ఈ పాటకు ట్యూన్ తెలుసా?

ఈ పాటకు ట్యూన్ తెలుసా?

పల్లవి :

 అతడు: పంటచేలో పాలకంకి నవ్విందీ
 పల్లకీలో పిల్ల ఎంకి నవ్విందీ
 పూత రెల్లు చేలు దాటే ఎన్నెల్లా
 లేతపచ్చ కోనసీమ ఎండల్లా
 అమ్మాడి నవ్వవే గుమ్మాడి నవ్వవే
 గుమ్మాడి పువ్వులాగ అమ్మాడి నవ్వవే
 ॥॥

 చరణం : 1

 ఆమె: శివ గంగ తిరనాళ్లలో
   నెలవంక స్నానాలు చెయ్యాలా
 చిలకమ్మ పిడికిళ్లతో
   గొరవంక గుడిగంట కొట్టాలా
 అ: నువ్వు కంటి సైగ చెయ్యాలా
 నే కొండ పిండి కొట్టాలా
 మల్లి నవ్వే మల్లెపువ్వు కావాలా    (2)
 ఆ నవ్వుకే  ఈ నాపచేను పండాలా
 ॥॥

 చరణం : 2

 ఆ: గోదారి పరవళ్లలో
   మా పైరు బంగారు పండాలా
 ఈ కుప్ప నూర్పిళ్లతో మా ఇళ్లు వాకిళ్లు నిండాలా
 అ: నీ మాట బాట కావాలా
   నా పాట ఊరు దాటాలా
 మల్లిచూపే పొద్దుపొడుపై పోవాలా     (2)
 ఆ పొద్దులో మా పల్లె నిద్దర లేవాలా
 ॥॥
 
 చిత్రం : పదహారేళ్ళ వయసు (1978)
 రచన : వేటూరి
 సంగీతం : చక్రవర్తి
 గానం : ఎస్.పి.బాలు, ఎస్.జానకి