గుంటూరు: జిల్లాలోని పెదకాకానిలో తీవ్ర విషాదం నెలకొంది. విద్యుత్‌ షాక్‌తో నలుగురు దుర్మరణ చెందారు. గోశాల వద్ద సంపులో పూడిక తీస్తుండగా ఈ దుర్ఘటన చోటు చేసుకుది. ఒక రైతుతో పాటు ముగ్గురు కూలీలు మృతి చెందారు. సంపులో పూడిక తీసివేతకు రైతు.. కూలీలను మాట్లాడుకుని ఆ పని చేస్తుండగా ఈ విషాదం జరిగినట్లు తెలుస్తోంది.

సామర్లకోట : విద్యుదాఘాతంలో 24 గంటల వ్యవధిలో తల్లీకుమారుడు మృతి చెందడంతో కాకినాడ జిల్లా సామర్లకోట మండలం వీర్రాఘవపురంలో విషాదం నెలకొంది. పోలీసులు, స్థానికుల కథనం ప్రకారం కాకినాడ జిల్లా సామర్లకోట మండలం వీర్రాఘవపురానికి చెందిన చిట్టుమాని పద్మ(43) ఇంటికి సంబంధించి ఎర్త్‌ వైర్‌ను కొళాయి పక్కన గల చెట్టుకు చుట్టేశారు. వినాయక చవితి ఉత్సవాల సందర్భంగా ఇంటి ఎర్త్‌వైర్‌ తెగిపోవడంతో అలా చేయాల్సి వచ్చిoది. అయితే శనివారం పద్మ కొళాయి దగ్గర దుస్తులు ఉతికి గోడపై వాటిని ఆరబెడుతూ విద్యుదాఘాతానికి గురై ప్రాణాలు కోల్పోయింది. అయితే బంధువులు, స్థానికులు గుండెపోటుతో మృతి చెందిందని భావించారు. కాగా, ఆదివారం ఉదయం మృతురాలి కుమారుడు చిట్టుమాని విశ్వేస్‌(23) టిఫిన్‌ చేశాక ఖాళీ ప్లేట్‌ను కొళాయి పక్కన పెట్టి చేతులు శుభ్రం చేసుకొంటున్న సమయంలో విద్యుత్‌ షాక్‌కు గురయ్యాడు. స్థానికులు అతనిని స్థానిక సామాజిక ఆరోగ్య కేంద్రానికి తరలిస్తుండగా ప్రాణాలు కోల్పోయాడు. విద్యుదాఘాతం కారణంగా తల్లీకొడుకులు మృతి చెందారని స్థానికులు నిర్ధారణకొచి్చ.. విషయాన్ని విద్యుత్‌ అధికారులకు తెలియజేశారు. వెంటనే ట్రాన్స్‌కో సిబ్బంది అక్కడకు చేరుకుని వైర్లను తొలగించారు.

సాక్షి,కడపజిల్లా: కడప నగరంలో బుధవారం(ఆగస్టు21) మధ్యాహ్నం విషాదం చోటు చేసుకుంది. తెగిపడి రోడ్డుపై పడ్డ కరెంటు తీగలు తగిలి ఒక విద్యార్థి మృతి చెందగా మరో విద్యార్థికి గాయాలయ్యాయి.తన్వీర్‌(11), ఆదాం(10)లు సైకిల్‌పై స్కూల్‌కు వెళ్తుండగా నగరంలోని అగాడీ వీధిలో ఈ ఘోరం జరిగింది. ప్రమాదం జరిగిన వెంటనే స్థానికులు స్పందించి చిన్నారులిద్దరినీ ఆస్పత్రికి తరలించారు. ప్రమాదానికి విద్యుత్‌శాఖ అధికారుల నిర్లకక్ష్యమే కారణమని విద్యార్థుల తల్లిదండ్రులు ఆందోళనకు దిగారు.

దేశ రాజధాని ఢిల్లీలో విద్యుదాఘాతానికి గురై 13 ఏళ్ల బాలుడి మృతి చెందాడు. రన్‌హోలా ప్రాంతంలోని కోట్లా విహార్ ఫేజ్-2లో క్రికెట్ ఆడుతున్న బాలుడు కరెంటు సరఫరా అవుతున్న ఇనుప స్తంభాన్ని తాకి అక్కడికక్కడే ప్రాణాలు విడిచాడు. #WATCH | Delhi: Visuals from a Cricket ground in outer Delhi's Ranhola area where a 13-year-old boy died due to electrocution yesterday. https://t.co/fl8WsQ0Eom pic.twitter.com/sKWiCfiMWH— ANI (@ANI) August 11, 2024బాలుడికి కరెంట్‌ షాక్‌ తగిలిందన్న విషయం తెలిసిన చుట్టుపక్కల వాళ్లు హుటాహుటిన సమీపంలోని ఆసుపత్రికి తరలించారు. బాలుడు అప్పటికే ప్రాణాలు కోల్పోయినట్లు వైద్యులు తెలిపారు. విషయం తెలిసిన బాలుడి తల్లిదండ్రులు కన్నీరుమున్నీరయ్యారు.విద్యుదాఘాతానికి కారణమైన వారిపై కఠిన చర్యలు తీసుకోవాలని వారు డిమాండ్ చేశారు. సకాలంలో తమ కుమారుడిని రక్షించేందుకు ఎవరూ ముందుకు రాలేదని వాపోయారు. కేసు నమోదు చేసుకున్న పోలీసులు దర్యాప్తు చేపడుతున్నారు. ఈ ఘటన శనివారం​ మధ్యాహ్న సమయంలో చోటు చేసుకుంది.

కనిగిరి రూరల్‌: కరెంట్‌ షాక్‌తో ముగ్గురు స్నేహితులు సజీవ దహనమయ్యారు. ఈ విషాద ఘటన మంగళవారం ప్రకాశం జిల్లా కనిగిరి మండలం పునుగోడు వద్ద జరిగింది. వివరాలు.. కనిగిరిలోని దేవాంగనగర్‌కు చెందిన వీరమాస గౌతమ్‌కుమార్‌(16), ఇందిరాకాలనీకి చెందిన దేశబోయి నజీర్‌(16), కామినేని బాలాజీ (16) పదో తరగతి వరకు కలిసి చదువుకున్నారు.గౌతమ్, నజీర్‌ పట్టణంలోని ఓ ప్రైవేటు కాలేజీలో ఇంటర్‌ ఫస్టియర్‌ చదువుతుండగా.. బాలాజీ చదువు ఆపేశాడు. వీరు ముగ్గురూ మంగళవారం మధ్యాహ్నం 3 గంటల సమయంలో పునుగోడు చెరువులో సరదాగా ఈత కొట్టేందుకు స్కూటీపై బయల్దేరారు. పునుగోడులోని ఎస్టీ కాలనీ సమీపంలో విద్యుత్‌ తీగ(11 కేవీ) తెగి కిందకు వేలాడుతోంది. వీరు ముగ్గురూ స్కూటీపై వెళ్తూ ఆ విద్యుత్‌ తీగకు తగిలారు. దీంతో ఒక్కసారిగా షాక్‌ కొట్టి ముగ్గురూ కిందపడిపోగా.. స్కూటీ నుంచి మంటలు చెలరే­గాయి. స్థానికులు వెంటనే ఈ విషయాన్ని విద్యు­త్, పోలీస్‌ అధికారులకు తెలియజేశారు. విద్యుత్‌ సరఫరా నిలిపివేసినప్పటికీ.. ముగ్గురూ కాలిపో­యి అక్కడికక్కడే ప్రాణాలు కోల్పోయారు. ఘట­నా స్థలాన్ని డీఎస్పీ రత్నాకరం రామరాజు, సీఐ, ఎస్సై, విద్యుత్, రెవెన్యూ అధికారులు పరిశీలించి దర్యాప్తు చేపట్టారు.మృత్యువులోనూ వీరి స్నేహం విడిపోలేదంటూ కుటుంబసభ్యులు, బంధువులు కన్నీరుమున్నీరుగా విలపించారు. విద్యు­త్‌ సిబ్బంది నిర్లక్ష్యమే తమ బిడ్డల ప్రాణాలు తీసిందని కుటుంబ సభ్యులు ఆగ్రహం వ్యక్తం చేశారు. కాగా, ఈ ప్రమాదంపై మంత్రి గొట్టిపాటి రవి, వైఎస్సార్‌సీపీ ఇన్‌చార్జ్‌ నారాయణ యాదవ్‌ దిగ్భ్రాంతి వ్యక్తం చేశారు. ప్రభుత్వం తరఫున నష్టపరిహారం అందించి ఆదుకుంటామని మంత్రి చెప్పారు. మా సిబ్బంది నిర్లక్ష్యం లేదు ఈ ఘటనలో విద్యుత్‌ శాఖ నిర్లక్ష్యమేమీ లేదని విద్యుత్‌ శాఖ డీఈఈ స్పష్టం చేశారు. ఈదురు గాలులకు విద్యుత్‌ తీగ తెగిందన్నారు. అయితే నేలపై పడకుండా చిల్లచెట్లపై ఉండటంతో పునుగోడు ఫీడర్‌ ట్రిప్‌ కాలేదని చెప్పారు. దీంతో విద్యుత్‌ సరఫరా నిలిచిపోలేదన్నారు. అప్పుడే అటుగా వెళ్తున్న విద్యార్థులు విద్యుత్‌ తీగకు తగలడంతో షాక్‌కు గురై మృతి చెందారని విద్యుత్‌ శాఖ డీఈఈ, ఏడీఈలు ఒక ప్రకటనలో వెల్లడించారు.

న్యూఢిల్లీ: దేశ రాజధాని విషాదం చోటుచేసుకుంది. యూపీఎస్సీ పరీక్షలకు సన్నధమవుతున్న ఓ విద్యార్ధి విద్యుత్‌ షాక్‌కు గురై ప్రాణాలు విడిచాడు. మృతుడిని నీలేష్‌ రాజ్‌గా గుర్తించారు. పటేల్‌ నగర్‌ మెట్రో స్టేషన్‌ సమీపంలో ఈ దుర్ఘటన జరిగింది.వివరాలు.. నీలేష్‌ రాజ్‌ అనే యువకుడు పటేల్‌ నగర్‌ హాస్టల్‌లో ఉంటూ సివిల్స్‌ సర్వీసెస్‌కు ప్రిపేర్‌ అవుతున్నాడు. అయితే వర్షం కారణంగా రోడ్డుపై నీరు నిలవడంతో అటువైపు వెళ్తున్న నీలేష్‌ విద్యుత్‌ షాక్‌ తగిలి అక్కడికక్కడే కుప్పకూలాడు. సమాచారం అందుకున్న పోలీసులు సంఘటనా స్థలానికి చేరుకొని పరిశీలించగా.. రోడ్డు పక్కనున్న ఇనుప గేటు గుండా కరెంట్‌ పాస్‌ అవ్వడంతో విద్యుదాఘాతానికి గురైనట్లు తెలిపారు. నీలేష్‌ను వెంటనే ఆర్‌ఎంఎల్‌ ఆస్పత్రికి తరలించగా, అప్పటికే మృతి చెందినట్లు వైద్యులు నిర్ధారించారు.ఈ ఘటనపై కేసు నమోదు చేసుకున్న పోలీసులు.. గేట్‌కు కరెంట్‌​ ఎలా పాస్‌ అయ్యిందో తెలుసుకునేందనే విషయంపై దర్యాప్తు చేపట్టారు. విద్యుత్ అధికారుల నిర్లక్ష్యం కారణంగా ఓ అమాయక వ్యక్తి ప్రాణాలు కోల్పోయాడని స్థానికులు మండిపడుతున్నారు.

హైదరాబాద్‌: నగరంలోని సనత్‌నగర్‌లో తీవ్ర విషాదం చోటు చేసుకుంది. సనత్‌నగర్‌లోని జెక్‌ కాలనీలో ఉన్న ఆకృతి రెసిడెన్సీలో విద్యుత్‌ షాక్‌తో ఒకే కుటుంబానికి చెందిన ముగ్గురు మృత్యువాత పడ్డారు. వీరు విద్యుత్‌ షాక్‌గురై మృతిచెందడం తీవ్ర కలకలం రేపింది. వీరంతా బాత్రూమ్‌లో విగత జీవులై పడి ఉండటాన్ని గుర్తించారు.

కొత్తగూడ: విద్యుదాఘాతంతో ఓ రైతు మృతి చెందాడు. ఈ ఘటన సోమవారం రాత్రి మండలంలోని ఎదుళ్లపల్లిలో జరిగింది. స్థానికుల కథనం ప్రకారం.. గ్రామానికి చెందిన జినుకల రాజు(24) నాటు వేయడానికి తన పొలం సిద్ధం చేశాడు. ఈ క్రమంలో నీరు పారించడానికి వ్యవసాయ క్షేత్రం వద్దకు వెళ్లాడు.రాత్రి అయినా ఇంటికి రాకపోవడం.. ఫోన్‌ లిఫ్ట్‌ చేయకపోవడంతో కుటుంబీకులకు అనుమానం వచ్చింది. దీంతో పొలం వద్దకు వెళ్లి చూడగా మోటార్‌ వద్ద షాక్‌ తగిలి మృతి చెంది ఉన్నాడు. దీంతో తల్లిదండ్రులు సింహద్రి, నాగమల్లు గుండెలవిసేలా రోదించారు.

బెంగళూరు: కన్నడ నటి పవిత్ర గౌడను ఆన్‌లైన్‌లో వేధించాడన్న పట్టారాని కోపంతో రేణుకస్వామి అనే చిరుద్యోగిని నటుడు దర్శన్‌ తూగుదీప, అతని అనుచరులు హతమార్చారన్న కేసులో కొత్త విషయాలు వెలుగులోకి వచ్చాయి. దర్శన్‌ సన్నిహిత నటి పవిత్ర గౌడను ఈ కేసులో ప్రధాన నిందితురాలిగా పేర్కొంటూ పోలీసులు గురువారం బెంగళూరులో 24వ అదనపు చీఫ్‌ మెట్రోపాలిటన్‌ మేజిస్ట్రేట్‌ ఎదుట రిమాండ్‌ రిపోర్ట్‌ను సమర్పించారు. స్వామికి కరెంట్‌ షాక్‌ ఇచ్చి హింసించామని ఇప్పటికే అరెస్టయిన ఒక నిందితుడు నేరాన్ని అంగీకరించాడు. ఈ వివరాలను రిమాండ్‌ రిపోర్ట్‌లో పోలీసులు ప్రస్తావించారు. హత్య తర్వాత అరెస్ట్, కేసు నుంచి తప్పించుకునేందుకు, మృతదేహాన్ని మాయం చేసి ఆధారాలను ధ్వంసంచేసేందుకు దర్శన్‌ భారీగా ఖర్చుచేశారని, అందుకోసం స్నేహితుడు మోహన్‌ రాజ్‌ నుంచి రూ.40 లక్షల అప్పు తీసుకున్నారని పోలీసులు వెల్లడించారు. షాక్‌ ఇచ్చేందుకు వాడిన ఎలక్ట్రిక్‌ షాక్‌ టార్చ్‌ను, ఆ రూ.40 లక్షల నగదును పోలీసులు ఇప్పటికే స్వా«దీనం చేసుకున్నారు. దర్శన్, మరో ముగ్గురిని పోలీస్‌ కస్టడీకి, పవిత్ర గౌడను జ్యుడీషియల్‌ కస్టడీకి పంపాలని కోర్టును పోలీసులు కోరారు. ఘటనాస్థలిలో చెప్పులతో కొట్టిన పవిత్ర చిత్రదుర్గ ప్రాంతంలో రేణుకస్వామిని కిడ్నాప్‌చేసి 200 కి.మీ.ల దూరంలోని బెంగళూరుకు తీసుకొచ్చి షెడ్‌లో కట్టేసి కొట్టేటపుడు నటి పవిత్ర గౌడ అక్కడే ఉన్నారని విశ్వసనీయ వర్గాలు వెల్లడించాయి. ఆమె కూడా రేణుకస్వామిని తన చెప్పులతో కొట్టారని పోలీసులు పేర్కొన్నారు. అసభ్య సందేశాలు పంపిన స్వామికి బుద్ది చెప్పాలని అక్కడే ఉన్న దర్శన్‌ను పవిత్ర ఉసిగొలి్పందని ఆయా వర్గాలు వెల్లడించాయి. రేణుకస్వామి పోస్ట్‌మార్టమ్‌లో కొత్త విషయాలు వెల్లడయ్యాయి. సున్నిత అవయవాలపై దాడితో వృషణాలు చితికిపోయాయని, ఒక చెవి కనిపించలేదని నివేదిక పేర్కొంది. రేణుకస్వామి గతంలో ఇన్‌స్టా్రగామ్‌లో పోస్ట్‌ చేసి డిలీట్‌చేసిన మెసేజ్‌లను వెలికి తీసివ్వాలని దాని మాతృ సంస్థ ‘మెటా’ను పోలీసులు కోరారు.

జైపూర్‌: మహాశివరాత్రి రోజు విషాదం చోటుచేసుకుంది. రాజస్థాన్‌లోని కోటాలో శివరాత్రి పర్వదినాన ఏర్పాటు చేసిన వేడుకల్లో కరెంట్‌ షాక్‌ తగిలి 14 మంది చిన్నారులు గాయపడ్డారు. బాధితులను సమీపంలోని ఆసుపత్రిలో చేర్చి చికిత్స అందిస్తున్నారు. వీరిలో ఇద్దరి పరిస్థితి విషమంగా ఉన్నట్లు రాష్ట్ర వైద్యారోగ్యశాఖ మంత్రి హీరాలాల్‌ నగర్‌ తెలిపారు.  విద్యుదాఘాతానికి గురైన చిన్నారులు వాళ్ల కుటుంబీకులు ఆసుపత్రిలోని ఎమర్జెన్సీ వార్డుకు తరలిస్తున్న దృశ్యాలు సోషల్‌ మీడియాలో వైరల్‌గా మారాయి. ఈ ఘటనపై మంత్రి మాట్లాడుతూ.. చాలా బాధాకరమైన సంఘటనగా పేర్కొన్నారు. చిన్నారులు తీవ్రంగా గాయపడ్డారని, వారిలో ఒకరికి 100శాతం శరీరంపై కాలిన గాయాలు ఉన్నట్లు తెలిపారు. ప్రత్యేక వైద్యుల బృందంతో చిన్నారులకు చికిత్స అందిస్తున్నట్లు చెప్పారు. కరెంట్‌ షాక్‌కు గల కారణాలపై దర్యాప్తు చేయాలని అధికారులను ఆదేశించినట్లు తెలిపారు. అయితే  విద్యుత్ షాక్‌కు హైటెన్షన్ ఓవర్ హెడ్ విద్యుత్ లైన్ కారణమని పోలీసులు అనుమానిస్తున్నారు. బాధితుల్లో ఇద్దరు పిల్లలకు 50 నుంచి 100 శాతం కాలిన గాయాలు, మిగిలిన వారు 50 శాతం కంటే తక్కువ కాలిన గాయాలు తగిలినట్లు పేర్కొన్నారు.

సాక్షి, జయశంకర్‌ భూపాలపల్లి: భూపాలపల్లి జిల్లాలో విషాదకర ఘటన చోటుచేసుకుంది. తెలంగాణ పోలీసు శాఖకు చెందిన గ్రేహౌండ్స్‌​ కానిస్టేబుల్‌ ఏ. ప్రవీణ్‌ కరెంట్‌ షాక్‌తో మృతిచెందాడు. ఇక, ఈ ఘటనపై ముఖ్యమంత్రి రేవంత్‌ రెడ్డి తీవ్ర విచారం వ్యక్తం చేశారు.  వివరాల ప్రకారం.. భూపాలపల్లి జిల్లాలో గ్రేహౌండ్స్‌ కానిస్టేబుల్‌ ప్రవీణ్‌ కూంబింగ్‌ డ్యూటీలో ఉ‍న్నాడు. నస్తుర్‌పల్లి అటవీ ప్రాంతంలో గుర్తు తెలియని వ్యక్తలు సంచరిస్తున్నారనే సమాచారంతో రావడంతో గాలించేందుకు టీమ్‌ అక్కడికి చేరుకుంది. ఈ క్రమంలో కూంబింగ్‌ చేస్తుండగా కరెంట్‌ షాక్‌ తగిలింది. దీంతో, ప్రవీణ్‌ అక్కడికక్కడే మృతిచెందాడు. కాగా, స్థానికులు వన్యప్రాణులను వేటాడేందుకు, వాటి నుంచి రక్షణ కోసం అక్కడ కరెంట్‌ తీగలను ఏర్పాటు చేసినట్టు సమాచారం. అది గమనించకుండా ఈ తీగలను తాకి ప్రవీణ్‌ మృతిచెందాడు. ఇక, ఈ ఘటనపై సీఎం రేవంత్‌ రెడ్డి తీవ్ర విచారం వ్యక్తం చేశారు. కానిస్టేబుల్‌ కుటుంబానికి అండగా ఉంటామన్నారు. 

ఓబులవారిపల్లె : మండలంలోని కొర్లకుంట చెరువు సమీపంలో విద్యుత్‌ షాక్‌తో తుపాకుల సుబ్రమణ్యం (35) అనే వ్యక్తి మృతి చెందాడు. పోలీసుల కథనం మేరకు రైల్వేకోడూరు మండలం, బొజ్జవారిపల్లి పంచాయతీ, బంగ్లామిట్ట గ్రామానికి చెందిన సుబ్రమణ్యం శుక్రవారం రాత్రి తన బావమరిది ఎం.శివతో కలిసి కొర్లకుంట చెరువు వద్దకు చేపల వేటకు వెళ్లాడు. దారిలో గుర్తు తెలియని వ్యక్తులు విద్యుత్‌ తీగలు తీయడంతో తీగలు తగిలి విద్యుత్‌ షాక్‌కు గురయ్యాడు. గాయపడిన సుబ్రమణ్యంను చికిత్స నిమిత్తం ప్రభుత్వ ఆసుపత్రికి తరలించారు. అక్కడ చికిత్స పొందుతూ శనివారం రాత్రి మృతి చెందాడు. మృతునికి భార్య ఉంది. రైల్వేకోడూరు పరిసర ప్రాంతాలలో సుబ్రమణ్యం ట్రాక్టర్‌ డ్రైవర్‌గా పనిచేసేవాడు. మృతుని కుటుంబ సభ్యుల ఫిర్యాదు మేరకు కేసు నమోదు చేసినట్లు ఎస్‌ఐ చిన్నపెద్దయ్య తెలిపారు. కన్న తల్లిని హతమార్చిన కూతురు వాల్మీకిపురం : కుటుంబ కలహాల నేపథ్యంలో కన్న తల్లిని హతమార్చిన సంఘటన వాల్మీకిపురం పట్టణం కొత్త ఇందిరమ్మ కాలనీలో చోటు చేసుకొంది. ఎస్‌ఐ నాగేశ్వరరావు కథనం మేరకు.. అనంతపురం జిల్లా కనేకల్లు మండలం హనకనహళ్‌ నివాసి యర్రక్క (43) స్థానికంగా నివాసం ఉంటూ కూలిపనులు చేసుకునేది. కుటుంబ కలహాలతో ఆదివారం కూతురు నందిని, అల్లుడు శివరాంలు ఐరన్‌ రాడ్‌, కట్టెలతో కొట్టి యర్రక్కను హత్య చేశారు. స్థానికులు పోలీసులకు సమాచారం అందించడంతో ఎస్‌ఐ నాగేశ్వర రావు సంఘటనా స్థలానికి చేరుకొని, మృతదేహాన్ని స్థానిక ప్రభుత్వాసుపత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నారు. రుణం చెల్లించలేదని ఆత్మహత్యాయత్నం మదనపల్లె : తాను ఇప్పించిన రుణం చెల్లించకపోవడంతో పాటు, తనపై దాడి చేయడంతో మనస్థాపం చెంది, వివాహిత ఆత్మహత్యాయత్నానికి పాల్పడిన సంఘటన ఆదివారం మదనపల్లె లో జరిగింది. పట్టణంలోని ఎగువ కురవంకకు చెందిన తిరుపాల్‌ నాయక్‌ భార్య తిరుపాలమ్మ (42), స్వయం సహాయక సంఘంలో సభ్యురాలుగా ఉంటోంది. అదే ప్రాంతంలో నివాసం ఉన్న స్వరూపారాణి పట్టణంలో హోటల్‌ నిర్వహిస్తోంది. దీంతో వ్యాపార అవసరాల కోసం తిరుపాలమ్మను నగదు రుణంగా కావాలని కోరింది. ఆమె సుమారు పది లక్షల రూపాయల వరకు స్వరూప రాణికి స్వయం సహాయక సంఘాల నుంచి రుణం తీసుకుని అప్పుగా ఇచ్చింది. అయితే స్వరూపారాణి తీసుకున్న అప్పు సక్రమంగా చెల్లించకపోవడంతో, తిరుపాలమ్మ ఆమెను అప్పు చెల్లించాల్సిందిగా నిలదీసింది. స్వరూప రాణి అప్పు చెల్లించకపోగా దాడికి పాల్పడింది. దీంతో మనస్థాపం చెందిన తిరుపాలమ్మ ఇంటి వద్ద ఆత్మహత్యాయత్నానికి పాల్పడింది. గమనించిన కుటుంబ సభ్యులు వెంటనే ఆమెను స్థానిక ప్రభుత్వ జిల్లా ఆసుపత్రికి తరలించారు. వన్‌ టౌన్‌ పోలీసులు కేసు విచారణ చేస్తున్నారు. ముఖ్య గమని​క: ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com

శ్రీసత్యసాయి, సాక్షి: సలార్‌ సినిమా రిలీజ్‌ నేపథ్యంలో అభిమానులు పండుగు చేసుకుంటుండగా.. ఊహించని విషాదం చోటుచేసుకుంది. ధర్మవరంలో థియేటర్‌ వద్ద ప్రమాదవశాత్తూ ఓ వీరాభిమాని మృతి చెందాడు. వివ‌రాల్లోకి వెళ్తే.. ప‌ట్ట‌ణ కేంద్రంలోని రంగా సినిమా థియేట‌ర్‌లో 'సలార్' సినిమా విడుదల సందర్భంగా బాలరాజు(27) థియేటర్ ఆవ‌ర‌ణ‌లో సలార్ మూవీ బ్యాన‌ర్‌ కడుతున్నాడు. ఆ సమయంలో ప్ర‌మాదవ‌శాత్తు ఫ్లెక్సీ రాడ్ పైనున్న హై వోల్టేజ్ తీగ‌లకు త‌గ‌ల‌డంతో షాక్‌కు గురై అక్క‌డిక‌క్క‌డే కుప్ప‌కూలాడు. వెంట‌నే ద‌గ్గ‌ర‌లోని హాస్పిల్‌కి త‌ర‌లించ‌గా ప‌రీక్షించిన వైద్యులు అప్ప‌టికే మృతిచెందినట్లు నిర్ధారించారు. విష‌యం తెలుసుకున్న‌ కుటుంబీకులు క‌న్నీటి ప‌ర్యంత‌మ‌య్యారు.  మరోవైపు బంధువులు, ప్రభాస్ ఫ్యాన్స్ థియేట‌ర్ వ‌ద్ద న్యాయం చేయాలంటూ, మృతిచెందిన‌ బాలరాజు కుటుంబాన్ని ఆదుకోవాలంటూ ఆందోళన చేపట్టారు. ఇవి కూడా చ‌ద‌వండి: కామారెడ్డిలో దారుణం: క్షణికావేశంలో కొడుకును పొడిచి, ఆపై తండ్రి కూడా..

అయిజ: ప్రమాదవశాత్తు విద్యుత్‌ తీగలు తగిలి యువకుడు మృతి చెందిన ఘటన మండల కేంద్రంలో చోటు చేసుకుంది. మృతుడి బంధువులు తెలిపిన వివరాలు ఇలా ఉన్నాయి. తిమ్మప్ప, గోవిందమ్మ దంపతులు పట్టణంలోని రజక వృత్తి చేస్తూ జీవనం సాగిస్తున్నారు. వారికి ఇద్దరు కుమారులు, కూతురు ఉన్నారు. వారు ఇళ్లు నిర్మించుకుంటున్నారు. పెద్ద కుమారుడు యుగేంధర్‌ (32) ఆదివారం నిర్మాణ దశలో ఉన్న గోడలకు నీళ్లు చల్లేందుకు వెళ్లాడు. అక్కడ వి ద్యుత్‌ తీగలు ప్రమాదవశాత్తు తగలడంతో అక్కడికక్కడే మృతి చెందాడు. మృతుడికి భార్య, ఇద్దరు పిల్లలు ఉన్నారు. ఈ ఘటనతో కుటుంబంలో విషాదఛాయలు అలుముకున్నాయి. నీటి సంపులో పడి చిన్నారి.. జడ్చర్ల: ఇంటి ఆవరణలోని నీటి సంపులో చిన్నారి పడి మృతి చెందిన ఘటన ఆదివారం స్థానిక కావేరమ్మపేటలో చోటు చేసుకుంది. కావేరమ్మపేటకు చెందిన గండు వినోద్‌, పుష్పమాల కూతురు రియాన్సిక(2) ఆడుకుంటూ వెళ్లి నీటి సంపులో పడింది. కొద్దిసేపటి తర్వాత తమ కూతురు కనిపించకపోవడంతో చుట్టుపక్కల వెతికినా ప్రయోజనం లేకపోయింది. చివరకు నీటి సంపులోకి తొంగి చూడగా చిన్నారి కనిపించడంతో బయటకు తీసి చూడ గా అప్పటికే మృతి చెందింది. ఒక్కగానొక్క కూతురు మృత్యువాత పడడంతో తల్లిదండ్రులు శోకసంద్రంలో మునిగిపోయారు. చికిత్స పొందుతూ వ్యక్తి.. అచ్చంపేట రూరల్‌: అమ్రాబాద్‌ మండలం ఈదులబావికి చెందిన మోటమోని రాజు (55) చికిత్స పొందుతూ శనివారం రాత్రి మృతి చెందాడు. ఎస్‌ఐ గోవర్ధన్‌ వివరాల మేరకు.. ఈనెల 10న అచ్చంపేటలోని ఎన్టీఆర్‌ స్టేడియం సమీపంలో ప్రమాదవశాత్తు బైక్‌పై నుంచి కిందపడ్డాడు. ప్రమాదంలో అతడికి తీవ్రగాయాలు కావడంతో కుటుంబ సభ్యులు ఉస్మానియా ఆస్పత్రికి తరలించగా.. చికిత్స పొందుతూ మృతి చెందాడు. మృతుడి కుమారుడు వినోద్‌ ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. మహిళ మెడలో నుంచి బంగారు గొలుసు చోరీ నాగర్‌కర్నూల్‌ క్రైం: ఆర్టీసీ బస్సులో మహిళ మెడలో నుంచి గుర్తు తెలియని వ్యక్తులు బంగారుగొలుసు చోరీకి పాల్పడిన ఘటన జిల్లా కేంద్రంలో ఆదివారం చోటు చేసుకుంది. బాధితురాలు తెలిపిన సమాచారం మేరకు వివరాలిలా.. బిజినేపల్లి మండలం పోలేపల్లికి చెందిన అలివేలమ్మ ఆర్టీసీ బస్సులో నాగర్‌కర్నూల్‌కు వస్తుండగా గుర్తుతెలియని వ్యక్తులు ఆమె మెడలో నుంచి 3తులాల బంగారు గొలుసును లాక్కెల్లారు. అలివేలమ్మ జిల్లా కేంద్రానికి చేరుకున్న తర్వాత గొలుసును చూసుకోగా లేకపోవడంతో పోలీస్‌స్టేషన్‌లో ఫిర్యాదు చేసింది. కేసు నమోదు చేసుకుని దర్యాప్తు చేస్తున్నట్లు ఎస్‌ఐ మహేందర్‌ తెలిపారు. కారు డ్రైవర్‌పై కేసు నమోదు వెల్దండ: వెల్దండ మండలం కొట్రగేట్‌ వద్ద శని వారం రాత్రి చోటుచేసుకున్న రోడ్డు ప్రమాదంలో యువకుడి మృతికి కారణమైన కారు డ్రైవర్‌ రుక్మాకర్‌రెడ్డిపై కేసు నమోదు చేసినట్లు ఎస్‌ఐ శ్రీనివాస్‌ ఆదివారం తెలిపారు. హైదరాబాద్‌కు చెందిన కొరివి రాకేష్‌ బైక్‌పై వస్తుండగా.. కారు వేగంగా వచ్చి ఢీకొట్టడంతో రాకేష్‌ మృతి చెందాడు. మృతుడి తండ్రి రాంబాబు ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. అసభ్యంగా ప్రవర్తించాడని యువకుడిపై దాడి మహమ్మదాబాద్‌: యువతితో అసభ్యకరంగా ప్రవర్తించాడన్న నెపంతో యువకుడిని చితకబాధిన వారిపై కేసు నమోదైంది. వివరాల్లోకి వెళితే మండలంలోని కప్లాపూర్‌ చెందిన మీర్జాపురం శేఖర్‌ కుటుంబీకులు అందరూ మహారాష్ట్రలో పూణెలో నివాసం ఉంటున్నారు. శేఖర్‌ గ్రామంలో ఇల్లు కట్టుకుని జీవనం సాగిస్తున్నాడు. కొంతకాలంగా దయాదులతో ఇంటి స్థలం విషయంలో అప్పుడప్పుడు గొడవలు అవుతున్నాయి. ఇదే క్రమంలో పథకం ప్రకారం యువతిపై అసభ్యకరంగా ప్రవర్తించాడంటూ తిరుపతయ్య, ఆయన కుమారులు మురళీ, గణేష్‌, అంజిలయ్య, కృష్ణ, విగ్నేష్‌ కలిసి శేఖర్‌ను చితకబాదారు. దీంతో బాధితుడి తండ్రి హనుమంతు ఫిర్యాదు మేరకు ఆదివారం ఐదుగురిపై కేసు నమోదు చేసినట్టు పోలీసులు తెలిపారు. బావపై బామ్మర్దుల దాడి ఉండవెల్లి: సొంత బావను బామ్మర్దులు దాడి చేసిన ఘటనలో ఆదివారం ముగ్గురిపై కేసు నమోదైంది. హెడ్‌ కానిస్టేబుల్‌ ప్రసాద్‌ తెలిపిన వివరాల ప్రకారం.. మండలంలోని బొంకూరుకు చెందిన బోయ తిరుమలేష్‌, స్రవంతి ప్రేమ వివాహం చేసుకున్నారు. ఇటీవల వారిద్దరికి మనస్పార్థాలు రావడంతో స్రవంతి పుట్టింటికి వెళ్లింది. ఈ క్రమంలో పెద్దమనుషుల వదద పంచాయితీ చేశారు. కాగా తిరుమలేష్‌ పొలానికి వెళ్లే క్రమంలో స్రవంతి తమ్ముడు నరేష్‌ దూషించి తిరుమలేష్‌పై దాడి చేశాడు. తిరుమలేష్‌ విషయం తండ్రి పెద్ద అయ్యన్నకు చెప్పగా, వారిద్దరు కలిసి పోలీస్‌స్టేషన్‌ వెళ్తుండగా బామ్మర్దులు దేవేందర్‌, నరేష్‌, అత్త గోపాలమ్మ వారిపై దాడి చేశారు. కేసు నమోదు చేసినట్లు హెడ్‌కానిస్టేబుల్‌ తెలిపారు.

అడ్డాకుల: కర్నూల్‌ జిల్లాకు చెందిన రామయ్య(80) తన సోదరుడు, మరో డ్రైవర్‌తో కలిసి కారులో హైదరాబాద్‌ వెళ్తున్నారు. శాఖాపూర్‌ దాటిన తర్వాత పాత రోడ్డు సమీపంలో కారుకు అడ్డుగా కుక్క వచ్చింది. దీంతో దాన్ని తప్పించే క్రమంలో డ్రైవర్‌ కారును పక్కకు తిప్పగా.. కారు అదుపు తప్పి రోడ్డు కిందకు దూసుకెళ్లి బోల్తా పడింది. అందులోని రామయ్య తీవ్రంగా గాయపడ్డాడు. మిగిలిన ఇద్దరు స్వల్ప గాయాలతో ప్రమాదం నుంచి సురక్షితంగా బయట పడ్డారు. రామయ్యను ఎల్‌అండ్‌టీ అంబులెన్స్‌లో జిల్లా ఆస్పత్రికి తరలించగా.. అప్పటికే ఆయన మృతి చెందారని అక్కడి వైద్యులు చెప్పినట్లు తెలిసింది. ఈ ప్రమాదంపై ఎలాంటి ఫిర్యాదు అందలేదని ఎస్‌ఐ మాధవరెడ్డి తెలియజేశారు. విద్యుదాఘాతంతో రైతు.. మహబూబ్‌నగర్‌ రూరల్‌: మండల పరిధిలోని మనికొండలో పెండెం చంద్రశేఖర్‌(49) విద్యుదాఘాతంతో మృతిచెందిన సంఘటన ఆలస్యంగా వెలుగులోకి వచ్చింది. మృతుడు ఆదివారం ఉదయం తన ఇంట్లో స్విచ్‌ బోర్డు వద్ద ఆన్‌ఆఫ్‌ చేస్తుండగా.. విద్యుదాఘాతానికి గురై అక్కడికక్కడే మృతిచెందినట్లు సర్పంచ్‌ గంగాపురి తెలియజేశారు. మృతుడికి ఇద్దరు కుమార్తెలు, భార్య ఉన్నారు. మృతుడి కుటుంబాన్ని ప్రభుత్వపరంగా ఆదుకొని పేద కుటుంబానికి అండగా నిలవాలని గ్రామస్తులు కోరుతున్నారు. మద్యం దుకాణం సీజ్‌ మహబూబ్‌నగర్‌ క్రైం: జిల్లా కేంద్రంలోని న్యూబాలాజీ మద్యం దుకాణాన్ని ఆదివారం రాత్రి ఎన్నికల వ్యయ పరిశీలకుడు, ఐఆర్‌ఎస్‌ అధికారి కుందన్‌యాదవ్‌ తనిఖీ చేశారు. ఎన్నికల కోడ్‌ ఉల్లంఘించి ఎక్కువ మొత్తంలో మద్యం విక్రయించినట్లు గుర్తించారు. ఎన్నికల అధికారి ఆదేశాల మేరకు ఎకై ్సజ్‌ ఈఎస్‌ సైదులు, సీఐ వీరారెడ్డి, ఎస్‌ఐ శ్రీనివాస్‌ మద్యం దుకాణంలో స్టాక్‌ పరిశీలించి సీజ్‌ చేశారు. సదరు దుకాణాదారుడి లైసెన్స్‌ రద్దు చేశారు. దుకాణంలో రూ.8లక్షల విలువగల స్టాక్‌ ఉన్నట్లు తెలిపారు. అదేవిధంగా రెండు రోజుల కిందట జహంగీర్‌ అనే వ్యక్తి రూ.2లక్షల విలువగల మద్యాన్ని ఆటోలో తరలిస్తుండగా, పట్టుకుని సీజ్‌ చేసినట్లు పేర్కొన్నారు. భారీగా మద్యం పట్టివేత చిన్నంబావి: వనపర్తి జిల్లా చిన్నంబావి మండలంలోని దగడపల్లిలో రూ.4లక్షల విలువగల 47 కాటన్ల మద్యాన్ని పట్టుకున్నట్లు ఎస్‌ఐ ఓబుల్‌రెడ్డి తెలిపారు. దగడపల్లికి చెందిన వెంకట్రావు ఇంట్లో 29 కాటన్లు, కుమ్మరి రమేష్‌ ఇంట్లో 3 కాటన్లు, కుమ్మరి శంకరయ్య ఇంట్లో 17 కాటన్ల మద్యం నిల్వ చేయగా, స్వాధీనం చేసుకుని కేసు నమోదు చేసినట్లు వెల్లడించారు. ఈ తనిఖీల్లో ఎకై ్సజ్‌ సీఐ కళ్యాణ్‌, స్పెషల్‌ పార్టీ పోలీస్‌ రవినాయక్‌, వీపనగండ్ల ఎస్‌ఐ రవికుమార్‌ పాల్గొన్నారు.

గోపాల్‌పేట: దేవుడి మొక్కు తీర్చుకునేందుకు వచ్చి ప్రమాదవశాత్తు కరెంటు షాక్‌కు గురై ముగ్గురు గాయాలపాలైన ఘటన ఏదుల సమీపంలో చోటు చేసుకుంది. స్థానికులు తెలిపిన వివరాల ప్రకారం.. నాగర్‌కర్నూల్‌ జిల్లా పెద్దదగడకు చెందిన ఓ కుటుంబం ఏదుల సమీపంలోని కథాల్‌సాయన్న దేవుడికి తమకు మొక్కుకున్నారు. గురువారం కుటుంబ సభ్యులు పెద్దదగడ నుంచి ఏదుల కథాల్‌సాయన్న గుడి వద్దకు డీసీఎంలో సుమారు 15మంది వచ్చారు. డీసీఎంలో వచ్చిన వారు కొంత దూరంలోనే దిగారు. వృద్ధులు గుడి దగ్గరకు వెళ్లి అక్కడ దిగేందుకు డీసీఎంలోనే కూర్చున్నారు. గుడి సమీపంలోకి వెళ్లిన తర్వాత డ్రైవర్‌ డీసీఎంను నిలిపేందుకు వెళ్తుండగా, 11 కేవీ వైర్లు కిందకు వేలాడుతూ ఉండటంతో డీసీఎంకు తగిలాయి. అలాగే ముందుకు వెళ్లడంతో కరెంటు పోల్‌ విరిగిపోయి వైర్లు తెగి నేలకు తగిలాయి. దీంతో డీసీఎం అంతా షాక్‌ రావడంతో అందులో ఉన్న వృద్ధులు ఈశ్వరమ్మ, వెంకటమ్మ, చంద్రమ్మలకు తీవ్ర గాయాలయ్యాయి. డ్రైవర్‌ తప్పించుకున్నాడు. వెంటనే కరెంట్‌ బంద్‌ చేయించి వారిని వనపర్తి ఆస్పత్రికి తరలించారు. ప్రస్తుతం వారి పరిస్థితి విషమంగా ఉన్నట్లు కుటుంబ సభ్యులు తెలిపారు. వైర్లు వేలాడటం వల్లనే ఈ ప్రమాదం జరిగిందని తెలిపారు. ఇది చదవండి: బైక్‌ను ఢీకొన్న ఆర్టీసీ బస్సు.. ఈ ఘటన లో...!

మహబూబ్‌నగర్‌: అడవి పందుల బారినుంచి పంటను కాపాడుకునేందుకు ఏర్పాటు చేసిన విద్యుత్‌ వైరు తగిలి షాక్‌తో ఇద్దరు రైతులు అక్కడికక్కడే మృతిచెందారు. ఈ విషాదకర సంఘటన గురువారం రాత్రి వనపర్తి జిల్లా ఖిల్లాఘనపురం మండలంలోని రుక్కన్నపల్లి శివారులో చోటుచేసుకుంది. కుటుంబ సభ్యులు, గ్రామస్తుల కథనం ప్రకారం.. రుక్కన్నపల్లితండాకు చెందిన రాములునాయక్‌(37) రుక్కన్నపల్లి, కోతులకుంట తండాల శివారులో ఐదున్నర ఎకరాల్లో వరిపంట సాగు చేశాడు. ప్రస్తుతం పంట కోత దశకు వచ్చింది. ఈ క్రమంలో అడవి పందులు పంటను నాశనం చేస్తుండటంతో కొన్నిరోజుల నుంచి చుట్టూ విద్యుత్‌ కంచె ఏర్పాటు చేసి రాములు అత్తగారి ఇంటి నుంచి కరెంట్‌ కనెక్షన్‌ ఇచ్చారు. గురువారం రాత్రి అతనికి తోడుగా సోళీపురం గ్రామానికి చెందిన జాలికాడి నర్సింహులు(45)ను పిలుచుకున్నాడు. ఇద్దరూ కలిసి పొలం దగ్గరకు వెళ్లారు. ఇదే సమయంలో ప్రతిరోజు మాదిరిగానే రాములునాయక్‌ భార్య శారద ఇంటి దగ్గర కరెంట్‌ ఆన్‌ చేయడానికి తన భర్తను అడిగేందుకు ఫోన్‌లో చేసింది. అయితే అప్పటికే ఫోన్‌ స్విచ్‌ ఆఫ్‌ అని వచ్చింది. దీంతో ప్రతిరోజు లాగే గురువారం సైతం కరెంట్‌ ఆన్‌ చేసింది. ఈ విషయం తెలియని రాములునాయక్‌, జాలికాడి నర్సింహులు ఇద్దరూ వరి చేను దగ్గరకు వెళ్లగా.. కరెంట్‌ తీగలు తగలడంతో విద్యుత్‌ షాక్‌కు గురై అక్కడికక్కడే మృతిచెందారు. తర్వాత అటుగా వెళ్లిన ఇతర పొలాల రైతులు గమనించి కుటుంబ సభ్యులకు సమాచారం అందించారు. దీంతో ఇరు కుటుంబాల సభ్యులతోపాటు రెండు గ్రామాల ప్రజలు పెద్దఎత్తున ఘటనా స్థలానికి చేరుకున్నారు. అర గంట ముందు వరకు కళ్ల మందు ఉన్న వ్యక్తులు అంతలోనే విగతజీవులుగా మారడంతో బోరుమని విలపించారు. రాములు నాయక్‌కు భార్యతోపాటు ముగ్గురు ఆడపిల్లలు ఉండగా.. నర్సింహకు భార్య బొజ్జమ్మతోపాటు ఒక కుమారుడు, ముగ్గురు కూతుళ్లు ఉన్నారు.

సాక్షి, ఆదిలాబాద్‌: గోండు వీరుడు కుమురంభీం వర్ధంతి కార్యక్రమం నిర్మల్‌ జిల్లాలో విషాదం నింపింది. పోలీసులు తెలిపిన కథనం ప్రకారం... కడెం మండలం చిన్నబెల్లాల్‌ గ్రామపంచాయతీ పరిధిలోని గొండుగూడలో ఆదివారం భీం వర్ధంతి కార్యక్రమం నిర్వహించారు. జెండా గద్దె వద్ద భీం చిత్రపటాన్ని పెట్టి జెండా ఎగురవేసేందుకు ఇనుప పైపు అమరుస్తుండగా అది సమీపంలోని 11 కేవీ విద్యుత్‌ తీగకు తగిలింది. విద్యుత్‌ సరఫరా కావడంతో పైపును పట్టుకున్న మోహన్‌, భీంరావు, వెంకట్‌రావు షాక్‌కు గురయ్యారు. అప్రమత్తమైన స్థానికులు బాధితులను విద్యుత్‌ సరఫరా నిలిపివేయించి ఖానాపూర్‌ ప్రభుత్వ ఆసుపత్రికి తరలిస్తుండగా పెంద్రం మోహన్‌(25) మార్గమధ్యలో మరణించాడు. ఆత్రం భీంరావు(26) ఆసుపత్రిలో చికిత్స పొందుతూ మృతిచెందాడు. మరో బాధితుడు వెడ్మ వెంకట్‌రావు ఆసుపత్రిలో చికిత్స పొందుతున్నాడు. ఆత్రం భీంరావుకు భార్య గంగామణి, ఇద్దరు కుమారులు ఉన్నారు. పెంద్రం మోహన్‌ బీటెక్‌ పూర్తి చేసుకుని ఉద్యోగ ప్రయత్నంలో ఉన్నాడు. ఇద్దరు యువకుల మృతితో చిన్నబెల్లాల్‌ గ్రామంలో విషాదం అలుముకుంది. కుటుంబ సభ్యుల ఫిర్యాదు మేరకు కేసు దర్యాప్తు చేస్తున్నట్లు ఎస్సై రాజు తెలిపారు. బీఆర్‌ఎస్‌ ఖానాపూర్‌ అభ్యర్ది భుక్యా జాన్సన్‌నాయక్‌ ఆసుపత్రిలో బాధిత కుటుంబాలను పరామర్శించారు. అండగా ఉంటామని హామీ ఇచ్చారు. ఇవి చదవండి: ప్రాణం తీసిన పబ్జీ గేమ్‌.. ఏకంగా సెల్‌ టవర్‌ ఎక్కి.. పైనుంచి..

గోపాల్‌పేట: ఉరేసుకుని ఆర్టీసీ ఉద్యోగి ఆత్మహత్యకు పాల్పడిన ఘటన వనపర్తి జిల్లా గోపాల్‌పేట మండలం తాడిపర్తిలో చోటుచేసుకుంది. ఎస్‌ఐ వెంకటేశ్వర్లు వివరాల మేరకు.. తాడిపర్తికి చెందిన చంద్రశేఖర్‌గౌడ్‌ (52) కొన్నేళ్లుగా ఆర్టీసీ డ్రైవర్‌గా పని చేస్తుండేవాడు. నాలుగు నెలల కిందట ఆర్టీసీ అధికారులు చంద్రశేఖర్‌గౌడ్‌ను సస్పెన్షన్‌ చేశారు. అప్పటి నుంచి తాగుడుకు బానిసయ్యాడు. ఈ క్రమంలో ఆర్థిక ఇబ్బందులకు తోడు కుటుంబ సభ్యులు అతడిపై కోపంతో ఇటీవల హైదరాబాద్‌కు వెళ్లారు. గురువారం రాత్రి ఇంట్లో ఉరేసుకుని ఆత్మహత్యకు పాల్పడ్డాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ తెలిపారు. ముఖ్య గమని​క: ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com విద్యుదాఘాతంతో ‘భగీరథ’ లైన్‌మేన్‌ మృతి గోపాల్‌పేట: విద్యుదాఘాతంతో మిషన్‌ భగీరథ పథకం లైన్‌మేన్‌ మృతి చెందిన ఘటన గోపాల్‌పేట మండలం తాడిపర్తిలో శుక్రవారం చోటుచేసుకుంది. స్థానికుల వివరాల మేరకు.. తాడిపర్తిలో మిషన్‌ భగీరథ ప్రధాన పైప్‌లైన్‌ లీకేజీ అయింది. పైప్‌లైన్‌కు మరమ్మతు చేసేందుకుగాను కాశీంనగర్‌కు చెందిన వాటర్‌మేన్‌ సతీష్‌ (45) వెల్డింగ్‌ మిషన్‌కు విద్యుత్‌ కనెక్షన్‌ ఇచ్చే క్రమంలో ప్రమాదవశాత్తు షాక్‌కు గురయ్యాడు. స్థానికులు గమనించి చికిత్స నిమిత్తం వనపర్తి జిల్లా ఆస్పత్రికి తరలించగా, అప్పటికే అతడు మృతి చెందినట్లు వైద్యులు తెలిపారు. ఈ విషయంపై ఎటువంటి ఫిర్యాదు అందలేదని ఎస్‌ఐ వెంకటేశ్వర్లు తెలిపారు. పోక్సో కేసులో 20ఏళ్ల జైలుశిక్ష చిన్నచింతకుంట: పోక్సో కేసులో నిందితుడికి మహబూబ్‌నగర్‌ ఫాస్ట్‌ట్రాక్‌ స్పెషల్‌ కోర్టు న్యాయమూర్తి శుక్రవారం 20ఏళ్ల జైలుశిక్ష, రూ.5 వేల జరిమానా విధిస్తూ తీర్పు ఇచ్చారు. చిన్నచింతకుంట మండలం లాల్‌కోటకు చెందిన ట్రాక్టర్‌ డ్రైవర్‌ పోగుల రాజుపై 2018లో పోక్సో కేసు నమోదైంది. కోర్టులో వాదోపవాదాల అనంతరం నేరం రుజువు కావడంతో నిందితుడికి 20ఏళ్ల జైలుశిక్ష, రూ.5వేల జరిమానా విధిస్తూ న్యాయమూర్తి తీర్పు చెప్పారని ఎస్‌ఐ శేఖర్‌ తెలిపారు.

నందిపేట్‌ (ఆర్మూర్‌): తల్లిదండ్రులతో కలిసి షాపింగ్‌ మాల్‌కు వెళ్లిన చిన్నారి.. చాక్లెట్‌ కోసమని ఫ్రిడ్జ్‌ని తెరిచే క్రమంలో విద్యుత్‌ షాక్‌ తగిలి మృతి చెందిన ఘటన నిజామాబాద్‌ జిల్లా నందిపేట మండల కేంద్రంలో జరిగింది. నవీపేట మండల కేంద్రానికి చెందిన గూడూర్‌ రాజశేఖర్‌ భార్య, కూతురు రిషిత (4)తో కలిసి నందిపేటలో ఉండే అత్తగారింటికి ఆదివారం వచ్చాడు. సోమవారం ఉదయం వారు తిరిగి స్వగ్రామానికి వెళ్తూ.. నందిపేటలోని ఎన్‌ మార్ట్‌ షాపింగ్‌ మాల్‌లోకి సరుకులు కొనేందుకు  వెళ్లారు. రాజశేఖర్‌ వస్తువులు తీసుకుంటుండగా పక్కనే ఐస్‌క్రీంలు ఉన్న ఫ్రిడ్జ్‌ని తెరిచేందుకు రిషిత ప్రయత్నించింది. ఫ్రిడ్జ్‌కి కరెంట్‌ సరఫరా కావడంతో చిన్నారి విద్యుదాఘాతానికి గురైంది. ఫ్రిడ్జికి అలాగే అంటుకుని కొన్ని సెకన్లపాటు వేలాడింది. గమనించిన తండ్రి పాపను తీసుకుని స్థానిక ఆస్పత్రికి, జిల్లా కేంద్రంలోని ప్రభుత్వాస్పత్రికి తరలించాడు. అయితే అప్పటికే పాప మృతి చెందింది.  చిన్నారి మృతదేహంతో రాస్తారోకో..: షాపింగ్‌మాల్‌ యజమానుల నిర్లక్ష్యం వల్లే రిషిత మృతి చెందిందని బాధిత కుటుంబ సభ్యులు, బంధువులు మృతదేహంతో మాల్‌ ఎదురుగా రోడ్డుపై నాలుగు గంటలపాటు రాస్తారోకో చేశారు. వీరికి స్థానికులు మద్దతు తెలుపడంతో రాకపోకలు నిలిచిపోయాయి. ఘటనా స్థలానికి చేరుకున్న ఎస్‌ఐ రాహుల్, తహసీల్దార్‌ ఆనంద్‌కుమార్‌ బాధిత కుటుంబానికి న్యాయం చేస్తామని, మాల్‌ యజమానులపై కేసులు నమోదు చేస్తామని హామీ ఇవ్వడంతో ఆందోళనను విరమించారు. 

