TV
కరీంనగర్ : వ్యవసాయ బావి వద్ద పని చేసుకుంటున్న రైతు ప్రమాదవశాత్తూ విద్యుధ్ఘాతానికి గురై అక్కడికక్కడే మరణించాడు. ఈ సంఘటన కరీంనగర్ జిల్లా గొల్లపల్లి మండలం అబ్బాపురం గ్రామంలో శనివారం చోటు చేసుకుంది. గ్రామానికి చెందిన చిన వెంక య్య (39) వ్యవసాయం చేసుకుంటూ జీవనం సాగిస్తున్నాడు.
ఈ రోజు ఉదయం బావి వద్దకు వెళ్లిన అతడు ట్రాన్స్‌ఫార్మర్ వద్ద ఫీజు వేసేందుకు ప్రయత్నిస్తుండగా.. విద్యుధ్ఘాతానికి గురై మృతి చెందాడు. చిన వెంకయ్య మృతితో ఉద్రిక్తులైన గ్రామస్థులు అధికారుల నిర్లక్ష్యం వల్లె ఈ ప్రమాదం జరిగిందని నిరసిస్తూ విద్యుత్ కార్యాలయం వద్ద ఆందోళనకు దిగారు.
దాంతో స్థానికంగా ఉద్రిక్తంగా మారింది. దీనిపై సమాచారం అందుకున్న పోలీసులు విద్యుత్ కార్యాలయానికి వచ్చి ఆందోళనకు దిగిన రైతులను శాంతింప చేసేందుకు ప్రయత్నిస్తున్నారు.
