అణు ప్లాంట్లను వ్యతిరేకించాలి

సమాజానికి పొంచి ఉన్న ముప్పును అరికట్టాలంటే ప్రమాదకరమైన అణు ప్లాంట్లను ప్రజలు వ్యతిరేకించాలని ఎమ్మెల్సీ విఠపు బాలసుబ్రహ్మణ్యం విజ్ఞప్తి చేశారు. జనవిజ్ఞానవేదిక నగర  కమిటీ ఆధ్వర్యంలో స్థానిక బాలాజీనగర్‌లోని ఆదిత్య డిగ్రీ కళాశాలలో మంగళవారం హిరోషిమా.. నాగసాకి డే కార్యక్రమం జరిగింది. ఈ సందర్భంగా ఆయన మాట్లాడుతూ అణుధార్మిక విస్పోటనం వల్ల కలిగే నష్టాలను వివరించారు.  జనవిజ్ఞానవేదిక ఆరోగ్య సబ్‌కమిటీ జిల్లా  కన్వీనర్‌ డాక్టర్‌ శ్రీనునాయక్‌ పవర్‌పాయింట్‌ ప్రజెంటేషన్‌ ద్వారా అణుధార్మికత వల్ల కలిగే నష్టాలను వివరించారు. కార్యక్రమంలో ఆ వేదిక నగర అధ్యక్ష, కార్యదర్శులు విద్యాచరణ్, మాదాల రాము, కోశాధికారి మోహన్‌రెడ్డి, నాయకులు విజయకుమార్, విజయ, ఆదిత్య కళాశాల కరస్పాండెంట్‌ ఆచార్య ఆదిత్య పాల్గొన్నారు.