సాక్షి, సూర్యాపేట, నడిగూడెం: ట్రాన్స్‌ఫార్మర్‌కు మరమ్మతులు చేస్తుండగా ప్రమాదవశాత్తు విద్యుదాఘాతానికి గురై విద్యుత్‌ ఆపరేటర్‌ మృతిచెందాడు. సూర్యాపేట జిల్లా నడిగూడెం మండలం తెల్లబల్లి గ్రామ పరిధిలో గురువారం జరిగిన ఈ సంఘటనపై గ్రామస్తులు తెలిపిన వివరాలివి. తెల్లబల్లి గ్రామానికి చెందిన నెమ్మాది సుధాకర్‌ (40) మునగాల మండలం రేపాల విద్యుత్‌ సబ్‌స్టేషన్‌లో ఆపరేటర్‌గా పనిచేస్తున్నాడు. సుధాకర్‌ గురువారం విధులకు వెళ్లేందుకు సిద్ధమవుతుండగా.. తెల్లబల్లి గ్రామానికి చెందిన పలువురు రైతులు రత్నవరం రహదారిలోని ట్రాన్స్‌ఫార్మర్‌ పనిచేయడం లేదని అతన్ని తీసుకెళ్లారు. ఆ ట్రాన్స్‌ఫార్మర్‌ మునగాల మండలం ఆకుపాముల విద్యుత్‌ సబ్‌స్టేషన్‌ పరిధిలో ఉందనుకొని అక్కడి నుంచి సుధాకర్‌ ఎల్‌సీ తీసుకున్నాడు. కానీ ఆ ట్రాన్స్‌ఫార్మర్‌ నడిగూడెం విద్యుత్‌ సబ్‌స్టేషన్‌ పరిధిలో ఉంది. ఈ విషయం తెలియకపోవడంతో సుధాకర్‌ ట్రాన్స్‌ఫార్మర్‌ ఎక్కి మరమ్మతులు చేసే క్రమంలో విద్యుదాఘాతానికి గురై అక్కడికక్కడే మృతిచెందాడు. మృతునికి భార్య, ఇద్దరు కుమారులున్నారు. కాగా ఈ ఘటనపై ఫిర్యాదు అందలేదని పోలీసులు తెలిపారు. 

సాక్షి, పల్నాడు జిల్లా: నగరాలు, పట్టణాలు అనే తేడా లేకుండా గణపతి నవరాత్రి ఉత్సవాలు దేశ వ్యాప్తంగా ఘనంగా జరుగుతున్నాయి. ఆలయాల్లో, వీధుల్లో, వ్యాపార సముదాయాల్లో, అపార్ట్‌మెంట్‌లలో వివిధ రూపాల్లో వినాయ​కుడి విగ్రహాలను ఏర్పాటు చేసుకుని పూజలు నిర్వహిస్తున్నారు. మండపాల్లో గణనాధుడిని నిత్య అలంకరణలు చేస్తూ ఉదయం, సాయంత్రం పూజలు చేస్తున్నారు. ఇప్పటికే కొన్ని చోట్ల గణేష్ నిమజ్జనోత్సవాలు ఘనంగా జరుగుతున్నాయి. అయితే కొన్ని చోట్ల నిమజ్జనం మహోత్సవంలో పలు అపశ్రుతి, అనుకోని సంఘటనలు వెలుగుచూస్తున్నాయి. తాజాగా గణేష్‌ నిమజ్జనం ఊరేగింపులో కరెంట్‌ షాక్‌ తగిలి 13 ఏళ్ల బాలుడు మృతిచెందాడు. ఈ విషాదకర ఘటన నరసరావుపేటలో చోటుచేసుకుంది. సోమవారం వినాయకుడి ఊరేగింపు చూసేందుకు 13 ఏళ్ల బాలుడు వెళ్లాడు. కాగా ప్రమాదవశాత్తు కరెట్‌ షాక్‌ తగిలి బాలుడు కుప్పకూలిపోయాడు. గమనించిన కుటుంబ సభ్యులు, స్థానికులు పిల్లాడిని ఆసుపత్రికి తరలించగా.. అప్పటికే మరణించినట్లు వైద్యులు తెలిపారు.  చదవండి: తిరుమల: ముగింపు దశకు బ్రహ్మోత్సవాలు.. వేడుకగా చక్రస్నానం

కౌండిన్య ఎలిఫెంట్‌ శాంచురీని నుంచి మేతకోసం అడవిని దాటి పంట పొలాల్లోకి వచ్చే ఏనుగులకు కరెంట్‌ పెద్ద శత్రువులా మారింది. ఇప్పటి వరకు కరెంట్‌ షాక్‌లతో 14 ఏనుగులు మృతిచెందగా.. తాజాగా బైరెడ్డిపల్లె మండలం నల్లగుట్లపల్లె వద్ద మరో ఆడ ఏనుగు కరెంటుకు బలైంది. వంటిపై దురద తీర్చుకోవడానికి కరెంటు స్థంభాలను రుద్దడం, తొండంతో విరగ్గొడుతుండడంతో తీగలు పైన పడుతున్నాయి. మరికొన్ని చోట్ల రైతుల పొలాల వద్ద తక్కువ ఎత్తులోని 12కేవీ కరెంటు వైర్లు తగిలి మృతిచెందుతున్నాయి. చిత్తూరు: కౌండిన్య అభయారణ్యంలో కరెంటుకు ఏనుగులు బలి అవుతున్నాయి. ఇప్పటి పలు ఘటనల్లో 20 ఏనుగులు మృతిచెందగా, ఇందులో 15 ఏనుగులు కరెంట్‌ తీగలు తగిలి చనిపోవడం బాధాకరం. అభయారణ్యంలో మొత్తం వందకుపైగా ఏనుగులున్నాయి. ఇవి గుంపులు గుంపులుగా సంచరిస్తున్నాయి. ముసలిమొడుగు, జగమర్ల, మొగిలిఘాట్‌, నెల్లిపట్ల, వెంగంవారిపల్లి, తోటకనుమ ప్రాంతాల్లో గుంపులుగా తిరుగుతున్నాయి. మదపుటేనుగులు ఒంటరిగానే సంచరిస్తున్నాయి. కౌండిన్య అభయారణ్యం నుంచి ఏనుగులు బయటికి రాకుండా అటవీశాఖ నిర్మించిన ఎలిఫెంట్‌ ట్రెంచీలు, సోలార్‌ఫెన్సింగ్‌ పెద్దగా ఫలితాలను ఇవ్వడం లేదు. తెలివైన జంతువుగా పేరున్న గజరాజులు ట్రెంచీలను పూడ్చి, బండలను వాటిల్లోకి దొర్లించి, సోలార్‌ ఫెన్సింగ్‌ను విరగ్గొట్టి అడవి నుంచి బయటకు వచ్చేస్తున్నాయి. ఏనుగుల సమస్యకు శాశ్వతచర్యలు తీసుకోకుంటే భవిష్యత్తులో కౌండిన్యాలో ఏనుగుల జాడ కనుమరుగైయ్యే అకాకాశం ఉంది. బలమైన ఫెన్సింగ్‌ నిర్మాణంతోనే కట్టడి కౌండిన్యా అడవిలో 66 కిలోమీటర్ల మేర సోలార్‌ ఫెన్సింగ్‌ను గతంలో నిర్మించారు. ఇందులో కొన్ని చోట్ల సోలార్‌ ఫెన్సింగ్‌కు అమర్చిన డీసీ బ్యాటరీలు పనిచేయక విద్యుత్‌ ప్రసరించడం లేదు. కొత్తగా ఏర్పాటు చేసిన సోలార్‌ ఫెన్సింగ్‌లో మరీ తేలిగ్గా ఉన్న పైపులున్నచోట వీటిని ఏనుగులు తొక్కి నాశనం చేస్తున్నాయి. సోలార్‌ ఫెన్సింగ్‌తోబాటు కౌండిన్య అటవీప్రాంతంలో 12 చోట్ల 74 కిలోమీటర్లమేర ఎలిఫెంట్‌ ప్రూఫ్‌ ట్రెంచెస్‌ పనులను గతంలో చేపట్టారు. అయితే ట్రెంచికి మధ్యలో రాతి బండల కారణంగా అక్కడక్కడ గ్యాప్‌లున్నాయి. ట్రెంచి వెడల్పు మూడు మీటర్లుగానే ఉంది. ఏనుగులు కొన్ని చోట్ల గుంతలు ఉన్న గుట్టల గుండా, లేదా గుంతల్లోకి మట్టిని నింపి వెలుపలికి వస్తున్నాయి. కేరళ, అస్సాం రాష్ట్రాల్లో ఏనుగులు అడవిలోంచి బయటకు రాకుండా పాత రైలు పట్టాలకు ఫెన్సింగ్‌ను ఏర్పాటు చేసినట్టు ఇక్కడా చేపట్టాలి. స్థానిక అడవిలో కొంతమేర ఇప్పటికే నిర్మించిన కర్ణాటక టైప్‌ వేలాడే ఫెన్సింగ్‌నైనా పూర్తిస్థాయిలో చేపట్టాలి. అడవికి ఆనుకుని ఉన్న బఫర్‌జోన్‌లో ముళ్లుకలిగిన కలిమిచెట్లు, గారచెట్లు, నిమ్మచెట్టు లాంటివి పెంచితే ముళ్లకు బయపడి ఏనుగులు రాకుండా ఉంటాయని రైతులు సూచిస్తున్నారు. అయితే కౌండిన్య అభయారణ్యం మూడు రాష్ట్రాల పరిధిల్లో ఉండడంతో మూడు రాష్ట్రాలు కలసి ఎలిఫెంట్‌ కారిడార్‌ ఏర్పాటు చేస్తేనే సమస్యకు శాశ్వతమైన పరిష్కారం దొరుకుతుంది. సీఎం దృష్టికి తీసుకెళ్లా.. ఎన్నో ఏళ్లుగా ఈ ప్రాంతంలో ఏనుగుల సమస్య ఉంది. గతంలో నిర్మించిన సోలార్‌ ఫెన్సింగ్‌ నాఽశిరకంగా ఉండడంతోనే ఏనుగులు సులభంగా అడవిలోంచి బయటకు వచ్చేస్తున్నాయి. ఇందుకోసం పటిష్టమైన సోలార్‌ ఫెన్సింగ్‌ ఏర్పాటు చేయాలని ముఖ్యమంత్రి వైఎస్‌ జగన్‌మోహన్‌రెడ్డి, రాష్ట్ర మంత్రి పెద్దిరెడ్డి రామచంద్రారెడ్డి దృష్టికి తీసుకెళ్లాం. సీఎం ఈ సమస్యను తప్పకుండా పరిష్కరిస్తామని హామీ ఇచ్చారు. – వెంకటేగౌడ, ఎమ్మెల్యే, పలమనేరు కొత్త ఫెన్సింగ్‌కు ప్రతిపాదనలు పంపాం పాత, కొత్త సోలార్‌ ఫెన్సింగ్‌ల మధ్య నున్న గ్యాప్‌లతో పాటు పాత సోలార్‌ దెబ్బతిన్న చోట్ల మరమత్తులకు ఇప్పటికే రూ.28 కోట్లతో ప్రభుత్వానికి ప్రతిపాదనలు పంపాం. ప్రభుత్వం నుంచి నిధులందితే ఫెన్సింగ్‌ పనులు ప్రారంభిస్తాం. అడవిలోంచి బయటకొచ్చిన ఏనుగులు ఇలా కరెంట్‌షాక్‌లకు గురై మృతి చెందుతుండడం మా శాఖకు చాలా బాధగా ఉంది.  – శివన్న, ఎఫ్‌ఆర్వో, పలమనేరు

సాక్షి, హైదరాబాద్‌: నగరంలోని కూకట్‌పల్లిలో విషాదకర ఘటన చోటుచేసుకుంది. బోర్‌ స్విచ్‌ ఆన్‌ చేస్తూ కరెంట్‌ షాక్‌తో వివాహిత గంగా భవాని(33) అక్కడికక్కడే మృతి చెందింది. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.  వివరాల ప్రకారం.. అల్విన్ కాలనీ పైప్ లైన్ రోడ్డులో ఉన్న ప్రేమ్ సరోవర్ అపార్ట్ మెంట్‌లో గంగాభవాని(33) పని మనిషిగా పనిచేస్తోంది. అయితే, గంగా భవాని అపార్ట్‌మెంట్‌లో బోర్‌వెల్‌ ఆన్‌ చేసేందుకు ప్రయత్నిస్తుండగా కరెంట్‌ షాక్‌తో మృతిచెందింది. కరెంట్‌ షాక్‌ తగిలిన వెంటనే ఆమె అక్కడే కుప్పకూలిపోయింది. కొద్ది నిమిషాల తర్వాత ఆమె నేలపై పడి ఉండటాన్ని గమనించిన అపార్ట్‌మెంట్ వాసులు ఆమెను ఆసుపత్రికి తరలించగా, వైద్యులు ఆమె చనిపోయినట్లు నిర్ధారించారు.  కాగా, ప్రేమ్‌ సరోవర్‌ అపార్ట్‌మెంట్‌లోనే ఆమె భర్త వాచ్‌మెన్‌గా పనిచేస్తున్నాడు. ఈ జంటకు ఇద్దరు పిల్లలు ఉన్నారు. సుమారు 11 సంవత్సరాల వయస్సు గల ఒక అమ్మాయి మరియు 9 సంవత్సరాల వయస్సు గల అబ్బాయి ఉన్నారు. వీరు ఏపీవాసులుగా తెలుస్తోంది. ఈ ఘటన స్థానికంగా చర్చనీయాంశంగా మారింది. ఇక, దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇది కూడా చదవండి: ఎన్టీపీసీలో ఘోర ‍ప్రమాదం.. ఇద్దరు కార్మికులు మృతి

సంగారెడ్డి: పంట చూసేందుకు వెళ్లిన కౌలు రైతు విద్యుత్‌ షాక్‌ గురై మృతిచెందాడు. ఈ సంఘటన మండల పరిధిలోని పెద్దగొట్టిముక్లలో ఆదివారం చోటుచేసుకుంది. స్థానికులు, పోలీసులు తెలిపిన వివరాల ప్రకారం.. గ్రామానికి చెందిన కుమ్మరి పెంటయ్య (35) తనకున్న 2 ఎకరాలతోపాటు మరో 3 ఎకరాలు కౌలుకు తీసుకుని సాగు చేస్తున్నాడు. కౌలు భూమి చుట్టూ ఫెన్సింగ్‌ వైరు ఏర్పాటైంది. కరెంట్‌ స్తంభం నుంచి వైరు తెగిపడి ఫెన్సింగ్‌పై పడింది. పంట పరిశీలనకు ఒక వైపు నుంచి వెళ్లి మరో వైపు నుంచి తిరిగొస్తుండగా ఫెన్సింగ్‌ వైర్‌ తగిలి షాక్‌తో అక్కడికక్కడ మరణించాడు. అతడికి భార్య నాగమణి, ఇద్దరు పిల్లలున్నారు. నాగమణి ఫిర్యాదు మేరకు మృతదేహాన్ని పోస్టుమార్టం నిమిత్తం నర్సాపూర్‌ ప్రభుత్వ ఆస్పత్రికి తరలించారు. అయితే వ్యవసాయ పొలాల వద్ద వెళాడుతున్న విద్యుత్‌ వైర్లు సరిచేయడంలో సిబ్బంది నిర్లక్ష్యం వహిస్తున్నారని ఆరోపిస్తూ రైతులు ఆందోళన నిర్వహించారు. సంఘటనా స్థలం వద్దకొచ్చిన లైన్‌మెన్‌, ఇద్దరు సిబ్బందిని గేరావ్‌ చేశారు. ఉన్నతాధికారులు పరిహారం ప్రకటించేంతవరకు మృతదేహాన్ని ఇక్కడి నుంచి తరలించడానికి వీల్లేదని భీష్మించారు. పోలీసులు జోక్యం చేసుకొని నచ్చజెప్పి శాంతింపజేశారు.

సాక్షి, హైదరాబాద్‌: సికింద్రాబాద్‌ ఉజ్జయినీ మహంకాళి బోనాల జాతరలో అపశ్రుతి నెలకొంది. లష్కర్‌ బోనాల ఉత్సావాల్లో భాగంగా పలహార బండ్ల ఊరేగింపులో విద్యుత్‌ షాక్ తగిలి ఓ యువకుడు మృతి చెందాడు. మృతుడిని కార్వాన్‌ ప్రాంతానికి చెందిన ఆకాష్‌గా(23) గుర్తించారు. మహంకాళి అమ్మవారిని దర్శించుకోవడానికి వచ్చిన ఆకాష్‌.. ఆదివారం రాత్రి విద్యుత్‌ స్తంభాన్ని ముట్టుకోవడంతో షాక్‌ తగిలి అక్కడికక్కడే ప్రాణాలు విడిచాడు.మృతదేహాన్ని పోస్ట్‌మార్టం నిమిత్తం గాంధీ మార్చురీ తరలించారు. కాగా నిన్న రాత్రి కురిసిన వర్షం కారణంగా కరెంట్ పోల్‌కు పవర్‌ రావడంతో ఈ ప్రమాదం చోటుచేసుకున్నట్లు తెలుస్తోంది.  మరోవైపు చారిత్రక సికింద్రాబాద్‌ ఉజ్జయినీ మహంకాళి బోనాల జాతర ఆదివారం వైభవంగా జరిగింది. సీఎం కేసీఆర్‌ దంపతులతో పాటు వేలాది మంది భక్తులు అమ్మవారికి బోనాలు, సాక, తొట్టెలు సమర్పించి మొక్కులు తీర్చుకున్నారు. సోమవారం మహంకాళి ఆలయంలో రంగం కార్యక్రమం జరిగింది. రంగంలో మాతంగి స్వర్ణలత భవిష్కవాణి వినిపించారు. ఈ ఏడాది అగ్ని ప్రమదాల పట్ల అప్రమత్తంగా ఉండాలని స్వర్ణలత చెప్పారు. కాస్తా ఆలస్యమైనా మంచి వర్షాలు కురుస్తాయని తెలిపారు. ప్రజలు ఎలాంటి భయందోళన చెందవద్దని అన్నారు. చదవండి: ఈటల, అర్వింద్‌కు భద్రత పెంపు.. కేంద్రం కీలక నిర్ణయం

సాక్షి, మహబూబాబాద్‌: మహబూబాబాద్‌ జిల్లాలో పెళ్లింట విషాదం నెలకొంది. రేపు పెళ్లిచేసుకోబోతున్న వరుడు.. విధి ఆడిన వింత నాటకంలో తనువు చాలించాడు. దీంతో, పెళ్ళిసందడితో ఉండాల్సిన ఇళ్ళు శోకసంద్రంగా మారింది. కరెంట్‌ షాక్‌ రూపంలో వరుడిని మృత్యువు వెంటాండింది.  వివరాల ప్రకారం.. మహబూబాబాద్ మండలం కొమ్ముగూడెంతండాకు చెందిన భూక్య బాలాజీ కాంతి దంపుతుల ఏకైక కుమారుడు భూక్య యాకుబ్‌. కాగా, యాకుబ్‌కు గార్ల మండలం పిక్లీతండాకు చెందిన అమ్మాయితో శుక్రవారం అర్ధరాత్రి వివాహం జరగాల్సి ఉంది. పెళ్ళి ఏర్పాట్లలో నిమగ్నమైన యాకుబ్, ఇంట్లో నీళ్ళ కోసం బోరు(మోటార్) ఆన్ చేసే క్రమంలో కరెంట్ షాక్ తగిలి ప్రాణాలు కోల్పోయారు. అయితే, మరికొద్ది గంటల్లో పెళ్ళి పీటలు ఎక్కాల్సిన వరుడు పాడెక్కడంతో పెళ్లింట విషాదం అలముకుంది. పెళ్ళికొడుకు మృతితో కన్నవారితోపాటు బంధుమిత్రులు బోరున విలపించారు. ఎదిగిన కొడుకు ఓ ఇంటివాడు అవుతున్న తరుణంలో కరెంట్ షాక్ తగిలి ప్రాణాలు కోల్పోవడంతో తల్లిదండ్రులు గుండెలు బాదుకుంటూ కన్నీరుమున్నీరుగా విలపిస్తున్నారు. ఇక, యాకుబ్ రైల్వేలో కాంట్రాక్టు ఉద్యోగం చేస్తున్నాడు.  ఇది కూడా చదవండి: టీఎస్‌పీఎస్సీ పేపర్ లీకేజ్ కేసులో రేణుకకు బెయిల్

సాక్షి, అన్నమయ్య: జిల్లాలోని పెద్దతిప్ప సముద్రం మండంలో విషాద ఘటన చోటుచేసుకుంది. గృహప్రవేశం కార్యక్రమంలో ఇంటికి వచ్చిన బంధువులపై కరెంట్‌ తీగలు తెగిపడటంతో నలుగురు మృతిచెందారు. దీంతో, వేడుక జరుగుతున్న ఇంట విషాదఛాయలు అలుముకున్నాయి.  వివరాల ప్రకారం.. పెద్దతిప్పసముద్రం మండలంలోని కానుగమాకులపల్లెలో గృహప్రవేశం జరిగిన ఇంట విషాదం నెలకొంది. ఓ ఇళ్లు గృహప్రవేశానికి వేసిన షామియాన గాలికి కరెంట్‌ తీగలపై పడింది. దీంతో, ఒక్కసారిగా కరెంట్‌ తీగలు తెగి.. అక్కడున్న వారిపై పడటంతో కరెంట్‌ షాక్‌ తగిలింది. ఈ ప్రమాద ఘటనలో అక్కడికక్కడే ఇద్దరు మృతిచెందారు. మరికొందరు గాయపడటంతో వారిని వెంటనే బి.కొత్తకోట మండలంలోని ప్రభుత్వ ఆసుపత్రికి తరలించారు. ఈ క్రమంలో ఆసుపత్రిలో చికిత్స పొందుతూ మరో ఇద్దరు చనిపోయారు. కాగా, వీరంతా ఒకే కుటుంబానికి చెందిన వారు కావడంతో వేడుక జరుగుతున్న ఇంట్లో విషాదఛాయలు అలుముకున్నారు.  మృతుల వివరాలు ఇవే..  1. లక్ష్మమ్మ 75,  2.ప్రశాంత్ 26, 3. లక్ష్మన్న 53, 4. శాంతమ్మ 48.

బంజారాహిల్స్‌: నీళ్లు తోడేందుకు బకెట్‌ను సంప్‌లోకి వదిలిన ఓ యువకుడు కరెంట్‌ షాక్‌తో మృతి చెందగా.. కాపాడటానికి వెళ్లిన మరో ఇద్దరు కూడా విద్యుదాఘాతానికి గురై అక్కడికక్కడే అసువులు బాసిన విషాద ఘటన బంజారాహిల్స్‌ పోలీస్‌స్టేషన్‌ పరిధిలో చోటుచేసుకుంది. పోలీసులు, స్థానికులు చెప్పిన వివరాల ప్రకారం.. టోలిచౌకి సమీపంలోని పారామౌంట్‌ కాలనీలో నివసించే మహ్మద్‌ రిజ్వాన్‌ (18), మహ్మద్‌ రజాక్‌ (16) అన్నదమ్ములు. రిజ్వాన్‌ ఇంటర్‌ చదువుతుండగా రజాక్‌ ఇటీవలే 10వ తరగతి పరీక్షలు రాశాడు. బుధవారం అర్ధరాత్రి తమ ఇంటిపై వాటర్‌ ట్యాంకర్‌లో నీళ్లు అయిపోవడంతో నీరు తోడేందుకు రజాక్‌ సంప్‌లోకి బకెట్‌ ముంచాడు. అప్పటికే నీళ్లు పైకి ఎక్కించేందుకు కరెంటు మోటార్‌ ఆన్‌ చేసి ఉండటంతో రజాక్‌ విద్యుత్‌ షాక్‌కు గురై సంప్‌లో పడిపోయాడు. వెంటనే అతని సోదరుడు మహ్మద్‌ రజాక్‌ కూడా నీళ్లు తోడేందుకు సంప్‌లో బకెట్‌ వేయగానే షాక్‌కు గురయ్యాడు. పది నిమిషాలు గడిచినా రజాక్‌, రిజ్వాన్‌ రాకపోయేసరికి స్నేహితుడు సయ్యద్‌ అనసుద్దీన్‌ హుస్సేన్‌ (20) సంపు వద్దకు వచ్చి చూడగా ఇద్దరూ విగతజీవులుగా కనిపించారు. ఆందోళన చెందిన అనస్‌ వారిని పైకి తీసేందుకు యత్నిస్తుండగా అతను కూడా విద్యుదాఘాతానికి గురయ్యాడు. ముగ్గురూ సంప్‌లోనే మృత్యువాత పడ్డారు. సమాచారం అందుకున్న బంజారాహిల్స్‌ పోలీసులు ఘటనా స్థలానికి చేరుకొని విచారణ చేపట్టారు. ఈ ఘటన పారామౌంట్‌ కాలనీలో స్థానికులను తీవ్ర దిగ్భ్రాంతికి గురి చేసింది. అన్నదమ్ములు ఇద్దరూ కొద్ది రోజుల క్రితమే ఇంటర్‌, 10వ తరగతి పరీక్షలు రాసి ఉన్నత చదువుల కోసం ఎదురు చూస్తున్న సమయంలో ఈ ఘటన స్థానికంగా విషాదాన్ని నింపింది. ఇద్దరు కుమారులు మృతి చెందడంతో తల్లిదండ్రులు కన్నీరుమున్నీరయ్యారు. గురువారం తెల్లవారుజామున మృతదేహాలను పోస్టుమార్టం నిమిత్తం ఉస్మానియా ఆస్పత్రికి తరలించారు. పోలీసులు కేసు దర్యాప్తు చేస్తున్నారు.

సాక్షి, హైదరాబాద్‌: ఇంటి మరమ్మతులు చేస్తుండగా ప్రమాదవశాత్తు కరెంట్‌ షాక్‌ తగిలి మహిళ మృతి చెందిన ఘటన నేరేడ్‌మెట్‌ పోలీస్‌ స్టేషన్‌ పరిధిలో జరిగింది. పోలీసులవివరాల ప్రకారం.. నేరేడ్‌మెట్‌ చంద్రబాబునగర్‌లో నివాసముండే ఏ.మణ్యం ఇంట్లో మరమ్మతులు చేస్తుండగా ప్రమాదవశాత్తు కోడలు వరలక్ష్మీ(21) కరెంట్‌ షాక్‌కు గురైంది. తీవ్ర గాయాలు కావడంతో చికిత్స నిమిత్తం నేరేడ్‌మెట్‌లోని ప్రైవేటు ఆస్పత్రికి తరలించగా చికిత్స పొందుతూ మృతి చెందింది. పోలీసులు కేసు నమోదు చేసుకొని దర్యాప్తు చేస్తున్నారు.    రోడ్డు ప్రమాదంలో విద్యార్థి దుర్మరణం  రోడ్డు ప్రమాదంలో విద్యార్థి దుర్మరణం చెందిన ఘటన మల్కాజిగిరి పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం.. ఓల్డ్‌ మీర్జాలగూడకు చెందిన సాయితేజ యాదవ్‌(23) ఓయూలో ఎంబీఏ మొదటి సంవత్సరం చదువుతున్నాడు. ఈ నెల 1వ తేదీ రాత్రి స్నేహితుడి బైక్‌(కేటీఎం డ్యూక్‌) తీసుకొని బంధువుల ఇంట్లో జరుగుతున్న ఫంక్షన్‌కు వెళ్లాడు. తెల్లవారుజామున ఇంటికి తిరిగి వస్తుండగా సాయిరాం థియేటర్‌ దాటిన తర్వాత బైక్‌కు కుక్క అడ్డురావడంతో అదుపుతప్పి ఫుట్‌పాత్‌ను ఢీకొట్టాడు. తీవ్రగాయాలు కావడంతో స్థానిక ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. సాయితేజ తల్లి ప్రమీల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు. 

సాక్షి, హైదరాబాద్‌: వర్షాల దెబ్బకు తెగిప‌డ్డ ఓ విద్యుత్ వైరుపై కాలుపై అడుగువేయడంతో ఓ వ్యక్తి అక్కడికక్కడే మృతి చెందాడు. ఈ విషాద ఘ‌ట‌న సికింద్రాబాద్‌లోని పద్మారావునగర్‌లో చోటు చేసుకుంది. వివరాల్లోకి వెళితే.. పార్శిగుట్టలో నివాసం ఉండే ఏ. ప్రవీణ్ ముదిరాజ్ అనే వ్య‌క్తికి ప్ర‌తి రోజూలానే ఈరోజు(శుక్ర‌వారం) ఉద‌యం కూడా సికింద్రాబాద్‌ పద్మారావునగర్‌లోని పార్క్‌లో వాకింగ్‌కు వెళ్లాడు. న‌గ‌రంలో కురుస్తున్న వ‌ర్షాల కారణంగా ఓ విద్యుత్ వైర్ తెగి నేల‌పై ప‌డింది. అయితే అది గ‌మ‌నించ‌ని ప్ర‌వీణ్.. దానిపై అడుగువేయ‌డంతో విద్యుత్ షాక్‌కు గురై అక్క‌డిక‌క్క‌డే మృతి చెందాడు. పార్క్‌కు వచ్చిన కొందరు దీన్ని గమనించి పోలీసులకు సమాచారం అందించారు. ఘటనా స్థలానికి చేరుకున్న  చిలకలగూడ పోలీసులు పోస్ట్‌మార్టం నిమిత్తం మృతదేహాన్ని గాంధీ హాస్పిటల్ మార్చురీకి తరలించారు. కేసు నమోదు చేసుకొని దర్యాప్తు జరుపుతున్నారు. 

చిన్నగూడూరు: కోతులు, అడవి పందుల నుంచి పంటకు రక్షణగా పెట్టిన విద్యుత్‌ వైర్ల కంచె తండ్రీకొడుకుల ప్రాణం తీసింది. ఈ ఘటన మంగళవారం మహబూబాబాద్‌ జిల్లా చిన్నగూడూరు మండలం దుమ్లాతండాలో చోటు చేసుకుంది. తండాకు చెందిన ఆంగోత్‌ సీవీనాయక్‌(60), అమ్మీ దంపతుల కుమారుడు కిరణ్‌(30) మొక్క జొన్న పంట వేశారు. పంట కంకి పోయడంతో కోతులు, అడవి పందులు వచ్చి పంటను ధ్వంసం చేస్తున్నాయి. దీంతో చేను చుట్టూ విద్యుత్‌ వైర్‌ అమర్చారు. సాయంత్రం విద్యుత్‌ ఆన్‌చేసి, ఉదయాన్నే తీసివేసేవారు. కానీ మంగళవారం ఆఫ్‌ చేయడం మర్చిపోయారు. పంటకు నీరు కడుతుండగా కిరణ్‌ కాలుజారి విద్యుత్‌ సరఫరా అవుతున్న వైర్లకు తగిలి షాక్‌కు గురయ్యాడు. పక్కనే ఉన్న తండ్రి నాయక్‌ కుమారుడిని కాపాడేందుకు పట్టుకున్నాడు. గమనించిన తల్లి అమ్మీ కేకలకు పక్కనే ఉన్న రైతులు వచ్చి వెంటనే విద్యుత్‌ సరఫరా నిలిపివేశారు. కానీ అప్పటికే ఇద్దరూ మరణించారు. కళ్లముందే భర్త, కొడుకు షాక్‌తో విలవిల్లాడుతూ మరణించడంతో గుండలవిసేలా రోదించింది. చిన్నగూడూరు ఎస్సై రవికుమార్‌ కేసు దర్యాప్తు చేస్తున్నారు. 

గజ్వేల్‌రూరల్‌: ట్రాన్స్‌ఫార్మర్‌పై మరమ్మతులు చేస్తుండగా, ఓ యువరైతు విద్యుత్‌ సరఫరా జరిగి దుర్మరణం పాలయ్యాడు. ఈ ఘటన సిద్దిపేట జిల్లా గజ్వేల్‌ మండలం సింగాటం గ్రామంలో శుక్రవారం చోటు చేసుకుంది. పోలీసులు తెలిపిన వివరాల ప్రకారం.. గ్రామానికి చెందిన కుంట రాజు(32)కు భార్య కృష్ణవేణి, ఇద్దరు కుమారులు ఉన్నారు. గ్రామ శివారులోని వ్యవసాయ పొలాల వద్ద ఉన్న విద్యుత్‌ ట్రాన్స్‌ఫార్మర్‌ పాడైంది. దానికి మరమ్మతు చేయించి బిగించేందుకు రైతులు సబ్‌స్టేషన్‌ నుంచి ఎల్‌సీ తీసుకున్నారు. ఈ నేపథ్యంలో ట్రాన్స్‌ఫార్మర్‌పైకి ఎక్కి రాజు మరమ్మతులు చేస్తుండగా ఒక్కసారిగా విద్యుత్‌ సరఫరా కావడంతో షాక్‌కు గురై మృతి చెందాడు. అధికారుల నిర్లక్ష్యం వల్లనే రాజు మృతి చెందాడని ఆరోపిస్తూ న్యాయం జరిగే వరకు మృతదేహాన్ని తరలించేదిలేదని బాధిత కుటుంబీకులు, గ్రామస్తులు ఆందోళనకు దిగారు. విద్యుత్‌ శాఖ ఉన్నతాధికారులు అక్కడికి చేరుకొని ప్రమాదఘటనపై విచారణ చేపట్టి మృతుని కుటుంబానికి న్యాయం చేస్తామని హామీ ఇచ్చారు. కాగా రాజును ట్రాన్స్‌ఫార్మర్‌ పైకి ఎవరు ఎక్కమన్నారు? ఎల్‌సీ తీసుకున్న తర్వాత మరమ్మతు పనులు పూర్తికాకముందే ఎలా విద్యుత్‌ సరఫరా చేశారనే విషయాలు తెలియాల్సి ఉంది.

సత్యనారాయణపురం (విజయవాడ సెంట్రల్‌): భర్త నుంచి విడిపోయి ఒంటరిగా ఉంటున్న కూతురు, మనవళ్లకు అన్నీ తానై చూసుకుంటున్నాడు ఆ పెద్దాయన. విధి చిన్నచూపు చూడటంతో విద్యుదాఘాతానికి గురై తండ్రి, ఆయనను కాపాడే ప్రయత్నంలో కుమార్తె మృత్యువాత పడ్డారు. పదేళ్లు వయసు నిండని ఇద్దరు బిడ్డలను అనాథల్ని చేసి వెళ్లిపోయారు. ఈ హృదయ విదారక ఘటన సత్యనారాయణపురంలో గురువారం రాత్రి చోటుచేసుకుంది. రామకోటి మైదానం పాపిట్లవారివీధిలో నివాసం ఉంటున్న  ఇప్పిలి సింహాచలం (60) పెయింటింగ్‌ పనులు చేసుకుంటూ భార్య వరాలమ్మతో కలసి పాత రేకుల షెడ్డులో నివాసం ఉంటున్నారు. అతని కుమార్తె పసుపులేటి మంగమ్మ (32) భర్తతో విభేదాల కారణంగా 6, 9 ఏళ్ల కుమారులతో కలసి పుట్టింట్లోనే ఉంటుంది. వారు సమీపంలోని ప్రభుత్వ పాఠశాలలో 1, 3వ తరగతి చదువుతున్నారు. సింహాచలానికి ఆరోగ్యం సహకరించకపోవడంతో కొంతకాలంగా పనికి వెళ్లకుండా ఇంటి వద్దే ఉంటున్నాడు.   భార్య వరాలమ్మ, కూతురు మంగమ్మ ఇళ్లలో పనులు, సాయంత్రం సమయంలో ఫుడ్‌కోర్డులో పని చేసుకుంటూ జీవనం సాగిస్తున్నారు. గురువారం సాయంత్రం 6.30 గంటల సమయంలో మంగమ్మ తన ఇద్దరు పిల్లలకు స్నానం చేయించి ఇంటి సమీపంలోని ట్యూషన్‌కు పంపించింది. సింహాచలం కూడా స్నానం చేసే నిమిత్తం వేడినీళ్లు కాచుకోవడానికి ప్లాస్టిక్‌ బకెట్‌లో వాటర్‌ హీటర్‌ పెట్టి స్విచ్‌ వేశాడు. ఆ సమయంలో విద్యుత్‌షాక్‌ తగిలి కిందపడిపోయాడు. కాపాడే ప్రయత్నంలో కూతురు మంగమ్మ తండ్రిని పట్టుకోవడంతో ఆమెకు విద్యుత్‌ షాక్‌ తగిలి ఇద్దరూ మృత్యువాత పడ్డారు. వారిని కాపాడే క్రమంలో పక్క పోర్షన్‌లో ఉండే అక్కవరపు సీత(54)కు విద్యుత్‌ షాక్‌ తగిలి తీవ్ర గాయాలతో ప్రాణాపాయం నుంచి బయటపడింది. భర్త, కూతురు మృతి చెందటంతో ఆమె ఇద్దరు పిల్లలను చూసుకుని తల్లి వరాలమ్మ కుమిలిపోవడం స్థానికుల కలచివేసింది. సత్యనారాయణపురం సీఐ వెంకటనారాయణ కేసు నమోదు చేసి దర్యాప్తు చేపట్టారు. 

ఖానాపూర్‌: అప్పటివరకు ఆ చిన్నారి.. అక్క తమ్ముడితోపాటు స్థానిక పిల్లలతో సరదాగా ఆడుకుంది. అప్పుడే ఇంటికి వచ్చిన తండ్రికి ఇంట్లో నీళ్లు లేవని.. నల్లా రావడం లేదని ఇల్లాలు చెప్పింది. వెంటనే తండ్రి బోరు మోటార్‌ ఆన్‌ చేయడానికి బయల్దేరాడు. చిన్న కూతురు తానూ వస్తానని మారాం చేసింది. కాదనలేక.. చిన్నారిని వెంట తీసుకుని వెళ్లాడు. తండ్రి మోటార్‌ ఆన్‌ చేస్తుండగా, చిన్నారి అక్కడే ఉన్న విద్యుత్‌ తీగకు తగిలి షాక్‌కు గురైంది. తండ్రి కళ్లముందే గిలగిలా కొట్టు కుంటూ కూతురు చనిపోయిన ఈ విషాద ఘటన నిర్మల్‌ జిల్లా ఖానాపూర్‌ మండలం కొలాంగూడ పంచాయతీ పరిధిలోని దేవునిగూడెంలో శనివారం సాయంత్రం జరిగింది. స్థానికులు తెలిపిన వివరాల ప్రకారం.. గ్రామానికి చెందిన మాడావి నాశిక్‌–విజయలక్ష్మి దంపతులకు ఇద్దరు కూతుళ్లు, ఒక కుమారుడు. నాశిక్‌ ఉదయం కూలి పనులకు వెళ్లి సాయంత్రం ఇంటికి వచ్చారు. స్నానం చేయడానికి నీళ్లు లేకపోవడంతో డైరెక్ట్‌ పంపింగ్‌ ద్వారా నీరు సరఫరా చేసే మోటార్‌ ఆన్‌ చేయడానికి వెళ్తుండగా చిన్న కూతురు మాలశ్రీ(5) తానూ వస్తానని మారాం చేసింది. కాదనలేక ఆమెను తీసుకుని వెళ్లాడు. అయితే అప్పటికే చీకటి పడడంతో కూతురును పక్కన నిలిపి నాశిక్‌ మోటార్‌ ఆన్‌ చేస్తుండగా, మాలశ్రీ సమీపంలో విద్యుత్‌ తీగకు తగిలింది. షాక్‌కు గురై అక్కడికక్కడే మృతిచెందింది. కళ్ల ముందే కూతురు ప్రాణాలు పోతున్నా నాశిక్‌ ఏమీ చేయలేకపోయాడు. స్థానికులు వచ్చే సరికి బాలిక చనిపోయింది. కూతురును పట్టుకుని తండ్రి రోదించిన తీరు అందరినీ కలచివేసింది.

మామునూరు: ఖిలా వరంగల్‌ మండలం బొల్లికుంట వాగ్దేవి ఇంజనీరింగ్‌ కళాశాలలో బీటెక్‌ ఈఈఈ తృతీయ సంవత్సరం చదువుతున్న విద్యార్థులు పంట పొలాల్లో విద్యుత్‌ ప్రమాదాలను గుర్తించే సెన్సార్‌ను కనుగొని నూతన ఆవిష్కరణకు శ్రీకారం చుట్టారు. విద్యుదాఘాతంతో పంటపొలాలు, వ్యవసాయ బావుల వద్ద రైతుల మరణాలను ఆపేందుకు సెన్సార్‌ను ఆవిష్కరించారు. ప్రివెన్షన్‌ ఆఫ్‌ ఎలెక్ట్రోడ్యూషన్‌ ఫర్‌ సేఫ్టీ ఆఫ్‌ ప్రెమెక్స్‌ అనే ప్రాజెక్ట్‌ను ఆధ్యాపకులు డాక్టర్‌ సదానందం, టి.వేణుగోపాల్‌ పర్యవేక్షణలో విద్యార్థులు ఎం.శృతి, పి.మేఘన, ఎండి సమీర్, ఎస్‌.అనురాగ్, జి.మధుకర్‌ రూపొందించారు. సహజంగా వ్యవసాయ బావులు, పంట పొలాల వద్ద విద్యుత్‌ వైర్లు తెగిపడడంతో విద్యుదాఘాతానికి గురై రైతులు ప్రాణాలను పోగొట్టుకుంటుంటారు. విద్యుదాఘాతం సంభవించే అవకాశం ఉందని రైతును అలర్ట్‌ చేసే యంత్ర పరికరాలు అందుబాటులో లేవు. దీంతో విద్యార్థులు తమ పరిశోధన ద్వారా ప్రమాద సమయంలో అలర్ట్‌ చేసే సెన్సార్‌ పరికరాన్ని కనుగొన్నారు. శుక్రవారం సాయంత్రం కళాశాలలో ఏర్పాటు చేసిన విలేకరుల సమావేశంలో యంత్ర పని విధానాన్ని విద్యార్థులు వెల్లడించారు. ’’ప్రాసెసర్‌ ద్వారా సెన్సార్‌ స్విచ్‌ పరికరాలను ఒకదానికొకటి అనుసంధానం చేస్తారు. దీంతో తెగిపడిన విద్యుత్‌ వైర్ల వద్దకు రైతు వస్తుంటే సెన్సార్‌ స్విచ్‌ ఒత్తిడితో ఈ యంత్రంలో అమర్చిన కెమెరా ఫొటోలు తీసి వాటిని దానంతట అదే మెమరీ కార్డులో రికార్డు చేస్తుంది. తద్వారా రైతును అప్రమత్తత చేయడమే కాకుండా బజర్‌ సౌండ్‌ ఇస్తుంది’’అని వివరించారు. ఒకవేళ రైతు ముందుకు వస్తే విద్యుత్‌ సరఫరా నేరుగా నిలిపివేయబడుతుందని చెప్పారు. పేటెంట్‌ హక్కు కోసం దరఖాస్తు చేసినట్లు విద్యార్థులు తెలిపారు. 

సాక్షి, గద్వాల్‌: జిల్లాలో విషాదం చోటుచేసుకుంది. ఛార్జింగ్‌లో ఉన్న మొబైల్‌ ఫోన్‌ తీస్తుండగా షాక్‌ తగిలి నిహారిక అనే చిన్నారి అక్కడికక్కడే మృతిచెందింది. అయిజ మండలం ఈడిగొనిపల్లి గ్రామంలో మంగళవారం ఈ ఘటన జరిగింది. కాగా పదేళ్ల నిహారిక 4వ తరగతి చదువుతుంది. కూతురు అకస్మిక మరణంతో తల్లిదండ్రులు కన్నీరుమున్నీరుగా విలపిస్తున్నారు. కాగా ఇటీవల కాలంలో ఎలక్ట్రిక్ పరికరాలు ప్రమాదకరంగా మారుతున్నాయి. సెల్‌ఫోన్‌లు, ఈ-వాహనాలు పేలుతున్న ఘటనలు అధికంగా జరుగుతున్నాయి. కొన్ని సంఘటనల్లో ప్రాణాలు కోల్పోయిన సందర్భాలు కూడా ఉన్నాయి.  ఈ క్రమంలో చార్జింగ్‌ పెట్టి ఫోన్‌ మాట్లాడవద్దని, పిల్లలను వీటికి దూరంగా ఉంచాలని నిపుణులు సూచిస్తున్నారు. చదవండి: మల్లారెడ్డి ఆదాయాలపై ఐటీ విచారణ: 13 మంది హాజరు.. మరో 10 మందికి నోటీసులు

నల్లగొండ క్రైం: విద్యుదాఘాతం ఓ విద్యార్థిని బలి గొంది. నల్లగొండ జిల్లాలోని నల్లగొండ మండలం మేళ్లదుప్పలపల్లి గ్రామ మాజీ సర్పంచ్‌ చింతల వెంకటేశంగౌడ్‌ కు మారుడు మురళీ గౌడ్‌(24) లండన్‌లో ఎంఎస్‌ పూర్తి చేసి ఉద్యోగం కోసం ప్రయత్నిస్తున్నాడు. ఇటీవలే మురళీ స్వగ్రామానికి వచ్చాడు. కుమారుడికి ఉద్యోగం రాగానే వివాహం చేయా లని నిర్ణయించిన తల్లిదండ్రులు, అందుకోసం ఇంటి పైభాగంలో నిర్మాణ పనులు చేయిస్తున్నారు. పనుల్లో భాగంగా మురళి శనివారం ఉదయం ఇంటిపైన ఉన్న ఇనుప చువ్వల ను కిందికి విసురుతుండగా పక్కనుంచే వెళ్తున్న 11కేవీ విద్యు త్‌ వైరుకు ఒక ఇనుప చువ్వ తగిలి విద్యుదాఘాతానికి గురయ్యాడు. ఈ ప్రమాదంలో అతను అక్కడికక్కడే కుప్పకూలాడు. ఇది గమనించిన తండ్రి వైరును పక్కకు తొలగించి మురళిని జిల్లా కేంద్రంలోని ఓ ప్రైవేట్‌ ఆస్పత్రికి తరలించగా అప్పటికే మృతిచెందినట్లు వైద్యులు తెలిపారు.   మూడు రోజుల్లో లండన్‌కు..  వెంకటేశం కుమారుడు మురళి చిన్నప్పటి నుంచి చదువులో ముందుండేవాడు. తల్లిదండ్రులు కూలి పనులు చేస్తూ కుమారుడిని చదివించారు. లండన్‌లో ఎంఎస్‌ కోర్సు పూర్తికావడంతో కొద్ది రోజులు కుటుంబ సభ్యులతో గడిపేందుకు ఇటీవల స్వగ్రామానికి వచ్చాడు. మరో మూడు రోజుల్లో లండన్‌కు తిరిగి వెళ్లాల్సి ఉండగా ఈ విషాదకర ఘటన చోటు చేసుకోవడంతో తల్లిదండ్రులు కన్నీరుమున్నీరవుతున్నారు. మృతుడి కుటుంబాన్ని ఎమ్మెల్యే కంచర్ల భూపాల్‌రెడ్డి పరామర్శించారు. భువనగిరి ఎంపీ కోమటిరెడ్డి వెంకట్‌రెడ్డి ఫోన్‌లో మురళి కుటుంబ సభ్యులతో మాట్లాడి సంతాపం తెలిపారు. 

సాక్షి, హుజూర్‌నగర్‌ (నల్గొండ): వివాహమైన ఆరుమాసాలకే ఓ యువకుడిని విద్యుత్‌ రూపంలో మృత్యువు కబళించింది. సూర్యాపేట జిల్లా చింతలపాలెం మండలంలో చోటు చేసుకున్న ఈ విషాదకర ఘటన వివరాలు ఇలా ఉన్నాయి. మండలంలోని చింత్రియాల గ్రామానికి చెందిన పేరుపంగు వెంకయ్య ఏసమ్మ దంపతులకు కిరణ్‌ (25),రవీంద్రబాబు సంతానం. సోదరులిద్దరికీ గత మే నెలలో ఒకేసారి వివాహాలు జరిగాయి. వీరు పులిచింతల ప్రాజెక్ట్‌ బ్యాక్‌ వాటర్‌ (కృష్ణానది)లో చేపలు పడుతూ జీవనం సాగిస్తున్నారు. సోదరులిద్దరూ శుక్రవారం ఉదయం చేపలు పట్టేందుకు పడవలో కృష్ణానదిలోకి వెళ్లారు. రవీంద్ర బాబు పడవ నడుపుతుండగా కిరణ్‌ చేపల వల విసిరాడు. వల ప్రమాదవశాత్తు నది ఒడ్డుకు సమీపంలో ఉన్న 11కేవీ విద్యుత్‌ వైరుకు తగిలింది. దీంతో కిరణ్‌ విద్యుదాఘాతానికి గురై అక్కడికక్కడే మృతిచెందగా రవీంద్ర బాబుకు గాయాలయ్యాయి. అయితే, ప్రమాదంలో రవీంద్రబాబు నదిలో పడిపోవడంతో ఈదుకుంటూ బయటికి వచ్చి ప్రాణాలు దక్కించుకున్నాడు. సమాచారం మేరకు పోలీసులు ఘటన స్థలానికి చేరుకుని కిరణ్‌ మృతదేహాన్ని బయటికి తీశారు. పోస్టుమార్టం నిమిత్తం మృతదేహాన్ని హుజూర్‌నగర్‌ ఆస్పత్రికి తరలించారు. కాగా, వివాహమైన ఆరు మాసాలకే కిరణ్‌ మృతిచెందడంతో అతడి భార్య సుభాషిణి, తల్లిదండ్రుల రోదనలు మిన్నంటాయి. మృతుడి సోదరుడు రవీంద్ర బాబు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ కృష్ణారెడ్డి తెలిపారు. గుండాల మండలంలో ఒకరు.. గుండాల : చేపల వేటకు వెళ్లిన ఓ వ్యక్తి విద్యుదాఘాతంతో మృతిచెందాడు. గుండాల మండలం పెద్దపడిశాల గ్రామ ంలో శుక్రవారం జరిగిన ఈ ఘటనల వివరాలు ఇలా ఉన్నాయి. గ్రామానికి చెందిన రావుల మల్లేష్‌(36) గొర్రెలను కాస్తు, వ్యవసాయం చేసుకుంటూ జీవనం సాగిస్తున్నాడు. మల్లేష్‌ గ్రామానికి చెందిన మరో ఇద్దరితో కలిసి వస్తకొండురు గ్రామ చెరువులో కరెంట్‌ వైర్లతో చేపలు పట్టేందుకు వెళ్లాడు. కాగా, మల్లేష్‌ చెరువు ఒడ్డున ఉన్న బండపై నిలబడి  కరెంట్‌ వైరు విసిరే క్రమంలో ప్రమాదవశాత్తు జారి నీటిలో పడిపోయాడు. అయితే, అతడి చేతిలో ఉన్న వైరు కూడా నీటిలో పడడంతో విద్యుదాఘాతానికి గురయ్యాడు. ఒడ్డున్న మిగతా ఇద్దరు గమనించి వెంటనే విద్యుత్‌ ప్రసరణ నిలిపివేసి మల్లేష్‌ను జనగామ ఆస్పత్రికి తరలించగా చికిత్స పొందుతూ మృతిచెందాడు. మృతుడికి భార్య, కూతురు, కుమారుడు ఉన్నారు. ఈ ఘటనపై పోలీసులకు ఫిర్యాదు అందలేదు. 

