పాక్‌కు తప్పదు గుణపాఠం

పాక్‌కు తప్పదు గుణపాఠం

అబిడ్స్‌: ఉగ్రవాదులను పెంచిపోషిస్తున్న పాకిస్థాన్‌కు తుది ఘడియలు సమీపిస్తున్నాయని ఎమ్మెల్యే రాజాసింగ్‌ లోధా పేర్కొన్నారు. కాశ్మీర్‌లో భారత్‌ జవాన్లపై జరిపిన దాడిని నిరసిప్తూ పురానాపూల్‌ చౌరస్తాలో ఎమ్మెల్యే రాజాసింగ్‌ లోథా ఆధ్వర్యంలో పాకిస్తాన్‌ ప్రధానమంత్రి నవాబ్‌ షరీఫ్‌ దిష్టిబొమ్మను తగలపెట్టారు. ఈ సందర్భంగా పాకిస్థాన్‌కు వ్యతిరేకంగా నినాదాలు చేశారు. కార్యక్రమంలో పలువురు బీజేపీ నాయకులు పాల్గొన్నారు.

ఉగ్రదాడిని ఖండిస్తూ...
సాక్షి, సిటీబ్యూరో: కాశ్మీర్‌లో ఆర్మీ జవాన్‌లపై పాకిస్థాన్‌ ప్రేరేపిత ఉగ్రవాదులు చేసిన దాడిని ఖండిస్తూ కాంగ్రెస్‌ పార్టీ ఆధ్వర్యంలో సోమవారం దిష్టిబొమ్మను దహనం చేశారు. సికింద్రాబాద్‌లో జరిగిన ఈ కార్యక్రమంలో మాజీ మంత్రులు సబితా ఇంద్రారెడ్డి, ప్రసాద్‌కుమార్, మాజీ ఎంఎల్‌ఏలు దేవిరెడ్డి సుధీర్‌రెడ్డి, కూన శ్రీశైలంగౌడ్, భిక్షపతియాదవ్, ఉప్పల్‌ నియోజకవర్గ ఇన్‌చార్జీ బండారి లక్ష్మారెడ్డి తదితరులు పాల్గొన్నారు.