్, మొబైల్ ఫోన్ల రాకతో కాస్త కుదేలయిన పోస్టల్ శాఖకు .. ఆన్‌లైన్ షాపింగ్ సంస్థల రూపంలో ఆదాయాలు పెంచుకునేందుకు కొత్త మార్గం లభించింది. ఈ-కామర్స్ సైట్లు తమకొచ్చే ఆర్డర్లను డెలివరీ చేసేందుకు పోస్టల్ సర్వీసులను వినియోగించుకోవడానికి మొగ్గు చూపుతున్నాయి. దీంతో ఈ-కామర్స్‌లో అవకాశాలను గుర్తించిన పోస్టల్ శాఖ, వాటిని అందిపుచ్చుకునేందుకు ఈ-కామర్స్, పార్సిల్ ప్రాసెసింగ్ కోసం ప్రత్యేక కేంద్రాలను ఏర్పాటు చేస్తోంది. కేవలం ఈ-కామర్స్ సంస్థల ఆర్డర్లను డెలివరీ చేయడం ద్వారా గత ఆర్థిక సంవత్సరంలో సుమారు రూ. 10 కోట్ల ఆదాయం వచ్చింది. ఈ ఏడాది రెట్టింపునకు కృషి జరుగుతోంది.