సాక్షి, అమరావతి: దేశవ్యాప్తంగా నాలుగేళ్లలో 41,914 విద్యుత్‌ ప్రమాదాలు సంభవించగా.. మహారాష్ట్ర 10,698, ఉత్తరప్రదేశ్‌ 9,970, గుజరాత్‌ 3,767 ప్రమాదాలతో మొదటి మూడు స్థానాల్లో ఉన్నాయి. మన రాష్ట్రంలో అదే నాలుగేళ్లలో 2,922 ప్రమాదాలు జరిగాయి. ఇతర రాష్ట్రాలతో పోలిస్తే మన రాష్ట్రంలో విద్యుత్‌ ప్రమాదాల సంఖ్య తక్కువగానే ఉన్నప్పటికీ వీటిని సైతం నివారించాలంటే ప్రజలు మరింత అప్రమత్తంగా ఉండాలి. ముఖ్యంగా రైతులు, వ్యవసాయ కూలీలు ఎక్కువగా విద్యుత్‌ షాక్‌కు గరవుతున్నారు. కొన్ని జాగ్రతలు పాటిస్తే పెనుప్రమాదం నుంచి బయటపడవచ్చని విద్యుత్‌ శాఖ అధికారులు చెబుతున్నారు.  ఈ జాగ్రత్తలు పాటించండి  వ్యవసాయ పంపుసెట్లకు మోటార్‌ స్టార్టర్లు, స్విచ్‌లు ఉన్న ఇనుప బోర్డులకు విధిగా ఎర్తింగ్‌ చేయించాలి. తడి చేతులతో, నీటిలో నిలబడి విద్యుత్‌ మోటార్లను, స్విచ్‌లను, పరికరాలను తాకకూడదు. ట్రాన్స్‌ఫార్మర్లను మరమ్మతు చేయడానికి విద్యుత్‌ అర్హత గల ఎలక్ట్రీషియన్‌ను పిలిపించాలి. పొలాల్లో తెగిపడిన, జారిపడి తక్కువ ఎత్తులో ఉన్న విద్యుత్‌ వైర్లకు దూరంగా ఉండి.. 1912 టోల్‌ ఫ్రీ నంబర్‌ ద్వారా సంబంధిత విద్యుత్‌ సిబ్బందికి గానీ, గ్రామ సచివాలయాల్లో ఉన్న ఎనర్జీ సహాయకులకు గానీ ఫిర్యాదు చేయాలి. పంటను జంతువుల బారినుంచి రక్షించేందుకు పెట్టే ఫెన్సింగులకు విద్యుత్‌ సరఫరా చేయకూడదు. పాడైన విద్యుత్‌ వైర్లను ఇన్సులేషన్‌ టేపుతో చుట్టాలి. వాహనాలపై విద్యుత్‌ తీగలు తగిలితే బయట పడేందుకు హాపింగ్‌ (గెంతుట, దుముకుట) విధానం అనుసరించాలి. అంతేతప్ప ఒక కాలు వాహనంలోనూ, మరో కాలు నేలపైనా ఉంచకూడదు. వర్షం వచ్చిన సమయంలో విద్యుత్‌ స్తంభాలను తాకరాదు. నీటిలో పడిన విద్యుత్‌ వైర్ల జోలికి వెళ్లకూడదు. స్తంభం, ట్రాన్స్‌ఫార్మర్‌ దగ్గర మూత్ర విసర్జన చేయకూడదు. విద్యుత్‌ స్తంభం నుంచి వ్యవసాయ మోటారుకు మధ్య ఎక్కువ దూరం ఉండకుండా చూసుకోవాలి. ఎక్కువ దూరం ఉంటే గాలులు వీచినప్పుడు వాటి మధ్య ఉండే సర్వీస్‌ వైరు వదులై మోటారుపై ప్రభావం చూపుతుంది. విద్యుత్‌ స్తంభం నుంచి మోటారుకు కరెంటు నేరుగా సరఫరా కాకుండా మధ్యలో ఫ్యూజ్‌ బ్యాక్, స్టార్టర్‌ తప్పనిసరిగా ఉండేలా చర్యలు తీసుకోవాలి. మోటార్‌ వద్ద ఫ్యూజ్‌లు, ఇండికేటర్‌ బల్బులు, స్టార్టర్‌ను చెక్కపై బిగించుకోవాలి. ఎట్టిపరిస్థితుల్లోనూ ఇనుప డబ్బాపై బిగించకూడదు. భవనాలు, బహిరంగ ప్రదేశాల్లో విద్యుత్‌ ప్రమాదాలకు అవకాశం ఉన్నట్టు గుర్తిస్తే 1912 టోల్‌ ఫ్రీ నంబర్‌కు ఫోన్‌ ద్వారా సమాచారం ఇవ్వాలి.  ఇదీ చదవండి: ప్రమాదాల వేళ గోల్డెన్‌ అవర్‌లో స్పందించండి.. పోలీసుల సూచనలివీ 

నల్లగొండ క్రైం: విద్యుదాఘాతంతో ఓ రైతు మృతిచెందాడు. నల్లగొండ జిల్లా కొండారం గ్రామంలో ఈ విషాదకర ఘటన చోటుచేసుకుంది. కొండారం గ్రామానికి చెందిన చెనగోని దశరథ (44) వ్యవసాయం చేస్తూ జీవనం సాగిస్తున్నాడు. దశరథ గురు వారం సాయంత్రం ట్రాన్స్‌ఫార్మర్‌ వద్ద ఫ్యూజు వేసేందుకు ఫోన్‌లో సబ్‌స్టేషన్‌ ఆపరేటర్‌ వద్ద ఎల్‌సీ తీసుకున్నాడు. అనంతరం ట్రాన్స్‌ ఫార్మర్‌ ఎక్కి ఫ్యూజు వేస్తుండగా ఒక్కసారిగా విద్యుత్‌ సరఫరా కావ డంతో విద్యుదాఘాతానికి గుర య్యాడు. ట్రాన్స్‌ఫార్మర్‌పైనే దశ రథ మృతిచెందాడు. సమీపంలోని రైతులు ఇది గమనించి పోలీసులకు సమాచారం ఇచ్చారు. విద్యుత్‌ అధి కారులు వచ్చే వరకు మృతదేహాన్ని కిందకి దించమని కుటుంబ సభ్యు లు భీష్మించారు. అయితే రాత్రి వరకు ఘటనాస్థలానికి అధికారు లు ఎవరూ చేరుకోలేదు. మృతుడికి భార్య నాగలక్ష్మితో పాటు ఇద్దరు పిల్లలు ఉన్నారు.

కాట్రేనికోన/సాక్షి, అమరావతి: డాక్టర్‌ బీఆర్‌ అంబేడ్కర్‌ కోనసీమ జిల్లా కాట్రేనికోన మండలం దొంతుకుర్రు జిల్లా పరిషత్‌ ఉన్నత పాఠశాల ఆవరణలో శుక్రవారం విద్యుదాఘాతానికి గురై యడ్ల నవీన్‌ (7) అనే మూడో తరగతి విద్యార్థి మృత్యువాత పడ్డాడు. ఈ ప్రమాదంలో మరో నలుగురు విద్యార్థులు గాయపడ్డారు. వీరిలో చిట్టిమేను వివేక్‌ (3వ తరగతి), తిరుపతి ఘన సతీష్‌కుమార్‌ (4వ తరగతి)లను అత్యవసర వైద్యం నిమిత్తం అమలాపురం కిమ్స్‌ ఆస్పత్రికి తరలించారు. స్వల్పంగా గాయపడిన మరో ఇద్దరు 3వ తరగతి విద్యార్థులు మొల్లేటి నిఖిల్, బొంతు మహీధరరెడ్డిలకు దొంతుకుర్రులోనే ప్రాథమిక వైద్యం అందించారు. వారి ఆరోగ్య పరిస్థితి నిలకడగా ఉంది. పాఠశాల ప్రాంగణంలో నిర్మిస్తున్న సచివాలయ భవనం శ్లాబ్‌ కోసం ఇనుప ఊచలను కట్‌ చేసేందుకు కటింగ్‌ మెషీన్‌ తీసుకొచ్చారు. దాని తీగ ఊచలకు తగలడం.. అదే సమయంలో విద్యార్థులు తాగునీటి కోసం ఆ ఇనుప ఊచలపై నుంచి వస్తుండగా ఈ ప్రమాదం సంభవించింది. ఇక సతీష్‌కుమార్‌ పరిస్థితి విషమంగా ఉందని వైద్యులు చెప్పారు. చికిత్స పొందుతున్న విద్యార్థులను ముమ్మిడివరం ఎమ్మెల్యే పొన్నాడ సతీష్‌కుమార్, జిల్లా ఏఎస్పీ కె.లతామాధురి పరామర్శించి, పరిస్థితిని సమీక్షించారు. మృతిచెందిన విద్యార్థి నవీన్‌ కుటుంబీకులు గుండెలవిసేలా విలపిస్తున్నారు. గాయపడిన విద్యార్థుల తల్లిదండ్రులు తల్లడిల్లుతున్నారు.  బాధితులకు అండగా ఉండండి : సీఎం  విద్యార్థులకు కరెంట్‌ షాక్‌ ఘటనపై ముఖ్యమంత్రి వైఎస్‌ జగన్‌మోహన్‌రెడ్డి దిగ్భ్రాంతి వ్యక్తంచేశారు. మృతిచెందిన బాలుడి కుటుంబానికి శుక్రవారం ఆయన రూ.10 లక్షల నష్టపరిహారం ప్రకటించారు. ఆస్పత్రిలో చికిత్స పొందుతున్న వారికి రూ.లక్ష పరిహారం ఇవ్వడంతో పాటు మెరుగైన వైద్య సేవలు అందించాలని అధికారులను ఆదేశించారు. బాధిత కుటుంబాలకు తోడుగా నిలవాలని సూచించారు.  

సాక్షి, అనంతపురం(కూడేరు): విద్యుత్‌ శాఖ అధికారుల నిర్లక్ష్యం ప్రజల ప్రాణాలకు ముప్పుగా మారింది. చాలా ప్రాంతాల్లో విద్యుత్‌ తీగలు యమపాశాల్లా తెగిపడుతున్నాయి. వీటి బారిన పడి ఇప్పటికే చాలా మంది మృతి చెందారు. పలువురు అంగవైకల్యంతో బాధపడుతున్నారు. అయినా విద్యుత్‌ శాఖ అధికారుల్లో మార్పు రాలేదు. అదే నిర్లక్ష్యం... అదే ఉదాసీనత. తాజాగా విద్యుత్‌ శాఖ అధికారుల నిర్లక్ష్యానికి కూడేరులో ఓ యువరైతు కరెంటు తీగకు బలయ్యాడు.  తండ్రికి చేదోడుగా..   కూడేరు మండలం గొటుకూరుకు చెందిన బోయ నల్లప్ప, ఓబుళమ్మ దంపతులకు ఇద్దరు కుమారులు. వీరిలో మొదటి కుమారుడు కేశవయ్య గ్రామంలోనే ఉంటూ తండ్రితో పాటు వ్యవసాయ పనులు చేస్తున్నాడు. రెండో కుమారుడు కరుణాకర్‌ (22) బీటెక్‌ ద్వితీయ సంవత్సరంతో చదువు మానేసి తండ్రికి చేదోడుగా వ్యవసాయ పనులు చేపట్టాడు.  పుట్టిన రోజే మృత్యు గీతిక   ఈ నెల 4న తన పుట్టిన రోజు కావడంతో వేకువజామునే కరుణాకర్‌ నిద్రలేచాడు. ‘అమ్మా! ఈ రోజు నా పుట్టిన రోజు. ఏదైనా స్పెషల్‌ చేసిపెట్టు’ అంటూ తల్లిని అడిగిన కరుణాకర్‌.. అనంతరం పంటకు నీరు పెట్టి వస్తానంటూ తండ్రితో చెప్పి ద్విచక్ర వాహనంపై పొలానికి బయలుదేరాడు. అప్పటికే ఆ మార్గంలో 11కేవీ విద్యుత్‌ తీగ తెగి పడి ఉంది. ఈ విషయాన్ని గమనించిన మరో రైతు ప్రతాపరెడ్డి.. వెంటనే ఫోన్‌ ద్వారా విద్యుత్‌ శాఖ అధికారులను అప్రమత్తం చేశాడు. అనంతరం అటుగా ఎవరైనా వచ్చి ప్రమాదం బారిన పడుతారని భావించిన ఆయన కాసేపు అక్కడే నిలబడ్డాడు. అదే సమయంలో ద్విచక్ర వాహనంపై వస్తున్న కరుణాకర్‌ను చూసి కేకలు వేసి అప్రమత్తం చేసేందుకు ప్రయత్నించాడు. అప్పటికే సమయం మించి పోయింది. రోడ్డుకు అడ్డుగా వేలాడుతున్న విద్యుత్‌ తీగ నేరుగా కరుణాకర్‌ను తాకడంతో అతను కుప్పకూలాడు. ఉపశమన చర్యలు చేపట్టే లోపు మృతి చెందాడు.    త్వరగా వస్తానంటివి కదయ్యా..  ‘పుట్టిన రోజును స్నేహితుల మధ్య జరుపుకోవాలని సరదా పడితివి. ఏదైనా స్పెషల్‌ చేసి పెట్టు, త్వరగా వస్తానంటవి. ఇంతలోనే ఎంత పనైంది దేవుడా!’ అంటూ కరుణాకర్‌ మృతదేహంపై పడి తల్లి ఓబుళమ్మ, తండ్రి నల్లప్ప బోరున విలపించారు. ‘పుట్టిన రోజే ఇలా చేశావేమయ్యా’ అంటూ గుండెలవిసేలా రోదించారు.    మృతదేహంతో రాస్తారోకో  విద్యుత్‌ శాఖ అధికారుల నిర్లక్ష్యం వల్లనే కరుణాకర్‌ మృతి చెందాడంటూ గ్రామస్తులు ఆందోళనకు దిగారు. కరుణాకర్‌ మృతదేహాన్ని జాతీయ రహదారిపైకి చేర్చి రాస్తారోకో చేపట్టారు. దీంతో వాహన రాకపోకలు స్తంభించాయి. విషయం తెలుసుకున్న  సీఐ శేఖర్, ఎస్‌ఐ సత్యనారాయణ అక్కడకు చేరుకుని ఆందోళనకారులతో చర్చించారు. విద్యుత్‌ శాఖ అధికారులు సకాలంలో స్పందించి ఉంటే ప్రాణాలు పోయేవి కావని గ్రామస్తులు ఆవేదన వ్యక్తం చేశారు. బాధిత కుటుంబానికి న్యాయం చేకూరేవరకూ ఆందోళన విరమించబోమని భీష్మించారు. దీంతో విద్యుత్‌ శాఖ అధికారులతో పోలీసు అధికారులు ఫోన్‌లో మాట్లాడారు. విద్యుత్‌ శాఖ ఏఈ సెలవులో ఉన్నారని తెలియడంతో ఆందోళనకారులతో చర్చించి న్యాయం చేకూరుస్తామంటూ భరోసానిచ్చారు. దీంతో గ్రామస్తులు ఆందోళనను విరమించారు.   ఆర్థిక సాయం అందజేస్తాం  కరుణాకర్‌ మృతిపై విద్యుత్‌ శాఖ ఏఈ రాజేష్‌ మాట్లాడుతూ.. జరిగిన ఘటనను ఉన్నతాధికారుల దృష్టికి తీసుకెళతామన్నారు. మృతుడి కుటుంబానికి ఆర్థిక సాయం అందేలా కృషి చేస్తానని పేర్కొన్నారు.   విద్యుదాఘాతంతో కౌలురైతు... ఉరవకొండ: విద్యుత్‌ షాక్‌కు గురై ఓ కౌలురైతు మృతి చెందాడు. పోలీసులు తెలిపిన మేరకు... ఉరవకొండ మండలం నింబగల్లుకు చెందిన నరసింహులు, భీమక్క దంపతుల కుమారుడు మారుతి (21) వ్యవసాయ పనులతో జీవనం సాగిస్తున్నాడు. గ్రామానికి చెందిన మరో రైతు వద్ద ఐదు ఎకరాల పొలాన్ని కౌలుకు తీసుకుని తన తండ్రితో కలసి మిర్చి పంట సాగు చేపట్టాడు. మంగళవారం ఉదయం పంటకు నీరు పెట్టేందుకు వెళ్లిన మారుతి... స్టార్టర్‌ బాక్స్‌ వద్ద స్విచ్‌ ఆన్‌ చేస్తుండగా విద్యుత్‌షాక్‌కు గురై కుప్పకూలాడు. గమనించిన చుట్టుపక్కల పొలాల్లోని రైతులు వెంటనే మారుతిని 108 అంబులెన్స్‌ ద్వారా ఉరవకొండ ప్రభుత్వాస్పత్రికి తీసుకెళ్లారు. పరీక్షించిన వైద్యులు అప్పటికే అతను మృతి చెందినట్లు నిర్ధారించారు. ఘటనపై ఉరవకొండ పోలీసులు కేసు నమోదు చేసి, దర్యాప్తు చేపట్టారు.   

కేసముద్రం: ‘లేవరా.. ఒక్కసారి నన్ను చూడరా. బాయి కాడికి పోదాం’అంటూ ఓ తండ్రి కుమారుడి మృతదేహాన్ని హత్తుకుంటూ గుండెలవిసేలా రోదించాడు. కోతుల బారి నుంచి పంటను కాపాడుకునేందుకు ఓ రైతు తన వరి పొలం చుట్టూ ఏర్పాటు చేసిన విద్యుత్‌ తీగ అభంశుభం తెలియని బాలుడిని బలితీసుకుంది. ఈ విషాద ఘటన మహబూబాబాద్‌ జిల్లా కేసముద్రం మండలం మర్రితండాలో సోమవారం చోటుచేసుకుంది. మర్రితండాకు చెందిన వాంకుడోతు నీల, బాసు దంపతులకు ఇద్దరు కుమారులు అశోక్, జీవన్‌(14) ఉన్నారు. చిన్నకుమారుడు జీవన్‌ చదువు మానేసి ఇంటి వద్దే ఉంటున్నాడు. తోటిమిత్రులతో కలిసి జీవన్‌ మేకలను మేపేందుకు ఊరి చివరకు వెళ్లాడు. ఇదే గ్రామ శివారు చెరువు ముందు తండాకు చెందిన వాంకుడోతు బిచ్చు అనే రైతు, తన వరి పొలం చుట్టూ విద్యుత్‌ తీగను ఏర్పాటు చేశాడు. పొలం వైపుగా మేకలు వెళ్లకుండా చూసేందుకని అటుగా వెళ్లిన జీవన్‌ కాలుకు ప్రమాదవశాత్తు విద్యుత్‌ తీగ తాకడంతో షాక్‌కు గురై వెంటనే కుప్పకూలిపోయాడు. గమనించిన మిత్రులు వాంకుడోతు గణేశ్, నవీన్, సూర్య అతన్ని బయటకు తీసేందుకు యత్నించగా, వారికి స్వల్పంగా విద్యుత్‌ షాక్‌ కొట్టడంతో భయాందోళనలతో బయటకు పరుగులు తీశారు. ఇంతలో జీవన్‌ పంటపొలంలోనే మృతి చెందాడు. విషయాన్ని కుటుంబసభ్యులకు తెలపడంతో బోరున విలపిస్తూ ఘటనా స్థలానికి చేరుకున్నారు. తమకు న్యాయం చేయాలంటూ పంట యజమాని బిచ్చు ఇంటి ముందు జీవన్‌ మృతదేహాన్ని ఉంచి కుటుంబసభ్యులు, తండావాసులు ఆందోళన చేశారు. పోలీసులు వచ్చి బాధితులకు సర్దిచెప్పే ప్రయత్నం చేశారు. ‘కరెంటుతీగ పెట్టి మా బిడ్డను కడుపున పెట్టుకున్నారు సార్‌.. మాకు న్యాయం చేయాలంటూ కుటుంబసభ్యులు పోలీసుల కాళ్లపై పడి వేడుకున్నారు. చివరకు కుటుంబసభ్యులను, తండావాసులకు సర్దిచెప్పి మృతదేహన్ని పోస్టుమార్టం నిమిత్తం మానుకోట ఏరియా ఆస్పత్రికి తరలించారు. కేసు నమోదు చేసి దర్యాప్తు జరుపుతున్నట్లు ఎస్సై తెలిపారు.  కంటతడి పెట్టించిన తల్లిదండ్రుల రోదన అప్పటి వరకు ఇంట్లో సరదాగా గడిపిన జీవన్‌ గంటల వ్యవధిలోనే శవమై కనిపించడంతో తల్లిదండ్రులైన నీలా, బాసు రోదించిన తీరు అందర్నీ కంటతడి పెట్టించింది. బిడ్డా ఒక్కసారి లేవరా అంటూ ఆ తల్లి రోదించిన తీరు హృదయాలను బరువెక్కించింది. ’  

మామడ/నాగిరెడ్డిపేట (ఎల్లారెడ్డి): పొలాలకు అమర్చిన విద్యుత్‌ తీగలే వారిపాలిట మృత్యుపాశమయ్యాయి. పశువులు మేపేందుకు అడవికి వెళ్లిన ఓ పశువుల కాపరి, పొలానికి నీళ్లు పెట్టేందుకు వెళ్లిన ఇద్దరు రైతు పంటలకు ఏర్పాటు చేసిన విద్యుత్‌ కంచెలకు తగిలి మృతిచెందారు. ఆలస్యంగా వెలుగు చూసిన ఈ విషాద ఘటనలు నిర్మల్, కామారెడ్డి జిల్లాల్లో చోటు చేసుకున్నాయి. మృతుల్లో ఇద్దరు ఒకే గ్రామానికి చెందినవారు కావడం గమనార్హం. నిర్మల్‌ జిల్లా మామడ మండలం పొన్కల్‌ గ్రామానికి చెందిన పశువుల కాపరి మద్దిపడగ మల్లయ్య(64) రోజు మాదిరిగానే సోమవారం ఉదయం తనకున్న గొర్రెలను మేత కోసం అటవీప్రాంతానికి తీసుకువెళ్లాడు. రాత్రి అయినా మల్లయ్య ఇంటికి రాకపోవడంతో కుటుంబ సభ్యులు వెతకగా గ్రామానికి చెందిన పారెడి చంద్రమౌళి పొలం వద్ద విగత జీవిగా కనిపించాడు. సమీపంలో విద్యుత్‌ కంచె ఉండడంతో కరెంటుషాక్‌తో మృతిచెందినట్లు గుర్తించి పోలీసులకు, విద్యుత్‌ అధికారులకు ఫిర్యాదు చేశారు. పొన్కల్‌ గ్రామానికే చెందిన ద్యాగల బొర్రన్న(55) కూడా మంగళవారం మరోచోట విద్యుత్‌ కంచెకు తగిలి మృతి చెందాడు. బొర్రన్న ఉదయం తన పొలం వద్దకు వెళ్లాడు. పొరుగు రైతుకు చెందిన పొలం వద్ద పశువుల కోసం గడ్డి కోస్తుండగా కానక విద్యుత్‌ కంచెకు తగలడంతో షాక్‌కు గురై అక్కడికక్కడే మృతి చెందాడు. ఒక్కరోజు వ్యవధిలో ఒకే గ్రామానికి చెందిన ఇద్దరు విద్యుత్‌ కంచెకు బలవడంతో పొన్కల్‌లో విషాదం నెలకొంది.   నిజాంసాగర్‌లో శవమై...: కామారెడ్డి జిల్లా నాగిరెడ్డిపేట మండలం ఆత్మకూర్‌కి చెందిన రైతు కుమ్మరి నల్ల పోశెట్టి(43) సోమవారం వేకువజామున పొలానికి వెళ్లాడు. దారిలో స్థానిక ఎంపీటీసీ మోతె శ్రీనివాస్‌కు చెందిన పొలానికి ఉన్న విద్యుత్‌ కంచె ప్రమాదవశాత్తు తగలడంతో పోశెట్టి మృత్యువాతపడ్డాడు. అయితే ఆయన మంగళవారం గ్రామశివారులోని నిజాంసాగర్‌ బ్యాక్‌వాటర్‌లో శవమై తేలడంపై కుటుంబసభ్యులు అనుమానాలు వ్యక్తం చేశారు. ఎంపీటీసీ కుటుంబసభ్యులే పోశెట్టి మృతదేహాన్ని అక్కడి నుంచి తొలగించి సమీపంలోని బ్యాక్‌వాటర్‌లో పడేశారని ఆరోపిస్తూ ఆందోళనకు దిగారు. పోశెట్టి మృతికి కారణమైనవారు తమకు లొంగిపోయారని, మృతుడి కుటుంబానికి తగిన న్యాయం చేస్తామని డీఎస్పీ హామీ ఇవ్వడంతో ఆందోళన విరమించారు.  

భోపాల్‌: విద్యుత్తు వైర్లు తగలకుండానే ఓ వ్యక్తికి షాక్‌ తగిలింది. అది ఎలాగనుకుంటున్నారా? తన ఇంటి కరెంట్‌ బిల్లు చూసి షాక్‌తో ఆసుపత్రి పాలయ్యాడు. ఇంతకి అతని బిల్లు ఎంతనుకుంటున్నారా? రూ.3,419 కోట్లు. ఈ సంఘటన మధ్యప్రదేశ్‌లో జరిగింది. గ్వాలియర్‌లోని శివ విహార్‌ కాలనీకి చెందిన ప్రియాంక గుప్తా ఇంటి విద్యుత్తు బిల్లు రూ.3,419 కోట్లు వచ్చినట్లు తెలుసుకుని షాకయ్యారు. ఆమె మామ ఏకంగా మూర్చపోయి ఆసుపత్రిలో చేరాడు. అయితే.. ఇది మానవ తప్పిదం వల్ల జరిగిందని విద్యుత్తు సంస్థ తెలిపింది. సవరించిన బిల్లు రూ.1,300గా ఇవ్వటంతో అంతా ఊపిరి పీల్చుకున్నారు గుప్తా కుటుంబ సభ్యులు.  గృహ వినియోగానికి సంబంధించిన విద్యుత్తు బిల్లు కోట్లలో రావటం చూసి షాక్‌కి గురైన తన తండ్రి ఆసుపత్రిపాలయ్యాడని గుప్తా భర్త సంజీవ్‌ కంకానే పేర్కొన్నారు. జులై 20న తమకు ఇంటి విద్యుత్తు బిల్లు వచ్చిందన్నారు. భారీ మొత్తంలో ఉండటంతో మధ్యప్రదేశ్‌ క్షేత్ర విద్యుత్తు వితరన్‌ కంపెనీ(ఎంపీఎంకేవీవీసీ) పోర్టల్‌లో తనిఖీ చేయగా.. సవరించినట్లు కనిపించిందని తెలిపారు. విద్యుత్తు బిల్లు భారీగా వచ్చేలా నిర్లక్ష్యంగా వ్యవహరించిన సిబ్బందిపై చర్యలు తీసుకుంటామని తెలిపారు ఎంపీఎంకేవీవీసీ జెనరల్‌ మేనేజర్‌ నితిన్‌ మంగ్లిక్‌. ‘యూనిట్స్‌ స్థానంలో వినియోగదారుడి నంబర్‌ ఎంటర్‌ చేయటం వల్ల ఇలా జరిగింది. అందుకే భారీగా బిల్లు వచ్చింది. సవరించిన బిల్లు రూ.1,300 సంబంధిత వినియోగదారుడికి ఇచ్చాం.’ అని పేర్కొన్నారు. ఇదీ చదవండి: ఇదీ లక్కంటే.. అప్పులపాలై ఇల్లు అమ్మకానికి పెట్టగా రూ.కోటి లాటరీ

కణేకల్లు: ఇద్దరు అన్నదమ్ములను కరెంట్‌ బలిగొంది. ఈ ఘటనతో కణేకల్లు మండలం 43 ఉడేగోళం గ్రామం విషాదంలో మునిగిపోయింది. మాజీ సర్పంచ్‌ కురుబ యల్లప్ప (లేట్‌)ది రైతు కుటుంబం. ఈయనకు ఐదుగురు కుమారులు, ముగ్గురు కుమార్తెలు ఉన్నారు. వ్యవసాయమే వీరికి ప్రధాన జీవనాధారం. హెచ్చెల్సీకి నీరు విడుదల చేయడంతో బోర్లున్న రైతులు ముందుగానే వరినారు పోసుకోవడం ఆనవాయితీ. యల్లప్ప కుమారులు రమేష్‌ (34), దేవేంద్ర (28), వన్నూరుస్వామి తమ పొలంలో మూడ్రోజుల కిందట వరి నారు పోశారు. ఆదివారం నారు మడికి నీరు పెట్టి పొలంలో చిన్నాచితక పనులు చేసుకొద్దామని ఈ ముగ్గురూ పొలానికి వెళ్లారు. రమేష్‌ స్టార్టర్‌ ఆన్‌ చేస్తుండగా ఒక్కసారిగా విద్యుత్‌షాక్‌కు గురై కుప్పకూలిపోయాడు. అన్నను లేపేందుకు వెళ్లిన దేవేంద్ర కూడా షాక్‌కు గురయ్యాడు. వీరిని కాపాడేందుకు వెళ్లిన వన్నూరుస్వామి షాక్‌ కొట్టగానే ఎగిరి పడ్డాడు. వెంటనే పక్కపొలం రైతులు, స్థానికులకు, కుటుంబ సభ్యులకు సమాచారమందించాడు. కుటుంబ సభ్యులు హుటాహుటిన చేరుకుని వారిని కణేకల్లు ప్రభుత్వాస్పత్రికి తీసుకెళ్లగా అప్పటికే రమేష్‌, దేవేంద్ర మృతి చెందారు. వీరిని కాపాడే క్రమంలో గాయపడ్డ మరో సోదరుడు వన్నూరుస్వామి బళ్లారిలోని ఓ ప్రైవేట్‌ ఆస్పత్రిలో చికిత్స పొందుతున్నాడు. మృతుల్లో రమేష్‌కు భార్య జ్యోతి, ఇద్దరు కూతుళ్లు, దేవేంద్రకు భార్య కస్తూరి, ఇద్దరు కూతుళ్లు ఉన్నారు. విద్యుత్‌ షాక్‌తో ఇద్దరు అన్నదమ్ములు మృత్యువాత పడటంతో కుటుంబంతో పాటు గ్రామంలో విషాద ఛాయలు అలుముకున్నాయి.   దేవుడా ఎంత పనిచేశావయ్యా..  పొలానికి వెళ్లి తొందరగా వస్తామని తిరిగిరాని లోకాలకు వెళ్లిపోతిరా.. మీరు లేని జీవితం ఎలా గడపాలి.. పిల్లలకు ఏమని సమాధానం చెప్పాలి’ అంటూ    మృతుడు రమేష్‌ భార్య జ్యోతి, దేవేంద్ర భార్య కస్తూరి గుండెలవిసేలా రోదించారు. ‘అక్కా... అని ప్రేమగా పలకరించే చిన్నోడి (దేవేంద్ర)ని తీసుకెళ్లి ఎందుకింత అన్యాయం చేశావు దేవుడా’ అంటూ విలపించిన అక్క జయమ్మను ఓదార్చడం ఎవరి తరమూ కాలేదు. ఆ దేవుడు నన్నైనా తీసుకుపోయి ఉంటే బాగుండేదంటూ కన్నీరు మున్నీరయ్యారు. ‘దేవురే ఒబ్బరల్లా... ఇబ్బుర్ని (దేవుడా ఒకరిని కాదు ఇద్దరిని) ఎంగే తకొండు హోగిదియప్పా(ఎలా తీసుకెళ్లావు?)’ అంటూ అక్కాచెల్లెళ్లు విలపించడం అందర్నీ కలచి వేసింది.  (చదవండి:  పార్థుడి పనైపోయిందా!.. చంద్రబాబు 'బాది'పోయాడా?)

కామారెడ్డి: వెలుగులు నింపే విద్యుత్‌ ఓ కుటుంబంలో చీకటి నింపింది. విద్యుదాఘాతంతో ఒకే కుటుంబానికి చెందిన నలుగురు మృత్యువాతపడ్డారు. రెండేళ్ల బాబు అనాథయ్యాడు. కామారెడ్డి జిల్లా కేంద్రంలో జరిగిన ఈ విషాద ఘటన వివరాలిలా ఉన్నాయి. కామారెడ్డి బీడీ వర్కర్స్‌ కాలనీకి చెందిన ఎండీ అహ్మద్‌ (40) ఆటో నడుపుకొంటూ జీవిస్తున్నాడు. అతడికి భార్య పర్వీన్‌ బేగం (32), కూతురు మాహీన్‌ (6), కుమారులు అద్నాన్‌ (3), ఫైజాన్‌ (2) ఉన్నారు. ఫైజాన్‌ సమీపంలో ఉండే అమ్మమ్మ ఇంటికి వెళ్లాడు. బట్టలు ఆరేయడానికి వారు నివసించే రేకుల ఇంటి ముందు గోడకు రెండువైపులా మేకులు కొట్టి వైరుకట్టారు. మంగళవారం మధ్యాహ్నం ఒంటిగంట ప్రాంతంలో పర్వీన్‌ బేగం దుప్పటిని వైరుపై ఆరేస్తుండగా బరువు కారణంగా వైరు కిందకు జారింది. వైరు అంచుకు కొద్దిదూరంలోనే విద్యుత్‌ ఫ్యూజ్‌ ఉంది. దానికి వైరు తాకడంతో విద్యుత్‌ సరఫరా అయ్యింది. దీంతో పర్వీన్‌ బేగం విద్యుదాఘాతానికి గురైంది. ఆమె అరుపు విని ఇంట్లో ఉన్న అహ్మద్, పిల్లలు బయటకు పరుగెత్తుకొచ్చారు. ఆమెను కాపాడబోయే ప్రయత్నంలో ఒకరి వెంట మరొకరు విద్యుదాఘాతానికి గురై నలుగురూ మృతిచెందారు. చుట్టుపక్కలవారు గమనించి విద్యుత్‌శాఖ అధికారులు, పోలీసులకు సమాచారమిచ్చారు.  3 లక్షల చొప్పున ఎక్స్‌గ్రేషియా  ఈ ఘటనపై సీఎం కేసీఆర్‌ దిగ్భ్రాంతి వ్యక్తం చేశా రని ప్రభుత్వ విప్‌ గంప గోవర్ధన్‌ తెలిపారు. ఆయన ఉర్దూ అకాడమీ చైర్మన్‌ ముజీబొద్దీన్‌తో కలిసి మృతుల కుటుంబ సభ్యులను పరామర్శించారు. సీఎం కేసీఆర్‌ ఒక్కొక్కరికి రూ.3 లక్షల చొప్పున ఎక్స్‌గ్రేషియా ప్రకటించారని గోవర్ధన్‌ తెలిపారు. 

సాక్షి, మహబూబాబాద్: జిల్లాలోని డోర్నకల్ మండలం అందనాలపాడులో విషాదం చోటు చేసుకుంది. గత రాత్రి కురిసిన గాలివానకు గ్రామంలోని రామాలయం గుడిపై ఉన్న మైక్ సెట్ దెబ్బతింది. దెబ్బతిన్న  మైక్ సెట్ సరి చేస్తుండగా.. కరెంట్ షాక్‌తో ముగ్గురు మృతి చెందారు. మృతుల్ని సుబ్బారావు, మస్తాన్ రావు, వెంకయ్యలుగా నిర్ధారించారు. దీంతో ఆ గ్రామంలో విషాదం నెలకొంది.

వేంసూరు: తొలకరి జల్లులు కురవడంతో ఆనందంగా వానాకాలం సాగుకు సిద్ధమవుతున్న రైతు విద్యుదాఘాతానికి గురై ప్రాణాలు కోల్పోయాడు. ఖమ్మం జిల్లా వేంసూరు మండలం చౌడవరానికి చెందిన ఉట్ల శ్రీనివాసరావు (38) తన పొలంలోని మోటార్‌ను పరిశీలించేందుకు గురువారం ఉదయం వెళ్లాడు. ఈ క్రమంలో పొలానికి రక్షణగా ఉన్న ఇనుప కంచె దాటుతుండగా.. కంచెలోని తీగ ప్రమాదవశాత్తు పక్కనే ఉన్న హైటెన్షన్‌ స్తంభం సపోర్ట్‌ వైర్‌ను తాకింది. సపోర్ట్‌ వైర్‌లో విద్యుత్‌ సరఫరా అవుతుండటంతో శ్రీనివాసరావు విద్యుదాఘాతానికి గురై అక్కడికక్కడే మృతి చెందాడు. మృతునికి భార్య, ఇద్దరు పిల్లలు ఉన్నారు. సంఘటన స్థలాన్ని ఎస్‌ఐ సురేష్‌ తదితరులు పరిశీలించారు.  

ఆపదలో ఉన్న మనిషిని ఆదుకోవడం గొప్ప విషయం. అలాంటిది తన ప్రాణం పోతుందని తెలిసి కూడా కాపాడాలనుకోవడం సాహసమే కదా!. అలాంటి సాహస వీరుడికి ఘనంగా సన్మానం చేశారు. ఖరీదైన అడి కార్‌తో సత్కారం అందుకున్నాడు. కానీ, అంతకన్నా విలువైందే తనకు దక్కిందని అంటున్నాడు 20 ఏళ్ల ఆ కుర్రాడు.  ఇంతకీ ఆ కుర్రాడికి దక్కిన విలువైన వస్తువు ఏంటో తెలుసా?.. ఒక ప్రాణం కాపాడాననే ఆత్మసంతృప్తి. యస్‌.. చికాగోకు చెందిన 20 ఏళ్ల టోనీ పెర్రీ తన ప్రాణాన్ని రిస్క్‌ చేసి ఓ వ్యక్తిని కాపాడాడు. అందుకే అతన్ని మెచ్చుకుంటోంది సోషల్‌ మీడియా.  ఉమ్మి కారణంగా ఇద్దరి మధ్య గొడవ జరిగింది. ఇద్దరు తన్నుకుంటూ ఎలక్ట్రిక్‌ రైల్వే ట్రాక్స్‌ మీద పడిపోయారు.  దాడికి దిగిన వ్యక్తి వెంటనే తప్పించుకోగా.. మరోవ్యక్తి మాత్రం ఎలక్ట్రిక్‌ ట్రాక్స్‌ మీద పడిపోవడంతో షాక్ కొట్టింది‌.  600 వోల్ట్స్‌ కరెంట్‌తో విలవిలలాడిపోయాడు అతను.  ప్లాట్‌ఫామ్‌ మీద ఉన్నవాళ్లంతా భయంతో అలా చూస్తూ ఉండిపోయారు. ఈ లోపు అక్కడే ఉన్న టోనీ పట్టాల మీదకు దూకి అతి జాగ్రత్త మీద ఆ వ్యక్తి పక్కకు జరిపాడు. ఆ సమయంలో అంతా టోనీని హెచ్చరిస్తున్నా.. పట్టించుకోకుండా తన పని తాను చేసుకుంటూ పోయాడు.  ఒకవేళ అదే ప్లేసులో నేనుంటే?.. జనాలు నా గురించి ఏమనుకుంటారు? నన్ను రక్షిస్తారా? అలాగే వదిలేస్తారా? అనే ఆలోచన నన్ను భయపెట్టింది. అందుకే ముందు వెళ్లాను. ఆ వ్యక్తి ప్రాణాలు నిలబడినందుకు చాలా సంతోషంగా ఉంది. అంతా హీరో అంటున్నారు. కానీ, నిజాయితీ అనిపిస్తోంది.  టోనీని స్థానికంగా అంతా కలిసి ఘనంగా సన్మానించారు. స్థానికంగా ఉన్న ఓ వ్యాపారవేత్త ఆడి ఏ6 కార్‌ను టోనీకి సర్‌ప్రైజ్‌గిఫ్ట్‌గా ఇచ్చాడు. ఈ కారు ప్రారంభ ధరే మన కరెన్సీలో రూ.60 లక్షలకు పైనే ఉంది.

బదౌన్‌: పశువుల దొంగతనం కేసులో ఉత్తరప్రదేశ్‌ పోలీసులు 20 ఏళ్ల యువకుడిని కరెంట్‌ షాక్‌తో చిత్రహింసలకు గురిచేశారు. బాధితుడు ఆస్పత్రి పాలయ్యాడు. ఘటనకు సంబంధించి ఐదుగురు పోలీసులను అధికారులు సస్పెండ్‌ చేశారు. రెహాన్‌ అనే రోజుకూలీ ఈ నెల 2వ తేదీన సాయంత్రం ఇంటికి వెళ్తుండగా బదౌన్‌ పోలీసులు అదుపులోకి తీసుకున్నారు. పశువుల దొంగల ముఠాకు సహకరిస్తున్నాడంటూ అతడిని చిత్రహింసలు పెట్టారు. కరెంట్‌ షాక్‌కు గురి చేయడంతోపాటు లాఠీతో తీవ్రంగా కొట్టడంతో నడవలేని, కనీసం మాట్లాడలేని పరిస్థితికి చేరుకున్నాడని బాధితుడి కుటుంబసభ్యులు ఆరోపించారు. అతడిని విడిపించేందుకు రూ.5 వేలు లంచం ఇవ్వాల్సి వచ్చిందన్నారు. తీవ్రంగా గాయపడిన అతడికి ఆస్పత్రిలో  చికిత్స అందిస్తున్నారు.

లక్నో: పశువులను దొంగిలించిన కేసులో ఓ యువకుడిని పోలీసులు చితకబాదారు. నేరం ఒప్పుకోవాలంటూ యువకుడిని దారుణంగా చిత్రహింసలకు గురిచేశారు. దీంతో నొప్పులు తాళలేక ఆసుపత్రి పాలయ్యాడు. ఈ అమానుష ఘటన ఉత్తర ప్రదేశ్‌లో చోటుచేసుకుంది. పశువులను దొంగిలించాడనే కోసులో బడాయున్ పోలీసులు రెహాన్ అనే 20 ఏళ్ల యువకుడిని  అరెస్టు చేశారు. దినసరి కూలీ అయిన రెహాన్‌ను మే 2న పని ముగించుకొని ఇంటికి వెళ్తుండగా పోలీసులు అదుపులోకి తీసుకున్నారు.  ఈ క్రమంలో స్టేషన్ అధికారి, మిగతా పోలీసులు అతన్ని వేధింపులకు గురిచేశారు.  కస్టడీలో లాఠీలతో కొట్టడం, కరెంట్‌ షాక్‌ ఇవ్వడం వంటి చర్యలకు పాల్పడ్డారు. పోలీసులు దెబ్బలతో ఒళ్లంతా పుండు అయిపోయింది. అంతటితో ఆగకుండాప్రేవేటు భాగాల్లో గాయాలయ్యేలా కొట్టారు. అయితే  ఇదంతా బాధితుడిని చూడటానికి అతని బంధువులు వచ్చినప్పుడు  వెలుగులోనికి వచ్చింది. అయితే రెహాన్‌ను విడిచిపెట్టాలంటే పోలీసులు రూ.5 వేలు డిమాండ్‌ చేశారని, డబ్బులు ఇస్తేనే స్టేషన్‌ బెయిల్‌ ఇస్తామన్నారని కుటుంబ సభ్యులు తెలిపారు. అంతేగాక రూ. 100 ఇచ్చి చికిత్స చేసుకోవాలని చెప్పి అవమానపరిచారని పేర్కొన్నారు.  చేసేదేం లేక అడిగినంత డబ్బులు ఇచ్చి తమ కొడుకుని ఇంటికి తీసుకొచ్చామని రెహాన్‌ తల్లిదండ్రులు వాపోయారు. రెహాన్‌ను తీవ్రంగా గాయపరిచారని, నడవలేక, మాట్లాడలేకపోతున్నాడని కుటుంబ సభ్యులు చెబుతున్నారు.  అనంతరం ఈ దారుణం గురించి బాధిత కుటుంబ సభ్యులు ఉన్నతాధికారులకు ఫిర్యా దు చేశారు. దీంతో  ఈ ఘటనను సీరియస్‌గా తీసుకున్న అధికారులు స్టేషన్‌ ఇంచార్జితో సహా అయిదుగురు పోలీసులపై ఎఫ్‌ఐఆర్‌ దాఖలు చేసి విచారణ చేపట్టారు.  ఇప్పటి వరకు నలుగురిని సస్పెండ్ చేశారు. కాగా రెహాన్ ప్రస్తుతం బులంద్‌షహర్‌లోని ఒక ప్రైవేట్ ఆసుపత్రిలో చికిత్స పొందుతున్నాడు. చదవండి: నా వ్యాఖ్యలను వెనక్కి తీసుకుంటున్నా: క్షమాపణలు కోరిన నూపుర్‌ శర్మ

చీపురుపల్లి: పట్టణంలోని మెయిన్‌రోడ్‌లో గల నటరాజ్‌ జంక్షన్‌ వద్ద జరిగిన రోడ్డు ప్రమాదంలో విజయనగరం పట్టణానికి చెందిన వస్త్ర వ్యాపారి ఎ.రామస్వామి అక్కడికక్కడే మృతిచెందాడు. వివరాలిలా ఉన్నాయి. మంగళవారం ఉదయం 7.30 గంటల సమయంలో విజయనగరం నుంచి రాజాం వైపు స్కూటీపై వెళ్తున్న రామస్వామికి చీపురుపల్లిలో ప్రధాన రహదారిపై ఎదురుగా వస్తున్న ట్రాక్టర్‌ ప్రమాదవశాత్తు తగలడంతో డివైడర్‌ను ఢీకొట్టి ట్రాక్టర్‌ కింద పడిపోయి అక్కడికక్కడే మృతిచెందాడు.   తమిళనాడు రాష్ట్రంలోని తిరుచిపల్లి రోడ్, నమ్మక్కల్‌కు చెందిన రామస్వామి విజయనగరంలో స్థిరపడి బాలాజీ మార్కెట్‌లో 404వ నంబర్‌ దుకాణంలో వస్త్ర వ్యాపారం సాగిస్తున్నాడు. వ్యాపార విస్తరణలో భాగంగా రాజాం వైపు అరువులు ఇచ్చి డబ్బులు వసూలు చేసుకుంటాడు. ఈ నేపథ్యంలో విజయనగరంలో మంగళవారం మార్కెట్‌ సెలవు కావడంతో రాజాం పరిసర ప్రాంతాల్లో  బకాయిల వసూలు కోసం ఉదయం 6 గంటలకే స్కూటీపై విజయనగరం నుంచి బయిలుదేరాడు. ఇంతలో చీపురుపల్లి వచ్చేసరికి  రోడ్డు ప్రమాదంలో మృత్యువు కబళించింది. ట్రాక్టర్‌ డ్రైవర్‌ వెంకటరమణను అదుపులోకి తీసుకుని కేసు నమోదు చేసినట్లు ఎస్సై సన్యాశినాయుడు చెప్పారు.   విద్యుత్‌ షాక్‌తో టిప్పర్‌ డ్రైవర్‌..  చీపురుపల్లి రూరల్‌:  కుటుంబపోషణ కోసం మధ్యప్రదేశ్‌ రాష్ట్రంలోని షాడోల్‌ జిల్లా బుదవా మండలం జరియా గ్రామం నుంచి వచ్చిన టిప్పర్‌ డ్రైవర్‌ ఓంప్రకాశ్‌ చీపురుపల్లి పట్టణంలో విద్యుత్‌ షాక్‌తో మంగళవారం మృతిచెందాడు. ఈ సంఘటనకు సంబంధించి హెచ్‌సీ రమణమూర్తి అందించిన వివరాలిలా ఉన్నాయి. పట్టణ సమీపంలో  రెడ్డిపేట వద్ద జరుగుతున్న తోటపల్లి కాలువ పనులకు డ్రైవర్‌ ఓంప్రకాశ్‌ టిప్పర్‌తో రాతిబుగ్గిని తీసుకువెళ్లాడు. రాతిబుగ్గిని అన్‌లోడ్‌ చేసిన అనంతరం పూర్తిగా అన్‌లోడ్‌ అయ్యిందో లేదో చూసేందుకు వెనుక వైపు ఉన్న డోర్‌ను పట్టుకున్నాడు. అప్పటికే టిప్పర్‌ వెనుక భాగాన విద్యుత్‌వైరు తగిలి ఉండడంతో పట్టుకున్న వెంటనే విద్యుత్‌షాక్‌ తగిలి  కిందపడిపోయాడు. విషయాన్ని గమనించిన స్థానికులు ద్విచక్రవాహనంపై చీపురుపల్లి ప్రభుత్వాస్పత్రికి తీసుకువెళ్లగా వైద్యసిబ్బంది పరీక్షించి మృతిచెందినట్లు నిర్ధారించారు. పోస్టుమార్టం అనంతరం  మృతదేహాన్ని బంధువులకు  అప్పగించి కేసు నమోదు చేసి దర్యాప్తు చేస్తున్నామని పోలీసులు తెలిపారు. ఆటోనుంచి జారిపడి ఒకరు.. పాలకొండ రూరల్‌: మండలంలోని తలవరం–అట్టలి రహదారి మధ్య మంగళవా ఆటోలో నుంచి జారిపడి ఓ వ్యక్తి మృతి చెందాడు. అవలంగి గ్రామానికి చెందిన నగరపు కృష్ణంనాయుడు (55) పాలకొండలో ఉన్న చెల్లిని చూసేందుకు  పయనమై నవగాం కూడలిలో ఆటో ఎక్కి పాలకొండ వస్తున్నాడు. అట్టలి సమీపంలోని ఆర్‌సీఎం డొమినిక్‌ పాఠశాల వద్దకు చేరుకుంటున్న సమయంలో ఆటో అదుపు తప్పడంతో కృష్ణంనాయుడు ఆటోలో నుంచి జారి కిందపడగా తీవ్రగాయాలయ్యాయి. గమనించిన స్థానికులు 108కు సమాచారం మివ్వగా  వాహనం సంఘటనా స్థలానికి చేరుకునే సరికే మృతిచెందాడు. ఆయనకు భార్య గోవిందమ్మ ఉంది. రైతు కూలీగా జీవనం గడుపుతున్నట్లు గ్రామస్తులు పేర్కొన్నారు. పిల్లలు లేకపోవడం, భర్త మరణించడంతో గోవిందమ్మ కన్నీటి పర్యంతమైంది. ఈ ఘటనపై ఎస్సై సీహెచ్‌ ప్రసాద్‌ కేసు నమోదు చేశారు.  పట్టణంలోని మెయిన్‌రోడ్‌లో గల నటరాజ్‌ జంక్షన్‌ వద్ద జరిగిన   రోడ్డు ప్రమాదంలో విజయనగరం పట్టణానికి చెందిన వస్త్ర వ్యాపారి ఎ.రామస్వామి అక్కడికక్కడే మృతిచెందాడు. వివరాలిలా ఉన్నాయి. మంగళవారం ఉదయం 7.30 గంటల సమయంలో విజయనగరం నుంచి రాజాం వైపు స్కూటీపై వెళ్తున్న రామస్వామికి చీపురుపల్లిలో ప్రధాన రహదారిపై ఎదురుగా వస్తున్న ట్రాక్టర్‌ ప్రమాదవశాత్తు తగలడంతో డివైడర్‌ను ఢీకొట్టి ట్రాక్టర్‌ కింద పడిపోయి అక్కడికక్కడే మృతిచెందాడు. తమిళనాడు రాష్ట్రంలోని తిరుచిపల్లి రోడ్, నమ్మక్కల్‌కు చెందిన రామస్వామి విజయనగరంలో స్థిరపడి బాలాజీ మార్కెట్‌లో 404వ నంబర్‌ దుకాణంలో వస్త్ర వ్యాపారం సాగిస్తున్నాడు. వ్యాపార విస్తరణలో భాగంగా రాజాం వైపు అరువులు ఇచ్చి డబ్బులు వసూలు చేసుకుంటాడు. ఈ నేపథ్యంలో విజయనగరంలో మంగళవారం మార్కెట్‌ సెలవు కావడంతో రాజాం పరిసర ప్రాంతాల్లో  బకాయిల వసూలు కోసం ఉదయం 6 గంటలకే స్కూటీపై విజయనగరం నుంచి బయిలుదేరాడు. ఇంతలో చీపురుపల్లి వచ్చేసరికి  రోడ్డు ప్రమాదంలో మృత్యువు కబళించింది. ట్రాక్టర్‌ డ్రైవర్‌ వెంకటరమణను అదుపులోకి తీసుకుని కేసు నమోదు చేసినట్లు ఎస్సై సన్యాశినాయుడు చెప్పారు.   (చదవండి: 186 దేశాలు పర్యటించిన తెలుగు ట్రావెలర్‌)

నాంపల్లి: నల్లగొండ జిల్లా నాంపల్లి మండలం కేతేపల్లిలో శ్రీసీతారామచంద్ర స్వామి రథం తరలింపులో అపశ్రుతి చోటుచేసుకుంది. స్వామివారి రథాన్ని ఆలయం నుంచి మరో చోటుకు తరలిస్తుండగా విద్యుత్‌ తీగలకు తగలడంతో షాక్‌ తగిలి ముగ్గురు వ్యక్తులు మృతిచెందారు. ఈ ఘటనలో మరో వ్యక్తికి తీవ్ర గాయాలయ్యాయి. కేతేపల్లి గ్రామంలోని గుట్టపై ఉన్న శ్రీసీతారామచంద్రస్వామి ఆలయ ఉత్సవాలు ఏప్రిల్‌ 10న ముగిశాయి. అయితే రథం ఆలయ ఆవరణలోనే ఉండిపోయింది. ప్రస్తుతం కురుస్తున్న వర్షాలకు రథం తడుస్తుండడంతో దానిని తయారు చేయించిన దాత దయానందరెడ్డి రథాన్ని సురక్షిత ప్రదేశానికి తరలించేందుకు శనివా రం సాయంత్రం గ్రామానికి చెందిన పలువురిని గుట్టపైకి తీసుకెళ్లారు. అందులో 8 మంది తాళ్ల సహాయంతో.. మరో నలుగురు దానిని పట్టు కుని లాగుతుండగా ఇనుముతో చేసి న రథం కరెంటు తీగలకు తగలడంతో దానిని పట్టుకుని లాగుతున్న రాజబోయిన యాదయ్య(45), పొగాకు మోహనయ్య(36) దాసరి ఆంజనేయులు (26) విద్యు దాఘాతానికి గురై అక్కడికక్కడే మృతిచెందారు. రాజబో యిన వెంకటయ్య అనే వ్యక్తి తీవ్రంగా గాయపడ్డాడు. అతడి పరిస్థితి విషమంగా ఉండడంతో నల్లగొండ ప్రభుత్వ ఆస్పత్రికి తరలిం చారు. పోలీసులు ఘటనా స్థలాన్ని పరిశీలించి కేసు నమోదు చేశారు. చదవండి: ‘ఏ తప్పూ చేయలేదు.. నా చావును కోరుకుంటున్నారు కదా.. మీ కోరిక తీరుస్తా’

సాక్షి, కర్నూల్‌: జిల్లాలో విషాద ఘటన చోటుచేసుకుంది. సెలవు రోజుల్లో సరదాగా ఈతకు వెళ్లిన నలుగురు చిన్నారులు విద్యుత్‌ షాక్‌తో మృతి చెందడంతో అక్కడ విషాదం నెలకొంది.  వివరాల ప్రకారం.. కృష్ణగిరి మండలం ఆలంకొండ గ్రామానికి చెందిన నలుగురు చిన్నారులు శుక్రవారం ఉదయం ఈతకు వెళ్లారు. వారు ఈత కొడుతుండగా.. ప్రమాదవశాత్తు కరెంట్‌ తీగలు తెగిపోయి నీటిలో పడటంతో నలుగురు చిన్నారులు అక్కడిక్కడే మృత్యువాతపడ్డారు. చిన్నారుల మృతితో వారి తల్లిదండ్రులు బోరునవిలపిస్తున్నారు. వారి మృతితో ఆలంకొండ గ్రామంలో విషాదఛాయలు అలుముకున్నాయి. ఇది కూడా చదవండి: కారులో డ్రైవర్‌ మృతదేహం.. అసలేం జరిగిందో చెప్పిన ఎమ్మెల్సీ అనంతబాబు

సజావుగా సాగిపోతున్న ఆ కుటుంబంపై విధి కన్నెర్రజేసింది. విద్యుదాఘాతం రూపంలో భార్యాభర్తలను కబళించింది. తల్లిదండ్రులను దూరం చేయడంతో నాలుగేళ్ల చిన్నారి ఆనాథగా మిగిలిపోయింది. మంగళవారం ఉదయం స్థానిక విద్యుత్‌శాఖ క్వార్టర్లలో చోటుచేసుకున్న ఈ హృదయ విదారక ఘటన అందరినీ కంటతడి పెట్టించింది.  అరకులోయ రూరల్‌: మండలంలోని కంఠభంసుగుడ గ్రామానికి చెందిన   గొల్లోరి డొంబుదొర (36), పార్వతి (33) దంపతులు స్థానిక విద్యుత్‌ శాఖ క్వార్టర్‌లో నివాసం ఉంటున్నారు. వీరికి నాలుగేళ్ల వింధ్య అనే కుమార్తె ఉంది.  డొంబుదొర గిరిజన సహకార సంస్థ మినీ సూపర్‌ బజార్‌లో దినసర వేతన కార్మికుడిగా పనిచేస్తున్నాడు. ఈ నేపథ్యంలో మంగళవారం ఉదయం పార్వతి దుస్తులు ఉతికింది. వాటిని ఆరబెట్టేందుకు డొంబుదొర ప్రయత్నించాడు. వైరుపై దుస్తులు ఆరబెడుతుండగా దానికి విద్యుత్‌ సరఫరా ఉండటంతో షాక్‌కు గురయ్యాడు. అతను కేకలు పెట్టడంతో రక్షించేందుకు పార్వతి ప్రయత్నించింది. ఆమె కూడా విద్యుదాఘాతానికి గురైంది. ఇద్దరు సంఘటన స్థలంలోనే స్పృహకోల్పోయారు. పరిస్థితిని గమనించిన చుట్టుపక్కల వారు 108 వాహనంలో స్థానిక ఏరియా ఆస్పత్రికి తరలించారు. అప్పటికే మృతి చెందినట్టు వైద్యులు ధ్రువీకరించారు. దీంతో ఆస్పత్రి, విద్యుత్‌ క్వార్టర్ల వద్ద విషాదఛాయలు అలుముకున్నాయి. తల్లిదండ్రలు విద్యుదాఘాతంతో మృతి చెందడంతో కుమార్తె వింధ్య పరిస్థితి దయనీయంగా మారింది.  బాధిత చిన్నారిని ఆదుకుంటాం: ఐటీడీఏ పీవో గోపాలకృష్ణ  విద్యుదాఘాతంతో భార్యాభర్తలు మృతి చెందిన ఘటనలో బాధిత చిన్నారిని ఆదుకుంటామని ఐటీడీఏ పీవో ఆర్‌.గోపాలకృష్ణ మంగళవారం తెలిపారు. గొల్లోరి డొంబుదొర, పార్వతి మృతి చెందడం దురదృష్టకరమన్నారు. కుటుంబానికి ప్రగాఢ సానుభూతి, సంతాపం తెలిపారు. తల్లిదండ్రులను కోల్పోయిన నాలుగేళ్ల చిన్నారిని ప్రభుత్వ పరంగా ఆదుకుంటామని పీవో తెలిపారు. ఐటీడీఏ తరపున పూర్తి సహాయ సహాకారాలు అందిస్తామన్నారు. రాష్ట్ర ఉపముఖ్యమంత్రి, గిరిజన సంక్షేమశాఖ మంత్రి పీడిక రాజన్నదొర, గిరిజన సంక్షేమశాఖ సంచాలకులు గంధం చంద్రుడు జరిగిన సంఘటనపై విచారం వ్యక్తం చేశారని పీవో తెలిపారు. బాధిత కుటుంబానికి సంతాపం తెలిపారని పీవో ప్రకటనలో పేర్కొన్నారు.   (చదవండి: ఊరుకాని ఊరులో.. ఇది కదా మానవత్వం అంటే!)

