కృష్ణా పుష్కర కవితోత్సవం 18న

డాబాగార్డెన్స్‌: రాష్ట్ర భాషా సాంస్కతిక శాఖ, తెలుగు రక్షణ వేదిక ఆధ్వర్యంలో  కృష్ణా పుష్కర కవితోత్సవం, కవి సమ్మేళనం, కృష్ణా పుష్కర పురస్కార ప్రదాన కార్యక్రమం ఈ నెల 18న నిర్వహించనున్నట్టు అమరావతి విశ్వసాహితి అధ్యక్షుడు కవి ప్రనాలే తెలిపారు. వీజేఎఫ్‌ ప్రెస్‌క్లబ్‌లో మంగళవారం విలేకరుల సమావేశంలో ఆయన మాట్లాడారు. జిల్లా పరిషత్‌ సమావేశ మందిరంలో ఆ రోజు మధ్యాహ్నం 2 గంటలకు శతాధిక కవి సమ్మేళనం, కృష్ణా పుష్కర పురస్కార ప్రదానం, కృష్ణాపుష్కర కవితోత్సవం నిర్వహించనున్నట్టు చెప్పారు. ఈ కార్యక్రమానికి అధికార భాషా సంఘం అధ్యక్షుడు, స్థానిక ఎమ్మెల్యేలు, జిల్లా పరిషత్‌ చైర్మన్‌ లాలం భవానీ పలువురు ప్రముఖులు పాల్గొని కవులను సత్కరించనున్నారని తెలిపారు. ఔత్సాహికులైన కవులు, రచయితలు, వివిధ సాహితీ సంస్థలు వారి పేర్లను ముందుగా నమోదు చేసుకోవాలని కోరారు. ఈ నెల 18 మధ్యాహ్నం 12 గంటల్లోపు పేర్లు నమోదు చేసుకోవాలన్నారు. మరిన్ని వివరాలకు 9885354867, 9441662716 నంబర్లలో సంప్రదించవచ్చు. ఈ సమావేశంలో కొల్లూరి కృష్ణ పాల్గొన్నారు.