TV
హైదరాబాద్‌: ప్రజలకు ఆశ చూపించి కొందరు వారి వద్ద నుంచి లక్కీ డ్రా పేరిట నగదు వసూలు చేస్తున్నారు. ఈ విధమైన సంఘటన నగరంలో కేపీహెచ్‌బీలో చోటుచేసుకుంది. వివరాలివి.. కొందరు డైమండ్‌ ఎంటర్ప్రైజెస్ పేరుతో ఒక సంస్థను ప్రారంభించారు. లక్కీడ్రా పేరుతో ప్రజలకు ఆశ చూపించి 800 మంది వద్ద నుంచి దాదాపుగా రూ. 20 లక్షల నగదు వసూలు చేశారు.
భారీగా నగదు సేకరించిన డైమండ్‌ ఎంటర్ప్రైజెస్ బోర్డు తిప్పేసింది. విషయం తెలుసుకున్న బాధితులు పోలీసులను ఆశ్రయించారు. కేసు నమోదు చేసుకున్న పోలీసులు మోసానికి పాల్పడిన ముగ్గురి నిర్వాహకులను అరెస్టు చేసి, రిమాండ్‌ తరలించారు.