Tollywood Young Director Paidi Ramesh Passed Away With Current Shock: టాలీవుడ్‌లో మరో విషాదం నెలకొంది. యంగ్‌ హీరో నిఖిల్‌ తండ్రి కావలి శ్యామ్ సిద్ధార్థ్‌ గురువారం (ఏప్రిల్‌ 28) ఉదయం అనారోగ్యంతో మరణించిన విషయం తెలిసిందే. అదే రోజు టాలీవుడ్‌కు చెందిన యంగ్‌ డైరెక్టర్‌ కన్నుమూశారు. డైరెక్టర్‌ పైడి రమేష్‌ ఓ భవనంపై నుంచి జారిపడి చనిపోయినట్లు సమాచారం. హైదరాబాద్‌లోని ఓ అపార్ట్‌మెంట్‌లో నివాసం ఉంటున్న పైడి రమేష్‌ నాలుగో అంతస్తులో ఆరేసిన బట్టలు తీస్తుండగా షాక్‌ కొట్టి కింద పడి ఆయన మరణించినట్లు తెలుస్తోంది. సంఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.  పైడి రమేష్‌ మరణంతో సినీ పరిశ్రమలో విషాద ఛాయలు నెలకొన్నాయి. పలువురు సెలబ్రిటీలు సంతాపం వ్యక్తం చేస్తున్నారు. కాగా పైడి రమేష్ 'రూల్‌' అనే సినిమాకు దర్శకత్వం వహించారు. ఈ మూవీ 2018లో విడుదల అయింది. అయితే ఈ సినిమా అంతగా గుర్తింపు దక్కించుకోలేదు. ప్రస్తుతం మరో సినిమా ప్రయత్నాల్లో ఉన్నారు పైడి రమేష్‌. ఇంతలోనే ఈ ఘటన జరగడం పలువురిని తీవ్ర దిగ్భ్రాంతికి గురి చేసింది.  చదవండి:  హీరో నిఖిల్‌ తండ్రి శ్యామ్‌ సిద్ధార్థ్‌ కన్నుమూత గుండెపోటుతో ప్రముఖ సీనియర్‌ నటుడు మృతి     var request = 'https://www.sakshi.com/knowwidget/kwstr_4311451212.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

చింతపల్లి : విద్యుదాఘాతంతో ఓ యువకుడు మృతి చెందాడు. నల్లగొండ జిల్లా చింతపల్లి మండల కేంద్రంలో జరిగిన ఈ సంఘటన వివరాలివి. మండల కేంద్రానికి చెందిన యాచారపు కృష్ణ (26) లైన్‌మన్‌ దగ్గర పనిచేస్తూ ఇంటింటికీ వెళ్లి కరెంటు బిల్లులు ఇచ్చేవాడు. అయితే శనివారం మండల కేంద్రంలోని విద్యుత్‌ అంతరాయం ఏర్పడటంతో లైన్‌మన్‌ కింద ఉండి కృష్ణను విద్యుత్‌ స్తంభంపైకి ఎక్కించాడు. విద్యుత్‌ ఎల్‌సీలో ఉన్నప్పుడు కార్యాలయంలో ఉండే సిబ్బంది కృష్ణ స్తం భం మీద ఉండగానే సరఫరాను పునరుద్ధరించారు. దీంతో కృష్ణ విద్యుదాఘాతానికి గురై స్తంభంపైనే చనిపోయాడు. అధికారుల నిర్లక్ష్యంతోనే మృతిచెం దాడని కుటుంబ సభ్యులు ఆరోపిస్తున్నారు. 

మరిపెడ రూరల్‌: విద్యుత్‌ అధికారుల నిర్లక్ష్యానికి ఓ నిండు ప్రాణం బలైంది. గ్రామమంతా షార్ట్‌సర్క్యూట్‌ వస్తుందని చెప్పినా వారు పట్టించుకోలేదు. వెరసి కుక్కర్‌లో అన్నం వండుతుండగా విద్యుదాఘాతంతో మహిళ మృతి చెందింది. ఈ సంఘటన మహబూబాబాద్‌ జిల్లా మరిపెడ మండలం స్జేజితండా పరిధిలోని బుడ్డతండా(మెగ్యాతండా)లో శనివారం చోటు చేసుకుంది. స్థానికులు, బంధువులు తెలిపిన వివరాల ప్రకారం.. షార్ట్‌సర్క్యూట్‌ వల్ల కొద్ది రోజులుగా తండాలోని ఇళ్లలో గల గృహోపకరణాలకు విద్యుత్‌ సరఫరా అవుతోంది. సమస్యను పరిష్కరించాలని అధికారులకు పలుమార్లు గ్రామస్తులు మొరపెట్టుకున్నారు. అయినా వారు పట్టించుకోలేదు. ఈ క్రమంలోనే తండాకు చెందిన భూక్యా సునీత(25) ఎలక్ట్రిక్‌ రైస్‌ కుక్కర్‌లో అన్నం వండుతుండగా విద్యుదాఘాతానికి గురై మృతి చెందింది. తన భార్య మృతికి విద్యుత్‌ అధికారుల నిర్లక్ష్యమే కారణమని మృతురాలి భర్త భూక్యా సంతోష్‌ ఆరోపిస్తున్నారు. మృతురాలికి ఏడాదిన్నర పాప ఉంది. తల్లి కోసం రోదిస్తున్న చిన్నారిని చూసి పలువురు కన్నీటి పర్యాంతమైయ్యారు.  (చదవండి: అయ్యో భగవంతుడా.. మేం ఏ పాపం చేశాం.. ముగ్గురు కొడుకులు రోడ్డు ప్రమాదాల్లోనే..)

మల్కాజిగిరి: కాంట్రాక్టర్‌ పర్యవేక్షణ లోపం, అధికారుల నిర్లక్ష్యం కారణంగా కరెంట్‌ షాక్‌తో విద్యుత్‌ కాంట్రాక్టు కార్మికుడు మృతి చెందిన సంఘటన గురువారం మౌలాలి సబ్‌ స్టేషన్‌ పరిధిలో చోటు చేసుకుంది. పోలీసుల కథనం మేరకు వివరాలిలా ఉన్నాయి. ఒరిస్సాకు చెందిన సంతోష్, తేజేశ్వర్‌(22) అన్నదమ్ములు. మూసాపేట జనతానగర్‌లో ఉంటూ విద్యుత్‌ కాంట్రాక్టు కార్మికులుగా పని చేస్తున్నారు. రెండు రోజులుగా మౌలాలి సబ్‌స్టేషన్‌ పరిధిలో సుధాకర్‌ అనే కాంట్రాక్టర్‌ నేతృత్వంలో విద్యుత్‌ పోల్స్‌ , వైర్లు బిగించే పనులు చేస్తున్నారు. గురువారం ఉదయం విద్యుత్‌ స్తంభం ఎక్కి వైర్లు బిగిస్తుండగా విద్యుత్‌ సరఫరా కావడంతో తేజేశ్వర్‌ స్తంభంపైనే మృతి చెందాడు. సంతోష్‌కు స్వల్ప గాయాలయ్యాయి. కాంట్రాక్టర్‌ సుధాకర్, డీఈ సుభాష్, ఏడీఈ శ్రీనివాసరెడ్డి, ఏఈ నాగశేఖర్‌రెడ్డి, లైన్‌మెన్‌ వెంకటేశ్వర్లు నిర్లక్ష్యం కారణంగానే తన తమ్ముడు మృతి చెందాడని ఆరోపిస్తూ సంతోష్‌ పోలీసులకు ఫిర్యాదు చేశాడు. కేసు నమోదు చేసి దర్యాప్తు చేస్తున్నారు. స్ధానిక కార్పొరేటర్‌ ప్రేమ్‌కుమార్‌ సంఘటనా స్ధలాన్ని పరిశీలించారు. తేజేశ్వర్‌ మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.

పిడుగురాళ్ల: ఆగి ఉన్న గూడ్స్‌ రైలు పైకెక్కి సెల్ఫీ తీసుకుంటుండగా విద్యుదాఘాతానికి గురై యువకుడు తీవ్రంగా గాయపడ్డాడు. పిడుగురాళ్ల పట్టణ రైల్వే స్టేషన్‌ శివారులో బుధవారం ఈ ఘటన జరిగింది. పట్టణానికి చెందిన కటికం వీరబ్రహ్మం రైల్వే స్టేషన్‌ సమీపంలో నివసిస్తున్నాడు. తన బైక్‌పై రైల్వేస్టేషన్‌ వద్దకు వచ్చాడు. అప్పటికే గూడ్స్‌ రైలు ఆగి ఉండటంతో వెనుక బోగీపైకి ఎక్కాడు. బోగీపై నిలబడి సెల్ఫీ దిగేందుకు చేతిని పైకిలేపడంతో పైన ఉన్న హైటెన్షన్‌ విద్యుత్‌ వైర్లు తగిలి విద్యుదాఘాతానికి కింద పడ్డాడు. కిందపడటంతో తలకు గాయం కావడంతో పాటు, శరీరం కూడా తగలబడుతోంది. అక్కడే ఉన్న మరో యువకుడు బుచ్చయ్య దీనిని గమనించి వెంటనే రైల్వేస్టేషన్‌ మాస్టర్‌ కృపాకర్‌కు సమాచారం ఇచ్చాడు. రైల్వే ఎస్‌ఐ పోలయ్య, ఏఎస్‌ఐ కె.క్రీస్తుదాసు, కానిస్టేబుల్‌ సురేష్‌లు ఘటన స్థలానికి చేరుకుని మంటలార్పారు. బాధితుడిని 108లో ప్రైవేటు ఆస్పత్రికి తరలించారు. రైల్వే పోలీసులు కేసు దర్యాప్తు చేస్తున్నారు.  

పటాన్‌చెరు టౌన్‌: బాలుడు లోపలి నుంచి గడియ పెట్టుకోవడంతో ఇనుప చువ్వతో తీసే ప్రయత్నం చేసిన ఘటనలో విద్యుదాఘాతానికి గురై తండ్రి, కూతురు మృతి చెందగా భార్యకు తీవ్రగాయాలయ్యాయి. ఈ సంఘటన పటాన్‌చెరు పోలీసుస్టేషన్‌ పరిధిలో సోమవారం చోటు చేసుకుంది. ఒడిశా రాష్ట్రానికి చెందిన బసుదేవ్‌ మాలిక్‌ (36) ఇస్నాపూర్‌ ప్రముఖ్‌నగర్‌లోని ఓ భవనంలో రెండో అంతస్తులో నివాసం ఉంటున్నాడు. పాశంమైలారంలోని ఓ ప్రైవేట్‌ కంపెనీలో ఉద్యోగం చేస్తున్నాడు. ఆయనకు ఇద్దరు కూతుళ్లు బిద్యార్థి మాలిక్‌(6), కున్ను మాలిక్‌ (2) ఉన్నారు. సోమవారం ఇంటిపక్కనే ఉండే ఓ బాలుడు వారి ఇంట్లో పొరపాటున లోపలినుంచి గడియ పెట్టుకున్నాడు. దీంతో బసుదేవ్‌ మాలిక్, అతడి భార్య రేను మాలిక్‌ ఇద్దరు కలసి ఇనుప చువ్వతో గడియ తీసే ప్రయత్నం చేస్తుండగా ఇనుపచువ్వ వెనుకభాగం ఇంటి బాల్కనీకి ఆనుకుని ఉన్న కరెంట్‌ స్తంభం నుంచి వెళ్తున్న 11 కేబీ విద్యుత్‌ తీగకు తగిలింది. దీంతో విద్యుత్‌ షాక్‌కు గురై బసుదేవ్‌ మాలిక్, అతని వద్ద నిల్చున్న కూతురు కున్ను తీవ్రంగా గాయపడి అక్కడిక్కడే మృతి చెందారు. భార్య రేనుమాలిక్‌కు తీవ్రంగా గాయాలవడంతో చికిత్స నిమిత్తం చందానగర్‌లోని ఓ ప్రైవేట్‌ ఆస్పత్రికి తరలించారు.

 బిగ్‌బాస్‌ సీజన్‌-5 ముగిసింది. ఈ సీజన్‌ విన్నర్‌గా సన్నీ నిలిచాడు. తనదైన ఆట తీరుతో మెప్పింపిన సన్నీ, బెస్ట్‌ ఎంటర్‌టైనర్‌గానూ ఎంతోమంది మనసుల్ని గెలుచుకున్నాడు. ఇక బిగ్‌బాస్‌ టైటిట్‌ గెలిచిన అనంతరం వరుస ఇంటర్వ్యూలతో యమ బిజీగా గడిపేస్తున్నాడు సన్నీ. అయితే తాజాగా జరిగిన ఓ ప్రెస్‌మీట్‌లో అనుకోని పరిణామం ఎదురైంది. హైదరాబాద్‌లో జరిగిన ఈ ప్రెస్‌మీట్‌లో పలు మీడియా చానెల్స్‌తో పాటు యూట్యూబ్‌ ఛానెల్స్‌ కూడా పాల్గొన్నాయి. ఈ సందర్భంగా వారు అడిగిన పలు ప్రశ్నలకు సన్నీ సమాధానం చెప్పాడు. ఈ క్రమంలో మొబైల్‌లోని ఓ క్లిప్పింగ్‌ను సన్నీకి చూపిస్తుండగా అకస్మాత్తుగా చిన్నపాటి కరెంట్‌ షాక్‌ తగిలింది. దీనికి సంబంధించిన వీడియో ప్రస్తుతం నెట్టింట చక్కర్లు కొడుతుంది. ఈ ఘటనలో ఎవరికి హానీ జరగకపోవడంతో అంతా ఊపిరి పీల్చుకున్నారు. 

ప్యాపిలి(కర్నూలు జిల్లా): కరెంట్‌ స్తంభంపై ఒక ఉడుత తీగలను తాకడంతో అవి తెగి కింద పడి విద్యుదాఘాతంతో రెండు ఎద్దులు మృతి చెందగా ఒక బాలుడికి తీవ్ర గాయాలయ్యాయి. వివరాలు..రాయలచెరువు గ్రామానికి చెందిన చౌడప్ప, లలితల కుమారుడు జగదీశ్‌ (10) ఎడ్ల బండిపై పొలానికి బయలుదేరాడు. పొలానికి వెళ్లే దారిలో 11 కేవీ విద్యుత్‌ తీగ తెగి పడి ఉండటాన్ని గమనించకుండా బండిని వెళ్లనిచ్చాడు. చదవండి: పిల్లలు పుట్టడం లేదని బొడ్డుపేగు తిన్న వివాహిత.. ఆ తర్వాత.. విద్యుత్‌ తీగ ఎద్దులకు తగలగానే అవి షాక్‌కు గురై అక్కడికక్కడే మృతి చెందాయి. బండిపై ఉన్న జగదీశ్‌ సైతం షాక్‌కు గురై తీవ్రంగా గాయపడ్డాడు. బండి వెనుక వస్తున్న బాలుడి పెద్దనాన్న మద్దయ్య గమనించి బాలుడిని కాపాడాడు. తీవ్రంగా గాయపడిన జగదీశ్‌ను చికిత్స నిమిత్తం కర్నూలు ప్రభుత్వాసుపత్రికి తరలించారు. కరెంట్‌ స్తంభంపై ఒక ఉడుత తీగలను తాకడంతో ప్రమాదవశాత్తు తెగి కింద పడినట్లు ట్రాన్స్‌కో ఏఈ వినయ్‌ కుమార్‌ తెలిపారు. సంఘటన స్థలాన్ని పరిశీలించి నివేదికను ఉన్నతాధికారులకు పంపినట్లు ఆయన తెలిపారు.     

కళ్లల్లో పెట్టుకుని చూసుకోవలసిన బంగారు తల్లిని.. గుండెల్లో పదిలంగా దాచుకోవలసిన చిట్టి తల్లిని.. ముద్దులు మూటగడుతున్న పసికందుని ఎక్కడికి తీసుకెళ్తున్నాడో తెలియక అమాయకంగా చిరునవ్వులు పూయిస్తున్న సిరిమల్లిని..చిదిమేశాడు.. కరెంటు పెట్టి కర్కశంగా కన్నతండ్రే చంపేశాడు. భార్యపై అనుమానంతో బిడ్డ పాలిట కాలయముడయ్యాడు. అనంతరం పురుగు మందు తాగి ఆస్పత్రిలో చావుబతుకుల మధ్య కొట్టుమిట్టాడుతున్నాడు. సిద్దిపేట జిల్లా తొగుట మండలం  వెంకట్రావుపేటలో శుక్రవారం జరిగిన ఈ ఘటనపై గ్రామస్తులు, పోలీసులు తెలిపిన వివరాలివి.  కరెంటు షాక్‌తో చిన్నారి రెండు కాళ్లు కాలిపోయిన దృశ్యం  దుబ్బాక టౌన్‌/తొగుట: వెంకట్రావుపేటకు చెందిన మిరుదొడ్డి రాజశేఖర్‌ (32)కు రెండేళ్ల క్రితం దౌల్తాబాద్‌కు చెందిన సునీతతో వివాహమైంది. తొమ్మిది నెలల క్రితం పాప ప్రిన్సీ జన్మించింది. అప్పటి నుంచి ఇద్దరి మధ్య గొడవలు జరుగుతున్నాయి. ఆరు నెలల క్రితం పెద్దల సమక్షంలో పంచాయతీ నిర్వహించి సర్ది చెప్పినా రాజశేఖర్‌ ప్రవర్తనలో మార్పు రాలేదు. భర్త ప్రవర్తనతో విసిగిన సునీత పుట్టింటికి వెళ్లి పోయింది. దీంతో నెల రోజుల క్రితం భార్యకు సర్దిచెప్పి మళ్లీ వెంకట్రావుపేటకు తీసుకొచ్చాడు.   కిరాతక తండ్రి చేతిలో బలైన చిన్నారి ప్రిన్సీ    రెండు కాళ్లకు విద్యుత్‌ తీగ చుట్టి..  ఈ నేపథ్యంలో శుక్రవారం మధ్యాహ్నం పాపను బయటికి తీసుకెళ్తున్నానంటూ ఇంట్లో చెప్పి వ్యవసాయ బావి వద్దకు తీసుకెళ్లాడు. అక్కడ పాప రెండు కాళ్లకు విద్యుత్‌ తీగ చుట్టి షాక్‌ ఇచ్చి చంపేశాడు. అనంతరం మిరపతోటకు వినియోగించే పురుగు మందు తాగి ఆత్మహత్యకు పాల్పడ్డాడు. ఇది గమనించిన సమీపంలోని రైతులు తొగుట పోలీసులకు సమాచారం అందించారు. ఏఎస్‌ఐ రాంరెడ్డి సంఘటన స్థలానికి చేరుకుని పాప మృతదేహాన్ని సిద్దిపేట ప్రభుత్వ ఆస్పత్రికి తరలించారు. అపస్మారక స్థితిలో ఉన్న రాజశేఖర్‌ను గజ్వేల్‌ ప్రభుత్వ ఆస్పత్రికి తరలించగా అక్కడ ప్రాథమిక చికిత్స చేసి.. పరిస్థితి విషమించడంతో ములుగు ఆర్వీఎం ఆస్పత్రికి తరలించారు. ప్రస్తుతం అతడి పరిస్థితి విషమంగా ఉన్నట్లు సమాచారం. సంఘటనపై పోలీసులు కేసు నమోదు చేసుకొని దర్యాప్తు చేస్తున్నారు.  చిన్నితల్లీ.. నువ్వు లేకుండా నేనెట్టా బతికేది   ‘అయ్యో నా చిన్ని తల్లి.. నువ్వు లేకుండా నేనెట్లా బతికేది’.. అంటూ కూతురి మృతదేహాన్ని పట్టుకొని కన్నతల్లి గుండెలవిసేలా రోదించడం స్థానికులను కలచివేసింది. ‘ఆడించడానికి బయటికి తీసుకపోతున్నాడనుకున్నా.. గింత దారుణానికి పాల్పడతాడని కలలో కూడా ఊహించలేదు.. నా బిడ్డ లేకుండా నేను ఎట్లా బతకాలి?’అంటూ ఆ తల్లి గుండెలు బాదుకుంటూ కన్నీరుమున్నీరయ్యింది.   

సాక్షి, తల్లాడ: వానజల్లు పడుతోందని బయట ఉన్న బట్టలను తీసుకొచ్చి ఇంట్లో దండెంపై వేస్తుండగా.. ఇనుప తీగకు కరెంట్‌ ప్రసారమై..తల్లి, ఆమెను రక్షించే ప్రయత్నంలో కుమారుడు మృత్యువాత పడ్డారు. ఈ విషాద ఘటన బిల్లుపాడులో శుక్రవారం రాత్రి చోటు చేసుకుంది. స్థానికులు తెలిపిన వివరాల ప్రకారం..డీబీ కాలనీకీ చెందిన షేక్‌ నసీమూన్‌(44) వ్యవసాయ కూలీ. శుక్రవారం పనికి వెళ్లి ఇంటికొచ్చాక వాన జల్లు పడుతోందని బయట ఉన్న బట్టలను తీసి ఇంట్లోని జీ వైరు తీగపై వేస్తుండగా ఘటన చోటు చేసుకుంది. సర్వీసు వైరు పక్కనే ఉండడంతో దీని నుంచి దండేనికి కరెంట్‌ ప్రసారమై షాక్‌కు గురైంది. చదవండి: తొమ్మిదేళ్ల క్రితం పెళ్లి.. ఏడాదిగా మరో పరిచయం.. ప్రియుడితో కలిసి ఈక్రమంలో కిందపడినప్పుడు మట్టికుండకు తగిలి అది పగిలి నీళ్లు నేలపై పరుచుకున్నాయి. తల్లి కేక విని పెద్ద కుమారుడు, సుతారి పనిచేసే షేక్‌ సైదా(24) వచ్చి ఆమెను రక్షించేందుకు పట్టుకోగా..అతడికీ కరెంట్‌ షాక్‌ తగిలి ఇద్దరూ అక్కడికక్కడే మృతి చెందారు. 15 సంవత్సరాల క్రితమే నసీమూన్‌ భర్త యాకుబ్, ఇప్పుడు పెద్ద కొడుకు దుర్మరణం చెందారు. ఇంటర్మీడియట్‌ చదువుతున్న చిన్న కుమారుడు, మరో కూతురు కన్నీరుమున్నీరుగా విలపించారు. నిరుపేద కుటుంబంలో తీవ్ర దుర్ఘటనతో బిల్లుపాడులో విషాదం అలుముకుంది. సంఘటనా స్థలాన్ని వైరా సీఐ జే.వసంత్‌కుమార్, తల్లాడ ఎస్‌ఐ జి.నరేష్‌ పరిశీలించి కేసు నమోదు చేసుకుని దర్యాప్తు చేపట్టారు. చదవండి: పెళ్లయిన నాటి నుంచి గొడవలే.. తట్టుకోలేక..

సాక్షి,వర్గల్‌(సిద్దిపేట): ‘పాడె’ కట్టె కాలనాగైంది. అంత్యక్రియల కలప కోసం వచ్చిన వ్యక్తిని విద్యుత్‌షాక్‌ రూపంలో కాటేసింది. పాడె కట్టేందుకు అవసరమైన వెదురు చెట్టును కొడుతుండగా అది విద్యుత్‌లైన్‌కు తాకడంతో ఈ దుర్ఘటన సంభవించింది. మృతుడి కుటుంబ సభ్యులు, గ్రామస్తుల కథనం ప్రకారం.... మజీద్‌పల్లికి చెందిన ఎంపీటీసీ మాజీ సభ్యుడు లింగ లక్ష్మినర్సయ్య అనారోగ్యంతో మృతిచెందాడు. బుధవారం అతడి అంత్యక్రియల కోసం పాడె కట్టేందుకు అవసరమైన వెదురు కట్టెలు తెచ్చేందుకు గ్రామశివారులోని విద్యుత్‌ సబ్‌స్టేషన్‌ ప్రాంతానికి గాలం స్వామి(38), పాలేటి ధర్మరాజు, చిగురుఎత్తు రాజు వెళ్లారు. అక్కడ వెదురు చెట్టును స్వామి గొడ్డలితో కొడుతుండగా అది పక్కనే ఉన్న విద్యుత్‌ లైన్‌ వైర్లను తాకింది. దీంతో అతను తీవ్ర విద్యుత్‌ షాక్‌కు గురై అపస్మారక స్థితిలో పడిపోయాడు. పక్కనే ఉన్న మిగతా ఇద్దరు అప్రమత్తమై దూరంగా జరిగి ప్రాణాపాయం నుంచి తప్పించుకున్నారు. వారు వెంటనే తెలిసిన వారికి సమాచారం చేరవేసి స్వామిని గజ్వేల్‌ ప్రభుత్వాస్పత్రికి తరలించారు. అప్పటికే   మృతి చెందినట్లు వైద్యులు ధ్రువీకరించారు.    పేద కుటుంబంలో పెను విషాదం  గాలం స్వామి మృత్యువాత పడిన సమాచారంతో  కుటుంబసభ్యులు బోరుమని విలపించారు. మృతుడికి భార్య లక్ష్మి, 18 సంవత్సరాలలోపు ఏసుమణి, సంధ్య, కార్తీక్‌   పిల్లలు ఉన్నారు. తండ్రి సత్తయ్య కూడా వీరి వద్దనే ఉంటున్నాడు. పెద్దగా ఆస్తిపాస్తులు లేని ఆ కుటుంబం స్వామి సంపాదనపైనే ఆధారపడి జీవిస్తోంది. పెద్ద దిక్కును కోల్పోయి ఆ కుటుంబం పెనువిషాదంలో మునిగిపోయింది. ఆస్పత్రి వద్ద వారి రోదనలు ఆపడం ఎవరి తరం కాలేదు.  మృతుడి భార్య లక్ష్మి ఫిర్యాదు మేరకు పోలీసులు కేసు దర్యాప్తు         చేస్తున్నారు. చదవండి: పెళ్లి కావడం లేదని బాధ.. ఉదయం తలుపు బద్దలు కొట్టి చూస్తే..

సాక్షి, ఉప్పల్‌: అధికారుల నిర్లక్ష్యానికి నిండు ప్రాణం బలైంది. ఈ పాపం తమది కాదంటే.. తమది కాదంటూ రెండు శాఖల అధికారులు ఎవరికి వారు నెట్టేసుకుంటున్నారు. శాఖల మధ్య సమన్వయం లేకపోవడం, జవాబుదారి తనం కొరవడటంతో నాగోల్‌ మెట్రో స్టేషన్‌ వద్ద దిగిన ప్రయాణికుడు విద్యుదాఘాతానికి గురై ప్రాణాలు విడిచాడు. ఎస్‌ఐ అంజయ్య తెలిపిన ప్రకారం.. నాగోల్‌ మోహన్‌నగర్‌ ప్రాంతానికి చెందిన దస్తీ నవనీత్‌(35) కూకట్‌పల్లిలోని మెడ్‌ప్లస్‌లో స్టోర్‌ సూపర్‌వైజర్‌. నిత్యం నాగోల్‌ మెట్రోస్టేషన్‌ పార్కింగ్‌లో తన వాహనాన్ని పార్కు చేసి కూకట్‌పల్లికి వెళ్తాడు. తిరుగు ప్రయాణంలో నాగోల్‌ మెట్రో స్టేషన్‌లో దిగి పార్కు చేసిన వాహనాన్ని తీసుకెళ్తుంటాడు. ఇదే క్రమంలో మంగళవారం రాత్రి చివరి ట్రైన్‌లో నాగోల్‌ స్టేషన్‌లో దిగాడు. పార్కు చేసిన వాహనాన్ని తీసుకునేందుకు ఫుట్‌పాత్‌ వద్ద ఉన్న గ్రిల్‌ పైనుంచి దాటేందుకు ప్రయత్నం చేయగా పక్కనే ఉన్న జీహెచ్‌ఎంసీ వీధి లైట్ల స్తంభానికి గ్రిల్‌కు విద్యుత్‌ ప్రసారం ఉండటంతో విద్యుత్‌ షాక్‌కు గురై అక్కడికక్కడే ప్రాణాలు విడిచాడు. మున్సిపల్‌ అధికారుల నిర్లక్ష్యం వల్లనే భూమిలో నుంచి వేసిన విద్యుత్‌ వైర్లు తేలడం. వర్షం కురవడంతో విద్యుత్‌ ప్రసారం అయినట్లు పోలీసులు భావిస్తున్నారు. పోస్టుమార్టం నిమిత్తం మృతదేహాన్ని గాంధీ మార్చురీకి తరలించారు. సోదరుడు కిషోర్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు.  చదవండి: ఆడి కారు యాక్సిడెంట్‌: ఎన్నో అనుమానాలు.. అసలు ఏం జరిగింది?   చెప్పిన కూర వండలేదనే కోపంతో భార్యని..

జైపూర్‌: భార్యాభర్తల మధ్య తరచూ గొడవలు. రోజూ ఏదో ఒక విషయంపై వివాదం. దీంతో ఆ భార్యాభర్తలు ఇంట్లో ఉన్నంతసేపు గొడవ పడుతుండేవాడు. భర్త తీరుపై విసుగు చెందిన ఆమె ఎలాగైనా భర్తకు బుద్ధి చెప్పాలని భావించింది. ఈ క్రమంలోనే భోజనంలో మత్తు మందు ఇచ్చింది. ఆ తర్వాత ఆమె శాడిజాన్ని చూపించింది. మత్తులో ఉన్న భర్త కాళ్లు కట్టేసి వరుసగా కరెంట్‌ షాక్‌ పెడుతూ వేధించింది. మత్తులో ఉన్న భర్త మెలకువ రాగానే మళ్లీ షాకిచ్చి అపస్మారక స్థితికి వెళ్లేలా చేసింది. ఇదంతా అయిపోయాక భర్త కుటుంబసభ్యులకు ఫోన్‌ చేసి కరెంట్‌ షాక్‌తో పడిపోయాడని చెప్పి ఆస్పత్రిలో చేర్పించిన ఘటన రాజస్థాన్‌లో జరిగింది. సర్దార్‌షహర్‌ ఎస్‌ఐ మణక్‌ లాల్‌ తెలిపిన వివరాల ప్రకారం.. బికనీర్‌కు చెందిన మహేంద్ర ధన్‌ తన భార్యతో కలిసి జీవిస్తున్నాడు. అయితే వీరిద్దరి మధ్య తరచూ గొడవలు జరుగుతున్నాయి. తాగొచ్చి తనను వేధిస్తున్నాడనే నెపంతో ఈనెల 17వ తేదీన మంగళవారం ఓ ప్లాన్‌ వేసింది. విధులు ముగించుకుని ఇంటికొచ్చిన భర్తకు ఆమె భోజనం వడ్డించింది. తిన్న తర్వాత భర్త అపస్మారక స్థితికి వెళ్లాడు. భోజనంలో మత్తుమందు కలపడంతో అపస్మారక స్థితిలోకి చేరిన భర్తను ఒకచోటకు జరిపింది. కొద్దిసేపటికి తేరుకున్న భర్త లేచేందుకు ప్రయత్నించగా భార్య చేతులకు గ్లౌస్‌లు కట్టుకుని నిల్చుని ఉండగా అతడి కాళ్లకు విద్యుత్‌ తీగలు కట్టేసింది. అనంతరం భర్తకు కరెంట్‌ షాక్‌ ఇచ్చింది.  వేధింపులకు గురి చేయడంపై ఆగ్రహం వ్యక్తం చేస్తూ పలుసార్లు కరెంట్‌ షాక్‌ ఇవ్వడంతో భర్త మరోసారి అపస్మారక స్థితికి చేరుకున్నాడు. ఈసారి భర్త తేరుకుని చూడగా ఆస్పత్రి బెడ్‌పై ఉంది. అయితే భర్త కుటుంబసభ్యులకు విద్యుత్‌ షాక్‌ తగిలి గాయాలపాలయ్యాడని చెప్పి వారితో కలిసి భార్య అతడిని ఆస్పత్రిలో చేర్చింది. మేలుకున్న తర్వాత భర్త జరిగిన ఘోరాన్ని తన కుటుంబసభ్యులకు వివరించాడు. అర్ధరాత్రి 2గంటలకు లేచి కరెంట్‌ షాక్‌తో చిత్రహింసలకు గురి చేసిందని వాపోయాడు. భార్య చేసిన పనికి కాళ్లు కోల్పోయాడు. ఫిర్యాదు చేయడంతో ఆమెను పోలీసులు అదుపులోకి తీసుకున్నారు. సర్దార్‌ షహర్‌ పోలీసులు దర్యాప్తు చేపడుతున్నారు. చదవండి: బ్రేకింగ్‌.. కేంద్ర మంత్రి కిషన్‌రెడ్డికి గాయం 

సాక్షి, కర్నూలు: చింతలాముని రథోత్సవంలో అపశ్రుతి చోటు చేసుకుంది. ఆదోని మండలం పెసులబండలోని చింతలాముని రథోత్సవంలో కరెంట్‌ షాక్‌ సంభవించడంతో ఇద్దరు వ్యక్తులు మృతిచెందారు. ఈ ఘటనలో మరో 8మందికి గాయాలు అయ్యాయి. గాయపడిన వారిని ఆస్పత్రికి తరలించారు.

ఆ తొమ్మిది నెలల పాపకు నాన్న మరి లేడు. ఎన్నో ఆశలు పెట్టుకున్న తల్లిదండ్రులను ఆదుకోవడానికి ఆ కుమారుడు ఇక రాడు. పక్షుల వేట కోసం అడవికి వెళ్లిన యువకుల బతుకులు అక్క డే తెల్లారిపోయాయి. అడవి పందుల కోసం ఏర్పాటు చేసిన తీగలే వారి పాలిట మృత్యు పాశాలయ్యాయి. కొత్తూరు మండలంలో జరిగిన ఈ ఘటన గిరిజన గూడల్లో విషాదం నింపింది.     ఎల్‌.ఎన్‌.పేట/కొత్తూరు: కొత్తూరు మండలం రాయ ల పంచాయతీ కొత్తపొనుటూరు సమీపంలో గురువారం రాత్రి సవర ఆకాష్‌(17), బుయా బిలియా (22) అనే ఇద్దరు యువకులు విద్యుత్‌ తీగలు తగిలి మృతి చెందారు. శుక్రవారం ఉదయం వీరి మృతదేహాలు కుటుంబ సభ్యులకు దొరికాయి. ఇందుకు సంబంధించి కొత్తూరు పోలీసులు, మృతుల కుటుంబ సభ్యులు తెలియజేసిన వివరాలు ఇలా ఉన్నాయి.. కొత్తూరు మండలం కొత్తగూడకు చెందిన సవర ఆకాష్‌(17), తన బంధువు ఒడిశాలోని గరబ గ్రా మానికి చెందిన బుయా బిలియా అలియాస్‌ విలియం(22), నాయుడుగూడకు చెందిన సవర సుశాంత్‌లతో కలిసి గురువారం సాయంత్రం దాటాక తల కు టార్చిలైట్లు కట్టుకుని సమీపంలోని కొండల్లోకి  పక్షుల వేట కోసం వెళ్లారు. చీకటి పడ్డాక గూటికి చేరే పిట్టలను వేటాడడం ఇక్కడి వారికి పరిపాటి. అయి తే వేట సరిగా సాగకపోవడంతో అంతా ఇంటిదారి పట్టారు. సుశాంత్‌ మరో దారిలో వారి గ్రామానికి చేరుకున్నారు. ఆకాష్, బిలియా మాత్రం ఇంటికి రాలేదు. రాత్రి ఎంత సమయమవుతున్నా వారు ఇంటికి చేరకపోవడంతో కుటుంబ సభ్యులు సుశాంత్‌ను అడిగారు. తను మరో దారి గుండా వచ్చేశానని చె ప్పడంతో బంధువులంతా తప్పిపోయిన ఇద్దరి కో సం అడవిలో వెతకడం ప్రారంభించారు. శుక్రవారం ఉదయం ఆకాష్‌ తండ్రి ఎలియోకు కొత్తపొనుటూరు కొండల సమీపంలోని పంట పొలాల్లో ఈ ఇద్దరు యువకుల మృతదేహాలను చూశారు. వారిపైనుంచి జింక్‌ వైర్లు ఉండటంతో అవి కాలికి తగిలి విద్యుత్‌ షాక్‌ కొట్టి యువకులు చనిపోయి ఉంటారని భావించారు. స్థానికుల నుంచి సమాచారం అందుకున్న పోలీసులు మృత దేహాలను పరిశీలించారు. ఈ జింక్‌ వైర్లు కేవలం అడవి పందులను చంపడానికి పెడతారు. దీంతో వాటిని అక్కడ పెట్టారని భావిస్తున్న నలుగురిని పోలీసులు అదుపులోకి తీసుకున్నారు.  మిన్నంటిన రోదనలు..  మృతుల్లో ఒకరైన బిలియా ఒడిశా వాసి. ఆయనకు భార్య, తొమ్మిది నెలల పసిపాప ఉన్నారు. ఇలాంటి పరిస్థితుల్లో భర్త చనిపోయాడనే విషయం ఆమెకు ఎలా చెప్పాలో తెలీక స్థానికులు కంటనీరు పెట్టారు. అలాగే ఆకాష్‌ ఇంటర్‌ వరకు చదువుకున్నాడు. పై చదువులు చదువుకుని ఉద్యోగం చేసి తమను ఆదుకుంటాడని అనుకుంటే ఇలా అన్యాయం చేసి వెళ్లిపోయాడని కుటుంబ సభ్యులు గుండెలవిసేలా రోదించారు. ఆకాష్‌ తండ్రి ఇచ్చిన ఫిర్యాదు మేరకు పోలీసులు కేసు నమోదు చేశారు. మృతదేహాలను కొత్తూరు ఏరియా ఆస్పత్రికి తరలించారు. సంఘటనా స్థలాన్ని పాలకొండ డీఎస్పీ శ్రావణి, కొత్తూరు సీఐ చంద్రమౌళి పరిశీలించారు.    

యశవంతపుర: ‘లవ్‌ యూ రచ్చు’ చిత్రం షూటింగ్‌లో కరెంట్‌ షాక్‌తో సహాయ ఫైటర్‌ మృతి చెందాడు. తమిళనాడుకు చెందిన వివేక్‌ (28) రామనగర తాలూకా జోగనదొడ్డి వద్ద సోమవారం షూటింగ్‌ చేస్తుండగా కరెంట్‌ షార్ట్‌ సర్క్యూట్‌ జరగడంతో అక్కడికక్కడే మృతి చెందాడు. మరో ఇద్దరు సహాయకులు గాయపడ్డారు. వీరిని చికిత్స నిమిత్తం బెంగళూరు తరలించారు. దర్శకుడు శంకర్‌రాజ్, నిర్మాత గురుదేశ్‌పాండె, ఫైట్‌ మాస్టర్‌ వినోద్‌లను బిడిది పోలీసులు అదుపులోకి తీసుకొని విచారణ చేస్తున్నారు. మరో వైపు కన్నడ చిత్రపరిశ్రమలో జరుగుతున్న లోపాలు, భద్రత ప్రమాణాలపై పలు సందేహాలు వ్యక్తమవుతున్నాయి. చిత్రయూనిట్, దర్శకుడిపై చర్యలు తీసుకోవాలని వివేక్ కుటుంబసభ్యులు,  డిమాండ్ చేస్తున్నారు. కాగా ఈ ఘటనపై కర్ణాటక ముఖ్యమంత్రి బసవరాజ్ బొమ్మై స్పందిస్తూ.. షూటింగ్‌లకు సంబంధించిన కొన్ని నిబంధనలను ప్రభుత్వం త్వరలో జారీ చేస్తుందని చెప్పారు.

కడుపులు మాడ్చుకున్నాం. కష్టాలకోర్చి చదివించాం. మీకు ఏ లోటూ రాకుండా చూసుకున్నాం. చదువుల్లో రాణిస్తుంటే ఎంతో పొంగిపోయాం. త్వరలోనే ఉద్యోగాలు తెచ్చుకుని ఆసరాగా నిలుస్తారని ఆశపడ్డాం. ఇక మాకు కష్టాలు ఉండవని కలలుగన్నాం. కానీ ఆ దేవుడు మా ఆశలను చిదిమేశాడు. చేతికొచ్చిన కొడుకులను తీసుకెళ్లిపోయాడు. ఇక మాకు దిక్కెవరు కొడుకా..? అంటూ ఆ తల్లిదండ్రులు గుండెలవిసేలా రోదించిన చూపరులను కంటతడి పెట్టించింది. వారిని ఓదార్చడం ఎవరి తరమూ కాలేదు.     పాలసముద్రం: మండలంలోని కన్నికాపురంలో విషాద ఛాయలు అలుముకున్నాయి. విద్యుదాఘాతంతో సోమవారం ముగ్గురు మృతిచెందడంతో స్థానికులు శోకసంద్రంలో మునిగిపోయారు. గ్రామానికి చెందిన చిన్నబ్బమందడి ఇంటి నిర్మాణ పనులు ప్రారంభించాడు. కంకర అవసరం కావడంతో వేల్కూరు నుంచి టిప్పర్‌లో  తెప్పించి అన్‌లోడ్‌ చేయిస్తున్నాడు. అంతలోనే పైనే ఉన్న కరెంటు వైర్లు టిప్పర్‌కు తగలడంతో  విద్యుదాఘాతానికి గురై డ్రైవర్‌ మనోజ్‌ (34) అక్కడికక్కడే మృతిచెందాడు. అతడిని కాపాడే ప్రయత్నంలో గ్రామస్తులు దొరబాబు (23), జ్యోతీశ్వర్‌ (19) ప్రాణాలు కోల్పోయారు. క్షణాల్లో ముగ్గురూ మృత్యువాత పడడంతో గ్రామంలో తీరని విషాదం అలుముకుంది. ఆశలన్నీ వారిపైనే  గ్రామానికి చెందిన సీదల బాలాజీనాయుడు, ఉష దంపతులకు దొరబాబు, సోమేశ్‌, చంద్రిమ పిల్లలు. దొరబాబు పెద్దవాడు. సోమేష్, చంద్రిమ కవలలు. ఇంటర్‌ చదువుతున్నారు. పెద్దకుమారుడి భవిష్యత్తు కోసం తపించారు. ఉన్నకొద్దిపాటి పొలంలో పంటలదిగుబడి అంతంతమాత్రంగా రావడంతో అప్పులపాలయ్యా రు. కానీ పిల్లల చదువుకు వెనకడుగు వేయలేదు. పస్తులుంటూ కూడబెట్టి పెద్ద కుమారుడు దొరబాబును తమిళనాడు రాష్ట్రం, తంజావూరులోని ఓ బీటెక్‌ కళాశాలలో చదివించారు. గతేడాది ఫస్ట్‌క్లాస్‌లో పాసవడంతో ఆనందంతో ఉప్పొంగిపోయారు. ఉద్యోగం వస్తుందని ఆశ పడ్డారు. కష్టాలు తీరుతాయని సంబరబడ్డారు. ఇంతలోనే విధి వారి ఆశలను చిదిమేసింది. అప్పటివరకు కళ్లెదుట కలియదిరుగుతూ మాటలు చెప్పిన కొడుకు క్షణాల్లో విగతజీవిగా మారడంతో తల్లడిల్లిపోయారు. ఇక అదే గ్రామానికి చెందిన వెంకటేష్‌ నాయుడు, రోహిణి దంపతులకు ఇద్దరు కుమారులు. వారిలో పవన్‌కుమార్‌ పెద్దవాడు. చిన్నవాడైన జ్యోతీశ్వర్‌ చదువుల్లో మేటి. తిరుపతిలోని ఓ ప్రైవేటు కళాశాలలో ఎంపీసీ పూర్తిచేశాడు. గతేడాది జరిగిన రోడ్డు ప్రమాదంలో తల్లి రోహిణి తీవ్రంగా గాయపడింది. ప్రస్తుతం ఆమె సక్రమంగా నడవలేని స్థితి. ఇద్దరు పిల్లలూ తల్లిదండ్రులకు చేదోడువాదోడుగా ఉండేవారు. ఉపాధి పనులకెళ్లి కుటుంబానికి ఆసరాగా నిలిచేవారు. ఇంతలో అనుకోని ప్రమాదం ఓ కుమారుడిని కబళించడంతో ఆ తల్లిదండ్రులు కుప్పకూలిపోయారు. ఇదిలా ఉండగా గంగాధరనెల్లూరు మండలం వేల్కూరు పంచాయతీ, పెద్దకాలువ గ్రామానికి చెందిన మనోజ్‌ డిగ్రీ వరకు చదువుకున్నాడు. ఉద్యోగం రాకపోవడంతో డ్రైవర్‌ వృత్తిని ఎంచుకున్నాడు. మృతులు ముగ్గురూ అవివాహితులు. లాక్‌డౌన్‌ లేకుంటే..!  కరోనా లాక్‌డౌన్‌ కారణంగా విద్యాసంస్థలు మూతపడ్డాయి. పిల్లలు ఇంటికే పరిమితమయ్యారు. ఈ నేపథ్యంలో దొరబాబు, జ్యోతీశ్వర్‌ కూడా ఇంటివద్దే ఉండాల్సి వచ్చింది. లాక్‌డౌన్‌ లేకుంటే పిల్లలు చదువుల కోసం వెళ్లేవారని, ఈ ప్రమాదం జరిగి ఉండేది కాదని స్థానికులు కన్నీటిపర్యంతమయ్యారు.

క్రిష్ణగిరి(కర్ణాటక): క్రిష్ణగిరి సమీపంలో జరిగిన కరెంటు షాక్‌తో తల్లీ కూతురు, మనవరాలు ఘటనా స్థలంలోనే మృతి చెందిన ఘటన సింగారపేట పోలీస్‌స్టేషన్‌ పరిధిలో జరిగింది. అంబేడ్కర్‌ నగర్‌కు చెందిన పిచ్చుమణి భార్య ఇంద్ర (52), ఆమె కూతురు మహాలక్ష్మి (25). ఈమెకు మిట్టపల్లికి చెందిన శివతో గత నాలుగేళ్ల క్రితం పెళ్లి జరిగి మూడేళ్ల కూతురుంది. ఇటీవల పుట్టింటికి చేరుకుంది. ఆదివారం సాయంత్రం ఇంద్ర మనవరాలిని ఎత్తుకుని మిద్దెపై బట్టలు ఆరవేస్తుండగా ఆకస్మాత్తుగా వైర్లు తగిలి కరెంటు షాక్‌ కొట్టింది. ఆమె కేకలు వేయడంతో కూతురు మిద్దెపైకెళ్లి రక్షించే యత్నంలో ముగ్గురికీ షాక్‌ తగిలి ఘటనా స్థలంలోనే మృతి చెందారు. సింగారపేట పోలీసులు మృతదేహాలను స్వాధీనపరుచుకొని ఆస్పత్రికి తరలించారు. ఈ ఘటన సింగారపేట ప్రాంతంలో సంచలనం సృష్టించింది.   

చిత్తూరు: చిత్తూరు జిల్లా పాల సముద్రం మండలం కన్యకాపురంలో పెనువిషాదం చోటు చేసుకుంది. ఇంటి నిర్మాణం కోసం కంకర టిప్పర్ లోడ్ ను అన్లోడ్ చేస్తుండగా విద్యుత్ వైర్లు తగిలి ముగ్గురు మృతి చెం‍దారు. ఈ ఘటనలో టిప్పర్‌  డ్రైవర్ మనోజ్ కుమార్ ముందుగా విద్యుత్ షాక్కు గురయ్యాడు. అతని రక్షించడానికి వెళ్లిన దొరబాబు, జ్యోతిష్కులు కూడా అక్కడికక్కడే మృత్యవాత పడ్డారు. ఒకే గ్రామానికి చెందిన ముగ్గురు చనిపోవడంతో స్థానికంగా తీవ్ర విషాదం ఛాయలు నెలకొన్నాయి. ఈ ఘటనపై కేసు నమోదు చేసుకున్న  పోలీసులు విచారణ చేపడుతున్నారు.

సాక్షి, కరీంనగర్‌: కరీంనగర్‌ డాక్టర్స్‌ స్ట్రీట్‌లోని ప్రశాంతి హాస్పిటల్‌లో చికిత్స పొందుతూ ఓ వ్యక్తి మృతి చెందగా, వైద్యుడి నిర్లక్ష్యంతో మృతి చెందాడని ఆరోపిస్తూ బంధువులు ఆందోళనకు దిగిన సంఘటన బుధవారం జరిగింది. మృతుడి బంధువులు తెలిపిన వివరాల ప్రకారం.. చిగురుమామిడి మండలం ఓగులాపూర్‌ గ్రామానికి చెందిన కిషన్‌ (38) మానసిక సమస్యతో ప్రశాంతి హాస్పిటల్‌లో చికిత్సకోసం పది రోజుల క్రితం చేరాడు. చికిత్స పొందుతున్న కిషన్‌ మంగళవారం రాత్రి 8 గంటలకు మృతి చెందాడు. అయితే పేషెంట్‌ పరిస్థితిని అంచనా వేయకుండా వైద్యులు అడ్డగోలుగా కరెంట్‌ షాక్‌లు, ఓవర్‌డోస్‌ మందులు ఇవ్వడం మూలంగానే చనిపోయాడని ఆరోపిస్తూ బుధవారం ఉదయం మృతుడి బంధువులు ఆసుపత్రి ముందు ఆందోళన చేపట్టారు. టూటౌన్‌ పోలీసులు ఎలాంటి గొడవలు జరగకుండా చర్యలు చేపట్టారు. అనంతరం ఆసుపత్రి యాజమాన్యం మృతుడి బంధువులతో చర్చించి సయోధ్య కుదుర్చుకున్నట్లు తెలిసింది. మృతుడికి భార్య, కూతురు, కుమారుడు ఉన్నారు. ఈ విషయమై సైకియాట్రిస్టు డాక్టర్‌ పి.కిషన్‌ను వివరణ కోరగా, సదరు పేషెంట్‌కు ట్రీట్‌మెంట్‌ పూర్తిచేసి డిశ్చార్జ్‌ చేసే సమయంలో గుండెపోటు రావడంతో మృతిచెందాడని తెలిపారు. వైద్యంలో ఎలాంటి నిర్లక్ష్యం లేదని స్పష్టం చేశారు. కాగా ఘటనపై ఎవరూ ఫిర్యాదు చేయలేదని టూటౌన్‌ పోలీసులు తెలిపారు.  

