TV
చెట్టును ఢీకొన్న బస్సు: 10 మందికి గాయాలు
కడప : వైఎస్ఆర్ జిల్లా చినమండెం సమీపంలో శనివారం జరిగిన రోడ్డు ప్రమాదంలో పది మంది గాయపడ్డారు. బెంగళూరు నుంచి కడప వస్తున్న బస్సు చినమండెం సమీపంలో అదుపుతప్పి రోడ్డు పక్కన చెట్టును ఢీకొట్టింది. ఈ ఘటనలో బస్సులో ప్రయాణిస్తున్న 10 మంది ప్రయాణికులు తీవ్రంగా గాయపడ్డారు. అదే రహదారిపై వెళ్తున్న వాహనదారులు వెంటనే స్పందించి... పోలీసులకు సమాచారం అందించారు. పోలీసులు ఘటన స్థలానికి చేరుకుని.. క్షతగాత్రులను రాయచోటి ప్రభుత్వాసుపత్రికి తరలించారు. ఈ ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.
