లిఫ్ట్లో నెల రోజుల తర్వాత శవమై..

లిఫ్ట్లో నెల రోజుల తర్వాత శవమై..

బీజింగ్: చైనాలో దారుణం చోటుచేసుకుంది. ఓ అపార్ట్మెంట్ మేనేజ్మెంట్ నిర్లక్ష్యం ఒక మహిళ ప్రాణాలు తీసింది. లిఫ్ట్లో ఇరుక్కున్న విషయం సిబ్బంది గుర్తించకపోవడంతో నెల రోజుల తర్వాత ఆమె శవమై తేలింది. జియాన్ నగరంలో జనవరి 30న ఓ మహిళ లిఫ్ట్ ఎక్కింది. అది సరిగ్గా 10 నుంచి 11 అంతస్థుల మధ్యలోకి రాగానే ఆగిపోయింది.

ఆ సమయంలో దానిని తనిఖీ చేయకుండానే మెయింటెన్స్ సిబ్బంది పవర్ ఆపేశారు. అనంతరం వారం రోజులపాటు న్యూఇయర్ వేడుకలకోసం వెళ్లిన వారు తిరిగి మార్చి 1వరకు ఆ లిప్ట్ జోలికి వెళ్లలేదు. దీంతో ఆమె అందులో ప్రాణాలు విడిచింది. లిఫ్ట్ ఓపెన్ చేసి చూడగా ఈ విషయం వెలుగుచూసింది. దీనిపై అధికారులు దర్యాప్తు చేస్తున్నారు.