సాక్షి, కడప అర్బన్‌: మేడపై సరదాగా ఆడుకుంటున్న ఓ బాలుడిని విద్యుత్‌ తీగలు పొట్టన పెట్టుకున్నాయి. తల్లిదండ్రులకు తీరని గర్భశోకాన్ని మిగిల్చాయి. ఈ హృదయ విదారక సంఘటన కడప పట్టణంలో చోటు చేసుకుంది. కొద్ది సేపటి క్రితం వరకు ఆడుకుంటున్న  కన్న బిడ్డ విగత జీవిగా మారడంతో తల్లిదండ్రులు గుండెలవిసేలా రోదించారు. ఏడేళ్లకే నూరేళ్లు నిండాయా బిడ్డా అంటూ బోరున విలపించారు. వివరాల్లోకి వెళితే.. కడప తాలూకా పోలీస్‌స్టేషన్‌ పరిధిలోని భగత్‌సింగ్‌నగర్‌లో ఆదివారం సాయంత్రం షేక్‌ మహమ్మద్‌ ఉమర్‌(7) అనే బాలుడు విద్యాదాఘాతంతో మృతి చెందాడు. బాబా ఫకృద్దీన్, ఆయేషాలకు కుమార్తె షేక్‌ తస్లీం(9), కుమారుడు షేక్‌ మహమ్మద్‌ ఉమర్‌(7) సంతానం. బాబా ఫకృద్దీన్‌ కార్పెంటర్‌ పనిచేస్తూ జీవనం సాగిస్తున్నాడు. ఆదివారం  మహమ్మద్‌ ఉమర్, మరో బాలుడు ఇంటి మొదటి అంతస్తు పైకి ఆడుకునేందుకు వెళ్లారు. ఈక్రమంలో విద్యుత్‌ తీగలు తగిలాయి.  షాక్‌కు గురికావడంతో మహమ్మద్‌ ఉమర్‌ అక్కడికక్కడే మృతి చెందాడు.  ఈ సంఘటనపై తమకు ఎలాంటి ఫిర్యాదు అందలేదని  కడప తాలూకా సీఐ ఎం. నాగభూషణం తెలిపారు.  బాలుడి మృతదేహాన్ని  45వ డివిజన్‌ కార్పొరేటర్‌ బత్తిన అంకమ్మ, డివిజన్‌ వైఎస్సార్‌సీపీ ఇన్‌చార్జ్‌ బత్తిన శ్రీనివాసులరెడ్డి పరిశీలించారు. కుటుంబ సభ్యులకు సానుభూతి తెలియజేశారు. 

సాక్షి, తంగళ్లపల్లి(కరీంనగర్‌): ‘పోలీస్‌ అంకుల్‌ మా మమ్మీని అప్పటి నుంచి పిలుస్తున్నా పలుకుతలేదు.. ఏమైంది అంకుల్‌’ అంటూ ఆ చిన్నారులు ప్రశ్నించడంతో అక్కడున్నవారు కన్నీ టిపర్యంతమయ్యారు. ఈ ఘటన తంగళ్లపల్లి మండలంలోని రామచంద్రపూర్‌లో శని వారం జరిగింది. గ్రామస్తులు వివరాల ప్రకారం.. గ్రామానికి చెందిన గడ్డం దినకర్‌–వైష్ణవిలకు దీపాన్స్, హిమాన్స్‌ సంతానం. దినకర్‌ మెడికల్‌ షాపు నిర్వహిస్తుండగా, వైష్ణవి ఇంటి వద్దే ఉంటుంది. బంధువుల ఇంటిలో ఫంక్షన్‌కు వెళ్లి శనివారం వచ్చిన వైష్ణవి(28) బట్టలు ఉతికేందుకు స్నానం గదిలోకి వెళ్లింది. బట్టలను బకెట్‌లో నానబెట్టి పక్కనే ఆన్‌చేసి ఉన్న హీటర్‌ను ప్లగ్‌ నుంచి వేరుచేసేందుకు ప్రయత్నించగా.. విద్యుత్‌షాక్‌కు గురై అక్కడికక్కడే మృతిచెందింది. కుటుంబ సభ్యులు వచ్చి చూసేసరికి విగతజీవిగా పడి ఉంది. ఎస్సై లక్ష్మారెడ్డి ఘటన స్థలాన్ని పరిశీలించి, మృతదేహాన్ని జిల్లా ఆస్పత్రికి తరలించారు. ఇదిలా ఉండగా తమ కూతురు మరణంపై అనుమానం ఉందంటూ వైష్ణవి తల్లిగారు జిల్లెల్ల ప్రధాన రహదారిపై రాస్తారోకో చేశారు. విషయం తెలుసుకుని అక్కడికి చేరుకున్న ఎస్సై వారితో మాట్లాడి శాంతింపజేశారు. ఈ ఘటనపై ఇప్పటి వరకు ఫిర్యాదు రాలేదని ఎస్సై తెలిపారు.   

భోపాల్‌: అప్ప‌టిదాకా అంతా బాగానే ఉంది, చూ​స్తుండగానే రెప్పపాటులో ఆ ఇంట్లో ఒక్క‌సారిగా విషాదం అలుముకుంది. ఆ క్ష‌ణం వ‌ర‌కు ప్రాణాలతో కళకళలాడుతున్న ఆ కుటుంబంలోని స‌భ్యులంతా ఒకేసారి విగ‌త‌జీవులుగా మారారు. కరెంట్‌ షాక్‌తో ఒకే కుటుంబంలో ఆరుగురు ప్రాణాలు గాల్లో కలిసాయి. ఈ ఘోరం మధ్యప్రదేశ్ రాష్ట్రం ఛతార్‌పూర్ జిల్లాలో చోటు చేసుకుంది. వివ‌రాల్లోకి వెళ్తే.. బీజావ‌ర్ పోలీసు స్టేషన్‌ పరిధిలోని మహాజ్వాలా గ్రామంలో ఓ ఇంట్లో సెప్టిక్‌ ట్యాంక్‌ నిర్మాణం జరుగుతోంది. ఈ క్రమంలో ఆ ఇంట్లోని ఒకరు పైకప్పు స్లాబ్ వేయడానికి ఉపయోగించే షట్టర్ ప్లేట్లను తొలగించడానికి ట్యాంక్‌లోకి దిగారు. అయితే, ట్యాంక్‌లో లైటింగ్ ఏర్పాట్ల కారణంగా, కరెంట్‌ ఆ పలకలపైకి వ్యాపించడంతో ఆ వ్యక్తి కరెంట్‌ షాక్‌కు గురికాగా.. అతడిని కాపాడే ప్రయత్నంలో మిగిలిన ఐదుగురు కుటుంబ సభ్యులు కూడా కరెంట్‌ షాక్‌కు గురయ్యారు. చికిత్స  కోసం వెంటనే ఆ ఆరుగురిని ఆస్పత్రికి తరలించగా, వారు అప్పటికే చనిపోయినట్లు వైద్యులు ప్రకటించారు. స్థానికులు ఇచ్చిన స‌మాచారం మేర‌కు పోలీసులు ఈ ఘ‌ట‌న‌పై కేసు న‌మోదు చేసి ద‌ర్యాప్తు చేప‌ట్టారు. కాగా మృతులు 20 నుంచి 65 సంవత్సరాల మధ్య వయస్సు గలవారని పోలీసులు తెలిపారు.

నర్సింహులపేట: వ్యవసాయాన్నే నమ్ముకున్న కుటుంబం అది.. సాగులో సాయంగా మూడు పశువులు ఉన్నాయి. వర్షాలు కురుస్తుండడంతో దుక్కి దున్ని వ్యవసాయానికి సిద్ధమవుతున్న ఆ రైతు కుటుంబానికి కరెంట్‌ రూపంలో ఆపద వచ్చింది. మహబూబాబాద్‌ జిల్లా నర్సింహులపేట మండలంలోని జయపురంలో గురువారం గాలిదుమారం రాగా జామాయిల్‌ తోటలో కరెంట్‌ తీగ తెగి పడింది. ఈ విషయం తెలియక రామచంద్రు మధ్యాహ్నం వరకు నాగలి దున్ని పశువులను మేతకు వదిలాడు. ఇంతలోనే పశువులు విద్యుత్‌ తీగను తాకి మృతి చెందాయి. రూ.1.50 లక్షల విలువైన ఒక కాడెద్దు, ఆవు, కోడె లేగ చనిపోవడంతో ఆ రైతు కుటుంబం వాటిపై పడి రోదించిన తీరు అందరినీ కన్నీరు పెట్టించింది.  ఇక్కడ చదవండి: మూగజీవాలపై యమపాశం

ధారూరు/వికారాబాద్‌: ఇంటికి స్లాబ్‌ వేయిస్తున్న క్రమంలో ఇంటి యజమాని, మేస్త్రీకి విద్యుదాఘాతం కావడంతో వారికి తీవ్ర గాయాలయ్యాయి. ఈ సంఘటన ధారూరు మండల పరిధిలోని కేరెళ్లి గ్రామంలో ఆదివారం చోటుచేసుకుంది. గ్రామస్తులు, కుటుంబ సభ్యులు తెలిపిన వివరాలు.. ధారూరు మండంల కేరెళ్లి గ్రామనికి చెందిన చంద్రారెడ్డి(55) గ్రామంలో కొత్తగా నిర్మిస్తున్న ఇంటికి ఆదివారం స్లాబ్‌ వేయించారు. కూలీలంతా కిందకు దిగినప్పటికీ పైన సెంట్రింగ్‌ మేస్త్రీ సురేష్‌ మాత్రం చంద్రారెడ్డి సూచన మేరకు పైనే ఉన్నాడు. ఇంటిపైకీ ఎవరు ఎక్కకుండా కింద ఉన్న ఇనుపరాడ్‌ను మెట్లపై అడ్డంగా పెట్టేందుకు పైకీ తీసుకెళ్లాడు చంద్రారెడ్డి. ఇనుపరాడ్‌ను అడ్డంగా పెట్టేందుకు ప్రయతి్నస్తున్న సమయంలో పైన ఉన్న 11 కేవీ విద్యుత్‌ తీగలకు ఇనుపరాడ్‌ తగిలింది. యజమానిని రక్షించబోయిన మేస్త్రీ సురేష్‌ కూడా షాక్‌కు గురియ్యాడు. విద్యుత్‌ షాక్‌తో ఇద్దరూ భవనం పైనుంచి కిందపడగా తీవ్ర గాయాలయ్యాయి. వీరిని మొదట వికారాబాద్‌లోని ఓ ప్రైవేటు ఆస్పత్రికి తరలించగా మెరుగైన చికిత్స కోసం హైదరాబాద్‌లోని ఓ ప్రైవేటు ఆస్పత్రికి తరలించారు. వారి పరిస్థితి ఇంకా విషమంగానే ఉన్నట్లు కుటుంబ సభ్యులు తెలిపారు.  అధికారుల తీరుపై మండిపడ్డ గ్రామస్తులు..  కొత్త ఇంటి నిర్మాణానికి స్లాబ్‌ వేస్తున్నామని, విద్యుత్‌ సరఫరాను నిలిపివేయాలనీ చంద్రారెడ్డి విద్యుత్‌ అధికారులకు మొరపెట్టుకున్నారు. వారెవరు వినలేరని, గత్యంతరం లేక జాగ్రత్తగా స్లాబ్‌ వేయించిన ఇనుపరాడ్‌ మెట్లకు అడ్డంగా పెట్టేందుకు ప్రయతి్నస్తూ షాక్‌కు గురిౖయె ప్రాణాల మీదకు తెచ్చుకున్నారని గ్రామస్తులు, కుటుంబ సభ్యులు వాపోయారు. అధికారుల నిర్లక్షమే చంద్రారెడ్డి, మేస్త్రీ ప్రమాదానికి కారణమని వారు ఆగ్రహం వ్యక్తం చేస్తున్నారు.  ఆస్పత్రిలో చికిత్స పొందుతున్న శ్రీకాంత్‌ మరో ఘటనలో బాలుడికి గాయాలు.. దోమ: విద్యుదాఘాతంతో బాలుడికి గాయాలైన సంఘటన మండల పరిధిలోని గుండాల్‌ గ్రామంలో చోటు చేసుకుంది. స్థానికులు, గ్రామస్తులు తెలిపిన వివరాల ప్రకారం.. గ్రామానికి చెందిన పలువురు విద్యార్థులు ఆదివారం పాఠశాల ఆవరణలో ఆడుకుంటున్నారు. ఈ నేపథ్యంలో గ్రామానికి చెందిన కోళ్ల రవి, చెన్నమ్మ దంపతుల కుమారుడు శ్రీకాంత్‌ చెయ్యి విద్యుత్‌ తీగలకు తగిలింది. దీంతో విద్యుదాఘతానికి గురై కొట్టుకుంటుండంగా మరో బాలుడు పట్టుకునే ప్రయత్నం చేశాడు. అతడికి కూడా విద్యుత్‌షాక్‌ తగలడంతో పక్కకు జరిగి కేకలు వేశాడు. అటుగా వెళ్తున్న గ్రామానికి చెందిన జనుమాండ్ల వెంకట్‌రెడ్డి గమనించి వెంటనే కర్రతో కొట్టగా శ్రీకాంత్‌ కిందపడిపోయాడు. వెంటనే కొస్గీ ఆస్పత్రికి తరలించి చికిత్స అందించారు. కాగా రెండు నెలల క్రితం గ్రామస్తులకు ఆసరా పెన్షన్లు, రేషన్‌ బియ్యం అందించేందుకు పాఠశాల ఆవరణలో విద్యుత్‌ సరఫరా తీసుకుని అలాగే వదిలివేశారు. అతుకులతో కూడిన విద్యుత్‌ కనెక్షన్‌ తొలగించాలని గ్రామస్తులు చెప్పిన ప్రజాప్రతినిధులు, అధికారులు ఎవ్వరూ పట్టించుకలేదని గ్రామస్తులు తెలిపారు. 

పలమనేరు (చిత్తూరు జిల్లా): విద్యుత్‌ షాక్‌తో ఓ గున్న ఏనుగు మృతి చెందిన ఘటన చిత్తూరు జిల్లా పలమనేరు మండలంలోని కోతిగుట్ట వద్ద గురువారం రాత్రి జరిగింది. కౌండిన్య అభయారణ్యంలోని 20 ఏనుగులు గుంపుగా గురువారం రాత్రి కోతిగుట్ట పొలాల్లోకి వచ్చాయి. గుంపులోని ఓ గున్న ఏనుగు విద్యుత్‌ స్తంభాన్ని బలంగా తగలటంతో స్తంభం విరిగి విద్యుత్‌ తీగలు మీద పడటంతో కరెంటు షాక్‌కు గురై అది మృతి చెందింది. శుక్రవారం దీన్ని గమనించిన రైతులు అటవీ శాఖకు సమాచారమిచ్చారు. పోలీసులతోపాటు డీఎఫ్‌వో రవిశంకర్, ఎఫ్‌ఆర్‌వో శ్రీనివాసులు ఘటనా స్థలాన్ని పరిశీలించి ఏనుగు మృతికి కారణాలను తెలుసుకుని ఏనుగుకు అక్కడే పోస్టుమార్టం నిర్వహించారు. మృతి చెందిన గున్న ఏనుగు వయసు మూడేళ్లు ఉంటుందని వారు తెలిపారు. కరెంట్‌ తీగలు తెగి పడినప్పుడు విద్యుత్‌ సరఫరా ఆగిపోవడంతో గుంపులోని మిగిలిన ఏనుగులకు ప్రమాదం తప్పింది. గురువారం రాత్రి 10.00 గంటలప్పుడు ఈ ఘటన జరగ్గా చనిపోయిన గున్న ఏనుగు కోసం మిగతా ఏనుగులు శుక్రవారం వేకువజాముదాకా అక్కడే ఘీంకారాలు చేస్తూ ఉండిపోయాయని స్థానిక రైతులు తెలిపారు. ఏనుగు మృతి చెందిందనే వార్తతో సమీప గ్రామాలకు చెందిన ప్రజలు పెద్ద సంఖ్యలో అక్కడికి చేరుకున్నారు. పలువురు మహిళలు మృతి చెందిన ఏనుగుకు పూజలు చేశారు. ఏనుగులు మళ్లీ వచ్చే ప్రమాదం! గతంలో గొబ్బిళ్ళకోటూరు వద్ద విద్యుత్‌ షాక్‌తో మృతిచెందిన గున్న ఏనుగు కోసం దాని తల్లి ఏనుగు మిగిలిన కరెంట్‌ స్తంభాలను ధ్వంసం చేసింది. ఆపై గున్న ఏనుగును పూడ్చిన చోట మిగిలిన ఏనుగులు ఘీంకారాలు చేస్తూ రోదించాయి. అదే విధంగా ఇప్పుడు గున్న ఏనుగు మృతి చెందటంతో కసి మీద ఉన్న ఏనుగులు మళ్లీ అదే చోటికి వస్తాయని అటవీశాఖ అధికారులు భావిస్తున్నారు. దీంతో రాత్రి పూట త్రీఫేజ్‌ కరెంటును నిలిపివేయాలని స్థానికులు కోరుతున్నారు. 

‘‘జీవితంలో ఎప్పుడు ఏం జరుగుతుందో తెలియదు. అందుకే జీవితమంటే ప్రతీ క్షణాన్ని ఆస్వాదించడమే. మామూలు వాళ్లైనా సరే.. వైకల్యం ఉన్న వాళ్లైనా సరే ఏదో ఒకటి సాధించాలని అందరికీ ఉంటుంది. అలాంటప్పుడు ముందుకెళ్లకుండా.. వెనక్కి తిరిగి చూడడం ఎందుకు? నా విషయంలో నేను చేస్తున్న పని ఎంతో ఆనందాన్ని ఇస్తోంది’’ అంటూ ముసిముసి నవ్వులతో చెబుతోంది టిక్​టాకర్​ మేఘనా గిమిరే. కరెంట్ షాక్​తో రెండు చేతులు పొగొట్టుకున్న ఈమెలోని ఆత్మవిశ్వాసం.. అన్నీ ఉన్నా సాధించడానికి బద్ధకించేవాళ్లకు ఒక మంచి పాఠం.  వెబ్​డెస్క్​: నేపాల్​కు చెందిన మేఘనా గిమిరే. కొన్నేళ్ల క్రితం ప్రేమించిన వ్యక్తిని పెద్దలకు చెప్పి ఒప్పించి పెళ్లి చేసుకుంది. పెళ్లైన పది నెలల తర్వాత ఓరోజు ఆమె ఘోర ప్రమాదానికి గురైంది. చేతికి ఇనుప గాజులు వేసుకోవడం, దగ్గర్లో ఉన్న హైటెన్షన్​ వైరను పొరపాటున తాకడంతో ఆమె కరెంట్​ షాక్​కు గురైంది. చేతులు పూర్తిగా దెబ్బతినడంతో డాక్టర్లు సర్జరీ చేసి వాటిని తీసేశారు. అందమైన భార్య వికలాంగురాలు అయ్యేసరికి సహించలేక ఆ భర్త వదిలేసి వెళ్లిపోయాడు. ఆ తర్వాత మేఘన ఇబ్బందుల్ని ఎదుర్కొంది.  నడిపించిన తల్లి ప్రేమ భర్త వదిలేసినా.. కన్నపేగు మమకారం మేఘనను అక్కున చేర్చుకుంది. పుట్టింటికి తీసుకొచ్చింది. తినబెట్టడం, బట్టలు మార్చడం, స్నానం అన్నీ తల్లే దగ్గరుండి చేసింది. కొన్నాళ్లకు తనంతట తానుగా పనులు చేసుకోవడం ప్రారంభించింది గిమిరే. క్రమంగా కాళ్ల సాయంతో పనులు చేయడం మొదలుపెట్టింది. ఒకరోజు సరదాగా మొబైల్​ను కాళ్లను ఆపరేట్​ చేస్తూ.. తన పాత టిక్​టాక్​ అకౌంట్​ను చూసింది. సెల్ఫ్ వీడియోలతో టిక్​టాక్​లో వీడియోలు అప్​లోడ్ చేసింది. ఆ వీడియోల్లో ఆమె ఆత్మవిశ్వాసానికి లక్షల మంది ఫిదా అయ్యారు. తక్కువ టైంలోనే మేఘన టిక్​టాక్​కు మంచి స్పందన వచ్చింది. ప్రస్తుతం టిక్​టాక్​లో ఆమెకు ఇరవై లక్షల మంది ఫాలోవర్స్ ఉన్నారు. ఇండియాలో టిక్​టాక్​ బ్యాన్​ కాకముందు మన దగ్గరి నుంచి కూడా ఆమె వీడియోలకు మంచి స్పందనే దక్కేది. #Nepal #Tiktoker #Meghana pic.twitter.com/0VPf705VRK — ashwik (@ursashwik) June 3, 2021 అభిమానుల అండ సోషల్ మీడియాలో ఆమెకు ఫాలోయింగ్ బాగా పెరిగింది. అయితే రాను రాను ఆ అభిమానులే.. ఆమె పట్ల దాతలుగా మారారు. వాళ్లు అందించిన డబ్బు సాయంతోనే ఆమె అమెరికా వెళ్లగలిగింది. అక్కడి డాక్టర్ల పర్యవేక్షణలో ప్రోస్తటిక్​ చేతుల్ని అందుకుంది. కానీ, అవి ఆమెకు తాత్కాలిక ఊరట మాత్రమే అందించాయి. అయినప్పటికీ తనకు ఇప్పటిదాకా అందిన సాయం మరువలేనిదని చెబుతోంది మేఘన. చిరునవ్వుతో ఆమె చేసే సరదా వీడియోలే కాదు.. సందేశాలతో ఆమె మాట్లాడే మాటలు ఆకట్టుకునేలా ఉంటాయి. చదవండి: మీమ్స్​​లో కనిపించే ఇతగాడి గురించి తెలుసా?

సాక్షి, అమరావతి: వ్యవసాయ క్షేత్రాల్లో విద్యుత్‌ బోరు మోటార్లకు అమరుస్తున్న పాలీ కార్బన్‌ బాక్సులు విద్యుత్‌ షాక్‌ల నుంచి రైతులను రక్షిస్తున్నాయి. ఏడాది కాలంలో శ్రీకాకుళం జిల్లాలో వ్యవసాయ మోటార్ల వద్ద ఈ విధానాన్ని అమలు చేయగా ఒక్క విద్యుత్‌ ప్రమాదం కూడా జరగలేదు. ఎర్త్‌ పనిచేయకుండా కరెంట్‌ షాక్‌ వచ్చినట్టు ఎక్కడా నమోదు కాలేదు. విద్యుత్‌ సబ్సిడీని రైతు ఖాతాల్లోకి నేరుగా జమ చేసే విధానాన్ని ప్రభుత్వం గత ఏడాది ప్రయోగాత్మకంగా శ్రీకాకుళం జిల్లాలో ప్రవేశపెట్టింది. ఇదే సందర్భంలో వ్యవసాయ క్షేత్రంలోనే బిగించే విద్యుత్‌ మీటర్ల భద్రతపైనా ప్రత్యేక దృష్టి పెట్టింది. ఈ విధానాన్ని ఇటీవల అధికారులు సమీక్షించి ఎంతో ప్రతిభావంతంగా పని చేస్తోందని గుర్తించారు. ఇకపై ఇదే విధానాన్ని రాష్ట్రవ్యాప్తంగా వ్యవసాయ క్షేత్రాల్లో అమర్చే విద్యుత్‌ మీటర్లకూ దీనిని వర్తింపజేయాలని భావిస్తున్నారు. ఆ ఘోష ఇక ఉండదు 2014 నుంచి 2020 మార్చి వరకూ రాష్ట్రంలో 93 వ్యవసాయ క్షేత్రాల్లో విద్యుత్‌ ప్రమాదాలు జరిగాయి. విద్యుదాఘాతాలకు గురై 77 మంది రైతులు ప్రాణాలు కోల్పోయారు. 16 మంది క్షతగాత్రులయ్యారు. బోర్లు ఎక్కువగా ఉండే రాయలసీమ జిల్లాల్లో ఇలాంటి ప్రమాదాలు అధికంగా ఉంటున్నాయి. గత ప్రభుత్వం సకాలంలో వ్యవసాయ విద్యుత్‌ కనెక్షన్లు మంజూరు చేయకపోవడంతో రైతులు విధిలేని పరిస్థితుల్లో అనధికారికంగా విద్యుత్‌ వాడుకుంటున్నారు. ఇలాంటివి రాష్ట్రంలో 50 వేల వరకూ ఉన్నాయని అంచనా. ఈ క్రమంలో సరైన విద్యుత్‌ భద్రతా ప్రమాణాలు పాటించడం లేదు. దీనివల్ల ప్రమాదాలు పెరుగుతున్నాయి. ముఖ్యంగా ప్రమాదాలకు కారణమవుతున్న ఎర్త్‌ విధానం సరిగా ఉండటం లేదని విద్యుత్‌ శాఖ పరిశీలనలో తేలింది. లోడ్‌ను బట్టి ఫ్యూజులు వేసుకోకపోవడం మరో కారణం. వ్యవసాయ విద్యుత్‌ ఉచితం కాబట్టి అధికారులూ అక్కడికి వెళ్లి పరిశీలించడం లేదు. ఫలితంగా విద్యుత్‌ ప్రమాదాలు చోటు చేసుకుంటున్నాయి. మరోవైపు వ్యవసాయ క్షేత్రంలో విద్యుత్‌ వైర్లు చేతికందేలా ఉంటున్నాయి. అనుమతి లేని విద్యుత్‌ కనెక్షన్ల వల్ల లోడ్‌ పెరుగుతోంది. దీంతో వైర్లు వేడెక్కి సాగిపోతున్నాయి. ఈ కారణంగా ప్రమాదాలు జరుగుతున్నాయి.  18 లక్షల పంపుసెట్లకు పాలీ కార్బన్‌ బాక్సులు రాష్ట్రంలో ప్రస్తుతం 18 లక్షల వ్యవసాయ పంపుసెట్లు ఉన్నాయి.  వీటన్నింటికీ మీటర్‌తో పాటు ఫ్యూజ్‌ బాక్స్‌ కూడా అమర్చాలని నిర్ణయించారు. పాలీ కార్బన్‌ బాక్సులను వ్యవసాయ క్షేత్రంలో డిస్కమ్‌లు అమరుస్తాయి. 32 యాంప్స్‌ సామర్థ్యంతో మూడు వైర్లను తట్టుకునే రీతిలో ఈ బాక్స్‌ ఉంటుంది. ఇలా అమర్చడం వల్ల విద్యుత్‌ ప్రసరణ ఏ స్థాయిలో ఉన్నా ఫ్యూజ్, స్విచ్‌ ఉన్న ప్రాంతంలో విద్యుత్‌ బయటకు ప్రసరించదు. 30 మీటర్ల వైర్‌ను స్విచ్, మీటర్, ఫ్యూజులకు వాడతారు. ఇది ఎంత పెద్ద వర్షం వచ్చినా ఏ మాత్రం విద్యుత్‌ షాక్‌ ఇవ్వదని, అనేక సార్లు పరీక్షించిన తర్వాతే దీన్ని వాడుతున్నామని సీపీడీసీఎల్‌ సీఎండీ పద్మ జనార్దన్‌రెడ్డి తెలిపారు. ఎర్త్‌ కోసం వాడే జీఐ వైర్, పైప్‌ కూడా అంతర్జాతీయ ప్రమాణాలు ఉండేలా జాగ్రత్తలు తీసుకున్నామని చెప్పారు. వ్యవసాయ క్షేత్రాల్లో రైతుల భద్రతకు అత్యధిక ప్రాధాన్యత ఇచ్చామని ఇంధన శాఖ కార్యదర్శి శ్రీకాంత్‌ నాగులాపల్లి పేర్కొన్నారు.   

తిరువళ్లూరు: వేడి నీళ్ల కోసం ఉంచి హీటర్‌ను  తాకి, విద్యుత్‌ షాక్‌కు గురై, తీవ్రంగా గాయపడిన బాలుడు మృతి చెందిన సంఘటన ఆదివా రం ఉదయం అదిగత్తూరు లో జరిగింది. పోలీసుల కథ నం మేరకు.. తిరువళ్లూరు జిల్లా కడంబత్తూరు యూనియన్‌ అదిగత్తూరు గ్రామానికి చెందిన వినాయగం, నిషాంతి దంపతులకు కుమారుడు అవినాష్‌(7) ఉన్నాడు. ఆదివారం ఉదయం ఏడు గంటలకు వినాయగం వేడి నీళ్ల కోసం బకెట్‌లో నీటిని ఉంచి అందులో హీటర్‌ పెట్టి నిద్రపోయాడు. అవినాష్‌ అడుకుంటూ వెళ్లి, హీటర్‌ ఉన్న బకెట్‌లో చేయి పెట్టడంతో విద్యుత్‌ షాక్‌కు గురై తీవ్రంగా గాయపడ్డారు. దీంతో బాలుడిని తల్లిదండ్రులు తిరువళ్లూరు ప్రభుత్వ వైద్యశాలకు తరలించగా, బాలుడ్ని పరీక్షించిన వైద్యులు అప్పటికే మరణించినట్టు నిర్ధారించారు. ఈ సంఘటన స్థానికంగా విషాదం నింపింది. రాత్రంతా తమతో పాటు ఆడుకుంటూ ఉన్న బిడ్డ మృతి చెందడంతో తల్లిదండ్రులు బోరున విలపించారు.  ఈ విషయమై వినాయగం ఫిర్యాదు మేరకు కడంబత్తూరు పోలీసులు కేసు నమోదు చేసి దర్యాప్తు చేస్తున్నారు. చదవండి: హైదరాబాద్‌లో నలుగురి యువతుల అదృశ్యం కలకలం

హోసూరు/కర్ణాటక: అతనికి నాలుగు నెలల క్రితమే పెళ్లయింది. ఇంకా అచ్చటా ముచ్చట తీరలేదు. అంతలోనే విధి బలి తీసుకుంది. ఈ విషాద ఘటన మత్తిగిరి పోలీస్‌స్టేషన్‌ పరిధిలో చోటు చేసుకొంది. హోసూరు సమీపంలోని బేళగొండపల్లి గ్రామానికి చెందిన గురురాజ్‌(24)కు నాలుగు నెలల క్రితం వివాహమైంది. గురువారం సాయంత్రం ఇంట్లో  దుస్తులు ఆరవేస్తూ విద్యుత్‌తీగను తాకడంతో విద్యుదాఘాతానికి గురై ఘటనా స్థలంలోనే మృతి చెందాడు. ఈ ఘటనపై మత్తిగిరి పోలీసులు కేసు దర్యాప్తు చేపట్టారు. ఏడాదిన్నర క్రితమే పెళ్లి.. క్రిష్ణగిరి: క్రిష్ణగిరి పాతపేటకు చెందిన  సూర్య(24) అనే కార్మికుడు ఆత్మహత్య చేసుకున్నాడు. ఇతనికి ఏడాదిన్నర క్రితం పెళ్లి జరిగింది. దంపతుల మధ్య తరచూ  గొడవలు జరుగుతున్నాయి.  దీంతో జీవితంపై విరక్తి చెందిన సూర్య.. గురువారం రాత్రి ఉరివేసుకొని ఆత్మహత్య చేసుకొన్నాడు. కేసు దర్యాప్తులో ఉంది.   వృద్ధుడి మృతదేహం స్వాధీనం క్రిష్ణగిరి: కే.ఆర్‌.పీ డ్యాం సమీపంలోని కొత్తపల్లి అటవీ ప్రాంతంలో పడి ఉన్న గుర్తు తెలియని వృద్ధుని మృతదేహాన్ని శుక్రవారం పోలీసులు స్వాధీనం చేసుకొని క్రిష్ణగిరి ప్రభుత్వ ఆస్పత్రికి తరలించారు. వృద్ధుడు ఏ ప్రాంతవాసి అనేది తెలియలేదని, వివరాలు తెలిసిన వారు తమ సమీపంలోని పోలీస్‌స్టేషన్‌లో సంప్రదించాలని కోరారు.  చదవండి: కరెంట్‌షాక్‌కు గురైన వారికి ప్రథమ చికిత్స ఇలా...

►కరెంట్‌ షాక్‌కు గురైన వ్యక్తిని ఎలక్ట్రిక్‌ కరెంట్‌ ఫ్లో అవుతున్న వైర్‌నుంచి వేరు చేయాలి.   ►షాక్‌కు గురైన వ్యక్తి స్పృహ కోల్పోకుండా ఉంటే స్థిమితపడేందుకు అవసరమైన ధైర్యం చెప్పాలి. ►ఒకవేళ పేషెంట్‌ అపస్మారక స్థితిలో ఉంటే పల్స్‌ చూడాలి. పల్స్‌ అందకుండా ఉంటే సీపీఆర్‌ చేయాలి. అంటే... శ్వాస ఆగిపోతే నోటి ద్వారా కాస్త ఒత్తిడితో గాలిని ఊపిరితిత్తుల్లోకి పంపాలి. గుండె స్పందనలు ఆగిపోతే కనీసం రెండు అంగుళాలలోతుగా ప్రభావం పడేట్లుగా ఛాతీపైన చేతులు ఉంచి ప్రెషర్‌ ఇవ్వాలి. ఈ రెండూ చేస్తూ దగ్గర్లోని ఆసుపత్రికి తరలించాలి. ►ఎలక్ట్రిక్‌ షాక్‌ వల్ల కాలిన గాయాలు అయ్యే ప్రమాదం ఉంది. వాటిని ఎలక్ట్రిక్‌ బర్న్‌ అంటారు. వాటికి ఆయింట్‌మెంట్స్‌గాని, పూతమందులు గాని రాయకూడదు.  ►విద్యుద్ఘాతానికి గురైన వారు సాధారణంగా ఎత్తునుంచి పడిపోయే ప్రమాదం ఉంది కాబట్టి అకస్మాత్తుగా కదిలించకూడదు. గాయాలను బట్టి ప్రథమ చికిత్స చేయాలి. ►షాక్‌కు గురైన వారి గుండె స్పందనల్లో తేడా రావచ్చు. దాన్ని వెంట్రిక్యులార్‌ అరిథ్మియా అంటారు. దాన్ని మానిటర్‌ ద్వారానే గుర్తించగలం కాబట్టి వెంటనే ఆస్పత్రికి తరలించి చికిత్స చేయించాలి.  

దామరగిద్ద (నారాయణపేట): రథసప్తమి ఉమ్మడి పాలమూరు జిల్లాలో విషాదం నింపింది. రథయాత్రలో విద్యుదాఘాతం సంభవించి ఇద్దరు దుర్మరణం చెందారు. ఈ ఘటన నారాయణపేట జిల్లా దామరగిద్ద మండలం బాపన్‌పల్లి గ్రామంలో చోటుచేసుకుంది. రథసప్తమి సందర్భంగా గ్రామ శివారులోని వేంకటేశ్వర స్వామి ఆలయంలో ఉత్సవాలు మొదలయ్యాయి. ఈ సందర్భంగా శుక్రవారం రథాన్ని ఊరేగిస్తుండగా విద్యుదాఘాతం సంభవించింది.  జాతర కోసం నూతనంగా తయారు చేయించిన ఇనుప రథాన్ని తరలిస్తుండగా పైనున్న విద్యుత్ తీగలు తగలి చంద్రప్ప, హనుమంతు మృతి చెందారు. మరో ఎనిమిది మందికి తీవ్ర గాయాలయ్యాయి. వారిలో ఇద్దరి పరిస్థితి విషమంగా ఉంది. గాయపడ్డ వారిని వెంటనే నారాయణపేటలోని ఆస్పత్రికి తరలించారు. దీనికి సంబంధించిన వివరాలు ఇంకా రావాల్సి ఉంది. ఉత్సాహంగా సాగుతున్న రథయాత్రలో ఒక్కసారిగా అల్లకల్లోలం ఏర్పడింది. భక్తులందరూ భయాందోళన చెందారు. అయితే ఈ ఘటనపై అధికారులు విచారణ చేస్తున్నారు.

సాక్షి, దర్శి టౌన్‌: ఎన్టీఆర్‌ వర్ధంతి కార్యక్రమంలో విద్యుదాఘాతానికి గురై టీడీపీ కార్యకర్త మృతి చెందిన ఘటన దర్శి మండలం నిమ్మారెడ్డిపాలెంలో జరిగింది. గ్రామంలో సోమవారం ఎన్‌టీఆర్‌ వర్థంతి నిర్వహణకు ఏర్పాట్లు చేస్తున్నారు. స్థానిక గ్రంథాలయం ఎదురుగా జెండా దిమ్మె వద్ద ఇనుపరాడ్‌కు టీడీపీ జెండా ఎత్తుతుండగా బ్యాలెన్స్‌ తప్పి ఇనుప రాడ్‌ పక్కనే ఉన్న విద్యుత్‌ తీగలపై పడింది. రాడ్‌ పట్టుకొని ఉన్న టీడీపీ కార్యకర్త మద్దినేని వెంకటనారాయణ(36) విద్యుత్‌ షాక్‌కు గురై అక్కడిక్కడే మృతి చెందాడు. మరో నలుగురు స్వల్పంగా గాయపడ్డారు. మృతునికి భార్య మహాలక్షి్మ, కుమారుడు, కుమార్తె ఉన్నారు. మాజీ ఎమ్మెల్యే దామచర్ల జనార్దన్, ఆ పార్టీ నియోజక వర్గ నియోజక వర్గ సమన్వయకర్త పమిడి రమేష్‌లు మృతుని కుటుంబాన్ని పరామర్శించారు. ఘటన స్థలాన్ని ఎస్సై రామకోటయ్య సందర్శించి వివరాలు సేకరించారు. హెచ్‌సీ నారాయణరెడ్డి కేసు నమోదు చేశారు. చదవండి: ఊరంతా ఖాళీ అయ్యింది. ఇంటింటికీ తాళం పడింది

నూజివీడు: రెక్కాడితేగానీ డొక్కాడని ఇద్దరు నిరుపేద వ్యక్తులను కంటైనర్‌ లారీ రూపంలో పొంచి ఉన్న మృత్యువు కబళించివేసింది. కుటుంబాన్ని పోషించే వారు విగతజీవులవ్వడంతో ఆయా కుటుంబాలు రోడ్డున పడ్డాయి. ఈ ఘటన నూజివీడు మండలం పోలసానపల్లి సమీపంలో శనివారం చోటు చేసుకుంది. వివరాల్లోకి వెళితే.. గొల్లపల్లి నుంచి ఆగిరిపల్లి మండలం వట్టిగుడిపాడు  వైపు వెళ్తున్న కంటైనర్‌కు పోలసానపల్లి సమీపంలోకి వచ్చే సరికి 11కేవీ విద్యుత్‌ తీగలు తగిలాయి. గమనించిన లారీ డ్రైవర్, క్లీనర్‌ వెంటనే కిందకు దూకి..ప్రాణాలు దక్కించుకుని అక్కడి నుంచి వెళ్లిపోయారు. అదే సమయంలో నూజివీడు మండలంలోని మీర్జాపురంలో చిన్న ఫ్యాన్సీ షాపు నడుపుకునే పశ్చిమగోదావరి జిల్లా అప్పనవీడుకు చెందిన పెనుమాక జోజిబాబు(36), మీర్జాపురం గ్రామానికి చెందిన షేక్‌ మస్తాన్‌(65) ద్విచక్రవాహనంపై కోడిగుడ్ల కోసం వట్టిగుడిపాడు వైపు వెళ్తున్నారు. పోలసానపల్లి వద్దకు వచ్చే సరికి రోడ్డుపై అడ్డంగా కంటైనర్‌ ఉండడంతో.. ఇదేమిటని వారు కొద్దిగా ముందుకెళ్లి ఆ కంటైనర్‌ను ముట్టుకోగా.. తీవ్ర విద్యుత్‌షాక్‌కు గురయ్యారు. అంతలోనే ద్విచక్రవాహనం పెట్రోలు ట్యాంక్‌ వద్ద నుంచి మంటలు చెలరేగి వారిద్దరూ ఘటనాస్థలంలోనే సజీవ దహనమయ్యారు. జోజిబాబుకు భార్య, ఇద్దరు కుమార్తెలున్నారు. తహసీల్దార్‌ మెండు సురేష్‌కుమార్‌  ఘటనా స్థలానికి చేరుకుని ప్రమాదం తీరును తెలుసుకున్నారు. రూరల్‌ ఎస్‌ఐ రంజిత్‌  కేసు నమోదు చేసి దర్యాప్తు చేస్తున్నారు. విద్యుదాఘాతంతో మృతి చెందిన వారి కుటుంబ సభ్యులను స్థానిక ఎమ్మెల్యే మేకా వెంకట ప్రతాప్‌ అప్పారావు పరామర్శించారు.  

కోహెడరూర్‌(హుస్నాబాద్‌): ట్రాన్స్‌ఫార్మర్‌కు మరమ్మతు చేస్తుండగా కరెంట్‌ షాక్‌కు గురై ట్రాన్స్‌ఫార్మర్‌పైనే ఓ వ్యక్తి ప్రాణాలు వదిలిన ఘటన సిద్దిపేట జిల్లా కోహెడ మండలం ఆరెపల్లిలో శనివారం చోటు చేసుకుంది. పోరెడ్డిపల్లికి చెందిన మంద తిరుపతి(35) లైన్‌మన్‌ సహాయంతో ఎల్‌సీ తీసుకొని ఆరెపల్లిలోని ఓ రైతు పొలంలో ట్రాన్స్‌ఫార్మర్‌కు మరమ్మతులు చేస్తున్నాడు. మధ్యలోనే విద్యుత్‌ సరఫరా కావడంతో షాక్‌కు గురై ట్రాన్స్‌ఫార్మర్‌పైనే ప్రాణాలు విడిచాడు.  కుటుంబసభ్యులు, గ్రామస్తులు మృతదేహం తో సిద్దిపేట– హన్మకొండ రహదారిపై ఆందోళనకు దిగారు. మృతుడి కుటుంబానికి రూ.కోటి నష్టపరిహారం చెల్లించాలని డిమాండ్‌ చేశారు. రహదారి పై అటుగా వెళ్తున్న రాష్ట్ర మంత్రి ఈటల రాజేందర్‌ ఘటనాస్థలాన్ని పరిశీలించి రూ.15 లక్షలు, తిరుపతి భార్యకు ఉద్యోగం ఇస్తామని హామీ ఇచ్చారు. మంత్రి హామీతో ఆందోళన విరమించారు.  

శివ్వంపేట (నర్సాపూర్‌): బోరుబావి సర్వీస్‌ వైరు కనెక్షన్‌ ఇచ్చేందుకు స్తంభం ఎక్కిన వ్యక్తి విద్యుదాఘాతానికి గురై మృత్యువాత పడ్డాడు. ఈ ఘటన మెదక్‌ జిల్లా శివ్వంపేట మండల పరిధిలోని పెద్దగొట్టిముక్లలో సోమవారం చోటుచేసుకుంది. పోలీసులు తెలిపిన వివరాల ప్రకారం.. మండల పరిధిలోని గోమారం గ్రామానికి చెందిన గూడెపు లక్ష్మణ్‌(40) విద్యుత్‌ పనులు చేస్తూ కుటుంబాన్ని పోషించుకుంటున్నాడు. విద్యుత్‌ సిబ్బంది అందుబాటులో లేనప్పుడు స్థానిక రైతులకు ఏదైనా సమస్యలు తలెత్తితే లక్ష్మణ్‌తో చేయిస్తుంటారు. అదే గ్రామానికి చెందిన రైతు అబ్దుల్‌ అలీ బోరు మోటారు సర్వీస్‌ వైర్‌ కనెక్షన్‌ ఇచ్చేందుకు లక్ష్మణ్‌ని తీసుకెళ్లాడు. కాగా, పెద్దగొట్టిముక్ల కు చెందిన రైతు అనిల్‌ ఆదివారం తన వరి పంటను కోసేందుకు కోత యంత్రం రావడంతో విద్యుత్‌ వైర్లు కిందికి ఉన్నాయని ట్రాన్స్‌ఫార్మర్‌ను బంద్‌ చేసి, ఆన్‌ఆఫ్‌ హ్యాండిల్‌కు టవల్‌ చుట్టి ఇంటికి వెళ్లాడు. మరుసటి రోజు పొలానికి వచ్చిన అనిల్‌.. ట్రాన్స్‌ఫార్మర్‌ను ఆన్‌ చేయగా.. అప్పటికే లక్ష్మణ్‌ విద్యుత్‌ స్తంభంపై ఉండటంతో  ప్రాణాలు కోల్పోయాడు.

సాక్షి, నిర్మల్‌:  వరుణుడి నుంచి పంటను కాపాడుకునేందుకు వెళ్లిన తండ్రీకొడుకులు మృత్యువాత పడిన ఘటన స్థానికంగా విషాదం నెలకొంది. వివరాల్లోకి వెళితే తానూర్‌ మండలం భోసి గ్రామానికి చెందిన రాములు (55), మురళి... పొలంలోని సోయా పంట వర్షానికి తడవకుండా ఉండేందుకు ప్లాస్టిక్‌ కవర్‌ కప్పేందుకు వెళ్లారు. అయితే పంట చుట్టూ విద్యుత్‌ తీగలు అమర్చడంతో... ప్లాస్టిక్‌ కవర్‌ ఆ తీగలకు తగిలింది. దీంతో తండ్రీకొడుకులకు కరెంట్‌ షాక్‌ తగిలి ప్రాణాలు కోల్పోయారు.  రాజన్న సిరిసిల్ల జిల్లా కోనరావుపేట (మం) సుద్దాల గ్రామంలో ఎయిర్ టెల్ టవర్‌లో పనిచేస్తున్న తిరుపతి అనే వ్యక్తి విద్యుత్ షాక్ తో మృతి చెందాడు. మృతుడు నారాయణ పేట జిల్లా కుంసనపల్లి గ్రామవాసి.

వర్గల్‌(గజ్వేల్‌): పచ్చని కాపురంపై విధి కన్నెర్ర చేసింది. విద్యుత్‌ షాక్‌ రూపంలో రైతు దంపతులను కాటేసింది. ఏడేళ్లలోపు అన్నా, చెల్లెల్లకు తల్లిదండ్రుల ప్రేమను దూరం చేసింది. వ్యవసాయ బావి వద్ద సంపుహౌజ్‌లో కాళ్లు, చేతులు కడుక్కునేందుకు వెళ్లిన దంపతులు విద్యుత్‌ షాక్‌కు గురై అక్కడిక్కడే మృతి చెందారు. ఈ ఘటన ఆదివారం వర్గల్‌ మండలం చౌదరిపల్లిలో తీవ్ర విషాదాన్ని నింపింది. వివరాల్లోకి వెళ్తే.. వర్గల్‌ మండలం చౌదరిపల్లి గ్రామానికి చెందిన రైతు దంపతులు మానుక వెంకటేష్‌గౌడ్‌(30), రేణుక(26)లకు తొమ్మిదేళ్ల క్రితం వివాహమైంది. వీరికి శరత్‌(7), తనూష(4) అనే ఇద్దరు పిల్లలు ఉన్నారు. ఉదయం 7 గంటలకు స్వీట్‌కార్న్‌ కంకులు తెంపేందుకు వెళ్లిన దంపతులు పని ముగించుకొని కాళ్లూచేతులు కడుక్కునే సమయంలో సంపులో మోటారు నడుస్తుండగా షార్ట్‌ సర్క్యూట్‌తో నీళ్లకు షాక్‌ వస్తున్న విషయం తెలియని వారు కాలు కడుక్కుంటగా విద్యుత్‌ షాక్‌కు గురై    మృతి చెందారు.   రోదనలతో దద్దరిల్లిన వ్యవసాయ క్షేత్రం  అందరితో కలివిడిగా ఉంటూ తమ పని తాము చేసుకుంటూ గుట్టుచప్పుడు కాకుండా కాలం వెల్లదీస్తున్న రైతు దంపతులు కరెంట్‌షాక్‌తో దుర్మరణం పాలైన సమాచారం తెలిసి పెద్ద సంఖ్యలో కుటుంబీకులు, బంధువులు, గ్రామస్తులు ఘటన స్థలానికి చేరుకున్నారు. మృతదేహాల మీద పడి కుటుంబీకులు బోరుమన్నారు. కంకులు తెంపి తొందరగా వస్తమని పసి పిల్లలను అప్పచెప్పి వెళ్లిన కొడుకు, కోడలు కానరాకుండా పోయారని మృతుడి తల్లి ఎల్లమ్మ బోరుమంటుంటే ఆపడం ఎవరితరం కాలేదు.   చిన్ని, నాన్న.. ఇక సెలవ్‌.. చిన్ని, నాన్న.. ఇక సెలవ్‌ అంటూ పసి పిల్లలను వదిలేసి తల్లిదండ్రులు నింగికేగారు. అమ్మా..రోజూ మాకు గోరుముద్దలు తినిపిస్తావు. బడికి తయారు చేస్తవు. ప్రేమను, ఆప్యాయతను పంచుతూ నాన్న బండి మీచిన్ని, నాన్న.. ఇక సెలవ్‌ద బడికి తీసుకెళ్తుంటే..టాటా చెబుతావ్‌..ఇంతలోనే ఏమైందమ్మా. ఇక మాకు మీరు కన్పించరా..అన్నట్లు ఎన్నెన్నో ప్రశ్నలు వేస్తున్నట్లు వెంకటేష్‌ దంపతుల కొడుకు, కూతురు బేల చూపులు..తల్లిదండ్రులు కానరాని తీరాలకు చేరిపోయారని తెలియని అమాయకత్వం ఆ చిన్నారుల కళ్లలో కన్పిస్తుంటే చూపరుల గుండెలు తరుక్కుపోయాయి.   తలకొరివి పెట్టిన చిన్నారి  చివరకు ఏడేళ్ల కొడుకు శరత్, తాత సత్తయ్యగౌడ్‌తో నడుస్తూ తలకొరివి పెట్టి అంత్యక్రియలు నిర్వహించాడు. తల్లిదండ్రుల రుణం తీర్చుకున్నాడు. ఈ విషాదకర ఘటనతో చౌదరిపల్లి గ్రామం గొల్లుమన్నది. ఘటనపై గౌరారం ఎస్సై వీరన్న కేసు నమోదుచేసి పోస్టుమార్టం అనంతరం దంపతుల మృతదేహాలను కుటుంబీకులకు అప్పగించారు.  పరామర్శించిన ఎఫ్‌డీసీ చైర్మన్‌ ప్రతాప్‌రెడ్డి  దంపతులు మృతి చెందిన సమాచారం తెలిసి గజ్వేల్‌ ప్రభుత్వాస్పత్రి మృతుల కుటుంబీకులను ఎఫ్‌డీసీ చైర్మన్‌ ప్రతాప్‌రెడ్డి పరామర్శించి ఓదార్చారు. ప్రగాఢ సంతాపం వ్యక్తం చేశారు. మృతిచెందిన రైతు దంపతులకు టీఆర్‌ఎస్‌ సభ్యత్వం ఉన్నందున రూ. 2 లక్షల చొప్పున పార్టీ నుంచి బీమా పరిహారం ఇప్పిస్తామన్నారు.  అన్ని విధాల ఆ కుటుంబాన్ని ఆదుకుంటామని భరోసా ఇచ్చారు. 

వర్గల్‌(గజ్వేల్‌): వ్యవసాయ బావి వద్ద సంపుహౌజ్‌లో కాళ్లు, చేతులు కడుక్కునేందుకు వెళ్లిన దంపతులు విద్యుత్‌ షాక్‌కు గురై అందులోనే పడి దుర్మరణం చెందారు. పెను విషాదం నింపిన ఈ ఘటన ఆదివారం సిద్దిపేట జిల్లా వర్గల్‌ మండలం చౌదరిపల్లిలో జరిగింది. వ్యవసాయ క్షేత్రం వద్ద బంధువులు, గ్రామస్తుల రోదనలు మిన్నంటాయి. వివరాల్లోకి వెళ్తే..వర్గల్‌ మండలం చౌదరిపల్లి గ్రామానికి చెందిన రైతు దంపతులు మానుక వెంకటేశ్‌గౌడ్‌(30), రేణుక(26)లకు తొమ్మిదేళ్ల క్రితం వివాహమైంది. వీరికి శరత్‌ (7), తనూష(4) అనే ఇద్దరు పిల్లలు ఉన్నారు. వీరికి గ్రామానికి పక్కనే వర్గల్‌ శివారులో 1.20 ఎకరాల వ్యవసాయ భూమి ఉంది. వ్యవసాయ పనులు చేసేందుకు దంపతులిద్దరూ ఆదివారం ఉదయం 7 గంటలకు మొక్కజొన్న కంకులు తెంపేందుకు వెళ్లారు. పొలానికి వెళ్లేముందు పిల్లలిద్దర్నీ వెంకటేశ్‌ తల్లికి అప్పగించారు. విక్రయానికి సరిపడా కంకులు కోసి ఆటోలో నింపి కాళ్లు, చేతులు కడుక్కునేందుకు దంపతులిద్దరూ వారి పొలంలోనే ఉన్న మోటారుపంపు దగ్గరకు వెళ్లారు. అప్పటికే మోటారు పంపు నుంచి వస్తున్న నీళ్లలో విద్యుత్‌ వస్తుండటంతో ఆవిషయం తెలియని దంపతులిద్దరూ అందులో కాలుపెట్టగానే విద్యుదాఘాతానికి గురై అక్కడికక్కడే దుర్మరణం చెందారు. నీళ్ల కోసం వచ్చిన సమీప రైతు నీళ్లలో మునిగిపోయి కన్పిస్తున్న దంపతుల మృతదేహాలను చూసి కుటుంబీకులకు సమాచారం అందించడంతో వారి తల్లిదండ్రులు, సోదరుడు, బంధుగణం, గ్రామస్తులు పెద్ద సంఖ్యలో ఘటనా స్థలికి చేరుకున్నారు. బాధిత కుటుంబాన్ని ఎఫ్‌డీసీ చైర్మన్‌ ప్రతాప్‌రెడ్డి పరామర్శించి ఓదార్చారు.

