TV
ప్రస్తుత పార్లమెంట్ సమావేశాల్లోనే వికలాంగుల హక్కుల బిల్లును ప్రవేశపెట్టాలని కేంద్రాన్ని అఖిల భారత వికలాంగుల హక్కుల వేదిక అధ్యక్షుడు కొల్లి నాగేశ్వరరావు డిమాండ్ చేశారు.
అఖిల భారత వికలాంగుల హక్కుల వేదిక డిమాండ్
సాక్షి, హైదరాబాద్: ప్రస్తుత పార్లమెంట్ సమావేశాల్లోనే వికలాంగుల హక్కుల బిల్లును ప్రవేశపెట్టాలని కేంద్రాన్ని అఖిల భారత వికలాంగుల హక్కుల వేదిక అధ్యక్షుడు కొల్లి నాగేశ్వరరావు డిమాండ్ చేశారు. వికలాంగుల రిజర్వేషన్లను 3 నుంచి 10 శాతానికి పెంచాలని, అర్హులైన వికలాంగులకు స్వయం ఉపాధి, 10% రాజకీయ రిజర్వేషన్లను కల్పించాలని, ప్రతి వికలాంగుడికి గుర్తింపు కార్డు ఇవ్వాలని కోరారు. బుధవారం వేదిక ముఖ్య కార్యకర్తల సమావేశంలో ఆయన మాట్లాడుతూ నిరుపేదల్లో ఎక్కువ మంది వికలాంగులు ఉన్నందున వారికి 3 ఎకరాల భూమి, వారు ఉండేందుకు అనుకూలంగా ఇల్లును నిర్మించి ఇవ్వాలన్నారు.
