TV
హైకోర్టు ఉత్తర్వులపై సోమవారం సభ నిర్ణయం
ఏపీ అసెంబ్లీ తీసుకున్న నిర్ణయంపై హైకోర్టు మధ్యంతర ఉత్తర్వులు జారీచేసిందని రాష్ట్ర ఆర్థికమంత్రి యనమల రామకృష్ణుడు సభలో పేర్కొన్నారు. హైకోర్టు ఉత్తర్వులపై సోమవారం సభ ఆ అంశంపై నిర్ణయం తీసుకుంటుందని యనమల తెలిపారు. సభ తీసుకున్న నిర్ణయంపై మళ్లీ సభే నిర్ణయం తీసుకోవాలని స్పీకర్ నిర్ణయించడం హర్షణీయమని చెప్పారు.
సభ ఆమోదం తెలిపిన తర్వాతే ఎమ్మెల్యే ఆర్కే రోజాను సస్పెండ్ చేశామన్నారు. మాకు ఎవరి మీదా కోపం లేదు, ఎవరినీ ఇబ్బంది పెట్టాలనీ లేదని ఆయన వ్యాఖ్యానించారు. కోర్టు ఆదేశాలను దిక్కరించాలనే ఆలోచన తమకు లేదన్నారు. అసెంబ్లీలో విపక్షం లేకపోవడం బాధాకరమని మంత్రి యనమల చెప్పుకొచ్చారు.