కోరుట్ల: ఇంట్లో వెలుగులు నింపే విద్యుత్‌ తీగలు ఆ కుటుంబానికి శాపంగా మారాయి. తెల్లవారకముందే ఆ తాతామనుమరాళ్ల జీవితాలు తెల్లారిపోయాయి. ట్రాన్స్‌ఫార్మర్‌ నుంచి తెగిపడిన విద్యుత్‌తీగ తగిలి ఒకే కుటుంబానికి చెందిన ఇద్దరి ప్రాణాలు గాలిలో కలిశాయి. కోరుట్ల మున్సిపాలిటీ పరిధిలోని ఎఖీన్‌పూర్‌కు చెందిన తాతమనుమరాళ్లు అందుగుల మల్లయ్య(65), మౌనిక(17) మృతి ఆ గ్రామంలో విషాదం నింపింది. పోలీసులు, గ్రామస్తులు తెలిపిన వివరాలు. ట్రాన్స్‌ఫార్మర్‌ నుంచి ఎఖీన్‌పూర్‌ గ్రామానికి విద్యుత్‌ సరఫరా చేసే విద్యుత్‌తీగ గురువారం తెల్లవారు జామున తెగి అందుగుల మల్లయ్య ఇంటి ఆవరణలో పడిపోయింది. ఆ తీగ గేదెకు తగిలి షాక్‌కొట్టడంతో అరుపులు వినిపించిన మల్లయ్య భార్య మల్లవ్వ గేదె వద్దకు వెళ్తున్న క్రమంలో చేతికి వైరు తగిలి షాక్‌కు గురైంది. గమనించిన మల్లయ్య తన భార్యను ప్రమాదం నుంచి తప్పించాడు. ఈక్రమంలో అతడి కాలుకు విద్యుత్‌తీగ తగలడంతో షాక్‌ కొట్టి అక్కడికక్కడే మృతిచెందాడు. మల్లయ్యను ప్రమాదం నుంచి తప్పించబోయిన మనుమరాలు మౌనిక కాలుకు విద్యుత్‌తీగ తగలడంతో షాక్‌తో ఆమె ప్రాణాలు కోల్పోయింది. మౌనిక కోరుట్లలోని మాస్ట్రో జూనియర్‌ కళాశాలలో ఇంటర్‌ రెండో సంవత్సరం చదువుతోంది. ఒకే కుటుంబంలోని ఇద్దరి మృతి గ్రామంలో విషాదం నింపింది. సంఘటన స్థలాన్ని పోలీసులు పరిశీలించి కేసు నమోదు చేసి దర్యాప్తు చేస్తున్నారు.  మరమ్మతులు చేయాలని ఏళ్లుగా.. ఎఖీన్‌పూర్‌ పరిధిలో విద్యుత్‌ తీగలు వేలాడుతూ ప్రమాదకరంగా ఉన్నాయని ఏళ్లుగా ట్రాన్స్‌కో అధికారులకు విన్నవించుకున్నా పట్టించుకోలేదని స్థానికులు మండిపడుతున్నారు. మరమ్మతుల గురించి అడిగితే అధికారులు నిర్లక్ష్యంగా సమాధానమిచ్చేవారని వారు ఆరోపిస్తున్నారు. ట్రాన్స్‌కో అధికారుల నిర్లక్ష్యంతోనే మల్లయ్య, మౌనిక మృతిచెందారని ఆగ్రహం వ్యక్తం చేశారు. బాధ్యులైన అధికారులపై చర్యలు తీసుకోవాలని డిమాండ్‌ చేశారు. విద్యుత్‌తీగలు మరమ్మతు చేసే వరకు బిల్లులు చెల్లించబోమని నిర్ణయించినట్లు స్థానికులు పేర్కొన్నారు.  పరామర్శించిన ఎమ్మెల్యే ఎఖీన్‌పూర్‌లో విద్యుత్‌ప్రమాదంలో ఒకే కుటుంబానికి చెందిన తాతమనుమరాళ్లు మృతిచెందడంతో బాధిత కుటుంబాన్ని కోరుట్ల ఎమ్మెల్యే విద్యాసాగర్‌రావు పరామర్శించారు. ప్రమాదం జరిగిన తీరును స్థానికులను అడిగి తెలుసుకున్నారు. బాధితులను ఓదార్చారు. 

నిజాంసాగర్‌(జుక్కల్‌): కరెంట్‌ షాక్‌తో నునావత్‌ అనిత(26) అనే గర్భిణి మృతి చెందిన సంఘటన నిజాంసాగర్‌ మండలం మల్లూరు తండాలో మంగళవారం రాత్రి చోటు చేసుకుంది. వివరాలు.. తండాకు చెందిన అనిత రోజూ మాదిరిగా మంగళవారం రాత్రి ఇంట్లో పిల్లలు, భర్తతో నిద్ర పోయారు. రాత్రి సమయంలో ఉబ్బరంగా ఉండటంతో ఫ్యాన్‌ వేసేందుకు అనిత లేచింది. స్వీచ్‌ బోర్డుపై వైర్లు తేలి ఉండటంతో ఆమెకు షాక్‌ తగిలింది. షాక్‌తో ఆమె చేతివేళ్లు కాలిపోయి, కుప్పకూలింది. ఆ అలికిడికి భర్త పిల్లలు లేచి చూసే సరికే అనిత మృతి చెందింది. ఆమె ప్రస్తుతం పంచాయతీ వార్డుసభ్యురాలు. సర్పంచ్‌ దరావత్‌ శాంతిబాయి బాబర్‌సింగ్‌ అక్కడికి చేరుకొని పోలీసులు, ట్రాన్స్‌కో అధికారులకు సమాచారం అందించారు. బుధవారం ఉదయం ట్రాన్స్‌కో అధికారులు, పోలీసులు మల్లూర్‌ తండాకు వెళ్లి సంఘటన తీరును తెలుసుకున్నారు. మీటర్‌ నుంచి స్విచ్‌ బోర్డుకు కరెంట్‌ సరఫరా అయ్యే వైర్లు తేలి ఉండటంతో ప్రమాదవశాత్తు విద్యుత్‌ షాక్‌కు గురై మృతి చెందినట్లు నిర్దారించారు. ఈ మేరకు పోలీసులు కేను నమోదు చేసుకొని మృతదేహాన్ని పోస్టుమార్టం కోసం బాన్సువాడ ఆస్పత్రికి తరలించారు. అనితకు భర్త బల్‌రాం, కూతుర్లు మీనాక్షి, వర్షిత ఉన్నారు.

ఉరవకొండ: రిక్షా తొక్కుతూ కుటుంబాన్ని పోషించుకునే అన్నదమ్ములు విద్యుదాఘాతానికి గురై మృత్యువాత పడ్డారు. ఈ విషాద ఘటన అనంతపురం జిల్లా ఉరవకొండ పట్టణంలో మంగళవారం చోటుచేసుకుంది. పోలీసులు, మృతుల కుటుంబ సభ్యులు తెలిపిన వివరాల ప్రకారం..   ► స్థానిక బాలాజీ థియేటర్‌ ఎదురుగా ఎస్సీ కాలనీలో నివసిస్తున్న అన్నదమ్ములు రమేష్‌ (55), మల్లేష్‌ (52) రిక్షా తొక్కుతూ కుటుంబాలను పోషించుకుంటున్నారు.  ► సోమవారం రాత్రి కురిసిన భారీ వర్షానికి రమేష్‌ ఇంటికి సంబంధించిన విద్యుత్‌ సర్వీసు వైరు తెగిపోయి పక్కనే ఉన్న నీళ్ల ట్యాంకు కంచెపై పడింది.  ► ఉదయం కాలకృత్యాలు తీర్చుకునేందుకు వెళ్లిన రమేష్‌ ట్యాంకు వద్ద ఉన్న కంచెను ముట్టుకున్నాడు. దీంతో ఒక్కసారిగా షాక్‌ కొట్టి అక్కడికక్కడే కుప్పకూలాడు.  ► అన్న కింద పడటం గమనించిన తమ్ముడు మల్లేష్‌ పరుగెత్తుకుని వెళ్లి కాపాడేందుకు యత్నించాడు. ఈ క్రమంలో మల్లేష్‌ కూడా విద్యుదాఘాతానికి గురై కుప్పకూలాడు.   ► కొద్ది సేపటి తర్వాత గమనించిన కుటుంబ సభ్యులు వారిని స్థానిక ప్రభుత్వ ఆస్పత్రికి తీసుకెళ్లగా అప్పటికే మృతి చెందినట్లు వైద్యులు నిర్ధారించారు.  ► విద్యుత్‌ శాఖ అధికారుల నిర్లక్ష్యమే దీనికి కారణమంటూ కుటుంబ సభ్యులు ఆసుపత్రి ఎదుట మృతదేహాలతో నిరసనకు దిగారు.   ► అధికారులతో మాట్లాడి ప్రభుత్వం నుంచి సహాయం అందేలా చూస్తామని ఎస్‌ఐ హామీ ఇవ్వడంతో ఆందోళన విరమించారు.  ► పోలీసులు కేసు నమోదు చేసి మృతదేహాలను పోస్టుమార్టానికి తరలించారు.  ► రమేష్‌కు భార్య రాధమ్మ, ముగ్గురు కుమారులు, ఒక కుమార్తె ఉన్నారు. మల్లేష్‌కు భార్య తిప్పమ్మ, ముగ్గురు కుమార్తెలు, ఒక కొడుకు ఉన్నారు. 

వనపర్తి రూరల్‌: వనపర్తి జిల్లా కడుకుంట్ల గ్రామంలో విద్యుత్‌ షాక్‌తో ఓ వ్యక్తి మృతి చెందాడు. వివరాలిలా ఉన్నాయి.. వనపర్తి మండంలోని కడుకుంట్లలో ఆంజనేయులు అనే రైతు సోమవారం ఉదయం గ్రామ శివారులోని తన పొలంలో మోటర్‌కు విద్యుత్‌ కనెక్షన్‌ ఇవ్వాలని కోరడంతో స్థానికంగా హౌస్‌వైరింగ్, ప్లంబింగ్‌ పనిచేసే వారాల వెంకటేశ్వర్లు (48) సమీపంలోని ట్రాన్స్‌ఫార్మర్‌ వద్ద విద్యుత్‌ సరఫరాను నిలిపివేసి స్తంభం ఎక్కాడు. అయితే ఈ స్తంభానికి మరో ట్రాన్స్‌ఫార్మర్‌ నుంచి విద్యుత్‌ సరఫరా అవుతున్న విషయం తెలియక వెంకటేశ్వర్లు, కనెక్షన్‌ ఇచ్చే ప్రయత్నంలో షాక్‌కు గురై అక్కడికక్కడే మృతి చెందాడు. సమీపంలో పనిచేస్తున్న ఉపాధి కూలీలు ఇది గమనించి వెంటనే అధికారులకు సమాచారం ఇచ్చారు. సంఘటన స్థలానికి చేరుకున్న అధికారులు మృతదేహాన్ని కిందకు దించి జిల్లా ఆస్పత్రికి తరలించారు. మృతుడి భార్య లావణ్య ఫిర్యాదు మేరకు రూరల్‌ ఎస్‌ఐ షేక్‌షఫీ కేసు దర్యాప్తు చేస్తున్నారు. కాగా, గతంలో వెంకటేశ్వర్లుతోనే స్థానిక లైన్‌మాన్‌ అశోక్‌ చాలాసార్లు స్తంభాలను ఎక్కించి విద్యుత్‌ పనులు చేయించినట్టు గ్రామస్తులు తెలిపారు. దీనిపై లైన్‌మాన్‌ అశోక్‌ను వివరణ కోరగా.. తనకు సమాచారం ఇవ్వకుండా స్తంభం ఎక్కడంతోనే ఈ సంఘటన చోటుచేసుకుందన్నారు. 

గజ్వేల్‌: విద్యుత్‌ షాక్‌ ఆమెకు అంతులేని విషాదాన్ని మిగిల్చింది. చేతులు, కాళ్లను కోల్పోవాల్సిన దయనీయ స్థితిని కల్పించింది. ఇన్‌ఫెక్షన్‌ పెరిగిపోవడంతో అవయవాలను తొలగించక తప్పని పరిస్థితి నెలకొన్నది. వివరాలిలా ఉన్నాయి... దౌల్తాబాద్‌ మండలం దొమ్మాట గ్రామానికి చెందిన అంగన్‌వాడీ ఆయా కరికె కళావతి జూన్‌ 2న తెలంగాణ ఆవిర్భావ దినోత్సవం సంబరాల్లో అపశృతి చోటు చేసుకొని విద్యుత్‌షాక్‌తో తీవ్రగాయాల పాలైన సంగతి తెలిసిందే. ఈ ఘటనలో మరో వ్యక్తి ప్రాణాలను కోల్పోయాడు. ఆందోళనకరమైన పరిస్థితిలో ఉన్న కళావతిని హైదరాబాద్‌లోని పలు ప్రైవేటు ఆసుపత్రులకు తరలించగా... సరైన వైద్యం అందించలేమని చేతులెత్తేయడంతో తిరిగి గజ్వేల్‌కు తెచ్చారు. గత వారం రోజులుగా ఆమె గజ్వేల్‌లోని జిల్లా ఆసుపత్రిలో చికిత్స పొందుతోంది. కళావతి దయనీయ పరిస్థితిని తెలుసుకున్న మంత్రి హరీశ్‌రావు ఈనెల 7న స్వయంగా ఆసుపత్రిని సందర్శించి కళావతి పరిస్థితిని పరిశీలించి చలించిపోయారు. తక్షణ సాయం కింద రూ. 50వేలు అందించడమేగాకుండా ఆమెను కాపాడడానికి అవసరమైన శస్త్ర చికిత్సలు చేయాలని ఆసుపత్రి సూపరింటెండెంట్‌ మహేష్‌ను ఆదేశించారు. అంతేగాకుండా ఆమెకు జీవితకాలం ప్రభుత్వ వేతనం అందేలా చూస్తానని, ఆమె అవసరాల కోసం అవసరమైన నగదును కూడా వ్యక్తిగత ఖాతాలో జమచేస్తానని హామీ ఇచ్చిన సంగతి విధితమే. ఈ క్రమంలోనే బుధవారం కళావతి విద్యుత్‌షాక్‌కు గురైన చేతులు, కాళ్లలో రక్త ప్రసరణ అగిపోవడమేగాకుండా ఇన్‌ఫెక్షన్‌ పెరిగిపోయింది. దీని వల్ల ప్రాణానికే ప్రమాదమని గుర్తించిన వైద్యులు శస్త్ర చికిత్స చేశారు. ఈ సందర్భంగా మోకాళ్ల కింది వరకు రెండు కాళ్లను, మోచేతి కిందికి ఎడమ చేయిని, మోచితిపైకి కుడి చెయ్యిని తొలగించారు. ప్రస్తుతం ఆమె ఆరోగ్యపరిస్థితి నిలకడగా ఉందని ఆసుపత్రి సూపరింటెండెంట్‌ మహేష్‌ తెలిపారు. ఈ అరుదైన శస్త్రచికిత్సలో ముగ్గురు ఆర్థోపెడిషియన్లు, ముగ్గురు మత్తు మందు డాక్టర్లు, ఒక సర్జన్, ఐదుగురు స్టాఫ్‌ నర్సులు, ఇద్దరు థియేటర్‌ అసిస్టెంట్లు, ఇతర సిబ్బంది పాల్గొని విజయవంతంగా పూర్తి చేశారని తెలిపారు. కళావతికి జరిగిన శస్త్ర చికిత్స తన కేరీర్‌లోనే అరుదైనదిగా డాక్టర్‌ మహేష్‌ అభివర్ణించారు. మరో పదిహేను రోజుల పాటు ఇక్కడే కళావతి తమ పరిశీలనలో ఉంటుందని పేర్కొన్నారు. 

వర్గల్‌ (గజ్వేల్‌): విద్యుత్‌ షాక్‌ ఓ రైతు కుటుంబంలో పెనువిషాదం నింపింది. తండ్రి దుర్మరణం చెందగా, కొడుకు తీవ్ర గాయాలతో బ్రెయిన్‌ డెడ్‌ అయ్యాడు. సిద్దిపేట జిల్లా వర్గల్‌ మండలం రాంసాగర్‌పల్లిలో శుక్రవారం ఈ విషాదకర ఘటన జరిగింది. ఈ ఘటనకు సంబంధించి వివరాలిలా ఉన్నాయి.. వర్గల్‌ మండలం నెంటూరు గ్రామపంచాయతీ పరిధిలోని రాంసాగర్‌పల్లికి చెందిన రైతు కిచ్చుగారి సత్తయ్య(65)కు భార్య లక్ష్మి, వీరికి రెండెకరాల లోపు సాగు భూమి ఉన్నది. శుక్రవారం సత్తయ్య తన పెద్ద కొడుకు నర్సింహులు(35)తో కలసి వ్యవ సాయ బోరు వద్ద సర్వీసు వైరు మార్పిడి చేసేందుకు వెళ్లాడు. స్తంభం నుంచి బోరు బావికి సర్వీసు వైరు మార్పిడి చేసుకుంటున్న విషయాన్ని నర్సింహులు అక్కడి లైన్‌మన్‌ బాలరాజుకు ఫోన్‌ లో వివరించి కరెంటు సరఫరా నిలిపేయాలని కోరాడు. లైన్‌మెన్‌ సరేననడంతో కరెంటు నిలిపేశారనే ధైర్యంతో బోరుబావి వద్ద విద్యుత్‌ స్తంభం ఎక్కిన నర్సింహులు, సర్వీసు వైరు బిగించే పనిలో నిమగ్నమయ్యాడు. వైరు రెండో కొనను తండ్రి సత్తయ్య పట్టుకుని చూస్తున్నాడు. అంతలోనే విద్యుత్‌ సరఫరా జరగడంతో తండ్రీ కొడుకులు విద్యుత్‌షాక్‌కు గురయ్యారు. గాయపడిన తండ్రి సత్తయ్య ఆస్పత్రికి తరలిస్తుండగా మృతిచెందాడు. స్తంభంపై నుంచి కిందపడి గాయాలపాలైన కొడుకు నర్సింహులను చికిత్స కోసం గజ్వేల్‌ కు ఆ తరువాత హైదరాబాద్‌లోని ఓ ప్రైవేటు ఆస్పత్రికి తరలించారు. నర్సింహులు బ్రెయిన్‌ డెడ్‌ అయినట్లు వైద్యులు చెప్పినట్లు గ్రామ స్తులు వివరించారు. లైన్‌ క్లియర్‌ (ఎల్‌సీ) ఇ చ్చిన లైన్‌మన్‌ బాల్‌రాజు నిర్లక్ష్యమే సత్తయ్య ఉసురు తీసిందని ఆగ్రహం వ్యక్తం చేస్తూ గ్రామస్తులు మజీద్‌పల్లి సబ్‌స్టేషన్‌ వద్ద రహదారిపై బైఠాయించారు. దీంతో డిపార్ట్‌మెంట్‌ తరఫున రూ. 5 లక్షల చొప్పున పరిహారం ఇస్తామని మధ్యవర్తులు నచ్చచెప్పడంతో గ్రామస్తులు ఆందోళన విరమించారు.

సాక్షి, నిజామాబాద్: డిచ్‌పల్లి మండలం మిట్టాపల్లిలో విషాదం చోటుచేసుకుంది. ఓ ఫాంహౌస్‌లో ప్రమాదవశాత్తు కరెంటుషాక్‌తో దంపతులు మృతి చెందారు. మృతులు కామారెడ్డి జిల్లా నసురుల్లాబాద్‌ మండలం బొప్పాస్‌పల్లికి చెందిన ధరావత్ శంకర్, మరోని బాయిగా గుర్తించారు.

కర్నూలు ,ఆదోని: ఎమ్మిగనూరు సమీపంలోని బనవాసి బాలికల గురుకుల పాఠశాల హాస్టల్లో సోమవారం దారుణం చోటు చేసుకుంది. తొమ్మిదో తరగతి విద్యార్థిని మల్లేశ్వరి నిద్రిస్తున్న మంచానికివిద్యుత్‌ సరఫరా కావడంతో ఆమె షాక్‌కు గురైంది. చెయ్యి, వీపు, కాళ్లకు తీవ్ర గాయాలయ్యాయి. తెల్లవారుజామున మూడు గంటల సమయంలో ఈ ఘటన జరిగింది. అయితే విషయం బయటకు పొక్కకుండా పాఠశాల నిర్వాహకులు గోప్యంగా ఉంచారు. ఘటన జరిగిన వెంటనే ప్రిన్సిపాల్‌ సజిదాబేగం  అదే గ్రామంలో ఉండే విద్యార్థిని తల్లిదండ్రులు జయలక్ష్మి, నాగేంద్రప్పలకు సమాచారం అందించి.. ఎమ్మిగనూరు ప్రభుత్వాస్పత్రికి తరలించారు. అక్కడి నుంచి ఆదోనిలోని ఓ ప్రైవేటు ఆసుపత్రికి తీసుకొచ్చారు. ప్రథమ చికిత్స తరువాత మెరుగైన వైద్యం కోసం కర్నూలు పెద్దాసుపత్రికి రెఫర్‌ చేశారు. హాస్టలులో పర్యవేక్షణ కొరవడడం వల్లే ఈ ఘటన చోటుచేసుకున్నట్లు విమర్శలున్నాయి. ఈ విషయమై ప్రిన్సిపాల్‌ వివరణ కోరేందుకు ఫోన్‌లో సంప్రదించగా.. ఆమె స్పందించలేదు.

బంజారాహిల్స్‌: క్రికెట్‌ ఆడాలని బంతులు తెచ్చుకునేందుకు టెన్నిస్‌ బాల్‌కోర్టులోకి దూకిన ఓ బాలు డు వాటిని తీసుకుని గోడదూకి వచ్చే క్రమంలో ట్రాన్స్‌ఫార్మర్‌ను తాకి విద్యుదాఘాతానికి గురై మృత్యువాతపడిన ఘటన బంజారాహిల్స్‌ పోలీస్‌ స్టేషన్‌ పరిధిలో చోటు చేసుకుంది. జూబ్లీహిల్స్‌ డివిజన్‌ ఫిలింనగర్‌లోని దుర్గా భవానీనగర్‌లో నివాసం ఉండే యాదమ్మ, శేఖర్‌ల కుమారుడు మంజరి అఖిల్‌ (12)  6వ తరగతి చదువుతున్నాడు. ఆదివారం బడి లేకపోవడంతో తోటి స్నేహితులతో కలిసి ఉదయం క్రికెట్‌ ఆడుతుండగా బంతి పోగొట్టుకున్నాడు. దీంతో పక్కనే ఉన్న ఎఫ్‌ఎన్‌సీసీ టెన్నిస్‌ కోర్టులో వృథాగా పడి ఉన్న టెన్నిస్‌ బంతులను తెచ్చుకుందామని గోడదూకి వెళ్లాడు. మాగంటి కాలనీని ఆనుకొని ఉన్న ఫిలింనగర్‌ కల్చరల్‌ సెంటర్‌ టెన్నిస్‌ కోర్టులో నిత్యం టెన్నిస్‌ ఆడుతుం టారు. ఆట పూర్తయిన తర్వాత ఆ బంతులను బుట్టలో వేస్తుంటారు. అది తెలిసిన అఖిల్‌ ఎమ్మార్సీ కాలనీ వైపునున్న ఎత్తైన గోడను ఎక్కి ట్రాన్స్‌ఫార్మర్‌ పక్క నుంచి లోపలికి వెళ్లి బంతులను తెచ్చే క్రమంలో గోడ దూకడానికి యత్నించాడు. పక్కనే ఉన్న ట్రాన్స్‌ఫార్మర్‌ను తాకడంతో విద్యుదాఘాతానికి గురై అక్కడే కుప్పకూలిపోయాడు.  బంజారాహిల్స్‌ పోలీసులు కేసు నమోదు చేసుకొని దర్యాప్తు చేస్తున్నారు.

శ్రీకాకుళం, కొత్తూరు: నూతన సంవత్సరాన్ని ఎంతో సందడిగా గడపాల్సిన ఆ ఇంటిలో తీవ్ర విషాదం నెలకొంది. మండలంలోని అడ్డంగి గిరిజన గ్రామానికి చెందిన సవర రాజారావు (28) మంగళవారం విద్యుత్‌ షాక్‌ గురై మృతి చెందాడు. చిన్నతనంలోనే తల్లిదండ్రులను కోల్పోయిన రాజారావు తన ఇద్దరు తమ్ముళ్లు, చెల్లిని పోషించుకుంటూ వస్తున్నాడు. రాజారావు విద్యుత్‌ షాక్‌కు గురికావడంతో ఆ కుటుంబం వీధిన పడింది. అడ్డంగి గ్రామానికి రెండు రోజుల నుంచి విద్యుత్‌ సరఫరా నిలిచిపోవడంతో ట్రాన్స్‌కో సిబ్బందికి గ్రామస్తులు ఫిర్యాదు చేశారు. విద్యుత్‌ వైర్లకు తగిలి ఉన్న చెట్ల కొమ్మలను తొలగించాలని ట్రాన్స్‌కో సిబ్బంది గిరిజనులకు సూచించారు. ఈ మేరకు గ్రామానికి చెందిన నలుగురు గిరిజన యువకులు విద్యుత్‌ వైర్లకు తగిలి ఉన్న చెట్ల కొమ్మలు తొలగించేందుకు బయలుదేరి వెళ్లారు. విద్యుత్‌ సరఫరాను సిబ్బంది నిలిపివేశారనే భావనతో రాజారావు వైరకు ఆనుకొని ఉన్న జీడి చెట్ల కొమ్మలను తొలగించే ప్రయత్నం చేశాడు. ఇంతలో షాక్‌కు గురై అక్కడకక్కడే మృతి చెందాడు. వీఆర్‌వో జి.రమేష్‌ ఇచ్చిన ఫిర్యాదు మేరకు ఏఎస్‌ఐ బి.సింహద్రి కేసు నమోదు చేశారు. మృతదేహాన్ని పోస్టుమార్టం నిమిత్తం పాలకొండ ఏరియా ఆస్పత్రికి తరలించినట్లు పోలీసులు తెలిపారు. రాజారావు (అవివాహితుడు) మృతి చెందడంతో గ్రామంలో విషాదం అలుముకుంది. కుటుంబాన్ని పోషిస్తున్న అన్నయ్య మృతి చెందడంతో చెల్లి, తమ్ముళ్ల రోదనలు మిన్నంటాయి.

సాక్షి, పరిగి: వికారాబాద్‌ జిల్లాలో విషాదం చోటుచేసుకుంది. విద్యుత్‌ షాక్‌ గురై బాలుడు మృతి చెందిన ఘటన పరిగి మండలం బాహర్పేటలో జరిగింది. ఆదివారం సెలవు దినం కావడంతో ఎంతో సంతోషంగా ఇద్దరు బాలురు గాలిపటం ఎగరవేయడానికి భవనంపైకి వెళ్ళారు. గాలిపటం కరెంట్‌ వైర్లకు చిక్కుకోవడంతో.. పైపు గొట్టంతో తీయడానికి బాలుడు ప్రయత్నించగా విద్యుత్‌ షాక్‌ తగిలి అక్కడికక్కడే మృతి చెందాడు. మరో బాలుడి చేతికి షాక్‌ తగలడంతో తీవ్రం గాయపడ్డాడు. బాలుడిని పరిగి ప్రభుత్వాసుపత్రికి తరలించారు. తీవ్రమైన శబ్దంతో కరెంట్ వైర్లు తెగిపడి కింద మరో వ్యక్తికి మీద పడ్డాయి. ఘటనతో స్థానికులు భయాందోళనలకు గురయ్యారు.

సాక్షి, రామాయంపేట(మెదక్‌): పంటచేను చుట్టూ పెట్టిన కరెంటువైర్లు తగిలి ఒక వ్యక్తి మృతిచెందగా, ఈసంఘటనను ఆత్మహత్యగా చిత్రీకరించడానికి విఫలయత్నంచేసిన కొందరు మృతదేహాన్ని ఒక రోజు దాచిఉంచిన తరువాత పధకం ప్రకారం చెరువులో పడవేశారు. సరిగా ఈ సంఘటన జరిగిన 9 రోజుల తరువాత అసలు విషయం ఆదివారం వెలుగులోకి వచ్చింది.  చెరువులో మృతదేహం లభ్యం..  మృతుని కుటుంబ సభ్యులు, పోలీసులు తెలిపిన వివరాలు ఇలా ఉన్నాయి. మండలంలోని కిషన్‌ తండా పంచాయతీ పరిధిలోని లాక్యతండాకు చెందిన చౌహాప్‌  బుచ్యానాయక్‌ (55) ఈనెల ఒకటిన ఇంటి నుంచి వెళ్లి తిరిగి రాలేదు. 3వ తేదీన అతని మృతదేహాం ఘన్‌పూర్‌ మండలంలోని బ్యాతోల్‌ తిమ్మాయపల్లి శివారులో ఉన్న చెరువులో లభ్యమైంది. మృతుని రెండుకాళ్లకు కరెంటుషాకుతో గాయాలుకాగా, ఈవిషయమై తండాగిరిజనులు అనమానం వ్యక్తంచేశారు.  కీలకమైన సీసీ ఫుటేజ్‌ ఆధారం..  కరెంటుషాకుతో మృతిచెందిన బుచ్యానాయక్‌ మృతదేహాన్ని చెరువులో వేశారని ఆరోజే మృతుని కుటుంబసభ్యులు ఆరోపించారు. ఒకటిన రాత్రి బుచ్యానాయక్‌ కాట్రియాల గ్రామంలో ఆటోదిగి తన స్వగ్రామానికి కాలినడకన వెళ్లినట్లు గ్రామంలోని సీసీ పుటేజీతో నిక్షిప్తమైంది. దీనిని పరిశీలించిన మృతుని కుటుంబసభ్యులు ఈవిషయమై పోలీసులకు సమాచారం అందజేశారు. కాట్రియాల నుంచి మృతుడు నివాసం ఉంటున్న లాక్యతండాకు మధ్య దారిలో పరిశీలిస్తూ వెళ్లిన తండావాసులకు ఒకచోట అనుమానాస్పదంగా అగుపించింది. పంటచేను చుట్టూ కరెంటు కనెక్షన్‌ ఉండటంతోపాటు నేలపై పచ్చిగడ్డి చిందరవందరగా మారడంతో వారు అనుమానంతో ఆపంటచేనును ఖాస్తు చేస్తున్న వారిని ప్రశ్నించగా, వారు తప్పును అంగీకరించారు. ఒకటిన రాత్రి ఇదే స్థలంలో బుచ్యానాయక్‌ కరెంటుషాకుతో మృతిచెందగా, ఒకరోజు మృతదేహాన్ని ఇక్కడే దాచి ఉంచిన అనంతరం కారులో తీసుకెళ్లి బ్యాతోల్‌ తిమ్మాయపల్లి చెరువులో పడవేసినట్లు వారు అంగీకరంచారు. ఈ మేరకు వారిని ఇద్దరిని కస్టడీలోకి తీసుకున్న పోలీసులు కేసు దర్యాప్తు చేస్తున్నారు. ఈ విషయమై తండాలో సంచలనంగా మారింది. మృతునికి ఇద్దరు బార్యలతోపాటు ముగ్గురు సంతానం ఉన్నారు. 

చిత్తూరు, గుడుపల్లె : కరెంటు షాక్‌కు గురై యువతి మృతి చెందిన సంఘటన గురువారం సాయంత్రం మండలంలోని అగరం జ్యోగిండ్లులో చోటుచేసుకుంది. వివరాలు..గ్రామానికి చెందిన సరోజ(19) కరెంటు స్తంభానికి కట్టిన కమ్మీలపై దుస్తులు ఆరవేస్తుండగా కరెంట్‌ షాక్‌కు గురై పడిపోయింది. హుటాహుటిన ఆమెను ఆస్పత్రికి తరలిస్తుండగా మార్గమధ్యంలో మృతి చెందింది. ఎలుకలే ఆమె మృతికి కారణమయ్యాయని పరిశీలనతో తేలింది. అసలేం జరిగిందంటే..కరెంటు స్తంభానికి అమర్చిన స్విచ్‌ బాక్సులోని తీగలను ఎలుకలు ఇష్టానుసారంగా కొరికివేశాయి. దీంతో ఆ స్తంభానికి కరెంటు సరఫరా అవుతున్నా ఎవరూ గుర్తించలేదు. ఈ నేపథ్యంలో ఉతికిన దుస్తులు అక్కడి కమ్మీపై సరోజ ఆరవేస్తున్న సమయంలో స్తంభం నుంచి కమ్మీలోకి సైతం కరెంటు సరఫరా కావడంతో షాక్‌ కొట్టి, మృత్యువాత పడింది.

సాక్షి, సీతంపేట: ఉదయాన్నే స్కూల్‌కి వెళ్లింది..సాయంత్రం స్కూల్‌ విడిచిపెట్టిన తర్వాత ఇంటికి వచ్చింది. ఇంటిలో కొంత సమయం ఉండి తోటి స్నేహితులతో ఆడుకునేందుకు బయటకు వెళ్లింది. అంతలోనే విద్యుత్‌ షాక్‌కు గురై మృతి చెందింది. ఇక ఆ ఇంటిలో చిన్నారి ముద్దులొలికే మాటలు, పట్టీల చప్పుడు ఉండదని తెలియడంతో తల్లిదండ్రులు రోదనలు మిన్నంటాయి. మండలంలోని దేవనాపురం గ్రామానికి చెందిన కుండంగి శరణ్య (8) గిరిజన బాలిక విద్యుదాఘాతానికి బలైంది. గ్రామస్తులు తెలిపిన వివరాల ప్రకారం.. మంగళవారం రాత్రి ఇంటి బయట తోటి చిన్నారులతో ఆడుకుంటూ గ్రామంలో కొండగొర్రి చొక్కారావు ఇంటిపైకి మెట్లు ఎక్కుతుండగా దగ్గర్లో ఉన్న విద్యుత్‌ వైరు తగిలి కొంతదూరం తుళ్లి పోయింది. అపస్మారక స్థితిలో ఉన్న బాలికను సీతంపేట సీహెచ్‌సీకి తరలించినప్పటకీ ఫలితం లేకపోయింది. చికిత్స పొందుతూ మృతి చెందింది. రెప్పపాటులో జరిగిన ఈ సంఘటనను చూసి తల్లిదండ్రులు నాగభూషణరావు, కృష్ణవేణిలు గుండెలవిసేలా రోదించారు. గ్రామంలోని ప్రభుత్వ పాఠశాలలో మూడో తరగతి చదువుతుంది. చిన్నారి శరణ్యకు సోదరుడు, సోదరి ఉన్నారు. తల్లిదండ్రులు వ్యవసాయ కూలీలు. బాలిక మృతిపై కేసు నమోదు చేసినట్టు ఎస్‌ఐ బి.హైమావతి తెలిపారు. మృతదేహాన్ని పోస్టుమార్టం నిమిత్తం పాలకొండ ఏరియా ఆస్పత్రికి తరలించినట్టు తెలిపారు. కేసు నమోదు చేసి దర్యాప్తు చేస్తున్నామన్నారు.  

సాక్షి, పాలకొండ : విధుల్లో చేరిన కొద్ది రోజుల్లోనే ఆ యువకుడు విధి చేతిలో ఓడిపోయాడు. ఆ కుటుంబ ఇంకా ఆనందం నుంచి తేరుకోక ముందే తీవ్ర విషాదం నెలకొంది. పేద కుటుంబంలో పుట్టిన ఆ యువకుడు తల్లిదండ్రులకు చేదోడుగా ఉండేవాడు. ప్రతి ఒక్కరికి సహాయం అందించే వ్యక్తి రెప్పపాటులో విగతజీవిగా మారడంతో గ్రామంలో విషాదం అలముకుంది. మండలంలోని నవగాం గ్రామానికి చెందిన బెహరా రమేష్‌ (35) గ్రామంలో ఒప్పంద పద్ధతిలో విద్యుత్‌ శాఖలో షిఫ్ట్‌ ఆపరేటర్‌గా పనిచేసేవాడు. ఇటీవల ప్రభుత్వం చేపట్టిన సచివాలయ ఉద్యోగాల నియమాకంలో జూనియర్‌ లైన్‌మన్‌గా ఉద్యోగం పొందాడు. వంగర మండలంలో ఇటీవల విధుల్లో చేరాడు. ఆదివారం సెలవు కావడంతో ఇంటిలోనే ఉన్నాడు. మధ్యాహ్న సమయంలో పక్క ఇంటిలో విద్యుత్‌ రావడం లేదని పిలవడంతో పరిశీలించడానికి వెళ్లాడు. ఈ సమయంలో విద్యుత్‌ బోర్డు తగిలి షాక్‌కు గురయ్యాడు. వెంటనే స్థానికులు పాలకొండ ఏరియా ఆస్పత్రికి తీసుకువెళ్లారు. అక్కడి వైద్యులు రమేష్‌ను పరిశీలించి అప్పటికే మృతిచెందినట్లు ధ్రువీకరించారు. మృతునికి భార్య, ఉషారాణి, ఎనిమిది నెలల పాప, తల్లిదండ్రులు ఉన్నారు.   రమేష్‌ గ్రామంలో అందరికీ అందుబాటులో ఉండేవాడని, ఎవరి ఇంటిలో విద్యుత్‌ సమస్య వచ్చినా తక్షణం స్పందించేవాడని గ్రామస్తులు చెబుతున్నారు. డబ్బులు కూడా తీసుకోకుండా సాయం అందించేవాడన్నారు. భర్త మృతిచెందిన విషయం తెలుసుకున్న భార్య ఉషారాణి బోరున విలపించింది. ఉద్యోగం వచ్చిన ఆనందం ఎన్నో రోజులు నిలవలేదని తమకు ఇక దిక్కెవరంటూ తల్లిదండ్రులు, కుటుంబ సభ్యులు రోదించారు.  

సాక్షి, వెల్దుర్తి: చాలా రోజులుగా వర్షాలు కురుస్తుండడంతో పోలేరమ్మ కనికరించిందని కుంకుమ బండి కట్టారు. ప్రభలను రంగురంగుల విద్యుత్‌ దీపాలతో సుందరంగా అలకరించారు. ఒకరిపై ఒకరు కుంకుమ చల్లుకుంటూ ఆనందంగా ఊరేగింపు నిర్వహిస్తున్నారు. వీరి సంతోషాన్ని విద్యుత్‌ కాటు విషాదంగా మార్చింది. ముగ్గురిని బలి తీసుకుని గ్రామాన్ని శోకసంద్రంలో ముంచేసింది. మండలంలోని ఉప్పలపాడులో ఆదివారం అర్ధరాత్రి ఈ విషాద ఘటన చోటుచేసుకుంది. వివరాల ప్రకారం.. గ్రామంలో పోలేరమ్మ జాతర నిర్వహిస్తున్నారు. ఈ సమయంలో కుంకుమ బండిపై విద్యుత్‌ ప్రభను ఊరేగిస్తున్నారు. అర్ధరాత్రి కుంకుమ బండికి 11 కేవీ విద్యుత్‌ వైర్లు తాకటంతో ఒక్కసారిగా ప్రభకు సరఫరా జరిగింది. దీంతో ఇనప బండిని పట్టుకున్న చరకా గాలయ్య (50), కామినేని వెంకటేశ్వర్లు (52), కాకునూరి సత్యనారాయణ (24) విద్యుత్‌ షాక్‌కు గురై అక్కడికక్కడే మృతి చెందారు. బండిని పట్టుకున్న మాజీ సర్పంచ్‌ పోలగాని సైదులు, పోతునూరి గోవిందు, బాలబోయిన వీరాంజనేయులు, పలస బ్రహ్మయ్య తీవ్రంగా గాయపడ్డారు. బండి చుట్టూ ఉన్న మరో 10 మందికి స్వల్పగాయాలయ్యాయి. పోలేరమ్మ బండిని పక్కకు జరిపేందుకు ప్రయత్నిస్తున్న సమయంలో ఒక వైపు ఒరిగి 11 కేవీ విద్యుత్‌ తీగకు తగిలింది. అప్పటి వరకు జనరేటర్‌పై విద్యుత్‌ దీపాలు వెలుగుతుండటం, అకస్మాత్తుగా ప్రభ విద్యుత్‌ తీగలపై ఒరగటంతో ఒక్కసారిగా మంటలు చెలరేగాయి. జనరేటర్‌ పెద్ద శబ్దంతో పేలిపోయింది. విద్యుత్‌ ప్రభపై ఉన్న ఐదుగురు కార్మికులు కిందకు దూకి తమ ప్రాణాలను కాపాడుకున్నారు. చాలా మంది ఊరేగింపునకు చెప్పులు లేకుండానే వచ్చారు. రోడ్డుపై తడి ఉండటంతో ఎక్కువ మంది కరెంట్‌ షాక్‌కు గురయ్యారు. గాయపడిన వారిని మాచర్ల ప్రభుత్వ వైద్యశాలకు తరలించి ప్రథమ చికిత్స అనంతరం మెరుగైన వైద్యం కోసం గుంటూరుకు తీసుకెళ్లారు. విషయం తెలుసుకున్న ఎస్‌ఐ కలగయ్య సంఘటన స్థలానికి చేరుకొని ఉన్నతాధికారులకు సమాచారం అందించారు. గురజాల డీఎస్పీ శ్రీహరిబాబు, మాచర్ల రూరల్‌ సీఐ భక్తవత్సలరెడ్డి సంఘటన స్థలానికి చేరుకొని మృతదేహాలను పోస్టుమార్టం నిమిత్తం మాచర్ల ప్రభుత్వ వైద్యశాలకు తరలించారు. ఈ మేరకు కేసు దర్యాప్తు చేస్తున్నారు. గ్రామమంతా రోదనలే.. మృతి చెందిన కామినేని వెంకటేశ్వర్లు భార్య నారమ్మ, వారి బంధువులు, చరకా గాలయ్య భార్య గురవమ్మ, కాకునూరి సత్యనారాయణ తల్లి అరుణ, తీవ్రంగా గాయపడిన వారి బంధువులు ప్రభుత్వ వైద్యశాలలో కన్నీరుమున్నీరుగా విలపించారు. నాయకుల పరామర్శ మాచర్ల: స్థానిక ప్రభుత్వ వైద్యశాలలో ఉన్న మృతదేహాలకు శుక్రవారం వైఎస్సార్‌ సీపీ రాష్ట్ర యువజన ప్రధాన కార్యదర్శి పిన్నెల్లి వెంకటరామిరెడ్డి నివాళులర్పించారు. బాధిత కుటుంబాలను పరామర్శించి ప్రభుత్వం ఆదుకుంటుందని చెప్పారు.  

సాక్షి, నిర్మల్‌ : మండలంలోని కిషన్‌రావుపేట గ్రామపంచాయతీ పరిధిలోని చెరువుముందు తండాకు చెందిన రాథోడ్‌ లావణ్య (22), గజానంద్‌కు ఏడాదిన్నర కిందట పెళ్లైంది. ప్రస్తుతం ఎనిమిది నెలల గర్భవతి. వ్యవసాయ కుటుంబం కావడంతో లావణ్య వ్యవసాయ పనులు చూస్తూ కుటుంబానికి ఆసరాగా ఉంటుంది. బుధవారం గ్రామ శివారులోని తమ పంట చేనులోకి బుధవారం ఉదయం 10 గంటలకు లావణ్య తన మామతో కలిసి వ్యవసాయ పనులకు వెళ్లింది. పనులు ముగించుకుని సాయంత్రం ఇంటికి వస్తుండగా దారిలో కాల్వ ఉండటంతో పక్కనే వ్యవసాయ పంట చేనులోని గట్టు నుంచి వెళ్తుండగా ఇదే గ్రామానికి చెందిన చౌహాన్‌ గోపి అనే రైతు మొక్కజొన్న పంట చేనుకు రక్షణగా విద్యుత్‌ తీగలను ఏర్పాటు చేశాడు. ఆ వైపుగా వచ్చిన లావణ్య గమనించక విద్యుత్‌ వైర్లను తగలగంతో అక్కడికక్కడే మృతి చెందింది. పంటచేను వద్దే ఉందనుకున్న భర్త... బుధవారం రాత్రి వర్షం ఉండటంతో లావణ్య పంటచేనులోనే ఉందని భర్త గజానంద్‌ భావించాడు. గురువారం ఉదయం పంటచేనుకు వెళ్లి తన తండ్రిని తెలుసుకోగా బుధవారం సాయంత్రమే కోడలు ఇంటికి వెళ్లిందని తెలిపాడు. దీంతో లావణ్య కోసం వెతకడం ప్రారంభించగా మృతిచెంది విగతజీవిగా కనిపించింది. దీంతో స్థానికులు పోలీసులకు సమాచారం అందించారు. సంఘటన స్థలానికి ఎస్సై ఆసీఫ్‌అలీ  చేరుకుని వివరాలు సేకరించారు. తహసీల్దార్‌ శివప్రసాద్‌ సమక్షంలో పంచనామా నిర్వహించారు. సీఐ రమేష్‌బాబు కేసు నమోదు చేసి దర్యాప్తు చేస్తున్నట్లు తెలిపారు.  ఎనిమిది నెలల గర్భిణీ.. లావణ్య గజానంద్‌కు పెళ్లై ఏడాదిన్నర అవుతుంది. లావణ్య ఎనిమిది నెలల గర్భిణీ. మరో నెల రోజుల్లో ఆ ఇంట్లోకి ఓ చిన్నారి రానుందనే  ఆనందంలో ఆ కుటుంబం ఉంది. ఇంతలో విద్యుత్‌ తీగలు వారి ఆనందాన్ని చిదిమేశాయి. దీంతో చెరువుముందుతండాలో విషాదచాయలు అలుముకున్నాయి. 

సాక్షి, సోంపేట (శ్రీకాకుళం): పట్టణంలోని నిర్వహించిన విశ్వకర్మ పూజలో విషాదం చోటుచేసుకుంది. విద్యుత్‌ షాక్‌తో జింకిభద్ర గ్రామానికి చెందిన కాశి విరాట్‌ (19) మృతి చెందడంతో ఒక్కసారిగా ఆ ప్రాంతంలో నిశ్శబ్ద వాతవరణం నెలకొంది. విరాట్‌ తల్లిదండ్రుల ఆధ్వర్యంలో పూజా కార్యాక్రమాలు ప్రతి ఏటా నిర్వహిస్తుంటారు. సోంపేట పోలీసులు తెలిపిన వివరాలు ఇలా ఉన్నాయి. మండలంలోని పలువురు భవన నిర్మాణ, బంగారం ఆభరణాలు తయారీ, ఇతర రంగాల్లో విధులు నిర్వహించే కార్మికులు మంగళవారం నుంచి విశ్వకర్మ పూజలు కవిటి రహదారిలోని శైలాజ కల్యాణ మండపం సమీపంలో ప్రారంభించారు. గత పదిహేను రోజులగా విరాళాలు సేకరించి విగ్రహం తయారు చేశారు. ఉదయం స్వామివారికి ప్రత్యేక పూజలు నిర్వహించారు. మధ్యాహ్నం అన్నప్రసాదాన్ని స్వామి వారికి నివేదించారు. స్వామివారికి ప్రసాదం పెట్టిన తర్వాత కొద్ది సమయం మండపం షట్టర్‌ వేయమని విరాట్‌కు అక్కడున్నవారు సూచించారు. విరాట్‌ షట్టర్‌ వేస్తూ ఒక్కసారి విద్యుత్‌ షాక్‌కు గురయ్యాడు. అక్కడ అమర్చి ఉన్న విద్యుత్‌ తీగ తెగి ఉండడంతో షాక్‌కు గురైనట్లు భావిస్తున్నారు. షట్టర్‌కు అంటుకు పోవడంతో విరాట్‌ను బయటకు తీయడానికి తండ్రి కాశి ఉమామహేశ్వరరావు, తదితరులు ప్రయత్నించారు. షాక్‌ విడిచిపెట్టకపోవడంతో వెంటనే ఫీజు తొలగించారు. విద్యుత్‌ షాక్‌ వదలడంతో పక్కనే ఉన్న గోడపై విరాట్‌ పడ్డాడు. తలకు తీవ్రగాయమై అపస్మారక స్థితికి చేరుకున్నాడు. దగ్గర్లో ఉన్న ప్రైవేటు ఆస్పత్రికి వెంటనే తరలించారు. అప్పటికే మృతి చెందినట్లు వైద్యులు ధ్రువీకరించారు. వృత్తిలో విరాటే.. విరాట్‌ తండ్రి వడ్రంగి పని చేస్తూ శైలజ కల్యాణ మండపం సమీపంలో షాపు నిర్వహిస్తూ జీవనాధారం సాగిస్తున్నారు. ప్రస్తుతం చేతి పని కూడా కంప్యూటర్‌ ద్వారానే కొనసాగుతుంది. తలుపులు, కప్‌ బోర్డులు కంప్యూటర్‌ ద్వారా డిజైనింగ్‌  చేయడంలో విరాట్‌ ఆరితేరాడు. చదువులో రాణిస్తూనే తండ్రికి పనిలో కూడా సహాయం చేసేవాడు. విషాదంలో కుటుంబం.. కళ్ల ముందే కుమారుడు విలవిల్లాడినా కాపాడుకోలేని పరిస్థితి తనదని తండ్రి రోదించాడు. కాశి ఉమామహేశ్వరరావు, గీత దంపతులకు కుమారుడు విరాట్, కుమార్తె శ్రావణి ఉన్నారు. కుమారుడు విరాట్‌ సోంపేట పట్టణంలోని సంస్కారభారతి కళాశాలలో బీఎస్సీ ఎంపీసీ ద్వితీయ సంవత్సరం చదువుతున్నాడు. ఉదయం నుంచి పూజా ప్రాంగణంలోనే ఉన్నాడని, అన్నీతానై వ్యవహరించడాని, తల్లిదండ్రులు, చెల్లి కళ్లదుటే ఈ ఘోరం జరిగిందని కుటుంబ సభ్యులు   రోదిస్తున్నారు. ఒక్కగానొక్క కుమారుడు మృతి చెందడంతో తల్లిదండ్రుల రోదనను ఆపడం ఎవరితరమూ కావడం లేదు. విరాట్‌ మృతి వార్త తెలియడంతో సోంపేట పట్టణంతో పాటు, జింకిభద్ర గ్రామంలో విషాదఛాయలు అలుముకున్నాయి. కళాశాలకు చెందిన తోటి స్నేహితులు సంఘటన స్థలానికి చేరుకున్నారు. సోంపేట సామాజిక ఆస్పత్రిలో శవపంచనామా  నిర్వహించి కుటుంబ సభ్యులకు మృతదేహాన్ని అప్పగించారు. సోంపేట ఎస్‌ఐ కె.వెంకటేశ్‌  కేసు నమోదు చేసి దర్యాప్తు చేస్తున్నారు.

