TV
టీవీఎస్ ఎక్సెల్ సూపర్ మోపెడ్ అమ్మకాలు @ కోటి
చెన్నై: టీవీఎస్ మోటార్ సంస్థ ఎక్సెల్ సూపర్ మోడల్‌లో స్పెషల్ ఎడిషన్‌ను శుక్రవారం మార్కెట్లోకి తెచ్చింది. 1980లో మార్కెట్లోకి తెచ్చిన ఎక్సెల్ సూపర్ మోపెడ్ కోటి అమ్మకాల మైలురాయిని సాధించిన సందర్భంగా ఈ స్పెషల్ ఎడిషన్‌ను అందిస్తున్నామని టీవీఎస్ మోటార్ ప్రెసిడెంట్, సీఈఓ కె.ఎన్.రాధాకృష్ణన్ చెప్పారు. అప్పటి చైర్మన్ దివంగత టి.ఎస్.శ్రీనివాసన్, ఇప్పటి చైర్మన్ వేణు శ్రీనివాసన్‌ల ఆలోచనల ఫలితంగా ఎక్సెల్ సూపర్ మోడల్ మోపెడ్ ఆవిర్భవించిందని వివరించారు. కుటుంబానికి విశ్వసనీయమైన టూ వీలర్‌ను చౌక ధరలో అందించాలన్న స్వప్నం ఈ మోపెడ్‌తో సాకారమైందని ఆయన పేర్కొన్నారు.
