TV
చాన్నాళ్లయింది
నిన్ను చూసి
నువ్వలా
ఎదురుచూస్తూనే వున్నావా
గాలి వీచినప్పుడల్లా
నవ్వుతూనే వున్నావా
నీ సమాధి మీద
మొలిచిన మొక్కకు కాసిన
పూల కళ్లలో నుంచి
కలలు కనే
నేలనిద్రలో నుంచి
లేతాకు పచ్చలో నుంచి
∙∙
నాటుకున్నాను కదా
పగిలిన
నా ప్రాణవిత్తువి
తలకిందులుగా
తలపులు కలుస్తాయిగా
మట్టితీగల ఆత్మల్లో
నీ చింతనా చితాభస్మం
రాసుకొని
సాగుతానిక
సమాధి ముందర
తడిచిన గడ్డి అంచున నిలిచిన
లోకాన
- పి.శ్రీనివాస్ గౌడ్
Comments
Please login to add a commentAdd a comment