వేలాడుతున్న విద్యుత్‌ తీగలు యమపాశాలయ్యాయి. ఇంకో నిమిషంలో పని పూర్తవుతుందనగా కరెంటు తీగ రూపంలో వచ్చిన మృత్యువు.. మూడు నిండు ప్రాణాలను బలిగొంది. మూడు కుటుంబాల్లో విషాదాన్ని నింపింది. బోరుమోటారుకు మరమ్మతులు చేస్తుండగా వేలాడుతున్న విద్యుత్‌ తీగలకు పైపులు తగలడంతో ఈ దుర్ఘటన చోటు చేసుకుంది. సాక్షి, మాచారెడ్డి: వెల్పుగొండ గ్రామానికి చెందిన ఇమ్మడి సత్యనారాయణ(40), ఐలేని లక్ష్మణ్‌రావు(70), ఐలేని మురళీధర్‌రావు (50) వ్యవసాయం చేసుకుంటూ తీరిక సమయాల్లో బోరుమోటార్లును మరమ్మతులు చేస్తుంటారు. అదే గ్రామానికి చెందిన మారగోని స్వామిగౌడ్‌ బోరుమోటారు చెడిపోయింది. దీంతో మరమ్మతు చేయడానికి ఆయన వీరికి సమాచారం అందించారు. ముగ్గురు సోమవారం ఉదయం భోజనాలు చేసి ఇంటి నుంచి దోమకొండ– వెల్పుగొండ రహదారి పక్కన ఉన్న స్వామిగౌడ్‌ చేనుకు వెళ్లారు. మోటారుకు మరమ్మతులు చేయడం కోసం పైపులు పైకి తీయ డం ప్రారంభించారు. చివరి పైపును కూడా బోరు బావిలోంచి తీస్తుండగా ఊహించని ప్రమాదం జరిగింది. పైప్‌నకు మోటారు ఉండడంతో బరువు ఎక్కువై పైపు ఓ వైపునకు ఒరిగింది. సమీపంలోనే ఉన్న విద్యుత్‌ తీగలకు పైపు తగిలింది. దీంతో విద్యుత్‌ ప్రసారమై ముగ్గురు అక్కడికక్కడే విగతజీవులయ్యారు. సత్యనారాయణ కాలు, లక్ష్మణ్‌రావు చేయి పూర్తిగా కాలిపోయాయి. ఈ సంఘటన చూసిన ప్రతి ఒక్కరూ కంటతడి పెట్టారు. మృతులు సత్యనారాయణకు భార్య మంజుల, ఇద్దరు కూతుళ్లు ఉన్నారు. లక్ష్మణ్‌రావుకు భార్య రాజవ్వ, ఐదుగురు పిల్లలున్నారు. మురళీధర్‌రావుకు భార్య అరుణ, ఇద్దరు పిల్లలు ఉన్నారు. మిన్నంటిన రోదనలు.. విద్యుదాఘాతానికి గురై ముగ్గురు మృత్యువాత పడిన ఘటన వెల్పుగొండలో విషాదాన్ని నింపింది. విషయం తెలుసుకుని గ్రామస్తులు, మృతుల కుటుంబ సభ్యులు, బంధువులు సంఘటన స్థలానికి వచ్చారు. హృదయ విదారక ఘటనను చూసి విలపించారు. మృతుల కుటుంబ సభ్యుల రోదనలు మిన్నంటాయి. సంఘటన స్థలాన్ని సందర్శించిన డీఎస్పీ  కామారెడ్డి డీఎస్పీ లక్ష్మీనారాయణ, రూరల్‌ సీఐ చంద్రశేఖర్‌రెడ్డి, మాచారెడ్డి ఎస్సై మురళి సంఘటన స్థలానికి వెళ్లారు. వివరాలు తెలుసుకున్నారు. కేసు నమోదు చేసుకుని, మృతదేహాలను పోస్టుమార్టం నిమిత్తం కామారెడ్డి జిల్లా ఆస్పత్రికి తరలించారు. గ్రామస్తుల ఆందోళన విద్యుత్‌ ప్రమాదానికి ట్రాన్స్‌కో అధికారుల నిర్లక్ష్యమే కారణమంటూ గ్రామస్తులు ఆందోళన చేశారు. విద్యుత్‌ తీగలు బోరుబావికి అతిసమీపంలో ఉన్నాయని, తీగలు వేలాడుతూ ప్రమాదకరంగా ఉన్నాయని ఆరోపించారు. విద్యుత్‌ తీగలను ఎప్పటికప్పుడు పరిశీలిస్తూ, వేలాడుతున్న వాటిని సవరించాల్సిన ట్రాన్స్‌కో అధికారులు నిర్లక్ష్యంగా వ్యవహరించడం వల్లే ఇలాంటి ప్రమాదాలు జరుగుతున్నాయని ఆవేదన వ్యక్తం చే శారు. ఇలాంటి సంఘటనలు పునరావృతం కాకుండా చర్యలు తీసుకోవాలని డిమాండ్‌ చేశారు. మాచారెడ్డి ఎస్సై మురళి గ్రామస్తులను సముదాయించారు. రూ.10 లక్షల చొప్పున ఎక్స్‌గ్రేషియా ఇవ్వాలి వెల్పుగొండ గ్రామంలో జరిగిన విద్యుత్‌ ప్రమాదంపై మాజీ మంత్రి షబ్బీర్‌అలీ దిగ్భ్రాంతి వ్యక్తం చేశారు. బోరుమోటారు తీయడానికి వెళ్లిన రైతులు కరెంట్‌ షాక్‌తో చనిపోవడంపై విచారం వ్యక్తం చేశారు. మృతులు మురళీధర్‌రావు, లక్ష్మణ్‌రావు, సత్యనారాయణ కుటుంబాలకు రూ.10 లక్షల చొప్పున ఎక్స్‌గ్రేషియా చెల్లించి ఆదుకోవాలని ప్రభుత్వాన్ని డిమాండ్‌ చేశారు.

సాక్షి, తూర్పుగోదావరి(పిఠాపురం) : వారిద్దరూ మిత్రులు. ప్రస్తుతం  ఏడో తరగతి చదువుతున్న వీరు ఎప్పుడూ కలిసే ఉంటారు. కలిసే ఆడుకుంటారు. ఎప్పటిలానే తమ మేడపై ఆడుకుంటుండగా విద్యుత్‌ షాక్‌ రూపంలో వచ్చిన మృత్యువు ఆ స్నేహాన్ని విడదీసింది. ఒకరు అనంత లోకాల్లో కలసి పోగా మరొకరు ప్రాణాపాయస్థితిలో కొట్టుమిట్టాడుతున్నారు. హృదయ విదారకమైన ఈ సంఘటన పిఠాపురం పట్టణంలోని లయన్స్‌క్లబ్‌ ఏరియాలో చోటుచేసుకుంది. స్థానికులు, బంధువుల కథనం ప్రకారం.. పిఠాపురం లయన్స్‌క్లబ్‌ ఏరియాలో నివాసముంటున్న చింతపల్లి రామచంద్రారెడ్డి కుమార్తె చింతపల్లి సమీర(11), వారి ఇంటికి దగ్గరలో ఉన్న ఇందనపు సుబ్బలక్ష్మి కుమార్తె ఐశ్వర్య (12) ఇద్దరు చిన్ననాటి నుంచి మంచి స్నేహితులు. ఇద్దరు స్థానిక ప్రైవేటు స్కూల్లో ఏడో తరగతి చదువుతుండగా ఐశ్వర్య ఈ ఏడాది ప్రైవేటు స్కూల్‌ నుంచి స్థానిక ఆర్‌ఆర్‌బీహెచ్‌ఆర్‌ పాఠశాలకు మారింది.  స్నేహితురాలికి జ్వరం వచ్చిందని..  స్కూలుకు వెళ్లేటప్పుడు వచ్చిన తరువాత ఇద్దరు కలుసుకుని మాట్లాడుకోవడం, ఖాళీ సమయాల్లో కలిసి ఆడుకోవడం చేస్తుంటారు. బుధవారం స్కూల్‌కు బయల్దేరిన ఐశ్వర్య తన స్నేహితురాలు బడికి వెళ్లడం లేదని జ్వరం వచ్చిందని తెలిసి తాను బడికి వెళ్లడం మానేసింది. తన ఫ్రెండ్‌ సమీర ఇంటికి వెళ్లిన ఐశ్వర్య సమీరకు తోడుగా ఉంది. జ్వరం కాస్త తగ్గడంతో ఇద్దరు మధ్యాహ్నం సమీర ఇంటి మేడపైన బంతాట ఆడుకుంటున్నారు. ఇంతలో బంతి మేడ పిట్టగోడకు బిగించి ఉన్న లైట్‌ వద్దకు వెళ్లి పోవడంతో దానిని తీసుకునే ప్రయత్నం చేసిన ఐశ్వర్య ఒక్కసారిగా కరెంట్‌ షాక్‌కు గురై లైట్‌కు అతుక్కుపోయింది. అక్కడే ఉన్న సమీర ఆమెను రక్షించే ప్రయత్నం చేసి ఆమెను లాగే ప్రయత్నంలో ఆమె కూడా కరెంట్‌ షాక్‌కు గురైంది. ఇంతలో వారి అరుపులు విన్న సమీర తల్లి నాగశివజ్యోతి పరుగున మేడపైకి వచ్చి ఇద్దరినీ రక్షించే ప్రయత్నంలో తాను కూడా కరెంట్‌ షాక్‌కు గురవుతానన్న భయంతో వెంటనే కిందకు వెళ్లి మెయిన్‌ ఆఫ్‌ చేసి వచ్చి ఇద్దరినీ విడిపించి వెంటనే ఆస్పత్రికి తరలించగా అప్పటికే ఐశ్వర్య మృతి చెందింది. సమీరను కాకినాడ ప్రభుత్వాసుపత్రికి తరలించగా చికిత్స పొందుతోంది. కంటికి రెప్పలా పెంచుకున్న కన్న కూతురు ఇక లేదని తెలిసి గుండెలవిసేలా రోదిస్తున్న మృతురాలి తల్లి సుబ్బలక్ష్మిని ఆపడం ఎవరితరం కావడం లేదు. పిఠాపురం పట్టణ పోలీసులు కేసు నమోదు చేసి దర్యాప్తు చేస్తున్నారు. 

సాక్షి, అనంతపురం : వారిద్దరూ అన్నదమ్ములు. చిన్నప్పటి నుంచి వ్యవసాయం అంటే మక్కువ. సొంత భూమి లేకపోయినా కౌలుకు తీసుకుని పంట సాగు చేశారు. పంట బాగా ఉన్న సమయంలో నీటి సమస్య వచ్చింది. నీటి సమస్య తీర్చుకునే క్రమంలో విద్యుదాఘాతానికి గురై మృతి చెందారు. ఈ ఘటనతో ఆ గ్రామంలో విషాదఛాయలు అలుముకున్నాయి. చేతికొచ్చిన కుమారులు విగతజీవులుగా పడి ఉండటాన్ని చూసి ఆ తల్లి విలపించిన తీరు చూపరులను కంటతడి పెట్టించింది.  మండంలోని పొట్టిపాడు గ్రామంలో విషాదం చోటుచేసుకుంది. పంటకు మోటారు ద్వారా నీరు పెట్టే క్రమంలో విద్యుదాఘాతానికి గురై ఇద్దరు కౌలు రైతులు దుర్మరణం పాలయ్యారు. మృతులిద్దరూ స్వయానా అన్నదమ్ములు కావడంతో ఆ ఇంట్లో విషాదం అలుముకుంది. వివరాలిలా ఉన్నాయి.. గ్రామానికి చెందిన ఉరుకుందప్ప, భాగ్యమ్మ దంపతులకు ముగ్గురు కుమారులు, కుమార్తె ఉన్నారు. ఉరుకుందప్ప ఆరేళ్ల క్రితం మృతి చెందాడు. సొంత పొలం లేకపోవడం కుమారులు ముగ్గురూ  గ్రామానికి చెందిన రైతు వద్ద ఆరు ఎకరాల పొలం కౌలుకు తీసుకుని మిర్చీపంట సాగు చేశారు. పంటకు సమీపంలోని హంద్రీ–నీవా కాలువ ద్వారా నీరు సరఫరా చేసేవారు. హంద్రీ–నీవా కాలువలో నీటి ప్రవాహం తగ్గడంతో పంటకు నీరందలేదు. దీంతో శుక్రవారం ఉదయం పెద్దకుమారుడు సురేష్‌ పొలంలో ఉండగా మిగతా ఇద్దరు చంద్రన్న (25),వీరన్న (24) విద్యుత్‌మోటార్‌ను కాలువ కింద భాగంలో దించేందుకు వెళ్లారు. ఈక్రమంలో విద్యుదాఘాతానికి గురైన వారిద్దరూ అక్కడికక్కడే మృతి చెందారు. పెళ్లీడుకొచ్చిన యవకులు మృతి చెందడంతో కుటుంబసభ్యులు కన్నీరుమున్నీరయ్యారు. ఎస్‌ఐ వెంకటస్వామి ఘటనస్థలికి చేరుకుని వివరాలు సేకరించారు. మృతుల తల్లి ఫిర్యాదు మేరకు కేసు నమోదు చేసుకున్నట్లు ఎస్‌ఐ తెలిపారు. ఇదిలా మాజీ ఎమ్మెల్యే వై.విశ్వేశ్వరరెడ్డి ఘటనపై గ్రామస్తులతో ఫోన్‌లో వివరాలు అడిగి తెలుసుకున్నారు. అనంతరం బాధిత కుటుంబాన్ని ఆదుకోవాలని రెవెన్యూ, విద్యుత్, వెలుగు అధికారులతో ఫోన్‌లో మాట్లాడారు. ప్రభుత్వం తరఫున ఆర్థిక సాయం అందేలా చూస్తామని ఆయన పేర్కొన్నారు.  

ఇస్లామాబాద్‌: ఆర్టికల్‌ 370 రద్దు, జమ్మూకశ్మీర్‌ పునర్వ్యస్థీకరణ అనంతరం పాక్‌ నాయకులు ప్రధాని నరేంద్ర మోదీపై నోరు పారేసుకుంటున్న సంగతి తెలిసిందే. పాక్‌ ప్రజల ఆగ్రహానికి గురి కాకుండా ఉండేందుకు నాన తిప్పలు పడుతున్నారు. ఈ నేపథ్యంలో మోదీని విమర్శించిన ఓ పాక్‌ మంత్రికి వింత అనుభవం ఎదురైంది. మోదీపై ఆరోపణలు చేస్తున్నప్పుడు సదరు మంత్రికి కరెంట్‌ షాక్‌ తగిలిందట. వివరాలు.. భారత్‌ను ఎంత ఎక్కువ విమర్శిస్తే.. అంత ఎక్కువగా పాక్ ప్రజలకు దగ్గరకు కావచ్చనే ఫార్ములాను పాటించే పాక్‌ రైల్వే మంత్రి రషీద్.. శుక్రవారం పాక్‌లో కశ్మీర్‌ విభజనకు వ్యతిరేకంగా జరిగిన ఓ ర్యాలీలో మోదీపై విమర్శలే లక్ష్యంగా పెట్టుకుని స్టేజీ మీదకు వెళ్లారు రషీద్‌. జనాలనుద్దేశిస్తూ.. ‘మోదీ వ్యూహం ఏమిటో మాకు తెలుసు’ అన్న కొన్ని సెకన్లలోనే అతని మైక్ షాక్ కొట్టింది. ఆ షాక్ నుంచి తేరుకున్న కొద్ది క్షణాల్లో మళ్లీ మోదీని విమర్శిచారు. ‘ఈ కరెంట్ షాక్‌తో.. మోదీ ఈ సమావేశంలో పాల్గొన్న జనాల ఆకాంక్షలను దెబ్బతీయలేరు’ అంటూ దాటవేసే ప్రయత్నం చేశారు రషీద్‌. ప్రస్తుతం ఈ వీడియో సోషల్ మీడియాలో వైరల్ కావడంతో రషీద్‌ను భారత నెటిజనులు ఒక ఆట ఆడేసుకుంటున్నారు. ‘మోదీ మాట ఎత్తితేనే షాక్ తగిలింది. ఇక ఇండియాతో పెట్టుకుంటే మీ గతి ఏమిటో ఆలోచించుకో’ అంటూ కామెంట్‌ చేస్తున్నారు. రషీద్  రెండు రోజుల క్రితం త్వరలో ఇండియా, పాకిస్తాన్‌ల మధ్య యుద్ధం ఉంటుందని జోస్యం చెప్పిన సంగతి తెలిసిందే. అంతేకాక, అవసరమైతే తానే కదన రంగంలోకి దిగి పోరాడతానంటూ ఆవేశపడ్డారు. (చదవండి: అక్టోబర్‌లో భారత్‌తో యుద్ధం!)

సాక్షి, రాజాపేట (ఆలేరు): కరెంట్‌ కాటుకు మరో రైతు బలయ్యాడు. ఈ విషాదకర ఘటన రాజా పేట మండలం మల్లగూడెంలో గురువారం చోటుచేసుకుంది. స్థానికులు తెలి పిన వివరాల ప్రకారం.. గ్రామానికి చెందిన బోయిని సాయిలు, బాలమ్మ దంపతులకు ముగ్గురు కుమారులు రామచంద్రం, ఆంజనేయులు, నాగేష్‌లు. వీరిది వ్యవసాయ కుటుంబం, వీరంతా ఎవరికి వారు వ్యవసాయం చేసుకుంటూ జీవిస్తున్నారు. కాగా ఆంజనేయులు (28)కు భార్య స్వప్న, కుమార్తె, కుమారుడు ఉన్నారు. వీరికి రెండు ఎకరాలపైన భూమి ఉండగా పత్తి, మొక్కజొన్న, వరి సేద్యం చేశాడు. గురువారం రాఖీ పండుగ రోజు కావడం, ఉదయమే వరిపొలంలో ట్రాక్టర్‌ ద్వారా మడి దున్నిస్తున్నాడు. ట్రాక్టరుకు అడ్డుగా కిందికి వేలాడుతున్న విద్యుత్‌ సర్వీస్‌ వైరును కర్రసాయంతో పైకిలేపుతుండగా ప్రమాదవశాత్తు విద్యుదాఘాతానికి గురై అక్కడికక్కడే ఆంజనేయులు మృతి చెందాడు. విషయం తెలుసుకున్న కుటుంబ సభ్యుల రోదనలు మిన్నంటాయి. చిన్నవయస్సులో ఆంజనేయులు మృతి చెందడంతో గ్రామంలో ఒక్కసారిగా విషాదఛాయలు అలుముకున్నాయి. పోస్టుమార్టం నిమిత్తం  మృతదేహాన్ని ఆలేరు ఆస్పత్రికి తరలించారు. భార్య స్వప్న ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్టు ఎస్‌ఐ నాగేశ్వర్‌రావు తెలిపారు. 

సాక్షి, లావేరు(శ్రీకాకుళం) : మండలంలోని చినమురపాక గ్రామంలో శనివారం మధ్యాహ్నం విద్యుత్‌ షాక్‌తో మీసాల రమణ(20) మృతి చెందాడు. గ్రామస్తులు తెలిపిన వివరాల ప్రకారం.. చినమురపాక గ్రామానికి చెందిన మీసాల రమణ సొంత వ్యవసాయ పొలంలోని మోటారు స్వీచ్‌ ఆన్‌ చేయడానికి వెళ్లాడు. అప్పటికే బోర్డుకు విద్యుత్‌ సరపరా కావడంతో విద్యుత్‌షాక్‌ తగిలి కింద పడిపోయాడు. సమీపంలో ఉన్న పలువురు రైతులు వచ్చి చూడగా రమణ కొన ఊపిరితో ఉన్నాడు. ఆస్పత్రికి తరలిస్తున్న సమయంలో గ్రామ సమీపంలోనే మృతి చెందాడు. ప్రమాద విషయాన్ని తెలుసుకుçన్న లావేరు పోలీసులు గ్రామానికి వెళ్లి ఆరా తీశారు. మృతదేహాన్ని పోస్టుమార్టం నిమిత్తం శ్రీకాకుళం రిమ్స్‌కు తరలించారు. యువకుడు మృతి చెందిన విషయాన్ని తెలుసుకున్న వెంటనే వైఎస్సార్‌సీపీ సీనియర్‌ నాయకులు మీసాల సీతన్నాయుడు, సిరిపురపు అయ్యప్పలనాయుడు, మీసాల బానోజీరావు, డాక్టర్‌ మీసాల రమణ, వెంకటప్పలనాయుడుతో పాటు పలువురు శనివారం సాయంత్రం మృతుడి కుటుంబ సభ్యులను పరామర్శించారు.  బోరున విలపించిన తల్లిదండ్రులు.. మీసాల ఆదినారాయణ, పాపమ్మ దంపతులకు ఇద్దరు కుమారులు. విద్యుత్‌షాక్‌తో మృతి చెందిన రమణ పెద్ద కుమారుడు. డిగ్రీ వరకు చదువుకున్నాడు. పోటీ పరీక్షలకు సిద్ధం అవుతున్నాడు. కుటుంబానికి చేదోడువాదోడుగా ఉంటున్నాడు. అందివచ్చిన కొడుకు విద్యుత్‌షాక్‌తో మృతి చెందడంతో తల్లిదండ్రులు బోరున విలపించారు. అందరితో ఎంతో సన్నిహితంగా ఉండే రమణ విద్యుత్‌షాక్‌తో మృతి చెందడంతో గ్రామస్తులు, యువకులు విచారం వ్యక్తం చేశారు. 

సాక్షి, తాడేపల్లిగూడెం(పశ్చిమ గోదావరి): బట్టలు ఆరవేస్తూ విద్యుదాఘాతానికి గురై మహిళ మృతిచెందిన ఘటన తాడేపల్లిగూడెంలో బుధవారం చోటుచేసుకుంది. పోలీసులు తెలిపిన వివరాల ప్రకారం.. స్థానిక చలంచర్లవారి వీధిలో నివాసం ఉంటున్న షేక్‌ నాగూర్‌ బీబీ (39) అనే మహిళ హోటల్‌లో వంట మనిషిగా పనిచేస్తూ జీవనం సాగిస్తుంది. ఆమెకు ఇద్దరు కుమార్తెలు. బుధవారం ఆమె బట్టలు ఉతి కి వాటిని ఇంటి చూరులో ఉన్న ప్లాస్టిక్‌ తీగలపై ఆరేసేందుకు ప్రయత్నించింది. అయితే అవి విద్యుత్‌ తీగలతో కలిసి ఉన్నాయి. దీంతో ఆమె బట్టలు ఆరవేసే సమయంలో విద్యుదాఘాతానికి గురై అక్కడికక్కడే మృతిచెందింది. తల్లి పడిపోయిన విషయం గ్రహించిన కుమార్తె మీరా పరుగున వచ్చి నాగూర్‌బీబీని లేపేందుకు ప్రయత్నించింది. ఈలోపు ఆమె కూడా విద్యుదాఘాతానికి గురై పెద్దగా కేకలు పెట్టగా బంధువు బాబు వచ్చి దుప్పటి సాయంతో మీరాను పక్కకు లాగా డు. దీంతో మీరా ప్రాణాపాయం నుంచి తప్పించుకుంది. తల్లి మృతి చెందడంతో కుమార్తెలు రోదనలు స్థానికులను కంటతడి పెట్టించాయి. పొరుగువారితో స్నేహభావంతో మెలిగిన నాగూర్‌బీబీ హఠాన్మారణం అందరినీ కలచివేసింది. పట్టణ ఎస్సై రమేష్‌ సిబ్బందితో సంఘటనా స్థలానికి చేరుకుని మృతదేహాన్ని ఏరియా ఆసుపత్రికి తరలించారు.  కేసు నమోదు చేసి దర్యాప్తు చేస్తున్నారు.

లక్నో: ఉత్తరప్రదేశ్‌లో ఘోర ప్రమాదం జరిగింది. హైటెన్షన్‌ వైర్లు తలగడంతో 51 మంది విద్యార్థులు విద్యుదాఘాతానికి గురయ్యారు. బలరామ్‌పూర్‌లోని నయానగర్‌ ప్రాథమిక పాఠశాలలో ఈ ఘటన చోటు చేసుకుంది. రోజూలాగే ఉదయం పది గంటల ప్రాంతంలో విద్యార్థులు చెప్పులు విడిచి గన్నీ సంచులపై చెట్లకు ఆనుకుని కూర్చోబోయారు. అయితే కాస్త తేమగా ఉండటంతో చెట్లకు ఆనుకున్న హైటెన్షన్‌ వైర్ల నుంచి కరెంట్‌ ప్రసరించింది. దీంతో అక్కడున్న పిల్లలు ఒక్కసారిగా కరెంట్‌ షాక్‌కు గురయ్యారు. కొందరు పిల్లలు ఆర్తనాదాలు పెట్టగా, మరికొందరు ఏకంగా స్పృహ కోల్పోయారు. ఉపాధ్యాయులకు చెప్పులు విప్పే నిబంధన లేనందున వారంతా తప్పించుకోగలిగారు. పిల్లల తల్లిదండ్రుల సాయంతో గాయపడ్డవారిని ఆసుపత్రికి తరలించామని పాఠశాల యాజమాన్యం తెలిపింది. ఘటనా స్థలంలోని ఉపాధ్యాయుడు రిచా సింగ్‌ మాట్లాడుతూ.. ‘కొన్ని క్షణాలపాటు ఏం జరుగుతుందో అర్థం కాక అయోమయానికి లోనయ్యాం. మాలో ఒకరు అది విద్యుదాఘాతంగా గుర్తించటంతో విద్యుత్‌ సిబ్బందికి కాల్‌ చేశాం. 15 నిమిషాలకు గానీ వారు కాల్‌ లిఫ్ట్‌ చేయలేదు. ఆ తర్వాత వారికి సమాచారం అందించగానే విద్యుత్‌ ప్రసారాన్ని నిలిపివేశారు’ అని తెలిపారు. జిల్లా న్యాయవాది కృష్ణ కరుణేష్‌ ఈ ఘటనపై తీవ్రంగా స్పందించారు. విద్యుత్‌ సిబ్బంది నిర్లక్ష్యం వల్లే ఈ ప్రమాదం జరిగిందని ఆరోపించారు. గాయపడ్డ విద్యార్థులు ఆసుపత్రిలో చికిత్స పొందుతున్నారని, వారి ఆరోగ్యం నిలకడగా ఉందని తెలిపారు. ఈ ఘటనకు కారకులైన కాంట్రాక్ట్‌ లైన్‌మెన్‌ను తొలగించడంతోపాటు, జూనియర్‌ ఇంజనీర్‌ ప్రియదర్శి తివారీపై చర్యలు తీసుకోవాలని ఆదేశాలు జారీ చేశారు. స్థానిక ప్రజాప్రతినిధి రాంప్రతాప్‌ వర్మ ఆసుపత్రిని సందర్శించి పిల్లల తల్లిదండ్రులకు భరోసానిచ్చారు.

సాక్షి, కౌతాళం(కర్నూలు) :  కూలీలతో కలిసి పొలంలో విత్తనాలు నాటారు. పని ముగింపు దశలో తల్లీకూతురు ఓ చెట్టు కింద భోజనానికి ఉపక్రమించారు. సాధకబాధకాలు మాట్లాడుకుంటూ భోంచేశారు. తర్వాత తల్లి పైనున్న తీగను పట్టుకుని లేవడానికి ప్రయత్నించింది. ఒక్కసారిగా ‘షాక్‌’! ఆమెకు ఏమైందో తెలీక కాపాడబోయిన కుమార్తెదీ ఇదే పరిస్థితి. ఇద్దరూ గిలగిలా కొట్టుకుంటూ క్షణాల్లోనే ప్రాణాలొదిలారు. తర్వాత తెలిసింది వారిని బలిగొన్నది విద్యుత్‌ తీగ రూపంలోని మృత్యుపాశమని!   కౌతాళం మండలం చూడి పంచాయతీ తిప్పలదొడ్డి గ్రామంలో శుక్రవారం ఉదయం విద్యుదాఘాతానికి గురై తల్లీ కూతురు నరసమ్మ(58), రామాంజనమ్మ(38)  మృతిచెందారు. గ్రామానికి చెందిన సోమిరెడ్డి (లేట్‌)కి ఇద్దరు భార్యలు. పెద్ద భార్య నరసమ్మ. ఈమెకు ముగ్గురు కుమారులు, ఒక కుమార్తె ఉన్నారు. కుమార్తె రామాంజనమ్మను ఇదే మండల పరిధిలోని చిరుతాపల్లికి చెందిన ఈరన్నకు ఇచ్చి వివాహం చేశారు. వారికి ముగ్గురు సంతానం. ఇటీవల తిప్పలదొడ్డిలో మట్టి ఎద్దుల పండుగ ఘనంగా జరిగింది. ఈ సందర్భంగా రామాంజనమ్మ పుట్టింటికి వచ్చింది. శుక్రవారం ఉదయం చిరుతాపల్లికి తిరిగి వెళతానని తల్లితో చెప్పింది. ‘రేపు వెళ్దువులే’ అనడంతో ఆమె ప్రయాణాన్ని విరమించుకుంది. తర్వాత తల్లీకూతురు గ్రామానికి చెందిన కూలీలతో కలిసి పొలంలో పత్తి విత్తనాలు నాటేందుకు వెళ్లారు. విత్తనాలు నాటే పని పూర్తవుతున్న దశలో వెళ్లి భోంచేయాలని కూలీలు వారికి సూచించారు. దీంతో తల్లీకూతురు పొలంలోని ఓ చెట్టు కింద భోజనానికి ఉపక్రమించారు. దాని గుండానే విద్యుత్‌ తీగలు వెళ్లాయి. ఈ విషయాన్ని వారు గమనించలేదు. భోజనం పూర్తి కాగానే నరసమ్మ పైకి లేవడానికి సపోర్టుగా పైనున్న తీగ పట్టుకుంది. క్షణాల్లోనే విద్యుత్‌ షాక్‌కు గురైంది. గిలగిలా కొట్టుకుంటుండగా కుమార్తె కాపాడబోయింది. ఆమె కూడా షాక్‌కు గురైంది. పొలంలోని కూలీలు గమనించి హుటాహుటిన అక్కడికి వచ్చారు. ఆలోపే ఇద్దరూ మృత్యువాత పడ్డారు. దీంతో కుటుంబ సభ్యులకు సమాచారమిచ్చారు. వారొచ్చి విద్యుత్‌ తీగలను వేరుచేసి.. ఆ శాఖ అధికారులకు తెలియజేశారు. దీంతో విద్యుత్‌ సరఫరా నిలిపివేశారు. విషయం తెలుసుకున్న ఎస్‌ఐ నాగార్జునరెడ్డి సంఘటన స్థలాన్ని పరిశీలించారు. మృతదేహాలను పోస్టుమార్టం నిమిత్తం  ఆదోని ప్రభుత్వాసుపత్రికి తరలించారు. ఈ ఘటనలో విద్యుత్‌ అధికారుల నిర్లక్ష్యం కూడా కన్పిస్తోంది. విద్యుత్‌ తీగలు ఇంత కింద వేలాడుతున్నా సరిచేయలేదని గ్రామస్తులు ఆరోపిస్తున్నారు.   

సాక్షి, కరీంనగర్‌ : పర్యవేక్షణాధికారుల తప్పిదం ఓ హెల్పర్‌కు ప్రాణసంకటంగా మారింది. డబుల్‌బెడ్రూం కాలనీలో ట్రాన్స్‌ఫార్మర్‌ మరమ్మతు చేస్తుండగా ఒక్కసారిగా విద్యుత్‌ సరఫరా చేయడంతో అదృష్టవశాత్తు ప్రాణాలతో బతికి బయటపడ్డ సంఘటన గురువారం సిరిసిల్ల పట్టణంలో జరిగింది. స్థానికులు తెలిపిన వివరాల ప్రకారం.. స్థానిక సెస్‌ పరిధిలోని సిరిసిల్ల టౌన్‌–2కు కిష్టయ్య హెల్పర్‌గా పనిచేస్తున్నాడు. మధ్యాహ్నం స్థానిక శాంతినగర్‌లో కొత్తగా నిర్మిస్తున్న డబుల్‌బెడ్రూం కాలనీలొ ట్రాన్స్‌ఫార్మర్‌ మరమ్మతు చేయాలని ఉన్నతాధికారులు, పర్యవేక్షణాధికారులు ఆదేశించారు. ముందస్తు రక్షణ చర్యలు లేకుండానే అధికారులు కిష్టయ్యను పనులకు పంపించినట్లు సిబ్బంది తెలిపారు. కిష్టయ్య ట్రాన్స్‌ఫార్మర్‌పై పని చేస్తుండగా హఠాత్తుగా కరెంటు సరఫరా కావడంతో షాక్‌కు గురై కిందపడిపోయాడు. వెంటనే స్థానికులు ఏరియాస్పత్రికి తరలించగా..చికిత్స చేస్తున్నారు. ఏలాంటి రక్షణ చర్యలు చేపట్టకుండా హెల్పర్‌ను పనులకు పంపించడంపై విచారణ చేపట్టి బాధ్యులపై చర్యలు తీసుకోవాలని సెస్‌ ప్రాతినిధ్య సభ్యుడు, తదితరులు డిమాండ్‌ చేశారు. కిష్టయ్యకు ప్రాణహాని జరిగితే బాధ్యులెవరని, ఇటువంటి సంఘటనలు పునరావృతం కాకుండా చర్యలు తీసుకోవాలని కోరారు.  విద్యుదాఘాతంతో మహిళ మృతి ధర్మపురి: స్నానం కోసమని బాత్‌రూంలోకి వెళ్లగా మీటరువైరుకు ప్రమాదవశాత్తు చేయి తగలడంతో విద్యుదాఘాతానికి గురై మహిళ మృతి చెందిన సంఘటన కోస్నూర్‌పల్లెలో విషాదం నింపింది. పోలీసులు, కుటుంబ సభ్యులు తెలిపిన వివరాలిలా ఉన్నాయి. మండలంలోని జైనా గ్రామానికి చెందిన బోర్లకుంట లక్ష్మి(55) గురువారం స్నానం చేయడానికి బాత్‌రూమ్‌కు వెళ్లింది. స్నానం చేసే ప్రయత్నంలో బాత్‌రూమ్‌లో ఉన్న మీటరు వైరు చేతికి తగిలి ఎర్త్‌ రాగా విద్యుదాఘాతానికి గురైంది. గమనించిన కుటుంబ సభ్యులు ధర్మపురికి తరలించగా అప్పటికే మృతి చెందినట్లు వైద్యులు తెలిపారు. మృతురాలికి భర్త రాజలింగం ఇద్దరు కుమారులు, కూతురు ఉంది. కేసు నమోదు చేసి దర్యాప్తు చేస్తున్నట్లు ఏఎస్సై వహీద్‌ తెలిపారు. బాధితురాలిది నిరుపేద కుటుంబమని, ప్రభుత్వ పరంగా ఆదుకోవాలని గ్రామస్తులు కోరారు.  ఎల్లారెడ్డిపేటలో వృద్ధుడు.. ఎల్లారెడ్డిపేట(సిరిసిల్ల): ఎల్లారెడ్డిపేటకు చెందిన ఓలాద్రి పద్మారెడ్డి (68) బుధవారం రాత్రి విద్యుదాఘాతానికి గురై మృతిచెందాడు. ఈ సంఘటన గ్రామంలో విషాదం నింపింది. గురువారం సంఘటన స్థలాన్ని ఎస్సై ప్రవీణ్‌కుమార్‌ పరిశీలించారు. ఎస్సై తెలిపిన వివరాల ప్రకారం..రాత్రి ఇంట్లో లైట్‌ వెలగడం లేదని ఓల్డర్‌ను పట్టుకొని బల్బును పరిశీలిస్తుండగా షాక్‌కు గురయ్యాడు. షాక్‌తో కిందపడ్డ పద్మారెడ్డిని ఆసుపత్రికి తరలించగా అప్పటికే మృతిచెందినట్లు వైద్యులు తెలిపారు. ఇంట్లో చిన్న బల్బును సరిచేస్తున్న క్రమంలో నిండుప్రాణం పోవడంపై కుటుంబసభ్యులు కన్నీరు మున్నీరుగా విలపిస్తున్నారు. మృతుడి భార్య హేమలత అనారోగ్యంతో పదేళ్ల క్రితం మృతిచెందింది. సంఘటన స్థలాన్ని తోట ఆగయ్య, చీటి లక్ష్మణ్‌రావు, హసన్‌ సందర్శించి కుటుంబసభ్యులను పరామర్శించారు. కేసునమోదు చేసుకొని దర్యాప్తు చేస్తున్నట్లు ఎస్సై వివరించారు.  మానాలలో వలస కూలీ.. చందుర్తి (వేములవాడ): విద్యుదాఘాతంతో వలస కూలీ మృతి చెందిన సంఘటన రుద్రంగి మండలం మానాల గ్రామంలో గురువారం జరిగింది. స్థానికులు, పోలీసుల కథనం ప్రకారం.. మహారాష్ట్రలోని మరవల్‌ కడ్‌విట్‌ గ్రామానికి చెందిన దినేష్‌సంతుసకుమ్‌(22) విద్యుత్‌ సబ్‌స్టేషన్‌లో కెపాసిటర్ల ఇన్‌స్టాలేషన్స్‌ పని చేసేందుకు మానాలకు వచ్చాడు. ఇన్‌స్టాలేషన్‌ గ్రూపునకు వంట చేసే పనిలో నిమగ్నమైన దినేష్‌సంతుసకుమ్‌కు పక్కనే ఉన్న విద్యుత్‌ వైరు తగిలి షాక్‌కు గురయ్యాడు. గమనించిన సదరు సిబ్బంది వెంటనే విద్యుత్‌ వైరు తొలగించారు. ప్రాజెక్టు అధికారి శ్రీనివాస్‌ వైద్యం కోసం బాధితుడిని కోరుట్ల పట్టణానికి తరలిస్తుండగా మార్గంమధ్యలో మృతి చెందాడు. ప్రాజెక్టు అధికారి ఫిర్యాదు మేరకు కేసు దర్యాప్తు జరుపుతున్నట్లు పోలీసులు తెలిపారు. 

తోటి రైతుకు సహాయం చేసేందుకు వెళ్లిన ఓ రైతును విద్యుదాఘాతం రూపంలో మృత్యువు కబళించింది.     విగతజీవిగా పడి ఉన్న రైతును చూసి ‘దేవుడా...     ఇక మాకు దిక్కెవరయ్యా’ అంటూ కుటుంబ సభ్యులు రోదించడం కలచి వేసింది. ఈ ఘటనతో ముకుందాపురంలో విషాదం అలుముకుంది. గార్లదిన్నె : గార్లదిన్నె మండలం ముకుందాపురం గ్రామానికి చెందిన వేమారెడ్డి తన కుమారుడు గోవర్ధన్‌రెడ్డితో కలిసి యర్రగుంట్ల సమీపాన గల తమ పొలంలో మంగళవారం పైపులైన్‌కు మరమ్మతులు చేస్తున్నారు. అయితే వీరికి పైపులు సరిగా అమర్చడం రాకపోవడంతో సహాయం కోసం తమ గ్రామంలో ఉన్న రైతు రామాంజనేయులు(38)కు ఫోన్‌ చేసి పిలిపించారు. అప్పటికే వేమారెడ్డి పైపులైన్‌ మరమ్మతుల కోసం గుంత తవ్వారు. రామాంజనేయులు గుంతలోకి దిగి పైపులైన్‌కు మరమ్మతులు చేస్తూ పక్కనే ఉన్న ఇనుప కంచెను ఆసరా కోసం పట్టుకున్నాడు. ఆ కంచెపై స్టార్టర్‌ పెట్టె ఉన్నింది. ప్రమాదవశాత్తు పెట్టెలో ఉన్న వైర్లు అర్త్‌ కావడంతో ఇనుప కంచెకు విద్యుత్‌ సరఫరా అయ్యింది. రామాంజనేయులు విద్యుదాఘాతానికి గురై అక్కడికక్కడే ప్రాణాలు కోల్పోయాడు. రామాంజనేయులును కాపాడాలని ప్రయత్నించిన వేమారెడ్డి కూడా విద్యుత్‌ షాక్‌తో స్వల్పంగా గాయపడ్డాడు. విషయం తెలుసుకున్న రామాంజనేయులు భార్య లక్ష్మినారాయణమ్మ, కుటుంబ సభ్యులు సంఘటన స్థలం వద్దకు చేరుకుని బోరున విలపించారు. ఎస్‌ఐ ఆంజనేయులు కేసు నమోదు చేసి, మృతదేహాన్ని పోస్టుమార్టం నిమిత్తం అనంతపురం సర్వజనాస్పత్రికి తరలించారు. విషాదంలో కుటుంబ సభ్యులు రైతు రామాంజనేయులుకు మూడు ఎకరాల పొలం ఉంది. అందులో చీనీ సాగు చేయడంతో పాటు గ్రామంలో డ్రిప్‌ పనులకు కూడా వెళ్తూ జీవనం సాగించేవాడు. భార్య లక్ష్మీనారాయణమ్మ వికలాంగురాలు. వీరికి ఇద్దరు పిల్లలు ఉన్నారు. విద్యుదాఘాతంతో భర్త చనిపోయాడని విషయం తెలియగానే భార్య కన్నీరుమున్నీరయ్యింది. ‘మమ్మల్ని అనాథులు చేసి వెళ్లి పోయావా.. ఇంక మేము ఎట్లా బతికేది దేవుడా అంటూ బోరున విలిపించడం చూపరులను కలచివేసింది.   విద్యుత్‌తీగలు తగిలి వివాహిత మృతి కనగానపల్లి: ముక్తాపురంలో విజయలక్ష్మి(28) అనే వివాహిత విద్యుదాఘాతంతో మృతి చెందింది. స్థానికులు తెలిపిన  మేరకు.. గ్రామానికి చెందిన లక్ష్మిరెడ్డి భార్య విజయలక్ష్మి ఇంటి దగ్గర ఉన్న నీటి కుళ్లాయి మోటర్‌కు ఏర్పాటు చేసుకొన్న విద్యుత్‌ తీగలను గుర్తించకుండా తడిగుడ్డతో తాకింది. దీంతో ఆమె విద్యుదాఘాతానికి గురైంది. ఆ సమయంలో ఎవ్వరూ లేకపోవటంతో ఆమెను రక్షించేవారు లేక అలాగే తీగలు పట్టుకొని చనిపోయింది. ఈమెకు ఇద్దరు కుమార్తెలు ఉన్నారు. ఎస్‌ఐ వేణుగోపాల్‌ సంఘటనా స్థలాన్ని పరిశీలించి కేసు నమోదు చేసుకొన్నారు. మృతురాలి కుటుంబ సభ్యులను వైఎస్సార్‌సీపీ నాయకులు పరామర్శించారు.   

చింతపల్లి(పాడేరు): మండలంలోని చెరువూరు వద్ద ఆదివారం విద్యుత్‌ స్తంభాన్ని ఆటో ఢీకొనడంతో ఐదుగురు గిరిజనులు మృతి చెందడానికి పాల ప్యాకెట్టే కారణమని స్థానికులు చెబుతున్నారు. చెరువూరుకు చెందిన వంతాల కృష్ణారావు గత కొంత కాలంగా ఆటో నడుపుతున్నాడు. కోరుకొండలో ఆదివారం జరిగిన వారపుసంతకు వచ్చిన కృష్ణారావు పాలప్యాకెట్‌ కొని, ఆటో స్టీరింగ్‌ భాగంలో పెట్టుకున్నాడు. ప్రయాణికులు ఎక్కిన తర్వాత చెరువూరికి సమీపంలోని దిగువ ప్రాంతానికి వెళుతుండగా పాలప్యాకెట్‌ ఆటో స్టీరింగ్‌ నుంచి జారీ కాళ్లపై పడడంతో ప్యాకెట్‌తీసి పైన పెట్టే క్రమంలో అదుపుతప్పి విద్యుత్‌ స్తంభాన్ని ఢీకొట్టినట్టు కొందరు చెబుతున్నారు. మండలంలోని అన్నవరం ప్రధాన రహదారి నుంచి చెరువూరు వరకు సుమారు 16 కిలోమీటర్ల మేర 150 విద్యుత్‌ స్తంభాలున్నాయి. ఇవన్నీ ఇనుప స్తంభాలు కావడంతో పాటు సింగిల్‌ లైన్‌ విద్యుత్‌ సరఫరా అవుతుంది. ఆటో స్తంభాన్ని స్వల్పంగా ఢీకొట్టినప్పటికీ పైన విద్యుత్‌ తీగ తెగి ఆటోపై పడడంతో   షాక్‌కు గురై ఐదుగురు మరణించగా, ఆరుగురు గాయాలు పాలైనట్లు చెబుతున్నారు. గాయపడిన వారిని లోతుగెడ్డ పీహెచ్‌సీకి తరలించారు. ముఖ్యమంత్రి జగన్‌మోహన్‌ రెడ్డి ఆదేశాల మేరకు క్షతగాత్రులను నర్సీపట్నం ఏరియా ఆస్పత్రికి తరలించి మెరుగైన వైద్య సేవలు అందిస్తున్నారు. సీఎం స్పందించడం ఇదే ప్రథమం మండలంలో గతంలో ఎన్నో ప్రమాదాలు జరిగాయి. పెద్ద సంఖ్యలో గిరిజనులు మృత్యువాత పడ్డారు. కానీ ముఖ్యమంత్రి స్థాయిలో స్పందించడం ఇదే తొలిసారి అని పలువురు చర్చించుకుంటున్నారు. కడసిల్ప వద్ద జీపు బోల్తాపడి ఏడుగురు గిరిజనులు మృతి చెందారు. అప్పటి మంత్రిగా ఉన్న పసుపులేటి బాలరాజు ఈ ప్రాంతీయుడు కావడంతో స్పందించారు. తర్వాత జర్రెల ఘాట్‌ రోడ్డు వద్ద జీపు బోల్తాపడి నలుగురు గిరిజనులు అక్కడికక్కడే మృతి చెందినా మంత్రి స్థాయిలో కూడా ఎవరూ స్పందించలేదు. గత ఏడాది అన్నవరం వద్ద జీపు ప్రమాదానికి గురై నలుగురు గిరిజనులు మృతి చెందినా అధికారులు మినహా ప్రముఖ నేతలెవరు పట్టించుకున్న దాఖలాలు లేవు. రాష్ట్రంలో అత్యంత శివారునున్న విశాఖ మన్యంలోని చింతపల్లి మండలం ఒడిశా సరిహద్దు ప్రాంతంలో చెరువూరు వద్ద జరిగిన ప్రమాదంలో ఐదుగురు గిరిజనులు మృతి చెందిన వెంటనే ముఖ్యమంత్రి జగన్‌మోహన్‌రెడ్డి స్పందించి రూ.5లక్షలు ఎక్స్‌గ్రేషియా ప్రకటించడం సర్వత్రా చర్చాంశనీయమైంది. సంఘటన జరిగిన వెంటనే బాధితులను పరామర్శించేందుకు వెళ్లాలని జిల్లా కలెక్టర్‌ భాస్కర్‌కు ఆదేశాలు జారీ చేయడంతో ఆదివారం అర్ధరాత్రి ఆయన చింతపల్లి చేరుకున్నారు. ఇటీవల జరిగిన సార్వత్రిక ఎన్నికల్లో పాడేరు ఎమ్మెల్యేగా ఎన్నికైన కొట్టగుళ్లి భాగ్యలక్ష్మి సోమవారం పాడేరులో విజయోత్సవ ర్యాలీ నిర్వహించేందుకు ఏర్పాట్లు చేస్తున్నారు. ఈ విషాద సంఘటన సమాచారం తెలియడంతో ఆమె ర్యాలీని రద్దు చేసుకుని చెరువూరుకు వెళ్లారు.

చీపురుపల్లి: గ్రామీణ విద్యుత్‌ సహకార సంఘ(ఆర్‌ఈసీఎస్‌) అధికారులు, సిబ్బంది నిర్లక్ష్యానికి ఒక నిండు ప్రాణం బలవ్వగా మరో ఐదేళ్ల బాలుడి పరిస్థితి విషమంగా మారింది. నిండు నూరేళ్లు జీవించాల్సిన ముక్కుపచ్చలారని పదకొండేళ్ల బాలుడు వారి పుణ్యమాని లోకాన్ని విడిచి వెళ్లిపోయాడు. మరో చిన్నారి చావుబతుకుల మధ్య విజయనగరం ఆస్పత్రిలో ఉన్నాడు. మంగళవారం రాత్రి వీచిన గాలులకు తెగిపడిన విద్యుత్‌ తీగలను బుధవారం మధ్యాహ్నం వరకు తొలగించకపోవడంతో అటువైపుగా వెళ్లిన నిద్దాన సురేంద్ర (11), మీసాల హేమంత్‌ (5) వాటిని అనుకోకుండా తాకారు. ఈ ప్రమాదంలో సురేంద్ర మృతి చెందగా.. హేమంత్‌ తీవ్రంగా గాయపడ్డాడు. బుధవారం ఉదయమే తాతగారి ఇంటికి వచ్చిన సురేంద్ర ఇలా తిరిగిరాని లోకాలకు వెళ్లిపోవడంపై ఆ కుటుంబ సభ్యులు కన్నీటి పర్యంతమయ్యారు. అంతవరకు కళ్లముందే ఆడుకుంటున్న చిన్నారులు అంతలోనే మృత్యువాత పడడంతో యలకలపేట గ్రామంలో విషాదఛాయలు అలముకున్నాయి. ఉదయమే తాతగారి ఇంటికి వెళ్లి.... మండలంలోని పుర్రేయవలస గ్రామానికి చెందిన నిద్దాన ఈశ్వరరావు, కుమారిలకు సురేంద్ర, ద్రాక్షాయని ఇద్దరు సంతానం. వీరు విజయవాడ వలస వెళ్లి అక్కడే నివాసం ఉంటున్నారు. అక్కడి నుంచి మంగళవారం స్వగ్రామమైన పుర్రేయవలస వచ్చారు. బుధవారం ఉదయం సురేంద్ర తన అమ్మమ్మగారి గ్రామమైన యలకలపేట  వెళ్లాడు. అక్కడ తోటి మిత్రులతో ఆడుకుంటూ నివాసాలకు అనుకుని ఉన్న ఆరటితోటలో గల బోరుకు స్నానానికి  వెళ్లాడు. ఈ మార్గంలో విద్యుత్‌ తీగలు తెగిపడి ఉన్నాయి. ఇది గమనించని సురేంద్ర, హేమంత్‌లు విద్యుత్‌ తీగలపై కాలు వేయడంతో షాక్‌కు గురై పక్కకు తుళ్లిపోయారు. వెంటనే తోటి స్నేహితులు గ్రామంలోకి వెళ్లి పెద్దలను పిలుచుకువచ్చారు. తీవ్రంగా గాయపడి ఉన్న చిన్నారులను చీపురుపల్లి ఆస్పత్రికి తరలిస్తుండగా... సురేంద్ర మృతి చెందాడు. హేమంత్‌కు ప్రథమ చికిత్స అనంతరం మెరుగైన వైద్యం కోసం విజయనగరం కేంద్రాస్పత్రికి తరలించారు. విజయవాడలో ఏడో తరగతి చదువుతున్న సురేంద్ర తిరిగిరాని లోకాలకు వెళ్లిపోవడంతో కుటుంబ సభ్యులు కన్నీరు మున్నీరుగా విలపిస్తున్నారు. మంగళవారం రాత్రే.. మంగళవారం రాత్రి 11 గంటల సమయంలో ఉరుములు, మెరుపులు, గాలులతో కూడిన వర్షం కురిసింది. దీంతో అదే సమయంలో యలకలపేట అరటితోటలో విద్యుత్‌ తీగలు తెగిపడ్డాయి. గతంలో పలుమార్లు ఇదే ప్రాంతంలో విద్యుత్‌ తీగలు తెగిపోవడంతో గ్రామస్తుల ఫిర్యాదు మేరకు అధికారులు వాటికి ముడులు వేసి సరిచేశారు. తెగి పడిన విద్యుత్‌ తీగలను బుధవారం మధ్యాహ్నం  వరకు ఆర్‌ఈసీఎస్‌ సిబ్బంది సరి చేయలేదు. ఆర్‌ఈసీఎస్‌లో సీజేఎల్‌ఎమ్‌ నుంచి ఎ.డి వరకు ఎవ్వరూ పట్టించుకోకపోవడం ఆశ్చర్యాన్ని కలిగించే అంశం. సీజేఎల్‌ఎమ్‌ పాముకాటుకు గురై ఆస్పత్రిలో ఉన్నాడని ఆర్‌ఈసీఎస్‌ అధికారులు చెబుతున్నప్పటికీ ఆయన స్థానంలో మరెవ్వరూ లేకపోవడం శోచనీయం. ఇలాంటి సంఘటనలు మండలంలోని రామలింగాపురం, పుర్రేయవలసలో కూడా గతంలో జరిగాయి. పెదనడిపల్లిలో పాఠశాలకు వెళ్తున్న ఇద్దరు విద్యార్థినులపై విద్యుత్‌ తీగలు తెగిపడిన సంఘటనలు కూడా ఉన్నాయి. ఇంత జరుగుతున్నా ఆర్‌ఈసీఎస్‌ మాత్రం నిర్లక్ష్యాన్ని వీడడం లేదని విమర్శలు వినిపిస్తున్నాయి. చలించని అధికారులు ఆర్‌ఈసీఎస్‌ నిర్లక్ష్యం కారణంగా ఒకటి కాదు రెండు కాదు ఎన్నో మరణాలు సంభవిస్తున్నా అధికారుల్లో చలనం రాకపోవడం శోచనీయం.  బలహీనంగా ఉండే విద్యుత్‌ తీగలు, ఎక్కడికక్కడే ముడులు కట్టిన వైర్లు ఉండడంతో గాలులు వీచే సమయంలో తెగిపడుతూ ప్రాణాలు బలిగొంటున్నాయి. వర్షం పడిన తర్వాత గ్రామస్థాయిలో ఉండే సిబ్బంది తమ పరిధిలో ఉండే విద్యుత్‌ లైన్లు ఎలా ఉన్నాయో సరి చూసుకోవాల్సిన బాధ్యత ఉన్నప్పటికీ సిబ్బంది నిర్లక్ష్యంగా వ్యవహరిస్తున్నారు. ఈ విషయలో ఉన్నతాధికారులు సైతం పట్టించుకోవడం లేదు.మంగళవారం రాత్రి విపరీతమైన గాలులతో కూడిన వర్షం కురిసింది. ఆ సమయంలో యలకలపేటలో గల అరటితోటలో విద్యుత్‌ తీగలు తెగిపోయి ఉండవచ్చు.అయితే ఈ విషయం మా దృష్టికి రాలేదు. 11 కేవీ విద్యుత్‌ లైన్‌లో తీగలు తెగిన వెంటనే తెలుస్తుంది. ఎల్‌టీ లైన్‌లో తెలిసే అవకాశం లేదు.   – బి.జగన్నాధం,  ఆర్‌ఈసీఎస్‌ ఎ.డి, చీపురుపల్లి

చిత్తూరు, బుచ్చినాయుడుకండ్రిగ:  ఇటీవల పదో తరగతి ఫలితాల్లో  శిరీష ప్రతిభ చాటింది. ఆదివారం ఆ విద్యార్థిని పుట్టిన రోజు. దీంతో ఇల్లంతా సందడి, సందడిగా ఉంది. పైగా తెల్లారితే నూతన గృహ ప్రవేశ కార్యక్రమం కూడా ఉంది. అందరూ సంతోషంగా, సందడితో ఉంటున్న ఆ ఇంటిలో ఉన్నట్లుండి విషాదం అలుముకుంది. పుట్టినరోజే విద్యుత్‌ షాక్‌ రూపంలో విద్యార్థిని మృత్యువు కబళించింది. ఈ  సంఘటన నెరిణికండ్రిగలో చోటు చేసుకుంది. గ్రామస్తుల కథనం మేరకు నెరిణికండ్రిగ ఎస్సీ కాలనీకి చెందిన అంకయ్య, సుమలతల కుమార్తె శిరీష నెలవాయి పాఠశాల్లో 10 వ తరగతి చదివింది. ఇటీవల విడుదలైన ఫలితాల్లో 9.2 పాయింట్లతో పాఠశాలలో ప్రథమ స్థానంలో నిలిచింది. సోమవారం ఉదయం నూతన గృహాప్రవేశం కార్యక్రమం జరగనుంది. ఇందులో భాగంగా ఇంట్లో విద్యుత్‌ పనులు జరుగుతున్నాయి. ఈ క్రమంలో శిరీష నీటి కోసం మోటరు వేసే క్రమంలో విద్యుత్‌ షాక్‌కు గురయింది. గమనించిన కుటుంబ సభ్యులు శిరీషను శ్రీకాళహస్తిలోని ప్రైవేటు ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు. శిరీష పుట్టినరోజే చనిపోవడంతో కుటుంబసభ్యుల ఆవేదనకు అంతులేకుండా పోయింది. శిరీష మృతిపై ఎంఈఓ రవీంద్రనాథ్, ప్రధానోపాధ్యాయులు రాజశేఖర్, తెలుగుపండిట్‌ పురుషోత్తమ్‌ విచారం వ్యక్తం చేశారు. 

