భారత్‌లో జడ్‌టీఈ నుబియా ఫోన్

భారత్‌లో జడ్‌టీఈ నుబియా ఫోన్

- నుబియా జడ్9 మిని @ రూ.16,999
- అమెజాన్ ఇండియా ద్వారా లభ్యం
న్యూఢిల్లీ: చైనాకు చెందిన జడ్‌టీఈ కంపెనీ తన ప్రీమియం ఫోన్‌ల బ్రాండ్ నుబియాలో తొలి ఫోన్ జడ్9 మినీను భారత మార్కెట్లోకి ప్రవేశపెట్టింది. ధర రూ.16,999. ఈ ఫోన్ అమెజాన్ ఇండియా ద్వారా లభ్యమని జడ్‌టీఈ పేర్కొంది. ఆండ్రాయిడ్ లాలిపాప్ ఆపరేటింగ్ సిస్టమ్‌పై పనిచేసే ఈ డ్యుయల్ సిమ్ 4జీ ఫోన్‌లో 5  అంగుళాల ఐపీఎస్ ఎల్‌సీడీ డిస్‌ప్లే, ఆక్టా కోర్ క్వాల్‌కామ్ స్నాప్‌డ్రాగన్ 615 ప్రాసెసర్, 2జీబీ ర్యామ్, 16 జీబీ ఇంటర్నల్ మెమెరీ, 128 జీబీ ఎక్స్‌పాండబుల్ మెమెరీ, 16 మెగా పిక్సెల్ రియర్ కెమెరా, 8 మెగాపిక్సెల్ ఫ్రంట్ కెమెరా, 3000 ఎంఏహెచ్ బ్యాటరీ వంటి ప్రత్యేకతలున్నాయి.