TV
యాదాద్రిలో విశేష పూజలు
యాదగిరికొండ : యాదగిరిగుట్ట శ్రీలక్ష్మీనరసింహాస్వామి దేవస్థానంలో గురువారం ఆలయంలో సువర్ణ పుష్పార్చన, నిత్యకల్యాణం, అభిషేకం వంటి విశేష పూజలను అర్చకులు నిర్వహించారు.
యాదగిరికొండ : యాదగిరిగుట్ట శ్రీలక్ష్మీనరసింహాస్వామి దేవస్థానంలో గురువారం ఆలయంలో సువర్ణ పుష్పార్చన, నిత్యకల్యాణం, అభిషేకం వంటి విశేష పూజలను అర్చకులు నిర్వహించారు. ఈ సందర్భంగా అర్చకులు ఉదయం స్వామి అమ్మవార్లకు పంచామృతాలతో అభిషేకం చేసి పట్టు వస్త్రాలను ధరింపజేశారు. ప్రత్యేక మండపంలో స్వామి అమ్మవార్లను అధిష్టింపచేసి నిత్యారాధనలను నిర్వహించారు. శివాలయంలో కోడే మొక్కులను తీర్చుకున్నారు. సాయంకాలం స్వామి అమ్మవార్లకు జోడు సేవలను నిర్వహించారు. ఈ కార్యక్రమంలో ప్రధానార్చకుడు నల్లందీగళ్‌ లక్ష్మీనరసింహాచార్యులు, సురేంద్రాచార్యులు, చింతపట్ల రంగాచార్యులు, కాండూరి వెంకటాచార్యులు, ఆలయ అధికారులు జూషెట్టి కృష్ణ, నరేందర్, వేముల వెంకటేశ్‌ పాల్గొన్నారు.
