గుండుగొలను వద్ద వాహనాల నిలిపివేత

భీమడోలు : జాతీయ, రాషీ్ట్రయ రహదారి జంక్షన్‌ గుండుగొలను  వద్ద వాహనాల రాకపోకలను పోలీసులు నిలిపివేశారు. కృష్ణా పుష్కరాల్లో భాగంగా ఆదివారం సెలవురోజు కావడంతో విజయవాడ వైపుగా వేల సంఖ్యలో వాహనాలు తరలివెళ్లాయి. దీంతో హనుమాన్‌ జంక్షన్‌ వద్ద ట్రాఫిక్‌కు అంతరాయం ఏర్పడింది. ఈ నేపథ్యంలో పోలీసులు ఉన్నతాధికారుల ఆదేశాల మేరకు గుండుగొలను నుంచి విజయవాడ వైపుగా వెళ్లే భారీ వాహనాలు, లారీలను ఉదయం 6 గంటల నుంచి మధ్యాహ్నం వరకు నిలిపివేశారు. దీంతో కిలోమీటర్ల మేర వాహనాలు నిలిచిపోయాయి. దీంతో ప్రయాణికులు నానా ఇబ్బందులు పడ్డారు. ఆ తర్వాత ట్రాఫిక్‌ను నారాయణపురం మీదుగా మళ్లించారు.