పెద్దకొత్తపల్లి (కొల్లాపూర్‌): ఊరంతా షాక్‌ రావడంతో.. ఓ మహిళ మృతి చెందింది. నాగర్‌కర్నూల్‌ జిల్లా పెద్దకొత్తపల్లి మండలం కొత్తపేటలో శనివారం ఈ సంఘటన చోటుచేసు కుంది. కొత్తపేటకు చెందిన పెద్ద శంకరయ్య, శంకరమ్మల మూడో కూతురు పద్మజ(38)ను పదేళ్ల క్రితం బిజినేపల్లి మండలం గంగారం గ్రామానికి చెందిన గుంటి నిరంజన్‌కి ఇచ్చి వివాహం చేశారు. అయితే తల్లిగారింటికి వచ్చిన పద్మజ శనివారం ఉదయం దుస్తులు ఉతికి.. ఇంటి ముందున్న తీగపై ఆరబెడుతుండగా విద్యుత్‌ షాక్‌కు గురై అక్కడికక్కడే మృతి చెందింది. పద్మజకు కుమారుడు, ఇద్దరు కూతుళ్లు ఉన్నారు. పద్మజ భర్త నిరంజన్‌ ఫిర్యాదు మేరకు కేసు నమోదు చేసుకొని శవాన్ని పోస్టుమార్టం నిమిత్తం నాగర్‌కర్నూల్‌ ఏరియా ఆస్పత్రికి తరలించినట్లు హెడ్‌కానిస్టేబుల్‌ కుర్మయ్య తెలిపారు. ఇదే సమయంలో ఊరంతా షాక్‌ వచ్చిందని, కొన్ని రోజులుగా ట్రాన్స్‌ఫార్మర్‌ వద్ద ఎర్తింగ్‌ సమస్యతో షాక్‌ వస్తోందని గ్రామస్తులు తెలిపారు.   

చేగుంట(తూప్రాన్‌): ప్రమాదవశాత్తు విద్యుత్‌ షాక్‌కు గురై బాలుడు మృతి చెందిన సంఘటన మండలంలోని వడియారం గ్రామంలో చోటు చేసుకుంది. స్థానికులు, పోలీసులు తెలిపిన వివరాల ప్రకారం.. గ్రామానికి చెందిన జియాఉల్‌రెహమాన్‌ స్థానిక మసీద్‌లో గురువుగా ఉన్నారు. అతని కుమారుడు జమీల్‌ (10) శుక్రవారం సాయంత్రం సైకిల్‌పై సరదాగా తిరుగుతూ గ్రామ పంచాయతీ మినీ వాటర్‌ ట్యాంకు వద్ద ఆగాడు. పక్కనే ఉన్న విద్యుత్‌ స్తంభం వద్ద ఎర్తింగ్‌ రావడంతో విద్యుత్‌ షాక్‌తో అక్కడికక్కడే కుప్పకూలిపోయాడు. అకస్మాత్తుగా పడిపోయిన జమీల్‌ను చూసి స్థానికులు కాపాడే ప్రయత్నం చేయగా అప్పటికే మృతి చెందాడు. సంఘటనా స్థలానికి చేరుకున్న పోలీసులు  వివరాలు సేకరించారు. విద్యుత్‌ అధికారుల నిర్లక్ష్యంతోనే బాలుడు మృతి చెందాడని, మృతుడి కుటుంబీకులకు పరిహారం అందించాలని గ్రామస్తులు డిమాండ్‌ చేశారు. ఈ మేరకు కేసు నమోదు చేసుకొని బాలుడి మృతదేహాన్ని పోస్టుమార్టం నిమిత్తం మెదక్‌ ఏరియా ఆస్పత్రికి తరలించినట్లు ఎస్‌ఐ సత్యనారాయణ తెలిపారు. 

జామి: పొట్టకూటి కోసం పట్నానికి కూలి పనికి వెళ్లిన వ్యక్తి మృత్యువాత పడ్డాడు. మృతుడి కుటుంబ సభ్యులు అందించిన వివరాలు ఇలా ఉన్నాయి.. మండలంలోని గొడికొమ్ము గ్రామానికి చెందిన శీర చిన్నారావు (33) నిత్యం కూలి పనుల కోసం విశాఖపట్నం వెళ్తుంటాడు. ఈ క్రమంలో బుధవారం కూడా పని కోసం విశాఖపట్నంలోని గోపాలపట్నం వెళ్లాడు. విధుల్లో భాగంగా విద్యుత్‌ స్తంభం ఎక్కి మరమ్మతులు చేస్తుండగా.. విద్యుదాఘాతంతో స్తంభం మీదే కన్నుమూశాడు. వెంటనే సహచరులు స్పందించి మృతదేహాన్ని కిందకు దించి సమీపంలో ఉన్న ప్రైవేట్‌ ఆస్పత్రికి తరలించగా.. అప్పటికే ఆయన మృతి చెందినట్లు నిర్ధారించారు. విషయం తెలుసుకున్న పోలీసులు గురువారం సంఘటనా ప్రాంతానికి చేరుకుని పోస్టుమార్టం నిమిత్తం మృతదేహాన్ని కేజీహెచ్‌కు తరలించారు. అనంతరం మృతదేహాన్ని స్వగ్రామమైన గొడికొమ్ముకు  తరలించారు. గోపాలపట్నం పోలీసులు కేసు నమోదు చేసి దర్యాప్తు చేస్తున్నారు. మృతుడికి భార్య పైడితల్లి, కుమారుడు ఉన్నారు.

చిత్తూరు అర్బన్‌ : అప్పటి వరకు తోటి ఫొటోగ్రాఫర్లతో కలివిడిగా తిరిగాడు. పలుచోట్ల కొలువుదీరిన గంగమ్మలను తన కెమెరాలో బంధించాడు. తొలుత తీసిన ఫొటోపై సంతృప్తిచెందక మళ్లీ అమ్మవారి ఫొటో తీయడానికి వెళ్లి విద్యుదాఘాతానికి గురయ్యాడు. చికిత్స కోసం ఆసుపత్రికి తరలించేలోపే మృతిచెందాడు. చిత్తూరుకు చెందిన ఓ దినపత్రిక ఫొటో జర్నలిస్టు అనంతపద్మనాభస్వామి మృత్యువాత పడటంపై జిల్లా కలెక్టర్, పాత్రికేయులు, పలువురు నేతలు దిగ్భ్రాంతి వ్యక్తం చేశారు. వివరాలిలా.. చిత్తూరు గ్రామీణ మండలంలోని బీఎన్‌ఆర్‌.పేటకు చెందిన అనంతపద్మనాభస్వామి (38) ఫొటో జర్నలిస్టుగా పనిచేస్తున్నాడు. మంగళవారం నగరంలో గంగజాతర సందర్భంగా బజారువీధి, కట్టమంచి, సంతపేట ప్రాంతాల్లో కొలువుదీరిన అమ్మవార్ల ఫొటోలు తీసుకున్నాడు. అయితే కొంగారెడ్డిపల్లె జాతరలో అమ్మవారు, భక్తుల ఫొటోలను చూసి సంతృప్తి చెందకుండా మళ్లీ ఫొటోలు తీయడానికి వెళ్లాడు. జాతర వద్ద ఏర్పాటు చేసిన చలువపందిళ్ల కొయ్యలపైకి ఎక్కి ఫొటో తీస్తుండగా విద్యుత్‌లైట్ల కోసం ఏర్పాటు చేసిన కరెంటు తీగలు తగిలి విద్యుదాఘాతానికి గురై పడిపోయాడు. ఈ ప్రమాదంలో స్వామి తలకు బలమైన గాయాలయ్యాయి. హుటాహుటిన ఇతన్ని చిత్తూరు ప్రభుత్వ ఆసుపత్రికి తరలించగా.. అప్పటికే మృతి చెందినట్లు వైద్యులు పేర్కొన్నారు. పోస్టుమార్టం అనంతరం మృతదేహాన్ని తరలించి, వన్‌టౌన్‌ ఎస్‌ఐ పురుషోత్తంరెడ్డి కేసు నమోదు చేసి దర్యాప్తు చేస్తున్నారు. పలువురి సంతాపం.. అనంతపద్మనాభస్వామి మరణవార్త తెలుసుకున్న జిల్లా కలెక్టర్‌ ప్రద్యుమ్న ఆసుపత్రికి చేరుకుని విచారం వ్యక్తం చేశారు. ప్రభుత్వపరంగా రావాల్సిన బీమాను స్వామి కుటుంబానికి అందజేస్తామన్నారు. అలాగే చిత్తూరు ప్రెస్‌క్లబ్‌ నాయకులు, జిల్లా వర్కింగ్‌ జర్నలిస్టు నాయకులు స్వామి మృతికి సంతాపం వ్యక్తం చేశారు. అదేవిధంగా వైఎస్సార్‌సీపీ నాయకులు ఎంఎస్‌.బాబు, జంగాలపల్లె శ్రీనివాసులు, బుల్లెట్‌ సురేష్, మాజీ మునిసిపల్‌ చైర్మన్‌ భాస్కరన్, త్యాగరాజులు, అపోలో మెడికల్‌ కళాశాల యూనిట్‌ ఇన్‌చార్జ్‌ నరేష్‌కుమార్‌రెడ్డి, సీపీఐ నేత నాగరాజన్, గోపినాథ్‌ తదితరులు స్వామి మృతదేహం వద్ద నివాళులర్పించి, ఆయన కుటుంబ సభ్యులకు సానుభూతి వ్యక్తం చేశారు.

ధవళేశ్వరం (రాజమహేంద్రవరం రూరల్‌) : ఫ్లెక్సీ కడుతుండగా విద్యుదాఘాతానికి గురై హీరో మహేష్‌బాబు అభిమాని మృతి చెందిన ఘటన తూర్పుగోదావరి జిల్లా రాజమహేంద్రవరం మండలం ధవళేశ్వరంలో బుధవారం అర్ధరాత్రి జరిగింది. ఇండస్ట్రియల్‌ కాలనీకి చెందిన హార్లిక్స్‌ ఫ్యాక్టరీ ఉద్యోగి యర్రంశెట్టి రాజీవ్‌ (27) మహర్షి విడుదల సందర్భంగా.. ఐరన్‌ ఫ్రేమ్‌తో కూడిన ఫ్లెక్సీ కట్టేందుకు మరో వ్యక్తితో కలసి.. మురళీకృష్ణ థియేటర్‌ పక్కన బిల్డింగ్‌పైకెక్కాడు. ఫ్లెక్సీ ఫ్రేమ్‌ విద్యుత్‌ వైర్లకు తగలడంతో విద్యుదాఘాతానికి గురైన రాజీవ్‌ ఒక్కసారిగా బిల్డింగ్‌పై నుంచి కిందపడ్డాడు. తీవ్రంగా గాయపడిన అతడిని 108లో రాజమహేంద్రవరం ప్రభుత్వాస్పత్రికి తరలిస్తుండగా మార్గంమధ్యలోనే మృతిచెందాడు.

ఆ ఇంట్లో నాలుగు రోజుల క్రితం వివాహ వేడుక ఘనంగా జరిగింది. సోమవారం తిరుగు పెళ్లి కూడా బంధుమిత్రుల ఆనందోత్సాహాల మధ్య సాగింది. అంతలోనే పెళ్లి వేడుకలో విషాదం. విద్యుత్‌ స్తంభం రూపంలో మృత్యువు తోడల్లుళ్లను కబళించింది. పెళ్లింట రోదనలు మిన్నంటాయి. ఈ దుర్ఘటన బుధవారం ఆదోని మండలం కపటి గ్రామంలో చోటు చేసుకుంది. ఆదోని: పట్టణంలోని రాయనగర్‌కు చెందిన దిలీప్, కపటి గ్రామానికి చెందిన బాలరాజు తోడల్లుళ్లు. కపటిలో ఆదివారం జరిగిన బావమరిది సురేష్‌ పెళ్లిలో అంతా తామై వ్యవహరించారు. బావ మరిది పెళ్లి ఘనంగా చేశారు. మరుసటి రోజు సోమవారం వధువు ఇంట కోసిగిలో తిరుగు పెళ్లిని కూడా ముగించుకుని అదే రోజు రాత్రి తిరిగి కపటికి చేరుకున్నారు. బుధవారం..బావమరిది ఇంటికి సమీపంలో విద్యుత్‌ స్తంభం పాతేందుకు సిద్ధం అయ్యారు. తాళ్ల సాయంతో కొందరు స్తంభాన్ని పైకి లేపి నిలబెట్టగా బాలరాజు, దిలీప్‌ గడ్డపారతో దానిని గుంతలోకి నెడుతున్నారు. అయితే పైన ఓ సెల్‌ టవర్‌ కోసం లాగిన విద్యుత్‌ లైన్‌ స్తంభానికి తాకి.. ఇనుప చువ్వల ద్వారా విద్యుత్తు ప్రవహించింది. దీంతో గడ్డపార పట్టుకున్న బాలరాజు, దిలీప్‌ గిలగిల కొట్టుకుంటూ కింద పడిపోయారు. మిగతా వారు గమనించి స్తంభాన్ని నేలమీద పడేసి...బాలరాజు(28), దిలీప్‌(30)ని  దూరంగా లాగి, వెంటనే ఆటోలో ఆదోని పట్టణంలోని ఓ ప్రైవేటు ఆసుపత్రికి తరలించారు. అప్పటికే వారు మృతి చెందినట్లు వైద్యులు చెప్పారు. మృతదేహాలను ప్రభుత్వ ప్రధాన ఆసుపత్రిలోని మార్చురీకి తరలించారు. బాలరాజుకు భార్య ఏసుకుమారి, ఇద్దరు పిల్లలు, దిలీప్‌కు భార్య ఎలంగిమాత, ఇద్దరు పిల్లలు ఉన్నారు.   విద్యుత్‌ అధికారుల నిర్లక్ష్యమేనా? విద్యుత్‌ లేన్‌ తమ ఇంటికి దూరంగా ఉందని, తమ ఇంటికి సమీపంలోనే మరో స్తంభం ఏర్పాటు చేయాలని చాలా సార్లు విద్యుత్తు అధికారులు, సిబ్బందికి సురేష్‌ విన్నవించుకున్నారు. అయితే ఎవరూ సానుకూలంగా స్పందించలేదు. గాలి, వాన సమయంలో సర్వీసు వైరు తెగి పడితే ప్రమాదాలు చోటు చేసుకోవచ్చని భయపడిన సురేష్‌ కుటుంబ సభ్యులు ఎక్కడో వృథాగా పడి ఉన్న పాత విద్యుత్తు స్తంభాన్ని తీసుకు వచ్చి ఇంటి వద్ద వేసుకున్నారు. స్వంతంగా అయినా దానిని ఏర్పాటు చేసుకోవానుకున్నట్లు తెలుస్తోంది. సరైన అవగాహన లేక పోవడంతో సిమెంట్‌ పెచ్చులూడి, ఇనుప చువ్వలు తేలిన స్తంభాన్ని పాతేందుకు చేసిన ప్రయత్నంలోనే రెండు నిండు ప్రాణాలు బలి అయ్యాయి.  అధికారులు స్పందించి ఉంటే రెండు నిండు ప్రాణాలు బలి అయ్యేవి కాదని గ్రామ మాజీ సర్పంచ్‌ రాజు, మృతుల బంధువు చిన్నప్ప, గ్రామ ప్రజలు ఆవేదన వ్యక్తం చేస్తున్నారు. ఘటనకు విద్యుత్‌ అధికారులే బాధ్యత వహించి మృతుల కుటుంబాలకు ఆర్థిక సాయం అందించాలని కోరారు. మా నిర్లక్ష్యం లేదు కపటి ఘటనకు విద్యుత్‌ అధికారుల నిర్లక్ష్యం కారణంగా చెప్పడం అన్యాయం. ఇంటి వద్ద విద్యుత్‌ స్తంభం అవసరాన్ని మా దృష్టికి తీసుకు రాలేదు. సిబ్బందికి చెప్పారో లేదో నాకు తెలియదు. సిబ్బంది సానుకూలంగా స్పందించకుంటే ఏఈ, ఏడీఈ, డీఈ దృష్టికి తీసుకురావాలి. ఎక్కడో తెచ్చుకున్న స్తంభాన్ని స్వంతంగా పాతుకోకూడదు. కనీసం మా దృష్టికి తెచ్చినా ప్రమాదం చోటు చేసుకోకుండా  జాగ్రత్తలు తీసుకునేందుకు అవకాశం ఉండేది. ఏ మాత్రం అవకాశం ఉన్నా ఆర్థిక సాయం అందిస్తాం. ఈ విషయమై ఉన్నత స్థాయిలోనే అ«ధికారులు నిర్ణయం తీసుకోవాల్సి ఉంది.–ఖలీల్‌ బాబు, ఆదోని ఏడీఈ   

అనంతపురం, తాడిమర్రి: జిల్లాలో వేర్వేరు చోట్ల విద్యుదాఘాతానికి గురై ముగ్గురు మృతి చెందారు. మరొకరు తీవ్రంగా గాయపడ్డారు. మృతుల్లో ఒక రైతు, ఒక పెయింటర్, ఒక యువకుడు ఉన్నారు. వివరాల్లోకెళ్తే... తాడిమర్రి మండలం పెద్దకోట్లకు చెందిన రైతు వెంకటనారాయణ (68)కు ఐదు ఎకరాల పొలం ఉంది. ఒక ఎకరాలో వరి సాగు చేశాడు. ప్రతి రోజులాగే బుధవారం ఉదయం 8 గంటల సమయంలో వరిమడికి నీరు పెట్టడానికి వెళ్లాడు. సోమవారం రాత్రి కురిసిన వర్షానికి మోటర్‌ పెట్టె తడవటంతో స్విచ్‌కు విద్యుత్‌ సరఫరా అయ్యింది. ఇది తెలియని రైతు మోటర్‌ ఆన్‌ చేయడానికి స్విచ్‌ను తాకగానే విద్యుదాఘాతానికి గురై అక్కడికక్కడే మృతి చెందాడు. ఇతడికి భార్య నారాయణమ్మ, ఒక కుమారుడు ఉన్నారు. ఎస్‌ఐ శరత్‌చంద్ర సంఘటనా స్థలాన్ని పరిశీలించి కేసు నమోదు చేశారు.   గోరంట్లలో  పెయింటర్‌..   గోరంట్ల: గోరంట్ల పట్టణానికి చెందిన ఓ పెయింటర్‌ విద్యుదాఘాతంతో చనిపోయాడు. సీఐ ధరణీకిషోర్‌ తెలిపిన మేరకు... పట్టణంలోని వినాయకనగర్‌కు చెందిన నవీన్‌ భరద్వాజ్‌ (29) బుధవారం దసిరెడ్డిపల్లి తండాకు చెందిన రామ్లానాయక్‌ ఇంటి బయట గోడలకు  పెయింట్‌ కొడుతున్నాడు. ఈ క్రమంలో పక్కనే ఉన్న ట్రాన్స్‌ఫార్మర్‌కు చేయి తగలటంతో షాక్‌కు గురయ్యాడు. వెంటనే అతడిని గ్రామస్తులు గోరంట్ల ప్రభుత్వాస్పత్రికి తరలిస్తుండగా మార్గం మధ్యలోనే ప్రాణం విడిచాడు. ఇతడికి భార్య, కుమారుడు ఉన్నారు.  తూమకుంట ఎస్సీ కాలనీలో మరొకరు..   హిందూపురం : తూమకుంట ఎస్సీకాలనీకి చెందిన నరసింహమూర్తి (23) విద్యుదాఘాతంతో మృతిచెందాడు. మంగళవారం రాత్రి గాలీవానకు చాలాచోట్ల విద్యుత్తు తీగలు తెగిపడిపోయాయి. బుధవారం మధ్యాహ్నం రాకపోకలకు ఇబ్బందిగా ఉందని తీగలను పక్కకు తొలగిద్దామని ప్రయత్నించాడు. విద్యుదాఘాతానికి గురై గట్టిగా కేకలు వేస్తూ కుప్పకూలిపోయాడు. స్థానికులు అతడిని వెంటనే ప్రభుత్వ ఆస్పత్రికి తరలించారు. వైద్యులు పరీక్షించి చూడగా.. అప్పటికే నరసింహమూర్తి మృతి చెందినట్లు నిర్ధారించారు. రూరల్‌ పోలీసులు కేసు దర్యాప్తు చేస్తున్నారు. విద్యుత్‌ తీగలు తగలిమహిళకు గాయాలు నార్పల: కేశేపల్లిలో నివాసముంటున్న కళావతి బుధవారం ఉదయం కూలి పనులకు వెళ్తుండగా తలకు విద్యుత్‌ తీగలు తగిలి షాక్‌కు గురైంది. గాయపడిన ఆమెను స్థానికులు వెంటనే అనంతపురం ప్రభుత్వాస్పత్రికి తరలించారు. 

పుట్లూరు: ట్రాన్స్‌కో అధికారుల నిర్లక్ష్యానికి నిండు ప్రాణం బలైంది. తక్కువ ఎత్తులో వేలాడుతున్న విద్యుత్‌ తీగలు తాకడంతో హిటాచీలో ఉన్న యువకుడు విద్యుదాఘాతానికి గురై మృతి చెందాడు. వివరాలిలా ఉన్నాయి. పుట్లూరు గ్రామానికి చెందిన కుళ్లాయమ్మ, కుళ్లాయప్ప దంపతులకు ఒక కుమారుడు, ఒక కుమార్తె సంతానం. కుమారుడు నజీర్‌ (25) హిటాచీ హెల్పర్‌గా పని చేస్తూ కుటుంబాన్ని పోషిస్తున్నాడు. సోమవారం పుట్లూరు నుంచి పని నిమిత్తం హిటాచీని లారీలో ఎక్కించి తీసుకెళ్తుండగా తహసీల్దార్‌ కార్యాలయానికి వెళ్లే రోడ్డులో విద్యుత్‌ తీగలు తగిలి మంటలు చెలరేగాయి. ప్రమాదాన్ని గుర్తించి లారీ డ్రైవర్‌తో పాటు నజీర్‌ కిందకు దూకారు. నజీర్‌ చేయి లారీకి తగలడంతో విద్యుత్‌షాక్‌కు గురయ్యాడు. వెంటనే స్థానికులు అతడిని తాడిపత్రి ప్రభుత్వ ఆస్పత్రికి తీసుకెళ్లారు. అయితే అప్పటికే నజీర్‌ మృతి చెందినట్లు వైద్యులు నిర్ధారించారు.  అధికారుల నిర్లక్ష్యంపై ఆగ్రహం  ట్రాన్స్‌కో అధికారుల నిర్లక్ష్యం వల్లే నజీర్‌ మృతి చెందాడని గ్రామస్తులు ఆగ్రహం వ్యక్తం చేశారు. ప్రమాదం జరిగిన చోట నుంచి లారీని పక్కకు తొలగించకుండా అడ్డుకున్నారు. ట్రాన్స్‌కో ఏఈ షెక్షావలి సంఘటనా స్థలానికి రావాలని డిమాండ్‌ చేశారు. గ్రామస్తుల డిమాండ్‌తో లైన్‌మెన్‌ సంఘటనా స్థలానికి వచ్చాడు. తాము పలుమార్లు ఫిర్యాదు చేసినా విద్యుత్‌ తీగలు సరిచేయకుండా నిర్లక్ష్యం చేయడంతో నేడు ఒక ప్రాణం బలైందని గ్రామస్తులు ఆవేదన వ్యక్తం చేశారు.  

సాక్షి, అమరావతి : విద్యుత్‌ ప్రమాదాలు రాష్ట్రంలో ఏటా కనీసం 500 మంది ఉసురుతీస్తున్నాయి. మరో వేయి మందిని గాయాలపాలు చేస్తున్నాయి. దాదాపు 6 వేల మూగజీవాల ప్రాణాలను హరిస్తున్నాయి. విద్యుత్‌ ప్రమాద ఘటనలన్నీ 90 శాతం గ్రామాల్లోనే నమోదవుతున్నాయి. తెగిపడే విద్యుత్‌ తీగలు, పంట పొలాలకు వేసే విద్యుత్‌ కంచెలు, స్టే వైర్లకు విద్యుత్‌ సరఫరా కావడం ప్రమాదాలకు కారణమవుతున్నాయి. రాష్ట్రంలో చెయ్యి పైకెత్తితే విద్యుత్‌ వైర్లు తగిలే గ్రామాలు, శివార్లు, కాలనీలు ఇంకా 215 వరకూ ఉన్నాయని అధికారిక లెక్కలే చెబుతున్నాయి. ఇప్పటికీ చిన్నగాలికే వంగిపోయే స్తంభాలు వేలల్లో ఉన్నాయి. తీర ప్రాంతంలో అయితే ఉప్పు నీటితో స్తంభాలకు తుప్పుపట్టి, అవి కూలిపోయి ఒక్కసారిగా జనం మీద పడే విద్యుత్‌ లైన్లూ ఉండటం గమనార్హం. ఇలాంటి ఘటనలతో జరిగిన ప్రాణనష్టాలపై ఒంగోలు న్యాయస్థానం తనకు తానుగా స్పందించింది. కేసును సుమోటోగా తీసుకుని సమాధానం ఇవ్వాలని విద్యుత్‌ పంపిణీ సంస్థలకు సమన్లు జారీ చేసింది. వినియోగదారులపై భారం తప్పదా? ఎప్పుడో మూడు దశాబ్దాల క్రితం వేసిన లైన్లే ఇప్పటికీ గ్రామాల్లో ఉన్నాయి. అప్పట్లో విద్యుత్‌ వినియోగదారులు తక్కువ. ఎక్కువ శాతం పూరిళ్లే ఉండేవి. ఆ కాలంలో వేసిన విద్యుత్‌ స్తంభాలు అప్పటి అవసరాలకు తగ్గట్టుగానే ఉన్నాయి. నివాస ప్రాంతాల పక్క నుంచీ లైన్లు వేసినా ఎవరికీ ఇబ్బంది రాలేదు. కానీ ఇప్పటి పరిస్థితులు వేరు. 1990లో ఆంధ్రప్రదేశ్‌లో 500 ఫీడర్లు ఉంటే.. ఇప్పుడు వాటి సంఖ్య 2 వేలకు పెరిగింది. ఒక్కో ఫీడర్‌ పరిధిలో కనీసం 4 వేల విద్యుత్‌ కనెక్షన్లుంటాయి. 30 ఏళ్లనాటి ఊరు, వాడ పూర్తిగా మారిపోయింది. సిమెంట్‌ రోడ్లు, తారు రోడ్లు వచ్చాయి. దీంతో సహజంగానే రోడ్ల ఎత్తు పెరిగింది. పూరి గుడిసెల స్థానంలో డాబాలు వెలిశాయి. వీధి రోడ్డును మించి ఎత్తు ఉండేలా ఇంటి నిర్మాణం చేయడం సహజం. ఇన్ని మార్పులొచ్చినా అదే వీధిలో.. అదే ఇళ్ల మధ్య విద్యుత్‌ స్తంభాలను అలాగే ఉంచారు. రోడ్ల ఎత్తు పెరగడంతో స్తంభాలు బాగా కిందకు కనిపిస్తున్నాయి. ఇక తీగలు చేతి ఎత్తుల్లోనే ఉంటున్నాయి. గ్రామీణ ప్రాంతాల్లో విద్యుత్‌ స్తంభాలను ఎత్తు లేపాల్సిన అవసరం ఉందని అధికారులూ అంగీకరిస్తున్నారు. ఈ పనిచేయాలంటే సుమారు రూ.1500 కోట్లు కావాలని చెబుతున్నారు. డిస్కమ్‌లు, స్వతంత్ర సంస్థలు అప్పు తెస్తే తప్ప సమూల మార్పులు తేవడం సాధ్యం కాదు. ఇంత మొత్తాన్ని ప్రజలపైనే వేయాల్సి ఉంటుంది. అయితే, ఇప్పటికే చార్జీల భారంతో అల్లాడుతున్న ప్రజలపై అదనపు భారం మోపడానికి డిస్కమ్‌లు సాహసించడం లేదు. అన్నదాతల ఆయుష్షు తీస్తున్నా.. రాష్ట్రంలో వ్యవసాయ విద్యుత్‌ కనెక్షన్లు పెరిగినా.. పాతకాలం నాటి విద్యుత్‌ లైన్లే ఉన్నాయి. దీంతో ట్రాన్స్‌ఫార్మర్‌ ఫ్యూజ్‌లు తరచూ పోతున్నాయి. వీటిని వేసేందుకు సిబ్బంది అందుబాటులో ఉండటం లేదు. వాస్తవానికి.. విద్యుత్‌ సంస్థల్లో 23 వేల పోస్టులు ఖాళీగా ఉన్నాయి. డిస్కమ్‌ల్లో కీలకమైన జూనియర్‌ లైన్‌మెన్, ఇతర క్షేత్ర స్థాయి సిబ్బంది పోస్టులు 15 వేల వరకూ ఉంటాయి. వీటిని భర్తీ చేయకపోవడంతో కష్టాలు తప్పడం లేదు. ఇప్పటికీ నాలుగైదు గ్రామాలకు ఒకే లైన్‌మెన్‌ పనిచేస్తున్నాడు. ఫలితంగా సకాలంలో సేవలు అందించలేకపోతున్నాడు. దీంతో రైతులే ఫ్యూజులు వేసుకోవడం, ట్రాన్స్‌ఫార్మర్‌కు చిన్నచిన్న మరమ్మతులు చేసుకోవడం చేస్తున్నారు. ఇవి కొన్నిసార్లు ప్రమాదాలకు దారితీస్తున్నాయి. ఎక్కడన్నా తీగ తెగిపోతే వెంటనే ఫ్యూజ్‌ పోవాలి. కానీ అలా జరగడం లేదు. ఫ్యూజులు రాలిపోనంత దట్టమైన వైర్లు వేస్తున్నారు. తీగలు తెగి నేలమీద పడితే విద్యుత్‌ సరఫరా అవుతోంది. తెగిపడిన విద్యుత్‌ తీగలు అన్నదాతల ప్రాణాలను హరిస్తున్నాయి. బోర్లు వేసేటప్పుడు కూడా సరైన పరిజ్ఞానం ఉండటం లేదు. విద్యుత్‌ వైర్ల సమీపంలో బోర్‌ వేసే యంత్రాలు వాడుతున్నారు. విద్యుత్‌ తీగలను పట్టించుకోకుండా పైకి లేపడం వల్ల ప్రమాదాలు జరిగిన సంఘటనలు చాలా ఉన్నాయి. ఈ పరిస్థితి చక్కదిద్దాలని వినియోగదారులు ఏటా విద్యుత్‌ నియంత్రణ కమిషన్‌ను వేడుకుంటున్నా ఫలితం శూన్యం.

మరో ఐదు నిమిషాల వ్యవధిలో కరెంటు సరఫరా వేళలు మారుతాయి.. త్రీఫేజ్‌ నుంచి 2 ఫేజ్‌కు మారబోయే సమయమది..ఫేజ్‌ మారితే స్కీం బోరుకు విద్యుత్‌ సరఫరా నిలిచిపోతుంది..కరెంట్‌ ఫేజ్‌ మారకనే నీళ్లు పట్టుకోవాలనే ఆత్రుత అతడిని మృత్యు ఒడిలోకి చేర్చింది. కరెంటు షాక్‌కు బలై అతడు విగతజీవి అయిన మరుక్షణమే కరెంటు సరఫరా ఆగిపోయింది! ఫేజ్‌–2లోకి కరెంటు మారింది. ఆ ఒక్క ఐదు నిమిషాలు గడచిపోయి ఉంటే అతడీ లోకంలోనే ఉండేవాడేమో!! కలకడ :  కరెంటు షాక్‌కు గురై ఓ వ్యక్తి మృతి చెందిన సంఘటన సోమవారం మండలంలోని కదిరాయచెర్వు పంచాయతీ వడ్డిపల్లెలో చోటుచేసుకుంది. స్థానికులు, పోలీసుల కథనం.. వడ్డిపల్లెకు చెందిన బత్తల రెడ్డెప్ప (35)  సోమవారం ఉదయం 10గంటల సమయంలో గ్రామానికి చెందిన స్కీంబోరు నీటిని నింపుకునే ప్రయత్నం చేశారు. స్కీంబోరుకు ఉన్న కేబుల్‌ వైర్లు దెబ్బతిని మోటార్‌కు విద్యుత్‌ సరఫరా అయింది. అదే ఇది తెలియని రెడ్డెప్ప పైపును పట్టుకున్న మరుక్షణమే కరెంటు షాక్‌తో మృతిచెందారు. మృతునికి భార్య, కుమార్తె, కుమారుడు ఉన్నారు. మృతదేహాన్ని శవపంచనామా నిమిత్తం పీలేరు ప్రభుత్వాసుపత్రికి తరలించారు.  ఏఎస్‌ఐ రామకృష్ణ కేసు నమోదు చేసి దర్యాప్తు చేస్తున్నారు. కుటుంబానికి ఆధారమైన వ్యక్తి మరణించడంతో రెడ్డెప్ప కుటుంబం వీధినపడింది. ఐదు నిమిషాల్లో మృత్యు ఒడిలోకి..! కదిరాయచెర్వు గ్రామానికి ఉదయం 10.30 గంటలకు త్రీఫేజ్‌ విద్యుత్‌ సరఫరా నిలిపి వేస్తారు.అయితే మృతుడు రెడ్డెప్ప నీళ్లు ఆగిపోతాయనే తొందరలో 10.25 గంటలకు పరుగున వెళ్లి నీటికోసం మోటార్‌ పైపును పట్టుకోవడంతో షాక్‌ కొట్టింది. దీనిమూలాన అతడు చనిపోయాడు. మరుక్షణమే విద్యుత్‌ సరఫరా నిలిచిపోయింది. అవే మృతునికి చివరి క్షణాలయ్యాయి.

తంగళ్లపల్లి(సిరిసిల్ల) : విద్యుత్‌షాక్‌కు గురైన వ్యక్తిని కుటుంబసభ్యులు ఆస్పత్రికి తీసుకెళ్లారు.అప్పటికే చనిపోయాడని వైద్యులు మార్చురీకి తరలించారు. బంధువుల్లో ఒకరు చూసేందుకు వెళ్లి మృతదేహానికి చెమటలు వస్తున్నాయని కుటుంబసభ్యులుకు తెలిపాడు. వెంటనే కరీంనగర్‌ తరలించగా.. ఎప్పుడో చనిపోయాడని ధ్రువీకరించడంతో నిరాశతో వెనుదిరిగారు. వివరాల్లోకెళితే.. రాజన్న సిరిసిల్ల జిల్లా తంగళ్లపల్లి మండలం పద్మనగర్‌కు చెందిన సిరిసిల్ల చంద్రమౌళి (42) నేతకార్మికుడు.బుధవారం ఉదయం 5.30 గంటలకు కార్ఖానాకు వెళ్లిన చంద్రమౌళి సాంచాల మరమతుకు పూనుకున్నాడు. ఈక్రమంలో విద్యుదాఘాతానికి గురయ్యాడు. కుటుంబసభ్యులు జిల్లాకేంద్రంలోని ఏరియా ఆస్పత్రికి తరలించారు. పరీక్షించిన వైద్యులు చంద్రమౌళి చనిపోయినట్లు నిర్ధారించి మృతదేహన్ని మార్చరీకి తరలించారు. ఉదయం 9.30గంటలకు బంధువు ఒకరు వచ్చి మార్చరీలోని చంద్రమౌళి మృతదేహాన్ని చూశాడు. శరీరంలో నుంచి చమటలు వస్తున్నాయని, అతడు బతికే ఉన్నాడని సందేహం వెలిబుచ్చాడు.మృతి చెందాడని వైద్యులు చెబుతున్నా వినకుండా వెంటనే కరీంనగర్‌ తీసుకెళ్లారు. అక్కడి వైద్యులు చంద్రమౌళి శరీరాన్ని పరీక్షించి చాలాసేపటి క్రితమే చనిపోయాడని నిర్ధారించారు. దీంతో కుటుంబసభ్యులు ఆ శవంతో వెనుదిరిగారు. అయితే, చనిపోయిన వ్యక్తి మళ్లీ బతికాడంటూ సామాజిక మాధ్యమాల్లో వైరల్‌గా మారింది.

ధారూరు: పెళ్లిరోజే రైతు దంపతులు విద్యుదాఘాతానికి బలయ్యారు.  వేలాడుతున్న విద్యుత్‌ తీగలు తగిలి భార్యాభర్తలు మృత్యువాత పడిన విషాదకర సంఘటన ధారూరు మండలంలోని కొండాపూర్‌ఖుర్దు గ్రామంలో చోటుచేసుకుంది. పోలీసుల వివరాల ప్రకారం.. గ్రామానికి చెందిన అల్లాడ సుధాకర్‌రెడ్డి (40), తన భార్య ఇందుమతి (36), ఇద్దరు పిల్లలతో కలిసి జీవిస్తున్నాడు. తనకున్న మూడెకరాల పొలంలో సుధాకర్‌రెడ్డి వ్యవసాయం చేస్తూ జీవనం సాగిస్తున్నాడు. చేమంతి పూలు, గోరుచిక్కుడు పంట సాగుచేశాడు. అయితే ఆదివారం ఉదయం సుధాకర్‌రెడ్డి, తన భార్యతో కలిసి చేమంతి తోటకు క్రిమిసంహారక మందు పిచికారీ చేసేందుకు వెళ్లాడు. నీళ్లు తీసుకురావడానికి వెళ్లిన భార్య ఇందుమతి పొలంలో వేలాడుతున్న విద్యుత్‌ తీగలను తాకడంతో షాక్‌ తగలింది. వేలాడుతున్న విద్యుత్‌ తీగలు తగిలి ఆమె అరుస్తూ నేలకొరిగింది. భార్య అరుపుతో భర్త సుధాకర్‌రెడ్డి కంగారుతో వెంటనే పరుగుతీశాడు. ఆమెను పైకి లేపేందుకు ప్రయత్నిస్తున్న క్రమంలో ఆయన కూడా విద్యుదాఘాతానికి గురయి అక్కడికక్కడే మృతిచెందాడు. ఈ సంఘటనను చూసిన సమీపంలోని రైతులు కుటుంబసభ్యులకు సమాచారం ఇచ్చారు. సీఐ దాసు, ఏఎస్‌పీ భాస్కర్, డీఎస్‌పీ శిరీష తదితరులు ఘటనా స్థలాన్ని పరిశీలించారు. పోలీసులు కేసు నమోదు చేసి దర్యాప్తు చేస్తున్నారు. తల్లిదండ్రుల మృతితో ఇద్దరు బాలికలు అనాథలయ్యారు. అయితే పెళ్లిరోజే ఇద్దరు మృత్యువాతపడడంతో కుటుంబసభ్యులు కన్నీరుమున్నీరయ్యారు. వేలాడే తీగలే ప్రాణం తీశాయి. పొలం మధ్యలో రెండేళ్ల కిందట వేసిన విద్యుత్‌ తీగలే ఈ ప్రమాదానికి కారణమైంది. మనిషి ఎత్తులో ఉన్న ఈ తీగలకు విద్యుత్‌ సరఫరా లేదు. వ్యవసాయ కనెక్షన్‌ నుంచి విద్యుత్‌ సరఫరాను తీసేశారు. ఆ జంపర్‌ వైర్లను ఒకే స్తంభానికి పైన ఉన్న ఎల్‌టీ లైన్‌ వద్ద స్తంభానికి చుట్టి వదిలిపెట్టారు. అయితే శనివారం సాయంత్రం గాలిదుమారానికి జంపర్‌ తీగ ఒకటి స్తంభం నుంచి విడిపోయి సరఫరా లేని లైన్‌ తీగపై పడింది. దీంతో ఆ విద్యుత్‌ తీగలకు విద్యుత్‌ సరఫరా అయ్యింది. ఎప్పటిలాగానే ఆ తీగకు విద్యుత్‌ సరఫరా లేదని భావించి వెళ్లిన ఆ దంపతులు విద్యుదాఘాతానికి గురై దుర్మరణం పాలయ్యారు. రైతుల ఆందోళన మృతదేహాలను పోస్టుమార్టం నిమిత్తం వికారాబాద్‌ ప్రభుత్వ ఆస్పత్రికి తరలిస్తుండగా రైతులు అడ్డుకున్నారు. విద్యుత్‌ అధికారుల నిర్లక్ష్యంతో నిండు ప్రాణాలు బలయ్యాయని.. న్యాయం చేసేంత వరకు తరలించడానికి వీల్లేదని కుటుంబసభ్యులతో పాటు రైతులు ఆందోళన చేవారు. దీంతో ఏఎస్‌పీ భాస్కర్, డీఎస్పీ శిరీష, విద్యుత్‌ ఏడీఈ రాంచందర్‌ హుటాహుటిన వచ్చారు. రూ.10 లక్షల పరిహారం మూడు నెలల్లో వచ్చేలా చూస్తామని చెప్పి లిఖితపూర్వకంగా హామీ ఇచ్చారు. దీంతో రైతులు శాంతించారు. ప్రమాదానికి కారణం ఈ స్తంభమే..విద్యుత్‌ తీగలను పరిశీలిస్తున్న ఎమ్మెల్యే అధికారుల నిర్లక్ష్యమే కారణం? ఈ ఘటనకు విద్యుత్‌ శాఖ నిర్లక్ష్యమేనని రైతులు ఆరోపిస్తున్నారు. అధికారుల తప్పిదమే దంప తుల ప్రాణాలు బలయ్యాయని వాపోతున్నారు. చేతికందే ఎత్తులో ఉన్న విద్యుత్‌ తీగలు వారిని బలి తీసుకున్నాయి. ఈ ఘటనకు కారణమైన వారిని శిక్షించాలని రైతులు, కుటుంబసభ్యులు ఆందోళన చేపట్టారు. వారి ఆందోళనతో ఆ కుటుంబానికి రూ.10 లక్షల నష్ట పరిహారం అధికారులు ప్రకటించి రాతపూర్వకంగా హామీ ఇచ్చారు.  రైతుబీమాకు కుటుంబం దూరం గ్రామానికి చెందిన నారాయణరెడ్డికి ఇద్దరు కుమారులు సుధాకర్‌రెడ్డి, రాఘవేందర్‌రెడ్డి. తనకున్న 8 ఎకరాల్లో ఇద్దరు కుమారులకు మూడెకరాల చొప్పున పొలం కేటాయించారు. అయితే కుమారుల పేరుపై పట్టామార్పు చేయలేకపోయారు. పొలం మొత్తం తండ్రి పేరునే ఉండడంతో సుధాకర్‌రెడ్డికి రైతు బీమా పథకం వర్తించదు. రైతు దంపతులు మృతి చెందడం, కూతుళ్లు అనాథలవడంతో వారికి ఎలాగైనా ప్రభుత్వం సహాయం చేయాలని గ్రామస్తులు, రైతులు కోరుతున్నారు.  ఎమ్మెల్యే పరామర్శ.. విద్యుదాఘాతంతో మృతిచెందిన దంపతుల కుటుంబసభ్యులను వికారాబాద్‌ ఎమ్మెల్యే డాక్టర్‌ మెతుకు ఆనంద్‌ పరామర్శించారు. ఘటనా స్థలం పొలం వద్దకు వెళ్లి వివరాలు తెలుసుకున్నారు. అనాథలైన చిన్నారులను అక్కున చేర్చుకుంటానని ప్రకటించారు. ఇద్దరిని తాను చదివిస్తానని హామీ ఇచ్చారు. 

తాడేపల్లిరూరల్‌(మంగళగిరి): ‘ఎల్లప్పుడూ మీ వెంటే’ అంటూ ఎన్నికల ప్రచారంలో ఊదరగొడుతున్న నారా లోకేశ్‌ మాటలు నీటిమీద రాతల్లా మారాయని టీడీపీ నేతలు ఆవేదన వ్యక్తం చేస్తున్నారు.  వివరాల్లోకి వెళితే..మంత్రి నారా లోకేశ్‌ దుగ్గిరాల మండలం చిలువూరు గ్రామంలో పర్యటిస్తుండగా, అదే గ్రామంలో నివాసం ఉండే సయ్యద్‌ మస్తాన్, రేష్మా దంపతుల పెద్ద కొడుకైన జహీర్‌బాషాకు టీడీపీ నాయకులు ఐరన్‌ పైప్‌ తొడిగి ఉన్న  జెండా ఇచ్చి, అది పట్టుకుని వారి కాన్వాయ్‌ వెంటే రావాలని సూచించారు. ఆ బాలుడు ఆ జెండా పైప్‌ తీసుకుని లోకేశ్‌ పర్యటన వెంట వెళ్తుండగా, విద్యుత్‌ స్తంభంపై ఉన్న కరెంటు తీగలకు జెండా రాడ్‌  తగిలింది. దాంతో కరెంటు షాక్‌ కొట్టి ఆ బాలుడు కిందపడి గిలగిలా కొట్టుకున్నాడు. అయినప్పటికీ నారా లోకేశ్‌ కిందపడిన ఆ బాలుడిని చూసుకుంటూ ముందుకు వెళ్లిపోయారు తప్ప, కనీసం కిందకు దిగి ఏం జరిగిందని కూడా తెలుసుకోలేదు. అలాగే శుక్రవారం రాత్రి గౌడ సంఘం నాయకులు తమ వీధిలోకి ఎందుకు రాలేదని ప్రశ్నించడంతో వారిపై అక్కడ ఉన్న  నారా లోకేశ్‌ సామాజిక వర్గానికి చెందిన సీబీఎన్‌ సేన దాడికి పాల్పడింది. లోకేశ్‌ కనీసం వారిని వారించలేదు. ఓ మైనార్టీ కుటుంబంలోని బాలుడికి కరెంటు షాక్‌ కొడితే పట్టించుకోలేదని, గౌడ వర్గీయులపై విచక్షణారహితంగా దాడి చేసినా పట్టించుకోకపోవడం ఏమిటంటూ అక్కడి వారు ప్రశ్నించారు. ప్రాణాలు పోయినా అంతేనా అంటూ టీడీపీ నేతలే లోకేశ్‌పై విమర్శనాస్త్రాలు సంధించారు.

సాక్షి, నల్లగొండ : మహాశివరాత్రి వేడుకల్లో పాల్గొన్న మునుగోడు ఎమ్మెల్యే కోమటిరెడ్డి రాజగోపాల్‌ దంపతులకు తృటిలో విద్యుత్‌ ప్రమాదం తప్పిం ది. శాలిగౌరారం మండలం చిత్తలూరుగ్రామంలోని సాంభవి శంభులింగేశ్వర దేవాలయంలో మహాశివరాత్రి సందర్భంగా సోమవారం రాత్రి కల్యాణోత్సవం నిర్వహించారు. ఉత్సవానికి మునుగోడు ఎమ్మెల్యే కోమటిరెడ్డి రాజగోపాల్‌రెడ్డి సతీసమేతంగా హాజరయ్యారు. కల్యాణం ముగిసిన తర్వాత ఎమ్మెల్యేకు వేదికపై సన్మానం చేశారు. ఈ క్రమంలో ఉత్సవాలకు ఏర్పాటు చేసిన లైటింగ్‌ విద్యుత్‌ వైరు తేలి ఉంది. దానిపై ఓభక్తురాలు కాలు వేయడంతో షాక్‌కు గురై కోమటిరెడ్డి రాజగోపాల్‌రెడ్డి, ఆయన సతీమణి లక్ష్మిపై పడింది. దీంతో వీరిద్దరికి కూడా షాక్‌ కొట్టి కిందపడ్డారు. పది నిమిషాల తర్వాత తేరుకున్నారు. ఎటువంటి గాయాలు కాకపోవడంతో అందరూ ఊపిరిపీల్చుకున్నారు.  

సాక్షి, నడిగూడెం (కోదాడ) : అధికారులు నిర్లక్ష్యం ఆ విద్యార్థిని ప్రాణాలకు ముప్పుతెచ్చింది. సంబంధిత అధికారులు తమకెందుకులే అనుకోవడంతో ఇప్పుడు ఓ తల్లికి కడుపుకోత మిగిల్చేలా ఉంది. కష్టపడి చదువుకుని ఉన్నత శిఖరాలకు ఎదగాలని ఎన్నో ఆశలతో ఆ పాఠశాలలో చేరింది. తోటి విద్యార్థులతో నిత్యం ఆటలు ఆడుతూ, పాటలు పాడుతూ గడిపింది. కానీ విధి విద్యుత్‌ తీగల రూపంలో ఆ పసిపాప ప్రాణం ఇప్పుడు విలవిలతాడుతోంది. రెక్కాడితే గానీ డొక్కాడని కుటుంబం వారిది. కూలీ, నాలీ పనులు చేస్తూ కుటుంబాన్ని సాకుతున్నారు ఆ తల్లిదండ్రులు, మునగాల మండలం ముకుందాపురం గ్రామానికి చెందిన దగ్గుపాటి యేసు, నాగమణిల చిన్న కూతురు కీర్తన. తండ్రి యేసు మూగ. తల్లి నాగమణి కూలినాలి పనులు చేసుకుంటున్నది. ఈ చిన్నారి నడిగూడెం సాంఘిక సంక్షేమ బాలికల గురుకుల పాఠశాలలో ఆరో తరగతి చదువుతోంది. ఈ విద్యార్థిని చదువుతోపాటు, ఆటల్లో కూడా చురుగ్గా పాల్గొనేది.  రెండు చేతులు తొలగించారు కీర్తన విద్యుత్‌ఘాతానికి గురై శరీరం తల భాగం తప్ప పూర్తిగా దెబ్బతింది. దీంతో గత నెల 26న ఎడమ చేతిని తొలగించారు. గత నెల 28న కుడిచేయిని కూడా తొలగించారు. విద్యుత్‌ ఘాతంతో శరీరం కుళ్లిపోయింది. ఈ పరిస్థితుల్లో ఆ చిన్నారిని చూసిన వైద్యసిబ్బంది, వైద్యులు, బందువులు కన్నీరు పెట్టుకున్నారు. మాటలు రాని తండ్రి యేసు మౌనంగానే రోదిస్తున్నాడు. కన్న తల్లి నాగమణి జీవశ్ఛవాన్ని తలపిస్తోంది. ప్రస్తుతం కీర్తన చూడడం, మాట్లాడడం చేస్తుంది కానీ అవయవాల్లో కదలికలు లేవు. కీర్తన ఆరోగ్యం కుదుట పడేంత వరకు పూర్తిగా గురుకుల విద్యాలయం సంస్థ ఆధ్వర్యంలోనే చికిత్స చేయిస్తున్నారు. కీర్తన కోలుకునేందుకు దాదాపు రూ.24 లక్షలు ఖర్చు అవుతుందని, ఆస్పత్రి వర్గాలు తెలిపాయి. ఇప్పటి వరకు రూ.13 లక్షలు ఖర్చు అయ్యింది. పాఠశాల నుంచి ఇద్దరు ఉపాద్యాయులు, ప్రిన్స్‌పాల్‌ భిక్షమయ్య చికిత్సను పర్యవేక్షిస్తున్నారు. సీఎం సహాయ నిధి నుంచి ఆర్థిక సహాయం మంజురూ చేసేందుకు, స్థానిక శాసన సభ సభ్యుల ద్వారా దరఖాస్తు కూడా చేశారు. విద్యార్థిని పూర్తి స్థాయిలో కోలుకునేందుకు చికిత్స జరిపిస్తామని కోదాడ ఎమ్యెల్యే మల్లయ్య యాదవ్‌ హామీనిచ్చినట్లు ప్రిన్స్‌పాల్‌ ఎ.భిక్షమయ్య తెలిపారు. విద్యార్థిని ఆరోగ్యం పూర్తిగా కుదుటపడేంత వరకు గురుకుల సంస్థ అధికారులు పర్యవేక్షిస్తున్నారు. విద్యుత్‌ఘాతానికి గురై చికిత్స పొందుతున్న కీర్తన త్వరగా కోలుకోవాలని అనేక మంది విద్యార్థులు, కుటుంబ సభ్యులు ప్రార్థిస్తున్నారు.  విషమంగా కీర్తన పరిస్థితి ఈ నెల 16న కీర్తన తన స్నేహితులతో గురుకుల పాఠశాలలోని క్రీడా ప్రాంగణంలో ఆటలు ఆడుతుండగా  ప్రాంగణంలో లభించిన అల్యూమినియ రాడ్‌తో సాధన చేసింది. ఈ క్రమంలో పాఠశాల ప్రాంగణం మీదుగా 33బై కేవీ విద్యుత్‌ తీగలు తక్కువ ఎత్తులో ఉండడం.. ప్రమాదశాత్తు కీర్తన ఆడుకుంటున్న అల్యూమినియం రాడ్‌ విద్యుత్‌ తీగలకు తగలడంతో విద్యుత్‌ ఘాతానికి గురైంది. తీవ్ర గాయాల పాలవ్వడంతో అదే రోజున 108 వాహనంలో కోదాడకు తరలించారు. అక్కడినుంచి ఖమ్మం తరలించారు. అక్కడ కూడా పరిస్థితి విషమంగా ఉండడంతో హైదరాబాద్‌కు తీసుకెళ్లారు.  ప్రస్తుతం హైదరాబాద్‌లోని అపోలో ఆస్పత్రిలో చికిత్స చేయిస్తున్నారు.