TV
రోహిత్ కుటుంబానికి రూ.8లక్షల ఆర్థిక సాయం
హైదరాబాద్ : ఆత్మహత్య చేసుకున్న పీహెచ్డీ విద్యార్థి వేముల రోహిత్ కుటుంబానికి హైదరాబాద్ సెంట్రల్ యూనివర్సిటీ శుక్రవారం రూ.8లక్షల ఆర్థిక సాయం ప్రకటించింది. మరోవైపు కేంద్ర ప్రభుత్వం కూడా రోహిత్ ఆత్మహత్య, వర్సిటీలోని పరిణామాలు తదితర అంశాలపై న్యాయ విచారణకు ఆదేశించిన విషయం తెలిసిందే. రోహిత్ మృతికి దారి తీసిన పరిస్థితులు, యూనివర్సిటీలోని పరిణామాలపై విచారణకు ఆదేశిస్తున్నట్లు కేంద్ర మానవ వనరుల మంత్రిత్వశాఖ మంత్రి స్మృతీ ఇరానీ ఇవాళ ప్రకటించారు. ఈ అంశంపై జ్యుడిషియల్ కమిటీ విచారణ జరిపి మూడు నెలల్లో నివేదిక సమర్పించనుంది.
